Baaghi TV

Category: شوبز

  • بھارتی فیشن ڈیزائنر منیش ملہوترا بھی کورونا کا شکار

    بھارتی فیشن ڈیزائنر منیش ملہوترا بھی کورونا کا شکار

    بھارت کے معروف فیشن ڈیزائن منیش ملہوترا بھی عالمی وبا کورونا وائرس کا شکار ہوگئے۔

    باغی ٹی وی : بالی ووڈ سیلیبرٹی اسٹائلسٹ منیش ملہوترا نے اپنے سوشل میڈیا اکاؤنٹس پر پوزیٹیو سائن کی تصویر شیئر کرتے مداحوں کو کورونا میں مبتلا ہونے کی اطلاع دی –


    بھارتی فیشن ڈیزائنر نے اپنے میں کہا کہ ’میرا کورونا ٹیسٹ مثبت آگیا ہے جس کے بعد میں نےخود کو قرنطینہ کرلیا ہے اور میں گھر میں ہی قرنطینہ کروں گا۔

    منیش ملہوترا نے کہا کہ ’میں ڈاکٹرز کی ہدایت کردہ تمام احتیاطی تدابیر اختیار کررہا ہوں۔

    بھارتی فیشن ڈیزائنر نے اپنے چاہنے والوں سے مخاطب ہوتے ہوئے کہا کہ ’آپ سب کے سپورٹ اور پیار کے لیے بہت شکریہ۔‘برائے مہربانی محفوظ رہیں اور خیال رکھیں۔

    خیال رہے کہ اس سے قبل بھی بالی ووڈ کے کئی فنکار کورونا وائرس کی تیسری لہر کا شکار ہوچکے ہیں جن میں اکشے کمار، عالیہ بھٹ، عامر خان، گووندا ،رنیبر کپور، فاطمہ ثنا شیخ، سنی دیول، کارتک آریان، بپی لہری اور رنگاناتھ مدھاون سمیت دیگر شامل ہیں۔

    اکشے کمارعالمی وبا کورونا سے صحتیاب

    کورونا کا شکار اکشے کمار ہسپتال منتقل

    کشے کمار کے بعد ان کی ٹیم کے 45 ارکان کا کورونا ٹیسٹ مثبت آگیا

    اکشے کمار کی ساتھی اداکاراؤں کی کورونا رپورٹ سامنے آگئی

    گووندا کورونا وائرس سے صحتیباب

    کارتک آریان کورونا سے صحتیاب ہو گئے

  • بھارتی اداکارویویک دل کا دورہ پڑنے سے انتقال کر گئے

    بھارتی اداکارویویک دل کا دورہ پڑنے سے انتقال کر گئے

    بھارت کی تامل فلم انڈسٹری کے معروف اداکار ویویک 59 سال کی عُمر میں دل کا دورہ پڑنے کی وجہ سے انتقال کر گئے-

    باغی ٹی وی: بھارتی میڈیا رپورٹس کے مطابق تامل اداکار ویویک کو گزشتہ روز دل کا دورہ پڑا تھا جس کے بعد اُنہیں چنئی کے ایک اسپتال میں داخل کیا گیا تھا جہاں وہ جانبر نہ ہو سکے-

    رپورٹ کے مطابق تامل اداکار ویویک دل کی تکلیف برداشت نہ کرتے ہوئے آج صبح 4 بج کر 45 منٹ پر انتقال کرگئے۔

    ڈاکٹروں کے مطابق تامل اداکار کو شدید قسم کا دل کا دورہ پڑا تھا جس کی وجہ سے اُن کی طبیعت سنبھل نہ سکی اور وہ آج صبح اس دُنیا سے چل بسے۔

    تامل اداکار ویویک کی موت پر بالی ووڈ سمیت تامل اداکاروں کی جانب سے افسردگی کا اظہار کیا جارہا ہے۔

