پاکستان شوبز انڈسٹری کی عالمی شہرت یافتہ معروف اداکارہ ماہرہ خان نے اپنے قریبی دوست سالم کریم سے رشتے پر بالآخر خاموشی توڑ ہی دی۔
باغی ٹی وی :اداکارہ ماہرہ خان نے حال ہی میں اداکار و میزبان واسع چوہدری کے شو میں شرکت کی جہاں میزبان نے اُن سے سوال کیا کہ حسن شہریار کے ساتھ آن لائن سیشن شو ہی آپ نے سالم کریم سے رشتے سے متعلق بات کی اور آپ نے حسن شہریار کے شو میں ہی یہ بات کرنے کا انتخاب کیوں کیا۔
میزبان کے سوال پر ماہرہ خان نے جواب دیتے ہوئے کہا کہ سچ کہیں تو میں نے حسن کے شو میں یہ بات کرنے کا فیصلہ نہیں کیا تھا –
ماہرہ نے کہا کہ حتٰی کہ میں نے کسی بھی شو میں اپنی ذاتی زندگی پر بات کرنا نہیں چاہتی۔ انہیں میں نے کہا بھی تھا کہ میں اس موضوع پر بات نہیں کروں گی۔
ماہرہ خان نے یہ بھی کہا کہ میرے متعلق حسن شہریار کو کافی باتوں کا علم ہے اور انہیں وہ بات بھی پتا تھی اسی لیے جب بات سے بات نکلی تو اُن کی زبان سے نام بھی پھسل گیا اور سب کچھ بتا دیا۔ لیکن میں نے اُن کی بات کی تردید نہیں کی اس لیے کہ میں اُن لوگوں میں سے نہیں ہوں جو سچ کو تسلیم کرنے سے انکار کر دیتے ہیں۔
واضح رہے کہ سالم کریم، ماہرہ خان کے قریبی دوست سمجھے جاتے ہیں جبکہ اس سے قبل بھی ماہرہ خان سینئیر اداکارہ اور میزبان ثمینہ پیرزادہ کے شو میں ان سے محبت کا اظہار کر چکی ہیں۔
گزشتہ سال 14 جون کو خود کشی کر کے موت کو گلے لگانے والے بالی وڈ کے آنجہانی نوجوان اداکار سوشانت سنگھ راجپوت کے ساتھ فلم ’دھونی‘ میں کام کرنے والے اداکار نے بھی زندگی کا خاتمہ کرلیا۔
باغی ٹی وی : بھارتی خبر رساں ادارے کے مطابق سوشانت سنگھ راجپوت کی فلم ’دھونی‘ اور اکشے کمار کے ساتھ ’کیسری‘ میں کردار نبھانے والے اداکار سندیپ ناہر نے اپنے فیس بک پر ایک ویڈیو اور خودکشی نوٹ شیئر کیا ویڈیو اور اپنے خط میں سندیپ نے اپنی خود کشی کی وجوہات بیان کی ہیں اور بتایا کہ ہے کہ وہ نجی اور پیشہ ورانہ مسائل سے دوچار ہیں۔
اپنے خط میں سندیپ نے لکھا ہے کہ ’اب جینے کی خواہش نہیں ہے زندگی میں کافی سُکھ دکھ دیکھے ، ہر مسئلے کا سامنا کیا لیکن آج میں جس صدمے سے گزر رہا ہوں وہ برداشت سے باہر ہے۔
اپنے آخری خط میں سندیپ نے لکھا کہ میں جانتا ہوں کہ خودکُشی کرنا بزدلی ہے مجھے بھی جینا تھا لیکن ایسے جینے کا بھی کیا فائدہ جہاں سکون اور عزت نفس ہی نہ ہو۔
سندیپ نے مزید لکھا کہ میری بیوی کنچن شرما اور اس کی ماں ونو شرما نے مجھے نہ سمجھا اور نہ سمجھنے کی کوشش کی میری بیوی تیز مزاج ہے میری اور اس کی شخصیت الگ الگ ہیں اور ہمارا کوئی جوڑ نہیں روز روز اور صبح و شام کا جھگڑا سہنے کی مجھ میں طاقت نہیں ہے۔
