Baaghi TV

Category: شوبز

  • معروف بھارتی اداکار رجنی کانت کے حوالہ سے تشویشناک خبر

    معروف بھارتی اداکار رجنی کانت کے حوالہ سے تشویشناک خبر

    باغی ٹی وی کی رپورٹ کے مطابق معروف بھارتی اداکار رجنی کانت کے حوالہ سے تشویشناک خبر آ گئی

    رجنی کانت کی طبیعت اچانک خراب ہو گئی جس کے بعد انہیں ہسپتال منتقل کر دیا گیا ہے رجنی کانت کو حیدرآباد کے اپولو اسپتال میں داخل کرایا گیا پے۔

    چند روز قبل رجنی کانت کی فلم اناتھے کی شوٹنگ روک دی گئی تھی کیونکہ اس فلم کی کرو کے آٹھ ممبران کورونا کا شکار ہو گئے تھے۔ اسی کے بعد رجنی کانت نے خود کوقرنطینہ کر لیا تھا۔

    حیدرآباد اپولو اسپتال نے رجنی کانت کی صحت پر کہا ہے کہ بھارتی معروف اداکاری رجنی کانت میں کورونا وائرس کی علامات نہیں پائی گئی ہیں ،بی پی لو ہے اور اسی وجہ سے انہیں اسپتال میں داخل کرایا گیا ہے۔ڈاکٹروں کی ٹیم علاج معالجہ کر رہی ہے، طبیعت بہتر ہونے پر ہسپتال سے فارغ کر دیا جائے گا

     

    ابھی نہیں تو کبھی نہیں، بھارتی اداکار رجنی کانت کا سیاسی پارٹی بنانے اور الیکشن لڑنے کا اعلان

  • ارطغرل غازی کی موت میری زندگی کا مشکل ترین سین تھا بامسی بے

    ارطغرل غازی کی موت میری زندگی کا مشکل ترین سین تھا بامسی بے

    کورلش عثمان سیزن 2 میں ‘ارطغرل غازی’ کے مرکزی کردار ’ارطغرل‘ کے قریبی دوست ’بامسی‘ کا کردار اداکرنے والے نورالدین سونمیر بھی ڈرامے میں’ارطغرل غازی‘ کی وفات سے افسردہ ہوگئے۔

    باغی ٹی وی : نورالدین سونمیر نے سماجی رابطے کی ویب سائٹ تاریخی ترک سیریز ’کورلش عثمان‘ سیزن 2 میں ارطغرل کا کردار ادا کرنے والے تامیر یگت کے ہمراہ ڈرامے کے ایک منظر کی تصویر شیئر کی۔

    انہوں نے شُوٹنگ کے دوران کی ایک تصویر شیئر کرتے ہوئے تُرک زبان میں لکھا کہ یہ میری زندگی کا ایک مشکل ترین سین تھا۔

    ترک اداکار نے لکھا کہ یہ ایک بہت ہی مشکل منظر تھا جذبات سے بھر پور اور نہ ختم ہونے والا لمحہ تھا۔

    بامسی بے نے لکھا کہ میرے بازوؤں میں ایک زبردست اداکار تامیر یگت تھے جبکہ میری آنکھوں میں ارطغرل غازی تھے۔

    نورالدین سونمیر نے اپنی پوسٹ میں ’ارطغرل غازی‘ میں ارطغرل کا کردار ادا کرنے والے انگین آلتان کو بھی ٹیگ کیا۔

    خیال رہے کہ کورلش عثمان کے ٹریلر کے مطابق کورلش عثمان کے سیزن 2 کی گزشتہ رات قسط میں موت دکھائی گئی تھی تاہم آج رات نشر ہونے والی 40 ویں قسط میں ’ارطغرل غازی‘ کا کردار اپنے اختتام کو پہنچ رہا ہے۔

    ایک عہد تھا جو تمام ہوا ،ارطغرل غازی کی موت ٹوئٹر پر ٹاپ ٹرینڈ

  • عدنان صدیقی کے بعد عمران عباس نے بھی سال 2020 کی سب سے اچھی بات بتا دی

    عدنان صدیقی کے بعد عمران عباس نے بھی سال 2020 کی سب سے اچھی بات بتا دی

    پاکستان شوبز انڈسٹری کے معروف اداکار عدنان صدیقی کے بعد مقبول اداکار عمران عباس نے بھی اپنے سوشل میڈیا پیغام کے ذریعے مداحوں کو رواں سال کی سب سے اچھی بات بتا دی۔

