پاکستان شوبز کی نامور اداکارہ ،ماڈل اور پروڈیوسر اداکارہ عروہ حسین کا کہنا ہے کہ وہ کسی بھی مرد میں جذباتیت اور احساس کا عنصر دیکھتی ہیں اور انہیں وہی مرد اچھے لگتے ہیں جن میں احساس اور جذبات ہوں۔

باغی ٹی وی : عروہ حسین نے حال ہی میں اداکار و میزبان واسع چوہدری کے اے آر وائے ٹی وی پر نشر ہونے والے شو ’گھبرانا منع ہے‘ میں شرکت کی، جہاں انہوں نے اپنی ذاتی زندگی اور پیشہ ورانہ زندگی پربات کی۔

پروگرام میں عروہ حسین نے بتایا کہ ان کی پہلی پروڈیوس کردہ فلم ‘ٹچ بٹن‘ مکمل ہے مگر اسے فی الحال ریلیز نہیں کیا جا رہا ہے۔

’ٹچ بٹن‘ میں اداکاری نہ کرنے کے سوال پر عروہ حسین نے کہا کہ انہیں پروڈکشن کا کوئی تجربہ نہیں تھا اور انہیں سمجھ نہیں آ رہا تھا کہ وہ کیسے فلم کو پروڈیوس کرتے وقت اداکاری کریں گی اس لیے انہیں خود کو فلم میں کاسٹ کرنے کا خیال نہیں آیا۔

ایک سوال کے جواب میں عروہ حسین نے کہا کہ وہ رومانوی شخصیت کی مالک ہیں مگر اس کے باوجود وہ فوری طور پر محبت نہیں کرتیں۔

انہوں نے کہا کہ وہ کسی بھی مرد میں جذباتیت اور احساس کا عنصر دیکھتی ہیں اور انہیں وہی مرد اچھے لگتے ہیں جن میں احساس اور جذبات ہوں۔

عروہ حسین نے کہا کہ خدا کی طرف سے ہر مرد کو احساس اور جذبات دیئے گئے ہوتے ہیں مگر بہت سارے افراد کو انہیں استعمال کرنے کا موقع نہیں ملتا یا وہ انہیں استعمال کرنے سے محروم رہتے ہیں۔

پروگرام کے آخر میں عروہ حسین سے معنی خیز ڈائیلاگ بولا کہ انہیں کسی نے بتایا کہ اگر کچھ بھی ہو جائے تو بھی کچھ نہیں ہوتا‘ –

جس پرواسع چوہدری نے انہیں جواب دیا کہ اداکارہ نے بریک اپ کا جو نتیجہ نکالا ہے وہ یہ ہے کہ ’کچھ بھی ہوجائے تو بھی کچھ نہیں ہوتا‘۔

اداکارہ نے میزبان کی وضاحت پر دوبارہ مسکراتے ہوئے یہی جملہ دہرایا کہ ’کچھ بھی ہوجائے تو بھی کچھ نہیں ہوتا‘۔

خیال رہے کہ گزشتہ برس نومبر میں عروہ حسین اور ان کے شوہر فرحان سعید کے درمیان کشیدہ تعلقات اور علیحدگی کی خبریں سامنے آئی تھیں جس کے بعد اداکارہ کے والدہ نے بیٹی کی طلاق کی خبروں کو مسترد کیا تھا۔

تاہم حیران کن طور پر دونوں نے گزشتہ چند ماہ سے پھیلنے والی افواہوں پر کوئی وضاحت جاری نہیں کی اور نہ ہی دونوں نے سوشل میڈیا پر ایک ساتھ تصویر شیئر کی ہے، جس وجہ سے ان کے درمیان علیحدگی کی چہ مگوئیاں ہیں۔

’میرے پاس تم ہو‘ کے کردار کو ٹھکرانے کا آج بھی افسوس ہے عروہ حسین

سوشل میڈیا پر پاکستان کی معروف ٹک ٹاک اسٹااور اداکارہ حریم شاہ کے برائیڈل فوٹو شوٹ کے چرچے ہیں۔