His wife told police that she along with two others recovered his body in a hanging condition. The body has been sent for postmortem and the exact cause of his death can be ascertained after that: DCP Vishal Thakur on the death of actor Sandeep Nahar in Mumbai pic.twitter.com/YHfTiM6xjs
سندیپ نے مزید لکھا ہے کہ اس کی خود کشی کے لیے اس کی بیوی کی اس میں کوئی غلطی نہیں اس کی فطرت ہی ایسی ہے۔ میں یہ بہت پہلے خودکُشی کرلیتا لیکن میں نے اپنے آپ کو ٹائم دیا لیکن روز ایک ہی طرح کے جھگڑوں سے میں ایسے چکر میں پھنس چکا ہوں جس سے نکلنے کے لیے اس کے سوا کوئی راستہ نہیں۔
آخر میں سندیپ نے لکھا ہے کہ میری زندگی جہنم بن چکی ہے شاید مرنے کے بعد سکون مل جائے۔ مجھے نہیں معلوم بعد کی زندگی کیسی ہوگی لیکن جیسی بھی ہوئی اس کا سامنا میں کرلوں گا۔ میری صرف ایک درخواست ہے کہ میرے جانے کے بعد (بیوی) کنچن کو کچھ مت بولنا بس اس کے دماغ کا علاج ضرور کروا دینا۔
پاکستان شوبز انڈسٹری کی نامور اداکارہ اقراء عزیز نے شوہر اور اداکار یاسر حسین سے متعلق ایک دلچسپ انکشاف کرکے مداحوں کودنگ کردیا ہے۔
باغی ٹی وی : اقراء عزیز اور یاسر حسین حال ہی میں نجی ٹی وی پر اداکار احسن خان کے شو ٹائم آؤٹ ود احسن خان میں جلوہ گرگئے جہاں انہوں نے اپنے کیرئر اور ذاتی زندگی کے حوالے سے دلچسپ انکشافات کئے-
دوران شو اقراء عزیز سے احسن خان نے یاسر حسین سے متعلق کوئی ایسا واقعہ پوچھا جو ان کے لیے شرمندگی کا باعث بنا؟
احسن خان کے اس سوال کے جواب میں اقراء عزیز نے انکشاف کرتے ہوئے بتایا کہ ایک مرتبہ ہم سب دوست ریسٹورینٹ میں تھے اور گلاس ٹوٹنے کی وجہ سے ریسٹورنٹ انتظامیہ نے ہمیں ریسٹورینٹ سے باہر نکال دیا تھا۔
یاسر حسین نے کہا کہ شرمندگی کا لمحہ وہ تھاجب ہمیں ریسٹورنٹ سے نکال دیا گیا تھا لیکن گلاس میں نے نہیں توڑا تھا –
اقراء نے بتایا کہ کس نے توڑا تھا وہ انکشاف ہو ہی نہیں سکا کہ کس نے گلاس توڑا تھا کیونکہ ہمارے ساتھ ہمارے دوست بھی شامل تھے اور اس پر باقاعدہ ایک کانفرنس بھی ہوئی تھی کہ کس نے توڑا لیکن کسی نے نہیں توڑا تھا کوئی نہیں مانا-
ریسٹورنٹ میں نکالے جانے والوں میں شہزاد شیخ ،صحیفہ جبار ان کے شوہر اور ہم دونوں سب کو نکال دیا-
با لی ووڈ مسٹر پرفیکشنسٹ کے نام سے مشہور اداکارعامر خان کے بیٹے جنید خان نے اداکاری کے میدان انٹری جنید خان نے اپنی پہلی فلم کی شوٹنگ شروع کردی۔
