ڈراموں و فلموں کے اداکار یاسر حسین نے اپنی اور اقرا عزیز کی شادی میں بغیر دعوت شرکت کرنے والے مہمان فن کاروں کے نام بتا دیئے۔

باغی ٹی وی : پاکستان شوبز انڈسٹری کی مقبول اداکار جوڑی اقرا عزیز اور یاسرحسین 2019 کے آخری ایام میں رشتہ ازدواج میں منسلک ہوئے تھے اور اداکار جوڑی کی شادی جہاں دلہن کے عروسی لباس کے باعث خاصی مشہور ہوئی وہیں مختلف رسومات کے باعث بھی سوشل میڈیا کی صارفین کی توجہ کا مرکز بنی رہی۔

شادی میں اقرا اور یاسر کے رشتے داروں کے علاوہ شوبز انڈسٹری کے مقبول چہروں نے بھی شرکت کی لیکن کچھ فنکار ایسے بھی تھے جو بن بلائے ان کی شادی میں پہنچے تھے۔

یاسر حسین نے حال ہی میں نجی چینل کے شو میں شرکت کی جہاں شو کے میزبان واسع چوہدری نے اُن سے دلچسپ سوالات کیے ان میں سے ایک سوال اُن کی شادی سے متعلق بھی تھا۔

واسع چوہدری نے یاسر حسین سے پوچھا کہ آپ کی اور اقرا کی شادی کے سوشل میڈیا پر کافی چرچے تھے اور جس طرح تصاویر سامنے آرہی تھیں تو ایسا لگ رہا تھا کہ آپ لوگوں نے مخصوص لوگوں کو ہی مدعو کیا ہوا تھا۔

جس پر یاسر نے جواب دیا کہ میں نے یہی سوچا تھا کہ شادی میں اُن ہی لوگوں کو دعوت دوں گا جن سے میری دوستی ہے اور اُن لوگوں کو جو کراچی میں رہتے ہیں۔

یاسر حسین نے کہا کہ مہمانوں کی فہرست 170 افراد پر مشتمل تھی لیکن 200 سے زائد مہمان آگئے جس کی وجہ ہماری شادی کا دعوت نامہ تھا جو کہ سوشل میڈیا پر وائرل ہو گیا تھا اور کارڈ سب کے ہی پاس تھا-

یاسر نے بتایا کہ کچھ لوگ ایسے بھی تھے جوکہ بغیر دعوت نامے کے زبردستی آئے تھے جن میں سے ایک نوشین شاہ تھیں اور ان کے سوا کچھ دیگر فنکار بھی آگئے تھے جو کہ اتنے مشہور نہیں ہیں۔

یاسر حسین نے ہنستے ہوئے کہا کہ اب نوشین بھی مشہور ہو جائیں گی اور کہا کہ ہماری شادی میں ہم سے زیادہ نوشین شاہ کی تصاویر بنی ہیں۔ ساتھ ہی انہوں نے موضوع بدلتے ہوئے کہ نوشین بہترین فنکارہ ہیں اور اچھا کام کرتی ہیں، ذاتی طور پر میں اُن کے اسٹائل سے بہت متاثر ہوں۔

سوشل میڈیا پر وائرل ویڈیو’یہ ہماری کار ہے، یہ ہم ہیں اور یہ ہماری پاوری ہو رہی ہے‘ سے مشہور ہونے والی دینا نیر سے متعلق سوشل میڈیا پر مختلف افواہیں زیر گردش ہیں کہ پشاور زلمی کا حصہ بننے کے بعد وہ اب رمضان ٹرانسمیشن میں بھی نظر آئیں گی۔

باغی ٹی وی : سوشل میڈیا پلیٹ فارمز ٹوئٹر، انسٹا گرام اور فیس بُک پر آ ج کل پاکستان سمیت دنیا بھر کے ہی انٹر نیٹ صارفین کی جانب سے پاوری ہو رہی ہے کے چرچے ہیں۔

انٹرنیٹ صارفین اور دنیا بھر سے معروف شخصیات اپنی ویڈیوز بنا کر سوشل میڈیا پلیٹ فارمز پر اپلوڈ کر رہے ہیں جس سے اب کچھ افراد تنگ اور اُکتائے ہوئے بھی نظر آ رہے ہیں اور اس کا برملا اظہار بھی کر رہے ہیں-

