پاکستان ڈارمہ انڈسٹری کا نامور اداکارہ جویریہ عباسی کا کہنا ہےکہ جب کسی شادی شدہ جوڑے کے درمیان طلاق ہوجائے تو یہ سمجھنا غلط ہے کہ دونوں میں سے کوئی غلط ہوگا، تب ہی ان کے درمیان طلاق ہوئی۔

باغی ٹی وی : جویریہ عباسی نے ندا یاسر کے شو،شان سحور، میں بات کرتے ہوئے کہا کہ آج کل کے دور میں خاتون کمزور نہیں ہے اور اب عورتوں کو بھی سمجھنا چاہیے کہ اگر ان کے سر پر مرد کا سایہ نہیں ہے تو وہ تنہا اور کمزور ہیں آج کل کی خواتین مظلوم نہیں ہے اور کم از کم وہ تو بالکل نہیں ہیں۔

اداکارہ کا کہنا تھا کہ جب کسی شادی شدہ جوڑے کے درمیان طلاق ہوجائے تو یہ سمجھنا غلط ہے کہ دونوں میں سے کوئی غلط ہوگا، تب ہی ان کے درمیان طلاق ہوئی بعض اوقات میاں اور بیوی کی کیمسٹری نہیں ملتی، جس وجہ سے ان کے درمیان طلاق ہوجاتی ہے۔

انہوں نے اپنی طلاق پر بھی کھل کر بات کی اور بتایا کہ ان کی اور شمعون عباسی کی شادی 10 سال تک چل سکی تھی-

جویریہ عباسی نے بتایا کہ زیادہ تر لوگ ان کے اور شمعون عباسی کے رشتے کے حوالے سے کنفیوژن کا شکار ہوتے ہیں اور لوگوں کو یہ سمجھ نہیں آتا کہ آخر اداکارہ انوشے عباسی ہم دونوں میں سے کس کی بہن ہیں؟-

اداکارہ نے بتایا کہ دراصل انوشے عباسی ان کی اور ان کے سابق شوہر شمعون عباسی کی مشترکہ سوتیلی بہن ہیں کیوںکہ ان کی پیدائش ان دونوں کے والدین کی شادی کے بعد ہوئی تھی۔

جویریہ عباسی کے مطابق ابتدائی طور پر ان کی والدہ اور شمعون عباسی کے والد نے شادی کی اور ان کا خیال تھا کہ اس سے ان دونوں کے بچوں کو ایک گھر ملنے سمیت والدین بھی مل جائیں گے۔

جویریہ عباسی نے بتایا کہ والدین کی شادی کے بعد انہوں نے اور شمعون عباسی نے بھی شادی کی اور ان کی رخصتی ماموں کے گھر سے کرائی گئی تھی اور وہ اسی گھر میں بیاہ کر لائی گئیں، جہاں وہ پہلے ہی رہتی تھیں۔

اداکارہ نے بتایا کہ والدین کی شادی ہوجانے کے بعد ایک طرح سے وہ اور ان کے سابق شوہر شمعون عباسی سوتیلے بھائی بھی ہوئے جبکہ انوشے عباسی ان کی والدہ اور شمعون عباسی کے والد کی بیٹی ہیں اور اس حساب سے وہ ان کی اور ان کے سابق شوہر کی مشترکہ سوتیلی بہن ہیں۔

خیال رہے کہ جویریہ عباسی اور شمعون عباسی نے نوجوانی میں 1997میں شادی کی تھی تاہم دونوں نے 2007 میں علیحدگی اختیار کرلی تھیدونوں کے ہاں شادی کے دو سال بعد بیٹی عنزیلہ عباسی کی پیدائش ہوئی تھی جو اداکارہ ہیں اوراپنی والدہ کے ہمراہ رہتی ہیں –

تاہم دلچسپ بات یہ ہے کہ جس وقت جویریہ اور شمعون عباسی نے شادی کی، اس وقت وہ سوتیلے بہن و بھائی کے طور پر ایک ہی گھر میں رہ رہے تھے لیکن دونوں میں محبت استوار ہونے کے بعد دونوں نے شادی کی۔

نکاح کی پاکیزگی مرد کا نصیب بدل دیتی ہے عمران اشرف اعوان

پاکستان کے معروف کامیڈین اداکار و میزبان یاسر حسین کا بلے کے ساتھ کیا گیا جادو سوشل میڈیا پر وائرل ہورہا ہے جس پر مداح محفوظ ہوتے ہوئے خوب حیرانی کا اظہار کر رہے ہیں۔

باغی ٹی وی : فوٹواینڈ ویڈیو شیئرنگ ایپلیکیشن انسٹا گرام پر یاسر حسین نے اپنی اسٹوری پر ایک مختصر سی ویڈیو شئیر کی خوب وائرل ہو رہی ہے جس میں اُنہیں ایک بلے کے ساتھ جادو کرتے ہوئے دیکھا جا سکتا ہے۔

یاسر حسین کی اس دلچسپ ویڈیو کو انسٹاگرام پر مختلف شوبز پیجز پر شئیر کیا جا رہا ہے-

