پاکستان میوزک انڈسٹری کی نامور گلوکارہ آئمہ بیگ کا کہنا ہے کہ ان کی پہلے توجہ گلوکاری پرہے اس سے بالکل مطمئن ہوجاؤں پھراداکاری کے میدان میں بھی انٹری دوں گی۔

باغی ٹی وی : گلوکارآئمہ بیگ کا کہنا ہے کہ وہ اپنے مداحوں کی بے حد شکرگزارہیں، وہ جوکچھ بھی ہیں ان ہی کی وجہ سے ہیں گانا بچپن سے شوق ہے ان کے لیے گانا جاب نہیں بلکہ ان کا شوق اورجنون ہے اوراگر گلوکار لائیو نہ گا سکے تواس کے گانے کا پوائنٹ ہی کیا ہے۔

اداکارہ نے کہا کہ وہ مختلف زبانوں اردو انگلش، پنجابی، فرنچ، چائنیز اور کورین زبانوں میں گانا گا لیتی ہیں سجاد علی، ساحرعلی بگا، علی ظفر اور عاطف اسلم جیسے بڑے گلوکاروں کے ساتھ گانا بے حد اعزازکی بات ہے –

سوشل میڈیا استعمال سے متعلق آئمہ بیگ نے کہا کہ پلیٹ فارم زیادہ استعمال نہیں کرتی انہیں اس بات میں دلچسپی نہیں کہ کون کیا کہہ رہا ہے کس کے ساتھ اسکینڈل بنا رہا ہے۔

اداکاری سے متعلق انہوں نے کہا کہ بڑی فلموں میں کام نہ کرنے کا مقصد یہ نہیں کہ اداکاری نہیں کروں گی، پہلے توجہ گلوکاری پرہے اس سے بالکل مطمئن ہوجاؤں پھراداکاری کے میدان میں بھی انٹری دوں گی۔

اپنے گہرے دوست شہباز شگری سے متعلق انہوں نے کہا کہ وہ دونوں بہت ہی اچھے دوست ہیں، شگری بہت ہی اچھے اور باصلاحیت انسان ہیں، جیسے ہی ہماری مصروفیات کم ہوں گی تو یقیناً شادی سے متعلق پلان کریں گے۔

معروف مارننگ شو کی میزبان اور اداکارہ نادیہ خان کے شوہر فیصل راؤ کی دوسری بیوی لبنیٰ فاروق نے ان کے بارے میں حیران کن انکشافات کرتے ہوئے کہا ہے کہ فیصل راؤ ایک فراڈ انسان ہیں اور نادیہ خان فیصل راؤ کی تیسری بیوی ہیں-

باغی ٹی وی : نادیہ خان نے 7 فروری کو اپنے شوہر کے ہمراہ یوٹیوب ایک ویڈیو شیئر کی تھی جس میں انہوں نے اپنے شوہر کے ساتھ پہلی ملاقات اور شادی کا سارا احوال بتایا تھا۔

تاہم اب اس ویڈیو کے جواب میں فیصل ممتاز راؤ کی سابق اہلیہ لبنیٰ فاروق فیصل راؤ کی دوسری بیوی ہونے کا دعویٰ کرتے ہوئے اپنے یوٹیوب چینل پر ایک ویڈیو اپ لوڈ کی اور فیصل راؤ کے بارے میں کئی انکشافات کیے۔

لبنیٰ فاروق نے دعویٰ کیا کہ وہ فیصل راؤ کی دوسری جبکہ نادیہ خان تیسری بیوی ہیں اور ان دونوں سے قبل فیصل راؤ نے ایک اور شمع نامی خاتون کے ساتھ شادی کی تھی اور اس سے بھی ان کی علیحدگی ہوچکی ہے۔

لبنیٰ فاروق نے ساتھ ہی یہ بھی کہا کہ لیکن یہ فیصل کی تینوں شادیاں آن دی ریکارڈ ہے آف دی ریکارڈ مجھے نہیں معلوم فیصل راؤ نے مزید کتنی شادیاں کی ہوئی ہیں۔

لبنیٰ فاروق نے اپنی ویڈیو میں مزید کہا کہ فیصل راؤ سے شادی سے قبل بھی ان کی ایک شادی ہوچکی تھی لیکن ان کی اپنے شوہر سے علیحدگی ہوچکی تھی۔

لبنیٰ کے مطابق فیصل راؤ سے شادی سے قبل میں بحرین میں پرائم منسٹر آفس میں بطور پراڈکٹ مینجر جاب کرتی تھیں اور شادی سے دو دن پہلے فیصل کی پہلی بیوی شمع نے مجھے فیصل کے ساتھ شادی نہ کرنے کے لیے پیغامات بھی بھیجے تھے لیکن میں فیصل کی محبت میں اتنی گرفتار تھی کہ میں شمع کی باتوں پر دھیان نہیں دیا اور فیصل راؤ سے شادی کرنے کے لیے میں بحرین میں اپنی اچھی خاصی جاب اور اپنا کیریئر چھوڑ کر شادی کرکے دبئی آگئی۔