پاوری ہو رہی ہے کی خالق دینا نیر مبین دن دگنی رات چگنی ترقی کر کے سوشل میڈیا پلیٹ فامز سمیت حقیقی زندگی میں بھی شوبز انڈسٹری کا حصہ بن چکی ہے دینا نیر مبین کو شوبز انڈسٹری کی معروف شخصیات سمیت پاکستان سپر لیگ 6 کی ٹیم پشاور زلمی کی نمائندگی کرتے ہوئے بھی دیکھا جا سکتا ہے۔
https://twitter.com/aly_ra5A/status/1362450779647348739?s=20
جہاں دینا نیر کے شوبز میں انٹری دینے کی افواہیں سچ ثابت ہوتی دکھائی دے رہی ہیں وہیں دنا نیر کے لیے سوشل میڈیا پلیٹ فارمز کی مختلف پوسٹس پر یہ بھی امکان ظاہر کیا جا رہا ہے کہ اب وہ رمضان ٹرانسمیشن میں بھی نظر آئیں گی۔

واضح رہے کہ گزشتہ دنوں سوشل میڈیا پر ایک مختصر سی ویڈیو وائرل ہوئی تھی جس میں دنانیر مبین پاکستان کے شمالی علاقے نتھیا گلی میں اپنے دوستوں کے ساتھ موجود پارٹی کر رہی تھیں۔

:دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں۔ صرف پاکستان میں ہی نہیں بلکہ بھارت میں بھی دنانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں اور ان فنکاروں سمیت بھارتی پولیس ، اورر بینک سمیت ہر کوئی اس کو انجوائے کررہا ہے-

شاہد کپور بھی پاکستانی پارٹی کے رنگ میں رنگ گئے

ماہرہ خان بھی پارٹی گرل کی مداح بن گئیں، دلچسپ ویڈٰیو بنا ڈالی

’پاوری ہورہی ہے‘ ٹوئٹر پر ٹاپ ٹرینڈ

پاکستانی لڑکی کی دلچسپ ویڈیو پر بھارتی یوٹیوبر نے گانا تیار کر لیا

’پاوری سانگ‘ نے میری مقبولیت کے تمام اگلے پچھلے ریکارڈ توڑ دیئے یش راج مُکھاٹے

پارٹی گرل دینا نیر پشاور زلمی کا حصہ بننے پر پُرجوش

چند ہی دنوں میں دینا نیر نے سوشل میڈیا پر اہم سنگ میل عبور کر لیا

’اسپاٹی فائے‘ کا شمار دنیا کی سب سے بڑی آڈیو اسٹریمنگ ویب سائٹ میں ہوتا ہے تاہم یہ ویب سائٹ ویڈیو اسٹریمنگ سروس بھی فراہم کرتی ہے تاہم اب ’اسپاٹی فائے‘ انتظامیہ نے اعلان کیا ہے کہ ویب سائٹ کی سروسز کو پاکستان میں متعارف کرادیا جائے گا۔

باغی ٹی وی : گزشتہ برس سے اس بات کہ چہ مگوئیاں تھیں کہ ’اسپاٹی فائے‘ ممکنہ طور پر 2022 تک پاکستان میں بھی اپنی سروسز کا آغاز کرے گی اور اب انتظامیہ نے اس بات کی تصدیق بھی کردی۔

’اسپاٹی فائے‘ کی جانب سے گزشتہ روز 22 فروری کو کی گئی ٹوئٹ میں تصدیق کی گئی ہے کہ جلد ہی میوزک اسٹریمنگ ویب سائٹ کی سروسز پاکستان میں بھی شروع کردی جائیں گی۔

We launch in 80+ new markets over the next few days. See you soon Bangladesh, Pakistan and Nigeria 👀 #SpotifyStreamOn pic.twitter.com/Wqv3IFdicz

— Spotify (@Spotify) February 22, 2021

ٹوئٹ کے مطابق آئندہ کچھ دنوں میں پاکستان، بنگلہ دیش اور سری لنکا سمیت دیگر ایشیائی ممالک سمیت مشرق وسطیٰ، امریکا، افریقہ اور یورپ کے کئی ممالک میں ویب سائٹ کی سروسز شروع کی جائیں گی۔

مجموعی طور پر آئندہ ہفتوں میں ’اسپاٹی فائے‘ کی جانب سے دنیا کے 80 سے زائد نئے ممالک میں سروسز کا آغاز کیا جائے گا، تاہم یہ واضح نہیں ہے کہ پاکستان میں اس کی سروسز کا آغاز کب تک ہوگا۔

