پاکستان ٹی وی انڈسٹری کی نوجوان اداکارہ ایمن پاکستان کے 80 کی دہائی کےسابق کرکٹر سلیم یوسف کی بیٹی ہیں۔
باغی ٹی وی : پاکستان ڈرامہ انڈسٹری کی نئی اُبھرتی ہوئی اداکارہ ایمن سلیم نے حال ہی میں ڈرامہ ’چُپکے چُپکے‘ سے اپنا ڈیبیو کیا ہے جو ایک نجی ٹی وی چینل سے نشر کیا جارہا ہے۔
ڈرامے میں ایمن سلیم ایک ایسی لڑکی کا کردار نبھا رہی ہیں جو اپنی عینک کی وجہ سے ہر وقت احساس کمتری کا شکار رہتی ہے۔
میڈیا رپورٹس کے مطابق اداکارہ ایمن سلیم سابق کرکٹر کی صاحبزادی ہونے کے ساتھ ہی پاکستان کی معروف پاپ گلوکارہ نازیہ حسن کی بھتیجی بھی ہیں علاوہ ازیں ایمن سلیم پاکستان یوتھ پارلیمنٹ کی نوجوان سفیر بھی ہیں۔
اداکارہ ایمن سلیم کی اداکاری کو خوب پسند کیا جارہا ہے اور یہی وجہ ہے کہ سوشل میڈیا صارفین اُن کے لیے دلچسپ میمز بھی بناتے دکھائی دے رہے ہیں۔
واضح رہے کہ ایمن کے والد اور سابق کرکٹر سلیم یوسف کا شمار 80 کی دہائی کے پاکستان کے نامور وکٹ کیپر اور بلے بازوں میں کیا جاتا ہے جبکہ ایمن سلیم کا ایک چھوٹا بھائی ہے جبکہ اُن کی والدہ ایک ہاؤس وائف ہیں۔
بالی ووڈ اداکار سلمان خان نے اپنی نئی آنے والی فلم ’رادھے‘ کا ٹریلر جاری ہوتے ہی چھا گیا-
باغی ٹی وی : حال ہی میں انسٹاگرام پر اداکار سلمان خان نے تاخیر کا شکار ہونے کے بعد اپنی فلم ’رادھے‘ کی ریلیز کی تاریخ بتائی تھی –
بالی ووڈ کے سلطان سلمان خان نے بتایا کہ ان کی فلم ’رادھے‘ عیدالفطر کے موقع پر ریلیز کی جارہی ہے-
سلمان خان کا کہنا تھا کہ ان کی فلم 13 مئی کو عید کے موقع پر او ٹی ٹی پلیٹ فارمز پرریلیز کی جارہی ہے –
انہوں نے بتایا تھا کہ فلم کا پہلا ٹریلر 22 اپریل کو جاری کردیا جائے گا۔
بعد ازاں اداکار نے اپنی پوسٹ میں بتایا کہ موسٹ وانٹڈ بھائی رادھے کے ساتھ آج گیارہ بجے آ رہا ہے سلمان خان کے اس اعلان کے بعد سے ہی ’رادھے ٹریلر‘ بھارت سمیت پاکستان میں ٹوئٹر ٹرینڈ فہرست میں ٹاپ ٹرینڈ پر ہے –
تاہم بھارتی اداکار نے اپنے انسٹاگرام پر ٹریلر جاری کر دیا ہے جسے محض 22 منٹس میں 5 لاکھ 62 ہزار سے زئاد لوگ دیکھ چکے ہیں جبکہ ٹریلر جاری ہونے کے بعد مداح فلم کی ریلیز کا بے صبری سے انتظار کر رہے ہیں –
فلم رادھے کے ٹریلر کو یوٹوب پر محض 18 منٹس میں ایک لاکھ سے زائد مرتبہ دیکھا گیا اور یہ دبنگ تھری کے بعد کم وقت میں اتنی تعداد میں دوسرا دیکھا جانے والا ہندی ٹریلر ہے سوشل میڈیا صارفین نے سلمان خان کو یوٹیوب کا بادشاہ قرار دیا اور ٹریلر سے ہی اندازہ ہوتا ہے کہ فلم بلاک بسٹر ثابت ہو گی-
DHAMAKEDAAR PAISA WASOOL MIND-BLOWING#RadheTrailer has provided more than what we all expected from it.#SalmanKhan's dialogue, action scenes and BGM gave me GOOSEBUMPS 🔥
RECORD ALERT 😎🔥#RadheTrailer becomes the fastest bollywood trailer to reach 100k Likes on YouTube in just 10 minutes (Trailer uploaded on 4 channel). The KING of YouTube #SalmanKhan !!
