Baaghi TV

Category: شوبز

  • شاہ رخ خان کے ٹوئٹر پر صارفین کے سوالوں کے مزاحیہ جواب

    شاہ رخ خان کے ٹوئٹر پر صارفین کے سوالوں کے مزاحیہ جواب

    بالی ووڈ سُپر اسٹار شاہ رخ نے ٹوئٹر پر مداحوں کے سوالوں کے جواب دیئے جس میں اپنے پراجیکٹس اور مداحوں کے سوالوں کے مزاحیہ انداز میں جواب دیئے۔

    باغی ٹی وی : اپنے مداحوں کو سرپرائز دیتے ہوئے شاہ رخ نے اچانک سماجی رابطے کی ویب سائٹ ٹوئٹر پر کی گئی پوسٹ میں کہا کہ وہ اپنےسالانہ سوال و جواب کے سیشن ‘AskSRK’ شروع کریں گے۔

    انہوں نے اپنی ٹوئٹ میں لکھا کہ ‘ اس سے پہلے میں کچھ اور کروں آپ کے پاس 15 منٹ، میرا خیال ہے کہ یہ وقت آپ کے ساتھ گزاروں اور ایک تیز ‘AskSRK’ سیشن رکھتے ہیں۔

    انہوں نے ساتھی اداکار سلمان خان و عامر خان کے حوالے سے بھی بات چیت کی اور عامر خان کی پسندیدہ فلمیں بھی بتائیں-


    ایک صارف نے کنگ خان سے سوال کیا کہ ’سر سب کہتے ہیں آپ میں انا بہت ہے کیا یہ سچ ہے؟‘


    شاہ رخ خان نے مزاحیہ انداز میں جواب دیا کہ میں تو اتنا عظیم ہوں، مجھ میں انا بالکل نہیں ہے، اس جواب کے ساتھ ہی انہوں نے قہقہ بھی لگایا


    پریانکا چوہدری نامی صارف نے شاہ رخ خان سے پوچھا کہ کیا وہ نئے ٹیلنٹ کو پروموٹ کررہے ہیں جس پر شاہ رخ خان نے جواب دیا کہ ‘نہیں ابھی اپنا ٹیلنٹ سنوار رہا ہوں’۔


    کیا بتاؤں نامی ٹوئٹر ہینڈل نے شاہ رخ سے کہا کہ سر پلیز جلدی اسکرین پر آئیں آپ کو اسکرین پر دیکھنے کے لیے پورا تھیٹر بک کروالوں گا، آرام سے دیکھوں گا پر پلیز آجائیں، 3 سال 3 مہینے 31 دن ہوگئے ہیں۔

    جس پر کنگ خان نے جواب دیا کہ واقعی، یہ تو بہت زیادہ وقت ہے، جلدی جلدی شوٹنگ کرتا ہوں پریشان نہ ہوں۔


    اداکار کے مداح نے یہ سوال کیا کہ آپ دوستی نبھانے میں ماہر نہیں رہے، اس کا جواب دیتے ہوئے کہا کہ ’میرے بچے میرے بہترین دوست ہیں‘


    ایک ٹوئٹ میں کنگ خان نے کہا کہ انہوں نے اپنی سالگرہ پر مداحوں کو بہت مِس کیا۔


    جتن گپتان نے اپنے بازو پر بنے شاہ رخ خان کے ٹیٹو کی تصویر شیئر کی جس پر انہوں نے کہا کہ ‘اب تو میں داڑھی بھی نہیں کاٹ سکتا تمہارا ٹیٹو خراب ہوجائے گا’۔


    صہیب نامی صارف نے پوچھا کہ جب ہیری میٹ سجل کا سیکوئیل کب آرہا ہے تو شاہ رخ خان نے کہا کہ یہاں ٹوئٹر پر سب باکس آفس پر ناکام ہونے والی فلموں کا سیکوئیل کیوں مانگ رہے ہیں۔


    پرشانت نامی صارف نے لکھا کہ سر آپ نے آج کھانے میں کریلے کا سالن کھایا تھا کیا جو میرے ساتھ کڑوا برتاؤ کر رہے ہیں مجھے اگنور کر کے جس پر اداکار نے کہا کریلہ کھائیں میرے دشمن-