اگرچہ ’اسپاٹی فائے‘ کی سروسز پاکستان میں دستیاب نہیں تاہم متعدد پاکستانی گلوکاروں و موسیقاروں کے گانے مذکورہ ویب سائٹ پر موجود ہیں اور حال ہی میں میں نوجوان گلوکار عاصم اظہر کا گانا ’غلط فہمی‘ اس فہرست کے پہلے 10 گانوں میں بھی شامل ہوا تھا۔

First ever Pakistani song to enter the TOP 10 on @Spotify viral charts worldwide 🙏🏽♥️🇵🇰 pic.twitter.com/bOIOFZPfut

— Asim Azhar (@AsimAzharr) February 13, 2021

عاصم اظہر نے 13 فروری کو ٹوئٹ کے ذریعے بتایا تھا کہ ان کا مقبول گانا ’غلط فہمی‘ کسی بھی پاکستانی گلوکار کا پہلا گانا ہے جو ’اسپاٹی فائے‘ کے 10 بہترین گانوں کی فہرست میں شامل ہوا ہے۔

واضح رہے کہ ’اسپاٹی فائے‘ سویڈن نژاد کاروباری افراد کی کمپنی ہے جس کا ہیڈ کوارٹر امریکا اور سویڈن میں موجود ہے اور اسے ابتدائی طور پر 2006 میں صرف سویڈن میں اور بعد ازاں 2009 میں برطانیہ اور امریکا میں متعارف کرایا گیا تھا۔

اس وقت ’اسپاٹی فائے‘ زیادہ تر امریکی و یورپی ممالک میں سروسز کی فراہمی کرتی ہے تاہم دنیا کے امیر ممالک میں بھی اس ویب سائٹ کی سروسز دستیاب ہیں بنیادی طور پر ’اسپاٹی فائے‘ تین طرح کی سروسز فراہم کرتی ہے، جس میں مفت اسٹریمنگ سمیت درمیانی فیس اور پریمیم فیس کی سہولیات شامل ہیں۔

آڈیو اسٹرینمگ ’اسپاٹی فائے‘ کمپنی نہ صرف ویڈیو اسٹریمنگ سروس فراہم کرتی ہے بلکہ میوزک فیسٹیولز کے انعقاد بھی کرتی ہے اور ’اسپاٹی فائے‘ پر پوڈکاسٹ شو بھی منعقد کیے جاتے ہیں پوڈکاسٹ شو ڈیجیٹل پروگرام کو کہتے ہیں، یہ لفظ براڈکاسٹنگ اور آئی پوڈ سے لیے گئے الفاظ سے ترتیب دیا گیا ہے۔

پوڈکاسٹ ایسے ڈیجیٹل پروگرام کو کہتے ہیں جو نہ صرف آن لائن نشر کیا جاتا ہے بلکہ اسے ڈاؤن لوڈ کرکے ایک سے دوسری جگہ فائلز کی طرح منتقل کرکے بھی سنا جا سکتا ہے۔

حالیہ چند سال میں ہونے والے ریڈیو، ٹی وی، اسٹریمنگ ویب سائٹس اور ڈیجیٹل پلیٹ فارمز کے شوز اور پروگرامات کو پوڈکاسٹ کہا جاتا ہے’اسپاٹی فائے‘ کو اپنے پوڈ کاسٹ شوز اور دنیا بھر میں مختلف زبانوں میں انتہائی بہترین کوالٹی کے ساتھ میوزک کی فراہمی کی وجہ سے شہرت حاصل ہے۔

پاکستان کے لیجنڈ اور سینئیر اداکار عثمان پیرزادہ کا کہنا ہے کہ ثمینہ پیرزادہ سے شادی کرنے کی بڑی وجہ یہ تھی کہ میں ان کے اعتماد سے بڑا متاثر تھا۔

باغی ٹی وی :اپنےعثمان پیرزادہ نے جیون ساتھی کے لئے ثمینہ پیر زادہ اس لیئے انتخاب کیونکہ میں ان کے اعتماد سے بہت متاثر تھا اور میں سمجھتا ہوں میں جیسا شخص ہوں میں اپنی اہلیہ کا خود کو برداشت کرنے پر ممنون ہوں-

عثمان پیرزادہ نے کہا کہ میں آج بھی خود کو بوڑھا نہیں سمجھتا بلکہ آج بھی میرے اندر بچپن ہے اور میں بالکل اسی طرح خواب دیکھتا ہوں آپ جب اپنے اندر کے بچے کو مار دیں گے تب آپ بوڑھے ہوں گے اور میرے اندر کا بچہ آج بھی زندہ ہے۔

