Category: شوبز

پاکستان شوبز انڈسٹری کی نامور اداکارہ بشریٰ انصاری نے پولیس اہلکاروں کو خراج تحسین پیش کیا-

باغی ٹی وی : بشریٰ انصاری نے سماجی رابطے کی ویب سائٹ انسٹاگرام پرلاہور موٹروے پر موجود پولیس اہلکاروں کے ساتھ ویڈیو شیئر کی ہے۔ جس میں وہ روڈ سیفٹی سے متعلق انتہائی اہم پیغام دیتی ہوئی نظر آرہی ہیں۔

بشریٰ انصاری نے ویڈیو میں کہا کہ انہوں نے پہلی بار موٹر وے دیکھا ہے اور یہ بہت شرمندگی کی بات ہے کہ میں پاکستان میں رہتے ہوئے بھی کبھی موٹروے پر نہیں آئی۔

بشریٰ انصاری نے کہا آج میں موٹر وے پرآئی ہوں جہاں موجود پولیس اہلکاروں نے مجھے بہت محبت دی ہے۔

بشریٰ انصاری نے پولیس اہلکاروں کی تعریف کرتے ہوئے کہا کہ یہ لوگ اپنے فرائض کی ادائیگی بہت اچھی طرح کررہے ہیں اور میرے ذریعے یہ لوگوں کو روڈ سیفٹی کے بارے میں بتانا چاہتے ہیں۔

اداکارہ بشریٰ انصاری نے روڈ سیفٹی سے متعلق انتہائی اہم پیغام دیتے ہوئے کہا کہ سب سے بنیادی چیز آپ کی جان بہت اہم ہے اور دوسروں کی جان بھی آپ کے لیے بہت اہم ہونی چاہئے لہذا سفر کرتے ہوئے ہمیشہ سیٹ بیلٹ لگائیں اور ہیڈ الائٹس زیادہ نہ جلائیں اس کے علاوہ اوورٹیک نہ کریں۔

اس ویڈیو کے ساتھ بشریٰ انصاری نے پولیس اہلکاروں کو خراج تحسین پیش کرتے ہوئے کہا اپنی پولیس کی عزت کریں اور ان کے ساتھ محبت اور تشکر کا اظہار کریں۔

پاکستان شوبز انڈسٹری کی نامور اداکارہ سجل علی کی جمائمہ گولڈ اسمتھ کی فلم سے ہالی وڈ میں انٹری پر ہمایوں سعید سمیت متعدد فنکاروں نے انہیں مبارکباد دی ہے۔

باغی ٹی وی : اداکارہ سجل علی وزیراعظم عمران خان کی سابق اہلیہ جمائمہ گولڈ اسمتھ کی پروڈکشن میں بننے والی فلم ’’واٹس لو گوٹ ٹو ودھ اٹ‘‘ کے ذریعے ہالی وڈ میں انٹری دینے جارہی ہیں۔ دو روز قبل جمائمہ گولڈ اسمتھ نے خود اس خبر کی تصدیق کی تھی کہ سجل علی اور بھارتی اداکارہ شبانہ اعظمی ان کی فلم میں شامل ہیں۔

What a proud moment for Pakistan; many congratulations to you Sajal. Your tremendous hard work and passion has brought you here and will take you further insha Allah. May you continue to shine @Iamsajalali https://t.co/xUUJEzZUEt

— Humayun Saeed (@iamhumayunsaeed) January 16, 2021

یہ خبر منظر عام پر آتے ہی ماہرہ خان اور ہمایوں سعید سمیت متعدد فنکاروں کی جانب سے سجل علی کو مبارکباد دینے کا سلسلہ جاری ہے۔ ہمایوں سعید نے کہا یہ پاکستان کے لیے بہت ہی فخر کا لمحہ ہے۔ سجل تمہیں بہت مبارک ہو۔ تمہاری محنت اور لگن تمہیں یہاں تک لائی ہے اور انشااللہ اس سے بھی آگے لے جائے گی تم ہمیشہ ایسے ہی چمکتی رہو۔

