پاکستان شوبز انڈسٹری کی مقبول اداکارہ ایمن خان اور عائزہ خان کا شمار سوشل میڈیا کی مقبول ترین شخصیات میں کیا جاتا ہے تاہم عائزہ خان ایمن خان کے لئے بڑا چیلنج بن گئیں ہیں-

باغی ٹی وی :پاکستان شوبز انڈسٹری کی دونوں ہی معروف و مقبول اداکارائیں سوشل میڈیا پلیٹ فارمزپربھی خاصی فعال ہیں۔ لیکن انسٹاگرام پرسب سے آگے رہنے والی ایمن خان کے لیے ایک بڑا چیلنج سامنے آگیا ہے کیونکہ اس میدان میں اب وہ سب سے آگے نہیں بلکہ عائزہ خان بھی ان کے ساتھ ساتھ ہیں۔

ایمن خان کے مقبول فوٹو شیئرنگ ایپ انسٹاگرام پر فا لوورز کی تعداد7.8 ملین ہے تاہم اب اداکارہ عائزہ خان بھی انسٹاگرام فالوورز کی تعداد 7.8ملین رکھنےکے بعد ایمن خان کے مد مقابل آگئی ہیں تاہم اب مداحوں کوانتظارہے کہ اس میدان میں آگے عائزہ بڑھتی ہیں یا ایمن خان۔

دونوں اداکاروں کے انسٹاگرام پر موجود پوسٹوں کی بات کی جائے تو عائزہ خان کی پوسٹوں کی تعداد ایمن خان کے مقابلے کئی ہزار زیادہ ہے۔

عائزہ خان کے اکاؤنٹ پر تا حال 3,347 پوسٹس موجود ہیں جب کہ ایمن خان کے اکاؤنٹ پر اب تک صرف 1,221 پوسٹس کی گئی ہیں۔

یاد رہے کہ حال ہی میں ہم نیٹ ورک کی جانب سے اداکارہ ایمن خان کو انسٹاگرام پر سب سے زیادہ فالوورز رکھنے والی اداکارہ کا خصوصی ایوارڈ دیا گیا تھا۔

خیال رہے کہ اس سے قبل پاکستان شوبز انڈسٹری کی مقبول شخصیت علی عباس تسلیم کرچکے ہیں کہ اب کام انسٹاگرام پر فالوورز کی تعداد کی بنا پر دیا جاتا ہے –

آجکل ٹیلنٹ نہیں بلکہ انسٹاگرام فالوورز کے حساب سے کاسٹ کیا جارہا ہے علی عباس

پاکستان شوبز انڈسٹری کے معروف اداکار یاسر حسین اور ماڈل و اداکارہ منال خان جلد ہی پانی کی قلت پر بنی ٹیلی فلم ‘پیاس’ میں دکھائی دیں گے۔

باغی ٹی وی : اداکارہ منال خان نے ویڈیو اینڈ فوٹو شئیرنگ ایپ انسٹاگرام پر اپنی آنے والی ٹیلی فلم ‘پیاس’ کی شوٹنگ کے دوران کھینچی گئی تصاویر کو شیئر کیں اور کہا کہ انہیں مذکورہ ٹیلی فلم میں کام کرنے پر فخر ہے۔

اداکارہ نے اپنی پوسٹ میں تصاویر شیئر کرتے ہوئے بتایا کہ ‘پیاس’ کی کہانی ضلع ہری پور کے ایک چھوٹے سے قصبے کی خواتین کی زندگی پر مبنی ہے جو پینے کے پانی کی حاصلات کے لیے کئی گھنٹوں کا پیدل سفر کرتی ہیں۔

انہوں نے لکھا کہ پانی کو ہم روز مرہ کی زندگی میں استعمال کرتے ہیں تاہم ہم نے یہ کبھی نہیں سوچا کہ یہ کتنی بڑی نعمت ہے لیکن اسی پانی کی بوند بوند کے لیے کئی لوگ ترس رہے ہیں۔

