پاکستان شوبز انڈسٹری کی نامور اور معروف اداکارہ و میزبان نادیہ خان کا کہنا ہے کہ شادی کرنا میری زندگی کی سب سے بڑی غلطی تھی کیونکہ شادی کے بعد جو میں نے 10 سال گزارے وہ بس میری زندگی کے ڈرامے تھے-

باغی ٹی وی : ایک ویب سائٹ کو انٹرویو کے دوران میزبان نے سوال پوچھا کہ زندگی کا کوئی ایسا فیصلہ ہے جس پر آپ کو آج بھی بہت افسوس ہوتا ہو؟ جس پر نادیہ خان نے کہا کہ میری زندگی کی سب سے بڑی غلطی شادی کرنے کا فیصلہ تھا جو میں نے بہت جلدی میں کیا-

اداکارہ و میزبان کا کہنا تھا کہ میں نے شادی کرکے میں نے اپنے اندر چھپے فنکار کا قتل کردیا اگر بعد کی زندگی کا علم ہوتا تو میں شادی نہ کرتی۔

نادیہ خان نے کہا کہ 2000 میں اگر میں شادی نہ کرتی تو صرف کام کرتی یہاں تک کہ زندگی میں بہت کچھ کرسکتی تھی لیکن شادی کے بعد جو میں نے 10 سال گزارے وہ بس میری زندگی کے ڈرامے تھے-

نادیہ خان کا کہنا تھا کہ شادی کے بعد میں نے یہ سوچ رکھا تھا کہ مجھے اچھی بیوی اور اچھی بہو بن کر رہنا ہے پھر اس کے بعد ایسا ڈرامہ شروع ہوا جس کی اقساط 10 سال تک چلتی رہیں۔

ادکارہ نے کہا کہ شادی کا بس ایک یہی فائدہ ہے کہ آپ کو بچوں جیسی نعمت حاصل ہوجاتی ہے جوکہ کسی کی بھی زندگی کا سب سے اہم حصہ ہوتے ہیں اور اگر یہ بچے وقت پر ہوجائیں تو وہ آپ کے دوست ہوتے ہیں کبھی کبھی تو ایسا لگتا ہے جیسے بچے آپ کی آرمی ہوں۔

واضح رہے کہ کچھ روز قبل خبر سامنے آئی تھی کہ نادیہ خان نے منگنی کرلی ہے اور اب وہ تیسری بار رشتہ ازدواج میں منسلک ہونے جا رہی ہیں۔

خبریں تھیں کہ نادیہ خان نے اسلام آباد میں ایک نجی تقریب میں منگنی کی جس میں صرف اہلخانہ نے شرکت کی جب کہ آئندہ چند ہفتوں میں وہ شادی کے بندھن میں بندھنے والی ہیں جس کی تیاریاں شروع کردی گئی ہیں اور اسی سلسلے میں اداکارہ ڈریس ڈیزائنر کے پاس شادی کا جوڑا سلوانے کے لیے متعدد بار جا چکی ہیں۔

سوشل میڈیا پر گردش خبروں کے مطابق اداکارہ نادیہ خان کے منگیتر ائیرفورس میں پائلٹ ہیں اور دونوں کو منگنی کی تقریب میں نہایت خوشگوار موڈ میں دیکھا گیا تاہم منگنی اور اس کے بعد شادی سے متعلق خبروں پر اداکارہ کی جانب سے خاموشی اختیار کی گئی ہے۔

نادیہ خان تیسری بار دلہن بننے کے لئے تیار؟

پا کستان ڈرامہ انڈسٹری کے نامور اداکار زاہد احمد نے مداح کی جانب سے پوچھے گئے سوال پر دلچسپ جواب دیا کہ جواب سے سوشل میڈیا صارفین خوب محفوظ ہوئے-

باغی ٹی وی :ڈرام- سیریل ’ ذرا یاد کر‘، ’ عشق زہے نصیب‘،’محبت تجھے الوداع‘ میں اپنی جاندار اداکاری سے لوگوں کی توجہ حاصل کرنے والے اداکار زاہد احمد ان دنوں اداکارہ صبا قمر کے ہمراہ فلم ’گھبرانا نہیں ہے‘ کی شوٹنگ میں مصروف ہیں جب کہ ان کے ہمراہ اداکار سید جبران بھی مرکزی کردار میں دکھائی دیں گے۔