    دوسری جانب بالی ووڈ اور ساؤتھ انڈین فلموں کے بے تاج بادشاہ اور سیاستدان رجنی کانت نے بھی اپنے سوشل میڈیا پیغام میں تامل اداکار ویویک کی یوں اچانک موت پر شدید دُکھ کا اظہار کیا ہے۔

  • ندا یاسرایک بار پھر سوشل میڈیا صارفین کی تنقید کی زد میں

    ندا یاسرایک بار پھر سوشل میڈیا صارفین کی تنقید کی زد میں

    پاکستان مارننگ شو کی میزبان ندا یاسر کی تصاویر سوشل میڈیا پر وائرل ہورہی ہیں اور تصویر پر صارفین کے تنقیدی تبصرے جاری ہیں۔

    باغی ٹی وی : گڈمارننگ پاکستان کی میزبان ندا یاسر رمضان المبارک میں نجی چینل سے ’شانِ سحور‘ نامی پروگرام کی میزبانی کررہی ہیں۔ حال ہی میں ندا یاسر کی پروگرام کے سیٹ سے تصاویر وائرل ہورہی ہیں۔

    جن میں ندا سندھی اور بلوچی پرنٹ والا نہایت خوبصورت لباس پہنے ہوئی ہیں۔ لیکن سب سے دلچسپ چیز ان کے ماتھے پر موجود جیولری ہے جبکہ ندا نے پروگرام کی مناسبت سے سرپردوپٹہ بھی نہیں لیا ہوا-

    ندا یاسر کی ماتھے پر جیولری بالکل اس طرح لگ رہی ہے جیسی ترک ڈرامے میں حلیمہ سلطان پہنتی ہے۔ تاہم سوشل میڈیا میڈیا صارفین کو ندا یاسر اس حلیے میں کچھ زیادہ پسند نہیں آئیں اور تنقید شروع کردی-


    بعض سوشل میڈیا صارفین نے انہیں ماتھا پٹی کی وجہ سے سستی ، ،پلاسٹک ،چائنہ اور لنڈے کی حلیمہ سلطان کہا جب کہ زیادہ تر لوگ ان کے چہرے پر کی گئی سرجری کو تنقید کا نشانہ بناتے رہے۔ صارفین نے انہیں انوشکا شرما،سلیجان خاتون ، پاکستانی راکھی ساونت یہاں تک کہ میا خلیفہ اور ڈولی فیشن جیسی مشابہت قرار دیا-

    بعض صارفین نے انہیں دوپٹہ نا لینے کی وجہ سے تنقید کا نشانہ بنایا –

  • انوشکا نے گزشتہ سال کے خاص لمحات مداحوں کے ساتھ شئیر کر دیئے

    انوشکا نے گزشتہ سال کے خاص لمحات مداحوں کے ساتھ شئیر کر دیئے

    بالی ووڈ اداکارہ و پروڈیوسر انوشکا شرما نے سوشل میڈیا پر گزشتہ سال کے اپنے کچھ خاص لمحات مداحوں کے ساتھ شیئر کیے ہیں۔

    باغی ٹی وی : بھارتی کرکٹر ویرات کوہلی کی اہلیہ اور اداکارہ انوشکا شرما نے سماجی رابطے کی ویب سائٹ انسٹاگرام پر ایک خوبصورت ویڈیو شیئر کی انسٹاگرام پر شیئر کی گئی ویڈیو مختلف ویڈیوز کو جوڑ کر بنائی گئی ہے۔

    ویڈیو میں دیکھا جاسکتا ہے کہ انوشکا شرما اپنے شوہر ویرات کوہلی کے ہمراہ اپنے پالتو کُتے سمیت دیگر کتوں کو کھانا کھلا رہی ہیں۔

    اس کے علاوہ ویڈیو میں دِکھایا گیا ہے کہ وہ چند چھوٹے بچوں سے بھی ملتی ہیں اور اُنہیں بطور تحفہ کچھ دیتی ہیں۔

