Baaghi TV

Category: شوبز

  • ’’بامسی بے‘‘اور ’’ارتک بے‘‘ کا پاکستان میں دورہ ٹوئٹر پر ٹاپ ٹرینڈ

    ’’بامسی بے‘‘اور ’’ارتک بے‘‘ کا پاکستان میں دورہ ٹوئٹر پر ٹاپ ٹرینڈ

    مسلمانوں کی اسلامی فتوحات پر مبنی مشہور ترک ڈرامہ سیریل ارطغرل غازی میں ’’بامسی‘‘ اور ’’ارتک بے‘‘ کا کردار ادا کرنے والے اداکار بھی پاکستان پہنچ گے۔

    باغی ٹی وی :ترک ڈرامہ سیریل ارطغرل غازی کے پاکستان میں نشر ہونے کے بعد اس ڈرامہ سیریل میں ’’دوآن الپ‘‘ ’’ابن العربی‘‘، عبدالرحمان‘‘، ’’حلیمہ سلطان‘‘ سمیت تمام کردار ادا کرنے والے اداکاروں کو پاکستان میں کو بے حد مقبولیت حاصل ہوئی اور ترک اداکاروں نے بھی پاکستانیوں کی چاہت کو مدنظر رکھتے ہوئے وقتاً فوقتاً پاکستان کا دورہ کیا اور نہ صرف مداحوں بلکہ متعدد شوبز ستاروں سے بھی ملاقاتیں کیں۔

    ارطغرل غازی میں ’’بامسی‘‘ کا کردار ادا کرنے والے اداکار نور الدین سونمیر اور ’’ارتک بے‘‘ کا کردار ادا کرنے والے اداکار آئبرک پیکچن بھی پاکستان پہنچ گئے، دونوں اداکار ترک وزیر خارجہ میولود چاوش اولو کے ہمراہ وفاقی دارالحکومت پہنچے، جہاں انہوں نے ترک وزیرخارجہ کے ہمراہ ایک تقریب میں بھی شرکت کی۔

    پاکستان اور ترکی کا مشترکہ طور پربرصغیر کے مشہور کردار ترک لالہ پر ڈرامہ بنانے…

    جلال آل کی اداکار فیروز خان سے ملاقات


    اسلام آباد میں ترک سفیر مصطفیٰ یوردکل نے بھی دونوں اداکاروں کے ہمراہ ایک تصویر ٹوئٹ کرکے یہ ثبوت دیا کہ وہ پاکستان میں ہی موجود ہیں پاکستانی عوام نے اپنے پسندیدہ اداکاروں کو گرمجوشی کے ساتھ پاکستان میں خوش آمدید کہا اور ترک اداکاروں کی پاکستان آمد پر بے پناہ خوشی کا اظہار کیا یہاں تک کہ ٹوئٹر پر ٹاپ ٹرینڈ بن گیا ٹوئٹر پینل پر فہرست میں بامسی بے پہلے اور ارتک بے تیسرے نمبر پر ہے-


    https://twitter.com/_bakhtawarrr_/status/1349552773872967682?s=20
    https://twitter.com/hamzabutt61/status/1349564394921979904?s=20


    https://twitter.com/MrkhaN7887/status/1349556831581044736?s=20


    https://twitter.com/U_3322/status/1349597075718217728?s=20


    https://twitter.com/BeingAdeen/status/1349588082924916737?s=20
    https://twitter.com/SajidHu22130464/status/1349575563799896065?s=20
    https://twitter.com/ElaafTurk/status/1349605197904011264?s=20


    https://twitter.com/Shehzad_khan33/status/1349587164116480000?s=20

    خیال رہے وزیراعظم پاکستان نے ارطغرل کی ٹیم سے ملاقات کرکے تحریکِ خلافت میں برصغیر کے مشہور کردار ترک لالہ پر ڈرامہ سیریل بنانے کا فیصلہ کیا تھا۔وزیر اعظم نے ترک وفد کو یقین دہانی کروائی تھی کہ حکومت پاکستان دونوں ممالک کی مشترکہ پروڈکشن کمپنیوں کے تحت بننے والے ‘ترک لالا’ کی تیاری میں ہر ممکن مدد فراہم کرے گی۔

    فیروز خان کا پاکستانی دورے پر آئے ترک اداکار جلال آل سے ملنے کی خواہش کا اظہار

    اس سے قبل ارطغرل غازی کے عبدالرحمان نے پاکستان کا دورہ کرکے اداکارہمایوں سعید ، عدنان صدیقی ، عمران عباس اور فیروز خان سے بھی ملاقات کی اور کشمیر کو پاکستان کو حصہ بھی قرار دیا تھا۔ اس کے علاوہ اینگن التان المعروف ’’ارطغرل غازی‘‘ بھی نہ صرف یہاں آچکے ہیں بلکہ انہوں نے پاکستان میں ایک معاہدہ بھی کیا تھا جو ممکنہ طور پر انہوں نے ختم کردیا ہے۔

    تاہم اب پھر ادا کار اینگن التان دوزیتان کی دوبارہ پاکستان آنے کی خبریں سوشل میڈیا پر گردش کررہی ہیں۔اینگن التان المعروف ارطغرل غازی کو گزشتہ ماہ پاکستان لانے والے پاکستانی بزنس مین اور ٹک ٹاکر میاں کاشف ضمیر کے نام سے منسوب انسٹاگرام اکاؤنٹ سے ایک بار پھر ارطغرل کے پاکستان آنے کی خبر شیئر کی گئی ہے۔