    جس کے بعد شاہ رخ خان نے اپنے سوال و جواب کے سیشن کا اختتام کیا اور جواب نہ ملنے پر ناامید ہونے والے مداحوں کے لیے پیغام جاری کیا۔


    شاہ رخ خان نے ٹوئٹ کی کہ آپ کے وقت اور صبر کا شکریہ، جواب نہ ملنے پر ناامید نہ ہوں۔

    انہوں نے مزید لکھا کہ یہ میری تھوڑی خود غرضی ہے لیکن میں یہ اپنے لیے کرتا ہوں اور مجھے اس میں بہت مزا آتا ہے، آپ سب محفوظ رہیں۔

    واضح رہے کہ شاہ رخ خان کے ٹوئٹر پر 4 کروڑ سے زائد فالوورز ہیں، 15 منٹ کے ’آسک ایس آر کے‘ کے سیشن میں انہوں نے مداحوں کے جوابات دے کر ان کی شکایت دور کردی۔

    یاد رہے کہ شاہ رخ خان آج کل سدھانت آنند کی فلم ’پٹھان‘ کی شوٹنگ میں مصروف ہیں۔ فلم میں دپیکا پڈوکون ان کے مد مقابل مرکزی کردار ادا کررہی ہیں۔

  • بھارتی ڈرامے میں دلہن کا عجیب و غریب مطالبہ سوشل میڈیا پر مذاق بن گیا

    بھارتی ڈرامے میں دلہن کا عجیب و غریب مطالبہ سوشل میڈیا پر مذاق بن گیا

    بھارتی ڈراموں میں حقیقت سے دوری اکثر لوگوں کو ہنسنے پر مجبور کردیتی ہے۔ حال ہی میں ڈرامے کا ایک سین حقیقت کے بالکل برعکس ہونے کے سبب ٹوئٹر پر مذاق بن گیا

    باغی ٹی وی :بھارتی ٹی وی ڈرامے اپنی مختلف بیک گراؤنڈ میوزک اور میلو ڈرامے کی وجہ سے جانے جاتے ہیں اور حال ہی میں ایک بھارتی ڈرامے کی ویڈیو کے سوشل میڈیا پر بہت چرچے ہیں۔

    سماجی رابطے کی ویب سائٹ ٹوئٹر پر بھارت کے ڈرامے کا ایک کلپ بہت وائرل ہو رہا ہے۔ ویڈیو میں عروسی لباس زیب تن کیے دلہن کو کہتے سنا جاسکتا ہے کہ جو شخص چاند کا ٹکڑا سب سے پہلے زمین پر لائے گا میں اسی سے شادی کروں گی۔

    وائرل ہونے والی ویڈیو میں ڈرامے کے ہیرو کو دلہن سے شادی کے لیے چاند کا ٹکڑا زمین پر لاتے دکھایا گیا ہے۔

    ڈرامے میں موجود امن نامی کردار کو پہلے رسی کی مدد سے چاند پر جانے کی کوشش کرتے دکھایا گیا ہے اور بعدازاں ناکامی پر اسے گاڑی کے ذریعے خلا میں جا کر کچھ جادوئی الفاظ کے ذریعے چاند کا ٹکڑا زمین پر لے جاتے دکھایا گیا۔

    یہ ویڈیو سوشل میڈیا پر وائرل ہونے کے بعد سے انٹرنیٹ صارفین کی جانب سے مزاحیہ تبصرے کیے جارہے ہیں اور ڈھیروں ایموجیز اور میمز شیئر کیے جا رہے ہیں۔

    وائرل ہونے والی یہ ویڈیو بھارتی ڈرامے ‘یہ جادو ہے جن کا’ کے سیزن ٹو کی ہے جو اسٹار پلس سے نشر ہوتا تھا۔

    اس ڈرامے میں روشنی احمد کا مرکزی کردار ادیتی شرما نے ادا کیا ہے جو اپنی شادی کے لیے منعقد کیے گئے سویمور میں کہتی ہیں کہ جو بھی چاند کا ٹکڑا سب سے پہلے لائے گا وہ اسی سے شادی کریں گی۔

