Category: شوبز

با لی وڈ اداکارہ شلپا شیٹھی خود کو محب وطن ظاہر کرنے کی کوشش میں بھارتیوں کے ہاتھوں سوشل میڈیا پراپنا ہی مذاق بنوا بیٹھیں –

باغی ٹی وی :گزشتہ روز بھارت کا 72 واں یوم جمہوریہ تھا بالی وڈ اداکاروں نے خود کو محب وطن ظاہر کرنے کی کوشش میں سوشل میڈیا پر پیغامات جاری کیےلیکن یہ بھی حقیقت ہے کہ اگر کوئی کام مجبوری میں یا صرف دکھاوے کے لیے کیا جائے تو ہمیشہ غلط ہی ہوتا ہے۔

چند بھارتی فنکاروں نے بھی بھارت کے یوم جمہوریہ پر لوگوں کو صرف اسلیے مبارکباد دی کیونکہ شاید وہ دوسرے لوگوں سے پیچھے نہیں رہنا چاہتے تھے اور خود کو ًحب وطن ثابت کرنے کی کوشش میں تنقید کا نشانہ بن گئے کیونکہ اگر انہیں دل سے بھارت کا خیال ہوتا تو اتنی بڑی غلطی نہ کرتے۔

گزشتہ روز اداکارہ تاپسی پنوں نے بھارت کے 72 ویں یوم جمہوریہ پر 71 ویں یوم جمہوریہ کی مبارکباد دی اور سوشل میڈیا پر مذاق کا نشانہ بن گئیں۔ لیکن دوسروں کو فٹنس کا پارٹ پڑھانے والی اداکارہ شلپا شیٹھی تو تاپسی پنوں سے بھی آگے نکل گئیں۔

انہوں نے بھارت کے یوم جمہوریہ کے بجائے یوم آزادی کی مبارکباد دی اور اس ٹوئٹ سے اندازہ ہوتا ہے کہ انہیں اپنے ملک کے یوم جمہوریہ یا یوم آزادی سے کوئی لینا دینا نہیں، بلکہ وہ تو دوسروں کی دیکھا دیکھی صرف ایک ٹوئٹ کرکے اپنی جان چھڑا رہی تھیں۔

شلپا شیٹھی کی یہ ٹوئٹ وائرل ہونے کے بعد انہوں نے اپنی غلطی درست کرتے ہوئے اس ٹوئٹ کو ڈیلیٹ کرکے دوبارہ صحیح ٹوئٹ کی۔ لیکن سوشل میڈیا صارفین انہیں کہاں چھوڑنے والے تھے۔ اداکارہ کی اتنی بڑی غلطی پر نہ صرف انہیں شدید تنقید کا نشانہ بنایا گیا بلکہ ان کا خوب مذاق بھی اڑایا گیا۔
https://twitter.com/Beingrealbeing/status/1353953157475299328?s=20
ایک صارف نے شلپا شیٹھی اور تاپسی پنوں دونوں پر طنز کرتے ہوئے کہا یہ ہیں ہمارے با لی وڈ کے سوکالڈ اسٹارز۔ ایک 72 ویں یوم جمہوریہ کو 71 واں یوم جمہوریہ کہتی ہے۔ جب کہ دوسری یوم جمہوریہ پر یوم آزادی کی مبارکباد دیتی ہے۔ کون سا نشہ کیا ہے دونوں نے آج۔

Yes celebs apne aap ko bahut intellgent samajte hai, hala ki ye anpadh koi bharat ki koi history, geography malum nahi hoti hai aur apne stardom ki vajah se bakvas karte hai.