    باغی ٹی وی :سوشل میڈیا ویب سائٹ انسٹاگرام پر عمران عباس نے 2020 کے اختتام کے حوالے سے ایک خصوصی پوسٹ شیئر کی ہے۔

    عمران عباس نے اپنی پوسٹ میں لکھا کہ 2020 میں سب سے اچھی چیز جو ہوئی ہے وہ یہ ہے کہ ہم آج یہ پیغام پڑھ رہے ہیں یعنی اللہ تعالیٰ نے ہمیں اس مشکل سال میں بھی زندہ رکھا ہے۔

    اداکار نے کہا کہ ہمیں اپنی زندگی کے لیے اللہ تعالیٰ کا شکرادا کرنا چاہیے۔

    عمران عباس نے اس معنی خیز پوسٹ کو ایک خصوصی کیپشن بھی دیا انہوں نے لکھا کہ ہمیں زندہ رکھنے کے لیے اللہ کا شکر ادا کریں۔

    اداکار نے مزید لکھا کہ زندگی اور صحت ہی خدا کا سب سے بڑا تحفہ ہے لہٰذا ہمیشہ اُس کے شُکر گزار رہیں۔

    واضح رہے کہ اس سے قبل اداکار عدنان صدیقی نے بھی رواں سال کو بہترین قرار دیا تھا اداکار نے اپنی انسٹاگرام پوسٹ میں لکھا تھا کہ جلد سال 2020 ماضی کا قصہ بن جائے گا تاہم یہ سال ان سمیت ہر کسی کی زندگی کے لیے اہم سبق چھوڑ جائے گا۔

    انہوں نے اپنی پوسٹ میں لکھا تھا کہ اب سے تین ہفتوں میں ، 2020 ماضی ہو جائے گا۔ ایک انتہائی غیر معمولی سال۔ جب ہم اس کی بات کرتے ہیں تو ، مجھے نہیں لگتا کہ کسی کو بھی مبہم خیال تھا کہ اس میں تین ماہ اور ہماری زندگی ، جیسے ہم جانتے ہیں ، رک جائیں گے۔ ایک فروغ پزیر دنیا اچانک رک گئی اور ہم اب بھی معمول کی واپسی کے منتظر ہیں۔ تعجب کی بات نہیں ، مارچ 2020 کے بعد سے ہماری سب سے عام سوچ یہ ہے کہ ، ’’ زندگی کب معمول پر آئے گی ‘‘۔

    عدنان صدیقی نے سال 2020 کو بہترین سال قرار دیا

    انہوں نے لکھا کہ رواں برس ان سے اکثر پوچھا گیا کہ وہ 2020 کو بہترین سال کیوں قرار دیتے ہیں، جس پر انہوں نے جواب دیا کہ اس لیے اس سال کورونا کی وجہ سے ‘لاک ڈاؤن’ نافذ ہونے سے انہیں مصروفیت سے چھٹکارہ حاصل ہوا اور انہوں نے بچوں کے ساتھ اچھا وقت گزارا۔

    انہوں نے لکھا تھا کہ ‘لاک ڈاؤن’ کو خدا نے ہی بھیجا تھا اور وہ ان کے لیے نیند مکمل کرنے، کتابیں پڑھنے، شاعری لکھنے، موسیقی سننے اور اپنی اولاد کے ساتھ بہترین وقت گزارنے کا ذریعہ بنا۔

    اداکار نے لکھا تھا کہ صرف تین ماہ کے ‘لاک ڈاؤن’ نے اس سال دنیا کو بہت کچھ سکھایا اور کاروبار زندگی معطل ہوتے ہی ہم سب کا یہی سوال تھا کہ زندگی معمول پر کب آئے گی؟

    انہوں نے بتایا تھا کہ سال 2020 میں انہیں زندگی اور دنیا کو دوسرے زاویے سے دیکھنے کا موقع دیا اور اس سال ان سمیت ہر کسی نے کچھ ایسے کام کیے، جو ‘لاک ڈاؤن’ کے بغیر کرنا ممکن نہیں تھے۔