    وائرل ہونے والی ویڈیو میں چاند کا ٹکڑا توڑ کر لانے والے مرکزی کردار امن جنید خان ہیں اور یہ کردار وکرم سنگھ چوہان نے ادا کیا ہے۔

    یہ ڈراما جادو ہے ج کا اکتوبر 2019 سے نومبر 2020 کے دوران اسٹار پلس پر نشر ہوا تھا تاہم یہ ویڈیو کلپ گزشتہ چند روز میں وائرل ہوا ہے جس پر ٹوئٹر صارفین کی جانب سے تبصرے کیے جارہے ہیں۔


    ایک صارف نے لکھا کہ ‘کہاں سے آتے ہیں یہ لوگ؟’
    https://twitter.com/Jinnah_Club/status/1376454542917840896?s=20
    ایک صارف نے دلہن کا کلپ شیئر کرتے ہوئے ٹوئٹ کی کہ اسی لیے ہم انڈیا سے پیچھے رہ گئے۔ جبکہ ایک صارف نے لکھا میں ایک ہی وقت میں ہنسنا بھی چاہتی ہوں اور رونا بھی۔
    https://twitter.com/Jinnah_Club/status/1376454542917840896?s=20
    https://twitter.com/Alisha___4/status/1376509595171053568?s=20
    https://twitter.com/Tahsia12/status/1376510198207111173?s=20
    ایک صارف نے دلچسپ ایموجی شیئر کرتے ہوئے لکھا کہ مجھے بتاؤ کہ میں خواب دیکھ رہی ہوں-


    ایک صارف کے مطابق لاجک اور سائنس پوچھ رہی ہے کہ ‘کیا کروں میں مرجاؤں’۔
    https://twitter.com/SowMe18/status/1376442263916675074?s=20
    ایک اور صارف نے لکھا کہ ‘تم جو کہہ دو تو چاند تارے توڑ لاؤں گا میں’، یہ اس کا اصل منظر ہے۔
    https://twitter.com/ManiyarNaman/status/1376523702469152769?s=20
    ایک صارف کے مطابق کے مطابق ناسا کا ردعمل کچھ یوں ہے۔


    ابھیجیت نامی صارف کے مطابق ناسا نے بلاوجہ میں کروڑوں ڈالرز ضائع کیے۔


    ایک اور صارف کے مطابق چاند پوچھ رہا ہے کہ ‘مجھے کیوں توڑا؟’
    https://twitter.com/kushpretending/status/1376523464002039812?s=20
    ایک صارف کے مطابق یہ ویڈیو دیکھنے کے بعد فزکس اور نیوٹن کی لاکھوں بار موت واقع ہوئی۔


    ایک اور صارف نے لکھا کہ مجھے تو وقت پر رپلائی بھی نہیں کیا جاتا۔

  • نور بخاری کی نعت ’میرے کملی والے‘ ریلیز ہوتے ہی مقبول ہوگئی

    نور بخاری کی نعت ’میرے کملی والے‘ ریلیز ہوتے ہی مقبول ہوگئی

    اسلام کی خاطر شوبز انڈسٹری سے کنارہ کشی اختیار کرنے والی سابق اداکارہ و میزبان نور بخاری کی نعت ’میرے کملی والے‘ آتے ہی مقبول ہوگئی۔

    باغی ٹی وی: نور بخاری نے اپنے تصدیق شدہ انسٹاگرام اکاونٹ پر اپنے نعتیہ کلام کی ویڈیو کا اسکرین شاٹ شیئر کرتے ہوئے کہا کہ میرے کملی والے میری پہلی نعت ہے جسے میں نے بہت محبت اور حُب سے رسول اکرم ﷺؑ کی محبت میں لکھی ہے۔

    نور بخاری نے کہا کہ ’میرے یوٹیوب چینل پر میری نعت سنیں اور اپنا ردعمل دیں، جج نہ کریں کیونکہ میں کوئی نعت خواں نہیں۔‘

