بالی ووڈ کی معروف اداکارہ انوشکا شرما نے بتایا کہ انہوں نے پہلی بار شوہر ویرات کرہلی کے خلاف متکبرانہ رویہ اختیار کیا تھا-

باغی ٹی وی : بھارتی میڈیا کے مطابق انوشکاشرما اور ویرات کوہلی کی پہلی ملاقات 2013 میں شیمپو کے ایک اشتہار کی شوٹنگ کے دوران ہوئی تھی جس میں دونوں ماڈلنگ کررہے تھے۔

بھارتی میڈیا میں ماضی میں دئیے گئے انوشکا شرما کے انٹر ویو کا کلپ وائرل ہو رہا ہے-جس میں انہوں نے ویرات کوہلی کے بارے میں بتاتے ہوئے کہا کہ آپ مجھ سے پوچھیں گے کہ کیا ویرات میرے گھر آئے تو میں کہوں گی ہاں، کیا وہ میرے دوست ہیں ، ہاں، کیا میں انہیں جانتی ہوں تو اس کا جواب ہے ہاں، لیکن یہاں اور بھی تفصیلات ہیں جنہیں لوگ نہیں جانتے۔

انوشکا نے اس انٹرویو میں بتایا کہ ہم نے ایک اشتہار میں اکٹھے کام کیا میں نے ان کے خلاف کچھ متکبرانہ رویہ اختیار کیا کیونکہ ان کے بارے میں مشہور تھا کہ وہ مغرور سمجھے جاتے ہیں لیکن جب میں ان سے ملی تو وہ بہت بردبار، ذہین اور ہنسی مذاق کرنے والے شخص نظر آئے۔

انوشکا نے بتایا کہ اشتہار کی شوٹنگ تین دن تک جاری رہی اور دوسری رات میں نے اپنے نئے گھر کی خوشی میں دوستوں کو ڈنر پر بلالیا میں نے ویرات کو بھی دعوت دی اور یہیں سے ہماری دوستی شروع ہوئی۔

واضح رہے کہ فلم اور کرکٹ کی اس جوڑی 11 دسمبر 2017 کو شادی کی تھی اور اب یہ دونوں کی ایک خوبصورت سی بیٹی ہے-

کورونا وائرس کا شکار بھارتی اداکارہ حنا خان نے خود کو ایک بےبس بیٹی قرار دیا ہے ۔

باغی ٹی وی : حال ہی میں اپنے والد کو کھونے والی کورونا وائرس کا شکار حنا خان نے قرنطینہ سے سوشل میڈیا ویب سائٹ انسٹاگرام پر اپنی کچھ تصویریں شیئر کی ہیں جن میں وہ چہرے پر ماسک لگائے کھڑکی سے باہر دیکھ رہی ہیں۔

حنا خان ان نے اپنی تصویروں کو جذباتی کیپشن دیتے ہوئے لکھا کہ میں ایک بےبس بیٹی ہوں کیونکہ میں اپنی ماں کو تسلّی دینے کے لیے اُن کے ساتھ موجود نہیں ہوں۔

اداکارہ نے لکھا کہ اس مشکل میں میری ماں کو میری سب سے زیادہ ضرورت ہے لیکن بدقسمتی سے، میں اُن کے ساتھ نہیں۔

اُنہوں نے لکھا کہ یہ وقت صرف ہمارے لیے مشکل نہیں ہے بلکہ پوری دُنیا کے لوگوں کے لیے بہت تکلیف دہ ہے مشکل وقت نہیں رہتا ، لوگ سخت کرتے ہیں-

حنا خان نے کہا کہ لوگ مجھے مضبوط کہتے ہیں اور میں ہو، میں ہمیشہ اپنے والد کی مضبوط بیٹی رہوں گی آخر میں اُنہوں نے مداحوں سے اُن کی جلد صحتیابی کے لیے دُعا کرنے کی اپیل بھی کی۔

خیال رہے کہ حنا خان بھی کورونا وائرس کی شکار ہوگئیں اور اُنہوں نے ٹیسٹ مثبت آنے کے بعد خود کو قرنطینہ کرلیا ہے۔

بالی ووڈ اداکارہ گوہر خان کی اپنے شوہر زید دربار کے ساتھ نماز کی ادائیگی کرتے ویڈیو سوشل میڈیا پر وائرل ہوگئی۔

