پاکستان شوبز انڈسٹری کی لیجنڈ ری اور سینئر اداکارہ بشریٰ انصاری کا کہنا ہے کہ اداکارہ ماہ نور بلوچ انہیں بہت غصہ آتا ہے کہ جب لوگ ان کی عمر کو خوبصورتی سے جوڑتے ہیں اور اداکارہ ماہ نور بلوچ کی عمر کی باتیں کرتے ہیں۔

باغی ٹی وی : ایک شو میں شرکت کے دوران میزبان نے بشریٰ انصاری سے ماہ نور بلوچ کے حوالے سے سوال کیا بشریٰ انصاری نے جواب دیتے ہوئے کہا کہ انہیں بہت غصہ آتا ہے کہ جب لوگ ان کی عمر کو خوبصورتی سے جوڑتے ہیں اور اداکارہ ماہ نور بلوچ کی عمر کی باتیں کرتے ہیں۔

بشریٰ انصاری نے کہا کہ ماہ نور بلوچ کی عمر کے بارے میں جو لوگ باتیں کرتے ہیں اس پر انہیں بہت غصہ آتا ہے، اس کی اتنی زیادہ عمر نہیں ہے لیکن لوگوں نے اسے ’ہوّا‘ بنا دیا ہے۔

بشریٰ انصاری نے ساتھ ہی انکشاف بھی کیا کہ ماہ نور بلوچ کی شادی 16 سال کی عمر میں ہوگئی تھی اسی لیے وہ نانی جلدی بن گئی لیکن ماہ نور بلوچ بہت پیاری ہیں اور عمر رسیدہ تو بالکل بھی نہیں ہیں۔

خیال رہے کہ پاکستان کی خوبرو اداکارہ ماہ نور بلوچ نے گزشتہ برس اپنی 50ویں ساگرہ منائی تھی ماہ نور بلوچ 14 جولائی 1970 کو بلوچستان میں پیدا ہوئیں، انہوں نے 1993 میں صرف 23 سال کی عمر میں بطور ماڈل اپنے شوبز کریئر کا آغاز کیا اور خوبصورتی کی وجہ سے جلد ہی ڈراموں میں بھی نظر آئیں۔

پاکستانی معروف کامیڈین فنکار کاشف خان کی صاحبزادی اور سوشل میڈیا اسٹار ربیکا خان نے سوشل میڈیا پر ایک اور بڑا اعزاز اپنے نام کر لیا-

باغی ٹی وی : ربیکا خان ٹک ٹاک کے بعد یوٹیوب پت بھی چھا گئی ہیں ربیکا خان کے یوٹیوب چینل پر سبسکرائبرز کی تعداد پانچ لاکھ ہوگئی ہے جس کے بعد وہ ٹک ٹاک کے بعد یوٹیوب کی دُنیا میں بھی اپنی مقبولیت کے جھنڈے گاڑنے میں کامیاب ہوگئی ہیں۔

اس حوالے سے ربیکا خان نے اپنے آفیشل انسٹاگرام اکاؤنٹ پر اپنی کچھ نئی تصویریں شیئر کیں جن میں وہ پاکستان کے برفیلے علاقے میں موجود ہیں۔

ربیکا خان نے اپنی تصاویر کے کیپشن میں لکھا کہ الحمداللہ! میرے یوٹیوب چینل کو پانچ لاکھ صارفین نے سبسکرائب کرلیا ہے۔

اُنہوں نے اپنے مداحوں کاشکریہ ادا کرتے ہوئے لکھا کہ مجھے پیار دینے اور سپورٹ کرنے کے لیے آپ سب کا بہت شکریہ میں اپنے تمام چاہنے والوں سے بہت محبت کرتی ہوں، مجھے اسی طرح سپورٹ کرتے رہیں۔

واضح رہے کہ ربیکا خان کا 23 فروری کا پہلا گانا ’پارٹی والی نائٹ‘ ریلیز کیا گیا گانے نے ریلیز ہوتے ہی مقبولیت کے جھنڈے گاڑ دیے ہیں۔

ربیکا خان نامورمزاحیہ فنکارکاشف خان کی اکلوتی بیٹی ہیں اوروہ ابھی میٹرک کی طالبہ ہیں۔ربیکا خان کے ٹک ٹاک پر 50 لاکھ، انسٹا گرام پر10 لاکھ سے زیادہ فالوورز ہیں اوریوٹیوب پر5 لاکھ سبسکرائبرز ہیں۔

کامیڈین اداکار کاشف خان کی بیٹی اور سوشل میڈیا اسٹار ربیکا خان کا پہلا گانا ریلیز