باغی ٹی وی : تاہم دو سال قبل خبریں آئی تھیں کہ عامر خان بیٹے کو کسی بڑے پروڈکشن ہاؤس کی فلم میں میگا اسٹارز کے ساتھ اداکاری کے میدان میں اتارنے کے لیے کوشاں ہیں تاہم اب انہوں نے اپنی پہلی فلم کی شوٹنگ کا آغاز بھی کر دیا ہے-
عامر خان کے بیٹی ارا خان نے 15 فروری کو انسٹاگرام پر بھائی جنید خان کے ساتھ تصویر شیئر کرتے ہوئے تصدیق کی کہ ان کے بھائی نے پہلی فلم کی شوٹنگ شروع کردی۔
ارا خان نے بھائی سے اپنی محبت کا اظہار کرتے ہوئے لکھا کہ اگرچہ وہ پہلے بھی اداکاری کے جوہر دکھا چکے ہیں تاہم 15 فروری سے انہوں نے اپنی پہلی فلم کی شوٹنگ کا آغاز کردیا۔
انہوں نے لکھا کہ بھائی نے انہیں پہلی فلم کے حوالے سے زیادہ تفصیلات نہیں بتائیں، تاہم وہ بڑے بھائی کی شوٹنگ کے موقع پر بہت خوش ہیں۔
دوسری جانب بھارتی میڈیا رپورٹس کے مطابق جنید خان نے 15 فروری کو جس فلم کی شوٹنگ کا آغاز کیا اسے ییش راج فلمز کے بینر تلے بنایا جا رہا ہے اور اس کی ہدایات سدھارتھ پی ملہوترا دے رہے ہیں۔
رپورٹس کے مطابق جنید خان ’مہاراجا‘ نامی فلم سے با لی وڈ کیریئر کا آغاز کریں گے اور اس فلم کی کہانی 1862 میں برصغیر میں انگریز دور کے سچے واقعات کے گرد گھومتی ہے اور جنید خان فلم کےمرکزی اداکاروں میں شامل ہیں۔
ابھی یہ واضح نہیں ہے کہ فلم کو کب تک ریلیز کیا جائے گا اور اس میں جنید خان کے مد مقابل کس ہیروئن کو کاسٹ کیا جائے گا-
لکھنؤ اس وقت مکمل طور پر ایک پاکستانی علاقے کا منظر پیش کر رہا ہے لکھنؤ کے بازار کو پاکستان کے ایک بازار سے ہم آہنگ کیا گیا ہے-
باغی ٹی وی : بھارتی خبررساں ادارے ٹائمز آف انڈیا کی رپورٹ کے مطابق لکھنؤ اس وقت مکمل طور پر ایک پاکستانی علاقے کا منظر پیش کر رہا ہے جہاں دکانوں کے نام اردو میں لکھے ہوئے ہیں اور تزئین و آرائش میں پاکستانی ثقافت نمایاں ہے جب کہ یہاں موجود لوگ بھی پاکستانی لباس پہنے ہوئے ہیں اور پاکستانی لب و لہجے میں ہی اردو میں بات کر رہے ہیں۔
فائل فوٹو ٹائمز آف انڈیا
بھارتی شہر لکھنؤ میں یہ تیاری دراصل ایک فلم کی شوٹنگ کے لیے کی گئی ہے اور یہاں سدھارتھ ملہوترا کی آنے والی فلم ’’مشن مجنوں‘‘ کی فلم بندی زرو و شور سے جاری ہے۔
فائل فوٹو ٹائمز آف انڈیا
فلم کے ہدایت کار شانتو باغچی نے مناظر میں حقیقت کا رنگ بھرنے کے لیے لکھنؤ میں شوٹنگ کے علاقے کو مکمل طور پر پاکستانی بنادیا لکھنؤ کے اس بازار کو پاکستان کے ایک بازار سے ہم آہنگ کیا گیا ہے فلم کے زیادہ تر مناظر پاکستانی علاقوں سے تعلق رکھتے ہیں۔ جس کے لیے سدھارتھ نے اپنے لب و لہجے اور چال ڈھال پر کافی کام کیا ہے۔