    اداکار نے لکھا تھا کہ رواں سال میں نے یہ سیکھا کہ انسان ، چاہے وہ خود کو قادر مطلق قرار دے ، فطرت کو کبھی فتح نہیں کرسکتا۔ 2020 میں بھی مجھے تھوڑا سا آہستہ ہونا ، اپنے پیاروں کو قریب رکھنا ، دعا کرنا ، اور زندگی کو کبھی بھی حرام نہیں سمجھنا سکھایا گیا۔

    صنم سعید نے سال 2020 کو کٹھن سال قرار دیا

  • صنم سعید نے سال 2020 کو کٹھن سال قرار دیا

    صنم سعید نے سال 2020 کو کٹھن سال قرار دیا

    پاکستان شوبز انڈسٹری کی نامور اداکارہ صنم سعید کا کہنا ہے کہ رواں سال ہم سب کیلئے بہت کٹھن رہا ہے۔

    باغی ٹی وی : اداکارہ صنم سعید نے سماجی رابطے کی ویب سائٹ انسٹاگرام پر اپنی ایک تصویر شیئر کی جس میں وہ دوربین پکڑے ہوئے کچھ دیکھنے میں مصروف ہیں۔

    انہوں نے تصویر شیئر کرتے ہوئے لکھا کہ وہ 2021 کے آنے کا انتظار کر رہی ہیں کیونکہ رواں سال ہم سب کے لیے بہت کٹھن تھا اور امید کرتی ہیں کہ آئندہ سال ان کے لئے اچھا ثابت ہو۔

    واضح رہے کہ اس سے قبل عدنان صدیقی نے رواں سال 2020 کو بہترین قرار دے رہے ہیں اداکار نے اپنی انسٹاگرام پوسٹ میں لکھا تھا کہ جلد سال 2020 ماضی کا قصہ بن جائے گا تاہم یہ سال ان سمیت ہر کسی کی زندگی کے لیے اہم سبق چھوڑ جائے گا۔

    انہوں نے اپنی پوسٹ میں لکھا تھا کہ اب سے تین ہفتوں میں ، 2020 ماضی ہو جائے گا۔ ایک انتہائی غیر معمولی سال۔ جب ہم اس کی بات کرتے ہیں تو ، مجھے نہیں لگتا کہ کسی کو بھی مبہم خیال تھا کہ اس میں تین ماہ اور ہماری زندگی ، جیسے ہم جانتے ہیں ، رک جائیں گے۔ ایک فروغ پزیر دنیا اچانک رک گئی اور ہم اب بھی معمول کی واپسی کے منتظر ہیں۔ تعجب کی بات نہیں ، مارچ 2020 کے بعد سے ہماری سب سے عام سوچ یہ ہے کہ ، ’’ زندگی کب معمول پر آئے گی ‘‘۔

    انہوں نے لکھا تھا کہ رواں برس ان سے اکثر پوچھا گیا کہ وہ 2020 کو بہترین سال کیوں قرار دیتے ہیں، جس پر انہوں نے جواب دیا کہ اس لیے اس سال کورونا کی وجہ سے ‘لاک ڈاؤن’ نافذ ہونے سے انہیں مصروفیت سے چھٹکارہ حاصل ہوا اور انہوں نے بچوں کے ساتھ اچھا وقت گزارا۔

    انہوں نے لکھا تھا کہ ‘لاک ڈاؤن’ کو خدا نے ہی بھیجا تھا اور وہ ان کے لیے نیند مکمل کرنے، کتابیں پڑھنے، شاعری لکھنے، موسیقی سننے اور اپنی اولاد کے ساتھ بہترین وقت گزارنے کا ذریعہ بنا۔

    اداکار نے بتایا تھا کہ صرف تین ماہ کے ‘لاک ڈاؤن’ نے اس سال دنیا کو بہت کچھ سکھایا اور کاروبار زندگی معطل ہوتے ہی ہم سب کا یہی سوال تھا کہ زندگی معمول پر کب آئے گی؟ سال 2020 میں انہیں زندگی اور دنیا کو دوسرے زاویے سے دیکھنے کا موقع دیا اور اس سال ان سمیت ہر کسی نے کچھ ایسے کام کیے، جو ‘لاک ڈاؤن’ کے بغیر کرنا ممکن نہیں تھے۔

