پاکستان فلم انڈسٹری کے معروف ہدایت کار اور فلم ساز پرویز رانا کی آج چوتھی برسی منائی جارہی ہے۔
باغی ٹی وی :آج سے 4 سال قبل اس دنیا سے رخصت ہونے والے ہدایت کارپرویز رانا کا شمار فلم انڈسٹری کے بڑے ہدایتکاروں میں ہوتا تھا اور انہوں نے متعدد لازوال فلمیں تخلیق کیں۔
فیصل آباد سے تعلق رکھنے والے پرویز رانا نے لالی ووڈ کو ’چراغ بہادر، چن بلوچ، سوہا جوڑا، طوفان، غنڈا ٹیکس، وحشی گجر‘ اور ’نصیبو‘ سمیت 200 سے زائد فلمیں دیں۔
ہدایتکار 25 جنوری 2017 کو جان لیوا دورہ پڑنے سے خالق حقیقی سے جا ملے تھے۔
نئی دہلی :اگرمیرے ساتھ شادی نہ کروگی تو تمہیں اغوا کرکے لے جاوں گا:معروف اداکارہ کوکس بڑی شخصیت نے دھمکی دی،اطلاعات کے مطابق ایک مشہورومعروف خوبصورت اداکارہ نے انکشاف کیا ہے کہ ایک طاقت ورشخصیت نے شادی نہ کرنے پراغوا کی دھمکی دی تھی
ذرائع کے مطابق تنازعات میں گھری رہنے والی بالی وڈ اداکارہ و ماڈل راکھی ساونت نے جلد شادی کرنے کے راز سے پردہ اٹھا دیا۔اداکارہ راکھی ساونت کی شادی گزشتہ دنوں ہوئی تھی اور اِس وقت وہ بگ باس کے 14 ویں سیزن میں موجود ہیں۔
راکھی ساونت کے شوہر اب تک منظر عام پر نہیں آئے ہیں جس کے باعث ان کی شادی اب بھی عجوبہ بنی ہوئی ہے اور اس سے متعلق ہر دم ان سے سوال ہوتا ہے۔
حال ہی میں اداکارہ نے شادی سے متعلق اہم انکشاف کرتے ہوئے بتایا کہ میں نے شادی تو کی ہے لیکن اس کے پیچھے ایک راز ہے کیونکہ زندگی میں ایسے پریشانیاں لاحق ہوگئیں تھی کہ فوری طور پر شادی کرنا پڑی۔ان کا کہنا تھا کہ جیسے لوگ ارجنٹ (فوری) شاپنگ پر جاتے ہیں تو ویسے ہی میں نے ارجنٹ شادی کی ہے۔
انہوں نے دعویٰ کیا کہ بھارت کی ایک مشہور شخصیت نے مجھے دھمکی دی تھی کہ میں نے اگر شادی نہ کی تو وہ مجھے اغواء کرلے گا مگر میں نے اس حوالے سے پولیس سے کوئی شکایت نہیں کی۔راکھی نے مشہور شخصیت کا نام لینے سے انکار کرتے ہوئے بتایا کہ اگر میں اس شخص کا نام لوں گی تو وہ مجھے بگ باس سے باہر نکال دے گا
پاکستان فلم انڈسٹری کے نامور فلم اسٹار شان شاہد کو اسپورٹس بورڈ پنجاب نے کھیلوں کا سفیر بنانے کا فیصلہ کیا ہے۔
باغی ٹی وی :اس حوالے سے اداکار شان نے اسپورٹس بورڈ پنجاب کے افسران سے ملاقات کی اس ملاقات کے بعد میڈیا سے گفتگو میں شان نے کہا کہ وہ کھیلوں کی ترقی کے لیے ہر طرح سے حاضر ہیں۔
انہوں نے کہا کہ قومی کھیل سمیت تمام کھیلوں کے فروغ کے لیے کام کرتے رہیں گے۔
اداکار کا کہنا تھا کہ جنوبی افریقا کرکٹ ٹیم کا پاکستان آنا خوش آئند ہے، امید ہے اچھی کرکٹ دیکھنے کو ملے گی۔
