عالمی وبا کورونا وائرس کی شکار ہونے والی معروف اداکارہ ماہرہ خان کہتی ہیں کہ وہ آئسولیشن میں اپنے گھر کی چھت پر بیٹھ کر ملکہ ترنم میڈم نور جہاں کے گیت سُنتی ہیں۔

باغی ٹی وی :گزشتہ روز ملکہ ترنم میڈم نور جہاں کی 20ویں برسی منائی گئی اور اس موقع پر جہاں دُنیا بھر میں موجود اُن کے چاہنے والوں نے اُنہیں خراج عقیدت پیش کیا تو وہیں کورونا وائرس کی شکار ماہرہ خان نے بھی عظیم فنکارہ کو منفرد انداز میں خراج تحسین پیش کیا-


ماہرہ خان نے اپنے انسٹاگرام اکاؤنٹ پر اپنی ایک ویڈیو شیئر کی ہے جس میں وہ اپنے گھر کی چھت پر بیٹھی غروب آفتاب اور آسمان پر چمکتےچاند اورستاروں کے حسین منظر سے لطف اندوز ہورہی ہیں۔

مذکورہ ویڈیو میں بیک گراؤنڈ میوزک کے طور پر میڈم نور جہاں کا معروف گیت ’چاندنی راتیں‘ بھی چل رہا ہے۔

ماہرہ خان نے اپنے کیپشن میں لکھا کہ میں نے پرانے گیت سُنے، بہت کچھ پڑھا ہے، تحریریں لکھی ہیں، کچھ حیرت انگیز فلمیں دیکھی ہیں، زندگی کے بارے میں سوچتے ہوئے مسکرائی اور پھر روئی بھی ، موم بتیاں روشن کیں اور ہر اندھیری رات کو روشن کیا۔

اداکارہ نے افسردہ ہوتے ہوئے لکھا کہ مجھے اپنا بیٹا پہلے سے کہیں زیادہ یاد آیا، مجھے ان لوگوں کو دیکھنے کا دل کیا جو مجھے بہت پسند ہیں۔

اُنہوں نے اللہ تعالیٰ کا شکرادا کرتے ہوئے لکھا کہ ’ور میں اپنی اس تکلیف میں اللہ تعالیٰ کا بہت شکر ادا کرتی رہی کہ جس نے مجھے زندگی دی جو میں آج بسر کررہی ہوں۔

امید ہے بہت جلد ٹھیک ہو جاؤں گی ماہرہ خان

ماہرہ خان نے سالگرہ پر پیغام بھیجنے اور ان لے لئے صحتیابی کی دعاؤں کرنے والوں کا بھی شکریہ ادا کیا-

ماہرہ خان نے ملکہ ترنم میڈم نور جہاں کو خراجِ عقیدت پیش کرتے ہوئے لکھا کہ میں یہاں چھت پر بیٹھی ہوں اور اس خوبصورت آسمان کو دیکھتے ہوئے میڈم نور جہاں کا مقبول ترین گیت ’چاندنی راتیں‘ سُن رہی ہوں۔

اداکارہ نے مزید لکھا کہ جب ہم فراموش ہوجاتے ہیں تو ہم واقعی مر جاتے ہیں لیکن میڈم نور جہاں ہمیشہ ہمارے ساتھ تھیں اور رہیں گی۔

واضح رہے کہ گزشتہ دنوں ماہرہ خان نے اپنی انسٹاگرام پوسٹ میں بتایا تھا کہ اُن کا کورونا وائرس ٹیسٹ مثبت آگیا ہے جس کے بعد اُنہوں نے خود کو گھر میں ہی آئسولیٹ کرلیا ہے۔

نور جہان کی 20 ویں برسی پر بشری انصاری کا عظیم گلوکارہ کومنفرد انداز میں خراج…

ملکہ ترنم نور جہان کی آج 20 ویں برسی منائی جا رہی ہے

معروف مصنف خلیل الرحمن قمر کا کہنا ہے کہ ہمارے ڈراموں کا المیہ ہے کہ خاتون ڈراما نگار ہی ہمارے ڈراموں میں ساس بہو اور نند بھابھی جیسے رشتوں کی تذلیل کررہی ہیں۔

