Baaghi TV

Category: شوبز

  • پاکستانی اداکارعمران عباس ترکی کے سفیر برائے خیر سگالی مقرر

    پاکستانی اداکارعمران عباس ترکی کے سفیر برائے خیر سگالی مقرر

    پاکستان کے عالمی شہرت یافتہ اداکار و ماڈل عمران عباس کو ترکی حکومت او اس کی وزارت مذہبی امور ‘دیانت’ کی جانب سے سفیر برائے خیرسگالی مقرر کیا گیا ہے۔

    باغی ٹی وی : گزشتہ روز سماجی رابطے کی ویب سائٹ انسٹاگرام پر عمران عباس نے اپنی پوسٹ میں خوشی کا اظہار کرتے ہوئے ترکی کا خیر سگالی سفیر مقرر ہونے کا اعلان کیا-

    عالمی شہرت یاافتہ اداکار نے اپنی پوسٹ میں لکھا کہ انہیں ترکی کی حکومت اور اس کی وزارت مذہبی امور ‘دیانت’ نے خیر سگالی کے سفیر کے اعزاز سے نوازا ہے۔

    عمران عباس نے بتایا کہ انہوں نے اس ہفتے ترکی کے نامور اداکاروں کے ساتھ تنزانیہ سمیت کئی افریقی ممالک کا دورہ کیا جہاں لوگوں میں پانی، خوراک، تعلیم اور زندگی کی دیگر بنیادی ضروریات کی اشیاء کے علاوہ مسلمانوں میں ہزاروں قرآن پاک کا تحفہ بھی تقسیم کیا۔

    اداکار کی پوسٹ پر مداح بڑی تعداد میں پسندیدگی کا اظہار کرتے ہوئے ان کے لیے نیک خواہشات کا اظہار کر رہے ہیں۔جبکہ اداکارہ ریما خان اور عائزہ خان نے بھی مبارکباد دی-

    خیال رہے کہ عمران عباس ان دنوں ترکی کے دورے پر ہیں اور ان دنوں ترکی سے’بارانِ رحمت’ کے نام سے رمضان ٹرانسمیشن کی میزبانی کررہے ہیں جسے ای میکس میڈیا پروڈکشنز کی جانب سے پروڈیوس کیا گیا ہے۔

    علاوہ ازیں اس سے قبل انسٹاگرام سمیت دیگر سوشل میڈیا پلیٹ فارمز پر گردش کررہی تھیں جن میں وہ ڈراما سیریز ‘دیریلیش ارطغرل’ کے اداکاروں سے ملاقاتیں کرتے بھی نظر آئے تھے۔

    علاوہ ازیں انہوں نے قصیدہ بردہ شریف پڑھا ہے جس کی ویڈیو ان کے یوٹیوب چینل پر ریلیز ہوتے ہی مقبول ہوگئی ہے قصیدہ بردہ شریف کی اس ویڈیو کی ہدایات نے عمران عباس نے خود دی ہیں اور اسے پرڈویوس نے بھی انہوں نے ہی دی ہیں۔

    اس ویڈیو کی فوٹوگرافی کی ہدایات میٹن سیوندک نے ہدایات دی ہیں جبکہ اسے ویولو فلمز اور بزپال ٹورزم استنبول کے تعاون سے ترکی کے شہر استنبول میں فلمائی گئی ہے۔

    عمران عباس رواں برس ترکی سے رمضان ٹرانسمیشن کی میزبانی کریں گے

    عمران عباس کی آواز میں قصیدہ بردہ شریف‘ریلیز ہوتے ہی مقبول

  • ‘گنگو بائی کاٹھیا واڑی’ کی سینما میں ریلیز مشکل ،انتظامیہ کا او ٹی ٹی پلیٹ فارم پر ریلیز کرنے پر غور

    ‘گنگو بائی کاٹھیا واڑی’ کی سینما میں ریلیز مشکل ،انتظامیہ کا او ٹی ٹی پلیٹ فارم پر ریلیز کرنے پر غور

    اداکارہ عالیہ بھٹ اور ہدایتکار سنجے لیلا بھنسالی کی فلم متنازع فلم ‘گنگو بائی کاٹھیا واڑی’ کی سینما میں ریلیز مشکل میں پڑ گئی جس کی وجہ سے ہدایتکار فلم کو او ٹی ٹی پلیٹ فارم پر ریلیز کرنے پر غور کر رہے ہیں-

