پاکستان میوزک انڈسٹری کے معروف گلوکارو موسیقا ربلال مقصود نے معروف اداکار عدنان صدیقی کی بانسری کو نئے ساز دے کرموسیقی شائقین کے دل جیت لیے ہیں۔

باغی ٹی وی : عدنان صدیقی اچھی اداکاری کے ساتھ ساتھ بانسری بھی اچھی بجا لیتے ہیں اور اکثر ہی اپنا شوق پورا کرتے، بانسری بجاتے ہوئے ویڈیو اپنے سوشل میڈیا پر مداحوں کے ساتھ شیئر کرتے ہیں جنہیں خوب پسند کیا جاتا ہے۔

گزشتہ رو عدنان صدیقی کی جانب سے اپنے اپنے تصدیق شدہ انسٹا گرام اکاؤنٹ پر ایک ویڈیو شیئر کی گئی جس میں وہ بھارتی سلسلہ کے اپنے ایک پسندیدہ گانے ،نیلا آسمان، کی دھن بانسری پر بجا رہے ہیں عدنان صدیقی کے اس انداز پر انٹرنیٹ صارفین کی جانب سے انہیں خوب داد بھی دی گئی ہے۔

عدنان صدیقی کی مزکورہ ویڈیو میں بلال مقصود نے بانسری کے ساتھ پیانو کے ساز چھیڑتے ہوئے میوزک کے دلدادہ مداحو ں کے دل جیت لئے-

بلال مقصود کی جانب سے شیئر کی گئی ویڈیو میں دیکھا جا سکتا ہے کہ وہ عدنان صدیقی کی ویڈیو ایک موبائل پر چلا کر ساتھ میں پیانو بجا رہے ہیں۔

بلال مقصود کا اپنی اس پوسٹ کے کیپشن میں کہا کہ انہوں نے عدنان صدیقی کی یہ ویڈیو اُن کےانسٹا گرام پر دیکھی اور انہوں نے سوچا کہ وہ بھی اس ویڈیو میں اپنا حصہ ڈالیں گے۔

بلال مقصود کا کہنا کہ وہ ایسا صرف انٹرٹینمنٹ کے طور پر کر رہے ہیں۔

بلال مقصود کی اس ویڈیو پرمداحوں کی جانب سے تعریفی کمنٹس کا سلسلہ جاری ہے جبکہ اس ویڈیو کو ہزراوں بار دیکھا اور پسند کیا جا چکا ہے-

پاکستانی اداکار و ماڈل عمران عباس نے سوشل میڈیا پر اپنے بچپن کی ایک تصویر شیئر کی جس میں وہ چھوٹے سے معصوم سے بچے نظر آ رہے ہیں۔

باغی ٹی وی : خوبصورت اور تیکھے نین نقش کے مالک عمران عباس کا شمار پاکستان کے نامور اداکاروں کی فہرست میں کیا جاتا ہے جن کے مداح دنیا بھر میں موجود ہیں، عمران عباس کو متعدد بار ایشیا ء کے خوبصورت مردوں کی فہرست میں شامل کیا جا چکا ہے عمران عباس سوشل میڈیا پر بھی کافی متحرک رہتے ہیں اور مداحوں کو اپنی مصروفیات کے بارے میں آگاہ کرتے رہتے ہیں-

عمران عباس کی جانب سے حال ہی میں اپنے مداحوں کے ساتھ اپنے بچپن کی ایک تصویر شیئر کی گئی ہے جس میں وہ ننھے سے اور معصوم سے بچے نظر آ رہے ہیں-

عمران عباس نے اپنی اس بچپن کی تصویر کے ساتھ کیپشن میں کہ میر ے بچپن کے دن، کچھ خوابوں کی تکمیل پیچھے بھاگتے ہوئے انہوں نے یہ بچہ کہیں کھو دیا ہے۔

عمران عباس کی اس تصویر کو مداحوں کی جانب سے خوب سراہا جا رہا ہے-

واضح رہے کہ اداکار عمران عباس رواں برس ‘بارانِ رحمت’ کے نام سے رمضان ٹرانسمیشن کی میزبانی کریں گے جسے ای میکس میڈیا پروڈکشنز کی جانب سے پروڈیوس کیا گیا ہے۔