    انسٹاگرام پر کاشف ضمیر کی ارطغرل کے ساتھ تصویر شیئر کی گئی اور ساتھ ہی پیغام درج کیا گیا کہ ارطغرل اگلے تین روز میں دوبارہ پاکستان آئیں گے-تاہم یہ اکاؤنٹ واقعی کاشف ضمیر کا اصل اکاؤنٹ ہے یا کوئی جعلی اکاؤنٹ اس حوالے سے فی الحال کوئی تصدیق سامنے نہیں آئی۔

    ارطغرل کی دوبارہ پاکستان آنے کی خبریں سوشل میڈیا پر وائرل

    ترک اداکار جلال آل کی جانب سے فیروز خان کو کھانے کی دعوت

    ارطغرل غازی کا عبدالرحمٰن الپ فیروز خان سے ملنے کے لئے بے چین

    جلال آل کا تھیلیسیمیا کے شکار پاکستانی بچوں کے لیے خون کا عطیہ

  • حورماہا ویرا 10 ملین فالوورز رکھنے والی چوتھی پاکستانی ٹک ٹاک اسٹار بن گئیں

    حورماہا ویرا 10 ملین فالوورز رکھنے والی چوتھی پاکستانی ٹک ٹاک اسٹار بن گئیں

    ٹک ٹاکرحور ماہاویرا پاکستانی لڑکیوں کی فہرست میں ویڈیو شیئرنگ ایپلیکیشن ٹک ٹاک پر 10 ملین فالوورز رکھنے والی چوتھی پاکستانی ٹک ٹاک اسٹار بن گئیں۔

    باغی ٹی وی :ٹک ٹاکر حور ماہاویرا کے ویڈیو شیئرنگ ایپ ٹک ٹک پر ایک کروڑ فالوورز ہوگئے ہیں۔

    حور ماہاویرا نے یہ سنگ میل عبور کرنے پر اپنی خوشی کا اظہار کرتے ہوئے ٹک ٹاک پر ایک ویڈیو شیئر کی ہے جس میں وہ ڈھول بجاتی نظر آرہی ہیں۔
    <img src="https://login.baaghitv.com/wp-

    ٹک ٹاک اسٹار نے ویڈیو شیئر کرتے ہوئے اپنے 10 ملین ٹک ٹاک فالوورز کا شکریہ ادا کیا۔

    حور ماہاویرا کے ٹک ٹا ک اکاؤنٹ کا جائزہ لیں تو اُنہوں نے اب تک متعدد ویڈیوز اپ لوڈ کی ہیں جن پر کروڑوں میں لائکس آئے ہیں جبکہ انہوں نے خود صرف چھ لوگوں کو فالو کیا ہوا ہے-

    واضح رہے کہ پاکستان کی نمبر ون ٹک ٹاک اسٹار جنت مرزا ہیں جنہیں اس وقت ٹک ٹاک پر 12 ملین سے زائد صارفین نے فالو کیا ہوا ہے۔

    دوسرے نمبر پر کنول آفتاب ہیں جن کے ٹک ٹاک پر 10 ملین سے زائد فالوورز ہیں، تیسرے نمبر پر ذوالقرنین سکندر اور چوتھے نمبر پر جنت مرزا کی چھوٹی بہن علیشبہ انجم ہیں۔

  • بھارتی ریاست مہاراشٹرا کے وزیر کی بھارتی گلوکارہ سے مبینہ زیادتی، مقدمہ درج

    بھارتی ریاست مہاراشٹرا کے وزیر کی بھارتی گلوکارہ سے مبینہ زیادتی، مقدمہ درج

    بھارتی معروف گلوکارہ رینو شرمانے بھارتی ریاست مہاراشٹرا کے وزیر دھننجے منڈے پر مبینہ طور پر زیادتی کا الزام عائد کیا ہے۔

    باغی ٹی وی : بھارتی میڈیا رپورٹس کے مطابق رینو شرما نے الزام عائد کیا ہے کہ مہاراشٹرا کی کابینہ میں شامل وزیر شادی کا جھانسہ دے کر زیادتی کا نشانہ بناتا رہا ہے اور یہ سلسلہ کئی سال تک جاری رہا۔

    رینو شرما نے اپنی رپورٹ میں الزام لگایا کہ شادی کے اصرار پر ریاستی وزیر نے انڈسٹری میں لانچ کرنے کے بہانے بنائے اور زیادتی کا نشانہ بناتے رہے۔

    گلوکارہ نے کہا کہ 2013 میں نمبر بند کر کے شہر چھوڑ دیا تھا لیکن ریاستی وزیر اندور شہر سے زبردستی واپس لائے اور ممبئی میں ایک کرائے کے فلیٹ میں رکھا جبکہ ان کی زیادتی کی ویڈیو بھی بنائی جس کو وائرل کرنے کی دھمکیاں دے کر زیادتی کا نشانہ بناتے رہے اور مسلسل شادی سے انکاری رہے۔


    رپورٹس کے مطابق گلوکارہ کے سنگین الزامات کے بعد ممبئی پولیس نے ان کی درخواست پرمقدمہ درج کرلیا ہے تاہم کوئی کارروائی عمل میں نہیں لائی گئی ہے۔ رینو شرما نے ایف آئی آ ر کی کاپی سوشل میڈیا پر بھی پوسٹ کی ہے اور حکومت سے انصاف کی اپیل کی ہے۔