پاکستان فیشن انڈسٹری کے نامور ڈیزائنر علی ذیشان کے ہاں بیٹے کی پیدائش ہوئی ہے۔

باغی ٹی وی :ڈیزائنرعلی ذیشان نے اپنے تصدیق شدہ انسٹاگرام اکاؤنٹ پر اپنی پوسٹ کے ذریعے دی-

بعد ازاں انہوں نے اپنی اہلیہ اور اپنے نومولود بیٹے کے ہمراہ تصویر شیئر کی۔تصویر میں علی ذیشان نے گود میں اپنے بیٹے کو اُٹھایا ہوا ہے جبکہ وہ اور اُن کی اہلیہ محبت بھری نگاہوں سے اپنے بیٹے کو دیکھ رہے ہیں۔

علی ذیشان نے یہ خوبصورت تصویر شیئر کرتے ہوئے کیپشن میں سورۃ الرحمٰن کی ایک آیت کا انگریزی زبان میں ترجمہ لکھا کہ اور تم اپنے رب کی کون کون سی نعمتوں کو جھٹلاؤ گے-

اُنہوں نے اپنے مداحوں کو خوشخبری سُناتے ہوئے لکھا کہ ’الحمداللہ! اللہ تعالیٰ نے ہمیں بیٹے کی نعمت سے نوازا ہے۔‘

علی ذیشان نے بتایا کہ اُنہوں نے اپنے بیٹے کا نام جان شیر علی رکھا ہے۔

علی ذیشان کی اس پوسٹ پر گلوکار امانت علی اور اداکارہ و صدف کنول نے مبارکباد دی جبکہ مداحوں کی جانب سے مبارکبادوں کا سلسلہ جاری ہے-

واضح رہے کہ علی ذیشان کا شمار پاکستان کے معروف اور شہرت یافتہ ڈیزائنرز میں ہوتا ہے اور رواں سال ہونے والے برائیڈل کیٹور ویک (بی سی ڈبلیو) 2021 کی رنگا رنگ تقریب کے آخری روز علی ذیشان نے اپنی حاملہ اہلیہ کے ہمراہ ریمپ پر واک کی تھی۔

برائیڈل کیٹور ویک 2021: ڈیزائنر علی ذیشان کی حاملہ بیوی کے ساتھ ریمپ واک

پاکستان میوزک انڈسٹری کے عالمی شہرت یافتہ گلوکار شہزاد رائے نے گزشتہ روز بچوں پر جسمانی تشدد کے تدارک کا بل منظور ہونے کو پاکستانی بچوں کے لیے خوشخبری قرار دیا –

باغی ٹی وی : رواں ماہ 23 فروری 2021 کو قومی اسمبلی میں بچوں پر جسمانی تشدد کے تدارک کا بل اکثریت رائے سے منظور کرلیا گیا۔ بچوں پر تشدد پر پابندی کا بل مسلم لیگ (ن) کی رکن اسمبلی مہناز اکبرعزیز نے اسلام آباد میں بچوں کو جسمانی سزا دینے کے خلاف احکام وضع کرنے کا بل پیش کیا جسے ایک شق میں وفاقی وزیر برائے انسانی حقوق شیریں مزاری کی ترمیم کے بعد منظور کیا گیا۔

بل کے متن میں کہا گیا تھا کہ سرکاری و غیر سرکاری، کام کرنے کی جگہ، تعلیمی اداروں، مدارس، ٹیوشن سینٹرز میں بچوں پر جسمانی تشدد کی ممانعت ہو گی۔

تاہم اب اس حوالے سے ایک ویڈیو پیغام میں گلوکار شہزاد رائے نے گزشتہ روز بچوں پر جسمانی تشدد کے تدارک کا بل منظور ہونے کو پاکستانی بچوں کے لیے خوشخبری قرار دیا –

انسٹاگرام پر اپلوڈ کی گئی اپنی ویڈیو کے ذرعیے گلوکار نے بچوں کو آسان الفاظ میں سمجھایا کہ اب ان پر اسکولوں، مدرسوں یا کام کرنے کی جگہوں پر کوئی بھی تشدد نہیں کرسکتا۔

انہوں نے تشدد کرنے کی مثال دیتے ہوئے کہا کہ اب اگر کوئی بچوں کا کان مروڑے، ان کے منہ پر تھپڑ مارے، دھکا دے، جھنجھوڑے یا بچوں کو پکڑ کر بلیک بورڈ پر دے مارے تو اسے بھی جرم تصور کیا جائے گا آئندہ کوئی بھی آپ کے ساتھ ایسے نہیں کر سکتا اور اس شخص کے خلاف قانونی کارروائی ہوگی۔