    یاد رہے کہ نور بخاری کے حوالے سے گزشتہ دنوں یہ خبر سامنے آئی تھی کہ وہ سرکاری ٹیلی ویژن پر رمضان سے قبل ’آمدِ رمضان‘ کی خصوصی ٹرانسمیشن کے ساتھ 3 برس بعد ٹی وی پر باضابطہ واپسی کررہی ہیں۔

    واضح رہے کہ علاوہ ازیں نور بخاری کی پہلی شادی 2008 میں وکرم نامی بزنس مین سے ہوئی تھی لیکن 2 سال بعد انہوں نے طلاق لے لی تھی۔

    38 سالہ نور کی دوسری شادی 2010 میں ہی فاروق مینگل سے ہوئی جو کہ ایک سال سے بھی کم عرصہ چل سکی۔

    نور نے تیسری شادی عون چوہدری سے 2012 میں کی تھی لیکن وہ بھی صرف کچھ ماہ ہی چل سکی، عون سے ان کی بیٹی فاطمہ بھی ہے۔

    ولی حامد خان سے 2015 میں نور بخاری نے چوتھی شادی شادی کی۔ گھریلو تنازعات کے باعث شادی زیادہ عرصہ نہ چل پائی اور ستمبر 2017 میں نور بخاری نے عدالت کے ذریعے ولی حامد خان سے خلع لے لی۔

    یاد رہے کہ نور بخاری نے ستمبر 2017 میں اپنی چوتھی شادی خلع پر ختم ہونے کے بعد شوبز انڈسٹری سے کنارہ کشی اختیار کر کے مذہبی تعلیمات کے مطابق زندگی گزارنے کا اعلان کیا تھا۔

  • بالی ووڈ کے ٹھیکیدار اور بڑے ہیرو روپوش ہیں لیکن میں انڈسڑی کو بچاوں گی کنگنا رناوت

    بالی ووڈ کے ٹھیکیدار اور بڑے ہیرو روپوش ہیں لیکن میں انڈسڑی کو بچاوں گی کنگنا رناوت

    بالی ووڈ کی معروف اداکارہ کنگنا رناوت کا کہنا ہے کہ تمام بڑے ہیرو چھپے ہوئے ہیں۔ لیکن کنگنا اپنی ٹیم کے ساتھ سو کروڑ کے بجٹ کی فلم لیکر آرہی ہے تاکہ بالی ووڈ کو بچایا جاسکے۔

    باغی ٹی وی :کنگنا رناوت اپنے متنازع بیانات کہ وجہ سے مشہور ہیں اور آئے دن کسی نہ کسی بالی ووڈ یا سیاسی شخصیات کو تنقید کا۔نشانہ بناتی رہتی ہیں اور خود ہی تنقید کا۔نشانہ بن جاتی ہیں لیکن وہاں پرواہ کسے ہوتی ہے۔

    کنگنا رناوت کی فلم تھلیوی اپنی 23 اپریل کی ریلیز کی تاریخ کی جانب بڑھ رہی ہے، اس کے باوجود کہ دیگر فلم پروڈیوسر موجودہ وبائی صورتحال میں اپنی فلموں کی ریلیز کی تاریخ میں تاخیر کررہے ہیں لیکن کنگنا اپنی فلم ریلیز کرنے کے لیے تیار ہیں۔

    بھارتی میڈیا رپورٹس کے مطابق اس سال کے شروع میں بہت سارے فلم سازوں نے بڑے بولڈ انداز میں اپنی فلموں کی ریلیز کی تاریخ دی تھی، لیکن اب کورونا وائرس کی وبا کے بھارت میں بڑھتے ہوئے اثرات کے تناظر میں ان فلموں کے اجرا میں تاخیر کررہے ہیں۔

    تاہم تھلیوی کے فلم ساز اپنی دی گئی اصل تاریخ پر ہی فلم کی ریلیز پر قائم ہیں۔ اس صورتحال پر کنگنا نے ٹوئٹر پر کہا کہ ان کی یہ مووی فلم بینوں کو تھیٹرز کی جانب واپس لائے گی۔

