Baaghi TV

Category: شوبز

  • نیلم منیر اور احسن خان کی سوشل میڈیا پر دلچسپ ویڈیو وائرل

    نیلم منیر اور احسن خان کی سوشل میڈیا پر دلچسپ ویڈیو وائرل

    پاکستان ٹی وی انڈسٹری کی معروف اداکارہ نیلم منیر اور نامور اداکار و میزبان احسن خان کی ایک ویڈیو سوشل میڈیا پر وائرل ہورہی ہے جس میں دونوں ایک بچی کے ساتھ پشتو میں بات کرتے نظر آرہے ہیں۔

    باغی ٹی وی : اداکارہ نیلم منیر خان اور احسن خان کی ڈراما سیریل ’قیامت‘کے سیٹ سے ایک دلچسپ ویڈیو وائرل ہورہی ہے۔ ویڈیو میں دیکھا جاسکتا ہے کہ احسن خان اور نیلم ایک کار میں بیٹھے ہوئے ہیں اور ڈرامے کی شوٹنگ چل رہی ہے۔

    اسی دوران ایک چھوٹی سی بچی آتی ہے اور پشتو میں نیلم منیر سے کہتی ہے یہ (احسن خان) تمہارا خاوند (شوہر) ہے؟ جس پر نیلم منیر دلچسپ ردعمل دیتے ہوئے کہتی ہیں اوئے خدایا! اور پھر دوپٹہ منہ پر رکھ کر ہنسنا شروع ہوجاتی ہیں اور احسن خان مذاق میں کہتے ہیں ہاں ہاں میں اس کا خاوند ہوں۔

    بعد ازاں نیلم منیر بچی کو پشتو میں سمجھاتی ہیں کہ یہ میرا خاوند ہے لیکن صرف ڈرامے میں حقیقت میں نہیں۔

    واضح رہے کہ احسن خان، نیلم منیر اور امر خان ان دنوں ڈراما سیریل ’قیامت‘ میں کام کررہے ہیں جو نجی ٹی وی پر نشر کیا جا رہا ہے-

  • ارطغرل غازی کی روشنی خاتون رشتہ ازدواج میں منسلک

    ارطغرل غازی کی روشنی خاتون رشتہ ازدواج میں منسلک

    مسلمانوں کی اسلامی فتوحات پر مبنی شہرہ آفاق ترک ڈرامہ سیریل ارطغرل غازی میں روشنی خاتون کا کردار ادا کرنے والی معروف ترک اداکارہ اور ماڈل برجو کیراتلے رشتہ ازدواج میں منسلک ہو گئیں۔

    باغی ٹی وی : ترک اداکارہ برجو کیراتلے نے حال ہی میں ترکش گلوکار سنان اکسل سے شادی کی جس کی تصاویر انہوں نے اپنے انسٹاگرام اکاؤنٹ پر پوسٹ کی ہیں۔

    تصویر کے کیپشن میں ترک اداکارہ اور ماڈل برجو کیراتلے نے لکھا ’مسٹر اینڈ مسز اکسل’۔

    انسٹاگرام پر شئیر کی گئی تصاویر میں برجو کیراتلے کو سفید رنگ کے روایتی گاؤن میں ملبوس دیکھا جا سکتا ہے جب کہ گلوکار سنان اکسل نے کالے رنگ کا سوٹ پہنا ہوا تھا۔

    سوشل میڈیا پر اداکارہ کو ساتھی فنکاروں اور دوستوں کے علاوہ مداحوں کی جانب سے شادی کی مبارکبادیں دی جا رہی ہیں اور ساتھ ہی ان کی نئی زندگی کے لیے نیک خواہشات کا اظہار بھی کیا جا رہا ہے۔

  • امریکا میں غلط کار پارکنگ پر فہد مصطفیٰ کو تنقید کا سامنا

    امریکا میں غلط کار پارکنگ پر فہد مصطفیٰ کو تنقید کا سامنا

    پاکستان انٹر ٹینمنٹ انسڈستری کے نامور اداکار و میزبان فہد مصطفیٰ کو امریکا میں غلط کار پارکنگ پر سوشل میڈیا صارفین نے شدید تنقید کا نشانہ بنایا-