فائل فوٹو ٹائمز آف انڈیا
مشن مجنوں خفیہ ایجنسی را کے ایک اہلکار کے گرد گھومتی ہے جو کسی طرح پاکستان میں داخل ہوجاتا ہے۔ فلم کے پروڈیوسر کا کہنا ہے کہ یہ فلم 70 کی دہائی کے ایک حقیقی واقعے سے متاثر ہوکر بنائی گئی ہے-
لیکن حقیقت تو یہ ہے کہ بھارت میں بننے والی سلمان خان کی ٹائیگر سیریز سمیت ایسی فلمیں عمومی طور پر مبالغہ آرائی اور بے بنیاد حقائق پر بنی ہوتی ہیں جن کے پیچھے نہ ہی تو کوئی سچائی ہوتی ہے اور نہ ہی کوئی سر پیر ہوتا ہے-
پاکستان ٹی وی انڈسٹری کی اداکارہ منال خان اور اداکار احسن محسن اکرام کے درمیان تعلقات کی خبریں ایک بار پھر سوشل میڈیا پر زیر بحث ہیں-
باغی ٹی وی : 2 سال قبل منال خان اور احسن محسن اکرام کے درمیان تعلقات کی چہ مگوئیاں شروع ہوئیں تاہم دونوں نے کبھی کھل کر ایک دوسرے سے محبت کا اظہار نہیں کیا اور دونوں ایک دوسرے کو بہترین دوست قرار دیتے آ رہے تھے۔
لیکن گزشتہ روز ویلنٹائنز ڈے پر منال خان اور احسن محسن اکرام کی رومانوی تصاویر کے بعد دونوں کی محبت سوشل میڈیا پر زیربحث بن گئی ہے-
اداکارہ منال خان نے ابتدائی طور پر 14 فروری کو انسٹاگرام پر احسن محسن اکرام کے ساتھ رومانوی تصویر شیئر کی اور محبتوں کے عالمی دن کے موقع پر محبت بھرا پیغام شیئر کیا۔
تصویر میں منال خان اور محسن احسن کو انتہائی قریب دیکھا گیا اور دونوں نے دل کے ڈیزائن کا سرخ غبارہ پکڑ رکھا تھا۔
تصویر کے کیپشن میں منال نے ایک کوٹیشن لکھی کہ ‘لو از ان دی ائیر’ اور ساتھ ہی انہوں نے لکھا کہ سادہ اور میٹھا۔
اس پوسٹ میں منال خان نے باقاعدہ طور پر احسن محسن سے محبت کا اظہار تو نہیں کیا لیکن اس سے یہ اندازہ ضرور ہو رہا ہے کہ دونوں ایک دوسرے کی محبت میں گرفتار ہیں۔
تاہم بعد ازاں محسن احسن اکرام نے بھی انسٹاگرام پر منال خان کے ساتھ دو تصاویئر شیئر کیں، جس کے بعد کئی افراد نے دونوں کو منگنی کی مبارکیں دینا شروع کردیں۔
محسن احسن اکرام نے منال خان کے ساتھ ایک رومانوی تصویر شیئر کیے جانے سمیت منال خان کی تنہا تصویر بھی شیئر کی، جس میں وہ انگوٹھی دکھاتی دکھائی دیں۔
اگرچہ محسن احسن اکرام نے مذکورہ تصاویر شیئر کرتے ہوئے صرف محبتوں کے عالمی دن کا ذکر کیا، تاہم منال خان کی جانب سے انگوٹھی دکھائے جانے کے بعد لوگوں نے انہیں ان کی منگنی پر مبارک باد دینا شروع کردی۔