    عدنان صدیقی نے سال 2020 کو بہترین سال قرار دیا

  • 2020 میں سب زیادہ سنے اور سرچ کئے جانے والے پاکستانی گانے

    2020 میں سب زیادہ سنے اور سرچ کئے جانے والے پاکستانی گانے

    رواں برس عالمی وبا کورونا وائرس کے باعث لگے لاک ڈاؤن کے دوران لوگوں نے بہترین وقت گزاری کیلئے فلموں ،ڈراموں ،موسیقی اور انٹرٹینمنٹ کا سہارا لیا۔

    باغی ٹی وی : اسی حوالے سے پاکستان کے میوزک اسٹریمنگ پلیٹ فارم پٹاری نے اپنے ’روائینڈ 2020 راؤنڈ اپز‘ جاری کیے ہیں کہ عالمی وبا کے دوران لوگوں نے سب سے زیادہ کون سے گانے سنے اور کن گلوکاروں اور بینڈز کو سب سے زیادہ سرچ کیا۔


    تاہم گلوکار شمعون اسمٰعیل اس سال کے سب سے مقبول فنکار رہے ان کا گانا ’رنگ‘ پٹاری پر سب سے زیادہ سنا گیا جبکہ ان کا ایک اور گانا ’میریوانا‘ (Marijuana) اس فہرست میں تیسرے نمبر پر رہادوسری جانب گلوکار بلال سعید اور مومنہ مستحسن کا گانا ’باری 2‘ اس فہرست میں دوسرے نمبر پر رہا چوتھے نمبر پر مصطفیٰ زاہد اور یشعل شاہد کا گانا رانجھا ، پانچویں نمبر پر عاطف اسلم کا ویلو ساؤنڈ اسٹیشن پر گایا گیا گانا کدی تے یس بول، چھٹے نبمر پر قراقورم بینڈ کا کا گانا راستہ، ساتویں نمبر پر گوہر ممتاز کا گانا عادت ، آٹھویں نمبر پر فواد خان اور آئمہ بیگ کا کھیل جا دل سے، نویں نمبر پر بیان بینڈ کا گانا تیری تصویر اور دسویں نمبر پر اسٹرنگز کا گانا سجنی رہا-

    دوسری جانب پٹاری پر سال 2020 میں سب زیادہ سنے جانے والے میوزک بینڈز میں ’اسٹرنگز‘ پہلے اور ’جنون‘ دوسرے نمبر پر ہے
    جبکہ تیسرے نمبر پر نوری ،چوتھے نمبر پر بیان ،پانچویں نمبر پرجل، چھٹے نمبرپر کشمیر ،ساتویں نمبر پر کال ، آٹھویں نمبر پر قراقرم، نویں نمبر پر ای شارپ اور دسویں نمبر پر انٹائٹی پراجم بینڈ رہے-

    2020 میں سب سے زیادہ سنے جانے والے البمز میں میوزک بینڈ ’ بیان ‘ کا البم ’ سُنو ‘ ، پہلے نبمر رہا جبکہ ’ کشمیر ‘ بینڈ کا البم ’ خواب ‘ دوسرے نمبر رہا اسی طرح بتدریج شمعون اسماعیل کا ’ جوس‘ ،تیسرے نمبر پر ینگ سٹنرز کا ’ اے ٹیل آف ٹو طلحاز‘ رہا-

    پٹاری پر سال 2020 میں سب زیادہ سُنی جانے والی فی میل گلوکارہ میں حدیقہ کیانی پہلی نمبر پر، دوسرے نمبر پر ’ نورجہان‘ تیسرے نمبر پر’ تیسرے نمبر پر قرۃالعین بلوچ ‘ ، چوتھے نمبر پر ’عابدہ پروین‘ ، پانچویں نمبر پر ’نتاشا بیگ‘،چھٹے نمبر پر ’نیرہ نور‘ ،ساتویں نمبر پر ’نازیہ اقبال‘ ،آٹھویں نمبر پر ’زیب بنگش ‘ ،نویں نمبر پر ’زوئی ویکاجی ‘،دسویں نمبر پر ’زیب اور ہانیہ‘ رہیں-

    پٹاری پر سال 2020 میں سب زیادہ سرچ کئے جانے والے میل گلوکاروں میں پہلے نمبر پر علی سیٹھی، دوسرے نمبر پر ’نصرت فتح علی خان ‘،تیسرے نمبر پر ’ شمعون اسماعیل ‘ ،چوتھے نمبر پر ’عابدہ پروین‘ پانچویں نمبر پر ’ فارس شفیع‘ چھٹے نمبر پر ’سجاد علی‘ ساتویں نمبر پر ’علی ظفر‘ آٹھویں نمبر پر’عاطف اسلم‘ نویں نمبر پر ’نازیہ حسن‘ اور دسوین نمبر پر ’راحت فتح علی خان رہے-