    انھوں نے اس موقع پر فلم پروڈیوسرز کرن جوہر اور ادیتیا چوپڑا کا نام لے کر کہا کہ مجھے فلم انڈسٹری سے باہر کرنے کے لیے سب کچھ کیا، گینگ بنائے، خوفزدہ کیا، لیکن میں آج کہتی ہوں کہ بالی ووڈ کے ٹھیکے دار کرن جوہر اور ادیتیا چوپڑا روپوش ہیں۔ تمام بڑے ہیرو چھپے ہوئے ہیں۔ لیکن کنگنا اپنی ٹیم کے ساتھ سو کروڑ کے بجٹ کی فلم لیکر آرہی ہے تاکہ بالی ووڈ کو بچایا جاسکے۔

    بھارتی میڈیا رپورٹس کے مطابق انھوں نے کہا کہ تاریخ سنہری الفاظ میں یہ لکھے گی کہ ایک عورت جو کہ باہر کی اور سوتیلی تھی، اس کی تقدیر میں بچانے والا لکھا گیا، آپ کو نہیں معلوم زندگی ہمیں کئی طرح سے حیران کرتی ہے۔ اگر یہ ہوگیا تو یاد رکھیں بالی ووڈ کی چلر پارٹی آئندہ آپکی ماں پر دوبارہ حملہ آور نہیں ہوگی، کیونکہ ماں، ماں ہوتی ہے۔

  • ثنا خان کو شوہر کی جانب سے شاندار سرپرائز تصاویر اور ویڈیوز سوشل میڈیا پر وائرل

    ثنا خان کو شوہر کی جانب سے شاندار سرپرائز تصاویر اور ویڈیوز سوشل میڈیا پر وائرل

    دین اسلام کے خاطر شوبز سے کناری کشی اختیار کرنے والی سابقہ بھارتی اداکارہ ثنا خان کی کی دُنیا کی سب سے اونچی عمارت بُرج خلیفہ میں سونے کی پرت والی کافی پینے کی تصویر سوشل میڈیا پر وائرل ہو رہی ہے۔

    باغی ٹی وی : سابقہ بھارتی اداکارہ ثناء خان نے گزشتہ سال عالم دین مفتی انس سے شادی کرکے زندگی کے نئے سفر کا آغاز کیا تھا اور اس سے قبل وہ شوبز کو مکمل طور پر خیر باد کہنے کا اعلان کرچکی تھیں۔

    سوشل میڈیا پر ہر وقت متحرک رہنے والی ثنا خان انسٹا گرام پر اب اپنے شوہر کے ہمراہ حسین جگہوں کی تصویر شیئر کرتی نظر آتی ہیں تاہم اب فوٹو اینڈ ویڈیو شیئرنگ ایپ انسٹاگرام پر ثناء خان نے اپنی نئی تصویریں شیئر کی ہیں جن میں اُن کے ہمراہ اُن کے شوہر مفتی انس بھی موجود ہیں-

    ثنا خان کی جانب سے شیئر کردہ تصویر میں وہ دنیا کی سب سے اونچی عمارت برج خلیفہ میں بیٹھی ہاتھ میں کافی لئے باہر کے نظارے سے لطف اندوز ہوتی نظر آرہی ہیں۔ تصویر کی خاص بات یہ ہے کہ جو کافی وہ پی رہی ہیں اس پر سونے کی پرت چڑی ہوئی ہے۔

    ثنا خان نے ناشتے کی چند تصویر شیئر کرنے کے ساتھ کیپشن میں وضاحت دیتے ہوئے کہا کہ جب آپ کا شوہر دنیا کی بلند و بالا عمارت برج خلیفہ کی ٹاپ پر سونے کی پرت چڑی ہوئی کافی کے ساتھ ناشتہ کروا کے سرپرائز دے۔

    سابقہ بالی ووڈ اداکارہ نے کہا کہ شوہر کا یہ خوبصورت سرپرائز دیکھ کر وہ بہت خوش ہیں۔

    خیال رہے کہ ثناء خان نے گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے اپنی شادی سے قبل اسلام کی خاطر شوبز انڈسٹری چھوڑنے کا اعلان کیا تھا اس موقع پر ثناء خان کا کہنا تھا کہ اب وہ اپنی زندگی انسانیت کی خدمت میں اور اللّٰہ تعالیٰ کے احکامات کے مطابق گُزاریں گی۔

