بھارت کے مقبول و معروف ترین شو’دی کپل شرما شو’ کے میزبان کپل شرما کے گھر بیٹے کی پیدائش ہوئی ہے۔

باغی ٹی وی: بھارتی میڈیا کے مطابق کپل شرما کے ہاں پیر کی صبح کو دوسرے بچے کی پیدائش ہوئی ہے جس کا اعلان کپل شرما نے ٹوئٹر پر کیا۔

Namaskaar 🙏 we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers 🙏 love you all ❤️ginni n kapil 🤗 #gratitude 🙏

— Kapil Sharma (@KapilSharmaK9) February 1, 2021

سماجی رابطے کی ویب سائٹ ٹوئٹر پر کپل شرما نے بیٹے کی پیدائش کا اعلان کرتے ہوئے کہا کہ آج صبح ہمارے گھر بیٹے کی پیدائش ہوئی ہے، بیٹے کی ماں گنی چھتراہ اور وہ بالکل ٹھیک ہیں۔

میزبان نے مزید کہا کہ آپ تمام تر لوگوں کے پیار، محبت اور دعاؤں کا بے حد شکریہ۔

خیال رہے کہ گزشتہ ہفتے کپل شرما نے اس بات کی تصدیق کی تھی کہ ان کے ننھے مہمان کی آمد متوقع ہے اور اسی وجہ سے وہ اپنا شو عارضی طور پر بند کر رہے ہیں۔

اس سے قبل کپل شرما نے پاکستان آنے کی خواہش کا اظہار کیا تھا کپل شرما سماجی رابطے کی ویب سائٹ ٹوئٹر پر اپنے فالوورز کے لیے ایک سیشن رکھا تھا جس میں انہوں نے مداحوں کے مختلف سوالات کے جوابات بھی دیئے۔

ایک صارف نے کپل شرما سے دریافت کیا کہ پاکستان آنے کی کوئی امید ہے؟،پاکستانی مداحوں کے لیے کوئی ایک لفظ کہہ دیں‘۔

اس ٹویٹ کے جواب میں کپل نے لکھا تھا کہ میں شری کرتار پور صاحب کا دورہ کرنا چاہتا ہوں مگر دیکھنا یہ ہے کہ یہ خواہش کب پوری ہوتی ہے۔

کپل شرما کا پاکستان آنے کی خواہش کا اظہار

بھارتیو اپنا برداشت کا لیول بڑھاؤ ، عدنان صدیقی کا بھارتیوں کو پیغام

معروف بھارتی ٹی وی کا ’کپل شرما شو‘ کو بند کرنے کا فیصلہ

بالی وڈ میگا سٹار امیتابھ کی نواسی کے نوجوان مسلمان اداکار میزان جعفری کی محبت میں گرفتار ہونے کی خبریں زبان زد عام ہیں تاہم وہ کئی مرتبہ میزان کے اچھے دوست ہونے کا اقرار کرچکی ہیں۔

باغی ٹی وی : نوجوان اداکار میزان جعفری بالی وڈ کے عظیم اداکار سید اشتیاق احمد جعفری کے پوتے اور اداکار جاوید جعفری کے بیٹے ہیں۔

میزان نے ہدایت کار سنجے لیلا بھنسالی کی فلم ’ملال‘ سے اپنے فلمی کریئر کا آغاز کیا، اس فلم میں بہترین اداکاری پر انہیں ایوارڈ سے بھی نوازا گیا۔

میزان جعفری کو ایوارڈ ملنے پر نویا نے نہ صرف خوشی کا اظہار کرتے ہوئے کمنٹ کیا بلکہ اپنی انسٹاگرام اسٹوری میں اداکار کی ایوارڈ لیتے ہوئے تصویر لگا کر انہیں مبارک باد بھی دی۔

نویا کی اس پوسٹ کی سوشل میڈیا پر کافی چرچا کی جارہی ہے اور ایک بار پھر دونوں کے درمیان قریبی تعلق کی خبریں گردش کرنے لگی ہیں۔

میزان اس وقت فلم ’ہنگامہ 2‘ کی شوٹنگ میں مصروف ہیں اور یہ ان کی دوسری فلم ہے-

واضح رہے کہ نویا سوشل میڈیا پر اپنی بولڈ تصاویر اورمعاشقے کی خبروں کے باعث شہ سرخیوں کی زینت بنی رہتی ہیں-