    باغی ٹی وی : بھارتی میڈیا کے مطابق سنجے لیلا بھنسالی کے قریبی ذرائع نے بتایا ہےکہ عالیہ بھٹ کی آنے والی فلم ‘ گنگو بائی کاٹھیا واڑی’ کو 30 جولائی کو سنیما میں کورونا وبا کی وجہ سے ریلیز کرنا مشکل دکھائی دے رہا ہے جس کے باعث ہدایت کار اسے او ٹی ٹی پلیٹ فارم پر ریلیز کرنے پر غور کررہے ہیں۔

    ذرائع کا کہنا ہے کہ بھارت میں کورونا وائرس کے بڑھتے کیسز کے باعث سنجے لیلا کے پاس کوئی دوسرا آپشن نہیں، سوائے اس کے کہ وہ فلم کو ڈیجیٹل پلیٹ فارم پر ریلیز کردیں۔

    خیال رہے کہ بھار ت میں کورونا وائرس کے کیسز میں تیزی سے اضافہ ہورہا ہے،جس میں بالی ووڈ نگری کی بھی بڑی تعداد شامل ہے جبکہ فلم ‘گنگو بائی کاٹھیا واڑی’کے ہدایت کار سنجےلیلا اور مرکزی اداکارہ عالیہ بھٹ بھی کورونا کا شکار ہوچکی ہیں جس کے باعث فلم کی شوٹنگ کو ملتوی بھی کیا جاچکا ہے۔

    واضح رہے کہ سنجے لیلا بھنسالی فلم کے ہدایت کار اور عالیہ بھٹ مرکزی اداکارہ ہیں اور یہ فلم مصنف حسین زیدی کی کتاب ’مافیا کوئین آف ممبئی‘ کے ایک باب پر مبنی ہے جو کہ گنگو بائی کاٹھیاواڑی کی زندگی پر مشتمل ہے فلم کی ریلیز کی تاریخ رواں سال 30 جولائیہے فلم میں عالیہ بھٹ کے علاوہ اجے دیوگن بھی اہم کردار میں نظر آئیں گے۔

    خیال رہے کہ بابو راؤجی شاہ نامی شخص نے گنگو بائی کاٹھیاواڑی پر ہتک عزت کا مقدمہ درج کروایا تھا بابوراؤ جی شاہ نے دعویٰ کیا ہے کہ کتاب میں گنگو بائی کاٹھیاواڑی پر موجود ابواب میں ان کی منہ بولی والدہ کو بدنام کیا گیا ہے، ان کی ساکھ کو داغدار کیا گیا ہے اور ان کی والدہ کی رازداری اور عزت نفس کے حق کی خلاف ورزی کی گئی ہے-

    کاٹھیاواڑی کے لے پالک بیٹے نے دعویٰ کیا ہے کہ یہ فلم حقائق پر مبنی نہیں ہے اور اس میں ان کے خاندان کو بدنام کیا گیا ہے۔

    جس پر ممبئی کی ایڈیشنل چیف میٹروپولیٹن مجسٹریٹ کی عدالت نے اداکارہ عالیہ بھٹ، فلمساز سنجے لیلا بھنسالی اور دو مصنفین کو فلم ’گنگو بائی کاٹھیا واڑی‘ سے منسلک ایک مجرمانہ ہتک عزت کے معاملے میں سمن جاری کیا تھا جس میں انہیں 21 مئی کو عدالت میں پیش ہونے کے لیے کہا گیا ۔

    جبکہ اس سے قبل بابو راؤجی شاہ نے اس سے قبل ممبئی کی سول عدالت سے رجوع کیا تھا جس میں اس نے کتاب کے مصنفین کے خلاف کتاب شائع کرنے سے روکنے کا حکم مانگاتھا اور عدالت سے استدعا کی تھی کی فلم کے ٹریلرز اور پروموز کو نشر نہ کیا جائے۔ تاہم اسے عدالت سے خارج کردیا گیا تھا۔ اس مقدمے کی برطرفی کے بعد اہل خانہ کو بدنام کرنے پر شاہ نے مصنفین اور فلمساز کے خلاف فوجداری کارروائی کی درخواست کی تھی۔

