Category: شوبز

پاکستان ٹی وی انڈسٹری کے خوبرو اداکار بلال عباس نے ایک انٹرویو میں اپنی پہلی محبت کے حوالے سے بتادیا۔

باغی ٹی وی : سوشل میڈیا پر بلال عباس اکثر و بیشتر اپنے بارے میں مداحون کو آگاہ کر تے رہتے ہیں جس سے ان کے مداح کافی خوش اور محفوظ ہوتے ہیں تاہم اب اداکار نے اپنی پہلی محبت کے بارے میں بتایا ہے –

اپنے حالیہ انٹرویو میں بلال عباس سے سوال کیا گیا کہ آپ کو زندگی میں پہلی محبت کس سے ہوئی یا آپ کا پہلا کَرش کون تھا؟ اس سوال کا جواب دیتے ہوئے انہوں نے کہا کہ انہیں زندگی کی پہلی محبت اپنی اسکول کی ٹیچر سے ہوئی تھی۔

واضح رہے کہ بلال عباس ڈرامہ انڈسٹری کے ابھرتے ہوئے باصلاحیت اداکار ہیں، شوبز میں انٹری کے بعد قلیل مدت میں ہی انہوں نے اپنی صلاحیتوں سے اداکاری کی دنیا میں اپنا آپ منوایا اور اپنی ایک خاص پہچان بنا چکے ہیں

بلال عباس متعدد ڈراموں اور ویب سیریز جھوٹی لو اسٹوری میں اداکاری کاری کر چکے ہیں اور آج کل ڈرامہ سیریل ڈنک میں اداکاری کر رہے ہیں –

پاکستان ٹی وی انڈسٹری کی نامور اداکارہ علیزے شاہ نے انکشاف کرتے ہوئے کہا ہے کہ وہ طویل عرصے سے ایکنی کے مسائل سے لڑ رہی ہیں۔

باغی ٹی وی : اداکارہ علیزے شاہ نے جلد کے مسائل کے شکار افراد اور خصوصی طور پر کیل مہاسوں جیسے مسائل میں مبتلا خواتین کے لیے ہمت افزا پیغام جاری کرتے ہوئے اعتراف کیا ہے کہ وہ بھی طویل عرصے سے مذکورہ مسئلے کا شکار ہیں۔

علیزے شاہ نے انسٹاگرام اسٹوری میں ایک پوسٹ اور ویڈیو شیئر کرتے ہوئے اعتراف کیا کہ وہ طویل عرصے سے کیل مہاسوں (چہرے پر سرخ دانے) سے نبرد آزما ہیں۔

علیزے شاہ نے اپنی انسٹا اسٹوری میں کہا کہ آج میں آپ کو اپنے سب سے بڑے عدم تحفظ کے بارے میں بتانے جارہی ہوں اور وہ یہ ہے کہ میں ایک طویل عرصے سے ایکنی سے لڑ رہی ہوں۔

اداکارہ نے مختصر پوسٹ میں بتایا کہ وہ کافی عرصے سے چہرے پر کیل مہاسوں کے مسئلے سے لڑ رہی ہیں اور ساتھ ہی انہوں نے چہرے پر سرخ دانے دکھائے جانے کی ایک ویڈیو بھی شیئر کی۔

اداکارہ نے کہا کہ ہم میں سے بہت سے لوگوں کا ماننا ہے کہ خوبصورت اور صاف جِلد ہی ہماری خوشگوار زندگی کا ایک اہم مقصد اور بنیاد ہے جبکہ میرا خیال اس کے بالکل برعکس ہے۔

اُنہوں نے کہا کہ ’میرا ماننا یہ ہے کہ ہم کیل مہاسوں کے ساتھ بھی ایک خوشگوار زندگی گُزار سکتے ہیں۔

انہوں نے ایسے مسائل کے شکار افراد کو پیغام دیا کہ وہ کیل مہاسوں کے ساتھ ہی خوش رہنا سیکھیں اور خود سے پیار کریں، تاکہ دوسرے لوگ بھی ان کی خوبصورتی کی تائید کریں۔

