پاکستان کے معروف اداکار شہروز سبزواری صرف شارٹ میں جاگنگ کرتے ہوئے ویڈیو وائرل ہورہی ہے جسے صارفین کی جانب سے کڑی تنقید کا نشانہ بنایا جارہا ہے۔

باغی ٹی وی : شوبز انڈسٹری کے سینئر اداکار بہروزسبزواری کے بیٹے اداکار شہروز سبزواری کو اپنی ایک ویڈیو کی وجہ سے سوشل میڈیا پر تنقید کا سامنا ہے۔

سوشل میڈیا پر شہروز سبزواری کی ایک ویڈیو وائرل ہورہی ہے جس میں وہ افطار سے قبل سڑک پر جاگنگ کررہے ہیں لیکن اس دوران صرف شارٹ پہننے کی وجہ سے انہیں صارفین تنقید کا نشانہ بنارہے ہیں۔

ویڈیو میں دیکھا جاسکتا ہےکہ شہروز سبزواری شارٹ پہن کر اپنے دوستوں کے ہمراہ جاگنگ کررہے ہیں جب کہ ان کے دوست بھی صرف شارٹ میں ہی موجود ہیں۔

سوشل میڈیا صارفین نے اداکار کے لباس پر تنقید کی ہے اور صارفین کا کہنا ہےکہ پردہ صرف خواتین کے لیے نہیں ہے بلکہ مردوں کو بھی اس حوالے سے سنجیدہ رویہ اپنانا چاہیے اور اپنے آپ کو مناسب طریقے سے ڈھانپنا چاہیے۔ایک صارف نے لکھا کہ مغرب میں بھی لوگ ایسے نہیں بھاگتے۔

ایک صارف نے اپنے کمنٹ میں کہا کہ ’پردہ کرنا صرف خواتین کا حق ہے کیا ؟ مرد جو چاہیں وہ کرسکتے ہیں ؟‘

ایک صارف نے اپنے کمنٹ میں کہا کہ کپڑے نہیں ہیں۔

گلوکار علی ظفر کی جانب سے گلوکارہ میشا شفیع کے خلاف ہتک عزت کے کیس کی سماعت ہوئی جس میں میشا شفیع کی گواہ لینا غنی پیش ہوئیں تاہم ان کی جرح مکمل نہ ہوسکی۔

باغی ٹی وی :لاہور کی سیشن کورٹ میں ایڈیشنل سیشن جج اظہر اقبال رانجھا نے گلوکار علی ظفر کے ہتک عزت کے دعوی پر سماعت کی۔

دورانِ سماعت عدالت میں پیش ہونے والی میشا شفیع کی گواہ لینا غنی نے بتایا کہ ان کی علی ظفر کے ساتھ کالج کے دنوں میں اچھی دوستی تھی اور ایک ڈرامے میں بھی کام کیا بعد میں وہ علی ظفر کے ساتھ کوئی پراجیکٹ نہیں کرسکی تھیں۔

عدالت میں لینا غنی کی بہن اور علی ظفر کے ساتھ مختلف اداکاروں کی تصاویر بھی پیش کی گئیں۔

علی ظفر کے وکیل نے کہا کہ لینا غنی نے ہراساں کرنے کا الزام عائد کیا جس کے بعد ان کی بہن علی ظفر کے ساتھ مختلف دورے کرتی رہیں۔

تاہم علی ظفر کے وکیل کے سوالات پر لینا غنی غصے میں آگٸیں ان کے بیان پر جرح جاری تھی کہ عدالتی وقت ختم ہو گیا۔

لینا غنی نے عدالت کو بتایا وہ اگلے ہفتے کورونا ویکسین لگوائیں گی اس کے بعد ہی پیش ہو سکتی ہیں۔

جس کے بعد عدالت نے سماعت 22 مئی تک ملتوی کرتے ہوئے لینا غنی کو دوبارہ طلب کر لیا۔