مداحوں اور شوبز شخصیات نے انہیں محبتوں کے عالمی دن کے موقع پر منگنی کرنے پر مبارک باد پیش کی اور ساتھ ہی شادی سے متعلق سوال بھی کرنا شروع کردیے۔
واضح رہے کہ 2 سال قبل منال خان اور احسن محسن اکرام کے درمیان تعلقات کی چہ مگوئیاں شروع ہوئیں دونوں کو اکثر مقامات پر ساتھ دیکھا گیا ہے جب کہ دونوں سوشل میڈیا پر ایک ساتھ تصاویر اپ لوڈ کرنے سے بھی نہیں کتراتے گزشتہ دنوں سوشل میڈیا پر احسن محسن اکرام کی دادی کی سالگرہ کی تصاویر خوب وائرل ہو رہی تھیں جس میں منال احسن کی دادی کو سرپرائز دیتی ہیں۔
وائرل ہونے والی تصاویر میں احسن محسن کی پوری فیملی کے ساتھ اداکارہ منال خان کو دیکھا گیا تھا جب کہ منال کی احسن کے والد اور والدہ کے ساتھ بھی تصاویر سامنے آئیں تاہم اداکاہ منال خان اور احسن محسن کی جانب سے ایک دوسرے کو پسند کرنے سے متعلق سوشل میڈیا پر گردش کی جانے والی قیاس آرائیوں کے حوالے سے خاموشی ہی اختیار کی گئی ہے-
چند روز قبل سوشل میڈیا پر ’دینانیر‘ نامی انسٹاگرام پر ایک ویڈیو اپ لوڈ ہوئی جو چند گھنٹوں میں ہی وائرل ہوگئی اور بعد ازاں پاکستان سمیت دنیابھر سے اس پر میمز بننے کا سلسلہ شروع ہوا جو اب تک جاری ہے۔
باغی ٹی وی :یہ ویڈیو سوشل میڈیا پر اس قدر وائرل ہوئی کہ اس کی دیکھا دیکھی نہ صرف پاکستان شوبز انڈسٹری کی شخصیات سمیت متعدد لوگوں نے اس طرح کی ویڈیو بنائی بلکہ سرحد پار بھی اس ویڈیو کے چرچے ہیں-
اور معروف بھارتی یوٹیوبر یشراج مکھاٹے نے ان کی ویڈیو پر ایک گانا بھی تیار کیا جسے خوب پسند کیا جا رہا ہے۔
اب بھارتی ریاست اتر پردیش کی پولیس نے بھی اس پاکستانی لڑکی کی ویڈیو سے متاثر ہو کر سوشل میڈیا پر ایک پوسٹ شیئر کی ہے۔
اتر پردیش کی پولیس نے آفیشل ٹوئٹر اکاؤنٹ پر ایک پوسٹ شیئر کی جس میں لکھا تھا کہ یہ ہم ہیں یہ ہماری کار ہے اور اگر لیٹ نائٹ پارٹی ہو رہی ہے اور آپ ڈسٹرب ہو رہے ہیں تو 112 پر کال کریں ۔
اس پوسٹ میں اتر پردیش کی پولیس نے ہیش ٹیگ ‘پارٹی ہو رہی ہے’ بھی استعمال کیا۔
واضح رہے کہ برطانوی نشریاتی ادارے (بی بی سی) اردو کو انٹریو دیتے ہوئے ولاگر دینانیر نے کہا تھا کہ ہم نے کوئی پلان کرکے ویڈیو نہیں بنائی بلکہ میں دوستوں کے ساتھ نتھیاگلی گھومنے گئی ہوئی تھی اور ہم لوگ میوزک کے ساتھ انجوائے کررہے تھے اور ویسے ہی بس ایک ویڈیو اپ لوڈ کردی۔
پشاور سے تعلق رکھنے والی دینانیر کا کہنا تھا کہ اس طرح برگر سٹائل میں بات کرنا میرا انداز نہیں ہے، میں ایسے بات نہیں کرتی اور صرف ویڈیو بنانے کے لیے یہ مزاحیہ انداز اختیار کیا تھا’مجھے ’پارٹی‘ کہنا آتا ہے اور مجھے پتا ہے کہ یہ ’پارری‘ نہیں پارٹی ہوتا ہے’میں نے تو صرف آپ سب (میرے انسٹاگرام فالوور) کو ہنسانے کے لیے ایسا کیا۔