    انوشکا نے یہ خوبصورت ویڈیو شیئر کرتے ہوئے کیپشن میں لکھا کہ ’پچھلے سال کے کچھ خاص اور انمول لمحات۔‘

    بالی ووڈ اداکارہ کی اس پوسٹ کو ناصرف اُن کے مداح بلکہ بھارتی فنکار بھی انوشکا کی پوسٹ پر تبصرے کرتے ہوئے اپنی پسندیدگی کا اظہار کررہے ہیں۔

    واضح رہے کہ رواں سال جنوری میں ویرات کوہلی اور ان کی اہلیہ انوشکا شرما کے ہاں بیٹی کی پیدائش ہوئی تھی جس کی اطلاع ویرات کوہلی نے اپنی انسٹا پوسٹ کے ذریعے دی تھی –

    علاوہ ازیں بھارتی کرکٹ ٹیم کے کپتان ویرات کوہلی اپنی زندگی میں تبدیلی کے بارے میں آگاہ کرتے ہوئے کہا تھا کہ ہم بیٹی کی پیدائش کے بعد بدل گئے، ان کا کہنا تھا کہ بیٹی نے ہماری زندگی تبدیل کرکے رکھ دی ہے۔ اب ہم اپنے ماحول اور گرد و پیش کو ایک الگ زاویے سے دیکھتے ہیں.

    بھارتی میڈیا سے گفتگو کرتے ہوئے ان کا کہنا تھا کہ ومیکا کے ساتھ جو تعلق ہم دونوں محسوس کرتے ہیں اس کا اندازہ یا تجربہ اس سے قبل ہمیں نہیں ہوا تھا۔

    ویرات کوہلی نے کہا تھا کہ اولاد کے آنے کے بعد آپ مکمل طور پر ایک نئے انسان یا زندگی کا خیال رکھنے پر توجہ دیتے ہیں کیونکہ آپ کی زندگی کسی اور جان سے بھی جڑی ہوئی ہوتی ہے ،نئے مہمان کا یہ تعلق ابتدائی مرحلے میں تو مکمل طور پر ماں پر انحصار کرتا ہے۔

    لیکن ساتھ ہی بچے کے پاب پر بھی اس کا انحصار ہوتا ہے، ماں اور باپ دونوں بچے کے مختلف ماحول میں خیال رکھتے ہیں اور کچھ چیزیں ایسی ہیں جنہیں دیکھ کر ہم دونوں بہت زیادہ خوش ہوتے ہیں۔

    بیٹی کی پیدائش کے بعد ہماری زندگی بدل گئی ، ویرات کوہلی

  • شاہ رخ خان کے لیے میں کچھ بھی کرسکتا ہوں سلمان خان

    شاہ رخ خان کے لیے میں کچھ بھی کرسکتا ہوں سلمان خان

    بالی ووڈ سُپر اسٹار سلمان خان نے شاہ رخ خان کی فلم ’پٹھان‘ میں مختصر کردار ادا کرنے کا معاوضہ لینے سے انکار کرتے ہوئے کہا کہ شاہ رخ میرے بھائی جیسا ہے اس کے لئے میں سب کچھ کر سکتا ہوں-

    باغی ٹی وی :بھارتی شوبز ویب سائٹ بالی ووڈ ہنگامہ کے مطابق یش راج بینرز تلے بننے والی شاہ رخ خان کی فلم ’پٹھان‘ میں سلمان خان نے مختصر کردار ادا کیا ہے اور انہوں نے فلم میں ’ٹائیگر‘ کے کردار سے انٹری دی ہے جس کے لیے فلمساز ادتیا چوپڑا نے سلمان خان کو بھاری معاوضہ دینے کا فیصلہ کیا۔