    پٹاری پر سال 2020 میں سب زیادہ سُنے جانے والے میوزک شوز میں پہلے نمبر پر کوک اسٹوڈیو‘ ،دوسرے نمبر پر ’ نیسکیفے بیسمنٹ‘ ،تیسرے نمبر پر’ان دا باکس ، چوتھے نمبر پر ’پیپسی بیٹلآف دا بینڈز‘، پانچویں نمبر پر ’ ویلو ساؤنڈ اسٹیشن‘ ،چھٹے نمبر پر ’کوک فیسٹ 2020‘ ساتویں نبمر پر ’‘بگ فوٹ میوزک ، آٹھویں نمبر پر’بوس مین‘ ،نویں نمبر پر’کارنیٹو پاپ راک‘ اور دسویں نمبر پر’میوزکی‘ رہے-

    پٹاری پر سال 2020 میں سب زیادہ سرچ کئے جانے والے گانوں میں ایک بار پھر ’باری‘ بازی لے گیا اورنمبر پر رہا ، دوسرے نمبر پر ڈرامہ سیریل ’الف ‘ کی او ایس ٹی ،تیسرے نمبر پر عادت، چوتھے نمبر پر سجنی ، پانچویں نمبر پر بول ہو ، چھٹے نمبر پر ڈرامہ سیریل رہد وفا کی او ایس ٹی ، ساتویں نمبر پر نہ کہو ، آٹھویں نمبر پر ثبی سانگ ، نویں نبمر پر میریوانا ، دسویں نمبر پر پنڈی آئے رہا-

  • رنبیر کپور اور عالیہ بھٹ بھی کورونا کے وار سے نہ بچ سکے

    رنبیر کپور اور عالیہ بھٹ بھی کورونا کے وار سے نہ بچ سکے

    بالی وڈ کے چاکلیٹی ہیرو اور آنجہانی لیجنڈری اداکار رشی کپور کے صاحبزادے رنبیر کپور کا کہنا ہے کہ عالمی وبا کورونا کی وجہ سے ان کی شادی نہیں ہو سکی ۔

    باغی ٹی وی : بھارتی میڈیا رپورٹ کے مطابق اپنے حالیہ انٹریو میں اداکار رنبیر کپور کا کہنا تھا کہ کورونا وائرس کے دوران لاک ڈاؤن میں انہوں نے کچھ نیا نہیں سیکھا اور نہ ہی ان کی کوئی خاص مصروفیات رہیں ابتدائی دنوں میں والد کی وفات کے باعث صدمے میں تھے جس کے بعد پورا وقت فیملی کے ساتھ گزارا اور دن میں 2 سے 3 فلمیں روزانہ دیکھتا رہا۔

    شادی سے متعلق پوچھے گئے سوال پر اداکار نے جواب دیا کہ ’کورونا‘ کی وجہ سے میری اور عالیہ کی شادی نہیں ہوسکی اور اگر لاک ڈاؤن نہیں ہوتا تو اب تک شادی کے بندھن میں بندھ چکے ہوتے تاہم وہ اس حوالے سے کچھ بھی کہہ کر منحوست نہیں پھیلانا چاہتے بلکہ زندگی میں بہت جلد اس مقصد کو پورا کرنا چاہتے ہیں۔

    عالیہ بھٹ سے متعلق رنبیر کپور نے کہا کہ وہ ٹیلنٹ سے بھرپور لڑکی ہے جس نے لاک ڈاؤن میں گٹار سیکھنے سے لیکر اسکرین رائٹنگ تک ہر ایک چیز سیکھنے کی کوشش کی اور باقاعدہ کلاسز لیں-

    اداکار کا مزید کہا تھا کہ میں اپنے مقابلے میں عالیہ بھٹ کو زیادہ کامیاب سمجھتا ہوں۔

    واضح رہے رنبیر کپور اور عالیہ بھٹ پہلی بار ایان مکھرجی کی فلم ’براہمسٹرا‘ میں ایک ساتھ جلوہ گر ہوں گے اس کے علاوہ لیجنڈری اداکار امیتابھ بچن فلم میں مرکزی کردار ادا کررہے ہیں اور شاہ رخ خان بھی مختصر کردار میں دکھائی دیں گے-