شہزاد رائے نے قومی اسمبلی میں اس کے حق میں ہونے والے فیصلے کی ویڈیو بھی شئیر کی اور بچوں کو بتایا کہ وہ کس طرح مار پیٹ سے بچ سکتے ہیں-انہوں نے ماں باپ سے بھی درخواست کی کہ وہ اپنے بچوں کو مار پیٹ سے بچائیں کیونکہ مارنے سے نقصان زیادہ ہے اور فائدہ کم ہے-

واضح رہے کہ اس سے قبل قومی اسمبلی کے آفیشل ٹوئٹر اکاؤنٹ پر اسپیکر اسد قیصر کا کہنا تھا کہ بچوں پر جسمانی تشدد کے تدارک کے لیے قانون سازی تاریخی اہمیت کی حامل ہے بچوں پر جسمانی تشدد کے تدارک کے لیے قانون سازی تاریخی اہمیت کی حامل ہے اسکولوں میں بچوں پر جسمانی سزاؤں کے تدارک کے لیے قانون سازی ناگزیر تھی۔

اسپیکر اسد قیصر کا کہنا تھا کہ جسمانی سزاؤں سے بچوں کی ذہنی اور جسمانی نشوونما سمیت تعلیمی سرگرمیاں بھی متاثر ہورہی تھیں۔ ساتھ ہی بچوں پر تشدد روکنے کی گلوکار وسماجی کارکن شہزاد رائے کی کاوشوں کو سراہتے ہوئے کہا کہ زندگی ٹرسٹ کے سربراہ شہزاد رائے کی بچوں پر جسمانی تشدد کے تدارک کے لیے کوششیں قابل ستائش ہیں۔

خیال رہے کہ گزشتہ برس گلوکار شہزاد رائے نے اسلام آباد ہائی کورٹ میں بچوں پر تشدد اور جسمانی سزا پر پابندی کے حوالے سے درخواست دائر کی تھی عدالت نے وفاقی دارالحکومت میں بچوں پر تشدد پر پابندی لگادی تھی۔

عدالتی فیصلے کے بعد شہزاد رائے کا کہنا تھا کہ بچوں پر تشدد کے خاتمے سے متعلق بل قومی اسمبلی میں پیش کیا جائے گا اور اس حوالے سے قانون جلد آئے گا۔ (یہی بل دو روز قبل قومی اسمبلی میں منظور کیا گیا ہے)۔

شہزاد رائے کا مزید کہنا تھا کہ جسمانی سزا ہماری ذہنیت ہے، بچوں پر مار پیٹ اسلامی تعلیمات کےخلاف ہے، ہم نے عالمی معاہدے پر دستخط کئے ہیں، بچوں کو جسمانی سزا دینے والے سیکشن 89 کا سہارا لیتے ہیں کہ اچھی نیت سے مارا۔

سیکشن 89 کہتی ہے بچوں کا گارجین(سرپرست) اچھی نیت کے ساتھ تشدد کی اجازت دے سکتا ہے، والدین یا بچوں کے گارجین کو بھی کیسے حق ہے کہ وہ تشدد کی اجازت دیں۔

شہزاد رائے کی بچوں پر جسمانی تشدد کے تدارک کے لیے کوششیں قابل ستائش ہیں اسپیکر قومی اسمبلی اسد قیصر

اسپیکر قومی اسمبلی اسد قیصر نے بچوں پر جسمانی تشدد روکنے کے لئے گلوکار و سماجی کارکن شہزاد رائے کی کوششوں کی تعریف کرتے ہوئے کہنا ہے کہ شہزاد رائے کی بچوں پر جسمانی تشدد کے تدارک کے لیے کوششیں قابل ستائش ہیں۔

باغی ٹی وی :رواں ماہ 23 فروری 2021 کو قومی اسمبلی میں بچوں پر جسمانی تشدد کے تدارک کا بل اکثریت رائے سے منظور کرلیا گیا۔ قومی اسمبلی کے آفیشل ٹوئٹر اکاؤنٹ پر اسپیکر اسد قیصر نے کہا کہ بچوں پر جسمانی تشدد کے تدارک کے لیے قانون سازی تاریخی اہمیت کی حامل ہے