لبنیٰ فاروق نے مزید بتایا کہ شادی سے قبل فیصل راؤ مجھ سے محبت کے دعویدار تھے لبنیٰ نے فیصل کی طرف سے بھیجے گئے خطوط بھی ویڈیو میں دکھائے اور کہا کہ شادی کے بعد ان کی حقیقت مجھ پر کھلی۔ دبئی میں فیصل راؤ نے مجھ پر کئی پابندیاں لگادی تھیں نہ مجھے کسی سے ملنے دیتے تھے اور نہ بات کرنے دیتے تھےمیں بالکل اکیلی ہوکر رہ گئی تھی۔

شادی کے بعد مجھ پر انکشاف ہو اکہ فیصل صاحب کے ساتھ بہت سارے مسائل تھے وہ خود کو باتھ روم میں بند کرلیتے تھے چھوٹی چھوٹی باتوں پر گھر کی چیزیں توڑدیتے تھے اور جب ان کا غصہ بہت زیادہ ہوجاتا تھا تو خود کو ہی ٹارچر کرنے لگ جاتے تھے۔ یہاں تک کہ وہ یہ بھی کہتے تھے کہ ہم پر کالا جادو کیا جارہا ہے اور یہ کالا جادو ان ہی کی پہلی بیوی کروارہی ہیں۔

اس کے علاوہ فیصل راؤ نے مجھے میرا بیٹا اغوا کروانے کی دھمکی بھی دی جو کہ میری پہلی شادی سے ہے اور کہا کہ میرا بیٹا اٹھا لیاجائے گا اور وزیرستان میں پھنکوادیا جائے گا۔

ساتھ ہی لبنیٰ نے فیصل راؤ کی پہلی بیوی کے آڈیو پیغام بھی شیئر کیے جس میں وہ کہہ رہی ہیں اس شخص کی فطرت میں عورت کو اذیت دینا شامل ہے-

لبنیٰ نے یہ انکشاف بھی کیا ہے کہ فیصل ممتاز راؤ کو دبئی میں بطور ایئرفورس پائلٹ ان کی جاب سے نکال دیاگیا تھا اور اس کا الزام بھی انہوں نے مجھ پر ہی لگایا تھا۔ حالات اتنے خراب ہوگئے تھے شادی کے آٹھ ماہ بعد ہی ہم دونوں میں علیحدگی ہوگئی اور دلچسپ بات یہ تھی کہ ہماری طلاق کے اگلے ماہ ہی انہوں نے نادیہ خان کے ساتھ منگنی کرلی۔

لبنیٰ نے کہا کہ جس طرح فیصل راؤ خواتین کے ہیرو اور آئیکن بن رہے ہیں وہ دراصل ہیرو نہیں ہیں بلکہ انہوں نے کئی غلطیاں کی ہیں، ہم دو عورتوں کی زندگیاں برباد کی ہیں، جھوٹ بولا ہے اور فراڈ کیا ہے ۔ میں دعا کرتی ہوں کہ اب یہ سب کچھ نادیہ خان کے ساتھ نہ کریں۔

واضح رہے کہ نادیہ خان نے گزشتہ ماہ جنوری میں ونگ کمانڈر فیصل ممتاز راؤ کے ساتھ شادی کی تھی۔ نادیہ خان کی یہ دوسری شادی ہے۔
https://www.youtube.com/watch?v=6_GnDN80nqM&feature=youtu.be

پاکستان کی معروف اداکارہ اور ماڈل آمنہ الیاس نے شوشل میڈیا پر اپنی خوبصورت تصویر شئیر کرتے ہوئے مداحوں کے لئے میعنی خیز پیغام جاری کیا ہے-

باغی ٹی وی : سوشل میڈیا پر بہت زیادہ متحرک رہنے والی اور معنی خیز پیغامات اور ویڈیوز شئیر کر کے مداحوں سے داد سمیٹنے والی اداکارہ آمنہ الیاس نے اک بار پراپنے تصدیق شدہ انسٹاگرام اکاؤنٹ پر اپنی تصویر کے ساتھ معنی خیز پیغام جاری کیا ہے-

اداکارہ و ماڈل نے لکھا کہ آخر میں سب سے خوبصورت چہرے اور جسم کو یاد نہیں کیا جاتا بلکہ خوبصورت دل اور روح کو یاد کیا جاتا ہے۔

آمنہ الیاس کی اس پوسٹ کو صارفین کی جانب سے کافی پسند کیا جا رہا ہے اور کچھ ہی دیر میں ہزاروں لوگوں نے لائیک کیا اور انہیں متعدد کمنٹس بھی لکھے۔

