ٔپاکستان شوبز انڈسٹری کی نامور اور خوبرو اداکارہ ہانیہ عامر نے اپنی تصویر میں بیوٹی فلٹر کے استعمال پر تنقید کرنے والوں کو کرارا جواب دیا ہے۔

باغی ٹی وی : ہانیہ عامر نے کچھ روز قبل انسٹا گرام اسٹوری پر اپنی ایک ویڈیو شیئر کی تھی جس پر انہوں نے بیوٹی فلٹر استعمال کیا ہوا تھا۔ تصویر پر سوشل میڈیا پر صارفین نے اداکارہ کو شدید تنقید کا نشانہ بنایا تھا۔

تاہم اب ہانیہ نے اس تنقید کا لوگوں کو اپنی ایک ویڈیو میں جواب دیا ہے انہوں نے کہا ہے کہ جس ویڈیو پر تنقید کی جارہی تھی، اس دن بھی میں نے میک اپ کیا ہوا تھا لیکن یہاں پر نکتہ یہ ہے کہ میں اپنی بیوٹی اور اپنے اقدامات سے مطمئن ہوں لیکن آپ لوگوں کو خود پر اطمینان رکھنا چاہیے کہ آپ لوگ خود کون ہیں۔

ہانیہ عامر کا کہنا تھا کہ اگر میں بیوٹی فلٹر اپنی ذات کے لیے استعمال کر رہی ہوں تو یہ عمل قابل قبول ہے لیکن اگر یہ کام معاشرے کے دباؤ میں آکر کرتی ہوں تو پھر یہ غلط بات ہوئی، تصویر پر جتنا کچھ کہا گیا اس میں ایسا کچھ نہیں تھا، میرے مطابق انسٹا گرام پر سب ٹھیک تھا لیکن پھر بھی تنقید کی گئی لہذا میں کہنا چاہتی ہوں کہ اپنا دماغ بڑا کریں اور مثبت سوچ رکھیں۔

ہانیہ عامر نے یہ بھی کہا کہ اگر ایک تصویر پر میں نے بیوٹی فلٹر استعمال کرلیا تو لوگوں کو تنقید کرنے کا موقع مل گیا، اتنا موقع پرست مت بنیں، میں پھر بھی ایسی باتوں کا سامنا کرنا جانتی ہوں۔

گزشتہ دنوں پاکستانی اداکارہ حمیمہ ملک نے حجاب میں سابق اداکارہ نور بخاری کے ساتھ حجاب میں تصویر شیئر کرتے ہوئے زندگی بھر حجاب کرنے کی خواہش کا اظہار کیاتھا۔

باغی ٹی وی : جس کے بعد سے یہ قیاس آرائیاں کی جارہی ہیں کہ شاید اداکارہ حمیمہ ملک بھی نور کی طرح حجاب کرنا شروع کردیں۔

اپنے انسٹاگرام اکاؤنٹ پر شیئر کی گئی اسٹوری میں حمیمہ ملک نے اپنی دوست اور سابق اداکارہ نور بخاری کے ساتھ تصویر شیئر کی جس میں دونوں نے حجاب کر رکھا تھا-

حمیمہ ملک نے اپنی اسٹوری میں لکھا کہ آپ کی زندگی میں چند لوگ ایسے ہوتے ہیں جو آپ سے کوئی توقع نہیں رکھتے ہیں لیکن آپ کا اچھا چاہتے ہیں۔

انہوں نے مزید لکھا کہ نور آپ بہت نورانی ہیں، میری پیاری نوری، اللہ ہمیشہ آپ پر کرم کرے۔

اس کے ساتھ ہی انہوں نے تحفے میں اسکارف دینے پر نور بخاری کا شکریہ بھی ادا کرتے ہوئے لکھا کہ اس خوبصورت تحفے کا شکریہ، مجھے یہ اسکارف پہننا بہت اچھا لگا، دعا ہے کہ اللہ آپ کو اپنے پیاروں میں شامل کرے۔

ساتھ ہی حمیمہ ملک نے اپنی ایک خواہش کا اظہار کیا کہ ‘اللہ مجھے عمر بھر حجاب کرنے کی قوت دے۔

اس کے ساتھ ہی اداکارہ نے اسٹوری میں "praysforNoor” اور "prayforme” کے ہیش ٹیگز بھی استعمال کیے۔

حمیمہ ملک کی اسٹوری پر مداحوں نے انہیں خوب سراہا۔ تاہم بہت سے مداحوں نے انہیں تنقید کا نشانہ بھی بنایا ایک صارف نے لکھا کہ حجاب اورمذہب کے معاملے پر آپ تینوں بہن بھائی خاموش رہیں تو اچھا ہے۔

صارف نے لکھا کہ پی ایس ایل کی افتتاحی تقریب میں پرفارم کرنے کے بعد کیا یہ کھلا تضاد نہیں، حجاب اور اسلام کے معاملے پرآپ تینوں بہن بھائی چپ کریں۔ آپ تینوں بہن بھائی توجہ حاصل کرنے والے لوگ ہیں لیکن یہ کام آپ مذہب کے ذریعے نہ کریں توبہتر ہے۔