واضح رہے کہ اس سے قبل سلمان خان نے ایک گفتگو کے دوران کہا ہے کہ ہم ابھی بھی عید پر ’رادھے‘ کو ریلیز کرنے کی پوری کوشش کر رہے ہیں لیکن اگر یہ لاک ڈاؤن جاری رہا تو ہوسکتا ہے فلم اگلے سال عید پر ریلیز ہو۔
اداکار نے کورونا وبا حوالے سے پیغام دیتے ہوئے مزید کہا تھا کہ لوگ اپنا خیال رکھیں،فیس ماسک پہنیں،سماجی فاصلہ رکھیں اور حکومت نے جو پابندیاں لگائی ہیں اسے نہ توڑیں تو ہو سکتا ہے کورونا کا زور ٹوٹ جائے۔ اگر ایسا ہوجاتا ہے تو ہم اسی سال فلم کو ریلیز کردیں گے۔
سلمان خان کا مزید کہنا تھا کہ کورونا کیسز میں اضافہ نہ صرف تھیٹر مالکان کے لئے نقصان دہ ہے بلکہ روزمرہ کی مزدوری کرنے والے افراد کے لئے بھی پریشانی اور نقصان کا سبب ہے۔
تاہم بعد ازاں اداکار نے کورونا کے حالات سے پیش نظر مختلف او ٹی ٹی پلیٹ فارمز پر ریلیز 13 مئی کو ریلیز کرنے اعلان کیا –
عالمی وبا کورونا کا شکار ہونے والی اداکارہ سنبل شاہد کی حالت تشویشناک ہے۔
باغی ٹی وی : ادکارہ بشریٰ بشریٰ انصاری کی بہن اداکارہ عاصمہ عباس نے اپنے انسٹاگرام اکاؤنت پرکورونا کا شکار بہن سنبل شاہد کی صحت کے حوالے سے دعا کی اپیل کرتے ہوئے بتایا کہ سنبل شاہد اسپتال میں وینٹیلیٹر پر ہیں، براہِ کرم اُن کی جلد صحتیابی کیلئے دعا کریں۔
واضح رہے کہ اس سے قبل بشریٰ انصاری نے ہی بہن کے کورونا وائرس میں مبتلا ہونے کی خبر سوشل میڈیا پر شیئر کی تھی۔
اُنہوں نے اپنے تصدیق شدہ انسٹاگرام اکاؤنٹ پر اداکارہ سنبل شاہد کی تصویر شیئر کرتے ہوئے بتایا کہ میری پیاری بہن سنبل شاہد کورونا وائرس کے خلاف جنگ لڑ رہی ہے-
بشریٰ انصاری نے مداحوں سے دُعاؤں کی اپیل کرتے ہوئے لکھا تھا کہ پلیز میری بہن کی جلد صحت یابی کے لیے دعا کریں، اللہ میری بہن کو چار چاند سلامت رکھے-
بھارتی اداکارہ اور بگ باس 14 کی کنٹیسٹنٹ عرشی خان بھی کورونا وائرس میں مبتلا ہوگئیں۔
باغی ٹی وی : عرشی خان نے کورونا وائرس ٹیسٹ مثبت آنے سے متعلق مداحوں کو سوشل میڈیا کے ذریعے آگاہ کیا۔
اپنی انسٹاگرام پوسٹ پرشئیر کئے گئے ایک نوٹ میں عرشی خان کا کہنا تھا کہ انھیں کورونا کی علامات ظاہر ہورہی تھیں انھوں نے تمام ضروری اقدامات اٹھاتے ہوئے خود کو قرنطینہ کرلیا ہے۔
عرشی خان نے پچھلے چند روز کے دوران خود سے ملنے والے لوگوں سے بھی اپیل کی کہ وہ بھی اپنے کورونا وائرس ٹیسٹ کروائیں۔
