Category: شوبز

بالی ووڈ اداکارہ ماہیما چوہدری کی بیٹی کی خوبصورتی کے بھارتی سوشل میڈیا پر چرچے ہورہے ہیں۔

باغی ٹی وی :شاہ رخ خان کی فلم ’’پردیس‘‘ سے شہرت حاصل کرنے والی اداکارہ ماہیما چوہدری کا شمار بالی ووڈ کی خوبصورت ادکاراؤں میں ہوتا ہے۔ ماہیما چوہدری فلموں سے دور ہیں لیکن سوشل میڈیا پر کافی سرگرم ہیں-

گزشتہ روز ماہیما چوہدری نے اپنے تصدیق شدہ انسٹاگرام اکاؤنٹ پر ایک ویڈیو شیئر کی جس میں وہ اپنے بیٹی آریانا کے ساتھ ڈینٹسٹ کے پاس جارہی تھیں۔

سوشل میڈیا پر ماہیما چوہدری کی اس ویڈیو کو کافی پسند کیاجارہا ہے ویڈیو میں اُن کی بیٹی کو دیکھنے بعد انسٹاگرام صارفین حیران رہ گئے ہیں کیونکہ اداکارہ کی بیٹی بھی اپنی والدہ کی طرح بےحد خوبصورت ہیں اور لوگ ان کی بیٹی کی خوبصورتی کو سراہ رہے ہیں جب کہ بھارتی میڈیا نے بھی ان کی بیٹی کو اپنی ماں کی طرح خوبصورت قرار دیا ہے اور اب آریانا بھی اپنی والدہ کی طرح خبروں کی زینت بن گئی ہیں۔

واضح رہے کہ ماہیما چوہدری نے 2006 میں بوبی مکھرجی نامی بزنس مین سے شادی کی تھی جس سے ان کی ایک بیٹی آریانا مکھرجی ہے۔ تاہم گھریلو ناچاقیوں کی وجہ سے یہ جوڑی 2013 میں الگ ہوگئی۔ اس کے بعد سے ماہیما چوہدری اپنی بیٹی کو اکیلے ہی پال رہی ہیں۔

لاہور : انتہائی کسمپرسی کی حالت میں زندگی گزارنے والی اسٹیج اداکارہ سعدیہ شیخ کی کرایہ کی دوکان کا پلر گرگیا کاروبار بند ہونے کی وجہ سے حکام سے مدد کی اپیل کر دی-

باغی ٹی وی : شوبز کی زنگارنگ دنیا میں قدم رکھنے والا ہر شخص چاہتا ہے کہ اسے لوگ پہچانیں اور اس کی عزت کریں۔ پاکستان میں تھیٹر اداکاری کافی تنزلی کا شکار ہے جس کے بعد اس کے فنکاروں کو اپنا گزربسر کرنے کے لئے دوسرے روزگار کے مواقع ڈھونڈنے پڑتے ہیں ایسا ہی اسٹیج اداکارہ سعدیہ شیخ کے ساتھ بھی ہوا-

سعدیہ شیخ نے 25 سال تک تھیٹر میں اداکاری لیکن ورونا کی وجہ سے معاشی حالا ت سے تنگ آ کر تکہ کباب کا ٹھیلہ لگا لیا اس حوالے سے دیئے گئے ایک انٹرویو میں سعدیہ شیخ کا کہنا تھا کہ میں نے 1995 میں کام شروع کیا تھا اور شوبز کی دنیا کو 25 سال دیئے ہیں لیکن اب حالات کی وجہ سے میں مجبور ہوں کہ مجھے یہ کام کرنا پڑ رہا ہے۔

تھیٹر کے حالا ت کے بارے میں ان کا کہناتھا کہ تھیٹر اداکاروں کے حالات اب بہتر نہیں رہے، لوگوں کو اس طرح عزت نہیں دی جاتی جس طرح کا وہ کام کرتے ہیں-

سعدیہ شیخ کا کہنا تھا کہ میں نے تھیٹر کے تمام بڑے فنکاروں کے ساتھ کام کیا ہے ا ور میرے ان سے تعلقات بھی بہت اچھے تھےاپنی بے بسی کا ذکر کرتے ہوئے ان کا کہنا تھا کہ کسی شخص کو نہیں پتہ ہوتا کہ اس نے آنے والے کل میں کیا کرنا ہے کل میں ایک کامیاب آرٹسٹ تھی، لیکن آج میں یہ ڈھابہ چلانے پر مجبور ہوں کیونکہ میرے پاس پیسے کمانے کا اور کوئی ذریعہ موجود نہیں ہے۔