    دوسری جانب دھننجے منڈے کا تعلق بھارت کی نیشنلسٹ کانگریس پارٹی سے ہے اور وہ ریاست مہاراشٹرا میں شیو سینا کے اتحادی ہیں جبکہ وہ سوشل جسٹس اینڈ اسپیشل اسیسٹنس کے وزیر ہیں۔

    ریاستی وزیر دھننجے منڈے نے الزامات کی سختی سے تردید کی ہے اور کہا ہے کہ انہیں بدنام کرکے بلیک میل کیا جارہا ہے جبکہ گلوکارہ کی بہن سے ماضی میں تعلقات رہے ہیں اور ان سے 2 بچے بھی ہیں جنہیں اپنا نام دیا ہے۔

    انہوں نے کہا کہ 2019 سے رینو شرما اور ان کی بہن نے پیسوں کیلئے بلیک میل کرنا شروع کردیا ہے جس کے خلاف گزشتہ سال مقدمہ بھی درج کرایا تھا۔


    دوسری جانب ممبئی پولیس نے گلوکاری کی ٹوئٹ پر رد عمل کرتے ہوئے کہا کہ وہ ان کے کیس کی پیروی کریں گے اور مزید تفصیلات کے لئے انہیں ڈی ایم میں اپنا نمبر شئیر کرنے کو کہا-

    خیال رہے کہ گلوکارہ رینو شرما متعدد گانے گاچکی ہیں جس میں ’بے شرم‘ اور ’دیسی لو‘ شامل ہیں۔

    وکاس کوہلی کی سوشل میڈیا پر وائرل ویرات اور انوشکا کی بیٹی کی تصویر پر وضاحت

    سیف علی خان نے پہلی بار خاندانی محل کے اندر مناظر کی عکس بندی کی اجازت کیوں دی

  • احمد فراز نے انسانیت کا پیغام دیا اور مظلوم اقوام کے حق میں آواز بلند کی سینیٹر شبلی فراز

    احمد فراز نے انسانیت کا پیغام دیا اور مظلوم اقوام کے حق میں آواز بلند کی سینیٹر شبلی فراز

    اسلام آباد: احمد فراز قومی ادبی سیمینار میں سینیٹر شبلی فراز، وفاقی وزیر برائے اطلاعات و نشریات کا کہنا ہے کہ احمد فراز نے انسانیت کا پیغام دیا اور مظلوم اقوام کے حق میں آواز بلند کی پروفیسر فتح محمد ملک نے کہا کہ احمد فراز کو اپنی مٹی سے والہانہ محبت تھی چیئرمین اکادمی ادبیات پاکستان ڈاکٹر یوسف خشک نے کہا کہ احمد فراز نے اپنی شاعری سے دلوں کو جوڑنے کا کام لیا ہے۔

    باغی ٹی وی : احمد فراز نے انسانیت کا پیغام دیا اور مظلوم اقوام کے حق میں آواز بلند کی،ا ن خیالات کااظہارسینیٹر شبلی فراز،وفاقی وزیر برائے اطلاعات و نشریات نے اکادمی ادبیات پاکستان کے زیر اہتمام احمد فراز ٹرسٹ کے اشتراک سے اردو کے عہد سازشاعر احمد فراز کی 90ویں سالگرہ کی مناسبت سے منعقدہ ”احمد فراز قومی ادبی سیمینار“ میں کیا۔

    شبلی فراز اس تقریب کے مہمانِ خصوصی تھے۔ مجلس صدارت میں پروفیسر فتح محمد ملک اور محمد اظہار الحق شامل تھے۔ ڈاکٹر یوسف خشک، چیئرمین اکادمی ادبیات پاکستان نے ابتدائیہ پیش کیا۔ محمد حمید شاہد، خواجہ نجم الحسن، اختر عثمان، عائشہ مسعود، ڈاکٹر عابد سیال، ڈاکٹر روش ندیم اور ڈاکٹر حمیر ا اشفاق نے اظہار خیال کیا۔

    حسن عباس رضانے منظوم خراج پیش کیا۔ عدنان رضا ، بانو رحمت اور زاہد علی خان کلامِ فراز ساز و آواز کے ساتھ پیش کیا۔ نظامت محبوب ظفر نے کی۔

    سینیٹر شبلی فراز،وفاقی وزیر برائے اطلاعات و نشریات ، نے کہاکہ احمد فراز نے انسانیت کا پیغام دیا اور مظلوم اقوام کے حق میں آواز بلند کی۔

    انھوں نے کہاکہ احمد فرازایک بااُصول انسان تھے، وہ کبھی اپنے نظریات اور آدرش سے پیچھے نہیں ہٹے ۔ انھوں نے مظلوم کشمیریوں، فلسطینیوں اور افریقہ کے محکوم اقوام کے لیے شاعری کی صورت میں جدوجہدکی ۔ وہ محبت اور انسانیت کے شاعر تھے ۔ وہ پاکستان کی طرف سے محبت اور دوستی کے سفیر تھے۔

    شبلی فراز نے کہا کہ احمد فرازنے کمزور اور پسے ہوئے طبقات کے لیے نہ صرف شاعری کے ذریعے جدوجہد کی بلکہ عملی طور پر بھی شریک رہے۔دنیا بھر میں جہاں کہیں بھی اردو سمجھی اور بولی جاتی ہے ،احمد فرازکانام عزت اور احترام کے ساتھ لیا جاتا ہے۔ وہ اپنی شاعری کے ذریعے ہمیشہ زندہ رہیں گے۔

