پاکستان شوبز انڈسٹری کی نامور اور تمغہ امتیاز اداکارہ مہوش حیات کے ٹو پر پاکستان کے لاپتا کوہ پیما علی سدپارہ اور ان کی ٹیم کی سلامتی سے واپسی کے لیے دعا گو ہیں-

باغی ٹی وی : گزشتہ دنوں پاکستان کے کوہ پیما علی سدپارہ اور 2 غیر ملکی کوہ پیما موسم سرما میں کے ٹو سر کرنے کی کوشش کے دوران لاپتہ ہوگئے اور دو دن سے جاری ریسکیو آپریشن میں بھی ان کا سراغ نہیں مل سکا ہے۔

علی سدپارہ کے ساتھ مہم جوئی میں ان کے بیٹے ساجد سدپارہ بھی شامل تھے لیکن ساجد سدپارہ کو آکسیجن ریگولیٹر خراب ہونےکے باعث واپس آنا پڑا تھا۔

اس حوالے سے جہاں دوسرے لوگ کوہ پیماؤں کے لئے تشویش کا اظہار کر رہے ہیں اور ان کی خیریت سے واپسی کے لئے دعا گو ہیں وہیں اداکارہ مہوش حیات نے بھی سماجی رابطے کی ویب سائٹ ٹوئٹر پر ایک ٹوئٹ کی ہے-

Tonight our thoughts are with the intrepid climbers, Muhammed Ali Sadpara, John Snorri from Iceland & MP Mohr from Chile who remain missing on K2. Let’s all pray for the safe return of these brave men. 🤲🏻#k2winterexpedition2021 #alisadpara #JohnSnorri #MPMohr pic.twitter.com/nvv8VQHjtO

— Mehwish Hayat TI (@MehwishHayat) February 6, 2021

اپنی ٹوئٹ میں انہوں نے کہا کہ آج ہمارے خیالات کوہ پیما محمد علی سدپارہ، آئس لینڈ سے جان اسنوری اور چلی کے رکن پارلیمنٹ موہر کے ساتھ ہیں جو کے ٹو پر لاپتا ہیں۔

مہوش حیات نے کہا کہ آئیے سب ان بہادر جوانوں کی سلامتی سے واپسی کے لیے دعا کریں-

دوسری جانب گزشتہ روز علی سدپارہ کے بیٹے ساجد سدپارہ کا کہناتھا کہ والد کی میت کی تلاش کے لیے ریسکیو آپریشن ہو تو ٹھیک ہے، باقی 8 ہزار میٹر کی بلندی پر سردی میں 2 تین دن سے غائب ہیں تو ان کے زندہ بچنے کے چانسز نہ ہونے کے برابر ہیں-

لا پتہ کوہ پیما کی تلاش آج پھر ہوگی

پاکستانی کوہ پیماعلی سدپارہ ساتھیوں سمیت لاپتہ،رابطہ منقطع:وزیراعظم اورآرمی چیف کا تلاش تیزکرنے کاحکم

پاکستان سپر لیگ سیزن 6 کے آفیشل ترانے کو ریلیز ہونے کے بعد سے سوشل میڈیا پر تنقید کا سامنا تھا تاہم اب پاکستان کی معروف اداکارہ مہوش حیات نے ترانے پر اپنا موقف پیش کیا ہے-

باغی ٹی وی : تمغہ امتیاز اداکارہ مہوش حیات نے سماجی رابطے کی ویب سائٹ ٹوئٹر پر اپنی رائے کا اظہار کرتے ہوئے لکھا کہ مجھے نہیں پتا کیا پریشانی ہے، مجھے پی ایس ایل کا نیا ترانہ پسند آیا، یہ بولڈ اور تازہ تھا۔

Idk what the fuss is abt? I loved the new #pslanthem2021 .It was bold & fresh! This is what stifles creativity in our country,we always want more of the same & not prepared to accept anything different.This bashing has to stop. We need a diversity of voices & ideas.Well done PSL! https://t.co/hYMuZqkx8D

— Mehwish Hayat TI (@MehwishHayat) February 7, 2021

مہوش حیات نے تنقید کرنے والوں کو جواب دیتے ہوئے لکھا کہ یہ وہ چیز ہے جو ہمارے ملک میں تخلیقی صلاحیتوں کو دباتی ہے، ہم ہمیشہ پہلے سے موجود چیزیں اور یہی کچھ چاہتے ہیں اور کچھ بھی مختلف قبول کرنے کے لئے تیار نہیں ہیں۔ پی ایس ایل کے نئے ترانے پر تنقید کو رکنا چاہیے۔

اپنے پیغام کے آخر میں مہوش حیات نے لکھا کہ ہمیں مختلف آوازوں اور آئیڈیاز کی ضرورت ہے۔

Why do we always have to bash the #pslanthem 🤷🏻‍♂️? has it become a ritual 🤔? #GrooveMera has a nice stadium anthem vibe to it, 🕺🏻
I LIKE IT !! 👍🏻 remember putting up a show #PSL6 in these times is not easy so let’s show some respect and support 🤗 coz the world is watching us !!