ماہرہ خان نے سجل علی کو مبارکباد دیتے ہوئے کہا یہ بہت حیرت انگیز ہے مجھے تم پر فخر ہے۔

اداکارہ انوشے اشرف، زارانور عباس، علی رحمان خان، یاسر حسین، بلال اشرف، مرزا گوہر رشید سمیت متعدد فنکاروں نے انہیں مبارکباد دی۔ یاسر حسین نے کہا سجل تم بہت ہی بہترین اداکارہ ہو۔ یہی بات بہت جلد شبانہ جی بھی کہیں گی۔

جمائمہ گولڈ اسمتھ کی فلم ’واٹس لو گوٹ ٹو ودھ اٹ‘ کی دیگر کاسٹ میں بھارتی اداکارہ شبانہ اعظمی، ایما تھامپسن، للی جیمز اور شاہزاد لطیف شامل ہیں۔ جب کہ شیکھر کپور فلم کی ہدایات دیں گے۔ اس رومینٹک کامیڈی فلم کی کہانی خود جمائمہ گولڈ اسمتھ نے لکھی ہے اور فلم کی کہانی سے متعلق کہا جارہا ہے کہ یہ کہانی جمائمہ اور عمران خان کی زندگی سے متاثر ہوکر لکھی گئی ہے۔

پاکستان میوزک انڈسٹری کے نوجوان گلوکار عاصم اظہر کا کہنا ہے کہ اگر وہ گلوکار نہ ہوتے تو کرکٹر ہوتے-

باغی ٹی وی : گلوکار عاصم اظہر سوشل میڈیا پر کرکٹ کے حوالےسے کافی فعال نظر آتے ہیں اور ان کی انسٹاگرام اسٹوریز اور پوسٹ دیکھنے کے بعد اس بات کا اندازہ پوتا ہے کہ انہیں کرکٹ سے کس قدر لگاؤ ہے۔

حال ہی میں گلوکار عاصم اظہر نے اپنے فوٹو اینڈ ویڈیو شئیرنگ ایپلیکیشن انسٹاگرام اکاؤنٹ پر ایک ویڈیو شیئر کی جس میں وہ کرکٹ کھیلتے دکھائی دے رہے ہیں۔

اس ویڈیو کے کیپشن میں عاصم اظہر نے لکھا کہ ‘اگر میں گلوکار نہ ہوتا تو شاید میں کرکٹر ہوتا’۔

ویڈیو شیئر کرنے کے بعد عاصم اظہر نے اپنی اسٹوری پر یہی پوسٹ شیئر کی اور پاکستان کرکٹ بورڈ (پی سی بی) کو مخاطب کرتے ہوئے کہا کہ ‘اس نوجوان اور مستحق ٹیلنٹ کو نظر انداز کرنا بند کریں’۔

علاوہ ازیں عاصم اظہر کی اس پوسٹ پر پاکستانی کھلاڑی پاکستانی کھلاڑی اعظم خان نے کہا کہ ‘ہم غریبوں کے پیٹ پر کیوں لات مار رہے ہو؟’

پاکستانی کھلاڑی اعظم خان کے اس دلچسپ تبصرے پر عاصم اظہر نے کہا کہ ‘لوگوں کو پتا ہے کہ آپ کے پاس بلوں سے زیادہ گٹارز ہیں؟

پاکستان کرکٹ ٹیم کے کھلاڑی شاداب خان نے کمنٹ کیا کہ پی ایس ایل کے لیے یہ بیٹسمین دستیاب ہے؟

جس پر عاصم اظہر نے کہا کہ اگر کپتان آپ ہوں تو پھر دستیاب ہوں-

علاوہ ازیں طلال قریشی نے بھی عاصم اظہر کی تعریف کی-

شہرہ آفاق تُرک سیریز ’ارطغرل غازی‘ میں معروف صوفی بزرگ ’ابن عربی‘ کا کردار ادا کرنے والے تُرک نژاد امریکی اداکار عثمان سویقوت نے ڈرامے میں ارطغرل اور اپنی پہلی ملاقات کی یاد تازہ کردی۔