    عالیہ بھٹ اورسنجے لیلا بھنسالی پروڈکشن کے خلاف مقدمہ درج

    عالیہ بھٹ کی فلم گنگو بائی کاٹھیاواری کی ریلیز کی تاریخ سامنے آ گئی

    سنجے لیلا بھنسالی اوراداکارہ عالیہ بھٹ ہتک عزت کا مقدمہ دائر عدالت کا 21 مئی کو پیش ہونے کا حکم

  • فلم ’دی بگ بُل‘ کی کامیابی ،امیتابھ بچن کو بیٹے ابھیشک بچن پر فخر

    فلم ’دی بگ بُل‘ کی کامیابی ،امیتابھ بچن کو بیٹے ابھیشک بچن پر فخر

    بالی وڈ اداکار ابھیشیک بچن کی چند روز قبل ریلیز ہونے والی فلم ’دی بگ بُل‘ کو جہاں مختلف قسم کی آرا کا سامنا کرنا پڑا وہیں کامیابیاں بھی سمیٹ رہی ہے اور ابھیشیک کی اداکاری کو بھی کافی سراہا جارہا ہے-

    باغی ٹی وی : فلم 1990 اور 2000 کے درمیان پیش آنے والے معاشی بحران سے منسلک ایک حقیقی واقعے سے ماخوذ ہے جس کا تعلق اسٹاک مارکیٹ میں ہرشد مہتہ اور ان کے مالیاتی جرائم سے ہے۔

    فلم کے منظر عام پر آتے ہی سماجی رابطوں کی ویب سائٹس کے علاوہ مداحوں کی بھی توجہ حاصل کرنے میں کافی حد تک کامیاب رہی ہے جبکہ اسٹریمنگ پلیٹ فارم نے فلم ’دی بگ بل‘ کو ڈزنی اور ہاٹ اسٹار پر سال کے سب سے بڑے اوپنر کے طور پر پیش کرنے کا اعلان بھی کیا ہے-

    فلم کی ریلیز کے بعد بگ بی امیتابھ بچن نے سماجی رابطے کی ویب سائٹ ٹوئٹر پر اپنے بیٹے ابھیشیک بچن کو اس کی کامیابی پر مبارکباد پیش کی اور کہا کہ ’مجھے اپنے بیٹے پر فخر ہے۔


    امیتابھ بچن نے لکھا کہ ’شاباش میرے بیٹے، مجھے تمہاری کامیابی پر فخر ہے، ویسے بھی جب آپ کا بیٹا آپ کے جوتے پہننے لگے تو وہ بیٹا نہیں رہتا آپ کا دوست بن جاتا ہے۔

  • چرا کے دل میرا گوریا چلی، صبا قمر کی پوسٹ پر میکال ذوالفقار کا دلچسپ تبصرہ

    چرا کے دل میرا گوریا چلی، صبا قمر کی پوسٹ پر میکال ذوالفقار کا دلچسپ تبصرہ

    پاکستان شوبز انڈسٹری کی معروف اداکارہ صبا قمر کی تصاویر پر اداکار میکال ذوالفقار نے دلچسپ تبصرہ کیا ہے جسے مداحوں کی جانب سے خوب پسند کیا جا رہا ہے-

    باغی ٹی وی : اداکارہ صبا قمر بیرون ملک روانہ ہوگئی ہیں جس کے بعد ان کے بارے میں کئی طرح کی افواہیں زیر گردش ہیں۔

    صبا قمر نے سماجی رابطے کی ویب سائٹ انسٹاگرام پر اپنی تصویر پوسٹ کی ہے، تصویر میں دیکھا جا سکتا ہے اداکارہ جہاز میں موجود ہیں۔

    کیپشن میں اداکارہ نے لکھا کہ”بنجارا،،۔

    صارفین نے ان سے سوال بھی بھی کیا ہے کہ وہ کہاں اور کیوں جارہی ہیں؟ لیکن اداکارہ نے کوئی جواب نہیں دیا –

    دوسری جانب اداکارہ کی پوسٹ پر ردعمل دیتے ہوئے عدنان انصاری نے لکھا ترکی جا رہی ہیں صبا جبکہ اظفر رحمن نے لکھا محفوظ رہو اور فریحہ الطاف نے بھی اداکارہ کے لئے نیک خواہشات کا اظہار کیا-

