بالی وڈ کےلیجنڈ اداکار دلیپ کمار کے ترجمان نےکہا ہے کہ پشاور میں دلیپ کمار، کپور فیملی، شاہ رخ خان کے آبائی گھروں کو محفوظ بنانے سے پشاور کی اہمیت میں اضافہ ہو گا اور ملک میں سیاحت کی صنعت کو بھی استحکام ملے گا۔

باغی ٹی وی : دلیپ کمار کے ترجمان فیصل فاروقی نےبرطانوی میڈیا سے بات کرتے ہوئے کہا ہے پشاور دلیپ کمار کے دل میں بستا ہے۔ وہ اکثر و بشتر پشاور اور اپنے آبائی گھر کا ذکر کرتے رہتے ہیں-

انہوں نے کہا کہ جب سے حکومت پاکستان کی جانب سے دلیپ کمار کے گھر اور کپور حویلی میوزیم میں تبدیل کرنے کے فیصلے سے ان فنکاروں کے مداح کافی خوش ہیں۔

فیصل فاروقی کا کہنا ہے کہ پشاور میں جنوبی ایشیا کے بڑے فنکاروں دلیپ کمار، کپور فیملی، شاہ رخ خان اور دیگر کے آبائی گھروں کی اہمیت کو پوری دنیا میں تسلیم کیا جاتا ہے۔

ان فنکاروں کے آبائی گھروں کو محفوظ بنانے سے پشاور کی اہمیت میں اضافہ ہو گا اور ملک میں سیاحت کی صنعت کو بھی استحکام ملے گا۔

پشاور میں دلیپ کمار اور کپور خاندان کے گھروں کے موجودہ مالکان اور حکومت پاکستان کو چاہیے کہ وہ مل کر باہمی اتفاق سے قیمتوں کا تعین کریں تاکہ میوزیم قائم کرنے کا منصوبہ جلد از جلد پایہ تکمیل تک پہنچ سکے۔

بھارت کے مقبول ترین ریئلٹی شو ‘بگ باس’ کے سیزن 14 کا حصہ بننے والی اداکارہ راکھی ساونت نے بگ باس کی حالیہ قسط میں اپنی ذاتی زندگی کے مسائل اور جنسی ہراسانی کا شکار ہونے کا انکشاف بھی کیا۔

باغی ٹی وی : بگ باس میں راہول ویدیا کے ساتھ گفتگو کے دوران راکھی ساونت نے انکشاف کیا کہ جب انہوں نے شوبز انڈسٹری میں اپنا کیریئر شروع کیا تھا تو ان کی والدہ کو دل کا دورہ پڑا تھا۔

انہوں نے کہا کہ میں بہت چھوٹی تھی، مجھے پتا چلا میں ہسپتال گئی تو انہوں نے کہا کہ بہت رقم لگے گی تاہم والدہ کے علاج کے لیے جب اپنے ایک دوست سے مدد مانگی اور بتایا کہ مجھے پیسوں کی ضرورت ہے تو اس نے مجھے اگلے دن ملنے کا کہا۔

انہوں نے کہا کہ میں نے اس کا شکریہ ادا کیا اور کہا کہ میں پیسے واپس کردوں گی تو اس نے کہا کہ واپس کرنے کی ضرورت نہیں ہے ماں سے بڑھ کر کیا ہے اور ایسے الفاظ کہہ کر اس نے میرا بھروسہ جیت لیا۔

راکھی ساونت نے مزید کہا کہ گاڑی امپورٹڈ تھی اور مجھے اندر سے لاک کھولنا بھی نہیں آتا تھا۔

انہوں نے کہا کہ اس دوست نے کہا کہ راکھی میں تمہیں اتنے پیسے دے رہا تو تم مجھے کیا دو گی؟ میں نے کہا کہ میں کچھ نہیں دے سکتی مجھے اتنی عقل نہیں تھی-

راکھی کے مطابق جب میں نے اسے کہا کہ میں اسے کچھ نہیں دے سکتی تو اس نے مجھے بے لباس ہونے کا کہا میں چیخی چلائی، اسی روکنے کی کوشش کی اور جب میں نے انکار کیا تو اس نے مجھے گاڑی سے نیچے سڑک پر پھینک دیا اور چلا گیا۔

