بھارتی اداکار سیف علی خان کی اہلیہ اور اداکارہ کرینہ کپور خان نے خواتین کے عالمی دن پر دوسرے بیٹے کی تصویر کرتے ہوئے خصوصی پیغام جاری کیا ہے-

باغی ٹی وی: بالی وڈ کے چھوٹے نواب سیف علی خان اور ادکارہ کرینہ کپور کے ہاں گزشتہ ہفتے دوسرے بیٹے کی پیدائش ہوئی تھی جس پر بالی وڈ شخصیات سمیت مداحوں کی جانب سے انہیں مبارکباد کے ساتھ ساتھ نیک خواہشات کا اظہار کیا گیا تھا۔

مداحوں کی جانب سے سیف اور کرینہ کے دوسرے بیٹے کو دیکھنے کے حوالے سے کافی بے چینی پائی جاتی تھی جس کے لیے سوشل میڈیا پر کافی ٹرولنگ بھی کی گئی اور صارفین نے تیمور علی خان کے چھوٹے بھائی کے کے نام کو لے کر کافی دلچسپ مشورے دیئے گئے اور سوشل میڈیا پر مسلمان جنگجوؤں کے نام ٹرینڈز کرتے نظر آئے-

دو ہفتے گزرنے کے باوجود اب تک بھارتی میڈیا سیف اور کرینہ کے دوسرے بیٹے کی تصویر لینے میں کامیاب نہیں ہوسکے تھے تاہم آج کرینہ کپور نے خود ہی مداحوں کا انتظار ختم کرتے ہوئے تصویر جاری کردی۔

اداکارہ کی جانب سے خواتین کے عالمی دن پر یہ تصویرسماجی رابطے کی ویب سائٹ انسٹاگرام پر شئیر کی گئی جس کے کیپشن میں میں انہوں نے لکھا ’ایسا کچھ بھی نہیں ہے جو خواتین نہ کرسکیں‘۔

واضح رہے کہ کرینہ اور سیف کے ہاں 2016 میں پہلے بیٹے کی پیدائش ہوئی تھی جس کا نام تیمور علی خان پٹودی رکھا تھا جس پر تمام بھارتی خاص طور پر انتہاپسند ہندووں آگ بگولہ ہوگئے تھے اور انہوں نے اس بات پر اعتراض کیا کہ تیمور ہندووں کا قاتل ہے لہذا یہ نام تبدیل کیا جائے تاہم کچھ لوگوں کی جانب سے حمایت بھی کی گئی تھی کہ بچے کا نام رکھنا ماں باپ کا حق ہوتا ہے بہرحال تمام تر دباؤ کے باوجود سیف اور کرینہ نے تیمور کا نام تبدیل نہیں کیا۔

سیف اور کرینہ کے دوسرے بیٹے کے نام کے لئے بھارتی صارفین کے طنزیہ تبصرے

کرینہ کپور اور سیف علی خان کے گھر دوسرے بچے کی پیدائش

ہالی ووڈ اداکار ول اسمتھ نے دبئی کے ولی عہد شیخ ہمدان بن محمد بن راشد المکتوم کو لیکٹرک موٹر سائیکل بطور تحفہ پیش کردی۔

باغی ٹی وی : غیرملکی خبررساں ادارے گلف ٹوڈے کی رپورٹ کے مطابق ہالی ووڈ سپر اسٹار ول اسمتھ نے دبئی کے ولی عہد شیخ ہمدان کو ایک الیکٹرک موٹر سائیکل بطور تحفہ پیش کردی۔

دبئی کے ولی عہد شیخ ہمدان نے سماجی رابطے کی ویب سائٹ انسٹاگرام پر ایک پوسٹ شیئر کرتے ہوئے ہالی وڈ اداکار ول اسمتھ کا شکریہ ادا کیا۔

شیخ ہمدان نے اپنی پوسٹ میں لکھا کہ ’میں نے اس بائیک کو اسکوٹی کا نام دیا ہے۔

رپورٹ کے مطابق یہ بائیک سپر 73 نامی کمپنی کی ہے جو الیکٹرک موٹر بائیک کی دنیا میں آئے روز نت نئے تجربات کے حوالے سے مشہور ہے۔

واضح رہے کہ بالی ووڈ اداکار ول اسمتھ چھٹیاں منانے کے لیے اکثر دبئی آتے رہتے ہیں اور 2019 میں انہوں نے برج خلیفہ کے ڈیک پر کھڑے ہونے کی ایک ویڈیو بھی شیئر کی تھی۔

یاد رہے کہ اس سے قبل شیخ ہمدان کی فاسٹ اینڈ فیوریس سیریز کے اداکار ٹائرس گبسن اور ول اسمتھ کے ساتھ تصویر بھی وائرل ہوئی تھی۔