انھوں نے بتایا کہ قومی کرکٹ ٹیم کے کپتان بابراعظم اُن کے پسندیدہ کھلاڑی ہیں۔
پاکستانی اداکارہ ثناء فخر نے حال ہی میں اپنے شوہر کی سالگرہ کے موقع پر ان کے ساتھ کچھ تصاویر اپ لوڈ کیں تھیں جس کی وجہ سے انہیں سوشل میڈیا صارفین کی جانب سے شدید تنقید کا نشانہ بنایا گیا-
باغی ٹی وی :سوشل میڈیا پر اکثر اداکارائیں اپنے لباس یا اپنے انداز کی وجہ سے صارفین کی تنقید کی زد میں آ جاتی ہیں اور اب صارفین اداکارہ ثناء فخر پر بھڑک اٹھے ہیں۔
ثناء فخر نے اپنے انسٹاگرام اکاؤنٹ پر شوہر کو سالگرہ کی مبارکباد دیتے ہوئی تصاویر شیئر کیں جن میں اسے ایک تصویر میں وہ اپنے شوہر کو بوسہ دے رہی تھیں۔
ان تصاویر پر صارفین کی جانب سے اداکارہ ثناء فخر پر شدید تنقید کی جا رہی ہے کہ انہیں سوشل میڈیا اپنی حدود میں رہ کر تصاویر اپ لوڈ کرنی چاہئیں۔
تاہم اب بے شمار تنقید کے بعد بلآخر اداکارہ ثناء فخر کی جانب سے 6 منٹ 12 سیکنڈ طویل ویڈیو پیغام کے ذریعے ناقدین کو جواب دیا گیا ہے۔
ثناء فخر نے ناقدین کو آڑے ہاتھوں لیتے ہوئے کہا کہ میں آپ لوگوں کا دکھ، درد اور تکلیف سب سمجھ سکتی ہوں، لگتا ہے کہ میں نے کسی کی دکھتی رگ پر ہاتھ رکھ دیا ہے۔
اداکارہ نے کہا کہ یہ بہت زیادہ تھا لیکن پھر بھی میں آپ سب کا شکریہ ادا کرتی ہوں، تنقید کرنا آپ سب کا حق ہے، آپ اس کا اظہار کرنے کے لیے جو بھی الفاظ استعمال کرتے ہیں وہ بہت اہم ہوتے ہیں اور ان لفظوں سے ہی آپ کی شخصیت نظر آتی ہے-
ثناء نے مزید کہا کہ ‘ایسے بھی بہت پیارے لوگ ہیں جنہوں نے اچھی اچھی باتیں کہیں، کچھ لوگ بہت ہی پیارے ہیں لیکن دل کے مارے ہیں اور انہوں نے دل کے ہاتھوں مجبور ہو کر مجھے لعنتیں بھی دیں لیکن پیار زیادہ ملا ہے مجھے’۔
اداکارہ نے ویڈیو پیغام کے آخر میں کہا کہ ’کوئی بات نہیں، میں آپ سب کا شکریہ ادا کرتی ہوں اور ساتھ ہی انہوں نے ناقدین کو دعائیں بھی دیں-
بالی وڈ فلم انڈسٹری کے معروف ہدایت کار ڈیوڈ دھون کے بیٹے ورون دھون کی نتاشا دلال کے ساتھ شادی کی تقریبات کا آغاز آج ‘سنگیت نائٹ’ سے ہو گا۔
باغی ٹی وی :بھارتی میڈیا رپورٹس کے مطابق آج علی باغ میں شاہی طرز پر قائم کیے مینشن ہاؤس میں اداکار ورون دھون اور نتاشا دلال کی سنگیت کی تقریب منعقد کی گئی ہے۔
میڈیا رپورٹس کے مطابق ورون دھون اور نتاشا دلال کے سنگیت پر کرن جوہر، عالیہ بھٹ، ارجن کپور اور جھانوی کپور پرفارم کریں گے۔
ورون دھون کی شادی کی تمام تر تقریبات میں فون کے استعمال پر سختی سے پابندی عائد کی گئی ہے کیونکہ نتاشا دلال نے پہلے ہی سختی سے کہا تھا کہ وہ نہیں چاہتیں کہ ان کی شادی کی تصاویر سوشل میڈیا پر لیک ہوں۔