اداکارہ سعدیہ شیخ کا کہنا تھا کہ کسی کے آگے ہاتھ پھیلانا اچھا نہیں لگتا  پیٹ پالنے کیلئے محنت کر کے حلال روزی کمانے میں عار محسوس نہیں کرنی چاہیےلوگ حالات سے تنگ آکر ایسی راہ پر چل پڑتے ہیں جہاں سے واپسی نا ممکن ہوتی ہے دعا ہے کسی پر ایسا وقت نہ آئے جس سے دلبرداشتہ لوگ غلط راستے کا چنائو کریں۔

تاہم اب کرائے کی وہ دوکان جہاں اداکارہ اپنا باربی کیو کا ڈھابہ چلارہی تھیں اس کا پلر گرنے کی وجہ سے سعدیہ شیخ کا کاروبار بند ہو گیا ہے اور انہوں نے حکام سے مدد کی اپیل کی ہے-

سعدیہ شیخ کا کہنا ہے کہ دوکان مالکان نے سامان باہر نکالنے کی بجائے تالے لگا دیئے ہیں استیج پر کام نہ ہونے کی وجہ سے باربی کیو کا ڈھابہ بنایا تھا اور روزگار کما رہی تھی دوکان کی حالت انتہائی خستہ تھی بار بار توجہ دلانے کے باوجود مالکان نے مرمت نہ کرائی-

کسی کے آگے ہاتھ پھیلانا اچھا نہیں لگتا  پیٹ پالنے کیلئے محنت کر کے حلال روزی کمانے میں عار محسوس نہیں کرنی چاہیے سعدیہ شیخ

پاکستان شوبز انڈسٹری کی معروف اداکارہ منشا پاشا اور نامور سماجی کارکن جبران ناصر نے نکاح کرلیا۔

باغی ٹی وی : اداکارہ منشا پاشا اور نامور سماجی کارکن جبران ناصر نے خاموشی سے نکاح کرکے مداحوں کو خوشگوار حیرت میں مبتلا کر دیا دونوں کے نکاح کی تصویریں سوشل میڈیا پر وائرل ہوگئی ہیں۔

سوشل میڈیا پر وائرل ہونے والی تصویروں میں دیکھا جاسکتا ہے کہ منشا پاشا گولڈن رنگ کے خوبصورت عروسی لباس میں ملبوس ہیں جبکہ جبران ناصر نے اس موقع پر دولہے نے آف وائٹ رنگ کا کرتا شلوار اور واسکٹ پہن رکھی تھی

دوسری جانب منشا پاشا نے اپنے تصدیق شدہ انسٹاگرام اکاؤنٹ پر اپنے ہاتھوں کی تصویروں شیئر کی ہے جبکہ کیپشن میں کچھ نہیں لکھا۔

منشا پاشا کی پوسٹ پر ساتھی اداکاروں ملیحہ رحمن ، صنم جنگ ، عائشہ عمر اور عمیر سمیت دیگر اداکاروں اور مداحوں کی جانب سے مبارکباد اور نیک تمناؤں کے اظہار کا سلسلہ جاری ہے-

جبران ناصر اور اداکارہ منشا پاشا کا نکاح مذہبی اسکالر جاوید غامدی نے ویڈیو کال کے ذریعے پڑھایا نکاح کی سادہ سی تقریب میں انتہائی قریبی رشتہ داروں نے شرکت کی۔

یاد رہے کہ منشا پاشا نے سال 2019 میں 22 دسمبر کو پاکستان کے مشہور سماجی کارکن جبران ناصر سے منگنی کی تھی اِس جوڑے کی منگنی کی تقریب کا اہتمام کراچی کے ایک مقامی ہوٹل میں کیا گیا تھا جس میں شوبز فنکاروں سمیت دونوں کے قریبی رشتہ داروں نے شرکت کی تھی۔

ماڈل و اداکارہ صحیفہ جبار نے ساتھی اداکاروں کو مشورہ دیا کہ وہ بھی ان کی طرح ماہ رمضان المبارک کی آمد کے موقع پر اپنی پرانی مہنگی اور امپورٹڈ چیزیں فروخت کرکے ضرورت مند لوگوں کے لیے پیسے جمع کر کے ان کی مدد کریں۔