    باغی ٹی وی : اداکار فہد مصطفیٰ نے ویڈیوز و فوٹو شئیرنگ ایپ انسٹا گرام پر ایک ویڈیو شیئر کی جس میں انہیں امریکی ریاست فلوریڈا کے شہر اورینڈو میں مشہور امریکی ٹیکنالوجی کمپنی ٹیسلا کی سفید گاڑی میں دیکھا جا سکتا ہے اور بغیر سیٹ بیلٹ باندھے وہ اپنی گاڑی غلط جگہ کھڑی کرکے وین میں چلے جاتے ہیں۔

    فہد مصطفیٰ کی ویڈیو پر جہاں ساتھی فنکاروں کے علاوہ بہت سے صارفین نے اُن کی تعریفیں کی تو کچھ صارفین ایسے بھی تھے جنہوں نے غلط پارکنگ کرنے پر اداکار کو آڑے ہاتھوں لیا اور اور کار صحیح جگہ پارک کرنے کی تلقین کی۔

    صارفین نے طنز کرتے ہوئے کہا کہ اداکاری کے ساتھ گاڑی کھڑی کرنے کی مہارت پر بھی غور ہو جائے اور کہا کہ کار کی پارکنگ تو صحیح سے کر لیں، یہ امریکا ہے پاکستان نہیں جہاں دل چاہا وہاں گاڑی کھڑی کردی ایک صارف نے کہا کہ روایتی عادت کی طرح یہاں بھی اپنی مرضی سے گاڑی کھڑی کردی، وہ بھی محض دکھاوے کے لیے ایک صارف نے کہا کہ پہلے سیکھ لیں کہ کار کس طرح کھڑی کی جاتی ہے۔

  • کپل شرما تصاویر کھینچنے پر فوٹوگرافرز پر برس پڑے

    کپل شرما تصاویر کھینچنے پر فوٹوگرافرز پر برس پڑے

    بھارتی معروف کامیڈی شو دی کپل شرما شو کے میزبا ن، کامیڈین و اداکار کپل شرما تصاویر کھینچنے پر فوٹوگرافرز پر برس پڑے اور گالی دے دی۔

    باغی ٹی وی : بھارتی میڈیا رپورٹس کے مطابق کامیڈین کپل شرما کی سوشل میڈیا پر وہیل چئیر پر بیٹھی تصویر اور ویڈیو نے مداحوں کو تشویش میں مبتلا کردیا ہے تاہم ابھی تک خود کپل یا ان کے کسی دوست کا اس حوالے سے کوئی بیان سامنے نہیں آیا۔

    بھارتی میڈیا میں قیاس آرائیاں کی جارہی ہیں کہ کامیڈین نے اپنے آپ کو زخمی کرلیا ہے تاہم ایسا کیوں ہوا اس سے متعلق بھی ابھی تک کچھ نہیں پتہ چل سکا۔

    کامیڈین کی وہیل چئیر پر ویڈیو نے جہاں سب کو پریشان کردیا ہے وہیں خود اداکار بھی اس وقت خبروں کی زینت بن گئے جب ائیرپورٹ سے واپسی پر فوٹوگرافرز نے وہیل چئیر پر جاتے کپل کی ویڈیو بنانے کی کوشش کی۔

    سوشل میڈیا پر وائرل ویڈیو میں دیکھا جاسکتا ہے کہ کپل شرما کو ایک شخص ائیرپورٹ سے وہیل چئیر پر بٹھا کر لے جارہا ہے اسی دوران جب فوٹوگرافرز نے ویڈیو بنانے کی کوشش کی تو کپل آپے سے باہر ہوگئے اور فوٹوگرافرز کو گالی دیتے ہوئے کہا کہ ہٹو یہاں سے تم سب جس پر وہاں موجود فوٹوگرافر نے ویڈیو سوشل میڈیا پر ڈالی-

    سوشل میڈیا پر جاری کی جانے والی ویڈیو میں فوٹو گرافرز کا کہنا تھا کہ کپل آپ ہمیں گالیاں دیں لیکن ہم آپ کی صحت یابی کی دعا کرتے ہیں۔

  • سوشل میڈیا پر فیک آئی ڈیز بنانے والوں کے خلاف ایف آئی اے سائبر کرائم ونگ نے بڑا قدم اٹھا لیا

    سوشل میڈیا پر فیک آئی ڈیز بنانے والوں کے خلاف ایف آئی اے سائبر کرائم ونگ نے بڑا قدم اٹھا لیا

