پاکستان فلم انڈسٹری کے معروف اور سینئیر اداکار شان شاہد کا کہنا ہے کہ عمران خان کی کامیابی پاکستان کی کامیابی ہے۔

باغی ٹی وی : سماجی رابطے کی ویب سائٹ ٹوئٹر پر شان شاہد نے وزیراعظم عمران خان کی تصویر شیئر کرتے ہوئے انہیں سپورٹ کرتے ہوئے لکھا کہ جب آپ پاکستان کے لیے کھڑے ہیں تو میں آپ کے ساتھ کھڑا ہوں۔

⁦@ImranKhanPTI⁩ I stand with you as you stand for Pakistan . My vote might not count in the parliament. But my prayers for you & Pakistan will always be heard and counted in the court of the ALMIGHTY. Your success is the success of Pakistan 🇵🇰 #Pakistanhameshazindabad pic.twitter.com/cVvfhYetT9

— Shaan Shahid (@mshaanshahid) March 6, 2021

شان شاہد نے اپنے ٹوئٹ میں لکھا کہ شاید میرا ووٹ پارلیمنٹ میں گنتی میں نہ ہو لیکن آپ اور پاکستان کے لیے میری دعائیں ہمیشہ سنی گئی ہیں۔

اداکار نے لکھا کہ خدا کی عدالت میں میرا ووٹ بھی گِنا جائے گا اور میری دُعا بھی جائے گی آپ کی کامیابی پاکستان کی کامیابی ہے۔

واضح رہے کہ وزیرِ اعظم عمران خان پارلیمنٹ سے اعتماد کا ووٹ حاصل کرنے میں کامیاب ہوگئے، جس کا اعلان اسپیکر اسد قیصر کی جانب سے کیا گیا اسپیکر قومی اسمبلی نے اعلان کیا کہ وزیرِ اعظم عمران خان پر 178 ارکان نے اعتماد کا اظہار کیا ہے۔

وزیراعظم عمران خان ایک بار پھر سرخرو، اپوزیشن کی امیدوں پر پانی پھر گیا

اعتماد کا ووٹ وزیراعظم کیسے لیں‌ گے؟

اعتماد کا ووٹ، کتنے اراکین ایوان میں پہنچ گئے؟ سب کو وزیراعظم کا انتظار

بھارتی نغمہ نگار اسکرپٹ رائٹر و مصنف جاوید اختر نے انکشاف کیا ہے کہ وہ بگ باس سیان 14 کی کھلاڑی راکھی ساونت کی زندگی پر فلم بنانا چاہتے تھے۔

باغی ٹی وی : بھارتی اداکارہ راکھی ساونت آئے دن صرف خبروں کی زینت بننے کے لیے نہ صرف عجیب و غریب حرکتیں کرتی رہتی ہیں بلکہ الٹے سیدھے بیانات سے بھی میڈیا کی ہیڈ لائینز بنتی رہتی ہیں-

تاہم اب بھی راکھی ساونت کا ایک بیان بھارتی میڈیا کی زینت بنا جب انہوں نے کہا کہ معروف نغمہ نگار اور شاعر جاوید اختر ان کی زندگی پر فلم بنانا چاہتے تھے-

راکھی کے اس بیان کی تصدیق کے لیے بھارتی میڈیا نے جب جاوید اخترکا بیان لیا تو انہوں نے بھی راکھی ساونت کی بات کی تصدیق کردی۔

جاوید اختر نے بھارتی میڈیا کو بتایا کہ راکھی ساونت ٹھیک کہہ رہی ہیں 4 یا 5 سال پہلے ہم دونوں ایک ہی فلائٹ میں سوار تھے تو اس وقت راکھی نے اپنے بچپن کے بارے میں مجھے بتایا جس پر میں نے کہا کہ ایک دن میں تمہاری زندگی پر فلم بنانے کے لیے اسکرپٹ لکھوں گا۔

واضح رہے کہ حال ہی میں دہلی کے وکاص پوری پولیس اسٹیشن میں شائلیش سری واستاوا نامی بینک کے ایک ریٹائرڈ ملازم نے راکھی ساونت اور اُن کے بھائی راکیش کے خلاف فراڈ کا مقدمہ درج کروایا ہے۔ شائلیش سری واستاوا نے ایف آئی آر میں موقف اپنایا کہ اُنہوں نے 2017 میں مشترکہ طور پر راکھی اور اُن کے بھائی کے ساتھ ایک فلم اور ڈانس انسٹی ٹیوٹ بنانے کا فیصلہ کیا تھا جس کے لیے اُنہوں نے راکھی کے بھائی کو 6 لاکھ روپے دیئے تھے۔