    اسی تصویر پر میکال ذوالفقار نے بھی دلچسپ کمنٹ کیا جس سے مداحوں سمیت خود صبا قمر کو بھی کافی محفوظ ہوتی نظر آئیں-

    میکا ل نے لکھا ہے کہ چرا کے دل میرا گوریا چلی۔ جس کے ردعمل میں صبا قمر نے میکال ذوالفقار کو ٹیگ کرتے ہوئے لکھا کہ منزل تو ہی میری تیری گلی میں چلی-

  • میرےبس میں ہوتا تو شادیوں کا سسٹم ہی ختم کروادیتا عمرشریف نے ایسا کیوں کہا؟

    میرےبس میں ہوتا تو شادیوں کا سسٹم ہی ختم کروادیتا عمرشریف نے ایسا کیوں کہا؟

    پاکستانی کامیڈین اداکار عمر شریف کا کہنا ہے کہ انہیں بیویوں کا ماں بننا سخت ناپسند ہے-

    باغی ٹی وی : کامیڈین اداکار عمر شریف حال ہی میں ایک ٹی وی پروگرام میں شریک ہوئے اور اپنی 3 شادیوں سے متعلق گفتگو کی عمر شریف نے بتایا کہ انھوں نے پہلی شادی دیبا سے کیریئر میں کامیاب ہونے کے بعد کی۔

    عمر شریف نے پہلی بیوی کے بارے میں بتایا کہ ʼشادی سے قبل میں اہلیہ دیبا کو پسند کرتا تھا لیکن دیبا سے شادی امی نے اپنی پسند سے کروائی ، دیبا میری پڑوسن تھی اور ہمارے گھر روز ان کا ان آنا جانا تھا۔

    عمر شریف نے دوسری شادی کے حوالے سے بات کرتے ہوئے بتایا کہ ان کی دوسری شادی ڈرامہ آرٹسٹ شکیلہ سے ہوئی اور لڑائی جھگڑوں کے سبب شادی صرف 3 سال چل سکی۔

    عمر شریف کا کہنا تھا کہ شکیلہ سے علیحدگی قسمت میں لکھی تھی لیکن وہ بھی اچھی خاتون ہیں۔

    عمر شریف نے مزید بتایا کہ ان کی تیسری شادی اسٹیج اداکارہ زرین غزل سے ہوئی جو انہیں اچھی لگیں اور ان سے شادی کر لی۔

    اپنی تسیری بیوی کے بارے میں عمر شریف کا کہنا تھا کہ زرین ایک بہت سلیقہ مند اور عقلمند خاتون ہیں۔

    عمر شریف کا کہنا تھا کہ بیویوں کا ماں بننا سخت ناپسند ہے اگر ان کے بس میں ہوتا تو شادیوں کا سسٹم ہی ختم کروا دیتے۔

  • ناانصافی کے خلاف چپ رہنے کا کلچر ہمارا طرزِ زندگی بن گیا ہے حاجرہ یامین

    ناانصافی کے خلاف چپ رہنے کا کلچر ہمارا طرزِ زندگی بن گیا ہے حاجرہ یامین

    پاکستان شوبز کی معروف اداکارہ حاجرہ یامین کا خیال ہے کہ ناانصافی کے خلاف چپ رہنے کا کلچر ہمارا طرزِ زندگی بن گیا ہے-

    باغی ٹی وی :اداکارہ حاجرہ یامین کی سوشل میڈیا پر ویڈیو وائرل ہو رہی ہی جس میں انہوں نے کراچی کے مسائل کی وجوہات اور ان کا حل بتایا ہے اور انہوں نے عوام کو اپنے بنیادی حقوق کے لئے آواز بلند کرنے کیا مشورہ دیا ہے-

    ویڈیو میں حاجرہ یامین نے کہا کہ کراچی کی بربادی کی جو وجہ ہے نا وہ بہت ہی خاندانی ہے، معصومانہ، یہ کیوٹ ہے’

    اداکارہ نے ویڈیو میں سوالیہ انداز اپناتے ہوئے کہا کہ جب بن بلائے مہمان آپ کے گھر میں آجاتے ہیں اور واپس جانے کا نام نہیں لیتے تو آپ کیا کرتے ہیں؟جب خالہ آپ کے وزن پر تبصرہ کرتی ہیں تو آپ کیا کرتی ہیں؟ جب گھر والے آپ کی مرضی کے بغیر آپ کا کیریئر اور ساتھی چنتے ہیں تو آپ کیا کرتے ہیں؟