19 سالہ دینانیر نے کہا تھا کہ جب میں نے ویڈیو اپ لوڈ کی تھی تو مجھے خود اندازہ نہیں تھا یہ اتنی زیادہ وائرل ہوجائے گی، میرے ویڈیو بنانے کے پیچھے صرف یہ نیت تھی کہ جو بھی اس کو دیکھے بس انجوائے کرے۔
انہوں نے کہا تھا کہ پاکستان کے کونے کونے سے ویڈیو پر میمز بن رہی ہیں جس پر مجھے بہت خوشی ہورہی ہے کہ ہماری قوم میں کتنا ٹیلنٹ چھپا ہوا ہے اور مجھے لوگوں کی تخلیق پر بہت مزہ آرہا ہے جب کہ صرف پاکستان میں نہیں بلکہ بیرون ملک سے بھی کچھ ویڈیوز بنائی گئی ہیں۔
خیال رہے کہ ویڈیو کو نہ صرف پاکستان بلکہ سرحد پار سمیت شہرت حاصل ہوئی اور نہ صرف عام لوگ بلکہ معروف شخصیات بھی میمز اور ویڈیوز بنا کر لطف اندوز ہو رہے ہیں تاہم ویڈیو کی مقبولیت کا اندازہ اس بات سے لگایا جا سکتا ہے کہ نہ صرف پاکستان میں بھی ٹاپ ٹرینڈ پر ہے بلکہ بھارت میں بھی ’پاووری ہورہی ہے‘ ٹوئٹر پر ٹاپ ٹرینڈ کر رہا ہے-
پاکستان کے معروف گلوکار وسیاست دان ابرارالحق کا کہنا ہے کہ انہوں نے پاکستانی کوہ پیما محمد علی سدپارہ کا دیرینہ خواب پورا کرنے کا فیصلہ کرلیا ہے۔
باغی ٹی وی : گلوکاراورپاکستان تحریک انصاف کے رہنما ابرارالحق نے سماجی رابطے کی ویب سائٹ ٹوئٹرپراپنے ٹوئٹ میں کہا کہ انہیں یہ ابھی معلوم ہوا کہ پاکستان کے کوہ پیما محمد علی سدپارہ اپنے گاؤں میں اسکول بنوانا چاہتے تھے۔
I have just heard the news that Muhammad Ali Sadpara wanted to build a school in his village after his mission therefore we have decided to fulfil his dream and Inshahallah a school will be built in the village of our hero in his memory.#muhammadalisadparapic.twitter.com/0A2X6eJOZg
گلوکارنے کہا کہ محمد علی سدپارہ کے اس خواب کو پورا کرنے کے لیے ان کے گاؤں میں اسکول بنانے کا فیصلہ کرلیا ہے، جو جلد قیام پزیرہوگا۔
واضح رہے کہ موسم سرما میں دنیا کے دوسرے بلند ترین پہاڑK2 سرکرنے کی مہم جوئی کے دوران علی سد پارہ اور دو غیر ملکی کوہ پیما جان اسنوری اور جوان پابلو 5 فروری سے لاپتہ ہیں جن کی تلاش تاحال جاری ہے-
کوہ پیماؤں میں شامل پاکستانی مہم جو محمد علی سدپارہ کے بیٹے ساجد سدپارہ نے کہا ہے کہ ان کے والد اور ساتھی کوہ پیماؤں کو جو بھی حادثہ پیش آیا وہ چوٹی سر کرنے کے بعد ہی ہوا-