باغی ٹی وی : خلیل الرحمن قمر نے حال ہی میں ایک یوٹیوب چینل کو انٹرویو دیتے ہوئے پاکستانی ڈراموں کی کہانی سمیت مختلف موضوعات پر بات کی۔ انہوں نے ایک سوال کے جواب میں کہا کہ وہ جدو جہد لفظ پر یقین نہیں کرتے خلیل الرحمن کے مطابق زندگی میں جدو جہد 2 نمبر لوگ کرتے ہیں ایک نمبر لوگ محنت کرتے ہیں-

خلیل الرحمن نے بوائے فرینڈ اور گرل فرینڈ یعنی لڑکے اور لڑکی کے درمیان دوستی پر اپنی رائے دیتے ہوئے کہا میں ایک بات ڈنکے کی چوٹ پر کہنا چاہتا ہوں کہ لڑکی اور لڑکے میں کوئی دوستی نہیں ہوتی یہ دنیا کا سب سے بڑا اور سفید جھوٹ ہے دونوں گھات پر بیٹھے ہوئے ہیں خصوصاً آدمی -اور جن کو اگر میری اس بات سے کوئی پریشانی ہے تو وہ بھگت کے 4 سال بعد آکر میرے سے بات کرے-

میزبان نے خلیل الرحمن سے سوال کیا آپ سے شوبز میں لوگ بہت ڈرتے ہیں اس کی کیا وجہ ہے ؟ جس پر خلیل الرحمان نے کہا لوگ مجھ سے اسلیے ڈرتے ہیں کیونکہ میں اپنے کام کے ساتھ ایماندار ہوں ۔ بددیانت ڈریں گے مجھ سے اور جو ایماندار ہیں وہ نہیں ڈرتے۔

پاکستانی تخلیق کاروں کے لئے پہلا ڈیجیٹل پلیٹ فارم متعارف

میزبان نے پاکستانی ڈراموں میں دکھائی جانے والی کہانیوں سے متعلق سوال پوچھتے ہوئے کہا کہ اب ہماری کہانیوں میں افیئرز کے علاوہ کوئی اور موضوعات رہے نہیں اور زیادہ تر اسی موضوع پر ڈرامے بن رہے ہیں اس پر آپ کا کیا کہنا ہے؟

خلیل الرحمن نے کہا سب سے بڑا اسٹگما (بدنما داغ) یہ ہے کہ یہاں ساس، بہو، نند اور بھابھی کے اوپر ڈرامے بن رہے ہیں اور 99.99 فیصد ان ڈراموں کی کہانیاں عورتیں لکھ رہی ہیں اور یہ ان چاروں رشتوں کو ذلیل کررہی ہیں اور یہ ہمارے ڈراموں کا المیہ ہے۔

قومی کپتان بابر اعظم کے جنسی ہراسانی والے کیس کے بارے میں بات کرتے ہوئے خلیل الرحمن قمر نے کہا وہ لڑکی بہت ہی خراب ہے جو 10 سال بابر اعظم کے ساتھ ریلیشن میں رہی اور اب آکر اس کے بارے میں بکواس کررہی ہے۔ مجھے معاف کریں میں اس موضوع پر بات نہیں کرنا چاہتا۔

آجکل ٹیلنٹ نہیں بلکہ انسٹاگرام فالوورز کے حساب سے کاسٹ کیا جارہا ہے علی عباس

ٹک ٹاک کے بارے میں بھی خلیل الرحمن نے کہا کہ میں ان چیزوں پر بات نہیں کرنا چاہتا۔

خلیل الرحمن قمر نے مستقبل میں سیاست میں آنے کے بارے میں کہا کہ مجھے نہیں پتہ اور وزیر اعظم عمران خان کو اپنا پسندیدہ سیاستدان قرار دیا۔

پاکستان شوبز انڈسٹری کے نامور گلوکار اور اداکار فرحان سعید نے حالیہ انٹرویو میں اہلیہ اور اداکارہ عروہ حسین کی شخصیت کو متاثر کُن قرار دیا۔