    عالیہ بھٹ اور رنبیر کپور کب شادی کریں گے؟

  • ایک عہد تھا جو تمام ہوا ،ارطغرل غازی کی موت ٹوئٹر پر ٹاپ ٹرینڈ

    ایک عہد تھا جو تمام ہوا ،ارطغرل غازی کی موت ٹوئٹر پر ٹاپ ٹرینڈ

    مسلمانوں کی اسلامی فتوحات پر مبنی ترک سیریز دیریلیش ارطغرل کو پاکستانی وزیراعظم عمران خان کی ہدایت پر پاکستان میں سرکاری ٹی وی پر اردو میں ڈب کر کے ارطغرل غازی کے نام سے نشر کیا جا رہا ہے-

    باغی ٹی وی : پاکستان میں نہ صرف ڈرامے بلکہ اس کے تمام کرداروں کو بھی بے پناہ مقبولیت حاصل ہوئی خاص طور پر اس کے مرکزی کرادروں حلیمہ سلطان اور ارطغرل کو پاکستان میں نے حد محبت ملی اس ڈرامے نے پاکستان میں نہ صرف مقبولیت کے جھنڈے گاڑھے بلکہ کئی ایک نئے اعزاز بھی اپنے نام کئے اور ڈرامہ ٹاپ ٹرینڈ پر رہا تاہم اب پھر ایک مرتبہ پاکستان ٹوئٹر پینل پر پہلے نمبر ٹرینڈ پر ہے اور اس کی وجہ ہے کورلش عثمان میں ارطغرل غازی کی موت-
    https://www.youtube.com/watch?v=4A0cEgXF5wk&feature=youtu.be
    کورلش عثمان کا سیزن 2 کی قسط نمبر 39 میں ارطغرل غازی کی موت کو دکھایا گیا ہے جس کے بعد سے ارطغرل غازی ٹوئٹر پر ٹاپ ٹرینڈ پر ہے اور ارطغرل کے چاہنے والے جہاں ارطغرل کی بہادری کی تعریفیں کرتے ہوئے اپنے اس پسندیدہ کرادار کو نیک خواہشات کے ساتھ رخصت کر رہے ہیں وہیں مداح ارطغرل کرادار کے ڈرامے سے ختم ہونے پر غمزدہ بھی ہیں-

    https://twitter.com/FarahNa90673228/status/1342037170782134272?s=20
    فرح راجپوت نامی خاتون صراف نے لکھا کہ ارطغرل تمام لوگوں محبت ، بہادری ، انصاف ، کنبہ کا احترام ، اسلام ، غریبوں کی مدد ، خود اعتمادی ، ہمت ، فخر ، جنگجو ، گھڑ سوار ، والد ، بیٹا شوہر اور بھائی کے لئے ایک اعلیٰ مثال تھا آپ ہمیشہ ہمارے دلوں میں رہیں گے-
    https://twitter.com/TNCheema01/status/1342038306448695300?s=20
    طاہر نواز چیمہ نامی صراف نے لکھا کہ یہاں تک کہ اس واقعہ کے بارے میں سوچنا بھی دل دہلا دینے والا ہےمسلم دنیا کے سب سے پیارے کردار کا اختتام ہوا یہ ایک بہت اچھا سفر تھا ایسا لگتا تھا کہ ہماری زندگی کا سب سے پیارا فرد انتقال کرگیا ، یقینا ارطغرل کردار کو دل سے یاد کیا جائے گا آپ نے اپنے کردار کے ساتھ حقیقت میں انصاف کیا ہے-
    https://twitter.com/TilawatShehzad/status/1342038278795649025?s=20
    تلاوت شہزاد نامی صارف نے لکھا کہ ایک سفر ہادی اللہ حق اللہ دلی دمیر کے ساتھ شروع ہوتا ہےاور خاتمہ کلمہ شہادت کے ساتھ سبحان اللہ اسلامی تاریخ میں ارطغرل کا ایک آئیکونک کردار ہے-


