پاکستان شوبز انڈسٹری کی سابقہ اداکارہ و میزبان نور بخاری کا کہنا ہے کہ وہ چاہتی ہیں کہ اُن کے بچے ہر مذہب کا احترام کریں۔

باغی ٹی وی : نور بخاری نے اپنے تصدیق شدہ انسٹاگرام اکاؤنٹ پر عیسائیوں کے مذہبی تہوار کرسمس کے حوالے سے ایک ویڈیو اور تصویر اسٹوری میں شیئر کی ہیں۔

مذکورہ ویڈیو میں دیکھا جاسکتا ہے کہ نور بخاری بچوں کے ساتھ مل کر کرسمس ٹری سجا رہی ہیں نور بخاری نے یہ ویڈیو شیئر کرنے کے بعد انسٹا اسٹوری میں اُن ایک خصوصی پیغام بھی جاری کیا ہے۔

سابقہ اداکارہ نے کہا کہ میں عیسائی نہیں ہوں لیکن میں چاہتی ہوں کہ میرے بچے تمام مذاہب کا احترام کریں یہ ہماری طرف سے ایک مثبت اشارہ ہے اور پھر عیسائی تو اہل کتاب ہیں میری بیٹیوں کو کرسمس ٹری تیار کرنا بہت پسند ہے۔

اُنہوں نے مزید کہا کہ ہمارا مقصد کسی کی دل ازاری کرنا نہیں ہے کیونکہ ہم سب ہی اللہ تعالیٰ کی مخلوق ہیں۔

یاد رہے کہ پاکستان فلم انڈسٹری کو خیرباد کہہ کر نور بخاری گزشتہ کئی عرصے سے اپنے زندگی اسلامی تعلیمات کے مطابق بسر کررہی ہیں۔

پاکستان شوبز انڈسٹری کی نامور اداکارہ فریال محمود نے اپنی طلاق کی افواہ پھیلانے والے سوشل میڈیا اکاؤنٹ پر برہمی کا اظہار کیا ہے-

باغی ٹی وی:رواں برس مئی میں کورونا وائرس کی وبا کے باعث نافذ لاک ڈاؤن کے دوران اداکارہ فریال محمود اور دانیال راحیل نے سادگی سے شادی کرلی تھی لیکن گزشتہ دنوں سوشل میڈیا پر افواہیں زیر گردش تھیں کہ فریال محمود اور دانیال راحیل نے ایک دوسرے سے علیحدگی اختیار کرلی ہے۔

سوشل میڈیا پر یہ دعویٰ بھی سامنے آیا تھا کہ فریال محمود اور دانیال راحیل نے انسٹاگرام پر ایک دوسرے کو اَن فالو کردیا ہے اور اپنے شوہر کے ساتھ پوسٹ کی گئی تصاویر بھی ہٹادیں ہیں-

اب اداکارہ فریال محمود نے شوہر سے علیحدگی سے متعلق افواہوں کی تردید کی ہے-

فریال محمود نے انسٹاگرام پر ایک اسٹوری شیئر کرتے ہوئے لکھا کہ سوشل میڈیا پر مجھ سے متعلق اور میرے شوہر سے علیحدگی کے حوالے سے پوسٹس دیکھ رہی ہوں میں باقاعدگی سے اپنے شوہر کے ساتھ تصاویر پوسٹ نہیں کرتی تو اس کا یہ مطلب نہیں کہ ہمارے درمیان جھگڑے چل رہے ہیں۔

اداکارہ نے کہا کہ ہم نے ایک دوسرے کے ساتھ وقت گزارنے کا انتخاب کیا نہ کہ یہ ہم آپ لوگوں کو ثابت کرتے رہیں کہ ہماری شادی چل رہی ہے۔

انہوں نے کہا کہ وہ اور ان کے شوہر دونوں ہی مشکل وقت سے گزر رہے ہیں اور اپنے کام کے شیڈول کی وجہ سے گزشتہ 5 ماہ سے وہ ایک دوسرے سے بہت کم مل پائے ہیں۔

اداکارہ نے لکھا کہ میں یہ چاہوں گی کہ آپ لوگ میری شادی مجھ پر اور دانیال راحیل پر چھوڑ دیں اور ان معاملات پر توجہ دیں جو آپ کی زندگی میں اہمیت رکھتے ہیں۔

علاوہ ازیں انہوں نے اپنی طلاق کی افواہ پھیلانے والے سوشل میڈیا اکاؤنٹ گلیکسی لالی ووڈ پر برہمی کا اظہار بھی کیا۔

گزشتہ روز با لی وڈ اداکارہ آریا بینرجی پراسرار طور پر اپنے اپارٹمنٹ میں مردہ پائی گئی تھیں۔