میڈیا سے بات کرتے ہوئے ساجد سدپارہ نے کہا کہ ’میں سمجھتا ہوں کہ محمد علی سد پارہ اور ان کی ٹیم نے سردیوں میں K-2 فتح کرنے کا کارنامہ انجام دے دیا تھا اور ان کے ساتھ جو بھی حادثہ ہوا، وہ واپسی کے سفر میں ہوا ہے-
ساجد سدپارہ کے مطابق آخری بار والد کو 8200 کی بلندی پر دیکھا تھا جب میں نیچے آیا تب علی سدپارہ اور ٹیم اوپر چڑھ رہے تھے-
ساجد سدپارہ نے یہ بھی کہا تھا کہ انتہائی سرد موسم کے ساتھ آٹھ ہزار میٹر کی بلندی پر کسی انسان کے اتنے زیادہ وقت تک بچ جانے کے امکانات کم ہی ہیں آکسیجن سلینڈر کا استعمال پریشر کے مطابق ہوتا ہے اگر2 آکسیجن سلینڈر موجود ہوں تو کم از کم2دن گزار سکتے ہیں، تمام چیزیں مد نظر رکھتے ہوئے لگتا ہے والد کے بچنے کے چانسز کم ہیں تاہم لاش کی تلاش کے لیے ریسکیو آپریشن جاری رہنا چاہیے-
سوشل میڈیا پر ’پاوری ہورہی ہے‘ سے شہرت پانے والی یوٹیوبر دینانیر مبین کا وائرل میمز اور ویڈیوز پر بیان سامنے آگیا۔
باغی ٹی وی : چند روز قبل سوشل میڈیا پر ’دینانیر‘ نامی انسٹاگرام پر ایک ویڈیو اپ لوڈ ہوئی جو چند گھنٹوں میں ہی وائرل ہوگئی اور بعد ازاں پاکستان سمیت دنیابھر سے اس پر میمز بننے کا سلسلہ شروع ہوا جو اب تک جاری ہے۔
برطانوی نشریاتی ادارے (بی بی سی) اردو کو انٹریو دیتے ہوئے ولاگر دینانیر نے کہا کہ ہم نے کوئی پلان کرکے ویڈیو نہیں بنائی بلکہ میں دوستوں کے ساتھ نتھیاگلی گھومنے گئی ہوئی تھی اور ہم لوگ میوزک کے ساتھ انجوائے کررہے تھے اور ویسے ہی بس ایک ویڈیو اپ لوڈ کردی۔
پشاور سے تعلق رکھنے والی دینانیر کا کہنا ہے کہ اس طرح برگر سٹائل میں بات کرنا میرا انداز نہیں ہے، میں ایسے بات نہیں کرتی اور صرف ویڈیو بنانے کے لیے یہ مزاحیہ انداز اختیار کیا تھا’مجھے ’پارٹی‘ کہنا آتا ہے اور مجھے پتا ہے کہ یہ ’پارری‘ نہیں پارٹی ہوتا ہے’میں نے تو صرف آپ سب (میرے انسٹاگرام فالوور) کو ہنسانے کے لیے ایسا کیا۔
19 سالہ دینانیر نے کہا کہ جب میں نے ویڈیو اپ لوڈ کی تھی تو مجھے خود اندازہ نہیں تھا یہ اتنی زیادہ وائرل ہوجائے گی، میرے ویڈیو بنانے کے پیچھے صرف یہ نیت تھی کہ جو بھی اس کو دیکھے بس انجوائے کرے۔
انہوں نے کہا کہ پاکستان کے کونے کونے سے ویڈیو پر میمز بن رہی ہیں جس پر مجھے بہت خوشی ہورہی ہے کہ ہماری قوم میں کتنا ٹیلنٹ چھپا ہوا ہے اور مجھے لوگوں کی تخلیق پر بہت مزہ آرہا ہے جب کہ صرف پاکستان میں نہیں بلکہ بیرون ملک سے بھی کچھ ویڈیوز بنائی گئی ہیں۔