    https://twitter.com/zakikhan_voice/status/1342037653219373059?s=20


    ایک صارف نے انگین التان کا شکریہ ادا کرتے ہوئے لکھا کہ اس کردار کو زندگی میں لانے کے لئے شکریہ آپ حیرت انگیز آرٹسٹ ہیں! اس کے علاوہ ٹیمر یگیجٹ کا بھی شکریہ جنہوں نے اولڈ ارطغرول بے کا کردار ادا کیا ، انہوں نے بھی ایک اچھا کام کیا!ہم عثمان بے کی میراث اور باپ کو فراموش نہیں کریں گے ساتھ ہی صارف نے ڈرامے کے ڈائریکٹر کا بھی مہمے بوزداک کا بھی اس ڈرامے کو بنانے کے لئے شکریہ ادا کیا-


    https://twitter.com/iam_alizia/status/1342037129300488192?s=20


    ایک صارف نے لکھا کہ ارگڑل کا کئی دہائی قبل ہی انتقال ہوگیا تھا لیکن ایسا لگتا ہے کہ جیسے ابھی ان کا انتقال ہوا ہے۔


    سمیر نامی صارف نے لکھا کہ اس ڈرامے میں ان کی موت کا منظر دیکھنے کے بعد افسردہ ہوگئے۔ وہ اپنے جانشین کا اعلان نہیں کرسکتا تھا لیکن اپنی موت سے قبل شہادت پڑھنے میں کامیاب ہو گیا۔ کتنی خوبصورت موت ہے!


    https://twitter.com/AkhunxadaAshraf/status/1342035678943703043?s=20


    https://twitter.com/DURRANI__/status/1342035557900283907?s=20
    https://twitter.com/umerbinajmal/status/1342035477294178305?s=20
    عمر بن اجمل نامی صارف نے لکھا کہ اگرچہ ارطغرل غازی کی 1280 میں موت ہوگئی ، لیکن بیشتر پاکستانی گذشتہ رات سے ہی سوگ کی حالت میں ہیں۔

    واضح رہے کہ دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔

    پہلے سیزن کی کہانی میں تیرھویں صدی کا زمانہ دکھایا گیا ہے اور قائی قبیلہ منگولوں کے حملوں سے بچنے کے لیے نئی منزل تلاش کرتا ہے جس کے لیے قبیلے کے سردار کا بیٹا ارطغرل آگے بڑھ کر کردار ادا کرتا ہے-

    اسلامی فتوحات پر مبنی شہرہ آفاق تُرک سیریز ’ارطغرل غازی‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

    دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے-

  • اہلیہ کی سالگرہ پر ہمایوں سعید کا محبت بھرا پیغام

    اہلیہ کی سالگرہ پر ہمایوں سعید کا محبت بھرا پیغام

    پاکستان شوبز انڈسٹری کے سُپراسٹار ہمایوں سعید نے سوشل میڈیا پر اپنی اہلیہ ثمینہ ہمایوں کی سالگرہ کے موقع پر محبت بھرا پیغام جاری کیا ہے-

    باغی ٹی وی : اداکارہمایوں سعید نے اپنی اہلیہ ثمینہ ہمایوں کی سالگرہ کے موقع پر سوشل میڈیا ویب سائٹ انسٹاگرام پر اہلیہ کے ہمراہ اپنی ایک خوبصورت تصویر شیئر کی ہے جو کسی شادی کی تقریب کی لگ رہی ہے۔

    اداکار نے اس خوبصورت تصویر کے کیپشن میں اہلیہ کے لیے محبت بھرا پیغام بھی لکھا ہے۔

    اُنہوں نے ثمینہ ہمایوں کو سالگرہ کی مبارکباد دیتے ہوئے لکھا کہ زندگی کے ہر موڑ پر اچھے بُرے وقت میں میرے ساتھ کھڑے رہنے کے لیے آپ کا تہہ دل سے شکرگزار ہوں۔

    ہمایوں سعید نے کہا کہ میں آج جو کچھ بھی ہوں صرف آپ کی وجہ سے ہوں، آپ نے میرے ہر دن کو بہترین بنایا ہے۔

    اداکار نے اہلیہ دُعا دیتے ہوئے کہا کہ ہم ایک ساتھ مل کر صحت، کامیابی اور خوشی کے بہت سے سال گُزاریں۔

    اُنہوں نے اپنی اہلیہ سے محبت کا اظہار کرتے ہوئے مزید کہا کہ تُم نے مجھے مکمل کیا ہے اور میں اس کے لیے تُم سے بہت محبت کرتا ہوں۔

