پاکستان کی معروف اداکارہ ریما خان کوعدنان صدیقی اور ہمایوں سعید کے ساتھ ترکی میں ‘تکدن فلمز‘ کی ٹیم کے ساتھ خصوصی ملاقات میں اداکارہ ریما خان کو بھی دیکھا گیا جس کے بعد چہ مگوئیاں ہیں کہ ممکنہ طور پر وہ بھی ’ترک لالا‘ کا حصہ ہوں گی۔

باغی ٹی وی : ترک پروڈکشن ہاؤس ’تکدن فلمز‘ اور پاکستانی فلم ہاؤس ’انصاری فلمز‘ نے نومبر 2020 میں مشترکہ پروڈکشن کے تحت ڈراما بنانے سے متعلق معاہدہ کیا تھا اور بعد ازاں ’تکدن فلمز‘ کے سربراہ کمال تکدن جنوری 2021 میں وفد کے ہمراہ اسی سلسلے میں پاکستان بھی آئے تھے اور انہوں نے وزیر اعظم پاکستان اور صدر پاکستان سے ملاقاتیں بھی کی تھیں۔

بعد ازاں اداکار ہمایوں سعید اور عدنان صدیقی نے تصدیق کی تھی کہ ’تکدن فلمز‘ اور ’انصاری فلمز‘ کے درمیان مشترکہ طور پر ’ترک لالا‘ نامی ڈراما بنانے سے متعلق معاہدہ ہوا ہے، جس کا پہلا سیزن 2023 تک ریلیز کیا جائے گا۔

تاہم اب اداکارہ ریما خان امریکا میں مقیم ہیں اور وہ ’تکدن فلمز‘ کی ٹیم اور ہمایوں سعید و عدنان صدیقی کے ساتھ ہونے والی خصوصی میٹنگ کے لیے تین دن قبل ہی امریکا سے ترکی پہنچی تھیں عدنان صدیقی اور ہمایوں سعید کے ساتھ ترکی میں ‘تکدن فلمز‘ کی ٹیم کے ساتھ خصوصی ملاقات میں اداکارہ ریما خان کو بھی دیکھا گیا، جس کے بعد چہ مگوئیاں ہیں کہ ممکنہ طور پر وہ بھی ’ترک لالا‘ کا حصہ ہوں گی۔

ریما خان نے انسٹاگرام پر ترکی پہنچنے ’تکدن فلمز‘ کی ٹیم سے خصوصی ملاقاتوں اور ہمایوں سعید و عدنان صدیقی کے ہمراہ ترکی کی مختلف تاریخی جگہوں کی سیر کی تصاویر و ویڈیوز شیئر کیں۔

اگرچہ اپنی تصاویر و ویڈیوز میں ریما خان نے یہ واضح نہیں کیا کہ وہ ترکی کیوں پہنچی ہیں اور وہ کس کام کے سلسلے میں ’تکدن فلمز‘ کی ٹیم سے ہمایوں سعید و عدنان صدیقی کے ہمراہ ملاقاتیں کر رہی ہیں۔

تاہم عدنان صدیقی و ہمایوں سعید کی موجودگی میں ریما خان کی ’تکدن فلمز‘ کی ٹیم سے ملاقاتوں سے عندیہ ملتا ہے کہ وہ بھی ’ترک لالا‘ کا حصہ ہوں گی۔

ریما خان نے استنبول میں ’ترک لالا‘ کے مزار پر حاضری دینے کے وقت کی مختصر ویڈیو بھی شیئر کی، جس میں انہوں نے ان کی زندگی پر بنائے جانے والے ڈرامے پر بات کی اور کہا کہ یقینا مذکورہ ڈرامے سے دونوں ممالک کے لوگوں کو تاریخ کو جاننے کا موقع ملے گا۔

ریما خان کی جانب سے ’ترک لالا‘ کی مزار پر دیگر ارکان کے ہمراہ حاضری، ان کی جانب سے ’ترک لالا‘ ڈرامے پر بات کیے جانے اور ان کی ’تکدن فلمز‘ ٹیم اور عدنان صدیقی و ہمایوں سعید سے ملاقاتوں سے معلوم ہوتا ہے کہ وہ بھی ’ترک لالا‘ کا حصہ ہوں گی تاہم اس حوالے سے تصدیقی طور پر کچھ نہیں کہا جا سکتا۔