خیال رہے کہ اداکار ورون دھون اور نتاشا دلال 24 جنوری یعنی کل رشتہ ازدواج میں منسلک ہو جائیں گے جبکہ ان کی شادی میں بالی وڈ کنگ شاہ رخ خان، سلمان خان، کترینہ کیف ، ارجن کپور، سارہ علی خان، ملائیکا اروڑا، جھانوی کپور، کرن جوہر اور جیکلین فرنینڈز سمیت متعدد شخصیات شرکت کریں گی۔
پاکستان کے معروف سیاسی کارکن ، قومی اسمبلی کے رکن اور میزبان ڈاکٹر عامر لیاقت کی اہلیہ اداکارہ و میزبان سیدہ طوبیٰ عامر کے نئے فوٹوشوٹ کی تصاویر سوشل میڈیا پر چرچے ہیں تاہم صارفین کی جانب سے ان تصاویر پر ملے جلے تاثرات کا اظہار کیا جارہا ہے۔
باغی ٹی وی : قومی اسمبلی کے رکن اور میزبان عامر لیاقت حسین کی اہلیہ اداکارہ طوبیٰ عامر نے گزشتہ روز اپنے نئے فوٹوشوٹ کی تصویر انسٹاگرام پر شیئر کیں۔
شئیر کردہ تصویر میں طوبیٰ عامر سفید لباس میں انتہائی خوبصورت لگ رہی ہیں اور انہیں سفید رنگ کی ہائی نیک ٹاپ اور سفید جینز میں ملبوس دیکھا جا سکتا ہے۔ ان کے فوٹوشوٹ کی تصویر دیکھتے ہی دیکھتے سوشل میڈیا پر وائرل ہوگئیں۔
سیدہ طوبیٰ عامر کے نئے فوٹوشوٹ پر صارفین نے ملے جلے جذبات کا اظہار کیا ہے۔ کچھ لوگوں نے ان کے نئے انداز کی تعریف کی جب کہ کچھ لوگوں نے ان پر طنز کیا۔
ایک صارف نے کہا ماشااللہ بہت خوبصورت لگ رہی ہیں۔ ایک اور صارف نے لکھا میں اپنی آنکھیں آپ پر سے ہٹا نہیں پارہی۔ کوئی کس طرح اتنا پرفیکٹ ہوسکتا ہے؟ ایک صارف نے تو عامر لیاقت کو خوش قسمت قرار دیتے ہوئے کہا واہ عامر لیاقت تیری قسمت۔
فراز نامی صارف نے سیدہ طوبیٰ عامر پر طنز کرتے ہوئے کہا جب بھی میں آپ کے نام کے ساتھ سیدہ دیکھتا ہوں حیران رہ جاتا ہوں۔ ایک اور صارف نے لکھا بھئی واہ عالم آن لائن کے عالم کی زوجہ۔
واضح رہے کہ طوبیٰ عامر ان دنوں نجی ٹی وی چینل سے نشر ہونے والے ڈرامے ’بھڑاس‘ میں نظر آرہی ہیں ڈرامے میں ان کی اداکاری کو کافی پسند کیا جارہا ہے۔
پاکستان شوبز انڈسٹری کے نامور کامیڈین اداکار یاسر حسین نے ریستوارن مالکان کا مینجر کی انگریزی کا تمسخر اُڑانے پر سوشل میڈیا صارفین کی مذمت پر ردعمل دیتے ہوئے کہا کہ انگریزی کو ’کُول‘اور اردو کو جہالت بنانے والے ہم ہی ہیں۔
باغی ٹی وی : یاسر حسین نے اس حوالے سے انسٹاگرام پر ایک اسٹوری شئیر کی جس میں انہوں نے کہا کہ اسلام آباد میں ہوٹل مالکان نے اپنے مینجر کی انگریزی کا مذاق اڑایا اور مزے کی بات یہ کہ ساری دنیا میں موجود لوگوں نے مجھ سمیت انگریزی میں ہی آواز اُٹھائی۔