    رپورٹس کے مطابق فلم ’پٹھان‘ کے لیے سلمان خان نے جب اپنے حصے کی شوٹنگ مکمل کرلی تو فلمساز ادتیا چوپڑا سلمان خان کے پاس انہیں معاوضہ ادا کرنے گئے تاہم دبنگ اداکار نے شوٹنگ کا معاوضہ لینے سے انکار کردیا۔

    ذرائع کے مطابق ادتیا چوپڑا نے سلمان خان کو بہت منانے کی کوشش کی تاہم بالی وڈ سلطان نے جواب دیا ’شاہ رخ خان میرے بھائی جیسا ہے اس کے لیے میں سب کچھ کرسکتا ہوں‘۔

    تاہم سلمان خان کی جانب سے پیسے نہ لینے پر ادتیا چوپڑا اب انہیں مہنگا تحفہ دینے کا سوچ رہے ہیں۔

    دوسری جانب بالی ووڈ کنگ شاہ رخ خان کو جب تمام صورتحال سے متعلق بتایا گیا تو انہوں نے جواب دیا ’بھائی تو بھائی ہے‘۔


    علا وہ ازیں ٹوئٹر پر ایک صارف نے شاہ رخ خان سے سلمان خان کے بارے میں بھی بتائیں حال ہی میں آپ نے ایک ساتھ فلم کی ہے- ےب بھی شاہ رخ نے جواب دیا تھا کہ ہمیشہ کی طرح بھائی تو بھائی ہی ہے!

    شاہ رخ خان کے ٹوئٹر پر صارفین کے سوالوں کے مزاحیہ جواب

  • کارتک آریان دھرما پروڈکشن کی فلم ’دوستانہ 2‘ سے باہر

    کارتک آریان دھرما پروڈکشن کی فلم ’دوستانہ 2‘ سے باہر

    بالی ووڈ کے نوجوان اداکار کارتک آریان کو غیر پیشہ وارانہ رویے کی وجہ سے فلم ’دوستانہ 2‘ سے باہر نکال دیا گیا ہے۔

    باغی ٹی وی :نامور پروڈیوسر ، ہدایتکار کرن جوہر کے دھرما پروڈکشن کے بینر تلے بننے والی فلم ’دوستانہ 2‘ کی تیاریوں کا آغاز 2019 میں ہوا تھا تاہم کورونا کی وجہ سے فلم کی شوٹنگ تاخیر کا شکار ہوگئی، فلم میں اداکارہ جھانوی کپور کے مقابل کارتک آریان کو کاسٹ کیا گیا تھا تاہم اب انہیں فلم سے غیر پیشہ وارانہ رویہ کی وجہ سے نکال دیا گیا ہے۔

    انڈین ایکسپریس کے مطابق کرن جوہر کے دھرما پروڈکشن نے جمعہ کے روز اپنے آفیشل سوشل میڈیا ہینڈلزپر ایک بیان جاری کیا جس میں شائقین کو آگاہ کیا گیا کہ وہ اس کی آنے والی متوقع فلم دوستانہ 2 کی شوٹنگ کا دوبارہ آغاز کرنے جا رہے ہیں اور فلم میں آفیشلی طور پر کچھ تبدیلی کیگئی ہے جس کے بارے میں جلد ہی آگاہ کیا جائے گا-

    دھرما پروڈکش کی جانب سے یہ بیان اس خبر کے بعد سامنے آیا ہے جب بتایا گیا تھا کہ کارتیک آریان نے تقریبا دو ہفتوں تک شوٹنگ کے بعد "تخلیقی اختلافات” کی وجہ سے اس منصوبے سے علیحدگی اختیار کرلی ہے۔

    دھرما پروڈکشن کے ایک قریبی ذرائع نے انڈین اکیسپریس کو بتایا ، "ہاں کارتیک آریان نے تقریبا دو ہفتوں تک شوٹنگ کے بعد "تخلیقی اختلافات” کی وجہ سے اس منصوبے سے علیحدگی اختیار کرلی ہے۔