اداکارہ نے مداحوں سے دعاؤں کی بھی درخواست کی۔
علاوہ ازیں اداکارہ نے انسٹا اسٹوری میں لوگوں کو دیسی علاج کی ٹہس بھی بتائیں ان کا کہنا تھا کہ انھوں نے کچھ دن قبل کورونا وائرس کا ٹیسٹ کروایا تھا جس کی رپورٹ مثبت آئی ہیں۔
عرشی خان نے کہا کہ دیسی علاج کرو سب کچھ تھیک ہو جاتا ہے مجھے تھوڑا بخار ہوا تھا کاڑا ادرک گڑ ہلدی دودھ پیا اب میں ٹھیک ہوں
انہوں نے کہا کہ گھر رہو محفوظ رہو اپنا دھیان رکھو دیسی علاج سب سے زیادہ ضروری ہے دیسی علاج کرو میں دیسی انڈے اور خوب چکن کھا رہی ہوں ایک دم ٹھیک ہوں-
بالی ووڈ اداکارہ کنگنا رناوت نے بھارت میں آبادی کو کنٹرول کرنے کیلئے عجیب و غریب مطالبہ کردیا-
باغی ٹی وی :بالی ووڈ متنازع اداکارہ کنگنا رناوت اپنے متنازع بیانات کے باعث آئے دن خبروں کی زینت بنی رہتی ہیں اور اپنے ہی بیانات کی وجہ خود ہی تنقید کا نشانہ بن جای ہیں تاہم اس مرتبہ بھی ایسا ہی ہوا ہے-
ہوا کچھ یوں کہ اداکارہ نے بھارت میں آبادی کو کنٹرول کرنے کیلئے یسرے بچے کی پیدائش پر والدین کو سزا دینےعجیب و غریب مطالبہ کر دیا-
We need strict laws for population control, enough of vote politics it’s true Indira Gandhi lost election and later was killed for taking this issue head on she forcefully sterilised people but looking at crisis today at least there should be fine or imprisonment for third child.
سماجی رابطے کی ویب سائٹ ٹوئٹر پر کنگنا رناوت نے لکھا کہ ہمیں آبادی کنٹرول کرنے کیلئے سخت قوانین بنانا چاہیئں، یہ سچ ہے کہ اندرا گاندھی الیکشن ہار گئیں تھیں اور بعد میں انہیں اس مسئلے کو اٹھانے پر مار دیا گیا تھا۔
انہوں نے کہا کہ موجودہ وقت میں بحران کے پیش نظر تیسرے بچے کی پیدائش پر والدین کو جیل میں ڈالنا یا کم از کم جرمانہ عائد کرنا چاہیے-
اس بیان کے بعد سوشل میڈیا پر اداکارہ کو خوب تنقید کا نشانہ بنایا گیا اور سوشل میڈیا صارفین کا کہنا ہے کہ اداکارہ کے خود مزید 2 بہن بھائی ہیں۔
گزشتہ کچھ دنوں سے پاکستان کے معروف ٹی وی اینکر، میزبان اور پاکستان تحریک انصاف (پی ٹی آئی) کے رکنِ قومی اسمبلی ڈاکٹر عامر لیاقت حسین کو رمضان ٹرانسمیشن جیوے پاکستان میں ناگن ڈانس کی وجہ سے سوشل میڈیا صارفین کی تضحیک کا سامنا تھا-