نویا سوشل میڈیا پر اپنی بولڈ تصاویر اورمعاشقے کی خبروں کے باعث شہ سرخیوں کی زینت بنی رہتی ہیں۔

آپ نے اپنے رویئے سے اپنی پرورش پر سوال کھڑا کردیا ہے ،سلمان خان معروف اداکارہ پر…

امریکی معروف گلوکارہ کا سلمان خان سے اظہار محبت؟

پریتی زنٹا کا اپنے فلمی کیرئیر سے متعلق دلچسپ انکشاف

با لی وڈ کی 33 سالہ اداکارہ زرین خان کے مطابق فلم انڈسٹری میں انہیں کترینہ کیف، پوجا بھٹ، پریٹی زنٹا اور سنی لیون کا ہم شکل سمجھ کام نہیں دیا جا رہا کیونکہ کوئی بھی ڈپلیکیٹ کترینہ کیف کے ساتھ کام نہیں کرنا چاہتا-

باغی ٹی وی : بھارتی اخبار ممبئی مرر کی رپورٹ کے مطابق حال ہی میں زرین خان نے شوبز انڈسٹری میں 11 سال گزارنے کے باوجود تاحال خود کو اچھا مقام نہ مل پانے کے معاملے پر بات کرتے ہوئے اس بات پر افسوس کا اظہار کیا کہ انہیں دیگر اداکاراؤں کا ہم شکل سمجھ کر کام نہیں دیا جا رہا۔

زرین خان کے مطابق جب وہ فلم انڈسٹری میں نہیں آئی تھیں تب انہیں ان کی والدہ کا ہم شکل کہا جاتا تھا مگر جیسے ہی وہ فلموں میں آئیں تو انہیں کچھ ہی عرصے بعد بالی وڈ اداکارہ کترینہ کیف کا ہم شکل سمجھا اور کہا جانے لگا۔

اسکرین شاٹ گوگل
صرف یہی نہیں زرین خان کے مطابق آگے چل کر انہیں پوجا بھٹ، پریٹی زنٹا اور سنی لیون کا بھی ہم شکل کہا جانے لگا فلم بینوں کو میرے حوالے سے رائے بنانے کا کوئی موقع ہی نہیں دیا گیا کیونکہ پہلی فلم کی ریلیز سے قبل ہی ان کے ذہن میں کترینہ کا اینگل بٹھا دیا گیا تھا۔

فوٹو میڈیا
انہوں نے دعویٰ کیا کہ انہیں کترینہ کیف اور دیگر اداکاراؤں سے ملتی شکل کی وجہ سے ہی فلموں میں کاسٹ نہیں کیا جا رہا کیوںکہ کوئی بھی کترینہ کیف کی کاپی کے ساتھ کام کرنا پسند نہیں کرتا۔

فوٹو میڈیا
اگرچہ انہوں نے دعویٰ کیا کہ انہیں دیگر اداکاراؤں کا ہم شکل سمجھ کر انہیں کام دینے سے گریز کیا جا رہا ہے، تاہم انہوں نے کسی بھی فلم ساز یا ہدایت کار کا نام نہیں لیا اور کہا کہ انہیں دوسروں کے ہم شکل ہونے کی وجہ سے کام نہیں مل رہا۔

زرین خان کے مطابق ان کا چہرہ عالمگیر خدوخال کا ہے، جس وجہ سے ان کی شکل کئی خواتین سے ملتی جلتی ہے۔

انہوں نے مزید کہاکہ لوگ انڈسٹری میں اپنی پہچان بنانے آتے ہیں نہ کہ کسی اور کی طرح بننے کیلئے، مجھے اپنی پہچان بنانے میں 11 سال لگ گئے اور اس جدوجہد کے بعد اب بھی مجھے لوگ کترینہ کی شکل والا ہی سمجھتے ہیں، اگر میں فلم نگری میں نہ ہوتی تو کترینہ سے ملانے پرخوش ہوتی کیونکہ وہ واقعی خوبصورت ہے۔