یاسر حسین نے کہا کہ کسی نے یہ سوچا کہ اس مینجر کو انگریزی بولنے کی ضرورت کیوں پڑی، یہ کامپلیکس معاشرے میں آیا کہاں سے؟-
اداکار نے لکھا کہ شرم کا مقام ہے کہ ہم نے ہی انگلش کو کُول یعنی اچھا اور انگریزی کو جہالت بنا دیا ہے۔
خیال رہے کہ سوشل میڈیا پر ایک ویڈیو وائرل ہوئی جس میں خواتین جو خود کو ایک ریسٹورنٹ کا مالک بتاتی ہیں وہ اس ریسٹورنٹ کے منیجر کو بلا کر اس کے ساتھ انگریزی میں بات چیت کرتی ہیں جبکہ منیجر کی انگریزی اتنی اچھی نہیں ہوتی جس پر وہ اس کا مذاق بناتی ہیں اور تمسخر اڑاتے ہوئے ہنستی بھی ہیں۔
بعدازں ریستوران کی جانب سے ایک بیان جاری کیا گیا ہے جس میں انہوں نے کہا ہے کہ انہیں اپنی ٹیم کے ایک رکن کے ساتھ ’ہلکی پھلکی گفتگو‘ کو لوگوں کی جانب سے غلط انداز میں لیے جانے پر افسوس اور حیرانی ہے۔
آسکرایوارڈ یافتہ پاکستانی ہدایت کارہ شرمین عبید چنائے سوشل میڈیا پر گردش کرنے والی اسرا بلجیک المعروف حلیمہ سلطان کے پشاور زلمی کے برانڈ ایمبسیڈر بننے پر اسے پاکستانی فنکاروں کے لیے خطرناک قرار دے دیا۔
باغی ٹی وی :چند روز قبل ترک ڈرامہ سیریل ارطغرل غازی میں حلیمہ سلطان کا کردار ادا کرنے والی ترک اداکارہ اسرا بلجیک نے پشاور کے اسلامیہ کالج کی ایک خوبصورت تصویر اپنے سوشل میڈیا اکاؤنٹس پر شیئرکرتے ہوئے اسے ’’پھولوں کا شہر‘‘ قرار دیاتھا۔
https://twitter.com/esbilgic/status/1351566285423992843?s=20
بعد ازاں پشاور زلمی کے چئیرمین جاوید آفریدی نے اسرا بلجیک کا یہ ٹوئٹ ری ٹوئٹ کراتے ہوئے بالکل یہی فقرہ ’’پھولوں کا شہر‘‘ لکھا تھا۔
THE CITY OF FLOWERS
— Javed Afridi (@JAfridi10) January 19, 2021
جس کے بعد سوشل میڈیا پرقیاس آرائیاں شروع ہوگئی تھیں کہ اسرا رواں سال پاکستان سپر لیگ سکس میں پشاور زلمی کی برانڈ ایمبیسڈر بنیں گی اور پشاور زلمی کی نمائندگی کریں گی۔
انسٹاگرام پر ایک میگزین کے انسٹاگرام اکاؤنٹ پر جب اسرا کے پشاور زلمی کے برانڈ ایمبسیڈر بننے کے حوالے سے پوسٹ شیئر کی گئی تو آسکر ایوارڈ یافتہ ہدایت کارہ شرمین عبید چنائے نے اس پر ناگواری کا اظہار کرتے ہوئے اپنے تحفظات کا اظہار کردیا-
اس پوسٹ پر کمنٹ کرتے ہوئے شرمین عبید نے لکھا ایک ترک اداکارہ جس کے ملک میں اسپورٹس کھیلا ہی نہیں جاتا اب کرکٹ کا چہرہ بنے گی۔ ویسے پاکستانی اداکاراؤں کے ساتھ کیا ہوا؟ کیا وہ سب غائب ہوگئیں کہ ہمیں ایک غیر ملکی اداکارہ کی ضرورت پڑگئی؟
شرمین عبید نے مزید کہا اگر آپ اسی طرح ترک اداکاروں کو ملازمتوں کی ادائیگیاں کرتے رہے تو ہماری فلمی صنعت میں جو بھی بچاہے وہ مرجائے گا۔ ہمارے پاکستانی فنکار بھی یہ سب کرسکتے ہیں۔
