اسلام کی خاطر شوبز کو خیر باد کہنے والی سابق اداکارہ نور بخاری نے بھارت میں کورونا کی بگڑتی ہوئی صورتحال کے باعث بھارتیوں کو سورہ رحمٰن سننے کا مشورہ دیا ہے۔

باغی ٹی وی :بھارت کے مختلف علاقوں میں کورونا وائرس کی وبا کا قہر جاری ہے ابھارت نے کورونا کے ایک دن میں سب سے زیادہ 348,000 نئے کیسوں کے معاملے میں پوری دنیا کو پیچھے چھوڑ دیا، جب کہ متاثرین کے لیے انتہائی ضروری آکسیجن گیس کی قلت پیدا ہوگئی اور اس ضمن میں بلیک مارکیٹ بھی سرگرم ہوگئی ہے۔ اس کے ساتھ ساتھ شمشان گھاٹوں کی بھی کمی ہو گئی ہے.

بھارت اس وقت دنیا میں کورونا کے پھیلاؤ کا نیا مرکز بنتا جا رہا ہے- جب کہ ہر 4 منٹ میں ایک شخص اس وائرس سے ہلاک ہورہا ہے ایسے میں پاکستان سمیت دنیا بھر سے بھارتی عوام کے لیے نیک خواہشات کا اظہار کیا جارہا ہے۔

بھارت کی اس صورتحال کو دیکھتے ہوئے گزشتہ روز ایدھی فاؤنڈیشن کے سربراہ فیصل ایدھی نے بھارت کو 50 ایمبولنس اور رضاکار بھجوانے کی پیشکش کی تھی جبکہ آج وزیراعظم عمران خان، وزیر خارجہ شاہ محمود قریشی اور وزیر اطلاعات فواد چوہدری سمیت پاکستان بھر سے بھارتی عوام کے لیے نیک خواہشات کا اظہار کیا جا رہا ہے۔

شاہ محمود قریشی نے کہا کہ ہمسایہ ملک کو وینٹی لیٹر، بی آئی پی اے پی، ڈیجیٹل ایکسرے مشین، پی پی ای اور دیگر متعلقہ اشیاء دینے کے لیے تیار ہیں۔

گزشتہ روز سے پاکستان میں ہیش ٹیگ PakistanStandWithIndia# اور PakistanWithIndia# ٹاپ ٹرینڈز میں شامل ہے اور عوام کی جانب سے پاکستان اور بھارت سمیت دنیا بھر سے کورونا کے جلد مکمل خاتمے کے لیے دعائیں کی جا رہی ہیں جن میں پاکستانی فنکار بھی شامل ہیں-

سابق اداکارہ نوربخاری نے بھی اپنے انسٹاگرام اکاؤنٹ پر ایک پوسٹ شیئر کرکے بھارتیوں کے ساتھ اظہار ہمدردی کیا ہے۔

نور بخاری نے لکھا ’ہماری دعائیں بھارت کے ساتھ ہیں اللہ رحم کرے‘۔

اس کے ساتھ ہی انہوں نے ان کے بھارتی مداحوں کو مشورہ دیتے ہوئے کہا ’میرے بھارتی مداح اور فالوورز براہ کرم بطورعلاج دن میں تین بار قاری عبدالباسط کی آواز میں سورہ رحمن کی تلاوت سنیں۔ اور اگر کوئی کورونا میں مبتلا ہے تو اس کے نزدیک یہ سورہ رکھ دیں۔ گھروں میں رہیں محفوظ رہیں۔

نور بخاری کی پوسٹ پر دیگر سوشل میڈیا صارفین نے بھی روحانی علاج کے مشورے دیئے-

بچوں اور بڑوں کے پسندیدہ جنوں اور پریوں کے قصوں سے بھرپور90ء کی دہائی کا پی ٹی وی ڈراما سیریز عینک والا جن ڈراما طویل عرصے تک نشر ہوتا رہا اور آج بھی لوگ نستور جن، زکوٹا، ہامون جادوگر اور بل بتوڑی کے کرداروں کو بھولے نہیں ہیں-