    سوشل میڈیا پر فیک آئی ڈیز بنا نے والے ہو جائیں تیار کیونکہ فیک آئی ڈیز بنا کر شہریوں سے پیسے بٹورنے والوں کے خلاف بڑے آپریشن کی تیاریاں مکمل کرلی گئیں ایف آئی اے سائبر کرائم ونگ جعلی آئی ڈیز کے پیچھے چھپے نیٹ ورک کو گرفتار کرے گا –

    باغی ٹی وی :میڈیا رپورٹس کے مطابق ایف آئی اے سائبر کرائم ونگ کے ذرائع کا کہنا ہے کہ سماجی رابطوں کی ویب سائٹس پر شہریوں کی جعلی آئی ڈیز بنا کر ان کے قریبی افراد سے پیسے بٹورنے کے واقعات میں روز بروز اضافہ ہورہا ہے-

    سال 2021 کے پہلے 7 ہفتوں میں ایف آئی اے سائبر کرائم ونگ کو تین ہزار سے زائد تحریری شکایات موصول ہوچکی ہیں جس میں سوشل میڈیا فراڈ کے ذریعے شہریوں سے پیسے بٹورے جارہے ہیں۔

    میڈیا کو راولپنڈی کے رہائشی اسد احمد نے بتایا کہ کسی نامعلوم ملزم نے فیس بک پر اس کے نام سے جعلی آئی ڈی بنا رکھی ہے جبکہ اس کی اصل آئی ڈی سے فوٹو چوری کرکے جعلی آئی ڈی پر لگائی گئی ہے-

    جعلی آئی ڈی کے پیچھے چھپے افراد اس کے قریبی دوستوں کو پہلے فرینڈ ریکوئسٹ بھیجتے ہیں اور بعد میں کسی بھی مشکل کا ذکر کرنے کے بعد فوری پیسوں کا مطالبہ کرتے ہیں۔

    اسد احمد کا کہنا تھاکہ اس نے ایف آئی اے سائبر کرائم ونگ کو تحریری طور پر درخواست کردی ہے جس میں ایف آئی اے حکام نے درخواست وصول کرتے ہوئے یقین دلایا ہے کہ فیک آئی ڈی چلانے والوں کے خلاف جلد کارروائی کی جائے گی۔

    تاہم اس حوالے سے ایف آئی اے ذرائع کا کہنا تھاکہ سائبر کرائم ونگ ایسی تمام جعلی آئی ڈیز کا ڈیٹا مکمل کرچکا ہے آئی ٹی ایکسپرٹس کی بھی مدد لی جائے گی جبکہ مختلف جدید وسائل استعمال کرکے اس جرم کے پیچھے موجود افراد کی لوکیشن حاصل کی جائے گی تاکہ متعلقہ علاقوں میں چھاپے مار کر جرائم پیشہ افراد کو گرفتار کیا جاسکے۔

    ایف آئی اے ذرائع کا یہ بھی کہنا تھاکہ اس حوالے سے فیس بک اور سماجی رابطوں کی دوسری ویب سائٹس کو سرکاری سطح پر تحریری طور پر آگاہ کیا جائے گا تاکہ مین سرور سے بھی معلومات تک رسائی حاصل کی جاسکے۔

    اس حوالے سے پاکستان ٹئٹر پینل پر سائبر کرائم اوئیرنیس کے نام سے ٹرینڈ ٹوئٹر ٹرینڈ فہرست میں دوسرے نمبر پر ہے جس میں بے شمار لوگ حصہ لیتے ہوئے اپنی شکایات درج کروا رہے ہیں اور اپنی اپنی رائے کا اظہار کر رہے ہیں-
    https://twitter.com/Aamnah_J/status/1364092329871634434?s=20
    اس ٹرینڈ میں حصہ لیتے ہوئے آمنہ جبین نامی خاتون کا کہنا تھا کہ کچھ دن پہلے میں نے اسکیم کال کے ذریعہ ایزی پیسہ سے اپنی رقم کھوئی ہے۔ آج کل بہت سارے لوگ اس فراڈ کے بارے میں شکایت کر رہے ہیں لہذا پی ٹی اے اب لوگوں میں بیداری پیدا کررہا ہے کہ کبھی بھی اپنی ذاتی یا مالی معلومات جیسے کہ اے ٹی ایم پن کوڈ ، سی این آئی سی وغیرہ شئیر نہ کریں۔


