Category: شوبز

پاکستان شوبز انڈسٹری کے معروف و مقبول اداکار فیصل قریشی کا کہنا ہے کہ عورت میں اتنی طاقت ہے کہ وہ مرد کی پوری شخصیت تبدیل کر سکتی ہے-

باغی ٹی وی : فیصل قریشی نے حال ہی میں برطانوی نشریاتی ادار بی بی سی کی اردو ویب سائٹ کو دیئے گئے انٹرویو میں کہا کہ شاید لوگوں کو ایک مضبوط آدمی کا کردار بہت پسند ہے کیونکہ انہیں لگتا ہے کہ یہ بندہ سنبھال سکتا ہے کچھ کر سکتا ہے۔

2014 میں نشر ہونے والے ‘بشر مومن’ ڈرامہ میں بشر(فیصل قریشی ) ایک لڑکی کو بلیک میل کے ذریعے تعلق پر آمادہ کرتا ہے آغاز میں اس کے ساتھ بدسلوکی کرتا ہے لیکن آخر میں اسی سے محبت ہو جاتی۔

حال ہی میں اختتام پذیر ہونے والے ڈرامے ‘مقدر’ میں بھی فیصل قریشی کا کردار ایک لڑکی کو اغوا کرتا ہے اور بعد میں اسی سے شادی رچا لیتا ہےعوام میں ان دونوں ہی ڈرامہ سیریلز کو خوب پذیرائی ملی، جس کی وجہ فیصل قریشی کے مطابق یہ ہے کہ لوگ ‘مضبوط’ مرد کرداروں کو پسند کرتے ہیں۔

ان دونوں ہی ڈراموں میں ان کے کرداروں کے رویوں میں اچانک تبدیلی پر انہیں خاصی تنقید کا سامنا کرنا پڑا تھا تاہم فیصل قریشی کا کہنا تھا کہ اس درامے میں جب مجھے اسی لڑکی سے محبت ہو جاتی ہے تو مجھے خواتین کے اتنے پیغامات آئے کہ ہمارے شوہر بھی ایسے ہی تھے، ہر وقت بک بک، چک چک۔۔۔ ہمارے ساتھ انھوں نے اتنی زیادتیاں کیں لیکن اب وہ ٹھیک ہیں اور اتنے رومانوی ہو گئے ہیں کہ لگتا ہی نہیں کہ وہ والے ہیں۔

انہوں نے مزید کہا کہ کہ عورت میں اتنی طاقت ہے کہ وہ مرد کی پوری شخصیت تبدیل کر سکتی ہے چاہے وہ شوہر ہو یا بیٹا مطلب ایک مرد کے دس دوست کہیں گے سگریٹ چھوڑ دے، اس کا باپ کہے گا یا ماں بھی کہے گی تو وہ نہیں چھوڑے گا۔ لیکن جہاں کوئی لڑکی دل کو لگی، تو وہ سگریٹ بجھا کر سیدھا ہونے کے لیے تیار ہو جاتا ہے کہ جو آپ کہیں وہ میں کرنے کے لیے تیار ہوں اور یہ طاقت ہے عورت کےپاس اور اسے اپنی اس طاقت کو استعمال کرنا چاہیئے-

کیا ڈراموں کی کہانیوں میں برے فعل کو اچھے تناظر میں پیش کرنا ٹھیک ہے؟اس کے جواب میں فیصل قریشی کا کہنا تھا کہ یہ ایک فرضی کہانی پر مبنی ہے، تصوراتی ہے میرے لیے حقیقی زندگی میں اس کا جواز پیش کرنا ممکن نہیں ہے۔

حوالے سے نیٹ فلکس کی ایک فلم کا حوالہ دیتے ہوئے کہتے ہیں کہ اتفاق سے مجھے کسی نے بتایا کہ نیٹ فلکس پر 365 ڈیز فلم دیکھ لو، مقدر کا ہی انگریزی ورژن ہے۔میں نے تھوڑی سی دیکھی، بہت ہی واحیات فلم تھی۔ لیکن میں نے دیکھا کہ وہ ٹرینڈنگ پر نمبر ایک پر رہی پاکستان میں۔ اس کی کہانی بھی یہی تھی اور وہ تو لڑکا گینگ کا سرغنہ ہوتا ہےمقدر میں تو سائیں ایک شریف آدمی تھے تو یہ کہانیاں بس تصوراتی زندگی میں اچھی لگتی ہیں۔

انہوں نے مزید کہا کہ اگر آج کل کے زمانے میں کوئی ایسی حرکت کرے تو ڈرامے میں موجود دوسرے کردار اس بارے میں سوشل میڈیا پر ان کے خلاف مہم چلاتے ہیں لیکن کیونکہ یہ ایک تصوراتی کہانی ہے، خیالی ہے تو اس لیے یہ ساری چیزیں چل جاتی ہیں اور تخلیقی آزادی کے ضمرے میں بھی آتی ہے اور لوگ اس قسم کی کہانیوں کو پسند بھی کرتے ہیں۔