ساتھ ہی انہوں نے کہا ماضی میں بھی ان کی طرح دیگر اداکاراؤں و اداکاروں کو دوسروں کا ہم شکل سمجھ کر انہیں کام دینے سے گریز کیا جاتا رہا جیسے اداکارہ سنیہا کو ایشوریا کی کاپی کہہ کر کیرئیر ختم کرادیا، کوئی بھی بالی وڈ میں کسی کا ڈپلیکیٹ بن کر نہیں رہنا چاہتا اور فلمساز بھی کسی ڈپلیکیٹ کے ساتھ کام نہیں کرنا چاہتے ہیں۔

خیال رہے کہ زرین خان نے سلمان خان کے ساتھ 2010 میں ریلیز ہونے والی فلم ’ویر‘ سے کیریئر کا آغاز کیا تھا اور انہیں شوبز انڈسٹری میں ایک دہائی سے زیادہ عرصہ گزر چکا ہے۔

ایک دہائی سے زائد عرصے کے دوران زرین خان نے محض ڈیڑھ درجن سے بھی کم فلموں میں کام کیا اور وہ صرف دو میگا بجٹ فلموں میں ہی کام کر پائیں ہیں۔

زرین خان نے اپنے کیریئر میں ابتدائی دو فلمیں یعنی ’ویر‘ اور ’ریڈی‘ میں سلمان خان کے ساتھ کام کیا اور ان کی یہی دو فلمیں میگا بجٹ ہیں، جس کے بعد وہ تامل، تیلگو اور پنجابی فلموں سمیت کم بجٹ والی ہندی فلموں میں کام کرتی دکھائی دیں۔

بھارتی معروف بنگالی اداکار اندراجیت دیب دل کا دورہ پڑنے کے باعث 73 برس کی عمر میں انتقال کر گئے۔

باغی ٹی وی :بھارتی میڈیا رپورٹس کے مطابق بنگالی اداکار اندراجیت دیب دل کا دورہ پڑنے کے باعث 73 برس کی عمر میں انتقال کر گئے۔

اندراجیت دیب کی اہلیہ کا انتقال گزشتہ برس ہوا تھا اور ان کی کوئی اولاد نہیں تھی اداکار اندراجیت کی موت شہر کے جنوبی حصے میں واقع ان کی رہائشگاہ گول پارک میں ہوئی۔

اداکار کے لواحقین کا کہنا ہے کہ اندراجیت طویل عرصے سے دل کی بیماری کے علاوہ سی او پی ڈی (پھیپھڑوں) اور گردوں کی بیماری میں بھی مبتلا تھے۔

واضح رہے کہ اداکار اندراجیت دیب نے کیریئر کا آغاز مقبول ٹی وی سیریل ’تیرو پربون‘ سے کیا اس کے علاوہ وہ مقامی زبان کی ویب سیریز ’کروناموئے رانی رسمونی‘ میں بھی اہم کردار میں نظر آئے۔

بالی وڈ اداکارہ و پروڈیوسر انوشکا شرما اور بھارتی کرکٹ ٹیم کے سابق کپتان ویرات کوہلی کی اہلیہ نے اپنی بیٹی کے ساتھ پہلی تصویر شیئر کر دی۔

باغی ٹی وی :گزشتہ ماہ اداکارہ انوشکا شرما اور کرکٹر ویرات کوہلی کے ہاں بیٹی کی پیدائش ہوئی اور انہوں نے کہا تھا کہ وہ اپنے بچے کو سوشل میڈیا سے دور رکھیں گے۔

تاہم سوشل میڈیا پر انوشکا شرما اور ویرات کی متعدد تصویریں سامنے آئی تھیں لیکن اب تک ان کی بیٹی کی کوئی تصویر منظر عام پر نہیں آئی تھی۔

اب انوشکا نے خود اپنے تصدیق شدہ انسٹاگرام اکاؤنٹ پر ایک تصویر شیئر کی ہے جس میں وہ ویرات کے ساتھ ہیں اور اپنی بیٹی کو تھامے ہوئی ہیں۔

انوشکا شرما نے اپنی بیٹی کی تصویر شیئر کرنے کے ساتھ ساتھ بتایا کہ انہوں نے بیٹی کا نام ‘ومیکا’ رکھا ہے۔

اداکارہ انوشکا شرما نے اپنے کیپشن میں بتایا کہ ان کی بیٹی کے آنے سے زندگی کی روٹین بدل گئی ہے سونا بہت مشکل ہے تاہم آپ سب کی تمام تر دعاؤں اور محبت کا شکریہ ادا کیا-