سینئیر اداکار نے کہا کہ مجھے خدا کی ذات نے 12سا ل بعد پہلی اولاد سے نوازا اور وہ لمحے بیان کرنے کے لئے میرے پاس الفاظ نہیں ہیں میرے دل میں کبھی خیال نہیں آیا کہ اتنے سالوں بعد اولاد ہوئی ہے اور وہ بیٹا یا بیٹی ہوگی۔

انہوں نے کہا کہ مرد اور عورت میں کوئی فرق نہیں، جب باپ اپنی بیوی کی عزت کرے گا تو بچہ اسی ذہن کے ساتھ آگے بڑھتا ہے اور وہ بھی اپنی بیوی کی عزت کرے گا۔

واضح رہےکہ عثمان پیرزادہ ایک پاکستانی ٹی وی اور فلم اداکار ، ڈائریکٹر اور پروڈیوسر ہیں، انہوں نے پنجابی اور اردو فلموں میں بہت کام کیا، انہوں نے 1975 میں اداکارہ ہدایت کارہ و اداکارہ ثمینہ پیر زادہ سے شادی کی ان کی دو بیٹیاں انعم پیرزادہ اور امل پیر زادہ ہیں ۔

پاکستان شوبز انڈسٹری کے ناموراداکار اظفر رحمان نے حال ہی میں می ٹو مہم سے متعلق گفتگو کرتے ہوئے انکشاف کیا کہ انہیں ماضی میں کئی خواتین فنکاروں کی طرف سے ہراساں کیا جاتا رہا-

باغی ٹی وی : اداکار اظفر رحمن حال ہی میں ناشپاتی پرائم کے شو بائی دی وے میں جلوہ گر ہوئے اور اپنے شوبز کیرئیر اور ذاتی زندگی کے حوالے سے بات کرنے کے ساتھ ساتھ می ٹو مہم پر بھی بات کی –

دوران شو بیگم نوازش کی جانب می ٹو مہم کے حوالئ سے کئے گئے سوال کے جواب میں اداکار اظفر رحمان کا می ٹو مہم سے متعلق اظہار خیال کرتے ہوئے کہنا تھا کہ وہ می ٹو مہم کی مکمل طور پر حمایت کرتے ہیں۔

اداکار کا کہنا تھا کہ می ٹو ایک سنجیدہ معاملہ ہے آپ کسی کے ساتھ بھی اپنے لیے زبردستی نہیں کرسکتے۔

می ٹو سے متعلق بات کرتے ہوئے انہوں نے انکشاف کیا کہ ماضی میں انہیں بھی کئی خواتین فنکاروں کی جانب سے ہراساں کیا جاتا رہا لیکن وہ ان کا نام لینا پسند نہیں کرتے۔

اداکار نے کہا کہ سوشل میڈیا پر کسی کو بھی بغیر تحقیق ایکسپوز کرنا غلط ہے کیونکہ بہت سے لوگ ہیں جو اس طرح کی مہم کو اپنے فائدے کے لیے استعمال کرتے ہیں۔

بالی وڈ میں کام کی خواہش سے متعلق سوال پر اظفر رحمان کا کہنا تھا کہ وہ جنون کی حد تک بالی وڈ میں کام کے خواہشمند تھے دو سے تین مرتبہ بالی وڈ کاسٹنگ ایجنٹ کی جانب سے آفرز بھی موصول ہوئیں اور انہوں نے آڈیشن بنا کر بھی بھیجے لیکن وہ سب بری طرح ریجیکٹ کردیئے گئے-

کامیڈین اداکار کاشف خان کی بیٹی اور معروف سوشل میڈیا اسٹارربیکا خان کا آج پہلا گانا ریلیز کیا جائے گا-

باغی ٹی وی : سوشل میڈیا اسٹارربیکا خان کا پہلا گانا ’پارٹی والی نائٹ‘ آج ریلیزکیا جارہا ہے ربیکا خان نامورمزاحیہ فنکارکاشف خان کی اکلوتی بیٹی ہیں اوروہ ابھی میٹرک کی طالبہ ہیں۔

گانے کی ویڈیو کو سوشل میڈیا پر پسند کیا جارہا ہے اور گانے نے نئی نسل کے دل جیت لیے ہیں اور شائقین کی جانب سے بے حد سراہا جا رہا ہے-

خیال رہے کہ ربیکا خان کے ٹک ٹاک پر 50 لاکھ، انسٹا گرام پر10 لاکھ سے زیادہ فالوورز ہیں اوریوٹیوب پر5 لاکھ سبسکرائبرز ہیں۔