علیزے شاہ نے طویل عرصے سے چہرے پر کیل مہاسوں کے ہونے کو اپنے لیے مشکل بھی قرار دیا، تاہم ساتھ ہی لکھا کہ وہ ان کے ساتھ بھی خوش زندگی گزار رہی ہیں۔

خیال رہے کہ زیادہ تر ماہرین صحت کیل مہاسوں کو بڑی بیماری قرار نہیں دیتے، البتہ انہیں جلد کے ایک مسئلے کے طور پر لیا جاتا ہے۔

پاکستان تحریک انصاف (پی ٹی آئی) کے سینیٹر اور سینیٹ کی اطلاعات و نشریات کی اسٹینڈنگ کمیٹی کے چیئرمین فیصل جاوید خان کی جانب سے شوبز شخصیات کے معاوضوں پر قانون سازی کے اعلان کے بعد اداکاروں میں خوشی لی لہر دوڑ گئی-

باغی ٹی وی : گزشتہ سال فیصل جاوید خان سے قبل وزیر اطلاعات شبلی فراز نے بھی اکتوبر 2020 میں ایک انٹرویو میں دعویٰ کیا تھا کہ حکومت نے وزیر اعظم کی ہدایات کے مطابق فلم انڈسٹری کی بحالی سے متعلق قانون سازی تیار کرلی ہے اور اسے مارچ 2021 تک نافذ کیا جائے گا۔

علاوہ ازیں پی ٹی آئی رہنما فردوس عاشق اعوان نے بھی میڈیا سے بات کرتے ہوئے ماضی میں بتایا تھا کہ حکومت نے شوبز انڈسٹری کی بحالی سے متعلق اقدامات اٹھاکر شوبز انڈسٹری کو ایک صنعت کا درجہ دینے سے متعلق اقدامات کرلیے ہیں-

تاہم اب سینیٹر فیصل جاوید خان کی جانب سے بھی شوبز انڈسٹری کے لیے قانون سازی کرنے کا اعلان کیا گیا، جو کو شوبز شخصیات نے سراہا ہے۔

فیصل جاوید خان نے رواں ماہ 12 اپریل کو ٹوئٹر پر اپنی دو سلسلہ وار ٹوئٹس میں بتایا تھا کہ وہ پاکستان میں ڈراما و فلم پروڈیوسرز کی جانب سے فنکاروں کو کم معاوضہ یا ڈراموں یا فلموں کے دوبارہ نشر کیے جانے پر انہیں دوبارہ معاوضہ نہ دیے جانے کے مسائل کو حل کرنے کے لیے قانون سازی پر کام کر رہے ہیں۔

فیصل جاوید خان نے اپنی ٹوئٹ میں لکھا کہ دنیا کے دوسرے ممالک میں ڈراموں یا فلموں کے دوبارہ نشر ہونے پر اداکاروں کو دوسری مرتبہ معاوضہ ملتا ہے جب کہ تیسری مرتبہ بھی نشر کرنے پر انہیں معاوضہ دیا جاتا ہے۔

انہوں نے افسوس کا اظہار کیا کہ پاکستان میں ایسا نہیں ہوتا اور ساتھ ہی لکھا کہ ہمارے ہاں تو پہلے ہی بہت سارے فنکاروں کو کام کا یا تو معاوضہ ہی نہیں دیا جاتا یا پھر بہت کم دیا جاتا ہے۔

فیصل جاوید خان کے مطابق ملک میں ایسا کوئی قانون یا پالیسی نافذ نہیں ہے، جس سے مذکورہ مسائل حل کیے جائیں۔

انہوں نے اپنی دوسری ٹوئٹ میں لکھا کہ وہ اس سنگین مسئلے کو حل کرنے کے لیے قانون سازی کرنے میں مصروف ہیں اور وہ متعلقہ معاملے پر اسٹیک ہولڈرز سے بھی رابطے میں ہیں۔