باغی ٹی وی : لائیو انسٹاگرام سیشن کے دوران انٹرویو میں فرحان سعید سے سوال پوچھا گیا کہ وہ کون سی خواتین ہیں جنہوں نے انہیں زندگی میں سب سے زیادہ متاثر کیا؟

گلوکار و اداکار فرحان سعید نے کہا کہ وہ خوش قسمت ہیں کہ ان کی پوری زندگی مضبوط اورمددگار خواتین سے گھری رہی۔

فرحان سعید کا کہنا تھا کہ ان خواتین کی شروعات ان کی والدہ سے ہوتی ہے جنہوں نے ہر مرحلے پر میرا سا تھ دیا، اس کے بعد میری زندگی کی سب سے مضبوط ترین خواتین میری دادی، عروہ، میری بھابھیاں اور بہنیں ہیں جنہوں نے مجھے ہمت اور طاقت دی اور ہر قدم پر سپورٹ کیا-

واضح رہے کہ گزشتہ ماہ سوشل میڈیا پر پاکستان شوبز انڈسٹری کی مقبول جوڑی اداکارہ عروہ حسین اور گلوکار فرحان سعید کی علیحدگی سے متعلق خبریں گردش کررہی تھیں پاکستان میڈیا میں وائرل ہونے والی رپورٹس میں دعویٰ کیا گیا تھا کہ دونوں نے ذاتی اختلافات کے باعث شادی کے محض چارسال بعد ہی علیحدگی اختیار کرلی ہے اور جلد ہی دونوں کے درمیان طلاق ہونے والی ہے۔

سوشل میڈیا پوسٹس میں تویہاں تک دعویٰ کیا گیا کہ دونوں کی طلاق کا معاملہ لاہور کی مقامی عدالت میں بھی چل رہا ہے نعد میں جن کی تردید عروہ کے والد نے کی تھی۔

عروہ حسین کے والد کا بیٹی کی طلاق کے بارے میں بیان سامنے آ گیا

عروہ حسین کے والد مخدوم چوہدری نے بیٹی کی علیحدگی اور طلاق کی خبروں کو جھوٹا قرار دیتے ہوئے دعویٰ کیا کہ ان کی بیٹی اور داماد خوشی کی زندگی گزار رہے ہیں اور کہا تھا کہ نہ ہی عدالت میں ایسا کوئی کیس زیر سماعت نہیں۔

اداکارہ کے والد نے بتایا تھا کہ آئندہ ماہ عروہ حسین اور فرحان سعید کی شادی کی چوتھی سالگرہ منائی جائے گی اور اس حوالے سے انہوں نے تیاریاں بھی کر رکھی ہیں۔

اداکارہ کے والد کی جانب سے سوشل میڈیا پر پھیلائی گئی معلومات کو جھوٹا اور من گھڑت بھی قرار دیا گیا اور کہا تھا کہ فرحان سعید اور عروہ حسین کی علیحدگی کی غلط افواہیں نہ پھیلائی جائیں-

عالیہ بھٹ اور رنبیر کپور کب شادی کریں گے؟

اگرچہ عروہ اور فرحان کی علیحدگی کی خبروں کو ان کے والد نے جھوٹا قرار دیا ہے تاہم ایسی خبروں پر تاحال دونوں ستاروں اور نہ ہی اس حوالے سے اداکارہ کی بہن ماورا حسین نے کوئی بیان دیا تھا۔

خیال رہے کہ عروہ حسین اور فرحان سعید نے 22 نومبر 2016 کو اپنی منگنی کا باقاعدہ اعلان کیا تھا جس کے ایک ماہ بعد دونوں ستارے 16 دسمبر 2016 کو رشتہ ازدواج میں منسلک ہوگئے تھے۔

فرحان سعید اور عروہ حسین نے شادی کےچار سال بعد راستے جدا کر لئے

پاکستان میوزک انڈسٹری کی معروف گلوکارہ آئمہ بیگ اور گلوکار عبداللہ صدیقی کا انگریزی گانا ‘بی مائی سیلف’ کا ٹیزر جاری کردیا گیا۔

باغی ٹی وی : گلوکارہ آئمہ بیگ نے اپنے نئے گانے کا ٹیزر سماجی رابطے کی ویب سائٹ انسٹاگرام پر جاری کیا ہے-