جھانوی کپور نے ایک انٹرویو میں انکشاف کیا کہ ان کی والدہ آنجہانی بھارتی اداکارہ سری دیوی ابتدا میں اپنی بیٹی کو فلم کی دنیا میں لانے کے خلاف تھیں۔

باغی ٹی وی : لیجنڈری اداکارہ کی اس بیٹی جھانوی کپور نے اب تک دو فلموں میں کام کیا ہے اور جن میں ایک دھڑک اور ایک گنجن سکسینا ہے اور یہ دونوں ہی فلمیں کامیاب رہی ہیں علاوہ ازیں انھوں نے زویا اختر کی ہدایتکاری میں بننے والی نیٹ فلیکس فلم گھوسٹ اسٹوری میں بھی کام کیا ہے۔

لیکن دوسری جانب اس نوجوان ادکارہ سے متعلق کہا جارہا ہے کہ ان کی والدہ انہیں فلموں میں نہیں لانا چاہتی تھیں۔

جولائی 2018 میں جھانوی کی فلم دھڑک سے قبل وہ ووگ انڈیا کے سرورق کی زینت بنی تھیں تاہم اس دوران کرن جوہر نے ان کا ایک انٹرویو کیا تھا جس میں انہوں نے اعتراف کیا تھا کہ ان کی والدہ سری دیوی انہیں فلموں میں نہیں لانا چاہتی تھیں کیونکہ والدہ کو ایسا لگتا تھا کہ میں فلم انڈسٹری میں نہیں چل پاؤں گی۔

ان کا کہنا تھا کہ سری دیوی کو ایسا لگتا تھا کہ میں بھولی بھالی لڑکی ہوں اسی لیے وہ چاہتی تھیں کہ ہم پرسکون زندگی گزاریں۔

جبکہ دوسری جانب جھانوی نے بتایا تھا کہ والدہ ان کی جگہ پر ان کی بہن خوشی کو فلموں میں لانے سے متعلق پراعتماد تھیں۔

عالیہ بھٹ کی فلم گنگو بائی کاٹھیاواری کی ریلیز کی تاریخ سامنے آ گئی

پریانکا چوپڑا اپنے منفرد لباس کی وجہ سے سوشل میڈیا پر مذاق بن گئیں

بھارت کے مقبول ترین رئیلیٹی شو بگ باس کے سیزن 14 کی کنٹسٹنٹ راکھی ساونت نے کہا ہے کہ میں نے روبینہ کے کہنے پر ابھینوو سے پیار کا ڈرامہ کیا تھا لیکن مجھے کیا معلوم تھا کہ میری اچھائی برائی میں بدل جائے گی-

باغی ٹی وی : راکھی ساونت نے بگ باس کے سیزن 14 میں ایک ٹاسک کے دوران ابھینوو شکلا کو غیراخلاقی طور پر تنگ کیا تھا جس پر ابھینوو نے راکھی کو ایسی حرکت دوبارہ کرنے سے منع کیا تھا لیکن جب روبینہ کو یہ بات معلوم ہوئی تو اُنہوں نے غصے میں راکھی پر گندا پانی پھینک دیا تھا۔

تاہم اب راکھی ساونت کا اس واقعے کے بارے میں کہنا ہے کہ میں نے روبینہ کے کہنے پر ابھینوو سے پیار کا ڈرامہ کیا تھا لیکن مجھے کیا معلوم تھا کہ میری اچھائی برائی میں بدل جائے گی مجھے نہیں پتہ کہ روبینہ نے میرے اوپر گندا پانی کیوں پھینکا-

تفصیلات کے مطابق راکھی ساونت نے بھارتی میڈیا سے گفتگو کرتے ہوئے کہا کہ مجھے ابھیننو شکلا بالکل پسند نہیں ہیں اور نہ ہی مجھے اُن سے کبھی محبت ہوئی ہے۔

راکھی ساونت نے کہا کہ میں جب بگ باس 14 کے گھر میں آئی تو میں نے دیکھا کہ ابھینوو اور روبینہ کے ازدواجی تعلقات خراب چل رہے ہیں اور بطورِ کنٹسٹنٹ ابھینوو نہایت ہی بورنگ بھی تھا۔

بھارتی اداکارہ و ڈانسر نے کہا کہ یہ سب دیکھنے کے بعد میں نے روبینہ سے کہا کہ کیا میں تمہارے شوہر ابھینوو کو ایک دلچسپ کنٹسٹنٹ بنانے کی کوشش کروں؟ جس پر روبینہ نے کہا ہاں تمہیں جو کرنا ہے تُم وہ کرو تو میں نے روبینہ کے کہنے پر ابھینوو سے پیار کا ڈرامہ کیا تھا لیکن مجھے کیا معلوم تھا کہ میری اچھائی برائی میں بدل جائے گی۔