— Jack (@jignesh7012) January 26, 2021

ایک صارف نے بالی وڈ اسٹارز کو تنقید کا نشانہ بناتے ہوئے کہا کہ یہ اداکار خود کو بہت ذہین سمجھتے ہیں حالانکہ ان کو بھارت کی کوئی تاریخ اور ضغرافیہ کے حوالے سے معلومات نہیں ہوتی بس اپنے اسٹارڈم کی وجہ سے بولتے ہیں-

بالی وڈ اداکارہ پریانکا چوپڑا کی نئی تصنیف (اَن فِنشڈ) جو ان کی یادداشتوں پر مبنی ہے شائع ہونے والی ہےاس کتاب میں انھوں نے متعدد ایسے عنوانات کا احاطہ کیا ہے جس پر ماضی میں انھوں نے کبھی کچھ نہیں کہا انہوں نے اپنی اس کتاب میں بہت زیادہ بات کیے بغیر اپنی بعض خامیوں کا اعتراف کیا ہے اور اس میں انہوں نے اپنے ایک عمل پر افسوس اور ناگواری کا اظہار بھی کیا جس میں انہوں نے رنگ گورا کرنے والی ایک کریم کی پروموشن کی تھی۔

باغی ٹی وی : ایک فرانسیسی و برطانوی انٹرنیشنل ماہانہ جریدے میری چارلی کو ایک حالیہ انٹرویو میں پریانکا چوپڑا نے رنگ گورا کرنے والی کریم کی پروموشن کی وجوہات کا انکشاف کرتے ہوئے اپنے تاسف کا اظہار کیا۔

پریانکا کہنا تھا کہ جلد کو گورا کرنا جنوبی ایشیا میں ایک عام سی بات ہے اور اسکی یہاں بہت بڑی انڈسٹری ہے اور ہر کوئی ایسا کررہا ہے۔ حقیقت میں اسکی پروموشن کرنا ایک خاتون اداکارہ کے حوالے سے ایسا کچھ معیوب بھی نہیں لیکن مجھے اس پر افسوس ہے۔

بالی وڈ اداکارہ نے کہا کہ میرے لیے یہ اس وجہ سے بھی نا خوشگوار ہے کہ ایک کم عمر لڑکی کے طور پر میں بھی جلد کو گورا کرنے والا ٹالکم پاؤڈر کریم اپنے چہرے پر لگایا کرتی تھی اسکی وجہ یہ تھی کہ میں سمجھتی تھی کہ سانولی جلد میں خوبصورتی نہیں ہوتی۔

بھارتی انتہا پسند تنظیم کرنی سینا مذہبی جذبات مجروح کرنے پر ویب سیریز ‘تانڈو’ کے فلم سازوں کی زبان کاٹنے والے شخص کے لیے ایک کروڑ روپے دینے کا اعلان کیا ہے۔

باغی ٹی وی :نریندر مودی کی قیادت میں بی جے پی کی حکومت قائم ہونے کے بعد سے بھارت میں عدم برداشت اور ہندو انتہا پسند تنظیموں کی سرگرمیاں بڑھتی جارہی ہیں اس کا اندازہ بھارتی فلموں و ویب سیریز پر شدت پسند حلقوں کے ردعمل سے لگایا جا سکتا ہے دہلی کی سیاست پر مبنی ہدایت کار علی عباس ظفر کی ویب سیریز ’تانڈو‘ 15 جنوری کو ریلیز کی گئی تھی جس میں سیف علی خان، ڈمپل کپاڈیا، سنیل گروور سمیت بہت سے فن کاروں نے اداکاری کے جوہر دکھائے۔

ویب سیریز کی ریلیز کے بعد انتہا پسند ہندوؤں نے آسمان سر پر اُٹھا لیا اور اپنا روائتی انداز اپناتے ہوئے فلم میکرز سے معافی مانگنے کا مطالبہ کردیا۔ شدت پسند جماعت بی جے پی کے رہنماؤں نے نہ صرف فلم سے بہت سے مناظر ہٹانے کا کہا بلکہ ہاتھ جوڑ کر معافی مانگنے کا مطالبہ بھی کیا۔