باغی ٹی وی : حریم شاہ نے اپنے تصدیق شدہ انسٹاگرام اکاؤنٹ پر اپنے برائیڈل فوٹوشوٹ کی ویڈیوز اور تصویریں شیئر کی ہیں جو دیکھتے ہی دیکھتے وائرل ہوگئی ہیں-

حریم شاہ کی خوبصورت تصاویر ان کے مداح شیئر کرتے ہوئے اپنی پسندیدگی کا اظہار کررہے ہیں، اداکارہ نے خود اپنی پوسٹ پر کمنٹ سیکشن بند کررکھا ہے۔

جبکہ دوسری جانب حریم شاہ اپنی پہلی ویب سیریز ’راز‘ میں اداکاری کے میدان میں قدم رکھا ہے جس کا ٹریلر ریلیز کیا گیاتھا-

ویب سیریز ’راز‘ کے 55 سیکنڈ دورانیے پر مشتمل ٹریلر میں حریم شاہ کی مفتی عبدالقوی کو تھپڑ مارنے کی ویڈیو بھی شامل ہے۔

’راز‘ کی ہدایتکاری اسد علی زیدی نے دی ہے، یہ ویب سریز اردو فلکس پر پیش کی جائیگی ۔

یہ واضح نہیں ہے کہ ’راز‘ کی کہانی حریم شاہ کی ذاتی زندگی پر مبنی ہے یا نہیں تاہم ٹریلر سے ایسا ظاہر ہوتا ہے کہ سیریز کی کہانی ان کی زندگی سے متاثر ہوکر بنائی گئی ہے۔

واضح رہے کہ حال ہی میں دیئے گئے انٹر ویواداکارہ و ٹک ٹاکرحریم شاہ نے وفاقی وزیر داخلہ شیخ رشید احمد کی شادی کے حوالے سے حیران کن انکشاف کرتے ہوئے بتایا کہ انہوں نے اب تک شادی میری وجہ سے نہیں کی ہے۔

حریم شاہ نے متعدد لوگوں کی ویڈیوز وائرل کرنے کے سوال پر بھی وفاقی وزیر کا نام لیتے ہوئے کہا تھا کہ متعدد لوگوں کی ویڈیوز اور واٹس ایپ کال سامنے لانے کے بعد مجھے اس لئے جان کا خطرہ نہیں کیوںکہ میرے پیچھے شیخ رشید کا ہاتھ ہے-

شیخ رشید کے شادی نہ کرنے کے حوالے سے حریم شاہ کاحیران کن انکشاف

پاکستان کی متنازع اور معروف ٹک ٹاکر اور اداکارہ حریم شاہ نے دعوی کیا ہے کہ وزیر داخلہ شیخ رشید نے میری وجہ سے آج تک شادی نہیں کی۔

باغی ٹی وی : حال ہی میں دیئے گئے ایک انٹرویو میں اداکارہ و ٹک ٹاکرحریم شاہ نے وفاقی وزیر داخلہ شیخ رشید احمد کی شادی کے حوالے سے حیران کن انکشاف کرتے ہوئے بتایا کہ انہوں نے اب تک شادی میری وجہ سے نہیں کی ہے۔

حریم شاہ نے متعدد لوگوں کی ویڈیوز وائرل کرنے کے سوال پر بھی وفاقی وزیر کا نام لیتے ہوئے کہا کہ متعدد لوگوں کی ویڈیوز اور واٹس ایپ کال سامنے لانے کے بعد مجھے اس لئے جان کا خطرہ نہیں کیوںکہ میرے پیچھے شیخ رشید کا ہاتھ ہے-

حریم شاہ نے بتایا کہ شیخ رشید مجھے کہتے ہیں کہ میں پورے پاکستان پر بھاری ہوں، اس لئے میری حفاظت کو انہوں نے اپنی ترجیحات میں رکھا ہوا ہے، اسی وجہ سے انہوں نے شادی نہیں کی۔

