Category: شوبز

پاکستان فلم انڈسٹری کی معروف اداکارہ میرا نے مداحوں کے ساتھ کاسمیٹک سرجریز سے متعلق ایک اہم پیغام شیئر کیا ہے۔

باغی ٹی وی : حال ہی میں میرا جی کی جانب سےفوٹو اینڈ ویڈیو ایپلیکیشن انسٹاگرام پر چمکتا دمکتا جامنی رنگ کا مغربی لباس زیب تن کیے اپنی تصویر شئیر کی-

تصویر شئیر کرتے ہوئے کیپشن میں خود کو خوبصورت اور جوان کہتے ہوئے لکھتی ہیں کہ مجھے اپنے چہرے پر موجود جھریوں سے محبت ہے کیونکہ یہ میرے لیے فیشن ہے۔

میرا کے مطابق یہی جھریاں وہ اظہار ہے جس کی وجہ سے وہ سرجری پر یقین نہیں رکھتیں کیونکہ وہ اپنے چہرے پر موجود انہیں جھریوں پر یقین رکھتی ہیں ۔

معروف اداکارہ میرا جی اپنی منفرد اداؤں اور گلابی انگریزی کے سبب مداحوں کی توجہ کا مرکز بنی رہتی ہیں اور اس بار بھی میرا جی اپنی انگریزی کی وجہ سے ہی مداحوں کے نشانے پر آگئیں۔

پوسٹ میں میرا نے ایک بار پھر انگلش کے لفظ (young)کی اسپیلنگ میں گڑبڑ کرتے ہوئے (yang )لکھ دیا جس کے باعث میرا کے مداح ایک بار پھر ان کی گلابی انگلش سے محظوظ ہوتے ہوئے ان پر تنقید کر رہے ہیں۔

اداکارہ پر تنقید کرتے ہوئے ایک صارف کا کہنا تھا کہ جو زیادہ جوان (young) ہو اسے (Yang ) بولتے ہیں، ایک نیا لفظ میرا کی جانب سے دریافت کرلیا گیا ہے جو کہ کوریا کا لگتا ہے۔

ایک صارف کا کہنا تھا کہ 50 سال کی عمر (young )نہیں ہوتی۔جبکہ ایک صارف نے حیرانی کا اظہار کرتے ہوئے کہا کہ انہوں نے بھارتی اداکار انیل کپور کو ٹیگ کیوں کیا-

انگریزی بولوں تو گڑبڑ ہو ہی جاتی ہے اداکارہ میرا کا اعتراف

پاکستان کی معروف ماڈل و اداکارہ ایمن خان کا سوشل میڈیا ایپلیکیشن انسٹاگرام پر فالوورز خریدنے کے الزام پرردعمل سامنے آیا ہے۔

باغی ٹی وی : اداکارہ ایمن خان انسٹاگرام پر سب سے زیادہ فالوورز رکھنے والی پاکستانی اداکاراؤں میں دوسرے نمبر پر ہیں۔ ان کے انسٹاگرام پر 8 ملین یعنی 80 لاکھ فالوورز ہیں جب کہ ان سے آگے اداکارہ عائزہ خان ہیں جن کے انسٹا گرام پر 8.1 ملین یعنی 81 لاکھ فالوورز ہیں۔

تاہم سوشل میڈیا صارفین کا خیال ہے کہ ایمن خان نے شوبز انڈسٹری میں کوئی خاص قابل ذکر کام نہیں کیا جس کی وجہ سے وہ برسوں تک یاد رکھی جائیں اور شادی کے بعد سے تو وہ کسی پراجیکٹ یا ڈرامے میں بھی نظر نہیں آئیں تو آخر ان کے فالوورز کی تعداد کیسے بڑھ رہی ہے؟ یقیناً انہوں نے پیسے دے کر فالورز خریدے ہیں۔

حال ہی میں ایمن خان اپنے شوہر اور ادکار و ماڈل منیب بٹ کے ساتھ ’ٹائم آؤٹ ود احسن خان‘ شو میں شریک ہوئیں جہاں شو کے میزبان احسن خان نے ان سے انسٹاگرام فالوورز کے آرگینک ہونے کے بارے میں سوال پوچھا۔

احسن خان کے سوال پر ایمن خان نے جواب دیا میرے انسٹاگرام فالوورز 100 فیصد آرگینک ہیں مجھے نہیں معلوم لوگ اس بارے میں سوال کیوں پوچھتے ہیں۔

ایمن خان نے مزید کہا میں نے انسٹاگرام اس وقت جوائن کیا جب بہت کم لوگ اس ایپ پر موجود تھے۔ اور میرے فالوورز آہستہ آہستہ بڑھتے گئے۔