آئمہ بیگ نے گانے کا ٹیزر جاری کرتے ہوئے بتایا کہ گانا ریلیز ہونے کے بعد میں آپ سب سے اپنا تجربہ شیئر کروں گی کہ ہم نے اس گانے کے بول کیسے لکھے اور اس کی موسیقی ترتیب دینے کے ساتھ ساتھ اسے کیسے شوٹ کیا۔

آئمہ بیگ کے اس انگریزی گانے کو ان کے قریبی دوست شہباز شگری نے ڈائریکٹ کیا ہے۔

آئمہ بیگ کی جانب سے جاری کئے گئے ٹیزر پر عائشہ عمر اور اشنا شاہ کی جانب سے ردعمل دیتے ہوئے بے حد پسند کیا گیا-

خیال رہے کہ اس سے قبل گلوکارہ آئمہ بیگ نے جون میں ہسپانوی ٹائٹل ‘تے کیرو’ کے ساتھ گانا ریلیزکیا تھا جسے خوب پسند کیا گیا تھا۔

رومانیہ کے سٹار پاکستان میں کس خاتون فنکارہ پر فدا، ساتھ کام کرنے کی خواہش ظاہر کردی

پاکستانی تخلیق کاروں کے لئے پہلا ڈیجیٹل پلیٹ فارم متعارف

عدالت نے گلوکار واداکار علی ظفر کے خلاف سوشل میڈیا مہم چلانے پر میشا شفیع کو طلب کرلیا۔

باغی ٹی وی : لاہور کی سیشن کورٹ میں گلوکار علی ظفر کے خلاف سوشل میڈیا پر مہم چلانے کے معاملے پر سماعت ہوئی، جوڈیشل مجسٹریٹ ذولفقار باری نے کیس پر سماعت کی۔

دوران سماعت پراسیکیوشن نے گلوکارہ میشا شفیع کے خلاف چالان میں اعتراض دور کرکے عدالت میں پیش کیا جس پرعدالت نے گلوکارہ کو 18 جنوری کو ہونے والے اگلی سماعت پر طلب کر لیا۔

ایف آئی اے کی جانب سے ٹرائل کورٹ میں پیش کردہ عبوری چالان پرمیشا شفیع کی قانونی ٹیم کا شدید رد عمل

اس سے قبل ایف آئی اے کی جانب سے جمع کرائے جانے والے چالان میں گلوکارہ میشا شفیع اور اداکارہ عفت عمر سمیت 8 ملزمان کو نامزد کیا گیا تھا جس میں کہا گیا تھا کہ میشا شفیع سمیت دیگر ملزمان نے علی ظفر کے خلاف سوشل میڈیا پر جنسی ہراسانی کے الزامات عائد کیے لیکن وہ ان الزامات کو سچ ثابت نہ کرسکے۔

واضح رہے کہ گلوکار علی ظفر نے میشا شفیع کے خلاف ہتک عزت کا مقدمہ دائر کررکھا ہے جس میں انہوں نے موقف اختیار کیا کہ گلوکارہ نے ان پر جنسی ہراسانی کے بے بنیاد الزمات عائد کیے جس سے ان کے اہلخانہ کو تکلیف کا سامنا کرنا پڑا اور ان کی امیج بھی خراب ہوئی۔

جنسی ہراسانی کا جھوٹا الزام لگانے والی خاتون نے علی ظفر سے معافی مانگ لی

میشا شفیع کے خلاف مذکورہ کیس کے علاوہ علی ظفر نے لاہور سیشن کورٹ میں ہتک عزت کا دعویٰ بھی دائر کر رکھا ہے، جس کی تاحال سماعتیں جاری ہیں علی ظفر نے میشا شفیع کے خلاف یہ کیس اس وقت دائر کیے تھے جب گلوکارہ نے علی ظفر پر اپریل 2018 میں جنسی ہراسانی کے الزامات لگائے تھےجنہیں علی ظفر نے مسترد کردیا تھا۔

میشا شفیع اورعلی ظفر کیس: ایف آئی اے نے میشا شفیع کو مجرم قرار دیا