حال ہی میں تاندو ویب سیریز کی وجہ سے انتہا پسند ہندوؤں کے نشانے پر آنے والے بالی وڈ اداکار سیف علی خان اور اداکارہ کرینہ کپور خان کے گھر آنے والی دوسری اولاد سے متعلق ہندو نجومیوں نے پیش گوئیاں شروع کردی ہیں۔

باغی ٹی وی : بسیف علی خان اور کرینہ کپور خان کے گھر ایک اور مہمان کی آمد متوقع ہے انہوں نے دوسری اولاد کی پیدائش کی تاریخ بھی بتا دی ہے جس کے مطابق فروی میں اُن کے گھر مزید خوشیاں آنے والی ہیں۔

سیف اور کرینہ کے گھر لڑکے یا لڑکی کی ولادت سے متعلق جہاں ان کے مداحوں نے اندازے لگانے شروع کردیئے ہیں تو وہیں نجومی بھی میدان میں آگئے ہیں۔

بھارتی میڈیا رپورٹ کے مطابق نجومی پنڈت جگناتھ گروجی نے کہا ہے کہ سیف علی اور کرینہ کپور انڈسٹری کی طاقتور جوڑی ہے اور اُن کے چہروں کو دیکھتے ہوئے یہ پیش گوئی کی ہے کہ تیمور کے بعد اس بار ان کے گھر بیٹی کی ولادت ہوگی۔

پنڈٹ جگناتھ نے یہ بھی کہا کہ علم نجوم اور چہرہ شناسی کی بنیاد پر یہ کہا جا رہا ہے جوڑے کے ہاں لڑکی کی ولادت ہوگی جو ذہانت سے مالا مال ہوگی کیوں کہ اس کی وجہ یہ ہے کہ خود والدین اور اُن کا خاندان ذہانت سے بھرپور ہے۔

انوشکا شرما نے بیٹی کے ساتھ پہلی تصویر شئیر کردی

پریتی زنٹا کا اپنے فلمی کیرئیر سے متعلق دلچسپ انکشاف

بھارتی اداکار اور مسٹر پرفیکشنسٹ کے نام سے مشہور عامر خان نے وقت ضائع ہونے کے باعث موبائل فون کو ہاتھ نہ لگانے کی قسم کھالی۔

باغی ٹی وی : بھارتی میڈیا رپورٹس کے مطابق عامر خان اس وقت بھی اپنی فلم ’لال سنگھ چڈھا‘ کی شوٹنگ میں مصروف ہیں تاحال انہوں نے بریک لیا ہوا ہے اور اپنے دوست کی فلم کے ایک گیت کی راجستھان میں ریکارڈنگ کررہے ہیں۔

رپورٹس کے مطابق عامر خان کو فلموں کی شوٹنگ کے دوران موبائل فون دیکھنا پڑتا تھا جس کے باعث عامر نے اپنی نئی آنے والی فلم ’لال سنگھ چڈھا‘ کی ریلیز تک موبائل فون کو ہاتھ نہ لگانے کی قسم کھالی ہے۔

کیونکہ عامر خان کو محسوس ہوتا ہے کہ فون مسلسل ان کے کام میں خلل پیدا کررہا ہے جبکہ انہوں نے موبائل فون استعمال نہ کرنے کا فیصلہ ذاتی زندگی میں بھی کرلیا ہے اور رشتے داروں اور گھر والوں کو بھی منیجر سے رابطے کرنے کی ہدایت کردی ہے۔

رپورٹس کے مطابق فلم ’لال سنگھ چڈھا‘ کی ریلیز تک عامر خان کے سوشل میڈیا اکاؤنٹس بھی ان کی ٹیم سنبھالے گی۔

خیال رہے کہ عامر خان کی فلم ’لال سنگھ چڈھا‘ رواں سال کرسمس پر ریلیز کی جائے گی جس میں ان کے مدمقابل کرینہ کپور نظر آئیں گی۔

اس میں کوئی شک نہیں کہ فلموں کی کامیابی کے لیے ہیرو اور ہیروئنز سمیت دیگر کاسٹ خطرناک اور نامناسب مناظر بھی شوٹ کرواتے ہیں۔

تاہم ایسا بہت ہی کم ہوتا ہے کہ کوئی اداکار فلم کے محض ایک سین کے لیے اپنی زندگی خطرے میں ڈالے، لیکن بولی وڈ بادشاہ شاہ رخ خان نے ایک فلمی سین کے لیے اپنی زندگی داؤ پر لگادی۔

شاہ رخ خان کے پروڈکشن ہاؤس ’ریڈ چلی‘ کی جانب سے حال ہی میں شاہ رخ خان کے اسٹنٹ کی ایک مختصر ویڈیو شیئر کی گئی، جو دیکھتے ہی دیکھتے وائرل ہوگئی اور لوگوں نے حیرانگی کا اظہار کیا کہ بولی وڈ کنگ نے صرف فلمی منظر کے لیے جان خطرے میں ڈالی۔