— Mirza Gohar (@GoharRsd) February 7, 2021

دوسری جانب اداکار گوہر رشید نے ابھی ترانے کے حوالے سے اپنے ٹوئٹر اکاؤنٹ سے ٹوئٹ کی لکھا کہ ہمیں ہمیشہ پی ایس ایل ترانہ کو کیوں ضائع کرنا پڑتا ہے؟ کیا یہ رسم بن گئی ہے؟ گروو میرا ایک اچھا اسٹیڈیم ترانہ ہے۔

انہوں نے ترانے کے لئے پسندیدگی کا اظہار کرتے ہوئے لکھا کہ مجھے یہ پسند ہے ! یاد رکھیں اس وقت یعنی جہاں کورونا جیسی وبا نے پوری دنیا کو ہلا لر رکھ دیا یے میں # PSL6 شو لگانا آسان نہیں ہے تو آئیے کچھ احترام اور تعاون کا مظاہرہ کریں دنیا ہمیں دیکھ رہی ہے !!

واضح رہے کہ پاکستان سپر لیگ سکس کے آفیشل سانگ ’گروو میرا‘ منظر عام پر آتے ہی سوشل میڈیا پر شائقین کے دلچسپ تبصروں کا موضوع بن گیا تھا۔ جبکہ اس گانے پر میمز بھی بنائے جارہے تھے۔

پی ایس ایل 6 ترانے کی ریلیز کے بعد علی ظفر سے متعلق ٹوئٹر پر ٹرینڈز

پاکستان ڈرامہ انڈسٹری کے نوجوان اداکار علی انصاری کی بہن اور اداکارہ مریم انصاری نے خاموشی سے نکاح کرلیا۔

باغی ٹی وی : مریم انصاری کے نکاح کی تقریب کی تصاویر سوشل میڈیا کے مختلف پلیٹ فارمز پر تیزی سے وائرل ہورہی ہیں۔

وائرل ہونے والی تصویروں اور ویڈیوزمیں دیکھا جاسکتا ہے کہ مریم انصاری نے اپنے نکاح کے دن گولڈن رنگ کا خوبصورت عروسی لباس زیب تن کیا جبکہ اُن کے شوہر اویس نے بھی اہلیہ کے لباس سے ملتی جلتی شیروانی پہنی۔

گزشتہ روز رشتۂ ازدواج میں بندھنے والا یہ جوڑا اپنی زندگی کے سب سے خاص موقع پر بےحد دلکش لگ رہا تھا۔

دوسری جانب سوشل میڈیا پر اداکارہ کے نکاح کی تقریب کی ایک فیملی فوٹو بھی خوب مقبول ہو رہی ہے جس میں علی انصاری اپنی بہن اور بہنوئی کے ہمراہ اسٹیج پر بیٹھے ہیں۔

نکاح کی تقریب سے ایک روز قبل مریم انصاری اور اویس کی منگنی کی تقریب کا انعقاد کیا گیا تھا۔

مریم انصاری کے نکاح کی تقریب میں ہانیہ سمیت دیگر شوبز ستاروں نے بھی شرکت کی تھی۔

ڈرمہ سیریل’گھسی پٹی محبت’ میں مرکزی کردار ادا کرنے والی اداکارہ رمشہ خان کا کہنا ہے کہ سامعہ کے کردار نے مجھے کافی تبدیل بھی کیا اور اب کسی کو منع کرتے ہوئے یا اپنے دل کی بات کہتے ہوئے اتنا ڈر نہیں لگتا۔

باغی ٹی وی : ڈراما ‘گھسی پٹی محبت’ گزشتہ ماہ جنوری میں اختتام کو پہنچا تھا جس میں ایک ایسی خاتون کو دکھایا گیا ہے جو کئی مشکلات کا سامنا کرنے کے بعد اپنی زندگی میں کامیاب ہوتی ہے جبکہ اس کی 3 شادیاں ناکام ہوچکی ہوتی ہیں اس ڈرامے میں ٹرانس جینڈرز، ہراسانی اور لڑکیوں کی شادی سے جڑے دیگر سماجی مسائل کو بھی بیان کیا گیا ہے۔