    ڈاکٹر یوسف خشک، چیئرمین ،اکادمی ادبیات پاکستان نے استقبالیہ کلمات ادا کرتے ہوئے کہا کہ ترقی پسند تحریک کے نامور شعراءمیں شامل احمد فراز کی نظم اس فکر واحساس سے ترتیب پاتی ہے، جو ہمارے ماضی اور حال سے جُڑا ہوا ہے۔احمد فراز کی غزلیہ شاعری کا کمال یہ ہے کہ اُنہوں نے اپنی شاعری سے دلوں کو جوڑنے کاکام لیا۔

    احمدفراز زمانے کی پیدا کردہ ناہمواریوں کے خلاف اورقیام امن کے لیے مستقل لکھتے رہے۔احمد فراز اپنی غزلوں میں خیالات اور الفاظ کو ایک دوسرے کی طاقت بنا کر سامعین و قارئین کے دلوں کے اندر اُترنے کا فن جانتے تھے۔ یہ اُن کی شاعری کا کرشمہ ہے کہ وہ آج بھی عوام اور خواص دونوں سطح کے لوگوں میں یکساں مقبول ہیں۔ بلاشبہ اُن کی شاعری رومان اور مزاحمت کا حسین امتزاج ہے ۔

    پروفیسر فتح محمد ملک نے صدارتی خطاب میں کہا کہ احمد فرازکو اپنی مٹی سے والہانہ محبت تھی، اُنہوں نے بہت سے ملی ترانے لکھے، جو مٹی کی خوشبوں اور وطن کی محبت سے مملو ہیں۔ وہ جس شدت سے محبت کرتے، اُسی شدت سے لکھتے تھے۔ وہ سچے اور کھرے انسان تھے وہ ادب اور شاعری کو سچائی کا محور سمجھتے تھے۔

    لہٰذا اُنہوں نے ہمیشہ محبت اور انسانیت کی بات کی، اور ظلم وجبر کے خلاف زبردست مزاحمت کی، رومان اور مزاحمت دونوں صورتوں کی شاعری میںاحمد فراز نے کمال مہارت سے ندرت اور انفرادیت قائم کی ۔ جواُنہی کا خاصا ہے ، احمد فراز اپنی مثالی شاعری کی وجہ سے ہمیشہ کے لیے امر ہوگئے ہیں۔

    محمد اظہار الحق نےا اپنے خطاب میں خصوصیت کے ساتھ فراز صاحب کے ابتدائی مجموعوں اور درد آشوب کا ذکر کیا، جب ملکی سیاست میں انخطاط کا زمانہ تھا، اور علمِ احتجاج بلند کرنے والا کوئی نہ تھا، فرازصاحب نے اُس زمانے میں اُردو کو ایسے کمال اشعار عطا کیے جو انہی کا حصہ ہیں۔

    محمد حمید شاہدنے کہا کہ احمد فراز نے اپنا مقام کسی بھی سیاسی یا عہدے کے سہارے کے بغیر اپنا مقام پیدا کیا –

    خواجہ نجم الحسن نے کہا کہ میڈم نور جہاں ، سلمی آغا اور دیگر فنکار احمد فراز سے دلی محبت و ان کا احترام کرتے تھے-

    اختر عثمان نے احمد فراز کو ہر دور کے شاعر قرار دیا –

    عائشہ مسعود نے کہا احمد فراز سچے شاعروں کی حوصلہ افزائی کرتے اور ان سے شفقت کا رویہ رکھتے تھے-

    ڈاکٹر عابد سیال نے کہا کہ احمد فراز مشہور ہونے کے ساتھ مقبول شاعر بھی تھے-

    ڈاکٹر روش ندیم نے کہا احمد فراز اپنے ہمعصر کے ساتھ نوجوان شعرا کے لیے راہ نما شاعر ہیں اور رہیں گے اور ڈاکٹر حمیر ا اشفاق نے احمد فراز کو شاندار الفاظ میں خراج عقیدت پیش کرتے ہوئے کہا کہ فراز کی شاعری اپنی خوبصورتی اور سچائی سے لوگوں کے دلوں کو گرماتی رہی گیاحمد فراز اپنی لاجواب شاعری کیوجہ سے رہتی دنیا تک لوگوں کے دلوں میں زندہ رہیں گے۔

    پروگرام کے آخر میں فراز کی شاعری کو گلوکاروں نے گا کر نشست کو گل رنگ کر دیا ۔

  • جوہی چاولہ اور دیا مرزا بھارتی شہر ممبئی سے پریشان کیوں؟

    جوہی چاولہ اور دیا مرزا بھارتی شہر ممبئی سے پریشان کیوں؟

    بھارتی شہر ممبئی کی آلودہ ترین فضا سے بالی وڈ اداکارہ بھی پریشان ہیں۔

    باغی ٹی وی : بالی وڈ اداکارہ جوہی چاولہ نے ممبئی کی فضائی آلودگی سے پریشان ہو گئیں اس ضمن میں اداکارہ نے سماجی رابطے کی ویب سائٹ ٹوئٹر پر اپنی ٹوئٹ میں انہوں نے کورونا کی وجہ سے لگنے والے لاک ڈاؤن کو بہتر قرار دیا۔


    جوہی چاولہ نے اپنے ٹوئٹ میں کہا کہ ممبئی کی ہوا کو کیا ہوگیا ہے میں نے اپنی بالکونی میں چہل قدمی کرنا چاہی اور مجھے محسوس ہوا کہ میں مٹی اور صرف مٹی سانس سے اندر کھینچ رہی ہوں شاید لاک ڈاؤن اتنا برا نہیں تھا مجھے یاد ہے ہوا ان دنوں کتنی فرحت بخش تھی۔