بھارت کی حکمران جماعت بھارتیہ جنتا پارٹی سے تعلق رکھنے والے مقامی عہدیدار نے ایمیزون پرائم ویب سیریز ‘تانڈو’ کے خلاف پولیس میں شکایت درج کرانے اور ممبئی میں کمپنی کے دفتر کے سامنے احتجاج کی دھمکی تھی دہلی میں بنائی گئی ویب سیریز ‘تانڈو’ فلم ساز علی عباس ظفر نے بنائی ہے جس میں کرداروں میں سیاسی اقتدار سے متعلق اسکیمز دکھائی گئی ہے۔

اس سیاسی ڈراما ویب سیریز کو بی جے پی کے دیگر قانون سازوں کی جانب سے تنقید کا سامنا کرنا پڑا تھا علاوہ ازیں ہدایت کار علی عباس ظفر، لکھاری گورو سولنکی، ایمیزون پرائم کی بھارتی مواد کی سربراہ اپرنا پوروہت اور تانڈو کے پروڈیوسر ہیمانشو کرشنا مہرا کے خلاف ایف آئی آر درج کی گئی تھی۔

بعدازاں بی جے پی کے رہنماؤں کی جانب سے ہندو دیوتاؤں اور دیویوں کی تذلیل کے الزام کے بعد اس کے فلم سازوں نے مذہبی جذبات مجروح کرنے پر غیر مشروط معافی مانگ لی تھی۔

ایمیزون پرائم کے فلم سازوں نے اس بات پر زور دیا کہ یہ فکشن تھا جس میں کسی عمل، شخص یا واقعات سے مشابہت خالصتاً اتفاقی تھی، انہوں نے ناظرین کو ناراض کرنے پر افسوس کا اظہار کیا۔

بیان میں کہا گیا تھا کہ ‘عملے اور کاسٹ کا مقصد کسی فرد، ذات، برادری، نسل، مذہب یا مذہبی عقائد کو مجروح کرنا یا تذلیل یا کسی ادارے، سیاسی جماعت یا شخص، زندہ یا مردہ کو اشتعال دلانا نہیں تھا’۔

معافی مانگنے کے بعد بھی انتہا پسند ہندو باز نہ آئے بھارتی میڈیا رپورٹ کے مطابق بھارتی انتہا پسند تنظیم کرنی سینا کے سربراہ اجے سینگر نے کیا کہا کہ ‘ویب سیریز میں ہندو دیوی اور دیوتاؤں کی تذلیل کرنے والوں کی زبان کاٹنے والے شخص کو ایک کروڑ روپے انعام دیا جائے گا۔

اجے سینگر نے کہا کہ تانڈو کے فلم سازوں نے معافی مانگی لیکن یہ کافی نہیں اور اسے قبول نہیں کیا جائے گا۔

خیال رہے کہ ایمیزون پرائم کی اس ویب سیریز م

یں مرکزی اداکار ادا کرنے والے سیف علی خان کو تنقید کے بعد اضافی سیکیورٹی فراہم کی جاچکی ہے۔

مُودی فلموں میں بھی آزادی کے نعروں سے خوفزہ،بھارت کی فلم انڈسٹری بی جے پی کے…

معروف بھارتی ہدایتکارعلی عباس ظفرنے ہندو انتہاپسندوں سے معافی مانگ لی

سیف علی خان اور کرینہ کوانتہا پسند ہندوؤں کیجانب سے سنگین نتائج کی دھمکیاں،پولیس…

اطالوی اداکارہ ایشیا ارجینٹو نے معروف ہالی وڈ فلم فاسٹ اینڈ فیوریس کے ڈائریکٹر راب کوہن پر ریپ کا الزام عائد کردیا۔

باغی ٹی وی :غیر ملکی میڈیا کی رپورٹ کے مطابق ایشیا ارجینٹو نے اطالوی اخبار کو انٹرویو دیتے ہوئے کہا ہے کہ کوہن نے انہیں نشہ آور چیز پلائی جس سے وہ بے ہوش ہوگئیں، اس کے بعد جب صبح کے اوقات میں ہوش آیا تو وہ برہنہ حالت میں تھیں۔