    اداکارہ نے اپنے سوالات کا خود ہی جواب دیتے ہوئے کہا کہ آپ چپ رہتے ہیں۔

    حاجرہ یامین نے کہا کہ تو یہ ناانصافی کے خلاف چپ رہنے کا جو کلچر ہے نا یہ ہمارا طرزِ زندگی بن گیا ہے۔

    اداکارہ نے کہا کہ سڑک ایک طرف سے ٹوٹ گئی؟ چپ کرکے راستہ بدل لو، فون چھن گیا؟ چپ کرکے نیا فون لے لو، پولیس والے نے رشوت مانگی؟ چپ کرکے پیسے دے دو، چینی مہنگی ہوگئی؟ چپ کرکے پھیکی چائے پی لو۔

    حاجرہ یامین نے مزید کہا کہ اب کراچی والوں کا چپ رہنے کا جو یہ رویہ ہے نا یہ دیکھ کر کسی عقلمند کو بہت شاندار خیال آیا، اس نے سوچا کہ ایک ایسا علاقہ بناتے ہیں جس میں یہ جتنے بھی امیر لوگ ہیں نا ان کو اکٹھا کرتے ہیں اور ان سے ان کا سب کچھ چھین لیتے ہیں، یہ زیادہ سے زیادہ کیا کریں گے؟ چپ رہیں گے۔

    حاجرہ یامین نے کہا کہ تو اب یہ جو ہاؤسنگ سوسائٹی کا آئیڈیا تھا یہ بہت کامیاب رہا، لوگوں سے بجلی چھین لی تو انہوں نے جنریٹر لگوالیے، پانی بند کردیا تو انہوں نے ٹینکر ڈلوالیے، پانی بند کردیا لیکن پانی کا بل بھیج دیا تو لوگوں نے بل ادا کردیا۔

    انہوں نے مزید کہا کہ چوری اور ڈکیتی بڑھ گئی تو لوگوں نے پرائیویٹ گارڈز رکھ لیے، تو ظلم کے خلاف کوئی کچھ نہ بولا اور سب ہنسی خوشی چپ چاپ زندگی بسر کرتے گئے-

    حاجرہ نے کہا کہ ڈئیر کراچی، مجھے نہیں پتا تم نے چپ رہنا کب سیکھا، تب جب بچپن میں تمہیں سوال کرنے سے روکا گیا؟ یا شاید تب جب تمہیں احساس ہوا کہ دیواروں پر پان کی پیکوں کے بیچ معصوم خون بھی ہے یا پھر شاید تب جب تمہارے سر پر کسی نے پستول رکھ دی اور تمہیں جان اور مال کے بیچ میں سے کسی ایک کو چننا پڑا۔

    انہوں نے کہا کہ میں نہیں جانتی کہ آپ نے کب چپ رہنے کا فیصلہ کیا لیکن اتنا ضرور جانتی ہوں کہ اب وہ لمحہ ہے، وہ موقع ہے، جب آپ کو بولنے کا فیصلہ کرنا ہے۔

    حاجرہ یامین نے ویڈیو کے آخر میں کہا کہ میں نہیں جانتی کہ آپ کے بولنے سے کتنا فرق پڑتا ہے لیکن اتنا تو اب آپ بھی جانتے ہیں کہ ایک قطرے میں کتنی طاقت ہوتی ہے، قطرہ قطرہ ملا کر دریا بن ہی جاتا ہے-

    لڑکیوں کے پاس تعلیم ہو یا نہ ہولیکن ہنر کاہونا بہت ضروری ہے کومل رضوی

  • حنا خان کی خوبصورتی پرمداح کیجانب سے کیس کرنے کی دھمکی

    حنا خان کی خوبصورتی پرمداح کیجانب سے کیس کرنے کی دھمکی

    بھارتی اداکارہ اور بگ باس کنٹسٹنٹ حنا خان کو ان کی خوبصورتی پر مداح نے کیس کرنے کی دھمکی دے دی-

    باغی ٹی وی : بھارتی میڈیا رپورٹس کے مطابق حنا خان سوشل میڈیا پر بھی کافی فعال ہیں۔اورسوشل میڈیا پر اپنے مداحوں سے رابطے میں ہوتی ہیں اور اپنی مصروفیات سے بھی آگاہ رکھتی ہیں۔