باغی ٹی وی : مذکورہ ڈرامے کو جتنی مقبولیت پاکستان میں حاصل ہوئی وہ آج تک کسی ڈرامے کا مقدر نہیں بنی تاہم ڈرامے میں کام کرنے والی کاسٹ کا حال اب زیادہ اچھا نہیں یہ ایسے ٹی وی اداکاروں کے لیے عام مسئلہ ہے جو کسی شو میں طویل عرصے تک کام کرتے ہیں اور ان کے کردار اتنے مشہور ہوجاتے ہیں کہ دیگر ڈائریکٹرز ان کو کاسٹ کرنے سے گھبراتے ہیں۔

ان ڈائریکٹرز کو لگتا ہے کہ ان کے ڈراموں میں وہ اداکار اپنے سابقہ کردار کے اثر سے باہر نہیں نکل سکے گا۔

تاہم اب اداکار یاسر حسین ان کی مدد کے لئے سامنے آئے ہیں اورسوشل میڈیا کے ذریعے وزیراعظم سے ان کی مدد کی درخواست کی ہے۔

یاسر حسین نے انسٹا اسٹوری میں ایک تصویر شئیر کی تصویر میں وزیراعظم عمران خان کے ہمراہ ڈرامہ سیریل ’عینک والا جن‘ کے تین معروف کردار موجود ہیں۔

یاسر حسین نے اپنی انسٹا اسٹوری میں لکھا کیا آپ جانتے ہیں کہ عینک والا جن کی کاسٹ کو دوبارہ کاسٹ نہیں یا گیا، ان میں سے آدھے لوگ بھوک سے مرگئے اور باقی افراد میں سے کچھ امداد پر زندہ ہیں۔

انہوں نے لکھا وزیراعظم عمران خان ان فنکاروں نے ہسپتال سے پارٹی بنانے تک آپ کا ساتھ دیا، ان کی حالت پر رحم کریں۔

عمران خان کے ساتھ کھڑے کرداروں میں ’زکوٹا جِن‘، ہامون جادوگر اور ’بل بتوڑی‘ شامل ہیں جنہوں نے تصویر میں اپنا وہی منفرد روپ اپنایا ہوا ہے جس سے اُنہیں ماضی میں کافی شہرت ملی۔

عینک والا جن میں زکوٹا جن کا کردار ادا کرنے الے مطلوب الرحمن المعروف منا لاہوری مشکلات کا سامنا کرتے ہوئے 2018 میں انتقال کر گئے تھے جبکہ 2017 میں بل بتوڑی کا کردار ادا کرنے والی نصرت آرا بیگم کا انتقال ہوا تھا۔

انہوں نے بھی طویل بیماری کا سامنا کیا جبکہ مالی مشکلات کے باعث علاج معالجے کی سہولیات تک رسائی میں مشکلات کا سامنا بھی ہوا۔

پاکستان شوبز انڈسٹری کے نامور کامیڈین واداکار اظہر رنگیلا قانون توڑنے والوںسے نالاں نظر آتے ہیں-

باغی ٹی وی : نجی ٹی وی چینل سے خصوصی گفتگو کرتے ہوئے کامیڈین واداکار اظہر رنگیلا نے کہا کہ ہمارے ملک میں قانون کی پاسداری نہیں کی جا رہی جس کا مجھے بہت زیادہ دکھ ہے، چھوٹے بچے مین شاہراہوں پر آ کر موٹر سائیکلیں اور گاڑیاں چلاتے ہیں،کچھ تو ون ویلنگ بھی کرتے ہیں۔

اظہر رنگیلا کا کہنا تھا کہ میرا سوال ہے کہ کیا قانون بچوں اور شہریوں کو بغیر لائسنس گاڑی چلانے کی اجازت دیتا ہے، کچھ سال پیچھے چلے جائیں تانگوں اور گاڑیوں تک کو نمبرز لگے ہوتے تھے، اب معاملات ماضی کے برعکس ہیں۔

کامیڈین اداکار نے کہا کہ انسان سے زندگی میں غلطیاں سرزد ہوتی رہتی ہیں میری ہمیشہ یہ کوشش رہتی ہے کہ اپنی اصلاح کروں اور ایک مرتبہ جو غلطی ہو جائے اس کو دوبارہ نہ دہراﺅں۔

پاکستان شوبز انڈسٹری کی نامور اداکارہ اور ٹی وی میزبان شائستہ لودھی نے اپنے پہلی بار اپنے پہلے شوہر وقار سے طلاق کے حوالے سے بات کی کہا کبھی کبھی علیحدہ ہونا ہی بہتر رہتا ہے-