خیال رہے کہ لینا غنی کا بیان فروری میں قلمبند ہوا تھا جس میں انہوں نے کہا تھا کہ لندن میں جون 2014 کو ہم ریڈ کارپٹ پر موجود تھے علی ظفر نے میری اجازت کے بغیر میرے کندھے پہ ہاتھ رکھا اور ہاتھ رکھتے ساتھ ہی کہا لینا دیکھو باہر بارش ہورہی ہے میرا دل کررہا ہے کہ میں آپ کا بوسہ لوں اور میں یہ سنتے ہی ایک دم چونک گئی۔

انہوں نے بتایا تھا کہ بیروت ایکسپریس میں ڈنر کے دوران علی ظفر نے ان سے دوبارہ نازیبا گفتگو کی، اس موقع پر ان کی دوست اور علی ظفر کی اہلیہ بھی موجود تھیں۔

واضح رہے کہ یہ کیس علی ظفر کی جانب سے میشا شفیع کے خلاف دائر کیا گیا تھا، ہتک عزت کا مذکورہ کیس علی ظفر نے اس وقت دائر کیا تھا جب گلوکارہ نے ان پر جنسی ہراسانی کے الزامات عائد کیے تھےمیشا شفیع نے اپریل 2018 میں اپنی ٹوئٹس میں علی ظفر پر جنسی ہراسانی کے الزامات عائد کیے تھے۔

جس کے بعد انہوں نے گورنر پنجاب اور محتسب اعلیٰ پنجاب میں علی ظفر کے خلاف جنسی ہراسانی کی شکایت بھی دائر کروائی تھیں مگر دونوں جگہوں سے ان کی درخواست مسترد کردی گئی تھی۔

میشا شفیع اور علی ظفر کے درمیان جاری اس کیس کو 2 سال مکمل ہونے کو ہیں مگر تاحال کیس کا فیصلہ نہیں ہوسکا اور یہ کیس ملک کا اہم ترین ہتک عزت کا کیس بن چکا ہے۔

علی ظفر میشا شفیع کیس: عفت عمر عدالت میں پھر پیش نہ ہو سکیں، لینا غنی نے بیان ریکارڈ کرا دیا

پاکستان شوبز انڈسٹری کی سینئراور لیجنڈری اداکارہ بشریٰ انصاری نے کورونا وائرس میں مبتلا وینٹیلیٹر پر موجود اپنی بہن سنبل شاہد کے لیے سوشل میڈیا پر جذباتی پیغام جاری کیا ہے۔

باغی ٹی وی : اداکارہ بشریٰ انصاری نے فوٹو اینڈ ویڈیو شئیرنگ ایپلیکیشن انسٹاگرام اپنی بہن و اداکارہ سنبل شاہد کے ہمراہ لی گئی اپنی یادگار تصویر شیئر کی۔

اداکارہ نے اس تصویر کے کیپشن میں جذباتی پیغام لکھا کہ میری پیاری بہن سنبل شاہد جلدی سے اُٹھ جاؤ، ہم تمہارے لیے بہت پریشان ہیں جلدی سے ٹھیک ہو جاؤ-

اُنہوں نے لکھا کہ خُدا کے لیے سنبل ٹھیک ہوجاؤ۔

واضح رہے کہ اداکارہ بشریٰ انصاری اور اسما عباس کی بہن اداکارہ سنبل شاہد عالمی وبا کورونا وائرس میں مبتلا ہیں جس کے باعث ان کی حالت تشویشناک ہو گئی ہے۔

سنبل شاہد کو بگڑتی صحت کے باعث وینٹی لیٹر پر منتقل کر دیا گیا تھا جس کے بعد اداکارہ اسما عباس نے مداحوں سے اپیل کی تھی سنبل شاہد اسپتال میں وینٹیلیٹر پر ہیں، براہِ کرم اُن کی جلد صحتیابی کیلئے دعا کریں۔