    حا ل ہی میں بھارتی اداکارہ نے فوٹوز اینڈ ویڈیو شیئرنگ ایپ انسٹاگرام پر اپنے مداحوں سے سوالات و جوابات کا سیشن رکھا۔

    سیشن اس وقت ایک دلچسپ موڑ اختیار کرگیا جب ان کے ایک مداح نے ان کی خوبصورتی کے اوپر ان کے خلاف کیس دائر کرنے کا کہا۔

    اس مداح نے الزام عائد کیا کہ حنا خان اپنی خوبصورتی سے سب کو مارنے کا منصوبہ بنارہی ہیں۔

    اس نے لکھا کہ میں آپ پر کیس کروں گا، اتنی گرمی میں آپ نے اپنی ہوٹنیس سے ہم کو مار ڈالیں گی-

    جس پر رد عمل دیتے ہوئے حنا خان نے ہنسی کی ایموجیز کے ساتھ اپنے مداح کو کہا کہ ’کر دیجیے گا‘۔

    بھارتی داکارہ نے یہ دھمکی اپنے انسٹاگرام کی اسٹوری پر بھی لگائی –

  • کینسر کی شکار ہیری پوٹر کی اداکارہ ہیلین میک کروری انتقال کرگئیں

    کینسر کی شکار ہیری پوٹر کی اداکارہ ہیلین میک کروری انتقال کرگئیں

    کینسر کی شکار ہالی ووڈ اسٹار اور سیریز ہیری پوٹر کی اداکارہ ہیلین میک کروری 52 برس کی عمر میں انتقال کرگئیں۔

    باغی ٹی وی : اداکارہ ہیلین مک کروری ہیری پوٹر سیریز اور پیکی بلائنڈرز میں اپنے کام کی وجہ سے مشہور تھی۔

    غیر ملکی میڈیا رپورٹ کے مطابق اداکارہ کے شوہر ڈامیئن لوئس نے مائیکرو بلاگنگ ویب سائٹ ٹوئٹر پر ان کی موت کی تصدیق کی ہے۔

    انہوں نے بتایا کہ ہیلین کی موت گھر پر ہی واقع ہوئی، وہ طویل عرصے سے کینسر سے جنگ لڑ رہیں تھیں-

    ہیری پوٹر کے مرکزی کردار ڈینیئل ریڈکلف نے اپنے انسٹاگرام پر پوسٹ میں اداکارہ کی موت کی تصدیق کرتے ہوئے افسوس کا اظہار کیا جبکہ ہیری پوٹر فلم کی مصنفہ کے رولنگ اور اداکار ٹونی روبنسن سمیت کئی نامور اسٹارز نے بھی ان کی موت پر غم کا اظہار کیا۔

  • فلک اور سارہ والدین بننے جا رہے ہیں ؟

    فلک اور سارہ والدین بننے جا رہے ہیں ؟

    پاکستان شوبز انڈسٹری کی نامور اداکارہ و ماڈل سارہ خان کے شوہر و گلوکار فلک شبیر نے سوشل میڈیا پر ایک ایسا پیغام جاری کیا جس نے دونوں کے مداحوں کو شش و پنج میں مبتلا کر دیا ہے-

    باغی ٹی وی :گلوکار فلک شیر نے فوٹوز اینڈ ویڈیو شیئرنگ ایپ انسٹاگرام پر اپنی اسٹوری پر ایک تصویر شئیر کی ہے جس میں دنی میں نئے آنے والے مہمان کے والد اور والدہ کا خاکہ شئیر کیا ہے اور ساتھ میں انھوں نے لکھا کہ ’یہ ایک رشتے کی خوبصورتی ہے۔‘

    فلک شیر کے اس معنی خیز پیغام سے یہ تاثر پیدا ہوتا ہے کہ اہلیہ سارہ خان امید سے ہیں تاہم اپنے اس پیغام کے ساتھ فلک نے اس حوالے سے کسی بھی طرح کی تصدیق یا تردید نہیں کی۔

    اس پوسٹ کی تصدیق یا تردید نہ ہونے کے باعث ان کے مداح اس شش و پنج میں ہیں کیا واقعی فلک اور سارہ والدین بننے جارہے ہیں؟-