باغی ٹی وی : ڈاکٹر عامر لیاقت عامر لیاقت اس وقت پاکستان کے ایوان زیریں قومی اسمبلی کے رکن اور گزشتہ ادوار میں وزیر برائے مذہبی امور کے منصب پر بھی فائز رہ چکے ہیں اور گزشتہ کئی سالوں سے رمضان المبارک ٹرانمیشنز کی میزبانی کرتے آ رہے ہیں اور گزرے سالوں میں وہ مختلف ناموں سے آدھے درجن کے قریب رمضان شو کر چکے ہیں-
تاہم اس سال انہوں نے شائقین کو محفوظ کرنے کے اگلے پچھلے تمام ریکارڈ توڑ دیئے یہاں تک کہ ٹاپ ٹرینڈ کررہے ہیں ہوا کچھ یوں کہ انہوں نے اپنے شو میں سری دیوی بننے کی کوشش کی اور اس خطرناک ‘ناگن ڈانس’ نے شائقین کوہکا بکا کر دیا تھا-
عامر لیاقت نجی چینل ایکسپریس کی رمضان ٹرانسمیشن ‘پیارا رمضان’ کی میزبانی کررہے ہیں کی اسی رمضان ٹرانسمیشن کے دوران ان دنوں ‘جیوے پاکستان’ کے نام سے پروگرام کا ایک حصہ نشر ہوتا ہے جس میں مختلف اداکار بھی شریک ہوتے ہیں۔
چند روز قبل ان کے شو میں اعجاز اسلم اور نادیہ خان شریک ہوئے تھے اور اس دوران شو کے اسٹیج پر لیٹ کر عجیب و غریب انداز میں ناگن ڈانس کرتے نظر آئے تھے۔
اس ویڈیو کے علاوہ عامر لیاقت نے اپنی تیز رفتار دوڑ سے سب کو دانتوں تلے انگلیاں دبانے پر مجبور کردیا تھاہوا کچھ یوں تھا کہ پاکستان کی تیز ترین خاتون کا اعزاز حاصل کرنے والی ایتھیلیٹ نسیم حمید 17 اپریل کو عامر لیاقت کی افطار ٹرانسمیشن میں شریک ہوئیں۔اس دوران عامر لیاقت اور نسیم حمید نے ریس لگائی اور وہ جیتنے کی خواہش میں تیزی سے گر پڑے تھے اور یہ ویڈیو بھی وائرل ہوئی تھی۔
عامر لیاقت کو اپنی مذکورہ دونوں ویڈیوز پر شدید تنقید کا سامنا کرنا پڑا جس کے بعد گزشتہ روز عامر لیاقت نے اپنے شو میں اس حوالے سے بات کرتے ہوئے کہا کہ میں نے اپنے آپ سے اور ادارے سے وعدہ کیا ہے کہ اب ناگِن ڈانس نہیں کروں گا۔
ان کا کہنا تھا کہ ‘میں نے نسیم حمید کے ساتھ ریس لگائی، میں نے انہیں آدھا ہردایا تھا اور چیٹنگ کرنے کی کوشش میں، میں گر پڑا تھا۔
ڈاکٹر عامر لیاقت نے مزید کہا کہ میں نے دیکھا لوگوں نے بہت سی میمز بنائیں، مجھے میمز بنانے والوں سے کبھی چِڑ نہیں ہوتی، آپ بنایا کریں، میں عوامی آدمی ہوں-
ویڈیو شیئرنگ کی مقبول اور متنازع چینی ایپلی کیشن ٹِک ٹا ک کو برطانیہ میں بچوں کی سابق کمشنر این لانگ فیلڈ کی جانب قانونی چیلنج کا سامنا-