پاکستان شوبز انڈسٹری کے نامور اداکار آغا علی اوراداکارہ حنا الطاف گزشتہ برس لاک ڈاؤن کے دوارن رشتہ ازدواج میں منسلک ہوئے تھے اور ان کا شمار شوبز کی کامیاب اور پسندیدہ جوڑیوں میں ہوتا ہے-

باغی ٹی وی : حال ہی میں انہوں نے ایک شو میں شرکت کی جس میں میزبان نےآغا علی سے بچوں کے مستقبل کے حوالے سے سوال کیا جس پر پہلے تو آغا علی نے میزبان کے سوال پر سوال کیا کہ کس کے بچے؟ بعد ازاں ان کا کہنا تھا کہ جب بچے ابھی آئے ہی نہیں تو ان سے متعلق کیا سوچنا۔

آغا علی نے کہا کہ انہوں نے بچوں کے حوالے سے کچھ بھی نہیں سوچا ہوا کیونکہ حنا اور میں ابھی خود بچے ہیں پلاننگ کے برعکس جو اللہ کی مرضی ہو، بچوں کے حوالے سے کسی منصوبہ بندی پر یقین نہیں رکھتا، بچوں کے مستقبل کے حوالے سے بھی کچھ نہیں سوچتا، چاہتا ہوں وہ جو بھی بنیں لیکن اچھا انسان ضرور بنیں۔

اداکار نے مزید کہا کہ یہ بات سب سے کہنا چاہتا ہوں کہ ہم سب کو چاہیے ہم سب سے پہلے بچوں کو اچھا انسان بنائیں۔

اداکار آغا علی نے انٹر ویو کے دوران اداکارہ حنا الطاف سے شادی کے بعد زندگی میں رونما ہونے و الی تبدیلیوں پر بات کی انہوں نے بتایا کہ حنا الطاف سے شادی کرنے کے بعد ان کی زندگی میں مثبت تبدیلی آئی۔

انہوں نے بتایا کہ وہ اپنی شادی سے پہلے تھوڑے جذباتی اور غصے والے تھے لیکن اب وہ سوچتے ہیں کہ کسی دوسرے کی زندگی بھی ان سے منسلک ہے تو اب وہ خود کو پر سکون رکھتے ہیں میں اب یہ سوچتا ہوں کہ کسی اور کی بیٹی کا نام میرے ساتھ جُڑ ا ہے، مجھے اور بھی زیادہ پُرسکون اور نرم مزاج ہونا چاہیے۔

اداکار کا کہنا تھا کہ شادی سے پہلے میرے نظریات الگ تھے، میں ہمیشہ سے ایک پُر تعیش طرز زندگی گزارنے پر یقین رکھتا تھا لیکن اب حنا نے اسے بدل دیا ہے، حنا ہمیشہ کہتی ہے کہ ایک چھوٹی جگہ پر رہنے کی کوشش کریں جو آسانی سے مینیج ہو جائے۔

زمانے اور وقت کے ساتھ چلنا ہی بہتر رہتا ہے صبا حمید

پاکستان شوبز انڈسٹری کی اداکارہ منشا پاشا کے مداح اداکارہ کے منگیترو معروف سماجی کارکن جبران ناصر سے دور بیٹھنے کی وجہ تشویش میں مبتلا تھے-

باغی ٹی وی : جہاں عوام پاکستان سپر لیگ کے سھر مین مبتلا ہیں وہیں فنکار اور سیاسی و سماجی شخصیات بھی پی ایس ایل کو خوب سپورٹ کر رہی ہے ہر میچ میں مختلف فنکار گراؤنڈ میں اپنی اپنی پسندیدہ ٹیم کی حوصلہ افزائی کرتے نظر آ تے ہیں۔

اسی سلسلے میں اداکارہ منشا پاشا کی جانب سے بھی اپنے منگیتر جبران ناصر کے ہمراہ تصویریں سوشل میڈیا اکاؤنٹ انسٹا گرام پر شیئر کی گئی ہیں۔

منشا پاشا کی جانب سے شیئر کی گئی تصویر میں دیکھا جا سکتا ہے کہ منشا پاشا اور جبران ناصر ایک دوسرے سے کافی فاصلے پر بیٹھے ہوئے ہیں اور خوشگوار موڈ میں تصویر بنواتے نظر آ رہے ہیں۔

منشا پاشا نے اپنی تصویر کے کیپشن میں بتایا ہے کہ وہ اسلام آباد اور کوئٹہ گلیڈ ایٹر کا میچ دیکھ رہی ہیں۔

منشا پاشا کی اس تصویر پر جہاں دونوں کے مداحوں کی جانب سے خوب لائیکس اور کمنٹس کیے جا رہے ہیں جن میں ایک انسٹا گرام صارف نے کمنٹس باکس میں پوچھا کہ ’اتنی دوری کیوں؟‘