تاہم شرمین عبید چنائے کے اس کمنٹ کو سوشل میڈیا پر زیادہ پسند نہیں کیا گیا ایک سوشل میڈیا صارف نے انہیں جواب دیتے ہوئے کہا آپ بہت بہترین ہدایت کارہ ہیں ماشااللہ اور آپ دنیا بھر میں پاکستانی کی نمائندگی کرتی ہیں لہذا میں نے سوچا کہ آپ اس کی حمایت کریں گی لیکن بدقسمتی سے آپ بھی وہی سبق دے رہی ہیں۔
کیا آپ جانتی ہیں غیر ملکی فنکاروں کو یہاں لاکر ان سے کام کروانا دراصل ہماری انڈسٹری کے لیے اچھا ہے اس طرح سے یہ لوگ پاکستانی انڈسٹری کی نمائندگی کرتے ہیں ۔ لوگ کہتے ہیں واہ اسرا پاکستان میں کام کررہی ہے جس کا مطلب ہے پاکستان میں اتنی قابلیت اور پیسہ ہے کہ یہاں غیر ملکی فنکاروں سے کام لیا جاسکے۔
شرمین عبید چنائے بھی اس کمنٹ پر چُپ نہ رہیں اوراپنی بات کا دفاع کرتے ہوئے کہا کہ آپ انڈسٹری سے متعلق کچھ نہیں جانتیں لہذا آپ کیسے کہہ سکتی ہیں کہ غیر ملکی فنکاروں کا ہمارے یہاں کام کرناہماری صنعت کے لیے اچھا ہے؟ ہماری بہت چھوٹی سی انڈسٹری ہے اور ہمیں اسے اس وقت تک محفوظ کرنا ہے جب تک کہ یہ اپنے پیروں پر کھڑی نہیں ہوجاتی۔
شرمین نے کہا کہ مہربانی کرکے اس طرح کی باتیں کرنے سے پہلے تھوڑی ریسرچ کرلیا کریں۔ ہمارے ملک میں بہت کم فلمیں بنتی ہیں اور ہمارے یہاں پروڈکشن کا بجٹ بھی بہت محدود ہوتا ہے۔
دیگر سوشل میڈیا صارفین نے شرمین عبید چنائے کے تبصرے کے جواب میں کہا اگر اسرا بلجیک پاکستان میں کرکٹ کی نمائندگی کرے گی تو اس طرح ہوسکتا ہے ترکی میں اسپورٹس متعارف ہوجائے لہذا حسد کرنا اور نفرت کرنا بند کریں۔
پاکستان فلم انڈسٹری کی سکینڈل گرل کے نام سے مشہور اور معروف اداکارہ میرا نے اپنی شادی کی تاریخ کا اعلان کردیا۔
باغی ٹی وی :تفصیلات کے مطابق اداکارہ میرا نے حال ہی میں ایک ویب شو میں بطورِ مہمان شرکت کی جہاں اُنہوں نے میزبان کے مختلف سوالات کے جوابات دیتے ہوئے اپنی شادی کے متعلق بھی اہم انکشاف کیا۔
شو کی میزبان نے اداکارہ میرا سے اُن کی شادی سے تعلق سوال کیا کہ آپ شادی کب کر رہی ہیں؟
میزبان کے سوال کا جواب دیتے ہوئے میرا نے کہا کہ وہ رواں سال اکتوبر میں شادی کریں گی تاہم اُنہوں نے یہ نہیں بتایا کہ وہ کس سے شادی کرنے والی ہیں۔
میرا نے ایک اور سوال کے جواب میں اداکار شان شاہد کو مشورہ دیتے ہوئے کہا کہ انہیں پاکستان فلم انڈسٹری کی سیاست کی کمان سنبھال لینی چاہیے۔
ستھ ہی انٹرویو میرا نے انکشاف کیا کہ وہ جلد ہی ندیم بیگ کی ایکشن فلم میں جلوہ گر ہوں گی تاہم اداکارہ نے فلم کا نام نہیں بتایا۔
