Category: شوبز

بھارتی ٹی وی کی نامور اداکارہ نوشین علی سردار نے بھارت میں مسلمانوں کے ساتھ برتے جانے والے امتیازی سلوک کے بارے میں بھارتیوں کا اصل چہرہ بے نقاب کردیا-

باغی ٹی وی : ٹی وی کی معروف مسلمان بھارتی اداکارہ نوشین علی سردار نے حال ہی میں دئیے گئے ایک انٹرویو میں بھارت میں مسلمانوں کے ساتھ برتے جانے والے امتیازی سلوک سے پردہ اٹھاتے ہوئے کہا ہے کہ رشتہ کرانے والی خاتون نے ان کا رشتہ کروانے سے صرف اس لیے انکار کیا کیونکہ وہ ایک مسلم گھرانے سے تعلق رکھتی ہیں۔

نوشین نے بتایا کہ لاک ڈاؤن کے دوران میرے گھروالوں نے مجھ پر زور دیا کہ میں رشتہ کرانے والی کسی سائٹ پر اپنے کوائف بھیجوں لیکن میں کسی سے ملنے نہیں جا سکی۔ لہذا میرے گھروالوں نے انڈین میچ میکنگ شو کی مشہور شادی کرانے والی صائمہ تپاریا المعروف صائمہ آنٹی کے پاس جانے کا سوچا لیکن ہم اس وقت صدمے کی کیفیت میں چلے گئے جب صائمہ تپاریا نے منع کردیا۔

نوشین نے مزید بتایا کہ یہ پہلی بار نہیں ہے کہ انہیں مذہب کی وجہ سے بھارت میں امتیازی سلوک کا سامنا کرنا پڑا ہو بلکہ اس سے قبل انہیں مختلف ہاؤسنگ سوسائٹیوں میں گھر دینے سے منع کردیا گیا تھا کیونکہ وہاں لوگ مسلمانوں کو گھر یا فلیٹس دینے کے حق میں نہیں تھے۔

اداکارہ نوشین نے کہا ہر مذہب کا احترام کرنا بہت ضروری ہے اگر کوئی معاشرہ اپنے افکار میں اتنا سخت ہوجائے گا تو وہاں رہنا بہت مشکل ہوجائے گا۔

نوشین نے کا کہنا تھا ہاں میں مسلمان ہوں توکیا ہوا؟ مجھے بھی معاشرے میں مساوی حقوق حاصل ہیں-

نیو دہلی میں کلب کے باہر چند افراد کے ہاتھوں پٹائی پر بالی ووڈ اداکار اجے دیوگن کا بیان سامنے آگیا۔

باغی ٹی وی :گزشتہ روز بھارتی سوشل میڈیا پر ایک ویڈیو کلپ تیزی سے وائرل ہوئی تھی جس میں نیودہلی میں کلب کے باہر چند افراد ایک شخص کو بری طرح پیٹ رہے تھے۔ حالانکہ ویڈیو میں اس شخص کا چہرہ صاف نظر نہیں آرہا تھا لیکن سوشل میڈیا صارفین کا کہنا تھا کہ یہ شخص کوئی اور نہیں بلکہ بالی ووڈ اداکار اجے دیوگن ہیں۔

جس پر اجے دیوگن کی ٹیم نے اس ویڈیو پر ردعمل دیتے ہوئے کہا تھا کہ دہلی میں کلب کے باہر اداکار کے جھگڑے کی خبریں بے بنیاد ہیں، ویڈیو میں نظر آنے والا شخص اجے دیو گن کا ہم شکل ہوسکتا ہے تاہم اداکار کا اس لڑائی سے کوئی تعلق نہیں ہے کیوں کہ اجے فلم کی شوٹنگ کے لیے گزشتہ 14 مہینوں سے نیو دہلی سے باہر گئے ہوئے ہیں۔ وہ اپنی فلموں ’میدان‘، ’مے ڈے‘ اور ’گنگو بائی کاٹھیاواڑی‘ کی شوٹنگ کے سلسلے میں ممبئی میں ہیں۔

تاہم اب اجے دیوگن نے بھی اس ویڈیو پر ردعمل دیتے ہوئے ٹوئٹر پر بیان جاری کیا ہے جس میں انہوں نے نیو دہلی میں کلب کے باہر جھگڑے کی خبروں کو بے بنیاد قرار دیتے ہوئے کہا ہے ایسا لگتا ہے میرا کوئی ہم شکل مشکل میں ہے۔

Some ‘doppelgänger’ of mine seems to have got into trouble.
I’ve been getting concerned calls. Just clarifying, I’ve not traveled anywhere. All reports regarding me being in any brawl are baseless. Happy Holi

— Ajay Devgn (@ajaydevgn) March 29, 2021

انہوں نے کہا کہ مجھے جھگڑے سے متعلق کالز موصول ہورہی ہیں۔

اجے دیوگن نے کہا کہ میں واضح کردینا چاہتاہوں کہ میں نے کہیں بھی سفر نہیں کیا میرے بارے میں جھگڑا ہونے سے متعلق تمام رپورٹس بے بنیاد ہیں اس کے ساتھ ہی اجے دیوگن نے تمام لوگوں کوہولی کی مبارکباد دی۔