    کارتک اور جھانوی نے نومبر 2019 میں امرتسر میں اس فلم کی شوٹنگ شروع کی تھی۔کوویڈ 19 کے پھیلنے کے سبب مارچ 2020 میں اس شوٹ کو روک دیا گیا تھا۔

    رپورٹ کے مطابق کارتک آریان نے فلم کے اسکرپٹ میں تخلیقی معاملات پر تحفظات کا اظہار کیا تھا، کرن جوہر اور کارتک کے درمیان تخلیقی معاملات پر تحفظات تھے اس کے علاوہ کارتک آریان فلم کی شوٹنگ کے لیے وقت بھی نہیں دے پارہے تھی جس کی وجہ سے دھرما پروڈکشن نے اداکار کی جگہ دوسرے اداکار کو کاسٹ کرنے کا فیصلہ کیا-

    فلم ’دوستانہ 2‘ کے لیے کارتک آریان نے 20 دن تک شوٹنگ کی تھی تاہم اب دھرما پروڈکشن نے اداکار کے ساتھ مستقبل میں بھی کام نہ کرنے کا فیصلہ کیا ہے تاہم تشویش کا اظہار کیا جا رہا ہے کہ "اداکار کے اس اقدام نے فلم کو پوری طرح خطرے میں ڈال دیا ہے جو اداکاروں اور فلمی صنعت کے لئے پہلے ہی مشکل وقت چل رہا ہے۔”

    خیال رہے کہ اس بارے میں ابھی تک کارتک آریان یا ان کی ٹیم کی جانب سے کوئی بیان سامنے نہیں آیا ہے-

    واضح رہے کہ دوستانہ 2 ، پریانکا چوپڑا ، ابھیشیک بچن اور جان ابراہم کی دوستانہ (2008) کا سیکوئل ہے ، جس کی ہدایتکاری ترون منسوخانی نے کی تھی۔

    کارتک آریان کی فلم ‘دھماکا’ او ٹی ٹی پلیٹ فارم پر فروخت ہونیوالی اب تک کی سب سے مہنگی فلم بن گئی

    کارتک آریان نے 10 دن کی شوٹنگ کا بھاری معاوضہ وصول کرکے اپنے ہمعصر اداکاروں کو…

    سنجے لیلی بھنسالی نے دیپیکا پڈوکون کے ساتھ کام کرنے سے انکار کیوں کیا؟

    میڈیا کو ورکنگ ویمن کیلئے احترام اور احتیاط کا دامن ہاتھ سے نہیں چھوڑنا چاہیے…

  • اداکارہ شہزین راحت رشتہ ازدواج میں منسلک ہوگئیں

    اداکارہ شہزین راحت رشتہ ازدواج میں منسلک ہوگئیں

    پاکستان ٹی وی انڈسٹری کی ابھرتی ہوئی نوجوان اداکارہ شہزین راحت رشتہ ازدواج میں منسلک ہوگئیں۔

    باغی ٹی وی : اداکارہ شہزین راحت نے سوشل میڈیا ویب سائٹ انسٹاگرام پراپنے نکاح کی تصاویرکیں جن میں اداکارہ سفید اور سرخ رنگ کے عروسی لباس پہنے نکاح نامے پر دستخط کررہی ہیں۔

    سوشل میڈیا پر وائرل تصاویر میں اداکارہ اہلخانہ اور دوستوں کے ساتھ نکاح کی تقریب میں خوشگوار موڈ میں ہیں، تاہم اب تک یہ واضح نہیں ہوسکا ہے کہ اداکارہ کے شوہر کس شعبے سے تعلق رکھتے ہیں۔

    اداکارہ نے تصاویر شئیر کرتے ہوئے نئی زندگی کی شروعات پرمداحوں سے اپنے اور فیملی کے لئے دعاؤں کی درخواست کی-

    اداکارہ نے اپنے بھائی کے ساتھ بھی تصاویر شئیر کیں جس میں وہ اپنے بھاےی کے گلے سے لگیں گھر والوں سے دور جانے پر آبدیدہ نظر آ رہی ہیں-