منال خان نے لکھاکہ ‘پیاس’ سماجی مسائل کو سامنے لانے کی اہم کہانی ہے اور انہوں نے ٹیلی فلم کی ٹیم کی تعریف کرتے ہوئے اس بات پر بھی شکرانے ادا کیے کہ انہیں دیہی خواتین کی زندگی کو سمجھنے والا کردار ادا کرنے کا موقع دیا گیا۔

انہوں نے فلم ساز سید وجاہت حسین کی تعریف کی اور کہا کہ انہیں امید ہے کہ ‘پیاس’ شائقین کی توجہ حاصل کرنے میں کامیاب جائے گی۔

اداکارہ نے یہ نہیں بتایا کہ ٹیلی فلم کو کب تک ریلیز کیا جائے گا تاہم انہوں نے ‘پیاس’ میں پینے کے پانی کے لیے کئی گھنٹوں تک پیدل سفر کرنے والی دیہی خاتون کا کردار دینے پر ہدایت کار کا شکریہ ادا کیا۔



منال خان کی طرح یاسر حسین نے بھی ‘پیاس’ کی شوٹنگ کے دوران کھچوائی گئی تصاویر کو انسٹاگرام پر شیئر کیا، تاہم انہوں نے بھی اسے ریلیزکرنے کی تاریخ کا نہیں بتایا۔

دوسری جانب فلم ساز سید وجاہت حسین نے بھی شوٹنگ کے دوران لی گئیں تصاویر اور ویڈیو شئیر کی تاہم انہوں نے بھی ٹیلی فلم کی ریلیز کے بارے میں کچھ نہیں بتایا تاہم خیال کیا جا رہا ہے نئے سال آئندہ ماہ فلم کو ریلیز کر دیا جائے گا-

شادی کی پہلی سالگرہ پر اقرا عزیز کا شوہر یاسر حسین کے لئے محبت بھرا پیغام

شوبزشخصیات نے سال 2020 میں کیا سیکھا ؟

علی ظفر اور آئمہ بیگ کے نئے پروجیکٹ ‘وے ماہیا’ کا ٹیزر جاری

پیمرا (ریڈیو براڈ کاسٹ اسٹیشن آپریشن) حکام آصف علی زرداری کی کمپنی کے زیر سایہ چلنے والے پاکستان بھر میں 10 سے زائد ایف ایم ریڈیو ایف ایم 100 اور دیگر طاقتور کمپنیوں کے مالکان نوٹس کے باوجود تجدیدی فیس لینے میں ناکام رہے-

باغی ٹی وی : قومی اخبار میں شائر کردہ رپورٹ کے مطابق سپریم کورٹ آف پاکستان کے پٹیشن نمبر2459 اور2465 برائے 2017 سے متعلقہ معاملات میں دیئے گئے احکامات کی روشنی میں جس میں ایف ایم ریڈیو لائسنسوں کی تجدید کے سلسلے میں اتھارٹی کی دائر کردہ اپیل کو منظور کیا تھا درحقیقت معزز عدالت نے ایف ایم لائسنسن یافتگان کی دائر کردی نظر ثانی کی اپیل بھی خارج کر دی تھی-

فیز -1 کے ایف ایم ریڈیو یافتگان کو پیمرا ریگولیشنز ترمیم شدہ 2019 کی ریگولیشن 9 اور مراسلہ بتاریخ 18 مئی 2020 بمع یادہانی مراسلہ جات بتاریخ یکم جولائی 2020 اور 4 اگست 2020 کے تحت تجدیدی فیس جمع کرانے کا کہا گیا تھا تاہم ایف ایم ریڈیو لائسنسن یافتگان فیز-1 نے 4 اگست 2020 مراسلہ کے تحت دیئے گئے شیڈول کے مطابق تاحال تجدیدی فیس جمع نہیں کروائی ہے –

اس سے قبل بھی فیز-1 کے لائسنسن یافتگان کو متعدد مواقع دیئے جا چکے ہیں اور مزید برآں یہ تمام ایف اسٹیشن گزشتہ 8 سالوں سے بنا کسی لائسنس کے چل رہے ہیں جبکہ ان کے لائسنس کی معیاد جو کہ 10 برس تھی 2012 اور 2013 میں ختم ہو چکی ہے-

