Category: شوبز

بھارتی فلم انڈسٹری کے معروف کوریو گرافر اور ہدایت کار ریمو ڈی سوزا نے بالی وڈ کے سُپر اسٹار سلمان خان کو سُنہرے دل والا انسان قرار دے دیا۔

باغی ٹی وی : بالی وڈ کے سلطان سلمان خان آج اپنی 55 ویں سالگرہ منا رہے ہیں اور اس موقع پر اُنہیں دُنیا بھر سے محبت بھرے پیغامات موصول ہو رہے ہیں معروف کوریوگرافر ریمو ڈی سوزا نے بھی سلمان خان کے لیے خصوصی پیغام جاری کیا ہے۔

ریمو ڈی سوزا نے سماجی رابطے کی ویب سائٹ انسٹاگرام اکاؤنٹ پر سلمان خان کے ہمراہ اپنی یادگار تصویر شیئر کی ہے جس میں ریمو ڈی سوزا نظریں جُھکائے کھڑے ہیں جبکہ سلمان خان حیرت زدہ نظر آ رہے ہیں۔

بھارتی کوریوگرافر نے تصویر کے کیپشن میں سلمان خان سے مخاطب ہوتے ہوئے لکھا کہ سالگرہ مبارک ہو سلمان سر۔

اُنہوں نے سلمان خان کی سپورٹ کے لیے شکریہ ادا کرتے ہوئے لکھا کہ آپ کا دل سُنہرا ہے اور میں آپ سے بہت پیار کرتا ہوں۔ ساتھ ہی انہوں نے ہیش ٹیگ استعمال کرتے ہوئے سلمان خان کو فرشتہ قرار دی-

واضح رہے کہ سلمان خان آج 55 سال کے ہوگئے ہیں، وہ بھارتی شہر اندور میں 27 دسمبر 1965ء کو پیدا ہوئے تھے۔1988ء میں اداکاری کی شروعات کرنے والے سلمان خان سُپر اسٹار ہونے کے علاوہ، پروڈیوسر اور گلوکار بھی ہیں۔

سلمان خان نے اپنی سالگرہ کا کیک کہاں پر اور کس کے ساتھ کاٹا؟

سالگرہ پر سلمان خان کا مداحوں کے لئے خصوصی پیغام

رواں برس کورونا وائرس کے باعث میگا بجٹ فلموں کوآن لائن ریلیز کیا جا رہا ہے-

باغی ٹی وی : سینما تھیٹرز بند ہونے کے باعث دیگر فلم پروڈکشن کمپنیز کی طرح ڈزنی اسٹوڈیو نے بھی ہسٹوریکل لائیو ایکشن تھرلر فلم ’مولان‘ سمیت دیگر فلمیں بھی آن لائن ریلیز کی تھیں۔

اور اب ڈزنی اسٹوڈیو کے پکسر اسٹوڈیو کی جانب سے تیار کردہ فنٹیسی اینیمیٹڈ فلم ’سول‘ کو بھی آن لائن ریلیز کردیا گیا۔

خبر رساں ادارے ایسوسی ایٹڈ پریس (اے پی) نے اپنی رپورٹ میں بتایا کہ امریکا سمیت دنیا بھر میں وبا کے باعث تھیٹرز بند ہونے کی وجہ سے فلم کو اسٹریمنگ ویب سائٹ ڈزنی پلس پر ریلیز کردیا گیا۔

خبر رساں ادارے نے فلم کے شائع کیے گئے تبصرے میں فلم کی کہانی اور کردار کی تعریف کرتے ہوئے اسے 4 میں سے 3 اسٹار دئیے اور بتایا کہ فلم کو کہانی کی وجہ سے بہت سراہا جا رہا ہے۔

’سول‘ میں اس کائنات کا ایک اور سیارہ بھی دکھایا گیا ہے جہاں پہنچنے کے بعد فلم کے کردار اس سیارے کو جنت سمجھ بیٹھتے ہیں۔

اپنی دنیا سے مختلف دکھائی دینے والی دنیا کو دیکھ کر فلمی کرداروں کو لگتا ہے کہ وہ جنت میں پہنچ چکے ہیں،تاہم درحقیقت وہ جنت میں نہیں بلکہ دوسرے سیارے میں پہنچ چکے ہوتے ہیں۔