ٹاک ٹاکر نے اپنی شادی سے متعلق کہا کہ میں شادی کے بعد کی زندگی سے کبھی نہیں ڈرتی لیکن میرا ماننا ہے کہ جوڑے آسمانوں پر بنتے ہیں، میرے نصیب میں بھی کوئی شخص ہوگا لیکن ابھی میرا شادی کا کوئی ارادہ نہیں ہے کیوںکہ میری شادی کی عمر ہی گزر چکی ہے۔

حریم شاہ نے دوستوں کے حوالےسے بتایا کہ آستین کے سانپ والا محاورہ میرے نزدیک بہت اہمیت رکھتا ہے میرے دوست ہی میرے سب سے بڑے دشمن ہیں میرے ساتھ ہی رہ کر میرے خلاف سازشیں کرتے ہیں اور افسوس کی بات یہ ہے کہ وہ لوگ چاہتے ہوئے بھی اپنی غلطی کا اقرار نہیں کرتے-

حریم نے کہا کہ میں جب بھی اپنے دوستوں کے ساتھ اچھا کرنے کی کوشش کرتی ہوں وہ پھر بھی مجھے نقصان پہنچانے کی کوشش کرتے ہیں لیکن میں ان کے حملوں سے نہیں ڈرتی کیوںکہ مجھے ڈر صرف اللہ پاک سے ہے۔

پاکستان میوزک انڈسٹری کے معروف گلوکارو موسیقا ربلال مقصود نے معروف اداکار عدنان صدیقی کی بانسری کو نئے ساز دے کرموسیقی شائقین کے دل جیت لیے ہیں۔

باغی ٹی وی : عدنان صدیقی اچھی اداکاری کے ساتھ ساتھ بانسری بھی اچھی بجا لیتے ہیں اور اکثر ہی اپنا شوق پورا کرتے، بانسری بجاتے ہوئے ویڈیو اپنے سوشل میڈیا پر مداحوں کے ساتھ شیئر کرتے ہیں جنہیں خوب پسند کیا جاتا ہے۔

گزشتہ رو عدنان صدیقی کی جانب سے اپنے اپنے تصدیق شدہ انسٹا گرام اکاؤنٹ پر ایک ویڈیو شیئر کی گئی جس میں وہ بھارتی سلسلہ کے اپنے ایک پسندیدہ گانے ،نیلا آسمان، کی دھن بانسری پر بجا رہے ہیں عدنان صدیقی کے اس انداز پر انٹرنیٹ صارفین کی جانب سے انہیں خوب داد بھی دی گئی ہے۔

عدنان صدیقی کی مزکورہ ویڈیو میں بلال مقصود نے بانسری کے ساتھ پیانو کے ساز چھیڑتے ہوئے میوزک کے دلدادہ مداحو ں کے دل جیت لئے-

بلال مقصود کی جانب سے شیئر کی گئی ویڈیو میں دیکھا جا سکتا ہے کہ وہ عدنان صدیقی کی ویڈیو ایک موبائل پر چلا کر ساتھ میں پیانو بجا رہے ہیں۔

بلال مقصود کا اپنی اس پوسٹ کے کیپشن میں کہا کہ انہوں نے عدنان صدیقی کی یہ ویڈیو اُن کےانسٹا گرام پر دیکھی اور انہوں نے سوچا کہ وہ بھی اس ویڈیو میں اپنا حصہ ڈالیں گے۔

بلال مقصود کا کہنا کہ وہ ایسا صرف انٹرٹینمنٹ کے طور پر کر رہے ہیں۔

بلال مقصود کی اس ویڈیو پرمداحوں کی جانب سے تعریفی کمنٹس کا سلسلہ جاری ہے جبکہ اس ویڈیو کو ہزراوں بار دیکھا اور پسند کیا جا چکا ہے-

پاکستانی اداکار و ماڈل عمران عباس نے سوشل میڈیا پر اپنے بچپن کی ایک تصویر شیئر کی جس میں وہ چھوٹے سے معصوم سے بچے نظر آ رہے ہیں۔