    شہزین احت کی جانب سے شئیر کی گئیں شادی کی تصاویر پر مداحوں اور ساتھی اداکاروں منال خان ، علی عباس ،سکینہ سموں و دیگر کی جانب سے مبارکباد اور نیک خواہشات کے پیغامت کا سلسلہ جاری ہے-

    واضح رہے کہ شہزین راحت پاکستان کی ابھرتی ہوئی اداکارہ ہیں جو پاکستان شوبز انڈسٹری کے متعدد ڈراموں اور فلموں میں معاون اداکارہ کے طور پر اداکاری کے جوہر دکھا چکی ہیں۔

  • سنجے لیلی بھنسالی نے دیپیکا پڈوکون کے ساتھ کام کرنے سے انکار کیوں کیا؟

    سنجے لیلی بھنسالی نے دیپیکا پڈوکون کے ساتھ کام کرنے سے انکار کیوں کیا؟

    بالی ووڈ کے نامور ہدایت کار سنجے لیلا بھنسالی نے اداکارہ دپیکا کی خواہش کے باوجود ان کی کے ساتھ کام کرنے سے انکار کردیا۔

    باغی ٹی وی :بھارتی میڈیارپورٹس کے مطابق سنجے لیلی بھنسالی دیپیکا پڈوکون کے ساتھ’رام لیلا، باجی راؤ مستانی اور پدماوت‘‘ جیسی سپر ہٹ فلمیں بناچکے ہیں لیکن اس بار انہوں نے فلم ’گنگو بائی کاٹھیاواری‘ کے لیے دپیکا کے بجائے عالیہ بھٹ کو کاسٹ کیا۔

    رپورٹس کے مطابق ہدایت کار واداکارہ کے درمیان تعلقات سرد مہری کا شکار ہیں حال ہی میں دپیکا پڈوکون نے خواہش ظاہر کی کہ ان کی نئی فلم ’دروپدی‘ کی ہدایت کار سنجے لیلا بھنسالی کریں کیوںکہ وہ اس طرز کی فلمیں بہت شاندار بناتے ہیں

    اس حوالے سے جب سنجے لیلا بھنسالی سے رابطہ کیا گیا تو ہدایت کار نے صاف انکار کردیا ہدایت کار نے ’دروپدی‘ کے فلمساز اور دپیکا کو جواب دیا کہ وہ اپنے پسندیدہ پراجیکٹ ’گنگو بائی‘ اور ’بجو باورا‘ پر کام کررہے ہیں۔

    دوسری جانب سنجے لیلا بھنسالی نے اپنی فلم ’’گنگو بائی کاٹھیاواری‘‘ میں ایک آئٹم نمبر کے لیے جب دپیکا پڈوکون سے رابطہ کیا تو انہوں نے بھی یہ آفر قبول کرنے سے انکار کردیا۔ اس کے علاوہ ہدایت کار نے دپیکا کو اپنی ویب سیریز ’ہیرا منڈی‘ کا حصہ بننے کی بھی پیشکش کی تاہم اداکارہ نے یہ آفر بھی ٹھکرادی۔

  • عاطف اسلم کا ’سلامِ عاجزانہ‘ ریلیز ہوتے ہی مقبول

    عاطف اسلم کا ’سلامِ عاجزانہ‘ ریلیز ہوتے ہی مقبول

    معروف گلوکارعاطف اسلم نے رمضان المبارک کی مناسبت سے درود و سلام ’سلامِ عاجزانہ‘ پیش کردیا جو ریلیز ہوتے ہی مداحوں میں مقبول ہوگیا۔