فلم کی کہانی ایک ہائی اسکول کے میوزک ٹیچر اور اس کے طالب علم کے گرد گھومتی ہے، فلم میں اسکول ٹیچر اپنے طالب علم کے روح کو اس کے جسم سے الگ کردیتا ہے۔

’سول‘ ڈزنی کے پکسر اینیمیشن اسٹوڈیو کی 26 ویں فلم ہے اس سے قبل پکسر کی ریلیز کی گئی تقریبا تمام ہی فنٹیسی اینیمیٹڈ یا سپر ہیرو فلمیں شائقین کا خوب توجہ حاصل کرنے میں کامیاب رہی ہیں۔

پکسر کے تحت ’ٹائی اسٹوری، فائنٹنگ نینو، دی انکریڈیبلز، کارز، کوکو، اور آن ورڈ‘ جیسی معروف فلم سیریز بھی ریلیز کی جا چکی ہیں، جن میں سے ’ٹائی اسٹوری‘ کی چار جب کہ ’دی انکریڈیبلز‘ اور ’کارز‘ سمیت دیگر چند فلموں کی دو دو فلمیں ریلیز کی جا چکی ہیں۔

واضح رہے کہ ’سول‘ سے رواں ماہ ستمبر میں ڈزنی نے اپنی میگا بجٹ تاریخی لائیو ایکشن تھرلر فلم ’مولان‘ کو بھی ڈزنی پلس پر ریلیز کیا تھا اس معاملے میں ، کمپنی نے "مولان” دیکھنے کے لئے ڈزنی پلس کے صارفین سے اضافی 30 ڈالر وصول کیے تھے۔

ڈزنی اسٹوڈیو کا مولان کے بعد اینیمیٹڈ فلم ’سول‘ کو بھی آن لائن ریلیز کرنے کا اعلان

بھارتی ماڈل اور اداکارہ گوہر خان نے اپنی شادی کے ریسپشن کی تصویریں شیئر کردیں-

باغی ٹی وی : دو روز قبل معروف بالی ووڈ میوزک کمپوزر اسماعیل دربار کے بڑے بیٹے زید دربار کے ساتھ رشتۂ ازدواج میں منسلک ہونے والی بالی وڈ اداکارہ گوہر خان نے سوشل میڈیا سائٹ انسٹاگرام پر اپنی شادی کے ریسپشن کی تصویریں شیئر کی ہیں۔

رئیلٹی شو بگ باس کے ساتویں سیزن کی فاتح گوہر خان کی جانب سے شیئر کی جانے والی تصویروں میں وہ خوبصورت عروسی لباس میں ملبوس ہیں جبکہ اُن کے شوہر زید دربار بھی شیروانی میں دلکش نظر آرہے ہیں۔

گوہر خان کی جانب سے شئیر کی جانے والی تصویر میں وہ محبت بھری نگاہوں سے اپنے شوہر کی طرف دیکھ رہی ہیں جبکہ ایک تصویر میں اُنہوں نے اپنے شوہر زید دربار کا ہاتھ بھی تھاما ہوا ہے۔

گوہر خان نے اپنی تصویروں کے کیپشن میں لکھا کہ کبھی تیرا، کبھی میرا، کبھی ہمارا۔

اُنہوں نے کیپشن ہیش ٹیگ GaZaForever کا بھی استعمال کیا جس کا مطلب یہ ہے کہ گوہر اور زید ہمیشہ ایک دوسرے کے ساتھ رہیں گے۔

خیال رہے کہ بالی وڈ اداکارہ گوہر خان اور زید دربار دو روز قبل یعنی جمعتہ المبارک کے موقع پر رشتۂ ازدواج میں منسلک ہوئے تھے۔

واضح رہے کہ گوہر خان گزشتہ ڈیڑھ دہائی سے شوبز انڈسٹری کا حصہ ہیں اور وہ متنازع ریئلٹی شو ‘بگ باس’ سمیت دیگر بھارتی ٹی وی شوز میں شرکت کر چکی ہیں۔

گوہر خان نے 2004 میں فلم ‘آن: مین ایٹ ورک’ میں مختصر کردار سے فلمی اداکاری کا آغاز کیا تھا، اس سے قبل ہی وہ ٹی وی پر اداکاری کی شروعات کر چکی تھیں۔