اداکارہ نے کہا کہ میں نے کبھی منصوبہ بندی کے ساتھ انسٹا پر کوئی کونٹینٹ نہیں ڈالا ایک وقت تھا جب میرے پاس پوسٹ کرنے کے لیے کوئی تصویر بھی نہیں ہوتی تھی۔ میں اس وقت پوسٹ کرتی ہوں جب میرے پاس پوسٹ کرنے کے لیے کوئی کونٹینٹ ہوتا ہے اور یہ چیز میرے لیے کام کرتی ہے۔

پاکستان شوبز انڈسٹری کی عالمی شہرت یافتہ معروف اداکارہ ماہرہ خان نے اپنے قریبی دوست سالم کریم سے رشتے پر بالآخر خاموشی توڑ ہی دی۔

باغی ٹی وی :اداکارہ ماہرہ خان نے حال ہی میں اداکار و میزبان واسع چوہدری کے شو میں شرکت کی جہاں میزبان نے اُن سے سوال کیا کہ حسن شہریار کے ساتھ آن لائن سیشن شو ہی آپ نے سالم کریم سے رشتے سے متعلق بات کی اور آپ نے حسن شہریار کے شو میں ہی یہ بات کرنے کا انتخاب کیوں کیا۔

میزبان کے سوال پر ماہرہ خان نے جواب دیتے ہوئے کہا کہ سچ کہیں تو میں نے حسن کے شو میں یہ بات کرنے کا فیصلہ نہیں کیا تھا –

ماہرہ نے کہا کہ حتٰی کہ میں نے کسی بھی شو میں اپنی ذاتی زندگی پر بات کرنا نہیں چاہتی۔ انہیں میں نے کہا بھی تھا کہ میں اس موضوع پر بات نہیں کروں گی۔

ماہرہ خان نے یہ بھی کہا کہ میرے متعلق حسن شہریار کو کافی باتوں کا علم ہے اور انہیں وہ بات بھی پتا تھی اسی لیے جب بات سے بات نکلی تو اُن کی زبان سے نام بھی پھسل گیا اور سب کچھ بتا دیا۔ لیکن میں نے اُن کی بات کی تردید نہیں کی اس لیے کہ میں اُن لوگوں میں سے نہیں ہوں جو سچ کو تسلیم کرنے سے انکار کر دیتے ہیں۔

واضح رہے کہ سالم کریم، ماہرہ خان کے قریبی دوست سمجھے جاتے ہیں جبکہ اس سے قبل بھی ماہرہ خان سینئیر اداکارہ اور میزبان ثمینہ پیرزادہ کے شو میں ان سے محبت کا اظہار کر چکی ہیں۔

پاکستان شوبز انڈسٹری کی نامور اداکارہ اقراء عزیز نے شوہر اور اداکار یاسر حسین سے متعلق ایک دلچسپ انکشاف کرکے مداحوں کودنگ کردیا ہے۔

باغی ٹی وی : اقراء عزیز اور یاسر حسین حال ہی میں نجی ٹی وی پر اداکار احسن خان کے شو ٹائم آؤٹ ود احسن خان میں جلوہ گرگئے جہاں انہوں نے اپنے کیرئر اور ذاتی زندگی کے حوالے سے دلچسپ انکشافات کئے-

دوران شو اقراء عزیز سے احسن خان نے یاسر حسین سے متعلق کوئی ایسا واقعہ پوچھا جو ان کے لیے شرمندگی کا باعث بنا؟

احسن خان کے اس سوال کے جواب میں اقراء عزیز نے انکشاف کرتے ہوئے بتایا کہ ایک مرتبہ ہم سب دوست ریسٹورینٹ میں تھے اور گلاس ٹوٹنے کی وجہ سے ریسٹورنٹ انتظامیہ نے ہمیں ریسٹورینٹ سے باہر نکال دیا تھا۔

یاسر حسین نے کہا کہ شرمندگی کا لمحہ وہ تھاجب ہمیں ریسٹورنٹ سے نکال دیا گیا تھا لیکن گلاس میں نے نہیں توڑا تھا –

اقراء نے بتایا کہ کس نے توڑا تھا وہ انکشاف ہو ہی نہیں سکا کہ کس نے گلاس توڑا تھا کیونکہ ہمارے ساتھ ہمارے دوست بھی شامل تھے اور اس پر باقاعدہ ایک کانفرنس بھی ہوئی تھی کہ کس نے توڑا لیکن کسی نے نہیں توڑا تھا کوئی نہیں مانا-

ریسٹورنٹ میں نکالے جانے والوں میں شہزاد شیخ ،صحیفہ جبار ان کے شوہر اور ہم دونوں سب کو نکال دیا-