پاکستان کی معروف اداکارہ ہانیہ عامر نے کہا ہے کہ میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو۔

باغی ٹی وی :انسٹاگرام پر ہانیہ عامر نے اپنی تصویر شیئر کرتے ہوئے لکھا کہ جس وقت میں نے اپنی یہ تصویر کھینچی اس وقت میں اندر سے بالکل ٹوٹ کر بکھری ہوئی تھی اور ﷲ سے امید کررہی تھی کہ وہ مجھے صبر عطا کرے گا اس تکلیف سے نمٹنے کے لئے جو میں محسوس کررہی تھی۔ میرے آنسو بہنے کو تیار تھے۔

ہانیہ عامر نے مزید لکھا کہ میں جانتی ہوں کہ میں انسٹاگرام پر بہت زیادہ اظہار کرتی ہوں کیونکہ میں آپ کو اپنی نجی زندگی کا ایک حصہ سمجھتی ہوں –

انہوں نے اپنی پوسٹ میں ایک اسٹار کی تمام خصوصیات کے بارے میں لکھتے ہوئے کہا کہ مجھے نہیں لگتا کہ میں اس نسل میں سے ہوں جو یہ یقین رکھتی ہے کہ سلیبرٹی کو اسٹار بننے کے لئے لوگوں کی پہنچ سے دور رہنے کی ضرورت ہوتی ہے۔

اداکارہ نے مزید کہا کہ میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو جسے پتہ ہو مشہور ہونے کا ملطب کیا ہے ایسا شخص جو اپنے پلیٹ فارم کی اہمیت جانتا ہو اور اپنے فالوورز کی تعریف کرتا ہو۔ وہ شخص یہ جانتا ہو کہ اسکی آواز کو دوسروں کی زندگی بہتر بنانے کے لئےاستعمال کیا جاسکتا ہے۔

ہانیہ عامر نے آخر میں لکھا کہ میں ایسی اسٹار بننا چاہتی ہوں۔

ہانیہ عامر کی اس پوسٹ کو مداحوں کی جانب سے خوب پسند کیا جا رہا ہے جبکہ کمنٹس سیکشن میں رائے کا اظہار بھی کر رہے ہیں-

پاکستان فلم وڈرامہ انڈسٹری کے مقبول اداکاربابر علی کا کہنا ہے کہ انہوں نے بطور ولن اتنا معاوضہ لیا جتنا وہ کبھی ہیرو ہوتے ہوئے نہیں لیتے تھے۔

باغی ٹی وی : اداکار بابر علی حال ہی میں ایک نجی ٹی وی کے شو میں شریک ہوئے دوران انٹر ویوبابر علی نے بتایا کہ ایک وقت ایسا تھا جب میں بطور ہیرو 80 فلمیں کیا کرتا تھا لیکن پھر مجھے راتوں رات ولن کے لیے کاسٹ کیا جانے لگا۔

اداکار نے بتایا ایک رات ایسی آئی جب میرے 60 ، 70 فلمیں ایک ساتھ ہاتھ سے نکل گئیں اور یہ اس وقت ہوا جب کراچی میں گڈانی پر فلم کی شوٹنگ کے دوران جہاز میں حادثہ ہوا اور میں 110 فٹ سے نیچے گرگیا-

انہوں نے بتایا کہ اس حادثے میں میرے پاؤں کی ہڈیاں ٹوٹ گئیں اور جب مجھے ہوش آیا تو مجھے ڈاکٹر نے بتایا کہ میں 6 مہینے کے لیے اب بیڈ سے بھی نہیں اٹھ سکتا۔

اداکار کے مطابق پھر جو لوگ مجھے فلموں کے لیے سر آنکھوں بٹھارہے تھے میرے گھر کے باہر پیسے لینے کے لیے قطاروں میں کھڑے تھےلیکن مجھے ایک بات یاد تھی میرے والد صاحب کہا کرتے تھے اللہ کی رحمت سے کبھی مایوس نہ ہونا۔