    جوہی چاولہ کے ٹوئٹ پر رد عمل کا اظہار کرتے ہوئے بھارتی اداکارہ دیا مرزا نے بھی تشویش کا اظہار کیا اور کہا کہ یہ انتہائی برا ہے، کیا یہ تعمیرات سے اڑنے والی مٹی ہے جلنے والا فضلہ، بھوسے کی راکھ یا اور کچھ؟

    اداکارہ کا مزید کہناتھا کہ ساحلی شہر ہونے کی وجہ سے ہی اس سال کے آغاز سے ممبئی دہلی کے مقابلے بدترین ائیر کوالٹی انڈیکس کا شکار رہا ایسا لگتا ہے کہ اب کچھ تبدیل نہیں ہو سکتا ہے۔

    واضح رہے کہ بھارت کے دارالحکومت نئی دہلی سمیت کئی بڑے شہروں کی فضا صحت کے لیے انتہائی خراب ہوگئی ہے بھارتی دارالحکومت نئی دہلی ،کولکتہ اور ممبئی آلودہ ترین شہروں میں سرفہرست ہیں۔

  • جواد احمد کا اپنا نیا گانا ’کسانا‘ بھارت میں مقبول ہونے پر خوشی کا اظہار

    جواد احمد کا اپنا نیا گانا ’کسانا‘ بھارت میں مقبول ہونے پر خوشی کا اظہار

    پاکستان میوزک انڈسٹری کے معروف گلوکار جواد احمد نے اپنا نیا گانا ’کسانا‘ بھارت میں مقبول ہونے پر خوشی کا اظہار کیا ہے-

    باغی ٹی وی :اس ضمن میں جواد احمد نے سماجی رابطے کی ویب سائٹ ٹوئٹر پر اپنے نئے گانے ’کسانا‘ کی ویڈیو شیئر کی ہے۔

    جواد احمد نے ویڈیو شیئر کرتے ہوئے بھارت کے نامور اخبار ’ٹائمز آف انڈیا‘ کا تذکرہ کرتے ہوئے لکھا کہ بھارت کے سب سے بڑے سمجھے جانے والے اخبار ’ٹائمز آف انڈیا‘ کی جانب سے کہا گیا ہے کہ دنیا کے تمام کسانوں کی حمایت میں میرا گانا ’کسانا‘ بھارت میں وائرل ہو گیا ہے۔


    گلوکار نے اپنے پیغام میں اُس خبر کا لنک بھی شیئر کیا جس میں اس اخبار نے اس بات کا ذکر کیا ہے۔

    واضح رہے کہ جواد احمد نے دنیا بھر کے کسانوں کو خراج تحسین پیش کرنے کے لیے گانا بنایا ہے دسمبر میں ریلیز ہونے والا ’کسانا‘ گانا بھارت میں بھی تیزی سے مقبول ہونے لگا ہے –

    جواد احمد نے اپنے پنجابی گانے میں کسانوں کو مخاطب کر کے کہا ہے کہ جس خوبصورت زمین پر وہ کاشتکاری کرتے ہیں اس پر ان کا حق ہے وہی زمین کے رکھوالے ہیں لہٰذا انہیں سر اٹھا کر جینا چاہیے۔

    خیال رہے کہ بھارتی دارالحکومت نئی دلی کی سرحد پر بھارتی پنجاب اور ہریانہ سمیت دیگر علاقوں سے تعلق رکھنے والے ہزاروں کسان مودی سرکار کے نئے زرعی قوانین کے خلاف گزشتہ کئی دنوں سے احتجاج کر رہے ہیں۔

    کیونکہ بھارتی کسانوں کو تشویش ہے کہ نئے زرعی قوانین کے ذریعے سے انہیں کارپوریٹ سیکٹر کے رحم و کرم پر چھوڑ دیا جائے گا۔

    جواد احمد کا گانا بھارت میں مودی کی پالیسیوں کے خلاف کسانوں کی تحریک کا حصہ بن گیا

  • ارطغرل کی دوبارہ پاکستان آنے کی خبریں سوشل میڈیا پر وائرل

    ارطغرل کی دوبارہ پاکستان آنے کی خبریں سوشل میڈیا پر وائرل

    ترک ڈراما سیریل ’دیریلش ارطغرل‘ میں ارطغرل غازی کا کردار اداکرنے والے ادا کار اینگن التان دوزیتان کی دوبارہ پاکستان آنے کی خبریں سوشل میڈیا پر گردش کررہی ہیں۔

    باغی ٹی وی :اینگن التان المعروف ارطغرل غازی کو گزشتہ ماہ پاکستان لانے والے پاکستانی بزنس مین اور ٹک ٹاکر میاں کاشف ضمیر کے نام سے منسوب انسٹاگرام اکاؤنٹ سے ایک بار پھر ارطغرل کے پاکستان آنے کی خبر شیئر کی گئی ہے۔

    انسٹاگرام پر کاشف ضمیر کی ارطغرل کے ساتھ تصویر شیئر کی گئی اور ساتھ ہی پیغام درج کیا گیا کہ ارطغرل اگلے تین روز میں دوبارہ پاکستان آئیں گے-

    تاہم یہ اکاؤنٹ واقعی کاشف ضمیر کا اصل اکاؤنٹ ہے یا کوئی جعلی اکاؤنٹ اس حوالے سے فی الحال کوئی تصدیق سامنے نہیں آئی۔