راکھی ساونت نے کہا کہ میری روح کانپ جاتی ہے، یہ بات میں نے ابھی تک اپنی ماں یا کسی اور کو بھی نہیں بتائی-

اپنی بات کو جاری رکھتے ہوئے انہوں نے کہا کہ میں اس رات کے بعد اکیلی نہیں سوپاتی، مجھے ڈر لگتا ہے اس دن کے بعد وہ کبھی نہیں ملا۔

بعدازاں جب راہول ویدیا نے ان کے لیے نیک خواہشات کا اظہار کیا کہ وہ ہمیشہ خوش رہیں اور ایک اچھی ماں بنیں تو راکھی ساونت روپڑیں۔

راکھی ساونت نے روتے ہوئے بتایا کہ ان کا شوہر رتیش پہلے سے شادی شدہ ہے اور وہ ان سے شادی سے پہلے یہ نہیں جانتی تھیں۔

انہوں نے کہا کہ مجھے پتا نہیں چلا بلکہ مجھے دھچکا لگا اور اس کے بعد سے میری ماں بیمار رہنے لگی۔

راہول ویدیا سے گفتگو میں انہوں نے کہا کہ میں بھی انسان ہوں، کتنا درد برداشت کروں، میرے شوہر کا ایک بچہ ہے، وہ مجھے 5 مرتبہ طلاق کی دھمکی دے چکا ہے اور میں اپنی شادی بچانا چاہتی ہوں۔

خیال رہے کہ راکھی ساونت نے برطانیہ سے تعلق رکھنے والے ایک بزنس مین ریتیش سے 28 جولائی 2018 کو شادی کی تھی تاہم اس کا اعلان تقریباً ایک ہفتے بعد کیا تھا۔

بھارتی میڈیا سے بات کرتے ہوئے راکھی نے انکشاف کیا تھا کہ انہوں نے اپنے ایک مداح سے شادی کرلی ہے جس کا تعلق برطانیہ سے ہے اور یہ دونوں ایک دوسرے سے بےحد محبت کرتے ہیں۔

 

اگرمیرےساتھ شادی نہ کروگی توتمہیں اغواکرکےلےجاوں گا:معروف اداکارہ کوکس بڑی شخصیت…

راکھی ساونت کی والدہ کینسر کے باعث آئی سی یو منتقل

امریکی پاپ اسٹار ریحانہ کے بعد آسکر ایوارڈ یافتہ ہالی وڈ ادکارہ سوسن سرینڈن نے بھارتی کسانوں کے حق میں آواز بُلند کردی ۔

باغی ٹی وی : بھارت میں اس وقت کسانوں کا احتجاج جاری ہے بھارتی حکومت کسانوں کی آواز کو دبانے کے لیے تشدد تک سے گریز نہیں کررہی اور متنازع زرعی قوانین کے خلاف کسانوں کا مسئلہ اب بین الاقوامی مسئلہ بن چکا ہے اور پاپ گلوکارہ ریحانہ سمیت کئی عالمی شہرت یافتہ شخصیات اس مسئلے پر اپنی آواز بُلند کر رہی ہیں –

تاہم اب آسکر ایوارڈ یافتہ ہالی ووڈ ادکارہ سوسن سرینڈن نے سماجی رابطے کی ویب سائٹ ٹوئٹر پر اُس خبر کا لنک شیئر کیا جس میں بتایا گیا ہے کہ بھارتی کسان کب سے اور کیوں احتجاج کررہے ہیں۔

Standing in solidarity with the #FarmersProtest in India. Read about who they are and why they’re protesting below. https://t.co/yWtEkqQynF

— Susan Sarandon (@SusanSarandon) February 5, 2021

ہالی ووڈ ادکارہ سوسن سرینڈن نے اپنے ٹوئٹ میں کہا کہ میں بھارتی کسانوں کے احتجاج میں اظہارِ یکجہتی کرنے کے لیے اُن کے ساتھ کھڑی ہوں۔