ریڈ چلی کی جانب سے شیئر کی گئی ویڈیو میں کوئی تفصیلات شامل نہیں کی گئیں، تاہم بھارتی میڈیا اور سوشل میڈیا کے مطابق مذکورہ سین شاہ رخ خان کی آنے والی فلم ’پٹھان‘ کا ہے۔

مختصر ویڈیو میں دیکھا جا سکتا ہے کہ شاہ رخ خان بلند و بالا عمارت سے نیچے گرتے ہیں، تاہم نیچے زمین پر جانے سے قبل وہ لوہے کی سیخوں میں ہاتھ ڈال کر واپس اوپر آجاتے ہیں۔

ویڈیو سے صاف اندازہ ہوتا کہ مذکورہ ویڈیو کسی فلم کا سین ہے، تاہم ریڈ چلی کی جانب سے نہیں بتایا گیا کہ وہ سین کس فلم کا ہے۔

ریڈ چلی نے مذکورہ ویڈیو شیئر کرتے ہوئے بولی وڈ، فلم، سینما اور شاہ رخ خان کا ہیش ٹیگ استعمال کیا۔

مذکورہ خطرناک اسٹنٹ کی ویڈیو پر شاہ رخ خان کے کئی مداحوں نے کمنٹس کیے اور ان کے اسٹنٹ کو جان کو خطرہ میں ڈالنے کے برابر قرار دیا۔

اس قبل بھی کنگ خان کی نئی فلم کی شوٹنگ کی ویڈیوز سوشل میڈیا پر وائرل ہوئی تھی سوشل میڈیا پر وائرل ان ویڈیوز میں شاہ رخ خان جیسے دکھنے والے اسٹنٹ مین ایک ٹرک پر سوار فائٹ میں مصروف ہیں جبکہ ایک اور ویڈیو میں فلم کا عملہ بھی دکھائی دے رہا ہے۔

فلم میں تیز رفتار کار اور اس کی دوسری کاروں کو ٹکر کی شوٹنگ کا فضائی منظر بھی سوشل میڈیا پر شیئر ہوا۔

واضح رہے کہ شاہ رخ خان کی ’پٹھان‘ کی شوٹنگ کافی عرصے سے دبئی میں جاری ہے اور ان کے ساتھ اس فلم میں سلمان خان اور دپیکا پڈوکون بھی ایکشن میں دکھائی دیں گی۔

ابھی یہ واضح نہیں ہے کہ ’پٹھان‘ کو کب تک ریلیز کیا جائے گا، تاہم خیال کیا جا رہا ہے کہ اسے آئندہ سال کے اوائل یا رواں سال کے اختتام تک ریلیز کردیا جائے گا۔

شاہ رخ خان کی نئی فلم پٹھان کی عکس بندی کی ویڈیوز وائرل

بھارت کی آنجہانی اداکارہ سری دیوی کی بیٹی جھانوی کپور کی آنے والے فلم ‘گڈ لک جیری’ کی شوٹنگ بھارتی کسانوں کے احتجاج کی وجہ سے تیسری بار تاخیر کا شکار ہوگئی-

باغی ٹی وی : بھارتی میڈیا کے مطابق ہفتے کے روز جھانوی کپور کو پٹیالا میں اپنی فلم کی شوٹنگ کرنی تھی جہاں مشتعل کسانوں نے تیسری بار ان کی فلم کی شوٹنگ رکوادی۔

رپورٹس کے مطابق پنجاب میں تین بار فلم کی شوٹنگ رکوانے کے بعد جھانوی کپور اب واپس ممبئی آ گئی ہیں۔

کسانوں کے احتجاج میں شامل مطاہرین کا کہنا تھا کہ ہم نے انہیں پہلے ہی کہا تھا کہ آپ یہاں فلم کی شوٹنگ نہیں کر سکتے لیکن اس کے باوجود بھی انہوں نے شوٹنگ کی اور ہم نے اسے دوبارہ رکوادیا۔

خیال رہے کہ بھارتی کسانوں کی جانب سے جھانوی کپور کی فلم گڈ لک جیری کی شوٹنگ دو بار پٹیالا اور ایک بار فتح گڑھ صاحب میں رکوائی تھی۔

واضح رہے کہ بھارت میں سکھ کسانوں کا احتجاج جاری ہے جبکہ کچھ روز قبل کسانوں نے ٹریکٹر ریلی نکالی بھارت میں یوم جمہوریہ کی تقریبات کے موقع پر مشتعل کسان مظاہرین کی ٹریکٹر ریلی تمام سیکیورٹی رکاوٹوں کو توڑتے ہوئے دارالحکومت میں داخل ہوگئی اور مظاہرین نے لال قلعہ پر دھوا بول کر عمارت پر خالصتان کا جھنڈا لہرا دیا تھا-

بھارت میں جاری سکھوں کی کسان تحریک پر کنگنا رناوت سیخ پا،اپنے ہی کسانوں کو دہشت…

ہندو انتہا پسندتنظیم کا’تانڈو‘کے فلمسازوں کی زبان کاٹنے والے کیلئے ایک کروڑ روپے انعام کا اعلان