اداکارہ میرا نے ویب شو میں گفتگو کے دوران یہ بھی دعویٰ کیا کہ اُنہیں بھارت سے کام کی پیشکش ہوئی تھی لیکن دونوں ممالک کے خراب تعلقات کی وجہ سے وہ پیشکش قبول نہ کرسکیں۔
واضح رہے کہ اداکارہ میرا نے سال 2003 اور 2004 میں بھارت کا دورہ کیا تھا اور ان کی پہلی بالی وڈ فلم ’نظر‘ 2005 میں ریلیز ہوئی تھی اور ان کی بالی وڈ کی دوسری فلم ’کسک‘ سال 2006 میں ریلیز ہوئی تھی۔
پاکستان ڈرامہ انڈسٹری کے معروف اداکار و ہدایت کار یاسر نواز نے ماضی میں پیش آنے والی خوفناک اور دلچسپ واقعہ شئیر کر دیا-
باغی ٹی وی : نجی ٹی وی چینل کے شو میں گفتگو کرتے ہوئے یاسر نواز نے بتایا کہ ایک ڈرامے کی شوٹنگ کے لیے جب وہ کراچی میں تین تلوار کے راستے میں آنے والی ایک خستہ حال عمارت میں گئے تو وہاں (عمارت کا) گارڈ خاصا پراسرار محسوس ہوا۔
یاسر نےبتایاکہ چوکیدار سے جو بھی سوال کیا جاتا وہ اس کا جواب 2 سے 4 سیکنڈ بعد دیتا۔
انہوں نے کہا کہ کیونکہ شوٹ کیے جانے والے سین رات کے تھے تو ہم نے منصوبہ بنایا کہ رات 10 بجے سے صبح 5 بجے تک شوٹ کیے جائیں، جب ہم عمارت میں داخل ہوئے تو مجھے اور میری ٹیم کو ایک عجیب سی وحشت محسوس ہوئی۔
یاسر نواز نے مزید بتایا کہ رات کے30: 12 کے بعد جب میری نظر یونہی اوپر کی جانب پڑی تو میں نے دیکھا کہ سفید رنگ کا سایہ جس کے کندھے بھی نظر آرہے ہیں لیکن چہرہ نظر نہیں آرہا کمرے میں جھانک رہا ہے، جب میں نے اپنی ٹیم کے ایک لڑکی سے کہا کہ اوپر دیکھو کچھ نظر آرہا ہے تو اس نے کہا کہ سر میں آپ سے پہلے وہیں دیکھ رہی تھی ،ایسا لگ ہے جیسے کوئی جھانک رہا ہے۔
یاسر کے مطابق میں نے ان سے کہا کہ خاموش رہو کیونکہ اگر ہم نے شور مچایا تو اداکار بھی شور مچائیں گے اور سین شوٹ نہیں کریں گے لیکن میری نظریں اوپر ہی تھیں مگر میں نے دیکھا وہ سایہ آہستہ آہستہ پیچھے جاتا رہا اور ختم ہوگیا۔
اد کار کا کہنا تھاکہ میں اوپر ہی دیکھتا رہا لیکن کچھ دیر بعد وہی سایہ مجھے سیدھا کھڑا ہواکمرے کی دوسری کھڑکی میں نظر آیا اور پھر جب ہم نے شوٹ کےلیے کمرا تبدیل کیا تو وہ سایہ وہاں بھی ہمیں کھڑا دکھائی دیا، اس کے بعد ٹیم میں شامل ایک اور شخص نے با آواز بلند کہا کہ مجھے بھی یہی سایہ نظر آرہا ہے، اب میں اور میری ٹیم ڈر گئے تھے، میں نے اپنے ساتھ کھڑے شخص سے کہا یہاں شوٹ مناسب نہیں ہمیں نکلنا چاہیے۔
ہدایتکار کا کہنا تھا کہ مجھے میری ٹیم کے ایک شخص نے یہاں تک کہا اگر سر آپ اجازت دیں تو میں لائٹس کا رخ اس سایے کی طرف کرتا ہوں اس سے یہ ہوگا جو بھی شے ہے فوراً لائٹس اس کے منہ پر پڑے گی لیکن یاسر کے مطابق انھوں نے اسے ایسا کرنے سے منع کردیا ۔