اُنہوں نے اپنے مداحوں سے مخاطب ہوتے ہوئے کہا کہ اگر آپ یہ جاننا چاہتے ہیں کہ بھارتی کسان کون ہیں اور یہ کیوں احتجاج کررہے ہیں تو آپ اس خبر کو پڑھیں۔

خیال رہے کہ اس سے قبل بھارتی کسانوں پر ہونے والے مظالم پر ردّ عمل دینے والی امریکی گلوکارہ ریحانہ کو حکمران جماعت بھارتیہ جنتا پارٹی اور مودی کے حمایتی انتہا پسند ہندوؤں نے پاکستانی ایجنٹ قرار دیا تھا۔

why aren’t we talking about this?! #FarmersProtest https://t.co/obmIlXhK9S

— Rihanna (@rihanna) February 2, 2021

امریکی گلوکارہ ریحانہ نے بھارتی کسانوں کے لیے آواز بلند کی اور ایک ٹوئٹ میں لکھا تھا کہ ہم اس بارے میں بات کیوں نہیں کررہے ہیں؟-

اس حوالے سے متعدد نامور بالی ووڈ اداکاروں نے بھی اپنے سوشل میڈیا پیغامات میں کہا کہ ریحانہ سمیت دیگر غیر ملکی فنکاروں کو بھارت کے اندرونی معاملات میں مداخلت نہیں کرنی چاہیے جبکہ کنگنا رناوت نے ریحانہ کو بے وقوف کہتے ہوئے شدید تنقید کا نشانہ بنایا اور ایک بھارتی ٹی وی کو دیئے گئے انٹرویو کے دوران دعوی کیا کہ ریحانہ مذکورہ ٹوئٹ کرنے کے 100 کروڑ روپے وصول کئے ہیں-

واضح رہے کہ بھارت میں زرعی اصلاحات کے معاملے پر کسانوں کا احتجاج 5 ماہ سے جاری ہے اور ہزاروں کسانوں نے بھارتی دارالحکومت نئی دہلی کے مختلف علاقوں میں دھرنے دے رکھے ہیں جب کہ 26 جنوری کے روز کسانوں اور پولیس کے درمیان شدید تصادم بھی ہوا تھا، کسانوں کا دعویٰ ہے کہ 26 جنوری سے اب تک 100 سے زیادہ مظاہرین لاپتہ ہیں۔

کسانوں کے احتجاج نے اب بین الاقوامی توجہ حاصل کرلی ہے اور ان کے حق میں امریکی گلوکارہ ریحانہ اور اداکارہ میا خلیفہ سمیت دیگر نامور شخصیات بھی آواز اٹھارہی ہیں جس کے باعث مودی حکومت کی بدنامی میں اضافہ ہورہا ہے-

بھارتی کسانوں کا احتجاج: گوہر خان نےعالمی ستاروں پر تنقید کرنے والے بھارتیوں کو کھری کھری سنادیں

بھارتی اداکارنصیرالدین شاہ بھی بھارتی کسانوں کےحق میں بول پڑے

بھارتی کسانوں کیلئے آواز بلند کرنے پر کنگنا رناوت امریکی گلوکارہ پر پھٹ پڑیں

امریکی گلوکارہ ریحانہ نے بھارتی کسانوں کے حق میں آواز بُلند کر دی

سیف علی خان کی فلم کی شوٹنگ کے دوران سیٹ پر خوفناک آگ بھڑک اٹھی

بھارت میں انسانی حقوق کی خلاف ورزیاں ہو رہی ہیں میا خلیفہ

کسانوں کے مسئلے پر حکومت کی ترجمانی کرکے بالی وڈ اداکاروں نے مصیبت مول لی

بھارتی کسانوں کے ساتھ اظہار یکجہتی: ریچا چڈھا ماحولیاتی تبدیلی کی کارکن گریٹا…

ریحانہ کی بھارتی کسانوں کی حمایت: علی گل پیر اور کنگنا رناوت میں تکرار

کنگنا رناوت نے تاپسی پنوں کو بی گریڈ اداکارہ قرار دیا