پاکستان شوبز انڈسٹری کے معروف اداکار عدنان صدیقی نے پاکستان سُپر لیگ سکس کے آفیشل ترانے ’گروو میرا‘ کے ناقدین پر شدید برہمی کا اظہار کیا ہے۔

باغی ٹی وی : سماجی رابطے کی ویب سائٹ ٹوئٹر پر اپنے ٹوئٹ میں عدنان صدیقی نے کہا کہ کیا ہم اپنے فنکاروں کو وہ عزت و احترام نہیں دے سکتے ہیں جس کے وہ حقدار ہیں۔

Least we can do for our artists is respect them. It’s very easy to be keyboard warriors and shred someone’s hard work to pieces. How ungrateful to forget so conveniently all the melodious songs Naseebo Lal has given us. #groovemera doesn’t deserve to be trolled like this🙏🏽

— Adnan Siddiqui (@adnanactor) February 10, 2021

عدنان صدیقی نے کہا کہ ناقدین کے لیے فنکاروں کے کام کو مٹی میں ملا دینا بہت آسان ہے کیونکہ اُنہیں اُس کے پیچھے کی سخت محنت نہیں معلوم ہوتی ہے۔

اداکار نے نصیو لال پر ہونے والی کڑی تنقید پر شدید غصے کا اظہار کرتے ہوئے کہا کہ ہم نصیبو لال کے اُن لاتعداد سُریلے اور زبردست گیتوں کو کیسے بھول سکتے ہیں جو اُنہوں نے ماضی میں ہمیں دیئے۔

اُنہوں نے مزید کہا کہ گروو میرا اس طرح ٹرول ہونے کا اہل نہیں ہے۔

واضح رہے کہ پاکستان سُپر لیگ (پی ایس ایل) کے چھٹے ایڈیشن کا آفیشل ترانہ ’گروو میرا‘ ریلیز ہوا، جسے سُننے کے بعد شائقین کرکٹ اور موسیقی کے مداحوں کی جانب سے شدید برہمی کا اظہار کیا گیا۔

پی ایس ایل 6 کا آفیشل ترانہ سُننے کے بعد زیادہ تر مداحوں نے علی ظفر سے پاکستان سپر لیگ کے لیے دوبارہ گانا ریلیز کرنے کا مطالبہ کردیا ہے۔

پی ایس ایل ترانے پر تنقید ایک رسم بن گئی ہے ، مہوش حیات اور گوہر رشید ناقدین پر…

فاطمہ بھٹو کو پی ایس ایل 6 ترانے میں کیا بات اچھی لگی ؟

پی ایس ایل 6 ترانے کی ریلیز کے بعد علی ظفر سے متعلق ٹوئٹر پر ٹرینڈز

سوچا نہیں تھا پی ایس ایل 6 ترانے کو اتنی پذیرائی ملے گی نصیبو لعل

پاکستان شوبز انڈسٹری کی نامور اداکارہ صبا قمر نے اپنے مداحوں کو ایک مزاحیہ ویڈیو کے ذریعے بتایا کہ وہ ہر سال اپنا ویلنٹائن ڈے کیسے مناتی ہیں-

باغی ٹی وی : سماجی رابطے کی ویب سائٹ انسٹاگرام پر صبا قمر کی ایک ویڈیو وائرل ہو رہی ہے جس میں وہ بتاتی ہوئی نظر آرہی ہیں کہ مجھے کسی سستے ترسے ہوئے عاشق کی بددعا ہے کہ جا صبا قمر ہر سال تجھے ویلنٹائنز ڈے پر اتنا کام ملے کہ تجھے کسی کے لیے ٹائم ہی نہ ملے اور تجھے کوئی ملے بھی نہ ۔

صبا قمر کے ساتھ ویڈیو میں موجود اداکارہ عائشہ گل نے انہیں کہا تو اچھی بات ہے نا، کام کریں آپ کو پتہ نہیں ہے قائد اعظم کا قول ہے کام کام کام دن رات کریں ہم کام جس پر صبا قمر نے ہنستے ہوئے کہا کتنا کام رومینس کرنا ہے۔

ویڈیو سے اندازہ ہورہا ہے کہ صبا قمر ہر سال ویلنٹائنز ڈے کے موقع پر بہت زیادہ کام کرتی ہیں یہاں تک کہ انہیں اپنے لیے بھی وقت نہیں ملتا اور اس سال بھی وہ اس دن پر بہت زیادہ کام کرنے والی ہیں۔

اذان سمیع خان کے نئے البم کا ٹائٹل گانا ریلیز

میرا نیا گانا نوجوانوں کیلئے محبتوں کے عالمی دن پر خاص تحفہ ثابت ہوگا سائرہ پیٹر