اُنہوں نے کہا کہ راکیش نے اُن سے 6 لاکھ روپے کی رقم لی اور اُس کے بدلے اُنہیں 7 لاکھ روپے کا ایک چیک دے دیا جو کہ جعلی دستخط کی وجہ سے باؤنس ہوگیا تھا جس کے بعد اُنہوں نے راکیش سے کئی مرتبہ رابطہ کرنے کی کوشش کی لیکن وہ ٹال مٹول کرتے رہے اور آخر کار اُن کے پیسے کھاگئے۔

تاہم راکھی ساونت نے اُن کے اور اُن کے بھائی راکیش کے خلاف درج ہونے والے فراڈ کے مقدمے کو ایک بڑی سازش قرار دے دیا ہے-

سلمان خان کے بعد سہیل خان بھی راکھی ساونت کی مدد کے لئے سامنے آ گئے

راکھی ساونت نے اپنے خلاف درج ہونے والے فراڈ کے مقدمے کو ایک بڑی سازش قرار دیا

ٔپاکستان شوبز انڈسٹری کی نامور اور خوبرو اداکارہ ہانیہ عامر نے اپنی تصویر میں بیوٹی فلٹر کے استعمال پر تنقید کرنے والوں کو کرارا جواب دیا ہے۔

باغی ٹی وی : ہانیہ عامر نے کچھ روز قبل انسٹا گرام اسٹوری پر اپنی ایک ویڈیو شیئر کی تھی جس پر انہوں نے بیوٹی فلٹر استعمال کیا ہوا تھا۔ تصویر پر سوشل میڈیا پر صارفین نے اداکارہ کو شدید تنقید کا نشانہ بنایا تھا۔

تاہم اب ہانیہ نے اس تنقید کا لوگوں کو اپنی ایک ویڈیو میں جواب دیا ہے انہوں نے کہا ہے کہ جس ویڈیو پر تنقید کی جارہی تھی، اس دن بھی میں نے میک اپ کیا ہوا تھا لیکن یہاں پر نکتہ یہ ہے کہ میں اپنی بیوٹی اور اپنے اقدامات سے مطمئن ہوں لیکن آپ لوگوں کو خود پر اطمینان رکھنا چاہیے کہ آپ لوگ خود کون ہیں۔

ہانیہ عامر کا کہنا تھا کہ اگر میں بیوٹی فلٹر اپنی ذات کے لیے استعمال کر رہی ہوں تو یہ عمل قابل قبول ہے لیکن اگر یہ کام معاشرے کے دباؤ میں آکر کرتی ہوں تو پھر یہ غلط بات ہوئی، تصویر پر جتنا کچھ کہا گیا اس میں ایسا کچھ نہیں تھا، میرے مطابق انسٹا گرام پر سب ٹھیک تھا لیکن پھر بھی تنقید کی گئی لہذا میں کہنا چاہتی ہوں کہ اپنا دماغ بڑا کریں اور مثبت سوچ رکھیں۔

ہانیہ عامر نے یہ بھی کہا کہ اگر ایک تصویر پر میں نے بیوٹی فلٹر استعمال کرلیا تو لوگوں کو تنقید کرنے کا موقع مل گیا، اتنا موقع پرست مت بنیں، میں پھر بھی ایسی باتوں کا سامنا کرنا جانتی ہوں۔

گزشتہ دنوں پاکستانی اداکارہ حمیمہ ملک نے حجاب میں سابق اداکارہ نور بخاری کے ساتھ حجاب میں تصویر شیئر کرتے ہوئے زندگی بھر حجاب کرنے کی خواہش کا اظہار کیاتھا۔

باغی ٹی وی : جس کے بعد سے یہ قیاس آرائیاں کی جارہی ہیں کہ شاید اداکارہ حمیمہ ملک بھی نور کی طرح حجاب کرنا شروع کردیں۔

اپنے انسٹاگرام اکاؤنٹ پر شیئر کی گئی اسٹوری میں حمیمہ ملک نے اپنی دوست اور سابق اداکارہ نور بخاری کے ساتھ تصویر شیئر کی جس میں دونوں نے حجاب کر رکھا تھا-

حمیمہ ملک نے اپنی اسٹوری میں لکھا کہ آپ کی زندگی میں چند لوگ ایسے ہوتے ہیں جو آپ سے کوئی توقع نہیں رکھتے ہیں لیکن آپ کا اچھا چاہتے ہیں۔

انہوں نے مزید لکھا کہ نور آپ بہت نورانی ہیں، میری پیاری نوری، اللہ ہمیشہ آپ پر کرم کرے۔