  • عاصم اظہرنے خاتون مداح کی غلط فہمی د ور کر دی

    عاصم اظہرنے خاتون مداح کی غلط فہمی د ور کر دی

    پاکستان کے معروف گلوکار عاصم اظہر نے مداح کی خود سے متعلق غلط فہمی دور کر دی ہے۔

    باغی ٹی وی :گلوکار عاصم اظہر کی جانب سے سماجی رابطے کی ویب سائٹ ٹوئٹر پر اپنے گانے ’غلط فہمی‘ کے کچھ بول لکھے گئے جس پر اُن کی ایک مداح کی جانب سے عاصم اظہر کے افسردہ ہونے اور ٹوٹنے سے متعلق تبصرہ کیا گیا۔


    مداح نے کہا کہ اُنہیں معلوم تھا کہ عاصم اظہر کا دل ٹوٹ چکا ہے۔

    اس کمنٹ پر عاصم اظہر کی جانب سے بھی رد عمل دیا گیا جو کہ انٹرنیٹ پر خوب وائرل ہو گیا ہے۔


    عاصم اظہر نے خاتون مداح کی ٹوئٹ کو ری ٹوئٹ کر تے ہوئے جواب میں لکھا کہ تسلی رکھو بہن، میں صرف اپنے گانے کے بول سے محظوظ ہو رہا ہوں۔
    https://twitter.com/Parhle_ab/status/1377133730687381518?s=20
    عاصم اظہر کا مداح کی اس ٹوئٹ پر دیا گیا جواب خوب وائرل ہو گیا اور انٹرنیٹ صارفین کی جانب سے اُن کے اس ٹوئٹ پر خوب قہقہے لگائے جا رہے ہیں جبکہ ٹوئٹ نے بھی اس کو فنی ٹوئٹس قرار دیا-


    واضح رہے کہ شوبز انڈسٹری میں گلوکار عاصم اظہر اور اداکارہ ہانیہ عامر کے ایک رشتے میں ہونے کی خبریں زیر گردش تھیں، دونوں کو اکثر و بیشتر نجی پارٹیز میں بھی ساتھ دیکھا جاتا تھا۔

    تاہم بعد میں اداکارہ ہانیہ عامر کی جانب سے ایک انٹرویو کے دوران اچانک سے یہ انکشاف کیا گیا تھا کہ وہ اب ساتھ نہیں ہیں اور نہ ہی وہ ایک دوسرے کو ڈیٹ کر رہے ہیں عاصم صرف میرا ایک اچھا دوست ہے۔

  • میرے گھر سے ملنے والی نشہ آور گولیاں میری نہیں میری اہلیہ کی ہیں اعجاز خان

    میرے گھر سے ملنے والی نشہ آور گولیاں میری نہیں میری اہلیہ کی ہیں اعجاز خان

    گزشتہ روز منشیات کیس میں گرفتار ہونے والے بھارتی اداکار اعجاز خان نے انکشاف کیا ہے جو گولیاں اُن کے گھر سے ملیں وہ اُن کی اہلیہ استعمال کرتی تھیں۔

    باغی ٹی وی :بھارتی میڈیا رپورٹس کے مطابق اعجاز خان نے نارکوٹکس کنٹرول بیورو (این سی بی) کی تفتیش کے دوران ایک اہم انکشاف کرتے ہوئے کہا کہ ماضی میں میری اہلیہ کا حمل ضائع ہوگیا تھا جس کی وجہ سے وہ ڈپریشن میں چلی گئی۔

    اعجاز خان نے کہا کہ این سی بی کے چھاپے کے دوران میرے گھر سے جو گولیاں برآمد ہوئیں وہ میری نہیں بلکہ میری اہلیہ کی ہیں۔

    اُنہوں نے کہا کہ ڈپریشن کی شکار میری اہلیہ اُن گولیوں کا استعمال پُرسکون نیند کے لیے کرتی ہے۔