    واضح رہے کہ نجی فرم کے مالک اور ٹک ٹاکر کاشف ضمیر نے اینگن التان کے ساتھ ایک ملین ڈالر کا معاہدہ کیا تھا اور اسی معاہدے کی مزید کارروائی کے لیے اینگن التان گزشتہ ماہ پاکستان کے شہر لاہور آئے تھے۔

    تاہم ارطغرل کے واپس ترکی جانے کے بعد کاشف ضمیر کے فراڈ، چوری اور ڈکیتی سمیت 8 مقدمات میں ملوث ہونے کا انکشاف ہوا تھا اور کاشف ضمیر کو گرفتار بھی کیا گیاتھا۔ بعد ازاں یہ خبریں سامنے آئی تھیں کہ اینگن التان نے کاشف ضمیر کے ساتھ ایک ملین ڈالر کا معاہدہ منسوخ کردیا ہے اور وہ اب پاکستان بھی نہیں آئیں گے۔

  • ٹک ٹاک اسٹار حریم شاہ کا باقاعدہ اداکاری کا آغاز

    ٹک ٹاک اسٹار حریم شاہ کا باقاعدہ اداکاری کا آغاز

    پاکستانی ٹک ٹاک اسٹار حریم شاہ ٹک ٹاک ویڈیوز بنانے کے بعد اب باقاعدہ اداکاری کے میدان میں قدم رکھنے جارہی ہیں۔

    باغی ٹی وی :حریم شاہ پاکستان کے پہلے او ٹی ٹی پلیٹ فارم (اسٹریمنگ ویب سائٹ) اردو فلکس کی ویب سیریز میں نظر آئیں گی۔ اردو فلکس کے انسٹاگرام اکاؤنٹ سے گزشتہ روز حریم شاہ کی پراجیکٹ سائن کرتے ہوئے تصویر شیئر کی گئی اور اعلان کیا گیا کہ حریم شاہ اردو فلکس کی ویب سیریز کے ذریعے اداکاری کی دنیامیں قدم رکھنے جارہی ہیں۔

    ذرائع کے مطابق حریم شاہ کو ویب سیریز ’’راز‘‘ میں بطور ہیروئن کاسٹ کیا گیا ہے۔ حریم شاہ نے ویب سیریز کا پرومو اپنے انسٹاگرام اکاؤنٹ پر شیئر کیا ہے۔

    ویب سریز ’راز ‘ کی کہانی منصور سعید نے تحریر کی ہے جبکہ فرحان گوہر اس ویب سیریز کے پروڈیوسر ہیں۔

    ’راز‘ کی ہدایتکاری اسد علی زیدی نے دی ہے، یہ ویب سریز جلد اردو فلکس پر پیش کی جائیگی ۔

    پاکستان میں نیٹ فلکس کی طرز پر پہلی تیز ترین او ٹی ٹی سروس شروع کرنے کے اعلان پر شوبز ستارے فواد چوہدری کے متعرف

    حریم شاہ کا شمار پاکستان کی مقبول ترین ٹک ٹاک اسٹارز میں ہوتا ہے۔ تاہم وہ اپنی ٹک ٹاک ویڈیوز سے زیادہ متنازع ویڈیوز کی وجہ سے زیادہ مشہور ہوئی ہیں۔ اس کے علاوہ مختلف سیاستدانوں کے ساتھ منظرعام پر آنے والی تصاویر نے بھی حریم شاہ کی مقبولیت میں اضافہ کیا ہے۔

    واضح رہے کہ پاکستان میں نیٹ فلکس کی طرز پر اردو فلکس کا پلیٹ فارم لانچ کیا جارہا ہے جہاں لوگ اردو میں اپنے پسندیدہ ڈرامے، فلمیں اور ویب سیریز دیکھ سکیں گے۔ پاکستان میں اردو فلکس کے لیے اوریجنل مواد پروڈیوس کیا جارہا ہے۔ اب تک اس پلیٹ فارم پر دو ویب سیریز کا اعلان کیا جاچکا ہے۔ جن میں پہلی علیزے شاہ کی ویب سیریز’’دلہن اور ایک رات‘‘ شامل ہے۔ جب کہ دوسری ویب سیریز حریم شاہ کو لے کر بنائی جارہی ہے۔

    نجی ڈیجیٹل میڈیا پلیٹ فارم اردو فلکس متعارف کرانے کو تیار

    خیال رہے کہ ایسی ویب سائٹس پر صارف اس وقت ہی کوئی ڈراما یا فلم دیکھ سکتا ہے جب وہ اس ویب سائٹ کی پیسوں کے عوض سبسکرپشن کرواتا ہے صارف کو ماہانہ فیس ادا کرنی پڑتی ہے، جس کے عوض مذکورہ ویب سائٹ صارف کو فلموں، ڈراموں اور شوز دیکھنے تک رسائی دیتی ہے۔

    پاکستان میں اردو فلکس لانچ کرنے کی تاریخ سامنے آ گئی

    عام طور پر ایسی ویب سائٹس کی ماہانہ فیس پاکستانی ایک ہزار روپے سے 1500 تک ہوتی ہے، تاہم حالیہ کچھ عرصے میں ٹی وی اور سینما کے مقابلے اسٹریمنگ ویب سائٹس کے رجحان میں اضافے کے باعث ان کی فیس میں بھی اضافہ دیکھا جا رہا ہے۔