اسی حوالے سے قومی اخبارات میں 13 نومبر 2020 کو ایک عوامی نوٹس شائع ہوا جس میں پیمرا (ریڈیو براڈ کاسٹ اسٹیشن آپریشن) نے آصف علی زرداری کی کمپنی کے زیر سایہ چلنے والے پاکستان بھر میں 10 سے زائد ایف ایم ریڈیو ایف ایم 100 اور دیگر طاقتور کمپنیوں کے مالکان کو ایک نوٹس جاری کیا تھا پیمرا نےاس عوامی نوٹس کے ذریعے ، فیز 1 کے تمام ایف ایم ریڈیو لائسنسوں کو ہدایت کی تھی کہ وہ اپنے ایف ایم ریڈیو اسٹیشنوں کی تجدید کی فیس 30 دن میں جمع کروائیں۔

قومی اخبارات میں 13 نومبر 2020 کو شائع کردہ عوامی نوٹس
پیمرا کا کہنا تھا کہ اس پبلک نوٹس کے ذریعے فیز -1 کے تمام ایف ایم ریڈیو لائسنس یافتگان کو ہدایات دی جاتی ہیں کہ اوپر حوالہ دیئے گئے مراسلوں میں درج تفصیلات کے مطابق اپنے ریڈیو اسٹیشن لائسنس کی تجدیدی فیس نوٹس ہذا کی اشاعت سے 30 یوم کے اندر اتھارٹی کو جمع کروائیں مذکورہ وقت کے اندر تجدیدی فیس جمع نہ کرانے کی صورت میں اتھارٹی پیمرا قوانین کے تحت تادیبی کاروائی کی پابند ہو گی جس میں آلات کی ضبطگی اور ایف ایم ریڈیو اسٹیشن کی بندش شامل ہے-

تاہم تا حال ، ایف ایم ریڈیو لائسنس اس تجدید کو جمع کرنے میں ناکام رہے –

معزز سپریم کورٹ آف پاکستان کے حکم کی تعمیل میں ، فیز 1 کے ایف ایم ریڈیو لائسنسوں سے 18 مئی 2020 ، یک جولائی 2020 اور 4 اگست 2020 تاریخی خطوط کے ساتھ تجدید فیس جمع کروانے کے لئے کہا گیا تھا ، تاہم ، ایف ایم ریڈیو لائسنس اس تجدید کو جمع کرنے میں ناکام رہے –

شیڈول کے مطابق فیس بشمول 8 اگست 2020 کے خطوط کے مطابق خط بھیج دی گئی تھی تاہم تا حال سپریم کورٹ آف پاکستان کے احکامات کی تعمیل نہیں کی گئی تجدید فیس جمع کروانے کی آخری تاریخ 12 دسمبر 2020 تھی۔ تاہم ، فیز 1 کے ایف ایم ریڈیو لائسنسوں نے تا حال تجدید فیس جمع نہیں کی ہے۔ مزید کارروائی جاری ہے۔

سوال یہ ہے کہ معزز عدالت سپریم کورٹ کا جب حکم موجود ہے تو چئیر مین پیمرا کی جانب سے ان کے خلاف کاروائی کیوں نہیں کی جا رہی ہے-

پاکستان شوبز انڈسٹری کے معروف اور عالمی شہرت یافتہ گلوکار و اداکار علی ظفر نے گلوکارہ آئمہ بیگ کے ساتھ اپنے آنے والے پروجیکٹ ‘وے ماہیا’ کا ٹیزر جاری کردیا۔

باغی ٹی وی :سماجی رابطے کی ویب سائٹس انسٹاگرام اور ٹوئٹر پر جاری ٹوئٹ میں علی ظفر نے ‘وے ماہیا’ کا ٹیزر جاری کیا جس میں وہ گلوکارہ آئمہ بیگ کے ساتھ موجود ہیں۔