باغی ٹی وی : ہندوستان ٹائمز نے اپنی رپورٹ میں بتایا تھا کہ اداکارہ کی لاش کو جنوبی کولکتہ میں واقع ان کی رہائشگاہ پر جمعے کو دریافت کیا گیا۔

35 سالہ اداکارہ نے کم ازکم 2 بالی وڈ فلموں میں کام کیا تھا جن میں 2011 کی دی ڈرٹی پکچر اور 2010 کی لو، سیکس اور دھوکا شامل ہیں۔

اس کے علاوہ ممبئی میں کچھ ماڈلنگ پراجیکٹس میں بھی انہوں نے کام کیا تھا-

پولیس نے بتایا تھا کہ آریا بینرجی کا اصل نام دیودتہ بینرجی تھا اور وہ ستار نواز نکہیل بینرجی کی بیٹی تھیں پولیس کے مطابق اداکارہ اپنے گھر میں تنہا رہتی تھیں اور ان کی بہن سنگاپور میں مقیم ہے پولیس نے تیسری منزل پر واقع اس اپارٹمنٹ کا دروازہ توڑ کر اندر رسائی حاصل کی تھی اور بیڈروم میں اداکارہ کی لاش کو دریافت کیا۔

پولیس نے یہ اقدام اس وقت کیا جب ملازمہ کو شک ہوا تھا کیونکہ بیل بجانے اور فون کالز پر کوئی جواب یا ردعمل سامنے نہیں آیا، جس پر اس نے پڑوسیوں کو آگاہ کیا اور انہوں نے پولیس کو طلب کیا۔

پولیس کے مطابق اداکارہ کی ناک سے خون بہا تھا اور الٹیاں بھی کی تھیں جبکہ لاش کو پوسٹمارٹم کے لیے بھیجا جاچکا ہےاس حوالے سے اب تحقیقات جاری ہے اور موت کی وجہ کا تعین بھی پوسٹمارٹم کے بعد ہوگا۔

تاہم اب پوسٹ مارٹم کی رپورٹ کے مطابق اداکارہ کو قتل نہیں کیا گیا بلکہ الکحل کی زیادتی کی وجہ سے اداکارہ کی موت واقع ہوئی ہے-

ٹائمز آف انڈیا کی رپورٹ کے مطابق اداکارہ و ماڈل آریا بینرجی عرف دیودتا بینرجی کی پوسٹ مارٹم رپورٹ میں یہ تصدیق کی گئی ہے کہ ان کی موت ‘قتل’ کا مقدمہ نہیں ہے۔

اس حوالے سے کولکتہ پولیس کے جوائنٹ کمشنر (کرائم) مرلی دھر شرما نے آئی اے این ایس کو بتایا کہ اداکارہ و ماڈل جگر کے عارضے میں مبتلا تھیں۔

انہوں نے کہا کہ یہ قتل کا کیس نہیں ہے، اداکارہ کی موت کے وقت ان کے معدے میں الکحل پایا گیا۔

کولکتہ پولیس کے ذرائع کے مطابق اداکارہ اپنے گھر ایک کمرے میں مردہ حالت میں پائی گئی تھیں۔

پولیس نے تیسری منزل پر واقع ان کے اپارٹمنٹ کا دروازہ توڑ کر اندر رسائی حاصل کی تھی جہاں بیڈروم میں انہیں اداکارہ کی لاش ملی۔

ایک عہدیدار نے بتایا کہ اداکارہ کے گھر کی ملازمہ چندانہ داس ان کے گھر آئیں تھیں اور دونوں نمبرز پر کال کی تھی۔

انہوں نے بتایا کہ اداکارہ کا ایک نمبر بند تھا جبکہ دوسرے نمبر پر کئی مرتبہ کال کے باوجود جواب موصول نہیں ہوا تھا۔

کئی فون کالز کے بعد جواب نہ ملنے پر اداکارہ کی ملازمہ کو تشویش ہوئی کیونکہ وہ فون کالز اور ڈور بیلز کا جواب نہیں دے رہی تھیں۔

ڈرٹی پکچر کی اداکارہ کی رہائشگاہ پر پراسرار حالات میں موت

بعدازاں ملازمہ نے اداکارہ کے پڑوسیوں کو بتایا جنہوں نے پہلے انہیں فون کیا اور پھر مقامی پولیس تھانے آگاہ کیا۔

پولیس عہدیدار نے کہا کہ ہم معاملے کی تحقیقات کررہے ہیں۔

ذرائع کا کہنا تھا کہ کوکلتہ پولیس اور فرانزک ڈپارٹمنٹ کے افسران نے آریا بینرجی کے گھر کا دورہ کیا تھا اور وہاں سے نمونے جمع کیے تھے۔