اداکار زاہد احمد نے گزشتہ روز انسٹاگرام پر اپنی ایک تصویر پوسٹ کی جس میں وہ کالی جیکٹ میں سنجیدہ پوز کیساتھ گاڑی کے اندر بیٹھے دکھائی دے رہے ہیں۔

تصویر کے کیپشن میں اداکار نے لکھا ہم اس طرح کام پر جاتے ہیں ساتھ ہی انہوں نے ’گھبرانا نہیں ہے‘ کا ہیش ٹیگ بھی استعمال کیا –

اداکار کی تصویر پر ایک صارف نے ان سے پوچھا یہ جیکٹ آپ نے راجا بازار سے خریدی یا پھر صدر سے‘ جس پر اداکار نے دلچسپ جواب دیتے ہوئے لکھا کہ ’ صدر سے خریدی کیوں کہ راجا بازار تو راولپنڈی میں ہے‘۔

اداکار کے اس جواب پر دیگر صارفین خوب لطف اندوز ہوئے ایک صارف نے کہا کہ ’ لگتا ہے کافی بے عزتی ہوگئی ہے آپ کی ‘ جس پر سوال پوچھنے والے صارف نے کہا کہ ’آپ کو کس نے کہا ، پسندیدہ اداکار سے جواب آنا تو فخر کی بات ہوتی ہے-

پاکستان کے صف اول کے صحافی اور سینئر اینکر پرسن مبشر لقمان نے ماضی کی سینئیر اداکارہ فردوس بیگم کی وفات پر افسوس کا اظہار کیا ہے-

باغی ٹی وی :مائیکرو بلاگنگ ویب سائٹ ٹوئٹر پر اپنی ٹوئٹ میں اداکارہ فردوس بیگم کی موت پر افسوس کا اظہار کیا-

Firdaus Begum a true Heer that ever was pic.twitter.com/V1deFD0O8R

— Mubasher Lucman (@mubasherlucman) December 16, 2020

مبشر لقمان نے اپنی ٹوئٹ میں فلم ہیر رانجھا کے دوران لی گئی ایک یادگار تصویر اور حال کی تصویر شئیر کا کولاج شئیر کرتے ہوئے اداکارہ کو حقیقی قرار دیا-

خیال رہے کہ اس سے قبل پنجاب کے وزیرِ اعلیٰ سردار عثمان بزدار کی معاونِ خصوصی ڈاکٹر فردوس عاشق اعوان نے ٹوئٹر پر افسوس کا اظہار کرتے ہوئے لکھا کہ معروف اداکارہ فردوس بیگم کے انتقال کی خبر سن کر بہت دکھ ہوا (انا للہ وانا الیہ راجعون)۔

فردوس عاشق اعوان نے کہا تھا کہ فردوس بیگم ایک خوبصورت اور منجھی ہوئی اداکارہ تھیں جنہوں نے دہائیوں تک پاکستان فلم انڈسٹری پر راج کیا ساتھ ہی انہوں نے مرحومہ کے لیے دعائے مغفرت کی-

لیجنڈری اداکارہ فردوس بیگم کو برین ہیمبرج ہو گیا

واضح رہے کہ واضح رہے کہ ماضی کی معروف اداکارہ فردوس بیگم آج 80 سال کی عمرمیں انتقال کرگئیں۔ انہیں برین ہیمبرج ہونے پرنجی اسپتال داخل کیا گیا تھا جہاں وہ جانبرنہ ہوسکیں۔

170 فلموں میں اداکاری کرنے والی فردوس بیگم نے فنی سفر1963ء میں فلم فانوس سے کیا۔ 1965 میں ریلیزہونے والی ملنگی کامیاب ہوئی۔1970ء میں فلم ہیر رانجھا نے فردوس کو سپراسٹار بنا دیا۔ ہیررانجھا میں فردوس کی اداکاری، ڈائیلاگ ڈلیوری اوررقص کو بہت سراہا گیا۔ فردوس کی جوڑی اکمل ، سدھیر، یوسف خان اوراعجاز درانی کے ساتھ مقبول رہی۔

لیجنڈری اداکارہ فردوس بیگم کو برین ہیمبرج ہو گیا

پنجاب کے وزیرِ اعلیٰ سردار عثمان بزدار کی معاونِ خصوصی ڈاکٹر فردوس عاشق اعوان نے اداکارہ فردوس بیگم کی موت پر غم اور افسوس کا اظہار کیا ہے-