    خیال رہے کہ سارہ خان ٹائیفائیڈ کا شکار ہوگئی تھیں جس کی وجہ سے اُنہیں اسپتال میں داخل کیا گیا تھا سارہ خان کی طبیعت بہتر ہونے کے بعد وہ کل ہی اسپتال سے ڈسچارج ہوکر گھر واپس آئی ہیں۔

    واضح رہے کہ گزشتہ دنوں سارہ خان کے شوہراور گلوکار فلک شبیر نے اپنے تصدیق شدہ انسٹاگرام اکاؤنٹ پر ایک خصوصی اسٹوری شیئر کی تھی جس میں اُن کی اہلیہ و اداکارہ سارہ خان اسپتال میں موجود تھیں۔

    فلک شبیر نے تصویر کے کیپشن میں بتایا تھا کہ ’سارہ خان کی طبعیت ٹھیک نہیں ہے تاہم گلوکار نے اہلیہ کی صحت سے متعلق مزید کچھ نہیں بتایا تھا بعد ازاں ایک نجی خبر رساں ادارے سے گفتگو کرتے ہوئے سارہ خان کے مینجر نے بتایا تھا کہ اداکارہ ٹائیفائیڈ میں مبتلا ہوگئی ہیں۔

    سارہ خان طبیعت خراب ہونے کے باعث اسپتال داخل

    صحتیابی پر فلک شیر کا سارہ خان کے لئےخوبصورت تحفہ

  • میں اپنی نجی زندگی کو پرائیویٹ رکھنا چاہتی ہوں حنا الطاف

    میں اپنی نجی زندگی کو پرائیویٹ رکھنا چاہتی ہوں حنا الطاف

    پاکستان ڈرامہ انڈسٹری کی معروف اداکارہ و میزبان حنا الطاف نے کہا ہے کہ وہ اپنے شوہر اداکار آغا علی کے ساتھ اپنی تصویریں سوشل میڈیا پر شیئر نہیں کرتیں کیونکہ وہ نجی زندگی کو پرائیوٹ رکھنا چاہتی ہیں –

    باغی ٹی وی : حال ہی میں حنا الطاف نے اپنے تصدیق شدہ انسٹاگرام اکاؤنٹ پر اپنی ایک مداح کی گفتگو کا اسکرین شاٹ شیئر کیا جس میں مداح نے اداکارہ سے سوال کیا کہ آپ آغا علی کے ساتھ اپنی تصویریں سوشل میڈیا پر شیئر کیوں نہیں کرتیں؟

    مداح کے سوال کا جواب دیتے ہوئے حنا الطاف نے کہا کہ بہت سے لوگ مجھ سے یہی سوال کرتے ہیں لیکن مجھے ذاتی طور پر نہیں پسند کہ اپنی نجی زندگی کو سوشل میڈیا پر شیئر کروں۔

    حنا الطاف نے کہا کہ جب آپ اپنی نجی زندگی کو سوشل میڈیا پر شیئر کرتے ہو تو جہاں تعریف ہوتی ہے تو وہیں اُس سے کہیں زیادہ افراد تنقید بھی کرتے ہیں، بس اسی وجہ سے میں نے اپنی زندگی کو پرائیوٹ رکھا ہوا ہے۔

    اداکارہ نے کہا کہ میں یہاں کسی کو کوئی مشورہ یا تجویز نہیں دے رہی ہوں، سب اپنی زندگی کے خود ہی باس ہیں تو آپ لوگ وہی کریں جس سے آپ کو خوشی ملتی ہے۔

    حنا کا مزید کہنا تھا کہ ذاتی زندگی کو سوشل میڈیا پر شیئر نہ کرکے مجھے خوشی اور راحت ملتی ہے اپنی پوسٹ کے آخر میں حنا نے بتایا کہ جب وہ لاہور تھیں تو ان کی ساس نے انہیں مزے کی بریانی بنا کر کھلائی یہ بات سچ ہے کہ لاہور لاہور ہے-

    واضح رہے کہ گزشتہ سال جمعتہ الوداع یعنی 22 مئی 2020 کو چند عزیزوں کی موجودگی میں حنا الطاف نے معروف اداکار آغا علی سے نکاح کیا تھا۔

    خیال رہے کہ حنا اور آغا علی نجی ٹی وی چینل ض کے شو دا کپل شو میں میزبانی کے فرائض سرانجام دے رہے ہیں –