باغی ٹی وی : ماڈل و اداکارہ صحیفہ جبار نے گزشتہ ہفتے اپنی استعمال شدہ چیزوں کو فروخت کے لیے انسٹاگرام پر پیش کیا تھا، جس پر انہیں تنقید کا نشانہ بنایا گیا تھا کہ وہ پرانی چیزوں کو مہنگے داموں بیچنے کے بجائے غریبوں کو مفت میں دیں۔

تنقید کے بعد صحیفہ جبار نے بتایا تھا کہ وہ اپنی استعمال شدہ چیزیں ایک فلاحی کام کے لیے بیچ رہی ہیں۔

صحیفہ جبار نے اپنی انسٹاگرام پوسٹ میں ساتھیوں کو بتایا کہ کچھ دن قبل ہی انہوں نے اپنی استعمال شدہ برانڈڈ اور امپورٹڈ چیزیں فروخت کرنا شروع کیں تو ان پر تنقید کی گئی۔

اداکارہ نے بتایا کہ انہوں نے سادہ طریقے سے انسٹاگرام اسٹوریز پر استعمال شدہ کپڑوں، جوتوں اور بیگز کو فروخت کرنے کے لیے پیش کیا اور انہوں اپنی شرٹس، پینٹس اور کرتوں کو بیچ کر 5 لاکھ روپے جمع کرنے کا ٹارگٹ بنایا تھا۔

صحیفہ جبار نے بتایا کہ کچھ ہی دنوں میں انہوں نے استعمال شدہ چیزیں بیچ کر 2 لاکھ روپے جمع کرلیے اور وہ ٹارگٹ کو پورا کرنے کے لیے مزید چیزیں بیچ رہی ہیں

انہوں نے ساتھیوں کو مشورہ دیا کہ وہ بھی ماہ رمضان المبارک کی آمد کے موقع پر اپنی پرانی مہنگی اور امپورٹڈ چیزیں فروخت کرکے ضرورت مند لوگوں کے لیے پیسے جمع کر کے ان کی مدد کریں۔

اداکارہ و ماڈل نے ساتھی اداکاروں کو مشورہ دیا کہ اپنی استعمال شدہ چیزوں کی فروخت سے حاصل ہونے والی رقم ان غریب افراد میں تقسیم کریں، جنہیں مالی مدد کی ضرورت ہے۔

اور ساتھ ہی صحیفہ جبار نے انسٹاگرام اسٹوریز میں اپنی استعمال شدہ اور غیر استعمال شدہ مزید چیزیں بھی فروخت کے لیے پیش کیں جن کی رقم ایک ہزار روپے سے 46 ہزار روپے تک تھی۔

اداکارہ نے اپنی استعمال شدہ شرٹس، پینٹس، پرس اور بیگز سمیت جیکٹس اور مرد حضرات کے کرتے بھی فروخت کے لیے پیش کیے اور ساتھ ہی ایک مہنگا پرس بھی فروخت کے لیے پیش کیا۔

صحیفہ جبار نے استعمال شدہ پرس کی رقم 46 ہزار روپے بتائی جب کہ انہوں نے ایک ہزار روپے کی قیمت کی شرٹس سمیت دیگر چیزیں بھی 3 سے 6 ہزار روپے کی رقم میں فروخت کے لیے پیش کیں۔

لالی ووڈ کی معروف اداکارہ میرا کا کہنا ہے کہ ذہنی حالت ایک سنگین مسئلہ ہے اور میں نہیں جانتی کہ لوگ ذہنی حالت سے متعلق کیسے باتیں بنا لیتے ہیں اور پھر مذاق اڑاتے ہیں۔

باغی ٹی وی : نجی ویب سائٹ کو دئیے گئے حالیہ انٹرویو کے دوران میرا نے مینٹل اسپتال میں داخلے اور ذہنی حالت خراب ہونے سے متعلق خبروں پر وضاحت پیش کردی۔

میرا کا کہنا تھا کہ امریکا میں وہ اسپتال کورونا ویکسی نیشن کے لیے گئی تھیں تاہم ان کی مینٹل اسپتال میں داخل ہونے کی خبریں وائرل ہوگئیں۔

اداکارہ نے مزید کہا کہ ذہنی حالت ایک سنگین مسئلہ ہے اور میں نہیں جانتی کہ لوگ ذہنی حالت سے متعلق کیسے باتیں بنا لیتے ہیں اور پھر مذاق اڑاتے ہیں۔

