پاکستانی شوبز انڈسٹری سے تعلق رکھنے والے متعدد فنکاروں کو حال ہی میں ’ٹُک ٹُک مارچ‘ کے نام سے ہونے والی ایک تقریب میں شرکت کرتے دیکھا گیا۔

باغی ٹی وی : ٹُک ٹُک مارچ میں ماہرہ خان، ہمایوں سعید، بلال اشرف، ایچ ایس وائے، صنم سعید، فیروز خان، مایا علی اور عائشہ عمر سمیت پاکستانی شوبز انڈسٹری کے دیگر فنکاروں نے شرکت کی۔

ٹُک ٹُک مارچ ایک غیر سرکاری فلاحی ادارے (این جی او) کی جانب سے شروع کی گئی رکشہ سواری ہے جسے خاص طور پر معذور افراد کے لیے شروع کیا گیا ہے یعنی اس کے چلانے والے معذور افراد ہیں۔

پاکستانی فنکاروں کی اس تقریب میں شرکت کا مقصد بھی یہی ہے کہ معذور افراد بھی اس معاشرے کا حصہ ہیں، انہیں کمتر نہ سمجھا جائے اور ان کے ساتھ سفر کرتے ہوئے کسی قسم کا خوف محسوس نہ کیا جائے۔

تقریب میں شریک اداکار فیروز خان کا ایک معذور کیپٹن کے ساتھ رکشے پر سواری کرتے ہوئے کہنا تھا کہ میں بہت پرجوش اور بہت خوش ہوں کہ ہم ان جیسے لوگوں کے لیے کچھ کر رہے ہیں۔

فیروز خان نے کراچی کے شہریوں اور اپنے چاہنے والوں سے اپیل کی کہ وہ باہر نکلیں اور ان رکشہ ڈرائیورز پر بھروسہ کریں، ان کے ساتھ سفر کرتے ہوئے فکرمند نہ ہوں، مجھے امید ہے کہ آپ ان کے ساتھ اور یہ (رکشہ ڈرائیورز) آپ کے ساتھ خود کو محفوظ سمجھیں گے۔

پاکستانی اداکار کا ہالی وڈ سپر اسٹار کی مثال دیتے ہوئے کہنا تھا شاید ایک کمرشل بھی ہے جس میں جیمز بانڈ ٹُک ٹُک چلا رہا ہے، تو پھر ہم کیوں اسے چلانے میں شرم محسوس کریں۔

معذوری سے متعلق پوچھے گئے سوال پر اداکار فیروز خان کا کہنا تھا میری نظر میں کسی دوسرے کو قبول نہ کرنا معذوری ہوتی ہے۔

پاکستانی ٹیلی ویژن کی معروف ڈرامہ نویس، مصنفہ اور مکالمہ نگار حسینہ معین نے زندگی بھر شادی نہیں کی تھی۔

باغی ٹی وی : 26 مارچ کو 79 برس کی عمر میں حرکت قلب بند ہونے سے انتقال کرنے والی حسینہ معین نے کچھ برس قبل سینئر اداکارہ ثمینہ پیرزادہ کے ویب انٹرویو میں بطور مہمان شریک ہوئیں جہاں انہوں نے زندگی کے نشیب و فراز کے حوالے سے بات چیت کی وہیں اپنی شادی نہ کرنے کی وجہ بھی بتائی تھی-

میزبان ثمینہ پیرزادہ کے شادی کے حوالے سے سوال کہ زندگی تنہا گزار دی، کبھی شادی کا خیال کیوں نہ آیا کے جواب میں انہوں نے کہا کہ یہ پریشانی میری اماں کو بھی لاحق رہتی تھی مجھے لگتا ہے کہ میں شادی کے لیے نہیں بنی، خدا نے سب کا جوڑ بنایا، مگر میرا جوڑ شاید کہیں کھو گیا ہے اس لیے میں نے شادی نہیں کی۔

شادی نہ کرنے پر افسوس کے حوالے سے سوال کا جواب دیتے ہوئے حسینہ معین نے کہا کہ انہیں شادی نہ کرنے کا کوئی ملال نہیں ساتھ ہی انہوں نے کہا کہ رات میں اکثر جب مجھے کہیں جانا ہو اور ڈرائیور نہ ہو تو مجھے احساس ہوتا ہے کہ ابھی کوئی ہوتا تو مجھے یہ پریشانی نہ ہوتی۔

پاکستان شوبز انڈسٹری کی سینئیر اور نامور اداکارہ ریما خان کا کہنا ہے کہ کتاب کی طرح وفادار کوئی دوست نہیں ہوتا۔

باغی ٹی وی : اداکارہ ریما خان نے سماجی رابطے کی ویب سائٹ انسٹا گرام پوسٹ پر اپنی دلکش تصاویرشئیر کیں تصا ویر شیئر کرتے ہوئے اداکارہ نے لکھا کہ بیرونی خوبصورتی وہ ہے جو آنکھیں دیکھ سکتی ہے جبکہ اندرونی خوبصورتی کو صرف دل کے ذریعے دیکھا جاسکتا ہے۔

اپنی ایک اور انسٹاگرام پوسٹ میں ریما خان نے اپنی تصاویر شئیر کیں جس میں وہ ہاتھ میں کتاب پکڑے کھڑی ہیں پوسٹ کے کیپشن میں انہوں نے لکھا کہ کتاب کی طرح وفادار کوئی دوست نہیں ہوتا۔

اداکارہ ریما خان کی دونوں تصاویر اور پوسٹ کومداحوں کی جانب سے نہ صرف خوب پسند کیا جا رہا ہے بلکہ انہیں متعدد کمنٹس بھی لکھے ہیں-