باغی ٹی وی : سماجی رابطے کی ویب سائٹ انسٹاگرام پر گوہر خان نے اپنی ایک ویڈیو شیئر کی ہے جس میں اُن کے ساتھ اُن کے شوہر زید دربار بھی موجود ہیں۔

ویڈیو میں دیکھا جاسکتا ہے کہ زید دربار نماز ادا کررہے ہیں جبکہ اُن کی اہلیہ گوہر خان بھی اُن کے پیچھے کھڑیں نماز کی پڑھ رہی ہیں۔

جبکہ ویڈیو میں بیک گراؤنڈ پر بیان بھی چل رہا ہے کہ سچی محبت کی علامت یہ ہے کہ ایک طرف شوہر نماز پڑھ رہا ہے اور اس کے ساتھ ہی بیوی بھی اپنا فرض پورا کرتے ہوئے نماز ادا کررہی ہے۔

گوہر خان نے میاں بیوی کے خوبصورت رشتے کی عکاسی کرتی ویڈیو شیئر کرتے ہوئے کیپشن میں ’سبحان اللہ‘ لکھا۔

اُنہوں نے لکھا کہ ’الحمداللہ! یہ اللہ تعالیٰ کی سب سے خوبصورت اور بڑی نعمت ہے۔

خیال رہے کہ گوہر خان گزشتہ سال 25 دسمبر کو معروف بالی ووڈ میوزک کمپوزر اسماعیل دربار کے بڑے بیٹے زید دربار کے ساتھ رشتۂ ازدواج میں منسلک ہوئی تھیں۔

بالی وڈ سُپر اسٹار سلمان خان کی آنے والی نئی فلم ’رادھے: موسٹ وانٹڈ بھائی ‘ کے ٹریلر اور ریلیز شدہ گانے ‘سیٹی مار’ کو بے پناہ پذیرائی مل رہی ہے اب شائقین کو فلم کی ریلیز کی بے صبری سے انتظار ہے-

باغی ٹی وی : فلم کی تیاری کے حوالے سے اپنے یوٹیوب چینل پر پوسٹ کی گئی ایک ویڈیو میں سلمان خان کا کہنا تھا کہ اس فلم میں ایکشن سین بہت مشکل تھے اگر اس عمر میں کوئی اداکار فلم میں ایکشن سین کرسکتا ہے تو وہ رومانس بھی کرسکتا ہے –

ہیروئن دیشا پاٹنی کے حوالے سے کہنا تھا کہ انہوں نے بہت اچھا کام کیا ہے اور وہ بہت خوبصورت لگ رہی ہیں۔

سلمان خان کا ازراہ مذاق کہنا تھا کہ فلم میں دونوں ہم عمر لگ رہے ہیں، مطلب وہ میری عمر کی نہیں بلکہ میں ان کی عمر کا لگ رہا ہوں۔

خیال رہےکہ 55 سالہ سلمان خان کی نئی فلم میں ان کی ہیروئن ان سے 27 سال چھوٹی ہیں۔

سُپر اسٹار نے فلم میں بوسے کے منظر سے متعلق بتایا کہ اس فلم میں ایک بوسے کا سین ضرور ہے لیکن وہ دیشا کے ساتھ نہیں ہے وہ ٹیپ پر ہے یعنی وہ منہ پر ٹیپ رکھ کر فلمایا گیا ہے۔

انہوں نے کہا سس فلم میں دھمال مستی اور میوزک بہت بڑھیا ہے ڈائیلاگ بازی ہے فلم بہت اچھی ہے عید پر ریلیز ہو گی اور مجھے امید ہے عوام کو پسند آئے گی-

سلمان خان کی فلم رادھے کا گانا سیٹی مار ریلیز ہوتے ہی چھا گیا ،ٹوئٹر پر ٹاپ ٹرینڈ

سلمان خان کی فلم ’رادھے‘ ٹریلر جاری ہوتے ہی ٹوئٹر پر ٹاپ ٹرینڈ

سلمان خان کی فلم ’رادھے‘ کے ٹریلر میں غلطی یا لاپراوہی؟ سوشل میڈیا پر نئی بحث کا آغاز