باغی ٹی وی :سماجی رابطے کی ویب سائٹ انسٹاگرام پر عثمان سیقوت نے ڈرامہ سیریز ’ارطغرل غازی‘ کی ایک یادگار ویڈیو کلپ شیئر کی ہے جب ڈرامے کے مرکزی کردار ارطغرل کی پہلی مرتبہ ابن عربی سے ملاقات ہوتی ہے۔

اس منظر میں دیکھا جاسکتا ہے کہ ابن عربی اپنے شاگرد کے ساتھ جنگل میں ایک بےبس ہرن کے بچے کی جان بچارہے ہیں اور ارطغرل محبت بھری نگاہوں سے ابن عربی کی طرف دیکھ رہا ہے۔

یہ خوبصورت ویڈیو کلپ شیئر کرتے ہوئے عثمان سیقوت نے لکھا کہ ’ابن عربی اور ارطغرل کی پہلی ملاقات۔‘

ہزاروں مداحوں کی جانب سے عثمان سویقوت کی پوسٹ کو پسند کیا جارہا ہے جن میں بڑی تعداد میں اُن کے پاکستانی مداح بھی شامل ہیں۔

واضح رہے کہ ’ارطغرل غازی ‘ میں معروف صوفی بزرگ ’ابن عربی‘ کا کردار ترک نژاد امریکی اداکار عثمان سویقوت نے ادا کیا ہے۔

وزیر اعظم عمران خان کی ہدایت پرپی ٹی وی پر گزشتہ سال یکم رمضان سے اُردو زبان میں نشر کی جانے والی ترک سیریز ’ارطغرل غازی‘ نے نہ صرف پاکستانیوں بلکہ معروف سیاسی و سماجی اور شوبز شخصیات کو اپنے سحر میں جکڑا ہوا ہے۔

ڈرامہ اداکارہ حرا مانی کے پہلے ہی گیت ’ سواری‘ نے مقبولیت کے ریکارڈ توڑ دیئے-

باغی ٹی وی : ’یقین کا سفر‘، ’دل موم کا دیا‘، ’آنگن‘، ’دو بول‘ ،’میرے پاس تم ہو‘ ، اور ’محبتیں چاہتیں ‘ جیسے سپرہٹ ڈراموں میں اداکاری کے جوہر دکھانے والی اداکارہ حرا مانی نے گلوکاری کی دنیا میں بھی قدم رکھ دیا ہے اور وہ پہلے ہی گانے سے صارفین کی توجہ حاصل کرنے میں کامیاب ہوگئیں۔

حرا مانی نے ثابت کردیا کہ وہ نہ صرف بہترین اداکارہ ہیں بلکہ سریلی آواز کی مالک بھی ہیں۔ جس کا اندازہ آج ریلیز ہونے والے گیت سے لگایا جا سکتا ہے۔ کشمیر بیٹ کی جانب سے اداکارہ کا پہلا ویڈیو گیت ’سواری‘ جاری کر دیا گیا ہے جس میں حرا گیت گاتے ہوئے لطف اندوز ہو رہی ہیں۔

گیت ’ سواری ‘ کی مقبولیت کا اندازہ اس بات سے لگایا جاسکتا ہے کہ 4 منٹ 20 سیکنڈ کی اس ویڈیو کو محض 20 گھنٹوں میں 2لاکھ پچانوے ہزار سے زائد بار دیکھا جا چکا ہے۔ صارفین کی جانب سے اس ویڈیو کے لیے مثبت ردعمل دیکھنے میں آرہا ہے۔

صارفین نے ویڈیو پر تعریف کرتے ہوئے لکھا کہ ویڈیو میں حرا کے تاثرات قابل دید ہیں اور گیت بھی تفریح سے بھرپور ہے۔