قومی اسمبلی میں بچوں پر جسمانی تشدد کے تدارک بل اکثریت رائے سے منظور کر لیا گیا۔
اسپیکر اسد قیصر نے کہا کہ بچوں پر جسمانی تشدد کے تدارک کے لیے قانون سازی تاریخی اہمیت کی حامل ہے،
انہوں نے کہا کہ سکولوں میں بچوں پر جسمانی سزاؤں کے تدارک کے لیے قانون سازی ناگزیر تھی@AsadQaiserPTI

— National Assembly 🇵🇰 (@NAofPakistan) February 23, 2021

انہوں نے مزید کہا بچوں پر جسمانی تشدد کے تدارک کے لیے قانون سازی تاریخی اہمیت کی حامل ہے اسکولوں میں بچوں پر جسمانی سزاؤں کے تدارک کے لیے قانون سازی ناگزیر تھی۔

جسمانی سزاؤں سے بچوں کی ذہنی اور جسمانی نشونما سمیت تعلیمی سرگرمیاں بھی متاثر ہو رہی تھیں، اسد قیصر 
اسپیکر کا کہنا تھا کہ معروف گلوکار و سماجی کارکن اور زندگی ٹرسٹ کے سربراہ شہزاد رائے کی بچوں پر جسمانی تشدد کے تدارک کے لیے کوششیں قابل ستائش ہیں@ShehzadRoy#corporalpunishment

— National Assembly 🇵🇰 (@NAofPakistan) February 23, 2021

اسپیکر قومی اسمبلی اسد قیصر نے اپنے ٹوئٹ میں کہا کہ جسمانی سزاؤں سے بچوں کی ذہنی اور جسمانی نشوونما سمیت تعلیمی سرگرمیاں بھی متاثر ہورہی تھیں۔

اسپیکر قومی اسمبلی نے بچوں پر تشدد روکنے کی گلوکار وسماجی کارکن شہزاد رائے کی کاوشوں کو سراہتے ہوئے کہا کہ کہ زندگی ٹرسٹ کے سربراہ شہزاد رائے کی بچوں پر جسمانی تشدد کے تدارک کے لیے کوششیں قابل ستائش ہیں۔

خیال رہے کہ بچوں پر تشدد پر پابندی کا بل مسلم لیگ (ن) کی رکن اسمبلی مہناز اکبرعزیز نے اسلام آباد میں بچوں کو جسمانی سزا دینے کے خلاف احکام وضع کرنے کا بل پیش کیا جسے ایک شق میں وفاقی وزیر برائے انسانی حقوق شیریں مزاری کی ترمیم کے بعد منظور کیا گیا۔

بل کے متن میں کہا گیا تھا کہ سرکاری و غیر سرکاری، کام کرنے کی جگہ، تعلیمی اداروں، مدارس، ٹیوشن سینٹرز میں بچوں پر جسمانی تشدد کی ممانعت ہو گی۔

واضح رہے کہ گزشتہ برس گلوکار شہزاد رائے نے اسلام آباد ہائی کورٹ میں بچوں پر تشدد اور جسمانی سزا پر پابندی کے حوالے سے درخواست دائر کی تھی عدالت نے وفاقی دارالحکومت میں بچوں پر تشدد پر پابندی لگادی تھی۔

عدالتی فیصلے کے بعد شہزاد رائے کا کہنا تھا کہ بچوں پر تشدد کے خاتمے سے متعلق بل قومی اسمبلی میں پیش کیا جائے گا اور اس حوالے سے قانون جلد آئے گا۔ (یہی بل دو روز قبل قومی اسمبلی میں منظور کیا گیا ہے)۔

شہزاد رائے کا مزید کہنا تھا کہ جسمانی سزا ہماری ذہنیت ہے، بچوں پر مار پیٹ اسلامی تعلیمات کےخلاف ہے، ہم نے عالمی معاہدے پر دستخط کئے ہیں، بچوں کو جسمانی سزا دینے والے سیکشن 89 کا سہارا لیتے ہیں کہ اچھی نیت سے مارا۔

سیکشن 89 کہتی ہے بچوں کا گارجین(سرپرست) اچھی نیت کے ساتھ تشدد کی اجازت دے سکتا ہے، والدین یا بچوں کے گارجین کو بھی کیسے حق ہے کہ وہ تشدد کی اجازت دیں۔

پاکستان شوبز انڈسٹری کے نامور اداکار یاسر حسین کا کہنا ہے کہ شوبز انڈسٹری میں اقربا پروری موجود ہے اور بعض اداکاروں کو کئی سال تک کام کرنے کے باوجود اچھے منصوبے نہیں ملتے اور سینئر اداکاروں کو ہی مرکزی کرداروں میں کاسٹ کیا جاتا ہے۔