باغی ٹی وی : شائستہ لودھی گلوکار فاخر کے ہمراہ ندا یاسر کے شو ’شان سحور‘ میں شریک ہوئیں جس میں شائستہ لودھی نے اپنی پہلی طلاق کے بارے میں بتاتے ہوئے کہا میں اس سفر کو ایک دوسرے نظریے سے دیکھتی ہوں میرے مطابق بہت پیارا سفر تھا۔

شائستہ لودھی نے کہا اپنے بسے بسائے گھر کو چھوڑنا کسی بھی عورت کے لیے آسان نہیں ہوتا۔ لیکن میں اس سفر کے بارے میں سوچتی ہوں کہ مجھے ہماری 12 سالہ خوبصورت ازدواجی زندگی نے ہمیں خوبصورت بچے دیئے اور میں نے اپنی شادی کے دوران زندگی کے اصل معنی سیکھے۔

شائستہ لودھی نے اپنی طلاق کے بارے میں کہا کہ میں یہ نہیں کہتی کہ طلاق کے معاملے میں ایک شخص ہی برا ہوتا ہے کبھی کبھی دو اچھے لوگوں کے درمیان بھی چیزیں خراب ہوجاتی ہیں جس کی وجہ سے آپ رشتے کو مزید قائم نہیں رکھ سکتے۔

انہوں نے کہا کہ ہوسکتا ہے اس شادی کے دوران میں نے بھی غلطیاں کی ہوں اور تھوڑی غلطیاں سابق شوہر کی طرف سے بھی ہوئی ہوں لیکن جو رشتہ اچھے نوٹ پر ختم کیا جائے اس میں آپ کی بھی عزت ہوتی ہے اور سامنے والے کی بھی۔

شائستہ لودھی نے اپنے سابق شوہر وقار واحدی کو بہترین باپ قرار دیتے ہوئے کہا اس وقت میرے کچھ بیوقوف ساتھیوں نے مجھے مشورہ دیا کہ ٹی وی پر آکر سب بولو اور میں نے یہ کیا ، جو غلط تھا شاید اس وقت ہمارے معاملات ٹھیک ہو جاتے لیکن میں سمجھتی ہوں کہ مجھے خاموش رہنا چاہیے تھا جس کا مجھے بعد میں مجھے احساس ہوا –

شائستہ نے مزید کہا کہ کچھ عقلمند لوگوں نے مشورے دئیے کہ ہر چیز کے بارے میں ٹی وی پر بات نہیں کرنی چاہئے۔ کیونکہ جب آپ ایک بات کہتے ہیں تو اس کی خود بخود سو باتیں بن جاتی ہیں جس کے بارے میں آپ کو بھی معلوم نہیں ہوتا۔

شائستہ لودھی نے مزید کہا جب آپ جوان ہوتے ہیں تو آپ کو سب کچھ صحیح لگ رہاہوتا ہے لیکن وقت کے ساتھ ساتھ آپ کو سمجھ آتا ہے اور اگر مجھے اس وقت عقل ہوتی تو میں سمجھ جاتی اس لیےمیری بھی غلطیاں تھیں۔

شائستہ نے کہا کہ شادی ایک بہت پیارا رشتہ ہے لیکن جب آپ کا شادی میں بالکل بھی گزارا نہ ہورہا ہو تو الگ بات ہے لیکن میں کہتی ہوں آپ کو بہت ساری چیزوں کو سمجھنا چاہئے۔

اپنے سابق شوہر وقار کی وفات کے حوالے سے بات کرتے ہوئے شائستہ لودھی نے بتایا کہ طلاق کے بعد ہم دونوں نے شادیاں کر لیں، بعدازاں وقار مختلف بیماریوں میں مبتلا ہو گئے اور ان کی طبیعت زیادہ خراب ہو گئی جس کے باعث وہ انتقال کر گئے۔

اداکارہ نے کہا کہ میرے اپنی سابق ساس کے ساتھ اب بھی بہت اچھے تعلقات ہیں اور میرے بچے اپنے دادا دادی کے ساتھ اچھا وقت بھی گزارتے ہیں، میری تین مائیں ہیں۔

واضح رہے کہ شائستہ لودھی نے 2015 میں عدنان لودھی سے دوسری شادی کی تھی پہلی شادی سے ان کے تین بچے ہیں۔