عمران عباس رواں برس ترکی سے رمضان ٹرانسمیشن کی میزبانی کریں گے

ڈرامہ انڈسٹری کی نامور اور سینئیر اداکارہ ثانیہ سعید اور نوجوان اداکارہ حنا الطاف ‘ڈور’ نامی ڈرامے میں ایک ساتھ نظر آئیں گی۔

باغی ٹی وی : اسکرین رائٹر ساجد گل کی جانب سے فوٹو اینڈ ویڈیو شیئرنگ ایپ انسٹاگرام پر مذکورہ ڈرامے کی تصویر شیر کرتے ہوئے کیا گیا-

ساجد گل نے بتایا کہ ان کا نیا ڈراما ‘ڈور’ جلد نشر ہوگا تاہم انہوں نے ڈرامے کے حوالے سے کسی حتمی تاریخ کا اعلان نہیں کیا۔

ان کی جانب سے شیئر کی گئی تصویر میں اداکارہ ثانیہ سعید موجود ہیں جو 2 کٹھ پتلیوں، اداکار علی عباس اور حنا الطاف کو قابو کرتی نظر آرہی ہیں تصویر میں موجود تینوں اداکاروں کو سیاہ رنگ کے لباس میں ملبوس دکھایا گیا ہے جس سے ایسا معلوم ہوتا ہے کہ ‘ڈور’ کی کہانی کسی تاریک پہلو کو اجاگر کرتی ہے۔

ڈان امیجز کے مطابق سجاد گل نے بتایا کہ ‘ڈور’ میں ‘سازِ عشق’ کے اداکار اظفر رحمٰن بھی اداکاری کررہے ہیں۔

سجاد گل نے کہانی سے متعلق بتایا کہ جب کوئی شخص اپنے آپ کو خطرے میں پاتا ہے اور کسی کونے میں چھپ جاتا ہے، اس کی بقا پر سوال آتا ہے، تو وہ دوسروں پر انتقامی کارروائی کرتا ہے۔

سجاد گل کے مطابق اس ڈرامے کا فلسفہ یہ ہے کہ کسی کی زندگی میں بعض اوقات، اگر کوئی شخص ظالم نہیں بنتا تو اس کے ساتھ ناانصافی ہوجاتی ہے۔

ڈرامے میں دکھایا گیا ہے کہ اگر کوئی اپنی کہانی یا زندگی کی ذمہ داری اٹھانے میں ناکام ہوتا ہے تو وہ کسی اور کے ڈرامےمیں ایک کٹھ پتلی بن جاتا ہے۔

‘ڈور’ میں ثانیہ سعید، حنا الطاف اور علی عباس کے ساتھ ساتھ اظفر رحمٰن، عفت رحیم، نیئر اعجاز اور سلیم معراج بھی نظر آئیں گے۔

اینکر ومیز بان آفتاب اقبال کا اپنے شو میں غزوہ احد میں مال غنیمت کے حوالے سے صحابہ کرام رضی اللہ عنہم اجمعین کا غیر مناسب انداز میں ذکر کیا تھا جس پر انہیں شدید تنقید کا نشانہ بنایا گیا تاہم اب پیمرا نے بھی ایکسپریس نیوز سے جواب طلب کر لیا-

باغی ٹی وی : گزشتہ شب آفتاب اقبال نے نجی ٹی وی چینل ایکسپریس نیوز پر اپنے شو، خبردار، میں غزوہ احد میں مال غنیمت کے حوالے سے صحابہ کرام رضی اللہ عنہم اجمعین کا غیر مناسب انداز میں ذکر کیا تھا جس پر انہیں شدید تنقید کا نشانہ بنایا گیا یہاں تک کہ یہ معاملہ ٹوئٹر پر ٹرینڈ کرنے لگا اور #صحابہ_کا_گستاخ_آفتاب_اقبال صبح سے ٹوئٹر ٹرینڈ فہرست میں پہلے نمبر پر ہے اور لوگ شدید غم و غصے کا اظہار کر رہے ہیں اور حکومت سے آفتاب اقبال کو سزا دینے کا مطالبہ کر رہے ہیں-