    باغی ٹی وی :عاطف اسلم نے 14 اپریل کو انسٹاگرام پوسٹ کے ذریعے بتایا تھا کہ وہ اس ماہ مقدس میں اپنی نئی پیشکش ’’سلامِ عاجزانہ‘‘ پیش کریں گے 16 اپریل کو انہوں نے اپنی انسٹاگرام پوسٹ پر ہی بتایا کہ انہوں نے ’سلامِ عاجزانہ‘ ریلیز کردیا ہے۔ اور اس کے ساتھ ہی انہوں نے دعا کی کہ ’’یہ سلامِ عاجزانہ ہو قبول۔‘‘

    ویڈیو میں عاطف اسلم کے ساتھ علی پرویز مہدی، نعمان جاوید، احسن پرویز مہدی اور کمیل جعفری درود و سلام پڑھتے ہوئے نظر آرہے ہیں۔ تمام گلوکاروں کی آواز میں یہ خوبصورت درود و سلام ریلیز ہوتے ہی مقبول ہوگیا۔

    اس کا اندازہ اس بات سے لگایا جا سکتا ہے کہ محض دو روز قبل یوٹیوب پر ریلیز ہوئی اس ویڈیو کو 14 لاکھ تین ہزار سے زائد لوگ دیکھ چکے ہیں-

    واضح رہے کہ اس سے قبل عاطف اسلم اپنی سُریلی آواز میں اذان، تاجدارِ حرم اور اسماءالحسنیٰ ریلیز کرچکے ہیں۔

    عاطف اسلم جلد اپنی نئی پیشکش ’سلامِ عاجزانہ‘ ریلیز کریں گے

  • ونڈر ویمن‘ کا کردار شہزادی ڈیانا جیسی خصوصیات کا حامل اور ان کی زندگی سے متاثر ہے گال گیڈوٹ

    ونڈر ویمن‘ کا کردار شہزادی ڈیانا جیسی خصوصیات کا حامل اور ان کی زندگی سے متاثر ہے گال گیڈوٹ

    ہالی ووڈ کی معروف اداکارہ گیل گیڈوٹ کے مطابق ’ونڈر ویمن‘ کا مرکزی کردار شہزادی ڈیانا جیسی خصوصیات کا حامل اور ان کی اصلی زندگی سے بہت متاثر ہے۔

    باغی ٹی وی :غیر ملکی میڈیا کے مطابق امریکی اداکارہ گیل گیڈوٹ نے وندڑ ویمن کا کردار ادا کرنے کی لیے اپنی کارکردگی کے بارے میں بات کرتے ہوئے انکشاف کیا ہے کہ ’ونڈر ویمن‘ کا کردار شہزادی ڈیانا جیسی خصوصیات کا حامل اور ان کی اصلی زندگی سے بہت متاثر ہے۔

    اداکارہ گیل گیڈوٹ نے کہا کہ ’مجھے یاد ہے جب میں شہزادی ڈیانا کے بارے میں ایک دستاویزی فلم دیکھ رہی تھی تو اس کا ایک حصہ تھا جہاں انہیں دکھایا گیا تھا کہ وہ ہمدردی سے بھرپور ہیں اور ہمیشہ لوگوں کی دیکھ بھال کرتی ہیں تو مجھے خیال آیا انہیں ہماری ونڈر ویمن ہونا چاہیے۔

    35 اداکارہ کا ونڈر ویمن کے کردار کے بارے میں مزید کہنا تھا کہ وہ ایک ایسی عورت کو پردے پر لانا چاہتی تھیں جو متاثر کُن اور متعلقہ ہومیں ونڈر ویمن کے ذریعے اُن کی شخصیت کو دُنیا کو دِکھانا چاہتی تھی۔

    اتفاق سے ونڈر ویمن کا اصل نام ’ڈیانا پرنس‘ ہے تو یہاں صرف ناموں کی مماثلت ہی نہیں ہے بلکہ جس طرح سے گیڈوٹ اور ڈائریکٹر پیٹی جینکنز نے مل کر اس کردار کو پیش کیا ہے اس کے اندازِ بیاں میں بھی مماثلت ہے۔