باغی ٹی وی : ٹِک ٹا ک پریہ دعوٰی برطانیہ میں بچوں کی سابق کمشنراین لانگ فیلڈ کی جانب سےبرطانیہ اور یورپی یونین کے لاکھوں بچوں کی طرف سے دائر کیا گیا ہے جنہوں نے اس مقبول ترین ویڈیو شیئرنگ ایپلی کیشن کا ستعمال 25 مئی 2018 سے شروع کیا تھا۔ اگر لانگ فیلڈ یہ کیس جیت جاتی ہیں تو پھر ہر متاثرہ بچے کو ہزاروں پاؤنڈ زر تلافی کے طور پر مل سکتے ہیں۔
اس کیس کو دائر کرنے والے وکلا کا کہنا ہے کہ ٹِک ٹاک نے صرف برطانیہ اور یورپی یونین میں ہی لاکھوں بچوں کی نجی معلومات بشمول فون نمبرز، ویڈیوز، لوکیشن، بایئو میٹرک ڈیٹا بنا کسی انتباہ، شفافیت اور قانونی تقاضے پورے کیے بنا جمع کی ہیں، جبکہ بچے اور ان کے والدین یہ تک نہیں جانتے کہ ان معلومات کے ساتھ کیا کیا گیا ہے۔
دوسری جانب اس کیس کے بارے میں ٹِک ٹا ک کا کہنا ہےکہ یہ کیس بنا کسی میرٹ کے بنایا گیا ہے اور وہ عدالت میں قانونی جنگ لڑیں گے۔
برطانیہ کی جانب سے اس دعوی کو بے بنیاد قرار دیتے ہوئے ٹک ٹاک کا کہنا ہے کہ پرائیویسی ہماری اولین ترجیح ہے اور تمام استعمال کنندہ خصوصًا بچوں اور نوجوانوں کے تحفظ کے لیے ہمارے پاس بہترین پالیسیاں، طریقہ کار اور ٹیکنالوجیز ہیں‘ اور ہمیں یقین ہے کہ یہ دعوی بے بنیاد ہے۔
دنیا میں ٹک ٹاک کے 800 ملین سے زیادہ صارفین ہیں اور اسکی پیرنٹ فرم بائٹ ڈانس نے گزشتہ سال اربوں کا منافع کمایاتھا، اس کی زیادہ تر آمدنی اشتہارات سےآتی ہے۔
درخواست گزاروں کے مطابق ٹک ٹاک کےذریعے جمع کی گئی معلومات “برطانیہ اور یورپی یونین کے ڈیٹا پروٹیکشن قانون کی شدید خلاف ورزی” ہے اور ٹک ٹاک اور بائٹ ڈانس نے صارفین کی ذاتی معلومات سے پیسے کمائےہیں۔
یہ پہلی مرتبہ نہیں کہ ٹک ٹاک پر پرائیویسی کے حوالے سے جرمانہ کا دعوٰی کیا گیا ہو اس سے قبل بھی اگر ٹِک ٹاک کا پس منظر دیکھا جائے تو یہ ایپلیکیشن ماضی میں بھی بچوں کے ڈیٹا کی مس ہینڈلنگ پر لاکھوں ڈالر جرمانہ ادا کرچکی ہے۔
2019 میں بچوں کے ڈیٹا کی مس ہینڈلنگ پر فیڈرل ٹریڈ کمیشن ( ایف ٹی سی) نے اس چینی ایپلی کیشن پر5 اعشاریہ 7ملین ڈالر کا ریکارڈ جرمانہ عائد کیا تھا۔ جبکہ جنوبی کوریا، اور برطانیہ میں بھی کمشنر آفس کی جانب سے ہونے والی تحقیقات پر بچوں کی معلومات جمع کرنے پر یہ ایپلیکیشن جرمانے ادا کر چکی ہے۔
بالی ووڈ کی معروف اداکارہ ایشوریا رائے نے طلاق سے متعلق پوچھے گئے سوال پر میزبان کو لاجواب کردیا۔
باغی ٹی وی : اداکارہ ایشوریا رائے نے گزشتہ روز اپنی شادی کی 14ویں سالگرہ منائی اس موقع پر انہوں نے فوٹو شیئرنگ ایپ انسٹاگرام پر اپنی بیٹی ارادھیا کے ہمراہ ایک تصویر شیئر کی –