    واضح رہے کہ دو روز قبل ممبئی ایئرپورٹ سے نارکوٹکس کنٹرول بیورو (این سی بی) کی ٹیم نے اداکار اعجاز خان کے منشیات کیس میں حراست میں لیا تھامنشیات کیس کے معاملے میں این سی بی کی جانب سے اعجاز خان کی 8 گھنٹے تک تفتیش کی گئی جس کے بعد آج اُنہیں گرفتار کرلیا گیا تھا تلاشی کے دوران اعجاز خان کی رہائش گاہ سے الپرازولم کی گولیاں برآمد ہوئی تھیں۔

  • سنی دیول کے چھوٹے بیٹے بھی بالی ووڈ میں انٹری کے لئے تیار

    سنی دیول کے چھوٹے بیٹے بھی بالی ووڈ میں انٹری کے لئے تیار

    بالی ووڈ اداکار سنی دیول کے چھوٹے بیٹے راج ویر دیول بھی بالی ووڈ میں انٹری کے لئے تیار ہیں۔

    باغی ٹی وی:بھارتی میڈیا رپورٹس کے مطابق سنی دیول کے چھوٹے بیٹے راج ویر دیول بھارتی پروڈکشن کمپنی راج شری پروڈکشنز کے آنے والے پراجیکٹ سے فلموں میں انٹری دیں گے جس کا اعلان سنہ دیول نے سماجی رابطے کی ویب سائٹ ٹوئٹر پر اپنی ٹوئٹ کے ذریعے کیا-


    بھارتی میڈیا رپورٹس کے مطابق راج ویر دیول بھارت کے معروف ہدایت کار، پروڈیوسر اور اسکرین رائٹر سورج برجاتیا کے بیٹے اویناش برجاتیا کی ہدایت کاری میں بننے والی فلم سے ڈیبیو کرنے جارہے ہیں اویناش برجاتیا بھی اسی فلم سے ہدایت کاری کے میدان میں قدم رکھ رہے ہیں۔

    سنی کے بڑے بیٹے کرن دیول نے بھی اپنے چھوٹے بھائی کے لیے نیک تمناؤں کا اظہار کرتے ہوئے کہا سینما کی دنیا میں ایک حیرت انگیز سفر کا آغاز۔ اس کے ساتھ ہی انہوں نے اپنے بھائی کی کامیابی کے لیے دعا کی۔

    راج ویر دیول کے بارے میں بات کرتے ہوئے اویناش برجاتیا نے کہا راج ویر اپنی آنکھوں سے بولتے ہیں وہ بہت محنتی ہیں ہم جتنا اپنے پراجیکٹ کے بارے میں بات کرتے رہے میں اتنا ہی راج کو اپنی فلم میں مرکزی اداکار کی حیثیت سے دیکھتا رہا۔

    فلم کے بارے میں بات کرتے ہوئے انہوں نے کہا یہ فلم آج کے دور کی محبت اور تعلقات کے گرد گھومتی ہے ۔ فلم کی شوٹنگ رواں سال جولائی میں شروع ہونے کی توقع ہے جبکہ 2022 میں اس کی ریلیز متوقع ہے۔ فلم کی ٹیم نے ابھی تک مرکزی اداکارہ کے بارے میں تفصیلات ظاہر نہیں کی ۔

    خیال رہے کہ فلموں میں اداکاری کرنے سے قبل راج ویر دیول بطور اسسٹنٹ ڈائریکٹر کام کرچکے ہیں انہوں نے ہدایت کار فیروز عباس خان کی ٹریننگ میں کام کیا تھا۔

    واضح رہے کہ سنی دیول کے بڑے بیٹے کرن دیول بھی دوسال قبل فلموں میں قدم رکھ چکے ہیں۔ انہوں نے 2019 میں اپنے والد کی ہدایت کاری میں بننے والی فلم’’پل پل دل کے پاس‘‘ کے ذریعے بالی ووڈ میں انٹری دی تھی تاہم ان کی فلم باکس آفس پر زیادہ کامیاب نہیں ہوسکی تھی اور اس فلم کے بعد کرن دیول کسی اور پراجیکٹ میں بھی نظر نہیں آئے۔