بھارتی پنجابی گلوکار دلجان امرتسر کے قریب جنڈیالہ گرو کے قریب خوفناک کار حادثے کے باعث چل بسے۔

باغی ٹی وی : بھارتی میڈٰا رپورٹس کے مطابق 2012 میں بھارتی اور پاکستانی گلوکاروں کے مقابلے ’سرکشیترا‘کے رنر اپ دلجان کرتار پور سے امرتسر جا رہے تھے کہ ان کی گاڑی کی ٹرک سے ٹکر ہوئی اس خوفناک حادثے میں گلوکار موقع پر ہی دم توڑ گئے۔

میڈیا رپورٹس کے مطابق دلجان گاڑی میں اکیلے تھے کیونکہ فیملی کینیڈا میں مقیم ہےپولیس نے حادثے کی تحقیقات کا آغاز کردیا ہے۔

گلوکار کی موت سے مداح غمزدہ ہیں جس کا اظہار وہ دلجان کی آخری سوشل میڈیا پوسٹ پر کمنٹ کے ذریعے کررہے ہیں۔

دلجان کی دو روز قبل شیئر کی گئی انسٹاگرام پوسٹ کے مطابق ان کے نئے گانے جلد ریلیز کیے جانے تھے ۔

پلاسٹک سرجریز کی خدمات فراہم کرنے والے ادارے ’longevita‘ نےبرطانوی شہزادہ ولیم کودنیا کا ’پرکشش گنجا‘ مرد قرار دیا-

باغی ٹی وی : برطانوی اخبار ’دی انڈیپینڈنٹ‘ نے ’ دی سن ‘ کا حوالہ دیتے ہوئے بتایا کہ برطانیہ کے مشہور پلاسٹک سرجری کے ادارے کی جانب سے کیے گئے ایک سروے میں حیران کن طور پر ہالی ووڈ اداکاروں اور بڑے بڑے سیاستدانوں کے برعکس شہزادہ ولیم دنیا کے ’پرکشش گنجے‘ مرد قرار پائے-

مذکورہ سروے کو متعدد اقسام کی پلاسٹک سرجریز کی خدمات فراہم کرنے والے ادارے ’longevita‘ نے سر انجام دیا اور ادارے نے انٹرنیٹ پر ’گنجے مردوں‘ کو تلاش کیے جانے سے متعلق ڈیٹا کا جائزہ لیا۔

سروے کے دوران ادارے نے یہ دیکھا کہ دنیا بھر میں کتنے افراد نے دنیا کی کس معروف گنجی شخصیت کو کیسے الفاظ، جملوں یا معاملوں پر سرچ کیا ادارے کے مطابق دنیا بھر میں ’پرکشش‘ لفظ کے ساتھ سب سے زیادہ برطانوی شہزادہ ولیم کو تلاش کیا گیا اسی لیے انہیں ہی دنیا کا ’پرکشش گنجا‘ مرد قرار دیا گیا۔

یعنی دنیا بھر میں شہزادہ ولیم کی انٹرنیٹ پر تلاش کے دوران ان کے نام کے ساتھ ’سیکسی‘ کا لفظ استعمال کیا گیا، جس وجہ سے کاسمیٹک کے ادارے نے نتائج میں انہیں ’پرکشش گنجا‘ مرد قرار دیا۔

جبکہ حیران کن طور پر مذکورہ فہرست میں ہالی ووڈ کے پرکشش اور سب سے زیادہ کمائی کرنے والے اداکاروں کی فہرست میں نمایاں رہنے والے ڈیوائن جونسن اور ون ڈیزل آخری نمبروں پر آئے۔

’دی انڈیپینڈنٹ‘ کے مطابق فہرست میں دوسرے نمبر پر امریکی باکسر مائیک ٹائسن، تیسرے نمبر پر برطانوی اداکار جیسن اسٹاتھم، چوتھے نمبر پر امریکی ریپر پٹ بل اور پانچویں نمبر پر امریکی کاروباری شخصیت مائیکل جارڈن رہے۔

پرکشش گنجے‘ مرد حضرات کی فہرست میں چھٹے نمبر پر باکسر فلائیڈ مے ویدر، ساتویں نمبر پر امریکی اداکار جان ٹروولٹا، آٹھویں نمبر پر ہولی وڈ اداکار بروس ولز، نویں نمبر پر ڈیوائن جونسن اور دسویں نمبر پر ون ڈیزل رہے۔

اسی فہرست میں ہا لی وڈ اداکار پیٹرک اسٹیورٹ اور روسی صدر ولادیمیر پیوتن بھی شامل تھے مگر وہ 10 پرکشش گنجے مرد حضرات میں شامل نہ ہوسکے۔

جبکہ ’پر کشش گنجے‘ مرد حضرات کی فہرست میں خود کو آخری نمبروں پر رکھے جانے پر ڈیوائن جونسن نے ٹوئٹ کرکے دوبارہ نتائج کی گنتی کا مطالبہ بھی کیا ۔

How in the cinnamon toast f*ck does this happen – when Larry David clearly has a pulse?!?!#demandingrecount ☑️😊 https://t.co/ztO6ND4vk9

— Dwayne Johnson (@TheRock) March 27, 2021