بابر علی کاکہنا تھا کہ اور پھر ایسا ہی ہوا ، پاؤں میں پلسٹر کا چوتھا روز تھا اور مجھے سید نور کی فلم ‘مہندی والے ہاتھ’ اور خلیل الرحمن صاحب کی فلم ‘گھر کب آؤ گے’ کے لیے کال آگئی۔

بابر علی کے مطابق انہوں نے مجھے اپنی فلموں کے لیے ولن کے کردار کی آفر کی اگرچہ اس کردار کو قبول کرنا میرے لیے مشکل تھا کیوںکہ میں انہی اداکاراؤں کے ساتھ بطور ہیرو کام کرچکا تھا لیکن پھر بھی میں نے اللہ کا شکر ادا کیا اور دعا کی مجھے اس مرحلے پر بھی کامیابی اور عزت عطا فرما ئی اور بطور ولن اتنا معاوضہ لیا جتنا وہ کبھی ہیرو ہوتے ہوئے نہیں لیتے تھے۔

پاکستانی ٹک ٹاک اسٹار و اداکارہ جنت مرزا نے مداحوں سے فیس بُک پر اُن کے نام سے منسوب جعلی اکاؤنٹ کو رپورٹ کرنے کی اپیل کردی۔

باغی ٹی وی : حال ہی میں لالی ووڈ میں ڈیبیو کرنے والی ٹک ٹاک ماڈل اور اداکارہ جنت مرزا نے اپنے آفیشل انسٹاگرام اکاؤنٹ پر خصوصی اسٹوریز شیئر کیں جن میں اُنہوں نے اپنے نام سے منسوب جعلی فیس بُک اکاؤنٹ کے اسکرین شاٹ شیئر کیے۔

جنت مرزا کی جانب سے شیئر کیے گئے اسکرین شاٹ میں دیکھا جاسکتا ہے کہ اُن کے نام سے بنایا گیا فیس بُک اکاؤنٹ تصدیق شدہ ہے جبکہ اُس اکاؤنٹ کو 48 ہزار سے زائد صارفین نے فالو کیا ہوا ہے-

ٹک ٹاک اسٹار نے اپنی انسٹا اسٹوری میں مداحوں سے مخاطب ہوتے ہوئے کہا کہ ’فیس بُک پر موجود یہ میرا اکاؤنٹ نہیں ہے نقالی ایک جرم ہے، براہِ کرم اس جعلی اکاؤنٹ کو رپورٹ کریں۔

جنت مرزا نے کہا کہ جب آپ اس کاؤنٹ کو رپورٹ کردیں گے تو مجھے لازمی آگاہ کریں۔

یاد رہے کہ گزشتہ سال جنت مرزا نے اپنے نام سے منسوب جعلی ٹک ٹاک کو رپورٹ کرنے کی اپیل کی تھی۔

واضح رہے کہ حال ہی میں پاکستان کی ٹک ٹاک فالوورز میں اضافے کے بعد جنت مرزا پاکستان کی وہ پہلی شخصیت بن گئی ہیں جنہیں کسی سوشل میڈیا پلیٹ فارم پر 14 ملین صارفین نے فالو کیا ہوا ہے۔

جنت مرزا سے قبل وزیراعظم عمران خان پاکستان کی وہ واحد شخصیت تھے کہ جنہیں مائیکرو بلاگنگ سائٹ ٹوئٹر پر 13 اعشاریہ 5 ملین صارفین نے فالو کیا ہوا تھا لیکن اب جنت مرزا کے ٹک ٹاک فالوورز میں اضافے کے بعد مقبولیت کی دوڑ میں پاکستان کے موجودہ وزیراعظم عمران خان کو بھی پیچھے چھوڑ دیا ہے-

جنت مرزا نے مقبولیت کی دوڑ میں وزیراعظم کو بھی پیچھے چھوڑ دیا