سوشل میڈیا پرعمران عباس اور علیزے شاہ کی شادی کی خبریں وائرل

اُن لمحوں کو ہمیشہ زندہ رکھیں جنہیں آپ الفاظ میں بیان نہیں کرسکتے نعمان اعجاز

گزشتہ روز رشتہ ازدواج میں منتقل ہونے والی بھارتی رئیلیٹی شو بگ باس 7 کی فاتح اور بالی وڈ اداکارہ و ماڈل گوہر خان نے اپنے نکاح کی تصویریں سوشل میڈیا پر شیئر کردیں-

باغی ٹی وی : گوہر خان کی شادی کی تقریبات کا آغاز چند دن قبل ہی ہوا تھا اور ان کی شادی کی تقاریب کی تصاویر اور ویڈیوز سوشل میڈیا پر خوب وائرل ہوئیں تاہم گزشتہ روز انہوں نے باضابطہ طور پر اسلامی روایات کے مطابق زید دربار سے بھارت کی ریاست مہاراشٹرا کے دارالحکومت ممبئی میں شادی کرلی۔

بھارتی اخبار ٹائمز آف انڈیا کے مطابق گوہر خان اور زید دربار کی شادی میں دونوں کے اہل خانہ سمیت ان کے قریبی افراد نے بھی شرکت کی اور کورونا کی وجہ سے تقریب کو مختصر اور محدود رکھا گیا۔

دونوں نے خالصتاً اسلامی روایات کے مطابق شادی کی اور دونوں نے نکاح کے دوران بڑی آواز میں ایک دوسرے کو قبول کیا۔

دونوں نے شادی کے موقع پر ملتا جلتا لباس پہنا، جس وجہ سے ان کی تصاویر سوشل میڈیا پر وائرل ہوگئیں۔

گوہر خان کی شادی پر متعدد با لی وڈ و دیگر شوبز شخصیات نے انہیں مبارک باد پیش کی اور ان کے مستقبل کے لیے نیک خواہشات کا اظہار کیا-

خیال رہے کہ نے بتایا کہ گوہر خان نے نکاح کے موقع پر پاکستانی فیشن ڈیزائنر سائرہ شاکرہ کا تیار کردہ لباس پہنا انہوں نے خوبصورت لباس تیار کرنے پر پاکستانی ڈیزائنر کا شکریہ بھی ادا کیا۔

واضح رہے کہ گوہر خان گزشتہ ڈیڑھ دہائی سے شوبز انڈسٹری کا حصہ ہیں اور وہ متنازع ریئلٹی شو ‘بگ باس’ سمیت دیگر بھارتی ٹی وی شوز میں شرکت کر چکی ہیں۔

گوہر خان نے 2004 میں فلم ‘آن: مین ایٹ ورک’ میں مختصر کردار سے فلمی اداکاری کا آغاز کیا تھا، اس سے قبل ہی وہ ٹی وی پر اداکاری کی شروعات کر چکی تھیں۔

گوہر خان نے کرائم تھرلر بولی وڈ فلم ‘ونس اَپون ٹائم ان ممبئی، عشق زادے، کیا کول ہیں ہم تھری، فیور، بدری ناتھ کی دلہنیا، بیگم جان اور تیرا انتظار’ سمیت دیگر فلموں میں اداکاری کے جوہر دکھائے۔

گوہر خان نے معروف ڈانس پروگرام ‘جھلک دکھلا جا’ میں بھی حصہ لیا جب کہ وہ بگ باس سمیت خطروں کے کھلاڑی نامی ہارر ایکشن ریئلٹی شو میں بھی دکھائی دیں۔

جبکہ گوہر خان کے شوہر زید دربار بھی آرٹسٹ خاندان سے تعلق رکھتے ہیں، ان کے چھوٹے بھائی آواز دربار ماڈل ہیں جب کہ وہ خود بھی سوشل میڈیا اسٹار اور ڈانس کوریوگرافر ہیں۔

گوہر خان اور زید دربار کی شادی کی تقریبات کا آغاز ہو گیا

گوہر خان اور ٹک ٹاکر زید دربار نے شادی کے کارڈ میں اپنی لواسٹوری بیان کر دی

پاکستان میوزک انڈسٹری کے نامور گلوکار اور سماجی کارکن شہزاد رائے نے شادی کی پیشکش کرنے والی خاتون کو رضامندی کا عندیہ دے دیا-

باغی ٹی وی : پاکستانی گلوکار اور سماجی کارکن شہزاد رائے اپنی گلوکاری کی وجہ سے تو شہرت رکھتے ہی ہیں وہیں دیگر سماجی مسائل پر بات کرتے دکھائی دیتے ہیں بالخصوص سرکاری سکولوں میں بہتر نظام تعلیم اور تعلیم کے فروغ کے لیے وہ ہمیشہ کوشاں رہتے ہیں۔