راکھی ساونت نے کہا کہ’میں راکھی ہوں، اگر کوئی مجھے ہاتھ بھی لگائے تو میں چیخ اُٹھتی ہوں لیکن روبینہ نے ایک چھوٹی سی بات پر مجھ پر گندا پانی پھینکا لیکن میں خاموش رہی کیونکہ میں بگ باس، سلمان خان اور اپنے عوام سے انصاف چاہتی تھی میں چاہتی تھی، بگ باس اور سلمان خان مجھے بتائیں کہ میں نے کہاں غلطی کی کہ مجھ پر پانی پھینکا گیا۔

اُنہوں نے کہا کہ اگر آج روبینہ اور ابھینوو کی شادی ٹوٹنے سے بچی ہے تو اُس کی وجہ صرف میں ہوں کیونکہ اگر میں پیار کا ڈرامہ نہیں کرتی تو روبینہ کے دل میں اپنے شوہر کے لیے محبت نہ جاگتی۔

راکھی ساونت نے مزید کہا کہ میں بگ باس کے گھر اور اُس سے جُڑی ہوئی تمام یادوں کو بہت زیادہ مس کرتی ہوں۔

جبکہ دوسری جانب بگ باس 14 کی فاتح روبینہ دلیک نے اپنے انٹرویو کے دوران کہا کہ انہیں اپنے کیے پر کوئی پچھتاوا نہیں ہے کیونکہ راکھی نے اپنی حدیں عبور کر ڈالی تھیں، یا یہ کہا جاسکتا ہے کہ انہوں نے کسی مقصد سے یہ سب کچھ کیا۔

روبینہ کا کہنا تھا کہ مجھے راکھی ساونت کے رویئے سے شدید تکلیف ہوئی تھی کیونکہ میرا شوہر میرا فخر ہے۔

پیسے لے کر بگ باس کا فائنل کیوں چھوڑا؟ راکھی نے وجہ بتا دی

بگ باس سیزن 14 کا ٹائٹل اداکارہ ربینہ دلیک نے اپنے نام کر لیا

کون ہو گا بگ باس کے سیزن 14 کا فاتح؟

سلمان خان بگ باس کے اگلے سیزن کی میزبانی کا کتنا معا وضہ لیں گے؟

آنجہانی ہدایتکا و پروڈیوسر یش چوپڑا کے بیٹے ادیتیہ چوپڑا نے 1995 میں ڈائریکشن کی دنیا میں قدم رکھا اور پہلی فلم ’دل والے دلہنیا لے جائیں گے‘ ڈائریکٹ کی جو فلم بلاک بسٹر ثابت ہوئی جو آج تک تھیٹر میں دکھائی جارہی ہے اس فلم میں شاہ رخ خان اور کاجول نے مرکزی کردار ادا کیے تھے۔

باغی ٹی وی : ’دل والے دلہنیا لے جائیں گے‘ کو ہندی سنیما کی بہترین رومانوی فلم سمجھا جاتا ہے جس میں شاہ رخ خان اور کاجول کی اداکاری کو مداحوں نے خوب سراہا تھا تاہم اس فلم میں بھی چند ایسی غلطیاں تھیں جو شاید فلم بینوں کی نظر سے بچ نکلیں۔

ان ہی میں سے کچھ غلطیوں کی نشاندہی بھارتی میڈیا کی رپورٹ میں سامنے آئی ہے فلم کے اس سین میں جب شاہ رخ خان (راج) کاجول (سمرن) سے ملنے گاؤں آتے ہیں اور سرسوں کے کھیت میں کھڑے ہوتے ہیں تو اس وقت کاجول کو پہلے سین میں جس کھیت میں کھڑا دکھایا گیا اس میں سرسوں کے پھول موجود نہیں تھے

جبکہ اگلے سین میں جب وہ شاہ رخ کے پاس جاتی ہیں تو پورے کھیت میں سرسوں کے پھول لہراتے نظر آرہے ہیں۔

اس کے علاوہ ایک اور غلطی کی نشاندہی کی گئی جو فلم کی آخری سین یعنی کلائمیکس سے متعلق ہے۔

فلم کے دوسرے حصے میں کہانی پنجاب کے گرد گھومتی ہے تاہم آخری سین میں جب کاجول (سمرن) کی باؤجی وہ تاریخی ڈائیلاگ کہتے ہیں ’جا سمرن جی لے اپنی زندگی‘ تو پیچھے اسٹیشن کے بورڈ میں آپٹا ریلوے اسٹیشن لکھا نظر آرہا ہے۔ آپٹا ممبئی سے 60 کلو میٹر دور ایک چھوٹا سا ریلوے اسٹیشن ہے جہاں فلم کا کلائمیکس شوٹ کیا گیا تھا-

بالی وڈ کی بلاک بسٹر فلمیں جو سلمان خان نے ٹھکرا دیں تھیں

پاکستانی فلموں ڈراموں میں اداکاری کرنے والے ناموربھارتی فنکار