گوہر خان اور زید دربار کے نکاح کی تصاویر وائرل

گوہر خان نے کرائم تھرلر بولی وڈ فلم ‘ونس اَپون ٹائم ان ممبئی، عشق زادے، کیا کول ہیں ہم تھری، فیور، بدری ناتھ کی دلہنیا، بیگم جان اور تیرا انتظار’ سمیت دیگر فلموں میں اداکاری کے جوہر دکھائے۔

گوہر خان نے معروف ڈانس پروگرام ‘جھلک دکھلا جا’ میں بھی حصہ لیا جب کہ وہ بگ باس سمیت خطروں کے کھلاڑی نامی ہارر ایکشن ریئلٹی شو میں بھی دکھائی دیں۔

جبکہ گوہر خان کے شوہر زید دربار بھی آرٹسٹ خاندان سے تعلق رکھتے ہیں، ان کے چھوٹے بھائی آواز دربار ماڈل ہیں جب کہ وہ خود بھی سوشل میڈیا اسٹار اور ڈانس کوریوگرافر ہیں۔

گوہر خان اور زید دربار کی شادی کی تقریبات کا آغاز ہو گیا

گوہر خان اور ٹک ٹاکر زید دربار نے شادی کے کارڈ میں اپنی لواسٹوری بیان کر دی

بھارتی اداکارہ چترا کامراج کے شوہر کو پولیس نے گرفتار کرلیا ہے ان پر الزام ہے کہ انہوں نے اپنی بیوی کو خودکشی پر مجبور کیا۔

باغی ٹی وی : بھارتی ریاست تامل ناڈو کی پولیس نے ٹی وی کی معروف اداکارہ و میزبان چترا کامراج کی خودکشی کے الزام میں اداکارہ کے شویر کو گرفتار کر لیا-

بھارتی میڈیا رپورٹ کے مطابق پولیس نے 9 دسمبر کو چنئی کے ہوٹل میں مردہ پائی گئی اداکارہ کے کیس میں اُن کے شوہر کو گرفتار کیا ہے جنہوں نے اس معاملے میں پولیس کو گمراہ کرنے کی بھی کوشش کی تھی۔

تحقیقات کے دوران پولیس نے اداکارہ کے موبائل فون سے شوہر سے متعلق آڈیو پیغامات ریکور اور شواہد جمع کیے۔

اداکارہ کی موت کے بعد شوہر نے چترا کامراج کا موبائل پولیس کو حوالے کرنے سے قبل اس میں سے تمام ہی پیغامات ڈیلیٹ کردیئے تھے۔

پولیس نے چترا کامراج کے شوہر کو گرفتار کرکے ان کے خلاف اداکارہ کو خودکشی پر مجبور کرنے کا مقدمہ درج کرلیا ہے۔

یاد رہے کہ اداکارہ نے رواں برس اگست میں بزنس مین ہیمانتھ سے منگنی کی تھی جس کےدو ماہ بعد ہی دونوں نے شادی رجسٹرڈ کرائی تھی اداکارہ کی خودکشی کی خبر سامنے آنے کے بعد گھروالوں نے پولیس سے تحقیقات کا مطالبہ کیا تھا۔

ایک اوربھارتی اداکارہ کی لاش ہوٹل کے کمرے سے برآمد

بالی وڈ کے سُپر اسٹار سلمان خان آج 55سال کے ہوگئے ہیں اور اس بار انہوں نے سالگرہ کا کیک اپنے فارم ہاؤس پر میڈیا نمائندوں کے ساتھ کاٹا۔

باغی ٹی وی : دنیا بھر میں موجود بالی وڈ کے سپراسٹار سلمان خان نے اس بار سلمان خان نے اپنی سالگرہ کا کیک نہ تو گھر والوں اور نہ ہی دوستوں یا ادکاروں کے ساتھ کاٹا۔

بھارتی میڈیا کے مطابق سلمان خان نے سالگرہ کا کیک فوٹوگرافرز اور صحافیوں کے ساتھ کاٹا اس موقع پر تمام افراد ان کے فارم ہاؤس پر موجود تھے۔

سلمان خان اس موقع پر انتہائی خوشگوار موڈ میں نظر آئے اور انہوں نے فیس ماسک بھی پکڑا ہوا تھا جبکہ ان کے ساتھ موجود ٹیم کے لوگوں نے فیس ماسک پہن رکھا تھا۔