شئیر کی گئی تصویر میں دیکھا جا سکتا ہے کہ ارادھیا اور ایشوریہ پھولوں کے گلدستے کے سامنے کھڑے پوز دے رہے ہیں جب کہ تصویر میں ابھیشک بچن بھی ویڈیو کال کے ہمراہ موجود ہیں۔
بھارتی میڈیا پر ابھیشک بچن اور ایشوریا رائے کی شادی کی سالگرہ کے موقع پر ایشوریا رائے کا پرانا انٹریو وائرل ہورہا ہے جس میں میزبان ایشوریا رائے سے پوچھتے ہیں کہ آپ لوگوں کی شادی کی رسومات بہت دن تک چلی تھی ایسے جشن کے بعد تو طلاق لینا بہت مشکل ہوتا ہوگا ؟
میزبان کے سوال پر ایشوریا رائے نے جواب دیا ہماری شادی شدہ زندگی بہت اچھی گزررہی ہے اور ہمیں طلاق سے متعلق کسی قسم کے خیالات نہیں آتے-
واضح رہے لیجنڈری اداکار امیتابھ بچن کے بیٹے ابھیشک بچن اور ایشوریا رائے نے 20 اپریل 2007 کو شادی کی تھی جس سے ان کی 9 سال کی بیٹی ارادھیا ہے۔
پاکستان کے صدارتی ایوارڈ یافتہ اور کروڑوں دلوں پر راج کرنے والے اداکار معین اختر کومداحوں سے بچھڑے آج 10 برس ہو گئے ہیں-
باغی ٹی وی :معین اختر 24 دسمبر 1950ء کو کراچی میں پیدا ہوئے زندگی کی پہلی پرفارمنس شیکسپئیر کے ناول سے ماخوذ اسٹیج ڈرامے ’دی مرچنٹ آف وینس‘ میں محض 13 برس کی عمر میں دی جبکہ فنی کیریئر کی باقاعدہ شروعات پاکستان کے پہلے یوم دفاع پر 1966ء میں کی۔
معین اختر کو اپنے جداگانہ کردارنگاری کی بناء پر فن کی اکیڈمی کہا جاتا تھا کیونکہ معین اختر نے ریڈیو، ٹی وی ڈراما، اسٹیج، فلم سمیت فنون لطیفہ کے ہر شعبے میں اپنی خداداد صلاحیتوں کا لوہا منوایا جبکہ گلوکاری بھی کی اور ٹی وی میزبان کے طور پر بھی اپنی خدمات سرانجام دیں مرجھائے ہوئے چہروں پر مسکراہٹیں بکھیرنے میں انہیں ملکہ حاصل تھا-
معین اختر نے طنز و مزاح سے بھرپور جملوں میں تہذیب کا ایک نیا پہلو متعارف کروایا فنکارانہ خدمات کے اعتراف میں معین اختر کو صدارتی تمغہ برائے حسن کارکردگی اور ستارہ امتیاز سے بھی نوازا گیا۔
معین اختر کے معروف ٹی وی ڈراموں اور پروگرام میں ’روزی‘، ’انتظار فرمائیے‘، ’بندر روڈ سے کیماڑی‘، ’آنگن ٹیڑھا‘، ’اسٹوڈیو ڈھائی‘، ’اسٹوڈیو پونے تین‘، ’یس سر نوسر‘، ’عید ٹرین‘ سمیت کئی مشہور اسٹیج ڈرامے شامل ہیں۔روزی کے کردار کو انہوں نے اس طرح نبھایا کہ لوگ انہیں سچ میں روزی ہی سمجھنے لگے-