Sunday… DND. Watch this space for what’s coming. pic.twitter.com/SPriGCu1b4

— Ali Zafar (@AliZafarsays) December 27, 2020

ویڈیو میں علی ظفر اور آئمہ بیگ کو برف پوش پہاڑوں میں ملتے اور بچھڑتے دکھایا گیا ہےاس کے ساتھ ہی ٹیزر میں علی ظفر کی آواز بھی شامل ہے جس میں وہ کہہ رہے ہیں کہ ‘ٹوٹ جاتے ہیں دل عشق کے درباروں میں، لوٹ جاتے ہیں عاشق برف کے انگاروں میں، سنا ہے ڈھونڈنے سے خدا بھی مل جاتا ہے، شاید ہم بھی مل جائیں اک دن تمہیں ٹوٹے ہوئے ستاروں میں۔

اپنی پوسٹ میں علی ظفر نے بتایا کہ ‘وے ماہیا’ کو سالِ نو کے موقع پر یکم جنوری 2021 کو ریلیز کیا جائے گا۔

سلمان خان نے اپنی نئی آنے والی فلم کی ریلیزعالمی وبا کورونا سے مشروط کر دی

اس ٹیزر کو مداحوں کی جانب سے بھی بہت زیادہ پسند کیا گیا ہے اور یہ سوال بھی پوچھا گیا کہ یہ گانا ہے یا فلم تاہم دونوں گلوکاروں کی جانب سے کوئی جواب سامنے نہیں آیا۔

کیونکہ ٹیزر میں علی ظفر کی آواز کے علاوہ کوئی موسیقی شامل نہیں ہے جس سے یہ واضح نہیں ہورہا کہ وے ماہیا ان کا آنے والا گانا ہی ہے یا کوئی ممکنہ فلم۔

دوسری جانب گلوکارہ آئمہ بیگ نے بھی اپنے انسٹاگرام اکاؤنٹ پر ‘وے ماہیا’ کا ٹیزر جاری کیا اور بتایا کہ مکمل ویڈیو یکم جنوری کو ریلیز کی جائے گی۔

لاہور میوزیم پرمبنی دستاویزی فلم نے امریکہ میں بہترین ثقافتی دستاویزی فلم کا ایوارڈ اپنے نام کر لیا

پاکستانی نژاد کینیڈین یوٹیوبر زید علی کا کہنا ہے کہ ہر مرد کی کامیابی کے پیچھے عورت کا ہاتھ ہوتا ہے۔

باغی ٹی وی : زید علی اکثر و بیشتر اکثر سوشل میڈیا پر اپنی اہلیہ یمنیٰ کے لیے محبت بھرے پیغامات اور میاں بیوی کے رشتے کے حوالے سے معنی خیز پوسٹس شئیر کرتے نظر آتے ہیںاور مداحوں سے خوب دا د و تحسین سمیٹتے ہیں-

تاہم اب بھی یو ٹیوبر نے فوٹو اینڈ ویڈیو شیئرنگ ایپ انسٹاگرام پر یمنیٰ کے ہمراہ نئی تصویر پوسٹ کی ہے جس میں زید علی اور اُن کی اہلیہ برفبانی علاقے میں سیر سپاٹے میں مصروف ہیں۔

تصویر میں دیکھا جاسکتا ہے کہ انہوں نے موسم سرما کی مناسبت سے لباس زیب تن کیے ہوئے ہیں اورموسم سرما سے لطف اندوز ہورہے ہیں۔

زید علی نے اپنی اس تصویر کو ایک معنی خیز کیپشن دیتے ہوئے لکھا کہ یقین کریں ہر مرد کی کامیابی کے پیچھے ایک عورت کا ہی ہاتھ ہوتا ہے۔

زید علی کے اس پیغام کو مداحوں کی جانب سے بے حد پسند کیا جا رہا ہے-

یاد رہے کہ انٹرنیٹ پر اپنی مزاحیہ ویڈیو سے شہرت حاصل کرنے والے پاکستانی نژاد کینیڈین اسٹار زید علی نے اگست 2017ء میں یمنیٰ سے شادی کی سوشل میڈیا سے شہرت پانے والے پاکستانی نژاد زید علی کینیڈا میں مقیم ہیں-