خواتین کے ساتھ جنسی ہراسانی کے واقعات پر ہمیشہ ہی آواز بلند کرنے والی اداکارہ و ہدایتکارہ ایشیا ارجینٹو نے بتایا کہ ان کے ساتھ یہ واقعہ اس وقت پیش آیا تھا جب وہ ڈائریکٹر راب کوہن کی ایکشن فلم ٹرپل ایکس کی شوٹنگ میں مصروف تھیں۔

دوسری جانب ایشیا ارجینٹو کے الزامات پر راب کوہن کے ترجمان نے کہا ہے کہ اداکارہ کے الزامات بے بنیاد ہیں اور جھوٹ پر مبنی ہیں۔

ان کا کہنا تھا کہ راب کوہن نے اپنے اوپر لگائے تمام الزامات کو مسترد کردیا ہے اور راب کوہن نے اداکارہ کے ساتھ کام کیا اور دونوں کے درمیان ایک اچھا تعلق تھا اور ہدایتکار انھیں اپنا اچھا دوست بھی سمجھتے ہیں۔

بھارتی اداکارہ جیکولن فرنینڈس بھی ہالی وڈ فلم میں نظر آئیں گی وہ خواتین کے لیے بنائی جانے والی فلم میں کام کریں گی۔

باغی ٹی وی : بھارتی میڈیا رپورٹس کے مطابق بھارتی اداکارہ جیکولین فرنینڈس ہالی وڈ میں نظر آئیں گی اس فلم کا نام ممکنہ طور پر ’خواتین کی کہانیاں‘ ہوگا جو 6 حصوں پر مشتمل ہے۔

اس فلم کی کاسٹ میں بھی خواتین ہوں گی جبکہ ان کی ہدایتکار بھی خواتین ہی ہوں گی۔

مذکورہ فلم کے ایک حصے کا نام ’شیئرنگ اے رائیڈ‘ ہوگا جسے لینا یادیو ڈائریکٹ کریں گی جبکہ اس میں جیکولین فرنینڈس نیپالی خواجہ سرا ماڈل انجلی لاما کے ساتھ کام کرتی دکھائی دیں گی مذکورہ فلم اٹلی، انڈیا اور امریکا میں بھی فلمائی جائے گی۔

بالی وڈ اداکارہ سنی لیونی کا کہنا ہے کہ ان کے پاس صرف خوبصورت چہرہ نہیں بلکہ میرے پاس اور بھی صلاحیتیں ہیں –

باغی ٹی وی : سنی لیونی کاشمار بالی وڈ کی خوبصورت اداکاراؤں میں ہوتا ہے سنی لیونی نے بالی وڈ میں رئیلیٹی شو بگ باس سیزن 5 کے ذریعے انٹری دی تھی اور اپنی خوبصورتی کی وجہ سے راتوں رات بگ باس کی مقبول ترین کھلاڑی اورعوام کی پسندیدہ شخصیت بن گئی تھیں۔

بگ باس کے بعد وہ بالی وڈ کی کئی فلموں میں نظر آئیں – تاہم سنی لیونی کا کہنا ہے کہ ان کے پاس خوبصورتی کے علاوہ ٹیلنٹ بھی ہے۔

گزشتہ روز اداکارہ نے سماجی رابطے کی ویب سائٹ انسٹاگرام پر اپنی فٹبال کھیلتے ہوئے ویڈیو شیئر کی۔

ویڈیو میں دیکھا جا سکتا ہے کہ بالی وڈ اداکارہ فٹبال کو بڑی مہارت سے اپنے پیروں اور سر پر اچھالتی ہوئی نظر آرہی ہیں اس ویڈیو کے کیپشن میں انہوں نے لکھا ’صرف ایک خوبصورت چہرہ نہیں میرے پاس اور بھی صلاحیتیں ہیں۔‘

واضح رہے کہ 39 سالہ اداکارہ سنی لیونی کا اصل نام کرن جیت کور ہے اور وہ کینیڈا میں ایک سکھ خاندان میں پیدا ہوئیں۔ کینیڈا میں ہی ان کی پرورش ہوئی۔ بعد ازاں وہ نوعمری میں امریکا چلی گئیں۔