سیشن کورٹ میں سماعت کے دوران عدالت میں جرح کے دوران عفت عمر کو ایک بار پھر چکر آگئے-
باغی ٹی وی : سیشن کورٹ میں گلوکارہ میشا شفیع کے خلاف ہتک عزت کے دعوی پر سماعت ہوئی
عدالت میں میشا شفیع کے گواہ عفت عمر پر جرح شروع ہو گئی،علی ظفر کے وکیل نے سوال کیا کہ آپ نے کبھی ڈاکٹر سے ذہنی توازن اپنا چیک کروایا ہے ۔عفت عمر نے جواب دیا کہ میں نے ذہنی توازن چیک کروایا ہے وہ ٹھیک ہے ۔علی ظفر کے وکیل نے سوال کیا کہ جب آپ نے ذہنی توازن چیک کروایا تو کوئی ڈاکٹر نے میڈیسن دی تھی ۔جس پر عفت عمر نے کہا کہ جی مجھے ڈاکٹر نے بلڈ پریشر اور ڈپریشن کی دوائی دی
علی ظفر کے وکیل نے سوال کیا کہ آپکو انڈسٹری میں گالیاں کس نے دی ہیں جس پر عفت عمر نے کہا کہ جی مجھے گالیاں ملی ہیں انڈسٹری سے۔ علی ظفر کے وکیل نے سوال کیا کہ کوئی واقعہ یاد ہو جس میں سوسائٹی نے آپکو برا بھلا کہا ہو ۔،عفت عمر نے کہا کہ ایک چینل نے میرے خلاف جھوٹا پروپیگینڈا کیا تھا ۔جس میں کہا گیا کہ مین نے شوہر سے طلاق لے رہی ہوں کیونکہ میں اپنی بیٹی کی بہتر دیکھ بھال نہیں کرتی۔
علی ظفر کے خلاف میشا شفیع کی گواہ عفت عمر کے بیان پر جرح جاری ہے،علی ظفر کے وکیل نے سوال کیا کہ آپکے گھر دعوت میں میشا شفیع ہنس رہی تھی یا رو رہی تھی،عفت عمر نے جواب دیا کہ میرے سامنے وہ شدید پریشان تھیں۔
علی ظفر کے وکیل نے عفت عمر کے گھر کھانے کی تصویر عدالت میں پیش کردی اور وکیل نے سوال کیا کہ آپ کے گھر کھانے کی تصویر میں میشا شفیع خوش کھڑی ہیں۔ عفت عمر کا کہنا تھا کہ وہ سب کے سامنے خوش ہی کھڑی ہیں لیکن میرے سامنے وہ پریشان تھی ۔
دوران سماعت علی ظفر اور میشا شفیع کے وکلاء کے درمیان تلخ کلامی ہوئی،علی ظفر کے وکیل نے اعتراض کیا کہ میشا شفیع کے وکیل گواہ کو بتا رہے ہیں یہ غلط ہو رہا ہے ۔
تاہم علی ظفر کے وکیل کے تندو تیز جرح پر عفت عمر گھبرا گئیں جس سے ان کی طبیعت بگڑ گئی اور انہیں چکر آ گئے ہیں،عفت عمر نے عدالت میں کہا کہ کچھ دیر کے لیے سماعت ملتوی کردیں میں کٹہرے میں کھڑی تھک گئی ہوں جس پر فاضل جج نے کہا کہ ہم آپ کو کرسی فراہم کردیتے ہیں بیٹھ کر جواب دیں،عفت عمر نے کہا کہ برائے مہربانی مجھے کچھ وقفہ دیں ،جج نے سماعت کچھ دیر کچھ دیر کےلیے ملتوی کردی
واضح رہے کہ 12 دسمبر کو بھی سماعت کے دوران عدالت میں جرح پر عفت عمر چکرا گئیں تھیں جس پر عدالت نے سماعت تھوڑی دیر کے لئے ملتوی کر دی تھی-
واضح رہے کہ گلوکارہ میشا شفیع کے خلاف ہتک عزت کے دعوے پر گزشتہ دوسال سے عدالت میں سماعت جاری ہے تاہم عفت عمر کے اس بیان پر کہ عدالت نے میشا کو بلایا ہی نہیں اگر انہیں بلایا تو ضرور آئیں گی کے بر عکس سچ تو یہ ہے کہ میشا عدالت کی جانب سے متعدد بارطلبی کے باوجود عدالت میں پیش نہیں ہوئیں۔
جبکہ حال ہی میں میشا شفیع کینیڈا سے پاکستان آئیں اور عدالت میں پیش ہونے کے بجائے لاہور اور کراچی کے دو میوزک اسٹوڈیوز میں گانے ریکارڈ کرواکر دو رز قبل واپس کینیڈا چلی روانہ ہوگئیں تھیں-
خواتین کے حقوق کی حامی اور میشا شفیع کو سچا ماننے والی اداکارہ عفت عمر کے میڈیا کے ساتھ دیئے گئے جھوٹے بیان کے برعکس لاہور کی سیشن عدالت نے علی ظفر ہتک کیس میں27 اکتوبر کو اداکارہ کو گواہان سمیت کو طلب کیا تھا۔اس کے بعد سات نومبر14 نومبر16نومبر 23اور 30نومبر کو بھی ان کو سمن جاری کیے گئے مگر میشا شفیع پیش نہ ہوئیں۔ گلوکارہ نے پچھلے سال دسمبر میں عدالت میں آخری بیان ریکارڈ کروایا تھا۔
عفت عمر کے گھر کھانے کی تصویر عدالت میں پیش،علی ظفر اور میشا شفیع کے وکلاء میں تلخ کلامی
انڈسٹری میں گالیاں کس نے دیں؟ میشا شفیع کی گواہ عفت عمر سے وکیل کی جرح،کیا ملا جواب؟