منشا پاشا نے اس صارف کے سوال کا مزاحیہ انداز اپناتے ہوئے کہا کہ یہ دوریاں کوویڈ19 ایس او پیز کے تحت ہیں۔

منشا پاشا کی اس ہی پوسٹ پر مداحوں کی جانب سے مزید پوچھا جا رہا ہے کہ وہ کس ٹیم کو سپورٹ کر رہی ہیں جس پر منشا پاشا کا ہنستے ہوئے کہنا تھا کہ جبران کوئٹہ گلیڈی ایٹرز کو سپورٹ کر رہے ہیں جبکہ وہ(نیوٹرل) جیتنے والی ٹیم کو سپورٹ کر رہی ہیں۔

پاوری گرل دینانیر مبین کی پاوری کے بعد اب اُن کی گلوکاری کے بھی سوشل میڈیا پر چرچے ہونے لگے۔

باغی ٹی وی : سوشل میڈیا سائٹ انسٹاگرام پر دینانیر مبین نے اپنی نئی ویڈیو شیئر کی ہے جس میں وہ مشہور بالی ووڈ گانا ’کھوگئے ہم کہاں‘ گنگناتی نظر آرہی ہیں

مذکورہ ویڈیو میں دینانیر اپنی سُریلی آواز میں اور بڑے ہی شاندار انداز میں ’کھوگئے ہم کہاں‘ گنگنارہی ہیں۔

دینانیر نے ویڈیو شیئر کرتے ہوئے کیپشن میں لکھا کہ ’میں ایک طویل عرصے سے یہ گانا گنگنانے کا سوچ رہی تھی اور آخرکار میں نے گنگنالیا۔

پاوری گرل کی آواز میں بھارتی گانے کو نہ صرف پاکستانی مداحوں بلکہ سرحد پار مداحوں کی جانب سے بھی بے حد پسند کیا جارہا ہے –

واضح رہے کہ خیال رہے کہ گزشتہ دنوں سوشل میڈیا پر ایک مختصر سی ویڈیو وائرل ہوئی تھی جس میں دینانیر مبین پاکستان کے شمالی علاقے نتھیا گلی میں اپنے دوستوں کے ساتھ موجود پارٹی کر رہی تھیں۔اور وہاں اُس نے صرف یہ تین جملے کہے تھے:یہ ہماری کار ہے، یہ ہم ہیں اور یہاں پاوری ہورہی ہے-

دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں نہ صرف پاکستان میں ہی نہیں بلکہ بھارت میں بھی دینانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں اور ان فنکاروں سمیت بھارتی پولیس ، اورر بینک سمیت ہر کوئی اس کو انجوائے کررہا ہے بلکہ اس کے بعد دینانیر کے انسٹاگرام فالوورز کی تعداد میں اضافہ ہوگیا اور نامور ٹی وی چینلز پر دنانیر کو انٹرویو کے لیے خصوصی طور پر مدعو بھی کیا گیا۔

پاکستان شوبز انڈسٹری کی نامور ادکارہ و ماڈل اداکارہ سائرہ یوسف کے بعد اب اداکارہ و ماڈل منال خان نے بھی ’نوفلٹر‘ تصویر شیئرکی جس پر مداحوں کی جانب سے تبصرے کیے جارہے ہیں۔

باغی ٹی وی : گزشتہ روزاداکارہ سائرہ فیروزپرمداحوں کی جانب سے ان کی جلد پر تنقید کی گئی تھی، جس کے بعد اداکارہ نے مداحوں کو جواب دیتے ہوئے اپنی ایک بغیر میک اپ کے تصویرشیئر کی اور انہوں نے نو فلٹر کا ہیش ٹیگ استعمال کرتے ہوئے کہا تھا انہیں اپنی اسکن پسند ہے۔

تاہم اب اداکارہ منال خان نے بھی انسٹاگرام پر اپنی تصویر پوسٹ کی جس میں انہوں نے ’نوفلٹر‘ کا ہیش ٹیگ استعمال کیا۔

تصویر شئیر کرتے ہوئے اداکارہ نے کہا کہ پمپلز، گرمی کا موسم، کام کا بوجھ اورڈائٹنگ کے ساتھ ساتھ اوربھی بہت کچھ ۔ ۔ ۔

اداکارہ کی اس تصویرپر جہاں ساتھی اداکاراؤں نے تعریف کی وہیں مداحوں کی جانب سے دلچسپ تبصرے کیے جارہے ہیں۔

ایک مداح نے کہا کہ وہ سادہ بھی بہت خوبصورت لگ رہی ہیں جب کہ دوسرے مداح نے کہا کہ سارا کمال میک اپ کا ہی ہوتا ہے جبکہ ایک صارف نے کہا کہ آپ کو بھی پمپلز نکلتے ہیں جبکہ متعدد صارفین نے منال خان کی اسکن اور خوبصورتی کی تعریف کی-

جِلد پر تنقید: سائرہ یوسف کا سوشل میڈیا صارفین کو کرارا جواب