باغی ٹی وی : حال ہی میں اداکار یاسر حسین نے میزبان و اداکار واسع چوہدری کے شو ’گھبرانا نہیں ہے‘میں شرکت کی جہاں انہوں نے میزبا کے دلچسپ سوالات کے جوابات دیئے-

دوران شو میزبان کی جانب سے پوچھے گئے ایک سوال کے جواب میں یاسر حسین نے کہا کہ ماضی میں ان کا بھی یہی خیال تھا کہ جب ایک ڈاکٹر کا بیٹا ڈاکٹر بن سکتا ہے تو اداکار کا بیٹا اداکار کیوں نہیں؟

یاسر حسین نے کہا کہ پھر انہیں کسی نے سمجھایا کہ ڈاکٹر کے بیٹے کو ڈاکٹر بننے کے لیے ایم بی بی ایس کی ڈگری درکار ہوتی ہے جب کہ اداکار کے بیٹے کو اداکار بننے کے لیے بس تھوڑا سا اچھے طریقے سے بولنے کی ضرورت ہوتی ہے۔

یاسر حسین کے خیال میں شوبز انڈسٹری میں اچھا کام کرنے والے بعض اداکاروں کو کافی عرصے تک اچھے منصوبے نہیں ملتے اور سینئر اداکاروں کو ہی مرکزی کرداروں میں کاسٹ کیا جاتا ہے گوہر رشید، عمران اشرف اور علی عباس جیسے اداکار کافی عرصے سے کام کر رہے ہیں مگر انہیں اب جاکر اچھے منصوبے مل رہے ہیں۔

یاسر حسین نے بتایا کہ بڑے اداکاروں کو لیڈ رول دے کر، اچھا کام کرنے والے چھوٹے اداکاروں کو سیکنڈ لیڈ رول دے کر انہیں پیچھے دھکیل دیا جاتا ہے۔

یاسر حسین نے بتایا کہ اقرا عزیز کو ایوارڈ شو میں شادی کی پیش کش کرنے سے قبل صرف اور صرف فریحہ الطاف اور فیفی ہارون کو ہی اس بات کا علم تھا اور انہیں فریحہ الطاف نے پہلے ڈرایا بھی کہ اگر اقرا عزیز نے انکار کیا تو کیا کروگے؟

شو کے دوران یاسر حسین نے یہ بھی تصدیق کی کہ ان کا ٹوئٹر اور فیس بک پر کوئی اکاؤنٹ نہیں ہے، ان کا صرف انسٹاگرام پر اکاؤنٹ ہے یاسر حسین کے مطابق انہیں ٹوئٹر چلانا نہیں آتا، کیوں کہ ٹوئٹر چلاتے ہوئے انہیں بوریت محسوس ہوتی ہے۔

انہوں نے انکشاف کیا کہ انسٹاگرام پر وہ صرف ان ہی شوبز شخصیات کو فالو کرتے ہیں، جو انہیں بھی فولو کرتے ہیں تاہم کچھ ایسی شخصیات بھی ہیں، جو انہیں فالو نہیں کرتیں مگر وہ انہیں فالو کرتے ہیں۔

انہوں نے بتایا کہ حال ہی میں اداکارہ زارا نور عباس نے انہیں ان فالو کیا اور بدلے میں انہوں نے بھی انہیں ان فالو کردیا۔

یاسر حسین کا کہنا تھا کہ وہ ہر سماجی مسئلے پر سوشل میڈیا پر بات نہیں کرتے، وہ صرف ان مسائل یا موضوعات پر بات کرتے ہیں، جن کا انہیں اچھی طرح سے علم ہوتا ہے۔

’ارطغرل غازی‘ پر تنقید کے حوالے سے پوچھے گئے سوال کے جواب میں یاسر حسین نے واضح کیا کہ وہ ترک ڈرامے کے خلاف نہیں ہیں بلکہ ان کا غصہ پاکستان ٹیلی وژن (پی ٹی وی) پر ہے۔

انہوں نے سوال اٹھایا کہ پی ٹی وی پاکستان کے سینئر اداکاروں و ہدایت کاروں کے ساتھ خود اپنا ‘ارطغرل غازی‘ کیوں نہیں بناتی؟ کیوںکہ مذکورہ ڈراما اسلامی کہانی پر مبنی ہے اور اس پر پاکستانی لوگ اچھا ڈراما بنا سکتے ہیں اور پھر اسے پوری دنیا میں بھیج بھی سکتے ہیں۔

اقرا عزیز اور یاسر حسین کی شادی پر کون سے فنکار بن بلائے پہنچے؟