باغی ٹی وی : ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر افسوس کا اظہار کرتے ہوئے لکھا کہ معروف اداکارہ فردوس بیگم کے انتقال کی خبر سن کر بہت دکھ ہوا (انا للہ وانا الیہ راجعون)۔

معروف اداکارہ فردوس بیگم کے انتقال کی خبر سن کر بہت دکھ ہوا (إنا لله وإنا إليه راجعون)۔
فردوس بیگم ایک خوبصورت اور منجھی ہوئی اداکارہ تھیں جنہوں نے دہائیوں تک پاکستان فلم انڈسٹری پر راج کیا۔ پروردگار اُنکے درجات بلند فرمائے اور پسماندگان کو صبر جمیل عطا فرمائے۔ pic.twitter.com/4HTFia347P

— Dr. Firdous Ashiq Awan (@Dr_FirdousAwan) December 16, 2020

فردوس عاشق اعوان نے مزید لکھا کہ فردوس بیگم ایک خوبصورت اور منجھی ہوئی اداکارہ تھیں جنہوں نے دہائیوں تک پاکستان فلم انڈسٹری پر راج کیا۔

ڈاکٹر فردوس عاشق اعوان نے اللہ تعالیٰ سے اداکارہ فردوس کے لیے دعائے مغفرت کرتے ہوئے کہا کہ پروردگار اُن کے درجات بلند کرے اور پسماندگان کو صبرِ جمیل عطا فرمائے (آمین)۔

واضح رہے کہ ماضی کی معروف اداکارہ فردوس بیگم آج 80 سال کی عمرمیں انتقال کرگئیں۔ انہیں برین ہیمبرج ہونے پرنجی اسپتال داخل کیا گیا تھا جہاں وہ جانبرنہ ہوسکیں۔

170 فلموں میں اداکاری کرنے والی فردوس بیگم نے فنی سفر1963ء میں فلم فانوس سے کیا۔ 1965 میں ریلیزہونے والی ملنگی کامیاب ہوئی۔1970ء میں فلم ہیر رانجھا نے فردوس کو سپراسٹار بنا دیا۔ ہیررانجھا میں فردوس کی اداکاری، ڈائیلاگ ڈلیوری اوررقص کو بہت سراہا گیا۔ فردوس کی جوڑی اکمل ، سدھیر، یوسف خان اوراعجاز درانی کے ساتھ مقبول رہی۔

لیجنڈری اداکارہ فردوس بیگم کو برین ہیمبرج ہو گیا

پاکستان میوزک انڈسٹری کے معروف گلوکار زوہیب حسن نے مرحوم بہن نازیہ حسن کا مقبول گانا ’بوم بوم ‘ گا کر خراج عقیدت پیش کرنے پر میشا شفیع کا شکریہ ادا کیا ہے-

باغی ٹی وی : میشا شفیع نے یہ گانا ’ویلو ساؤنڈ اسٹیشن‘ کیلئے گایا تھا جسے اسٹرنگز بینڈ کے رکن بلال مقصود نے پروڈیوس کیا ہے میشا نے نازیہ حسن کوخراج عقیدت پیش کرتے ہوئے بوم بوم کو نئے ورژن کے ساتھ گایا۔

زوہیب حسن نے بھی فیس بُک پوسٹ میں ویلو ٹیم کی تعریف کرتے ہوئے اپنی بہن کیلئے اس خوبصورت خراج عقیدت پرمیشا کا خصوصی شکریہ ادا کیا۔

زوہیب حسین کی پوسٹ میشا کو میشا سفیع نے انسٹا گرام پراسکرین شاٹ شیئرکرتے ہوئے لکھا کہ پوری دنیا سے موصول ہونے والی محبتوں اور تعریفوں میں سے کچھ بھی اس تعریف سے جڑی قدروں سے مطابقت نہیں رکھتا یہ تعریف میرے اور پوری ٹیم کیلئے یہ بہت زیادہ اہمیت کا حامل ہے۔

میشا شفیع کی اس پوسٹ پر اداکارہ عائشہ عمر نے رد عمل دیتے ہوئے لکھا کہ میری جان آپ اس تعریف اور محبت کی حقدار ہیں-

واضح رہے کہ مذکورہ گانا نازیہ حسن نے سال 1982 میں بھارتی فلم ’اسٹار‘ کیلئے گایا جس نے نہایت مقبولیت حاصل کی، اس گانے پر نازیہ کو فلم فیئرایوارڈ کیلئے بیسٹ پلے بیک فیمیل سنگر کی کیٹگری میں بھی نامزد کیا گیا تھا۔