اس کے ساتھ ہی انہوں نے تحفے میں اسکارف دینے پر نور بخاری کا شکریہ بھی ادا کرتے ہوئے لکھا کہ اس خوبصورت تحفے کا شکریہ، مجھے یہ اسکارف پہننا بہت اچھا لگا، دعا ہے کہ اللہ آپ کو اپنے پیاروں میں شامل کرے۔

ساتھ ہی حمیمہ ملک نے اپنی ایک خواہش کا اظہار کیا کہ ‘اللہ مجھے عمر بھر حجاب کرنے کی قوت دے۔

اس کے ساتھ ہی اداکارہ نے اسٹوری میں "praysforNoor” اور "prayforme” کے ہیش ٹیگز بھی استعمال کیے۔

حمیمہ ملک کی اسٹوری پر مداحوں نے انہیں خوب سراہا۔ تاہم بہت سے مداحوں نے انہیں تنقید کا نشانہ بھی بنایا ایک صارف نے لکھا کہ حجاب اورمذہب کے معاملے پر آپ تینوں بہن بھائی خاموش رہیں تو اچھا ہے۔

صارف نے لکھا کہ پی ایس ایل کی افتتاحی تقریب میں پرفارم کرنے کے بعد کیا یہ کھلا تضاد نہیں، حجاب اور اسلام کے معاملے پرآپ تینوں بہن بھائی چپ کریں۔ آپ تینوں بہن بھائی توجہ حاصل کرنے والے لوگ ہیں لیکن یہ کام آپ مذہب کے ذریعے نہ کریں توبہتر ہے۔

پاکستان شوبز انڈسٹری کے نامور اداکار آغا علی اوراداکارہ حنا الطاف گزشتہ برس لاک ڈاؤن کے دوارن رشتہ ازدواج میں منسلک ہوئے تھے اور ان کا شمار شوبز کی کامیاب اور پسندیدہ جوڑیوں میں ہوتا ہے-

باغی ٹی وی : حال ہی میں انہوں نے ایک شو میں شرکت کی جس میں میزبان نےآغا علی سے بچوں کے مستقبل کے حوالے سے سوال کیا جس پر پہلے تو آغا علی نے میزبان کے سوال پر سوال کیا کہ کس کے بچے؟ بعد ازاں ان کا کہنا تھا کہ جب بچے ابھی آئے ہی نہیں تو ان سے متعلق کیا سوچنا۔

آغا علی نے کہا کہ انہوں نے بچوں کے حوالے سے کچھ بھی نہیں سوچا ہوا کیونکہ حنا اور میں ابھی خود بچے ہیں پلاننگ کے برعکس جو اللہ کی مرضی ہو، بچوں کے حوالے سے کسی منصوبہ بندی پر یقین نہیں رکھتا، بچوں کے مستقبل کے حوالے سے بھی کچھ نہیں سوچتا، چاہتا ہوں وہ جو بھی بنیں لیکن اچھا انسان ضرور بنیں۔

اداکار نے مزید کہا کہ یہ بات سب سے کہنا چاہتا ہوں کہ ہم سب کو چاہیے ہم سب سے پہلے بچوں کو اچھا انسان بنائیں۔

اداکار آغا علی نے انٹر ویو کے دوران اداکارہ حنا الطاف سے شادی کے بعد زندگی میں رونما ہونے و الی تبدیلیوں پر بات کی انہوں نے بتایا کہ حنا الطاف سے شادی کرنے کے بعد ان کی زندگی میں مثبت تبدیلی آئی۔

انہوں نے بتایا کہ وہ اپنی شادی سے پہلے تھوڑے جذباتی اور غصے والے تھے لیکن اب وہ سوچتے ہیں کہ کسی دوسرے کی زندگی بھی ان سے منسلک ہے تو اب وہ خود کو پر سکون رکھتے ہیں میں اب یہ سوچتا ہوں کہ کسی اور کی بیٹی کا نام میرے ساتھ جُڑ ا ہے، مجھے اور بھی زیادہ پُرسکون اور نرم مزاج ہونا چاہیے۔

اداکار کا کہنا تھا کہ شادی سے پہلے میرے نظریات الگ تھے، میں ہمیشہ سے ایک پُر تعیش طرز زندگی گزارنے پر یقین رکھتا تھا لیکن اب حنا نے اسے بدل دیا ہے، حنا ہمیشہ کہتی ہے کہ ایک چھوٹی جگہ پر رہنے کی کوشش کریں جو آسانی سے مینیج ہو جائے۔

زمانے اور وقت کے ساتھ چلنا ہی بہتر رہتا ہے صبا حمید