انڈیپنڈنٹ اردو کو دیئے گئے انٹرویو میں ڈرامے میں’سامعہ’ کا مرکزی کردار ادا کرنے والی رمشہ خان نے کہا کہ انہیں کردار کے حوالے سے کسی قسم کا کوئی خدشہ نہیں تھا اور کہا گیا تھا کہ معاشرے میں اس طرح کے معاملات کے بارے میں بات کرنا ممنوع سمجھا جاتا ہے۔

اداکارہ نے کہا کہ مجھے کہا گیا تھا کہ یہ ایک تجربہ ہے تو آپ دیکھ لیں جب پہلی مرتبہ میں نے سامعہ کا کردار پڑھا تو اچھا محسوس ہوا اور میں نے کم از کم اتنا اچھا ڈراما ٹی وی پر نہیں دیکھا اس لیے میرے ذہن میں صرف یہ تھا کہ اس ڈرامے کا حصہ بننا ہے-

رمشہ خان نے کہا کہ جب معلوم ہوا کہ یہ ڈراما حقیقی زندگی کی کہانی ہے تو میرے دل میں اس خاتون کے لیے عزت بڑھی کہ اتنا کچھ جھیلنے کے بعد میرے لیے تو وہ ایک شیرنی ہیں اور میں ڈرامے کے لکھاری سے کہوں گی کہ اس خاتون سے ملوائیں’۔

رمشہ خان نے کہا کہ سامعہ کے کردار نے مجھے کافی تبدیل بھی کیا اور اب کسی کو منع کرتے ہوئے یا اپنے دل کی بات کہتے ہوئے اتنا ڈر نہیں لگتا۔

اداکارہ نے مزید کہا کہ ‘پہلے میں کچھ ڈپلومیٹک ہوتی تھی اور اب کافی منہ پھٹ ہوگئی ہوں بلکہ میں اپنے گھر والوں کو بدتمیز لگنے لگی ہوں لیکن سب سے بڑھ کر اب مجھے کوئی قدم اٹھانے سے کچھ کہنے سے ڈر نہیں لگتا۔

سامعہ کے کردار کے لیے لکھاری کی جانب سے اداکارہ سجل علی کو بھی ذہن میں رکھنے سے متعلق رمشہ خان کا کہنا تھا کہ اگر سجل علی یہ کردار کرتیں تو مجھ سے بہتر کرتیں اور اگر وہ کرتیں تو یہ ڈراما بہت بڑا ہو جاتا، میں سجل سے خود کا موازنہ نہیں کرسکتی۔

انہوں نے مزید کہا کہ وہ اس ڈرامے میں اپنی کارکردگی سے مطمئن ہیں کیونکہ سامعہ کا کردار صرف ادا نہیں کیا بلکہ اسے خود جیا ہے۔

گھسی پٹی محبت‘ آخری قسط کے بعد ٹوئٹر پر نمبر ون ٹرینڈ رہا اس پذیرائی کے بارے میں ان کا کہنا تھا کہ انہیں بالکل بھی اندازہ نہیں تھا کہ یہ اتنا مقبول ہوگا اس کے لیے وہ عوام کا شکریہ ادا کرتی ہیں۔

ڈراما ‘کیسا ہے نصیباں’ میں تشدد کی شکار عورت اور ‘گھسی پٹی محبت’ میں ایک مضبوط کردار سے متعلق انہوں نے کہا کہ میرے دونوں کردار اپنی اپنی جگہ سماجی پیغام دے رہے ہیں۔

انہوں نے کہا کہ ‘کیسا ہے نصیباں’ میں تشدد ہے لیکن میرا مقصد لوگوں کو گھریلو تشدد کے بارے میں آگاہ کرنا تھا اور اس کی کڑی سے کڑی سزا ہونی چاہیے۔

رمشہ خان نے کہا کہ اپنے کیریئر کی ابتدا میں منفی کردار بھی ادا کیے اور وہ اب بھی اب بھی ایسے کردار کرنے کا ارادہ رکھتی ہیں۔

اداکارہ نے بتایا کہ ان کا اگلا ڈراما کچھ فلمی طرز کا ہے اور تھوڑا رومانوی اور مزاحیہ ہے، خیال رہے کہ وہ اس ڈرامے میں عفان وحید کے ساتھ اداکاری کریں گی-

ارطغرل غازی ڈرامے سے متاثر ہو کر 60 سالہ امریکی خاتون نے اسلام قبول کر لیا

براک اوباما اور ان کی اہلیہ کی کمپنی کا پاکستانی ناول نگار کے ناول پر فلم بنانے کا…