میڈیا کے مطابق یہ وہی فارم ہاؤس ہے جہاں سلمان خان کورونا لاک ڈاؤن کے دوران رہے تھے اور چھٹیاں گزارنے کے حوالے سے بھی یہ ان کی پسندیدہ جگہ ہے۔

اس سے قبل سلمان خان نے بھارت میں کورونا وائرس کی بری صورتحال کی وجہ سے لوگوں سے اپنی سالگرہ کے موقع پر گھر کے باہر جمع نہ ہونے کی اپیل کی تھی۔

سلمان خان کی جانب سے لگائے گئے نوٹس میں کہا گیا تھا کہ سالوں سے میری سالگرہ پر مداحوں کی محبت اور جوش و خروش بہت زیادہ ہوتا ہے لیکن اس سال میری عاجزانہ اپیل ہے کہ عالمی وبا کورونا وائرس اور سماجی فاصلے کی اقدار کو مدنظر رکھتے ہوئے میرے گھر کے باہر ہجوم نہ ہو۔

اداکار نے کہا کہ ماسک پہنو ، ہاتھ سینیٹائز کرو اور سماجی فاصلہ برقرار رکھو اس وقت میں گلیکسی میں نہیں ہوں-

دنیا میں تین چیزوں سے متعلق کبھی غلط اندازہ نہیں لگانا، سلمان کی جیکولین اور روینا کو وارننگ

بالی وڈ کے سُپر اسٹار سلمان خان آج 27 دسمبر کو 55 برس کے ہوگئے ہیں لیکن سالگرہ سے قبل ہی دبنگ ہیرو نے اپنی رہائش گاہ کے باہر اپنے مداحوں کے لیے ایک خصوصی نوٹس جاری کیا تھا۔

باغی ٹی وی : ہر سال سلمان خان کی سالگرہ کے موقع پر ممبئی میں اداکار کے گلیکسی اپارٹمنٹ کے باہر مداحوں کی بڑی تعداد جمع ہوتی ہے اور ان کے جنم دن پر سلمان خان کی ایک جھلک دیکھنے کے منتظر ہوتے ہیں۔

تاہم اس سال سلمان خان کی سالگرہ کچھ مختلف ہوگی اور انہوں نے اس حوالے سے اپنی رہائش گاہ کے باہر نوٹس بھی آویزاں کیا ہے۔

بھارتی اخبار ہندوستان ٹائمز کی رپورٹ کے مطابق اس سال سلمان خان نے اپنے اپارٹمنٹس کے باہر ایک نوٹس لگایا ہے اور بتایا ہے کہ وہ گھر پر نہیں ہوں گے اور مداحوں سے باہر ہجوم میں نہ کھڑے ہونے اور سماجی فاصلے کا احترام کرنے پر زور دیا ہے۔

سلمان خان کی جانب سے لگائے گئے نوٹس میں کہا گیا کہ سالوں سے میری سالگرہ پر مداحوں کی محبت اور جوش و خروش بہت زیادہ ہوتا ہے لیکن اس سال میری عاجزانہ اپیل ہے کہ عالمی وبا کورونا وائرس اور سماجی فاصلے کی اقدار کو مدنظر رکھتے ہوئے میرے گھر کے باہر ہجوم نہ ہو۔

اداکار نے کہا کہ ماسک پہنو ، ہاتھ سینیٹائز کرو اور سماجی فاصلہ برقرار رکھو۔

اس کے ساتھ ہی سلمان خان نے نوٹ میں بتایا کہ اس وقت میں گلیکسی میں نہیں ہوں-

خیال رہے کہ سلمان خان جو ان دنوں بگ باس 14 کی میزبانی کر رہے ہیں انہیں آنے والی ویک اینڈ قسط میں ریئلٹی شو میں حصہ لینے والوں کی جانب سے سالگرہ کے موقع پر خصوصی پارٹی دی جائے گی۔

بگ باس 14 کی برتھ ڈے اسپیشل قسط میں جیکولین فرنینڈز اور روینہ ٹنڈن بھی شریک ہوں گی جبکہ بگ باس کی سابقہ کھلاڑی شہناز گل بھی اس قسط کا حصہ بنیں گی۔