    ثنا نامی خاتون نے لکھا کہ کسی کی تصویر سوشل میڈی پر اپلوڈ کر کے اسے بلیک میل کرنا بھی سائبر کرائم ہے-


    طیب مامون نامی صارف نے کہا کہ کبھی بھی اپنی ذاتی معلومات آئی ڈی کارڈ نمبر وغیرہ کسی سے شئیر نہ کریں-

  • دبئی عدالت نے وینا ملک کے سابق شوہر کو گرفتار کرنے کا حکم دے دیا

    دبئی عدالت نے وینا ملک کے سابق شوہر کو گرفتار کرنے کا حکم دے دیا

    معروف ادکارہ وینا ملک کو دبئی عدالت سے بڑا ریلیف مل گیا، فاضل جج نے بچوں کا خرچہ ادا نہ کرنے پر سابق شوہر اسد خٹک کو گرفتار کرنے کا حکم دے دیا.کستانی ماڈل و ادکارہ وینا ملک دبئی کی گارڈین عدالت سے بچوں کے خرچہ کی وصولی کا کیس جیت گئی ہیں. اداکارہ نے دبئی عدالت میں درخواست دی تھی کہ انکا سابق شوہر اسد خٹک عدالتی احکامات کی خلاف ورزی کررہا ہے اور بچوں کا ماہانہ خرچ ادا نہیں کررہا جس کی رقم اب 88090 درہم بن جاچکی ہے عدالت سابق شوہر سے خرچہ کی رقم وصول کروانے کا حکم صادرکرے.

    وینا ملک نے بچوں کے خرچہ و نان نفقہ کا دعوی دائر کیا تھا، وینا ملک نے دبئی عدالت میں 18 جنوری کو درخواست دائر کی تھی ’ جس پر دبئی عدالت کے جج صاحب نے اسد بشیر کو 88 ہزار 90 درہم جو کہ پاکستانی کرنسی میں تقریباً 38 لاکھ روپے بنتے ہیں کا نادہندہ پاتے ہوئے مورخہ 20 فروری کو اسد بشیر خٹک کی گرفتاری کا حکم صادر فرمایا.

  • خلیل الرحمن قمر ٹاک شو میں ساتھی مہمان پر برہم

    خلیل الرحمن قمر ٹاک شو میں ساتھی مہمان پر برہم

    پاکستانی معروف مقبول ڈرامہ نگار و مصنف خلیل الرحمن قمر شو میں دوران گفتگو مداخلت کرنے پر ساتھی مہمان پر برہم ہو گئے اور شو چھوڑ کر چلے گئے۔

    باغی ٹی وی : خلیل الرحمان قمر نے حال ہی میں نجی ٹی وی چینل کے ایک شو میں شرکت کی جہاں اُن کے ہمراہ دو اور خواتین مہمان بھی موجود تھی تاہم چار شادیوں کے معاملے پر خاتون کی جانب سے تنقیدی الفاظ استعمال کئے گئے اور انہیں اس موضوع سے متعلق اپنا موقف دینے کا پورا وقت دیا گیا تاہم خلیل الرحمن کو بیچ میں ٹوکا گیا۔


    میزبان کی جانب سے خلیل الرحمن قمر سے شادی سے متعلق سوال کیا گیا تو اُن کا کہنا تھا کہ میں نے یہاں آکر چار شادیوں کی بات نہیں کی اگر کسی کا اس حوالے سے کوئی نظریہ بھی ہے آپ کو کس نے اجازت دی ہے اس کے خلاف بات کریں آپاس بارے میں اپنی زبان بند رکھیں-

    ڈرامہ نگا ر نے کہا کہ کیوںکہ چار شادیوں سے متعلق قرآن پاک کی باقاعدہ آیت موجود ہے اس لئے کوئی بھی اس کے خلاف بات کرنے کی جرات نہیں کر سکتا۔

    اسی دوران دیگر خاتون مہمان ایلیاء کی جانب سے خلیل الرحمن قمر کی گفتگو کے دوران مداخلت کی گئی جس پر وہ برہم ہو گئے۔

    انہوں نے کہا کہ میں نے کسی کی گفتگو کے دوران کچھ نہیں کہا تو لہذا مجھے میرا موقف دینے کا پورا موقع دیا جائے تاہم جب بات زیادہ بڑھی تو تو خلیل الرحمن قمر نے برہمی کا اظہار کرتے ہوئے اپنا مائیک نکال دیا اور شو چھوڑ کر چلے گئے۔