ماڈل اور اداکارہ صدف کنول کا کہنا ہے کہ شوبز انڈسٹری میں مطلبی لوگ زیادہ ہیں-

باغی ٹی وی : اپنے ایک انٹرویو میں صدف کنول نے اپنی ذاتی اور فنی کیرئیر میں کُھل کر بات کی انہوں نے بتایا کہ ان کا تعلق بالا کوٹ سے ہے لیکن تعلیم کراچی میں حاصل کی ماڈلنگ شروع کی تو والد نے 2 سال تک ان سے بات نہیں کی جب کہ بھائی بھی کئی سال ان سے نہیں بولا لیکن والدہ نے میری مرضی پر چھوڑ دیا۔

ماڈل و اداکارہ کا کہنا تھا کہ شوبز انڈسٹری میں مطلبی لوگ زیادہ ہیں اس میدان میں دوست بہت ہیں لیکن جو غیر موجودگی میں ہماری برائی نہ کرے وہ صرف خاندان ہی ہوتا ہے کیوںکہ ان سے آپ کے کیسے بھی تعلق ہوں وہ ہمارا خیال رکھتے ہیں۔

خواتین کی تعلیم کے حوالے سے صدف کنول کا کہنا تھا کہ ایک عورت کے لیے تعلیم بہت ضروری ہے کبھی کبھی احساس ہوتا ہے کہ تعلیم مکمل کرنے کے بعد شوبز میں آتی لیکن شاید نصیب میں یہی لکھا تھا۔

صدف کا کہنا تھا کہ خاندان میں وہ بچیوں کو یہی مشورہ دیتی ہیں کہ پہلے تعلیم مکمل کرلیں پھر جو مرضی ہو کرلیں۔

اداکارہ کا کہنا تھا کہ شوبز انڈسٹری سے تعلق رکھنے والی خواتین دلکش نظر آنے کے لیے بہت کچھ کرواتی ہیں لیکن میں صرف لیزر تھراپی کراتی ہوں سب ہی منافق ہوتے ہیں کبھی کبھی مجھے بھی ہونا پڑتا ہے کوئی اچھے طریقے میں بات کرے گا تو میں بھی ایسے ہی بات کروں گی۔

فلموں میں اداکاری کے حوالے سے صدف کنول نے کہا کہ فلموں کا کام کرنا آسان نہیں بڑی اسکرین پر آنے کے لیے سیکھنا پڑتا ہےڈراموں میں کام کرنے سے اداکاری اچھی طرح سیکھی جاسکتی ہے-

ساتھی فنکاراؤں کے بارے میں پوچھے گئے سوالات پر صدف نے رائے دیتے ہوئے کہا کہ سجل علی کو اپنے بال لمبے رکھنے چاہئیں، مہوش حیات کو اپنا وزن کم کرنا چاہیے وہ پتلی ہوجائیں جب کہ مایا علی سے متعلق انہوں نے کہا وہ بہت پتلی ہوگئی ہیں انہیں اپنا وزن تھوڑا بڑھانا چاہیے۔ حمزہ علی عباسی کو اپنا وزن کم جب کہ عمران عباس کو میک اپ کم کرنا چاہیے۔

صدف کنول کا کہنا تھا کہ ہر اداکار بڑی اسکرین کے لیے نہیں ہوتا مثال کے طور پر سجل علی ٹی وی ڈراموں میں بہت اچھی لگتی ہیں لیکن فلموں میں وہ بچی لگیں گی-

صدف کا کہنا تھا کہ ماڈلنگ کے حوالے سے تو کئی ایوارڈ ملے ہیں لیکن چاہتی ہوں کہ بہترین اداکارہ کا ایوارڈ ملے۔

سوشل میڈیا پر کی جانے والی تنقید کے حوالے سے صدف کنول نے کہا کہ شوبز انڈسٹری میں زیادہ تر لڑکیاں سگریٹ پیتی ہیں دوسری اقسام کے نشوں کا انہیں نہیں معلوم، میں خود بھی سگریٹ پیتی تھی۔

انہوں نے کہا کہ لڑکیوں کے سگریٹ پینے کو برا کہنے والوں کو یہ نہیں پتہ کہ ان کے گھر میں کتنی عورتیں سگریٹ پیتی ہیں، کسی کو برا بھلا نہیں کہنا چاہیے اس کی مرضی ہے وہ جو کرے، وہ آپ کی بہن یا بیٹی نہیں اس کی اپنی زندگی ہے۔

واضح رہے کہ ماڈل و ادکارہ نے گزشتہ برس مارچ میں اداکار بہروز سبزواری کے بیٹے شہروز سبز واری سے شادی کی تھی جس پر انہیں شدید تنقید کا سامنا کرنا پڑا-کیونکہ ان سے قبل شہروز کی شادی اداکارہ سائرہ سے ہوئی تھی اور ان کی ایک بیٹی بھی ہے صارفین دونوں میں طلاق کی وجہ صدف کنول کو قرار دیا تھا-