دینا نیر نے کہا کہ میں عجیب و غریب تبصرے اور احمقانہ قسم کے مذاق کرتی رہتی ہوں اور میں جن لوگوں کے ساتھ کمفرٹیبل ہوتی ہوں، ان کے ساتھ میری ’یہی وائب‘ (ایسا ہی انداز) ہوتی ہے ’میں ان کے ساتھ بالکل جوکر کی طرح ہوتی ہوں اب مجھے پتا چلا ہے کہ لوگوں کو میری شخصیت کی یہ سائیڈ زیادہ پسند ہے، لہذا مستقبل میں کوشش کروں گی کہ اپنے انسٹاگرام اور یوٹیوب پر یہی سائیڈ زیادہ دکھاؤں۔
ایک سوال کے جواب میں انہوں نے کہا کہ خاص طورپر شوبز شخصیات کی جانب سے بنائی گئی میمز پر میری ماں کا خوشی کا ٹھکانہ نہیں تھا اور وہ اس کو بہت انجوائے کررہی ہیں۔
انہوں نے مزید کہا کہ اس وقت ہرجگہ ایک ٹینشن والا ماحول میں ایسے میں اس ویڈیو کو لوگ انجوائے کررہے ہیں تو مجھے اچھا لگ رہا ہے تو میں مستقبل میں بھی اپنی یہ کوشش جاری رکھوں گی۔
واضح رہے کہ چند روز قبل سوشل میڈیا پر ’’دینانیر‘‘ نامی انسٹاگرام پر ایک ویڈیو اپ لوڈ ہوئی جو چند گھنٹوں میں ہی وائرل ہوگئی اور بعد ازاں پاکستان سمیت دنیابھر سے اس پر میمز بننے کا سلسلہ شروع ہوا جو اب تک جاری ہے-
ویڈیو کو نہ صرف پاکستان بلکہ سرحد پار سمیت شہرت حاصل ہوئی اور نہ صرف عام لوگ بلکہ معروف شخصیات بھی میمز اور ویڈیوز بنا کر لطف اندوز ہو رہے ہیں تاہم ویڈیو کی مقبولیت کا اندازہ اس بات سے لگایا جا سکتا ہے کہ نہ صرف پاکستان میں بھی ٹاپ ٹرینڈ پر ہے بلکہ بھارت میں بھی ’پاووری ہورہی ہے‘ ٹوئٹر پر ٹاپ ٹرینڈ کر رہا ہے-
سوشل میڈیا پر ’پاوری ہورہی ہے‘ اس قدر مقبول ہو رہا ہے کہ اس پر شوبز اور کرکٹ کی معروف شخصیات سمیت عوام بھی ویڈٰوز اور میمز بنا کر شئیر کر رہے ہیں یہاں تک کہ ’پاوری ہورہی ہے‘ ٹوئٹر پر ٹاپ ٹرینڈ کر رہا ہے-
باغی ٹی وی :چند روز قبل سوشل میڈیا پر ’’دینانیر‘‘ نامی انسٹاگرام پر ایک ویڈیو اپ لوڈ ہوئی جو چند گھنٹوں میں ہی وائرل ہوگئی اور بعد ازاں پاکستان سمیت دنیابھر سے اس پر میمز بننے کا سلسلہ شروع ہوا جو اب تک جاری ہے-
ویڈیو کو نہ صرف پاکستان بلکہ سرحد پار سمیت شہرت حاصل ہوئی اور نہ صرف عام لوگ بلکہ معروف شخصیات بھی میمز اور ویڈیوز بنا کر لطف اندوز ہو رہے ہیں تاہم ویڈیو کی مقبولیت کا اندازہ اس بات سے لگایا جا سکتا ہے کہ نہ صرف پاکستان میں بھی ٹاپ ٹرینڈ پر ہے بلکہ بھارت میں بھی ’پاووری ہورہی ہے‘ ٹوئٹر پر ٹاپ ٹرینڈ کر رہا ہے-
https://twitter.com/rj_vijdan/status/1361003396241629185?s=19
اس ٹرینڈ میں حصہ لیتے ہوئے پاکستان کے کرکٹر ز نے بھی ایک ویڈیو شئیر کی جس میں پاکستان کرکٹر ٹیم حسن کہہ رہے ہیں کہ یہ میری ٹیم ہے اور ہم سیریز کا پاوری کر رہے ہیں-