میرا نے افسردہ ہونے کی وجہ سے متعلق انکشاف کرتے ہوئے بتایا کہ نئے پراجیکٹ نہ ملنے پر اگرچہ وہ افسردہ ہیں لیکن ذہنی طو پر بیمار نہیں اور ان خبروں نے انہیں کافی افسردہ کیا۔

واضح رہے کہ میرا جب معمول کے چیک اپ کے لئے کلینک گئیں تو پروٹوکول اور اپنی شہرت کے حوالے سے ڈاکٹر کو بتاتی رہیں۔

ذرائع کے مطابق اداکارہ میرا نے ڈاکٹر سے کہا تھا کہ مجھے تحریک انصاف نے سینیٹ کی نشست کی پیشکش کی،مجھے پاکستان میں پروٹوکول ملتا ہے، آپ مجھے جانتے نہیں، وی آئی پی چیک اپ کریں۔

میرا کی اوٹ پٹانگ باتیں سننے کے بعد ڈاکٹر نے مینٹل ہیلتھ والوں کو اطلاع دے دی اور کہا کہ آپ شوبز سٹار ہوں گی مگر میں اصول کے مطابق مریضوں کو ڈیل کرتا ہوں۔

جس کے بعد سوشل میڈیا پر میرا کی والدہ کی ایک ویڈیو وائرل ہوئی تھی جس میں ان کا کہنا تھا کہ ان کی بیٹی کو کسی نے امریکا کے مینٹل اسپتال میں داخل کرادیا ہے۔

بعد ازاں اداکارہ میرا کے سسر راجہ پرویز نے دعویٰ کیا کہ ان کے بیٹے اور میرا کے شوہر کیپٹن نوید نے 50 ہزار ڈالر کی گارنٹی کے عوض میرا کو اسپتال سے فارغ کرایا۔

اداکارہ امریکہ کیوں گئیں‌:وہاں کن لوگوں سےجھگڑاہے: اوروہ میراجی کوواپس کیوں…

اداکارہ میرا نےعمران خان پرسنگین الزامات عائد کردیئے:سینیٹ کی نشست کی پیشکش کیوں‌…

میرا کا نام آرٹسٹ سپورٹ فنڈ میں شامل،ماہانہ 5 ہزارروپے کی امدادی رقم ملے گی

مجھے ہروزیراعظم پاکستان پروٹوکول دیتاہے:اداکارہ میرانے امریکی ڈاکٹرکے سامنے سارے…

اداکارہ ماورا حسین کواداکار امیر گیلانی نے رمضان سے قبل خوبصورت تحفہ دے دیا۔

باغی ٹی وی : گزشتہ سال نجی ٹی وی چینل پر نشر ہونے والے مقبول ترین ڈرامہ سیریل ’ثبات‘ میں ماورا حسین کے ساتھ مرکزی کردار ادا کرنے والے اداکار امیر گیلانی نے ماورا کو قرآن پاک کا تحفہ دیا ہے-

ماورا حسین نے اپنے تصدیق شدہ انسٹاگرام اکاؤنٹ پر خصوصی طور پر رمضان کی آمد پردیئے گئے خوبصورت تحفے’قرآن پاک‘ کی ویڈیو شیئر کی-
https://www.instagram.com/p/CNhAvEJASUY/
ماورا حسین نے یہ خوبصورت تحفہ ملنے پر خوشی کا اظہار کرتے ہوئے کیپشن میں لکھا کہ ’سب سے خوبصورت تحفہ جو آپ کبھی بھی کسی کو دے سکتے ہیں۔‘

اداکارہ نے لکھا کہ ’یہ تحفہ لینے کے بعد رمضان المبارک محسوس ہونے لگا ہے۔‘

ماورا حسین کی پوسٹ پر کمنٹ کرتے ہوئے امیر گیلانی نے لکھا کہ ’یہ خوبصورت کتاب ہر طرح سے ہماری رہنمائی کرتی ہے۔‘

اداکارہ کی جانب سے 2 گھنٹے قبل انسٹاگرام پر شئیر کی گئی پوسٹ پر اب تک ایک لاکھ 89 ہزار سے زائد افراد دیکھ چکے ہیں-