تاہم صارفین کے غم و غصے اور مطالبے کو دیکھتے ہوئے پاکستان الیکٹرونک میڈیا ریگولیٹری اتھارٹی (پیمرا) نے بھی ایکسپریس نیوز کو نوٹس جاری کر دیا ہے-

pic.twitter.com/zoLX3wrWDk

— Report PEMRA (@reportpemra) April 12, 2021

پریس ریلیز کے مطابق پیمرا نے ایکسپریس نیوز کو اس کے پروگرم ، خبردار، جو کہ مورخہ 11 اپریل 2021 کو نشر ہوا میں غیر ذمہ دارانہ کلمات نشر کرنے پر اظہار وجوہ کا نوٹس جاری کرتے ہوئے چینل ہذا کو 7 یوم میں جوابدہی کا حکم دیا ہے –

واضح رہے کہ اس سے قبل سوشل میڈیا پر تنقید کے بعد آفتاب اقبال نے ایک وضاحتی ویڈیو جاری کی اور اپنی گستاخی کی معافی مانگی-

He apologized so we need to stop. #صحابہ_کا_گستاخ_آفتاب_اقبال pic.twitter.com/xwHxOBH4ko

— Meher Hassan (@Meher0072) April 12, 2021

آفتاب اقبال نے کہا کہ ایک بہت ضروری وضاحت اور معذرت کے ساتھ میں حاظر ہوا ہوں خواہش تو یہ ہے کہ پہلے میں وضاحت کروں لیکن میں غیر مشروط معافی اور معذرت سے آغاز کروں گا-

آفتاب اقبال نے اپنی غلطی مانتے ہوئے کہا کہ گزشتہ شب شو خبردار کی قسط میں ہم سے ایک حماقت سرزد ہوئی اور یہ مثال یہاں پر کس طرح ظاہر ہوئی ہے ویسے بنتی نہیں تھی جنگ احد کا حوالہ دے کر میں نے تو بات کہہ دی میں اس پر معذرت خواہ ہوں خدانخواستہ اس پر دور دور تک تصور بھی نہیں کیا جا سکتا کہ صحابہ کی شان میں گستاخی کی جائے یا ایسی طنزیہ کوئی بات کی جائے-

سابق اداکارہ رابی پیر زادہ نے خود پر تنقید کرنے والی خاتون کو کرارا جواب دے دیا-

باغی ٹی وی : ابی پیرزادہ نے مذہبی تعلیمات کے مطابق زندگی گزارنے کے لئے شوبز کو خیرباد کہنے کے بعد پینٹنگ و آرٹ ورک کا کام شروع کیا تھا اور وہ سوشل میڈیا پر اپنے آرٹ ورک کی تصاویر و ویڈیوز شیئر کرتی رہتی ہیں جبکہ وہ گلوکاری کے بعد نعت و حمد بھی پیش کرتی دکھائی دیں اور انہوں نے قرآن پاک لکھنے کاکام شروع کر دیا ہے۔

رابی پیرزادہ نے دیگر لوگوں کے ہمراہ ’چھوٹی سی بات‘ نامی ایک ویب سائٹ پر بھی متعارف کرائی تھی بعد ازاں رابی نے اپنے نام سے ہی فلاحی تنظیم بھی متعارف کرائی تھی، جس کے تحت وہ غریب خاندانوں اور خواتین کی مدد کرتی ہیں۔

رابی پیرزادہ نے جنوری 2021 میں فاؤنڈیشن کا آغاز کیا، جس کے تحت اب تک 2 ہزار سے زائد خاندانوں کی مدد کی جا چکی ہے، جبکہ 60 سے زائد خواتین کو مالی طور پر بااختیار بھی بنایا گیا ہے۔

رابی پیرزادہ کی جانب سے فاؤنڈیشن کے آغاز کے بعد ’حیا بائے رابی‘ کے نام سے ’عبایہ‘ برانڈ بھی متعارف کرایا گیا، جس کے تحت مختلف رنگوں اور ڈیزائن کے نہ صرف پاکستانی بلکہ مشرق وسطی انداز کے دیدہ زیب و فیشن ایبل ’عبایہ‘ اور ’حجاب‘ تحت تسبیح اور جائے نماز (مصلہ) سمیت دیگر چیزیں بھی فروخت کے لیے پیش کی جاتی ہیں-

شوبز کو خیر باد کہنے کے بعد سابق اداکارہ کی مذہبی سرگرمیوں پر جہاں کچھ لوگوں کی جانب سے ان کی حوصلہ افزائی کی جاتی ہے وہیں کچھ لوگ تنقید کا نشانہ بھی بناتے رہتے ہیں اور اس کو دکھاوا اور ایکٹنگ قرار دیتے ہیں جس پر رابی پیر زادی بھی خاموش نہیں رہتیں اور ان کو تنقید کے جواب میں اخلاق کے دائرے میں رہتے ہوئے جواب دیتی ہیں-