  • تاریخ گواہ ہے جس نے مجھے ٹھیک کرنے کی کوشش کی الٹا میں نے اسے ٹھیک کردیا کنگنا رناوت

    تاریخ گواہ ہے جس نے مجھے ٹھیک کرنے کی کوشش کی الٹا میں نے اسے ٹھیک کردیا کنگنا رناوت

    بالی وڈ متنازع کوئین کنگنا رناوت سوشل میڈیا پر کافی متحرک رہتی ہیں اور اپنے متنازع بیانات کے باعث انہیں اکثر تنقید اور مقدمات جیسی مشکلات کا سامنا بھی کرنا پڑتا ہے۔

    باغی ٹی وی : حال ہی میں بھارتی اداکارہ نے اپنی زندگی سے متعلق اہم راز سے پردہ اٹھایا ہے اورشوبز میں آنے کے ساتھ اپنے والد اور گھر والوں سے اپنے تعلقات کے بارے میں بتایا ہے۔

    کنگنا نے سماجی رابطے کی ویب سائٹ ٹوئٹر پر اپنے سلسلہ وار ٹوئٹس میں کہا کہ میرے والد کے پاس لائسنس یافتہ رائفل اور بندوق تھی ،جوانی کے دنوں میں وہ کالج میں گینگ وار کے لیے مشہور تھے اور ان کی شناخت ایک غنڈے کی تھی ۔


    اداکارہ نے بتایا کہ میرے والد جب مجھے ڈانٹتے تو میں کانپ کر رہ جاتی تھی، پھر میں نے صرف 15 سال کی عمر میں ان سے لڑائی کی گھر چھوڑ دیا، اس طرح میں 15 سال کی عمر میں بغاوت کرنے والی پہلی راجپوت عورت بن گئی۔


    کنگنا نے دوسرے ٹوئٹ میں لکھا کہ یہ انڈسٹری سمجھتی ہے کہ کامیابی نے میرا دماغ خراب کردیا ہے اور وہ مجھے ٹھیک کردیں گے-

    انہوں نے لکھا کہ میں ہمیشہ باغی تھی اور کامیابی کے بعد بھی میری آواز اونچی رہی ہے، میں قوم کی اہم آواز ہوں-

    کنگنا نے کہا کہ تاریخ گواہ ہے کہ جس نے مجھے ٹھیک کرنے کی کوشش کی الٹا میں نے اسے ٹھیک کردیا۔


    کنگنا نے ایک اور ٹوئٹ میں اپنے والد کی جوانی تصویر شیئر کرتے ہوئے لکھا کہ میرے والد مجھے دنیا کی بہترین ڈاکٹر بنانا چاہتے تھے، انہیں لگتا تھا کہ وہ مجھے بہترین اداروں میں تعلیم دلوا کر ایک انقلابی باپ بن گئے ہیں-

    کنگنا نے بتایا کہ پھرجب میں نے اسکول جانے سے انکار کیا تو انہوں نے مجھے تھپڑ مارنے کی کوشش کی جس پر میں نے ان کا ہاتھ پکڑ لیا اور واضح طور پر کہہ دیا کہ اگر آپ نے مجھے تھپڑ مارا تو میں بھی آپ کو تھپڑ ماروں گی۔


    کنگنا نے ایک اور ٹوئٹ میں لکھا کہ یہ ہمارے تعلقات کا اختتام تھا ان کی آنکھوں کا رنگ بدل گیا ، انہوں نے میری طرف دیکھا پھر میری والدہ کمرے سے چلی گئیں –

    کنگنا نے کہا کہ مجھے معلوم تھا کہ میں نے اپنی حد کراس کی ہے اور انہیں دوبارہ کبھی نہیں ملی لیکن اس سے آپ تصور کر سکتے ہیں کی کہ میں خود کو آزاد رکھ سکتی ہوں کوئی بھی مجھے پنجرا میں قید نہیں کر سکتا-

  • جب ڈاکو لوٹنے آئے تو یشما گل کا دوست انہیں اکیلے چھوڑ کر بھاگ گیا

    جب ڈاکو لوٹنے آئے تو یشما گل کا دوست انہیں اکیلے چھوڑ کر بھاگ گیا

    پاکستان ٹی وی انڈسٹری کی نوجوان اداکارہ یشما گل کا کہنا ہے کہ ایک مرتبہ جب وہ ڈاکوؤں میں پھنس گئی تھیں تو ان کا دوست انہیں اکیلے چھوڑ کر بھاگ گیا تھا-