  • کنگنا رناوت کریمہ بلوچ کی موت پر کینیڈین وزیراعظم پر برس پڑیں

    کنگنا رناوت کریمہ بلوچ کی موت پر کینیڈین وزیراعظم پر برس پڑیں

    بالی وڈ کوئین کنگنا رناوت بلوچستان سے تعلق رکھنے والی انسانی حقوق کی کارکن کریمہ بلوچ کی ٹورانٹو سے لاش برآمد ہونے کے واقعے پر کینیڈین وزیراعظم پر برس پڑیں-

    باغی ٹی وی: سماجی رابطے کی ویب سائٹ ٹوئٹر پر اداکارہ کنگنا رناوت اپنے ٹوئٹ میں کینیڈین وزیراعظم جسٹن ٹروڈو پر برس پڑیں۔کنگنا نے جسٹن ٹروڈو کو مخاطب کرتے ہوئے لکھا کہ آپ اس حادثے کے ذمہ دار ہیں-


    ساتھ ہی کنگنا نے لکھا کہ آج ایک شرمناک دن ہے۔

    واضح رہے کہ گزشتہ دنوں بلوچستان سے تعلق رکھنے والی انسانی حقوق کی کارکن کریمہ بلوچ کی لاش کینیڈا کے شہر ٹورانٹو سے ملی تھی 37 سالہ کریمہ بلوچ گزشتہ 5 سال سے کینیڈا میں مقیم تھیں۔

  • ہر دلعزیز اور عظیم فنکار معین اختر کا 70 واں یوم پیدائش

    ہر دلعزیز اور عظیم فنکار معین اختر کا 70 واں یوم پیدائش

    پاکستان کے صدارتی ایوارڈ یافتہ اور کروڑوں دلوں پر راج کرنے والےاداکار معین اختر کا آج 70 واں یوم پیدائش منایا جارہا ہے۔

    باغی ٹی وی : معین اختر 24 دسمبر 1950ء کو کراچی میں پیدا ہوئے زندگی کی پہلی پرفارمنس شیکسپئیر کے ناول سے ماخوذ اسٹیج ڈرامے ’دی مرچنٹ آف وینس‘ میں محض 13 برس کی عمر میں دی جبکہ فنی کیریئر کی باقاعدہ شروعات پاکستان کے پہلے یوم دفاع پر 1966ء میں کی۔

    معین اختر کو اپنے جداگانہ کردارنگاری کی بناء پر فن کی اکیڈمی کہا جاتا تھا کیونکہ معین اختر نے ریڈیو، ٹی وی ڈراما، اسٹیج، فلم سمیت فنون لطیفہ کے ہر شعبے میں اپنی خداداد صلاحیتوں کا لوہا منوایا جبکہ گلوکاری بھی کی اور ٹی وی میزبان کے طور پر بھی اپنی خدمات سرانجام دیں-

    معین اختر نے طنز و مزاح سے بھرپور جملوں میں تہذیب کا ایک نیا پہلو متعارف کروایا فنکارانہ خدمات کے اعتراف میں معین اختر کو صدارتی تمغہ برائے حسن کارکردگی اور ستارہ امتیاز سے بھی نوازا گیا۔

    معین اختر کے معروف ٹی وی ڈراموں اور پروگرام میں ’روزی‘، ’انتظار فرمائیے‘، ’بندر روڈ سے کیماڑی‘، ’آنگن ٹیڑھا‘، ’اسٹوڈیو ڈھائی‘، ’اسٹوڈیو پونے تین‘، ’یس سر نوسر‘، ’عید ٹرین‘ سمیت کئی مشہور اسٹیج ڈرامے شامل ہیں۔

    علاوہ ازیں ایک نجی چینل کے لیے ان کے طنز ومزاح سے بھرپور ٹی وی شوز کی 400 اقساط کا نشر ہونا بھی ایک منفرد ریکارڈ ہے۔

    تاہم پاکستان شوبز انڈسٹری کے یہ عظیم فنکار 22 اپریل سن 2011ء کو حرکت قلب بند ہونے سے اپنے مداحوں کو سوگوار چھوڑ کر اپنے ابدی سفر پر روانہ ہو گئے-

    لیجنڈری اداکارہ فردوس بیگم کو برین ہیمبرج ہو گیا

    سال 2020 میں دنیا سے رخصت ہونے والے پاکستانی فنکار

    ماضی کی معروف اداکارہ فردوس بیگم انتقال کرگئیں