فیصل جاوید خان نے بتایا کہ جلد ہی وہ فنکاروں کو ان کے حقوق دلانے کا قانون سامنے لائیں گے، جس سے فنکاروں کا دیرینہ مسئلہ حل ہوجائے گا اور وہ بہتر معاوضہ حاصل کریں گے۔
https://twitter.com/SakinaSamo/status/1381551181483413504?s=20

Thank you for bringing this up Faisal. https://t.co/pYBxPdwbJm

— Ali Zafar (@AliZafarsays) April 12, 2021

علی ظفر اور سکینہ سموں سمیت متعدد شوبز شخصیات نے فیصل جاوید خان کی ٹوئٹس پر ان کا شکریہ ادا کرنے سمیت ان کی ٹوئٹس کو شیئر کرتے ہوئے ان کی تعریفیں کیں اور مذکورہ قانون سازی کو وقت کی اہم ضرورت قرار دیا۔

Thank you for this. It’s been a LONG time coming. #RoyaltiesForArtists https://t.co/UqJV7jezBw

— Zara Tareen (@ztareen) April 12, 2021

#RoyaltiesforArtists https://t.co/RK8ZSSjlJ0

— sami khan (@samikhan421) April 12, 2021

خیال رہے کہ گزشتہ چند سال سے مختلف شوبز شخصیات پرانے ڈراموں یا فلموں کو دوبارہ نشر یا ریلیز کرنے پر فنکاروں کو بھی دوبارہ معاوضہ دینے کا مطالبہ کرتے آ رہے ہیں جن میں میکال ذوالفقار ، یاسر حسین اور نائلہ جعفری سر فہرست ہیں-

کینسر کا شکار نائلہ جعفری کی وائرل ویڈٰیو پر شوبز فنکاروں کا رد عمل

سندھ حکومت کا کینسر کا شکار نائلہ جعفری کی مالی معاونت کا اعلان

ڈرامہ سیریل ’ٹکے کی آئے گی بارات‘ میں بھاری بھرکم جسم کے ساتھ اپنی اداکاری کے ساتھ شائقین کو متاثر کرنے والی اداکارہ عروسہ صدیقی نے اپنا وزن کر کے سب کو حیران کر دیا-

باغی ٹی وی : اداکارہ عروسہ صدیقی کی اداکاری کو مداحوں نے موٹاپے میں بھی بہت پسند کیا لیکن اس کے باوجود اداکارہ نے خود کو انڈسٹری میں مزید آگے بڑھانے کے لیے اپنا وزن کم کرنے پر بہت محنت کی اور اب ان کے موٹاپے اور وزن کم کرنے کے بعد کی متعدد تصاویر سوشل میڈیا پر بہت وائرل ہو رہی ہیں۔


متعدد ڈرامہ سیریلز میں اداکاری کے جوہر دکھانے والی اداکارہ عروسہ صدیقی کو انڈسٹری میں قدم رکھنے کے وقت سے ہی بھاری بھرکم جسم کے ساتھ اداکاری کرتے دیکھا گیا اور ڈرامہ سیریل ’ٹکے کی آئے گی بارات‘ میں ان کی اداکاری نے سب کو بہت متاثر بھی کیا۔

لیکن اس کے باوجود اداکارہ نے اپنا وزن کم کرنے کی ٹھانی اور پھر ہمت نہ ہاری، تین سال کی مسلسل جدوجہد کے بعد عروسہ صدیقی آج ایک بالکل ہی مختلف روپ میں نظر آتی ہیں۔

اداکارہ کی جانب سے اپنے انسٹاگرام پر شئیر کی گئی تصاویر کودیگر اداکاروں کی طرح ژالے سرحدی ،حنا الطاف اور منال خان نے بھی عروسہ صدیقی کے وزن کم کرنے کو خوب سراہا-

کچھ مداحوں نے عروسہ کی کم وزن کے ساتھ تصاویر پر حیرت کا اظہار کیا اور اداکارہ سے وزن کم کرنے کی ٹپس اور ڈائٹ پلان مانگا-