    باغی ٹی وی : اداکارہ یشما گل نے حال ہی میں آن لائن شو ’’ٹوبی آنیسٹ 2.0‘‘ میں شرکت کی جہاں انہوں نے اپنے ساتھ پیش آنے والے خوفناک واقعے کے بارے میں بتایا۔

    شو کے میزبان تابش نے یشما گل سے سوال پوچھا کبھی آپ کا موبائل فون چوری ہوا ہے؟

    اس سوال کے جواب میں یشما گل نے اپنے ساتھ پیش آئے واقعے کے بارے میں بتاتے ہوئے کہا میں اپنی دوست کے گھر کے باہر تھی اسے لینے گئی تھی اور میرے ساتھ میرا ایک دوست بھی تھا اس کے ساتھ ہمیشہ گارڈز ہوتے تھے اس لیے ہم لوگ خود کو اس کے ساتھ محفوظ سمجھتے تھے۔

    اداکارہ نے اپنی بات جاری رکھتے ہوئے بتا یا کہ اتفاق سے اس دن اس کے ساتھ گارڈز نہیں تھے اور وہ گاڑی کے باہر فون پر بات کررہاتھا اسی وقت 2 آدمی بائیک پر آئے اور میرے دوست سے بات کرنے لگے جس کے بعد بائیک پر موجود دونوں آدمیوں نے گن نکال لی اور میرا دوست گاڑی کے پیچھے چلا گیا مجھے لگا وہ بھی گن لینے گیا ہے لیکن وہ مجھے اکیلا چھوڑ کر بھاگ گیا تھا۔

    یشما گل نے کہا حالانکہ میرا دوست مجھے چھوڑ کر بھاگ گیا لیکن میں نے اس کا بٹوا جو گاڑی میں تھا چھپا دیا تھا اور ساتھ میں اپنا موبائل فون بھی۔

    یشما گل کے مطابق ڈاکوؤں نے میرا بیگ مجھ سے چھین لیا لیکن اس میں میرا موبائل فون نہیں تھا جس کے بعد اس نے میرے پیر پر بندوق رکھ دی اور زبردستی مجھ سے موبائل چھین لیا اور جاتے جاتے ہوا میں 2 فائر بھی کیے۔

  • دل دل پاکستان جان جان ترکی، ریما خان اور جلال ال کی دلچسپ ویڈیو وائرل

    دل دل پاکستان جان جان ترکی، ریما خان اور جلال ال کی دلچسپ ویڈیو وائرل

    پاکستان شوبز انڈسٹری کی معروف اداکارہ ریما خان کا گزشتہ روز ترکی کے شہر استنبول میں شہرہ آفاق ترکش ڈرامہ سیریل ارطغرل غازی کے اداکاروں نے پُرتپاک استقبال کیا۔

    باغی ٹی وی : اداکارہ ریما خان ترکی گئی ہیں اور ترکی میں گزارنے والے تمام تر لمحات کو وہ اپنے مداحوں کے ساتھ بھی شئیر کر رہی ہیں اداکارہ استنبول کی معروف مسجد آیا صوفیہ بھی گئیں جس کی ویڈیوز اور تصاویر انہوں نے اپنے انسٹاگرام اکاؤنٹ پر بھی پوسٹ کیں۔

    مسجد آیا صوفیا میں اداکارہ ریما کے ساتھ عدنان صدیقی، ہمایوں سعید اور ترک اداکار جلال آل بھی موجود ہیں۔

    تصاویر شیئر کرنے کے ساتھ اداکارہ ریما نے مسجد آیا صوفیا میں ترک اداکار جلال آل کے ساتھ ایک دلچسپ ویڈیو بھی پوسٹ کی ہے۔

    ویڈیو میں دیکھا جا سکتا ہے کہ اداکارہ ریما سر پر دوپٹا اوڑھے ترک اداکار کے ساتھ کھڑی ہیں اور وہ اپنے دل پر ہاتھ رکھ کہ کہتی ہیں کہ ’دل دل پاکستان جاں جاں ترکی‘۔

    اسی طرح اداکارہ ریما کو دیکھتے ہوئے ترک اداکار جلال آل بھی اپنے دل پر ہاتھ رکھ کر ’دل دل پاکستان جاں جاں ترکی کہتے ہیں‘۔