علاوہ ازیں ایک نجی چینل کے لیے ان کے طنز ومزاح سے بھرپور ٹی وی شوز کی 400 اقساط کا نشر ہونا بھی ایک منفرد ریکارڈ ہے۔
تاہم پاکستان شوبز انڈسٹری کے یہ عظیم فنکار 22 اپریل سن 2011ء کو حرکت قلب بند ہونے سے اپنے مداحوں کو سوگوار چھوڑ کر اپنے ابدی سفر پر روانہ ہو گئے-
امیتابھ بچن اور عمران ہاشمی کی نئی آنے والی فلم ‘ چہرے’ کے پوسٹر سے ریا چکروتی کو ہٹا دیا گیا تھا جس پر مختلف چہ میگوئیاں کی گئیں تھیں جبکہ یہ خبریں بھی گردش میں تھیں کہ اداکارہ کو ڈرگز والے تنازع کی وجہ سے فلم سے آؤٹ کر دیا گیا ہے-
باغی ٹی وی: تاہم اب فلم کے پروڈیوسر آنند پنڈت آنجہانی اداکار سوشانت کی گرل فرینڈ ریا چکرورتی کو فلم کے پوسٹر سے ہٹانے کے معاملے پرخاموشی توڑ دی ہے-
بھارتی میڈیا کے مطابق کورونا وائرس کے باعث فلم ‘چہرے’ کی ریلیز ایک بار پھر تاخیر کا شکار ہوگئی ہے اور اب سے او ٹی ٹی پلیٹ فارم پر ریلیز کرنے کے بارے میں سوچا جارہا ہے اس حوالے سے ایک انٹرویو میں فلم پروڈیوسر آنند پنڈت کا کہنا تھا کہ موجودہ صور تحال میں فلم کی ریلیز کسی چیلنج سے کم نہیں۔
انٹر ویو میں گذشتہ ماہ سامنے آنے والے فلم کے پوسٹر میں اداکارہ ریا چکرورتی کے نہ ہونے پر بات کرتے ہوئے انہوں نےکہا کہ ریا کو شامل نہ کرنے کی کوئی وجہ نہیں ہے وہ فلم کے 8 مرکزی کرداروں میں سے ایک ہیں ہم نے انہیں فلم کے لیے بہت پہلے سائن کرلیا تھا اور ہم انہیں ایک ایسی اداکارہ کے طور پر دیکھتے ہیں جنہوں نے فلم میں اپنا کام اچھی طرح کیا۔
آنند پنڈت کا کہنا تھا کہ وہ ریا کی صورتحال کو اپنی فلم کی مشہوری یا کمرشل فائدے کے لیے استعمال نہیں کرنا چاہتے، اسی وجہ سے ہم نے فلم کے دوسرے پوسٹر میں انہیں شامل نہیں کیا، وہ زندگی میں پہلی ہی کافی مشکلات کا شکار ہے اور ہم اس میں اضافہ نہیں کرنا چاہتے۔
واضح رہے کہ گزشتہ برس 14 جون کو 34 سالہ اداکار سوشانت سنگھ راجپوت ممبئی میں اپنے فلیٹ میں مردہ حالت میں پائے گئے تھے سوشانت کے گھر والوں نے ان کی دوست ریا چکرورتی کو اداکارکی خودکشی کی وجہ قرار دیا تھا اور ان کے خلاف بہار میں مقدمہ بھی درج کرایا تھا جس کے بعد معاملہ سپریم کورٹ پہنچ گیا تھا۔
سوشانت کےگھر والوں نے ریا چکرورتی پر الزام لگایا تھا کہ انہوں نے سوشانت سے پیسے کیلئے تعلقات قائم کیے، اسے نشے کا عادی بنایا اپنے فائدے کیلئے استعمال کیا اور ایسے حالات کا شکار کردیا کہ وہ انتہائی قدم اٹھانے پر مجبور ہوگیا۔