    ابھی یہ کہنا قبل از وقت ہے کہ ‘اردو فلکس’ کی ماہانہ فیس کتنی ہوگی، تاہم خیال کیا جا رہا ہے کہ اس کی ماہانہ فیس 750 سے لے کر 1200 تک ہوسکتی ہے۔

    علیزے شاہ کے بعد مشال خان بھی پہلے ‘اردو او ٹی ٹی’ پلیٹ فارم کی ویب سیریز میں اداکاری کے لئے تیار

    اردو فلکس نے اپنی پہلی اوریجنل ویب سیریز کا پہلا ٹیزر جاری کر دیا

  • ہمارے پاکستان کا ٹیلنٹ بہت اچھا ہے بس انہیں محنت کرنے کی ضرورت ہے شاہدہ منی

    ہمارے پاکستان کا ٹیلنٹ بہت اچھا ہے بس انہیں محنت کرنے کی ضرورت ہے شاہدہ منی

    پا کستان کی معروف گلوکارہ و اداکارہ شاہدہ منی کا کہنا ہے کہ ہمارے پاکستان کا ٹیلنٹ بہت اچھا ہے بس انہیں محنت کرنے کی ضرورت ہے-

    باغی ٹی وی :حال ہی میں شاہدہ منی ایک نجی ٹی وی چینل کے شو میں شریک ہوئیں جہاں ان سے پاکستان کے مقبول گلوکاروں کی تصاویر دکھا کر ان گلوکاروں کے حوالے سے ان کی رائے پوچھی گئی۔ سب سے پہلے شاہدہ منی کو گلوکارہ آئمہ بیگ کی تصویر دکھائی گئی اور آئمہ سے متعلق ان کی رائے پوچھی گئی۔

    شاہدہ منی نے کہا سب ہی لوگ اپنے اسٹائل میں اچھا کام کررہے ہیں۔ آئمہ بیگ اس وقت انڈسٹری میں ہیں اور اچھا کام کررہی ہیں لیکن میں انہیں کہنا چاہوں گی کہ یہ ذرا ناک سے گانا بند کردیں۔

    علی ظفر کے بارے میں شاہدہ منی نے کہا علی ورسٹائل اور با ادب ہے علی ظفر اور میں نے پی ٹی وی میں ایک ساتھ کام کیا تھا اور علی شروع سے بہت تیز اور محنتی تھا اور جب یہ کمرشلز میں آتاتھا تو مجھے لگتا تھا اس میں کوئی کرنٹ ہے۔

    گلوکار بلال سعید کو شاہدہ منی نے مشورہ دیتے ہوئے کہا لوگ مشہور ہوجاتے ہیں اور ان کے گانے بھی ہٹ ہوجاتے ہیں لیکن ان لوگوں کو مزید محنت کرنے کی ضرورت ہے۔

    گلوکارہ نے کہا کہ بلال سعید برا نہیں ہے لیکن اسے پرفارم کرنا نہیں آتا اسے اچھے گانے کی ٹریننگ لینی چاہئے اور ریاض کرنا چاہئے۔

    میشا شفیع کو شاہدہ منی نے اسمارٹ قرار دیتے ہوئے کہا کہ میشا بہت اچھی دکھتی ہیں لیکن جیسی دکھتی ہیں ویسا گانا بھی گائیں۔

    عاطف اسلم کو شاہدہ منی نے خوش قسمت قرار دیتے ہوئے کہا عاطف اسلم نے تاجدار حرم قوالی بہت عقیدت سے گائی ہے۔

    گلوکارہ شاہدہ منی نے کہا کہ ہمارے پاکستان کا ٹیلنٹ بہت اچھا ہے بس انہیں محنت کرنے کی ضرورت ہے۔

     

    منشا پاشا بھارتی فلمساز کی جانب سے لاہور ہیرا منڈی پر بنائی جانے والی فلم پرناراض

    بولڈ لباس میں فوٹو شوٹ پر شدید تنقید ، ارمینہ خان نے کمنٹ سیکشن بند کر دیا

  • ڈرامہ سیریل ڈنک کے خلاف وفاقی محتسب کا ایکشن ڈرامہ سیریل فوری طور روک کر پروڈیوسر اور چینل مالکان کو طلب کرلیا گیا

    ڈرامہ سیریل ڈنک کے خلاف وفاقی محتسب کا ایکشن ڈرامہ سیریل فوری طور روک کر پروڈیوسر اور چینل مالکان کو طلب کرلیا گیا

    وفاقی محتسب برائے تحفظ جنسی استحصال و ہراسیت برائے خواتین کشمالہ طارق نے نجی ٹی وی چینل اے آر وائے کے ڈرامہ سیریل ڈنک کے بارے میں کہا ہے کہ ‘ایک خاتون کسی فرد کو بدنام کرنے کے لیے اپنی عزت و وقار داؤ پر لگاتے ہوئے جھوٹی شکایت درج کیوں کروائے گی؟-

    باغی ٹی وی : وفاقی محتسب برائے تحفظ جنسی استحصال و ہراسیت برائے خواتین کشمالہ طارق نے اے آر وائی ڈیجیٹل پر آن ایئر ہونے والے ڈرامہ سیریل ’ڈنک‘ میں خاتون کی جانب سے مبینہ طور پر جنسی ہراسیت کی جھوٹی شکایت درج کرانے کے تاثر کو تقویت دینے والی کہانی دکھائے جانے پر چیئرمین پیمرا، چینل کے سربراہ اور پروڈیوسر فہد مصطفیٰ کو طلب کر لیا ہے۔