تاہم اب بھی سوشل میڈیا پر فائزہ شیخ نامی خاتون نے رابی کی نعت ریکارڈ کراتے ہوئے تصویر شئیر کی اور کہا کہ طارق جمیل کے بعد اسلام سے سب سے زیادہ فائدہ اس لڑکی نے اٹھایا ہے-

رابی پیر زادہ نے اس خاتون صارف کی پوسٹ اپنے انسٹاگرام پر شئیر کرتے ہوئے جواب دیا-

رابی پیرزادہ نے سوالیہ انداز میں لکھا کہ فائدہ؟ –

انہوں نے وضاحت کرتے ہوئے لکھا کہ شوبز میں میرا پروڈکشن ہاؤس تھا، کروڑوں کے ڈرامے اور پروگرام بنا کر بیچے، ہر ہفتہ اور اتوار کنسرٹ کے 5 سے 10 لاکھ، ٹی وی پر تنخواہ 4 سے 7 لاکھ، جس پروگرام میں گیسٹ جانا ایک لاکھ روپےلینا، کم سے کم ماہانہ آمدنی پچیس لاکھ تھی-

رابی پیر زادہ نے لکھا کہ ان کی وہ پچیش تیس لاکھ آمدنی سب میری ایک کیلیگرافی کے بیس ہزار پر قربان-

انہوں نے کہا کہ آپ مجھے طعنے دے کر واپس نہیں بھیج سکتے مگر شائد ایسی باتیں کرکے اللہ کو ناراض کرتے ہیں-

انہوں نے کہا کہ میری جگہ کوئی بھی ہوتی وہ یہ سوچ کر شوبز میں واپس جاتی کہ کم از کم وہاں طعنے نہیں پیسہ شہرت اور پروٹوکول ہے، مگر میرے لیے میرا اللہ اور اسکے وہ لوگ جو میرا ساتھ دیتے ہیں کافی ہیں، آپ اپنے تیر چلائیں میری ڈھال میرا قرآن ہے، الحمداللہ-

رابی پیرزادہ نے ’حیا بائے رابی‘ کے نام سے اپنا ’عبایہ‘ برانڈ متعارف کرادیا

رابی پیر زادہ نے قرآن پاک لکھنے کاکام شروع کر دیا

پاکستان کے متنازع اور معروف ترین ڈرامہ سیریل’میرے پاس تم ہو‘ میں کردار کو ٹھکرانے پر آج بھی افسوس ہے-

باغی ٹی وی : پاکستان کی معروف اداکارہ وماڈل عروہ حسین نے ایک ٹی وی پروگرام میں انکشاف کیا وہ بھی مشہور و معروف ڈرامے ’میرے پاس تم ہو‘ کا حصہ تھیں اور انہوں نے ڈرامے کے کچھ منظر بھی عکس بند کروائے تھے۔

اداکارہ نے بتایا کہ وہ ڈرامے ’میرے پاس تم ہو‘ میں رومی کی ٹیچرمس ہانیہ کا کردار ادا کررہی تھیں لیکن اسی دوران وہ اپنی فلم ’ٹچ بٹن‘ کی شوٹنگ میں بھی مصروف تھیں۔

عروہ نے بتایا کہ فلم کے ایک کردار کے بیرون ملک جانے کے باعث انہیں اپنے کچھ مناظران کے ساتھ وقت سے پہلے عکس بند کروانے پڑگئے جس کی وجہ سے انہوں نے ڈرامہ ’میرے پاس تم ہو‘ میں مس ہانیہ کے کردارکے لیے منع کردیا حتی کہ وہ ڈرامے کے کچھ منظرعکسبند کرواچکی تھیں اورڈرامے میں ان مناظرکو پزیرائی بھی ملی۔

اداکارہ نے کہا کہ انہیں آج بھی اپنے اس فیصلے پر افسوس ہے کہ انہوں نے اس ڈرامے میں کام سے کیوں منع کیا۔

میں دیکھ رہا ہوں کہ مدت بعد حقدار لوگوں کو تمغوں سے نوازا گیا ہے خلیل الرحمان…

2020 میں کیجانے والی ماہرہ خان کی ٹوئٹ کو خلیل الرحمٰن قمر نے نامناسب و چونکا…