  • یوٹیوبر راحم پردیسی کے ہاں بیٹے کی پیدائش

    یوٹیوبر راحم پردیسی کے ہاں بیٹے کی پیدائش

    معروف یوٹیوبر، اداکار، گلوکار اور کامیڈین راحم پردیسی کے ہاں بیٹے کی پیدائش ہوئی ہے۔

    باغی ٹی وی : راحم پردیسی نے اہلیہ اور بیٹے کے ہمراہ اپنے انسٹاگرام پر ایک تصویر شیئر کرتے ہوئے مداحوں کو خوشخبری سنائی کہ ان کے ہاں بیٹے کی پیدائش ہوئی ہے۔

    انہوں نے بتایا کہ اللہ کے فضل و کرم سے ماں اور بچہ دونوں صحتمند ہیں، یہ ایک خوفناک رولر کوسٹر سواری رہی لیکن ماشاءاللہ ہم کامیاب رہے۔

    راحم پردیسی المعروف نسرین نے انسٹاگرام اسٹوریز پر بھی چند تصاوہر شئیر کیں اوردعائیں کرنے والوں اور مبارکباد دینے والوں کا شکریہ ادا کیا۔

    اداکار کی پوسٹ پر شامی ادریس ، شاوہر جعفری ،عمران اشرف، حرا مانی اور دیگر مداح بڑی تعداد میں کمنٹس کررہے ہیں اور نومولود کیلئے صحتمند لمبی زندگی کیلئے دعائیہ پیغامات شیئر کررہے ہیں-


    واضح رہے کہ اس سے قبل راحم پردیسی نے انکشاف کیا تھا کہ اُن کی دو بیگمات ہیں اور وہ اپنی فیملی کے ساتھ خوشگوار زندگی گزار رہے ہیں۔

    راحم پردیسی کی پہلی اہلیہ سمیرا سے 3 بچے ہیں جبکہ اُن کی دوسری اہلیہ کا نام سومیا راحم ہے اور پیشے کے لحاظ سے وہ ایک ڈاکٹر ہیں۔

    دوسری اہلیہ سے پہلے بیٹے کی پیدائش کے بعد انہوں نے پہلی اہلیہ اور بچوں کی نومولود کے ہمراہ تصویر اپنی انسٹاگرام اسٹوری پر شئیر کی-

  • بالی وڈ گلوکار بپی پہری بھی کورونا میں مبتلا ہو گئے

    بالی وڈ گلوکار بپی پہری بھی کورونا میں مبتلا ہو گئے

    بالی ووڈ کے مشہور گلوکار بپی لہری بھی عالمی وبا کورونا وائرس میں مبتلا ہو گئے۔

    باغی ٹی وی : بھارتی میڈیا رپورٹس کے مطابق بپی لہری کے قریبی ذرائع نے بتایا کہ گلوکار کا کورونا وائرس ٹیسٹ مثبت آگیا ہے جس کے بعد اُنہیں ممبئی کے ایک اسپتال میں داخل کردیا گیا ہے۔

    بپی لہری کے ترجمان نے بتایا کہ گلوکار کو کورونا وائرس کی علامات ظاہر ہوئی تھیں جس کے بعد اُن کا ٹیسٹ کیا گیا اور بدقسمتی سے نتائج مثبت آئے ہیں۔

    ترجمان نے کہا کہ بپی لہری کی طبیعت بگڑنے پر اُنہیں ممبئی کے ایک اسپتال میں داخل کردیا گیا جہاں ڈاکٹرز اُن کی دیکھ بھال کررہے ہیں۔

    اُنہوں نے کہا کہ حالیہ دنوں میں جو کوئی بپی لہری کے ساتھ رابطے میں تھا وہ لازمی اپنا کورونا وائرس ٹیسٹ کروائے اور احتیاطی تدابیر بھی اختیار کرے۔

    واضح رہے کہ اس سے قبل بھی بالی ووڈ کے کئی فنکار کورونا وائرس کا شکار ہوچکے ہیں جن میں عامر خان، رنیبر کپور، فاطمہ ثنا شیخ، کارتک آریان اور پریش راول سمیت دیگر شامل ہیں۔

    بھارتی اداکار و سیاستدان پریش راول ویکسین لگوانے کے باوجود کورونا میں مبتلا ہوگئے