ویڈیو میں دیکھا جا سکتا ہے یاسر حسین خود بھی اپنے جادو سے محفوظ ہو رہے ہیں-

یاسر حسین کی اس ویڈیو کے کمنٹ باکس میں مداحوں کی جانب سے یاسر حسین کے اس جادو پر خوب حیرانی کا اظہار کیا جا رہا ہے۔

اقرا عزیز نے گود بھرائی کی خوبصورت ویڈیو مداحوں کیساتھ شئیرکردی

اقرا عزیز اور یاسر حسین کے ہاں ننھے مہمان کی آمد متوقع

اقراعزیزکی گود بھرائی کے 100 خصوصی پیغامات پر مشتمل دوپٹے کے چرچے

پاکستانی اداکارہ ایشل فیاض نے انکشاف کیا ہے کہ انہیں بچپن میں سوتیلے والد نے تین چار مرتبہ جنسی ہراساں کیا –

باغی ٹی وی : پاکستانی فلم ’کاف کنگنا‘ کی اداکارہ ایشل فیاض حال ہی میں ندا یاسر کے نجی ٹی وی پرشو ’شان سحور‘ میں بطور مہمان شریک ہوئیں اور اپنی زندگی کے تلخ دنوں کو یاد کیا۔

ایشل فیاض نے دوران گفتگو بتایا کہ ان کے سوتیلے والد نے انہیں ےین سے چار مرتبہ جنسی ہراساں کیا جس کے بعد والدہ نے طلاق لے لی اور زندگی بھر شادی نہیں کی-

ایشل فیاض دوران گفتگو رو بھی پڑیں اپنی بات جاری رکھتے ہوئے انہوں نے بتایا کہ ان کی عمر 6 یا 7 برس تھی کہ جب ان کے والد کا انتقال ہوگیا، ان کی والدہ نے دوسری شادی کرلی۔

اداکارہ نے کہا کہ جب وہ تھوڑی بڑی ہوئیں تو سوتیلے باپ نے مجھے جنسی زیادتی کا نشانہ بنانے کی کوشش کی ایک یا دو بار ان کے ساتھ ایسا سلوک ہوا ، لیکن جب چوتھی مرتبہ ایسا ہوا تو میں نے اپنی والدہ کو سب بتادیا۔

اداکارہ نے کہا کہ والدہ نے اسی واقعے کے بعد طلاق لی اور پھر کبھی دوبارہ شادی نہیں کی۔

واضح رہے کہ ایشل فیاض انڈسٹری کی معروف اداکارہ ہیں، انہوں نے فلم کاف کنگنا میں بھی اداکاری کے جوہر دکھائے ہیں جبکہ متعدد ڈراموں میں بھی اپنی اداکاری کر چُکی ہیں۔

خلیل الرحمٰن قمر کے ساتھ شادی کی خبروں پر بہت ڈر گئی تھی ایشل فیاض

پاکستان ٹی وی انڈسٹری کے نامور اداکار عمران اشرف نے نکاح کے تین سال مکمل ہونے پر اپنی اہلیہ کرن عمران کیلئے سوشل میڈیا پر محبت بھرا پیغام شیئر کیا ہے۔

باغی ٹی وی : رقص بسمل کے اداکار عمران اشرف نےاپنے تصدیق شدہ انسٹاگرام اکاؤنٹ پر اپنی اہلیہ کے ساتھ ایک خوبصورت یادگار تصویر شئیر کی ہے۔

عمران اشرف نےتصویر شیئر کرتے ہوئے لکھا کہ نکاح کی سالگرہ مبارک ہو۔

انہوں نے لکھا کہ میں نے سنا تھا کہ نکاح کی پاکیزگی مرد کا نصیب بدل دیتی ہے، 100فیصدیہ بات سچ ہے میری بیوی کا قدم اکیلا میرے گھر نہیں آیا بلکہ بہت سا نصیب ساتھ لایا ہے، ماشااللہ۔

اپنی اہلیہ کا شکریہ ادا کرتے ہوئے اداکارعمران نے لکھا کہ تمہاری محبت، خیال کرنے اور بیٹے روہم کے لیے شکریہ۔

دوسری جانب اداکار عمران اشرف کی اہلیہ کرن عمران نے بھی بہت خوبصورت الفاظ میں شوہر سے محبت کا اظہار کیا ہے۔

انہوں نے بھی اپنے انسٹاگرام اکاؤنٹ پر عمران اشرف کے ساتھ اپنی ایک خوبصورت یادگار تصویر شیئر کی۔

کرن نے یہ تصویر شیئر کرتے ہوئے لکھا کہ ساری عمر کی غزلیں اک انسان پر واریں گے، بوڑھے ہو کر بھی دھیمے لہجے میں تیرا نام پکاریں گے۔

کرن نے عمران کا شکریہ ادا کرتے ہوئے لکھا کہ میری زندگی کے گزرے تین اور آنے والے سالوں کو خوبصورت بنانے کا شکریہ، نکاح کے تین سال مبارک ہو آپ کو شوہر صاحب۔

واضح رہے کہ اداکار عمران اشرف نے 5 مئی 2018ء کو کرن اشفاق حسین ڈار سے نکاح کیا تھا جو کہ بطور ماڈل پاکستانی شوبز انڈسٹری سے وابستہ ہیں۔