تاہم ابتدائی تحقیقات کے بعد انہیں قتل سے متعلق کوئی شواہد نہیں ملے پولیس نے اداکارہ کی ملازمہ سے بھی پوچھ گچھ کی جس نے بتایا کہ اداکارہ اکیلی رہتی تھیں اور اپنے کام سے کام رکھتی تھیں۔

مقامی افراد کا کہنا تھا کہ آریا بینرجی جودھ پور پارک کے علاقے میں واقع اپارٹمنٹ کے پڑوسیوں سے گھلتی ملتی نہیں تھیں وہ تنہا رہتی تھیں اور انہیں کبھی کبھی رہائش گاہ سے باہر جاتے دیکھا جاتا تھا۔

اداکارہ و ماڈل اکثر کھانا بھی آن لائن منگواتی تھیں، پولیس یہ تحقیقات بھی کررہی ہیں کہ ان کی موت سے قبل 24 گھنٹوں میں کھانا ڈیلیور کرنے کون آیا تھا اور انہوں نے گزشتہ چند روز میں کس سے بات یا ملاقات کی تھی۔

ایک اوربھارتی اداکارہ کی لاش ہوٹل کے کمرے سے برآمد

پاکستان فلم انڈسٹری کی سینئر اور لیجنڈری اداکارہ فردوس بیگم کو برین ہیمرج ہو گیا-

باغی ٹی وی : فیملی ذرائع نے فردوس بیگم کو برین ہیمرج ہونے کی تصدیق کی ہےفیملی ذرائع نے بتایا ہے کہ اداکارہ فردوس بیگم لاہور کے نجی اسپتال میں زیرِ علاج ہیں۔

فردوس بیگم کے اہلِ خانہ نے ان کے مداحوں سے دعائے صحت کی اپیل کی ہے۔

واضح رہے کہ ہیر رانجھا فلم سے شہرت حاصل کرنے والی اداکارہ فردوس بیگم 4 اگست 1947ء میں لاہور میں پیدا ہوئیں ان کی عمر 71 سال ہے۔

فردوس بیگم کا اصل نام پروین ہے جبکہ انہوں نے فلمی نام فردوس سے شہرت پائی اداکارہ فردوس بیگم نے ماضی کی مقبول فلم ‘ہیر رانجھا‘ میں ہیر کا کردار نبھایا تھا۔

پاکستان شوبز انڈسٹری کی معروف اداکارہ یاسرہ رضوی کا کہنا ہے کہ وہ اداکار جو عصمت دری اور قاتلوں کا کردار ادا کرتے ہیں وہ واقعی میں زیادتی کرنے والے یا قاتل نہیں ہوتے ہیں-

باغی ٹی وی : اداکارہ یاسرہ رضوی نے سماجی رابطے کی ویب سائٹ انسٹاگرام پر اپنی خوبصورت تصویر شیئر کی ہے جو اُن کے کسی پراجیکٹ کی لگ رہی ہے اور اس تصویر کے ساتھ اُنہوں نے ایک کیپشن بھی لکھا ہے۔

اداکارہ نے اپنی پوسٹ کے کیپشن میں لکھا کہ وہ اداکار جو عصمت دری اور قاتلوں کا کردار ادا کرتے ہیں وہ واقعی میں زیادتی کرنے والے یا قاتل نہیں ہوتے ہیں اور وہ ایسے کرداروں کو ادا کرکے حقیقی زندگی میں ایسی حرکتیں کرنے کا جواز پیش نہیں کر رہے ہیں۔

یاسرہ رضوی نے کہا کہ ایک اداکار کا واحد کام یہ ہے کہ وہ جو کردار ادا کررہے ہیں اس کے ساتھ انصاف کریں اور اس کی صداقت کے ساتھ عکاسی کریں اُن کا مقصد کردار کے اخلاقیات کو عام لوگوں کے سامنے پیش کرنا نہیں ہے۔

یاسرہ رضوی نے مزید کہا کہ ایک بہترین اداکار کی نشانی یہ ہے کہ وہ جو کردار ادا کر رہا ہے اُس میں ڈھل جائے اور ایک حقیقت پسندانہ کارکردگی صرف اُن کی ملازمت کا حصہ ہے اس کا مطلب یہ نہیں کہ اگر اداکار منفی کردار ادا کر رہا ہے تو وہ حقیقی زندگی میں بھی ویسا ہی ہے۔

واضح رہے کہ اداکارہ یاسرہ رضوی نے حال ہی میں پاکستان کی ویب سیریز چڑیلز میں اہم کردار ادا کیا جسے شائقین کی جانب سے خوب سراہا گیا۔