پاکستان کے پہلے پاپ سنگر احمد رشدی کو دنیا سے رخصت ہوئے 38 برس بیت گئے۔

باغی ٹی وی : احمد رشدی نے فنی کیرئیر کا آغاز ریڈیو پاکستان سے کیا اور معروف گیت ’ بندرروڈ سے کیماڑی میری چلی رے گھوڑا گاڑی ‘ نے ان کی مقبولیت کے لئے رہیں کھولیں جبکہ اداکار علاء الدین پر فلمائے ایک گیت’ گول گپے والا آیا ‘ نے ان کی شہرت کو چار چاند لگائے-

احمد رشدی نے 70ء اور 80ء کی دہائی میں بننے والی فلموں میں اپنی مسحورکن آواز کے ذریعے شائقین موسیقی کی داد سمیٹی اورتین دہائیوں تک فلمی صنعت پر چھائے رہے-

احمد رشدی کو منفرد گائیکی کی وجہ سے آواز کا جادوگر بھی کہا جاتا تھا جبکہ انھیں پاکستان کا پہلا پاپ سنگر ہونے کا بھی اعزاز حاصل تھا اداکار وحید مراد کے ساتھ رشدی کی جوڑی بہت کامیاب رہی۔

مجموعی طور پر احمد رشدی نے لگ بھگ 5 ہزارگانے ریکارڈ کروائے جبکہ مزاحیہ گیتوں میں ان کا کوئی ثانی نہیں تھا-

احمد رشدی نے مسلسل تین سال تک نگار ایوارڈ حاصل کیا انھیں مصور، ملینئم ایوارڈز کے علاوہ ستارہ امتیاز سے بھی نوازا گیا۔ 20 برس تک گائیکی کے میدان میں خدمات دینے والے احمد رشدی 11 اپریل 1983ء کو انتقال کرگئے تھے۔

پاکستان کی معروف اداکارہ طاہرہ واسطی کی صاحبزادی اور اداکارہ لیلیٰ واسطی کا کہنا ہے کہ انھیں جب کینسر کی تشخیص ہوئی تو ڈاکٹر نے کہہ دیا تھا کہ آپ کے پاس زندہ رہنے کے لیے صرف 48 گھنٹے باقی ہیں –

باغی ٹی وی : اداکارہ لیلیٰ واسطی نے حال ہی میں ایک ویب انٹرویو کے دوران اپنے شوبز کرئیر ،ذاتی زندگی اور کینسر میں مبتلا ہونے کی دردناک کہانی شیئر کی اداکارہ کے مطابق گرین کارڈ کے لیے 2008 میں امریکا کے معمول کےدورے پر گئی تھی جب میری طبیعت بگڑنے پر مجھ میں کینسر کی تشخیص ہوئی۔

اداکارہ کے مطابق پہلے کبھی مجھ میں ایسی کوئی علامات ظاہر نہیں ہوئیں تھیں بس بہت زیادہ سردی لگتی تھی-

اداکارہ نے بتایا کہ اس وقت میں امریکا میں رشتے دار اور دوستوں کے ساتھ تھی، والدین حتیٰ کہ شوہر بھی پاکستان میں موجود تھے میں وہاں اکیلی تھی والدین کا ویزا نہیں لگا تھا والد کا پاسپورٹ ایکسپائر تھا اور میرے شوہر کبھی پہلے امریکہ گئے نہیں تھے تو ان کی ڈاکومنٹیشن میں بھی 3 سے 4 ماہ کا ٹائم لگا-

لیلیٰ واسطی نے بتایا میں علاج کے لیے دنیا کے بہترین کینسر اسپتال میں موجود تھی اور ڈاکٹر نے مجھے بتا دیا تھا کہ میرے پاس زندہ رہنے کے لیے 48 گھنٹے باقی بچے ہیں ڈاکٹروں نے بتایاکہ میرا بلڈ کاؤنٹ کم اور حالت تشویشناک ہے لیکن مجھے اللہ نے اس کے باوجود زندگی دی-

لیلیٰ واسطی کے مطابق کینسر کو شکست دینے میں مجھے 7 سے 8 سال کا عرصہ لگا لیکن اس دوران میں نے خود کو مثبت رکھا، والد کا انتقال بھی اسی دوران ہوا لیکن میں اس کے باوجود پاکستان نا جا سکی کیونکہ میرے کولہے کی ہڈی ٹوٹی ہوئی تھی، یہ ایک طویل اور دردناک سفر تھا لیکن اللہ نے مجھ پر رحم کیا۔