دل دل پاکستان جان جان ترکی، ریما خان اور جلال ال کی دلچسپ ویڈیو وائرل

ارطغرل غازی کی روشنی خاتون رشتہ ازدواج میں منسلک

نیلم منیر اور احسن خان کی سوشل میڈیا پر دلچسپ ویڈیو وائرل

امریکا میں غلط کار پارکنگ پر فہد مصطفیٰ کو تنقید کا سامنا

بالی وڈ سلطان سلمان خان کے بارے میں مشہور ہے کہ فلموں کو بیچنے کے لیے سلمان خان کا نام ہی کافی ہے تاہم اگر ان کی کوئی فلم فلاپ بھی ہوتی ہے تو 100 کروڑ سے زائد کا بزنس لازمی کرتی ہے جس کی مثال ان کی 2017 میں ریلیز ہونے والی فلم ’ٹیوب لائٹ‘ تھی جسے باکس آفس پر فلاپ قرار دیا گیا تھا لیکن اس کے باوجود فلم کی اب تک کی کمائی 211 کروڑ ہے۔

باغی ٹی وی : ضروری نہیں کہ ہر سپر ہٹ فلم میں سلمان خان شامل ہوں بھارتی میڈیا رپورٹس کے مطا بق انہوں نے اپنے کیریئر میں کئی ایسی فلمیں ٹھکرائی ہیں جو بلاک بسٹر ثابت ہوئیں اور مداح ان فلموں کو آج تک نہیں بھلا پائے-آئیے دیکھتے ہیں سلمان خان کی جانب سے ٹھکرائی جانے والی سپر ہٹ فلمیں کون کون سی ہیں۔

بازیگر : 1993 میں ریلیز ہوئی فلم ’بازیگر‘ نے شاہ رخ خان کے کیریئر کو نہ صرف آسمانوں تک وسعت دی بلکہ انہیں بالی ووڈ میں منفرد پہچان دلائی۔ فلم ’بازیگر‘ میں شاہ رخ خان نے ہیرو کے بجائے منفی کردار کے ذریعے لوگوں کے دل جیتے اور یہ فلم کے ان کے شاندار کیریئر میں بہت اہم ثابت ہوئی۔

اداکار شاہ رخ خان سے پہلے یہ فلم سلمان خان کو آفر ہوئی تھی لیکن انہوں نے اس فلم میں اس لئے کام کرنے سے انکار کر دیا تھا کیونکہ انہیں لگتا تھا کہ اس وقت منفی کردار کرنا ان کے کیریئر کے لیے خطرناک ثابت ہوسکتا تھا۔

دل والے دلہنیا لے جائیں گے:1995 میں ریلیز ہوئی فلم ’دل والے دلہنیا لے جائیں گے‘ بھارتی سینما کی بلاک بسٹر فلم ہے جو آج تک تھیٹر میں دکھائی جارہی ہے اس فلم میں شاہ رخ خان اور کاجول نے مرکزی کردار ادا کیے تھے۔

بھارتی میڈیا کی رپورٹ کے مطابق فلم کے ہدایت کار آدیتیہ چوپڑا اس فلم میں سیف علی خان یا پھر سلمان خان کو مرکزی کردار کے لیے کاسٹ کرنا چاہتے تھے۔ تاہم ان دونوں اسٹارز نے فلم میں کام کرنے سے انکار کر دیا تھا اور اس طرح ’راج‘ کا مقبول ترین کردار شاہ رخ خان کے حصے میں آیا۔

کل ہو نہ ہو: شاہ رخ خان، سیف علی خان اور پریتی زنٹا کی 2003 میں ریلیز ہوئی سپر ہٹ فلم ’کل ہو ناہو‘ بھی کافی سُپر ہٹ رہی بھارتی میڈیا کے مطابق اس فلم میں سیف علی خان والا کردار پہلے سلمان خان کو آفر ہوا تھا۔ تاہم سلمان خان نے اس کردار کو اس لیے ٹھکرادیا کیونکہ وہ شاہ رخ خان کے مقابل ثانوی کردار ادا نہیں کرنا چاہتے تھے تاہم بعد میں یہ کردار سیف علی خان نے نبھایا-

