پاکستان کی نامور ماڈل واداکارہ نادیہ حسین کا کہنا ہے کہ لوگوں کو سرجری اور بوٹوکس ٹریٹمنٹ میں فرق کو ضرور سمجھنا چاہیے۔

باغی ٹی وی : معروف ماڈل واداکارہ نادیہ حسین کا ماڈلنگ سے کہنا ہے کہ ہمارے ہاں ماڈلنگ کی اجازت مشکل سے ملتی ہے میں والدین سے یہ ہی کہوں گی کہ وہ اپنے بچوں کووہ کرنے دیں جو وہ کرنا چاہتے ہیں ساتھ ہی انہوں نے کہا کہ یہ آسان کام نہیں-

نادیہ حسین کے مطابق ماڈلنگ اور اداکاری میں صبر اور انتظار بہت ہے میرے خیال میں یہ دونوں ہی صبر آزما کام ہیں۔

ماڈل واداکارہ نے کہا کہ انہوں نے 20 سال تک ماڈلنگ کی لیکن اب تک جتنا بھی کام کیا اس سے بہت مطمعن ہوں مداحوں سے بہت پیاربھی ملا لیکن جونیئرز کو یہ بھی کہتے سنا ہے کہ نادیہ جیسی ماڈلزتو جان ہی نہیں چھوڑرہیں-

نادیہ حسین نے جونئیرز ماڈلز کو آڑے ہاتھوں لیتے ہوئے کہا کہ تو پھر نادیہ جیسی دیگرماڈلز بھی ان تک پیغام پہنچا دیتی ہیں کہ ہم خود کسی شوکا حصہ نہیں بن جاتے بلکہ آرگنائزرہمیں ہائیر کرتے ہیں، اورتم لوگوں سے دس گنا زیادہ پیسے بھی دیتے ہیں۔

نادیہ حسین نے پاکستان میں فیشن سے متعلق کہا کہ مسلسل فیشن ویکس کا انعقاد ہورہا ہے لیکن پھربھی تخلیقی کام کی کمی ہے لیکن اس کے باوجود کام پھربھی اچھا ہورہا ہے۔ملک میں طلبہ و طالبات کے فیشن شوز ضرورہونے چاہییں ان میں بہت زیادہ تخلیقی کام دیکھنے کوملتا ہے۔

پلاسٹک سرجری کے بارے میں نادیہ حسین نے کہا کہ جولوگ پلاسٹک سرجری کا شوق رکھتے ہیں اوران کویہ شوق پورا کرنے کی مالی حیثیت بھی ہوتوضروراس کی طرف جائیں اگرمجھے کبھی پلاسٹک سرجری کروانے کا موقع ملا تو ضرورکرواؤں گی لیکن لوگوں کو سرجری اور بوٹوکس ٹریٹمنٹ میں فرق کو ضرور سمجھنا چاہیے۔

پاکستان شوبز انڈسٹری کے مقبول اداکار یاسر حسین نامور اداکارہ اور اہلیہ اقرا عزیز حسین کے ساتھ شوبز انڈسٹری میں نیپوٹزم کے حوالے سے متضاد رائے رکھتے ہیں جس کا انہوں نے اظہار بھی کیا ہے-

باغی ٹی وی : حال ہی میں یاسر حسین اور اقرا عزیز ایک شو میں جلوہ گر ہوئے اور اس دوران میزبان کی جانب سے انڈسٹری میں اقرباپروری سے متعلق کیے گئے سوال کے جواب پر یاسر حسین نے کہا کہ میرا یہ خیال ہے کہ لابی کے بغیر کام ہو نہیں سکتا ۔

جبکہ یاسر کی اہلیہ اقرا کا اس حوالے سے کہنا تھا کہ ہم چاہے اسے لابی کانام دیں یا اسے کمفرٹ لیول کہا جائے میرا خیال ہے کہ ٹیم اور ڈائریکٹر کا ایک کمفرٹ لیول بن جاتا ہے اگر کوئی ڈائریکٹر یہ سمجھتا ہے کہ ایک اداکار اس کی بات سمجھتا ہے یا وہ اس سے کام نکلوانا جانتا ہے تو اسے بار بار کاسٹ کیے جانے میں کیا مسئلہ ہے؟

اقرا عزیز نے کہا کہ اگرکوئی ڈائریکٹر یہ سمجھتا ہے کہ کوئی بھی ایک اچھا اداکار ہے اور وہ کوئی بھی کردار باآسانی نبھا سکتا ہے تو پھر مجھے بار بار اس کے ساتھ کام کرنے میں کوئی مسئلہ نہیں ہونا چاہیے۔

یاسر نے اہلیہ کی بات سے اختلاف کرتے ہوئے کہا کہ اقربا پروری نہیں ہونا چاہیے کیونکہ اس سے نئے لوگوں کو کام کرنے کا چانس نہیں ملتا-