    خاتون محتسب نے تینوں کو 15 جنوری کو ذاتی حیثیت میں حاضر ہو کر اپنا موقف پیش کرنے اور مزید احکامات تک ڈرامہ سیریل ’ڈنک‘ نشر کرنے سے روکنے کا حکم دیا ہے۔

    اس حوالے سے دیئے گئے نوٹس میں خاتون محتسب نے لکھا ہے کہ اس ڈارمے میں اب تک دکھائی جانے والی اقساط میں یہ ثابت کرنے کی کوشش کی گئی ہے کہ خواتین عموماً جنسی ہراسیت کے جھوٹے الزامات عائد کرتی ہیں۔

    انہوں نے کہا کہ میں سمجھتی ہوں کہ اس طرح کا ڈرامہ انسدادِ ہراسیت بمقامِ کار ایکٹ 2010 کی روح کے منافی ہے جس کا مقصد پاکستان میں خواتین کو ہراسیت سے تحفظ فراہم کرنا تھا۔

    نوٹس میں کشمالہ طارق نے کہا کہ وفاقی محتسب برائے انسداد ہراسیت، خواتین کو سازگار ماحول فراہم کرنے کے لیے ہر طرح کی ہراسیت کے خلاف خدمات سرنجام دے رہا ہے تاکہ خواتین معاشرے میں اپنا بھرپور کردار ادا کر سکیں۔ ہمیں بحیثیت معاشرہ خواتین کو حقیقی آزادی دلانے کے لیے کردار ادا کرنا چاہیے۔

    کشمالہ طارق نے کہا کہ ریاست پاکستان نے انسداد ہراسیت ایکٹ 2010 جیسے قوانین کے ذریعے خواتین کو مرکزی دھارے میں کردار ادا کرنے کے قابل بنایا ہے، لیکن اس طرح کے ڈرامے ان کوششوں اور ہراسیت کے خلاف آواز اٹھانے والوں کی حوصلہ شکنی کے مترادف ہیں۔

    نوٹس میں کہا گیا ہے کہ جنسی ہراسیت ہمارے معاشرے میں ابھی ایک ایسا موضوع ہے جس پر بات کرنا مناسب نہیں سمجھا جاتا۔ ویسے بھی یہ عام فہم بات ہے کہ ایک خاتون کسی فرد کو بدنام کرنے کے لیے اپنی عزت و وقار داؤ پر لگاتے ہوئے جھوٹی شکایت درج کیوں کروائے گی؟-

    کشمالہ طارق نے کہا کہ پاکستان کے اندرونی اور بیرونی دشمن جنسی تفریق مذہبی عدم برداشت اور بنیاد پرستی جیسے الزامات لگا کر پروپیگنڈا کرتے ہیں۔ ہمارے ہمسائے کی جانب سے پاکستان کو انہی بنیادوں پر فیٹف کی بلیک لسٹ میں شامل کرانے کی کوشش اس کی ایک مثال ہے۔

    وفاقی محتسب کا کہنا ہے کہ یہ پیمرا کا فرض ہے کہ وہ ٹی وی چینلز پر نشر ہونے والے ڈراموں کے مواد کو دیکھے اور یقینی بنائے کہ ان میں ریاست اور انسانی حقوق کے خلاف کوئی مواد موجود نہیں ہے۔

    واضح رہے کہ اے آر وائی پر ان دنوں ڈرامہ سیریل ڈنک نشر کیا جا رہا ہے جس کے بارے میں سوشل میڈیا پر بھی منقسم رائے پائی جاتی ہے۔ بعض صارفین کا خیال ہے کہ اس ڈامے میں جنسی ہراسیت کے جھوٹے الزامات لگانے کے عمل کو فروغ دیا گیا ہے تاہم کچھ کہتے ہیں کہ یہ ڈرامہ جنسی ہراسیت کے خلاف آگہی پر مبنی ہے-

    پروڈیوسر فہد مصطفیٰ کے اس ڈرامے میں اداکار بلال عباس خان اور ثنا جاوید مرکزی کردار ادا کر رہے ہیں ڈرامے کی دیگر کاسٹ میں نعمان اعجاز، فہد شیخ ، ازیکہ ڈینئیل اور یاسرہ رضوی شامل ہیں۔

    اس ڈرامے کے ڈائریکٹر فہد مصطفیٰ اور ڈاکٹر علی کاظمی ہیں اس ڈرامے کے پروڈیوسر بدر محمود ہیں یہ مشہور ڈرامے بلا اور چیخ بھی پروڈیوس کر چکے ہیں-

    ڈنک ڈرامہ سیریل کی کہانی ڈرامہ سیریل چیخ جیسے اسرار پر مبنی ہے۔ ثنا جاوید مرکزی کردار نبھال رہی ہیں “عمال” اور بلال عباس خان مرکزی اداکار کا کردار “حیدر” ادا کررہے ہیں۔

    ڈنک ڈرامہ کی کہانی یونیورسٹی کے ایک طالب علم امل کی جانب سے اپنے پروفیسر ہمایوں (نعمان اعجاز) کے خلاف دائر ہراساں کرنے کے کیس کے گرد گھوم رہی ہے۔ حیدر (بلال عباس) ہراساں کرنے کے معاملے میں امل کی حمایت کرتا ہے۔ لیکن پروفیسر ہمایوں تمام الزامات کی تردید کرتے ہیں۔ ہمایوں کی زندگی ہراساں کرنے کے الزامات کی وجہ سے دکھی ہوجاتی ہے۔