چک دے انڈیا : 2007 میں ریلیز ہوئی فلم ’چک دے انڈیا‘ شاہ رخ خان کے کیریئر کی یادگار فلم ہے جس میں کنگ خان نے ہاکی کوچ کا کردار اتنے بہترین انداز میں نبھایا ہے کہ ایسا لگتا ہے یہ کردار بنا ہی ان کے لیے تھا۔ لیکن شاہ رخ سے قبل کبیرخان کے کردار کی سلمان خان کو پیشکش ہوئی تھی تاہم سلمان خان مصروفیت کے باعث اس کردار کو نہ کرسکے اور اس طرح یہ فلم بھی شاہ رخ خان کے حصے میں آگئی۔

جوش: 2000 میں ریلیز ہوئی فلم ’جوش‘ میں مرکزی کردار شاہ رخ خان نے ادا کیا تھا اور ایشوریا رائے نے ان کی بہن کا کردار ادا کیا تھا۔ شاہ رخ خان سے پہلے یہ فلم بھی سلمان خان کو آفر ہوئی تھی لیکن مصروفیت کی وجہ سے وہ یہ فلم بھی نہ کرسکے۔

گجنی: فلم ’گجنی‘ 2008 کی بلاک بسٹر فلم تھی اس میں عامر خان نے سنجے سنگھانیا کا مرکزی کردار ادا کیا تھا۔ یہ بات بہت کم لوگ جانتے ہیں کہ عامر خان نے یہ فلم کرنے سے قبل سنجے سنگھانیا کے کردار کے لیے سلمان خان کا نام تجویز کیا تھا۔ لیکن سلمان خان نے اس فلم کو کرنے سے انکار کردیا تھا۔

زیرو: شاہ رخ خان کی 2018 میں ریلیز ہوئی فلم ’زیرو‘ باکس آفس پر زیادہ کامیاب نہیں ہوسکی تھی تاہم ایک پریس کانفرنس کے دوران شاہ رخ خان نے انکشاف کیا تھا کہ فلم کی آفر پہلے سلمان خان کو ہوئی تھی لیکن وہ ایک ایسے شخص کا کردار ادا نہیں کرنا چاہتے تھے جو جسمانی طور پر فٹ نہ ہو تاہم انہوں نے یہ فلم بھی ٹھکرا دی-

واضح رہے کہ حال ہی میں سلمان خان نے ایک اور فلم کی پیشکش ٹھکرا دی ہے میڈیا میں خبریں گردش میں تھیں کہ سلمان خان ہدایت کار سنجے لیلا بھنسالی کی فلم ’’انشااللہ‘‘ میں مرکزی کردار ادا کریں گے۔ اس فلم کا باقاعدہ اعلان بھی کردیا گیا تھا۔ لیکن پھر خبریں آئیں کہ سلمان خان اور سنجے لیلا بھنسالی کا کسی بات پر جھگڑا ہوگیا ہے اور بات اس حد تک بڑھ گئی کہ سلمان خان نے یہ فلم کرنے سے ہی انکار کردیا۔ اس فلم میں عالیہ بھٹ سلمان خان کے ساتھ مرکزی کردار ادا کرنے والی تھیں تاہم خبریں ہیں کہ اس فلم کے لئے شاہ رخ خان کو کاسٹ کیا جائے گا-

سلمان خان نے فلم ’ انشاء اللہ ‘ میں کام کرنے سے انکار کیوں کیا؟

سلمان خان بگ باس کے اگلے سیزن کی میزبانی کا کتنا معا وضہ لیں گے؟

سلمان خان نے2003 میں جعلی حلف نامہ پیش کرنے پر عدالت سے معذرت کرلی

سلمان خان ٹائیگر سیریز کے تیسرے سیکوئیل کی شوٹنگ ترکی میں کریں گے

سلمان خان راکھی ساونت پر برہم، شو سے نکل جانے کا کہہ دیا

تحفظ کے لئے سلمان خان سے شادی کرنا چاہتی تھی، پاکستانی نژاد سابق بالی وڈ اداکارہ سومی علی

سلمان خان کا دوست کو شادی کی سالگرہ کی مبارکباد دینے کا منفرد انداز

سلمان خان بھی بھارتی کسانوں کے احتجاج پر بول پڑے