یاسر نے مزید کہا کہ اس طرح ایک اچھا ڈائریکٹر ایک ہی اچھے اداکار کے ساتھ کام کرتا رہ جاتا ہے اور بہت سے اچھے اداکاروں کو نظر انداز کردیتا ہے جو شاید مناسب نہیں-

یاسر کا کہنا تھا کہ میرا خیال ہے کہ کسی ایک ہی اداکار کے بجائے نئے لوگوں کو چانس دیا جانا جانا چاہیے۔

سوشل میڈیا پر حال ہی میں گوری رنگت اور جِلد سے متعلق ایک نئی بحث چھڑ گئی ہے جس پر متعدد اداکاراؤں کی جانب سے اپنی نو فلٹر تصاویر شئیر کر کے ردِ عمل کا اظہار کیا جا رہا ہے تاہم اب تصاویر پر فوٹو فلٹر لگانے سے متعلق اداکار یاسر حسین نے بھی دلچسپ تبصرہ کر ڈالا ہے-

باغی ٹی وی : یہ بحث تب چھڑی جب چند روز قبل اداکارہ ہانیہ عامر نے اپنی اسٹوری کے ذریعے بتایا کہ انہیں کسی نے کہا ہے کہ وہ بہت گوری ہیں اور انہیں اپنا رنگ گہرا کرانے کی ضرورت ہےہانیہ عامر نے اپنی اسٹوری میں کہا تھا ہمیں اب ان سب چیزوں سے باہر آنے کی ضرورت ہے اور اپنی رنگت کو قبول کرنا چاہیے۔

اس دوران ہانیہ عامر کو بیوٹی فلٹرز میں اسٹوری بنانے پر تنقید کا سامنا بھی کرنا پڑا تھا جس کے جواب میں ہانیہ نے کہا تھا اگر ایک تصویر پر میں نے بیوٹی فلٹر استعمال کرلیا تو لوگوں کو تنقید کرنے کا موقع مل گیا، اتنا موقع پرست مت بنیں، میں پھر بھی ایسی باتوں کا سامنا کرنا جانتی ہوں اپنا دماغ بڑا کریں اور مثبت سوچ رکھیں۔

دوسری جانب اداکارہ سائرہ یوسف کی بھی میک اپ والی تصویر میں ان کی جلد پر تنقید کی جا رہی تھی جس کے بعد سائرہ نے بغیر میک اپ اور فلٹر کے ایک تصویر شیئر کی تھی اور لکھا تھا کہ انہیں اپنی اسکن پسند ہے اسی طرح اداکارہ منال خان نے بھی بغیر میک اپ اور فلٹر کے اپنی تصویر شئیر کی تھی-

جس کے بعد اداکارہ جینان حسین نے بھی اپنے انسٹاگرام اکاؤنٹ پر ایک اسٹوری شیئر کی جس میں انہوں نے بتایا کہ ہمارا اصل مسئلہ گورا رنگ نہیں بلکہ سانولہ رنگ ہے، اگر کسی کا رنگ گورا ہے اور کوئی اسے رنگ گہرا کرانے کو کہے تو یہ بہت ایلیٹ مسئلہ ہے۔

انہوں نے کہا تھا کہ ہمارے لوگوں کو سانولے رنگ کی وجہ سے احساس کمتری کا مسئلہ ہے اور آج میں یہی بتانے آئی ہوں کہ یہ مسئلہ نہیں ہے بلکہ ایک احساس کمتری ہے۔

تاہم اب فوٹوز اینڈ ویڈیو شیئرنگ ایپ انسٹاگرام پر یاسر حسین نے اپنی ایک تصویر شیئر کی جس میں وہ کافی مطمئن اور خوش دکھائی دے رہے ہیں۔

جینز اور ٹی شرٹ میں لی گئی اس تصویر کے ساتھ یاسر حسین نے بھی فوٹو فلٹر پر تبصرہ کیا انھوں نے لکھا کہ تصویر میں فلٹر لگا ہو یا نہ لگا ہو، اس سے کوئی فرق نہیں پڑتا۔

یاسر نے مزید لکھا کہ حقیقی رہیں، خوش رہیں اور خوش رہنے دیں۔

سائرہ یوسف کے بعد منال خان کی ’نوفلٹر‘ تصویر کے سوشل میڈیا پر چرچے

اپنا دماغ بڑا کریں اور سوچ مثبت رکھیں ہانیہ عامر کا سوشل میڈیا صارفین کو مشورہ

جِلد پر تنقید: سائرہ یوسف کا سوشل میڈیا صارفین کو کرارا جواب

ہمارے لوگوں کو سانولے رنگ کی وجہ سے احساس کمتری کا مسئلہ ہے جینان حسین