باغی ٹی وی : خوبصورت اور تیکھے نین نقش کے مالک عمران عباس کا شمار پاکستان کے نامور اداکاروں کی فہرست میں کیا جاتا ہے جن کے مداح دنیا بھر میں موجود ہیں، عمران عباس کو متعدد بار ایشیا ء کے خوبصورت مردوں کی فہرست میں شامل کیا جا چکا ہے عمران عباس سوشل میڈیا پر بھی کافی متحرک رہتے ہیں اور مداحوں کو اپنی مصروفیات کے بارے میں آگاہ کرتے رہتے ہیں-

عمران عباس کی جانب سے حال ہی میں اپنے مداحوں کے ساتھ اپنے بچپن کی ایک تصویر شیئر کی گئی ہے جس میں وہ ننھے سے اور معصوم سے بچے نظر آ رہے ہیں-

عمران عباس نے اپنی اس بچپن کی تصویر کے ساتھ کیپشن میں کہ میر ے بچپن کے دن، کچھ خوابوں کی تکمیل پیچھے بھاگتے ہوئے انہوں نے یہ بچہ کہیں کھو دیا ہے۔

عمران عباس کی اس تصویر کو مداحوں کی جانب سے خوب سراہا جا رہا ہے-

واضح رہے کہ اداکار عمران عباس رواں برس ‘بارانِ رحمت’ کے نام سے رمضان ٹرانسمیشن کی میزبانی کریں گے جسے ای میکس میڈیا پروڈکشنز کی جانب سے پروڈیوس کیا گیا ہے۔

عمران عباس رواں برس ترکی سے رمضان ٹرانسمیشن کی میزبانی کریں گے

ڈرامہ انڈسٹری کی نامور اور سینئیر اداکارہ ثانیہ سعید اور نوجوان اداکارہ حنا الطاف ‘ڈور’ نامی ڈرامے میں ایک ساتھ نظر آئیں گی۔

باغی ٹی وی : اسکرین رائٹر ساجد گل کی جانب سے فوٹو اینڈ ویڈیو شیئرنگ ایپ انسٹاگرام پر مذکورہ ڈرامے کی تصویر شیر کرتے ہوئے کیا گیا-

ساجد گل نے بتایا کہ ان کا نیا ڈراما ‘ڈور’ جلد نشر ہوگا تاہم انہوں نے ڈرامے کے حوالے سے کسی حتمی تاریخ کا اعلان نہیں کیا۔

ان کی جانب سے شیئر کی گئی تصویر میں اداکارہ ثانیہ سعید موجود ہیں جو 2 کٹھ پتلیوں، اداکار علی عباس اور حنا الطاف کو قابو کرتی نظر آرہی ہیں تصویر میں موجود تینوں اداکاروں کو سیاہ رنگ کے لباس میں ملبوس دکھایا گیا ہے جس سے ایسا معلوم ہوتا ہے کہ ‘ڈور’ کی کہانی کسی تاریک پہلو کو اجاگر کرتی ہے۔

ڈان امیجز کے مطابق سجاد گل نے بتایا کہ ‘ڈور’ میں ‘سازِ عشق’ کے اداکار اظفر رحمٰن بھی اداکاری کررہے ہیں۔

سجاد گل نے کہانی سے متعلق بتایا کہ جب کوئی شخص اپنے آپ کو خطرے میں پاتا ہے اور کسی کونے میں چھپ جاتا ہے، اس کی بقا پر سوال آتا ہے، تو وہ دوسروں پر انتقامی کارروائی کرتا ہے۔

سجاد گل کے مطابق اس ڈرامے کا فلسفہ یہ ہے کہ کسی کی زندگی میں بعض اوقات، اگر کوئی شخص ظالم نہیں بنتا تو اس کے ساتھ ناانصافی ہوجاتی ہے۔

ڈرامے میں دکھایا گیا ہے کہ اگر کوئی اپنی کہانی یا زندگی کی ذمہ داری اٹھانے میں ناکام ہوتا ہے تو وہ کسی اور کے ڈرامےمیں ایک کٹھ پتلی بن جاتا ہے۔

‘ڈور’ میں ثانیہ سعید، حنا الطاف اور علی عباس کے ساتھ ساتھ اظفر رحمٰن، عفت رحیم، نیئر اعجاز اور سلیم معراج بھی نظر آئیں گے۔