شہزاد رائے نے 25 دسمبر کو دارالحکومت اسلام آباد جاتے ہوئے موٹروے پر دھند کی وجہ سے روکے جانے پر اپنے سوشل میڈیا اکاؤنٹس پر مختصر ویڈیو شیئر کی تھی۔

گلوکار کی ویڈیو پر جہاں مداح ان کے پیغام کی تعریف کر رہے ہیں وہیں ان کی عمر سدا بہار حسن پر بھی دلچسپ تبصرے کر رہے ہیں اور اسکن کئیر پر مشورے مانگ رہے ہیں-

شہزاد رائے کی ویڈیو پر حیا بخاری نامی خاتون نے شہزاد رائے سے شادی کی خواہش کا اظہار کیا اور کمنٹ کیا کہ کیا کوئی گلوکار کو ان سے شادی کے لیے راضی کر سکتا ہے؟

ساتھ ہی انہوں نے لکھا کہ وہ وعدہ کرتی ہیں کہ وہ ان کے اسکن کیئر مصنوعات کبھی استعمال نہیں کریں گی۔

حیا بخاری کے کمنٹ پر رد عمل دیتے ہوئے شہزاد رائے نے کمنٹ کیا کہ وہ شادی کے لیے گلوکار کو رضامند کرنے کی کوشش کریں گے۔

شہزاد رائے پی آئی اے پر برہم

پاکستان کے عالمی شہرت یافتہ اداکار عمران عباس اور اداکارہ علیزے شاہ کی شادی کی خبریں سوشل میڈیا پر گردش کرنے لگی ہیں۔

باغی ٹی وی : میڈیا رپورٹس کے مطابق حال ہی میں دیئے گئے ایک انٹرویو کے دوران اداکار عمران عباس نے کہا تھا کہ بہت جلد وہ اپنی شادی سے متعلق خبر مداحوں کو خوشخبری دیں گے اس بیان کے بعد سے سوشل میڈیا پر عمران عباس اور اداکارہ علیزے شاہ کی شادی کی خبریں گردش کرنے لگی ہیں۔

میڈیا رپورٹس کے مطابق دونوں بہت جلد شادی کے بندھن میں بندھنے جارہے ہیں اور اس حوالے سے دونوں کے درمیان ملاقاتوں کا سلسلہ بھی جاری ہے۔

خیال رہے کہ اس سے قبل اداکارہ علیزے شاہ کی اداکارہ نعمان سمیع کے ساتھ بھی شادی کی خبریں منظر عام پر آئی تھیں تاہم نعمان سمیع نے ایک انٹرویو میں تردید کرتے ہوئے کہا تھا کہ وہ اور علیزے شاہ صرف اچھے دوست ہیں۔

واضح رہے کہ عمران عباس نے حال ہی میں علیزے شاہ کے ساتھ ڈرامہ سیریل جو تو چاہے میں کام کیا تھا جس کے بعد سے دونوں کی شادی کے چرچے سوشل میڈیا پر جاری ہیں۔

عدنان صدیقی کے بعد عمران عباس نے بھی سال 2020 کی سب سے اچھی بات بتا دی

صنم سعید نے سال 2020 کو کٹھن سال قرار دیا

پاکستان میوزک انڈسٹری کے معروف گلوکار و سماجی رہنما شہزاد رائے پی آئی اے کے جہاز میں سماجی فاصلہ نہ ہونے پر انتظامیہ پر برہم ہو گئے۔

باغی ٹی وی : سماجی رابطے کی ویب سائٹ ٹوئٹر پراپنے ٹویٹ میں شہزاد رائے نے لکھا کہ کورونا وائرس کی وجہ سے احتیاطی تدابیر پر عمل کرتے ہوئے ماضی میں طیارے کی درمیان والی سیٹوں کو سماجی فاصلے کے تحت خالی رکھا جاتا تھا لیکن آج ایسی کوئی صورتحال نظر نہ آئی۔

Today I traveled from khi to isb on @Official_PIA Pk 300. Previously middle seats were kept vacant for social distancing but today it was jam packed . Is there any policy to maintain social distancing or not?

— Shehzad Roy (@ShehzadRoy) December 23, 2020

انہوں نے یہ بھی کہا کہ کراچی سے اسلام آباد جانے والی پی آئی اے کی فلائٹ پی کے 300 میں سفر کیا تو جہاز مکمل طور پر لوگوں سے بھرا ہوا تھا۔ ساتھ ہی شہزاد رائے نے برہمی کا اظہار کرتے ہوئے کہا کہ سماجی فاصلہ برقرار رکھنے کے لیے ادارے کی بنائی ہوئی کوئی حکمت عملی ہے بھی یا نہیں۔

واضح رہے کہ شہزاد رائے گلوکار کے ساتھ ساتھ سماجی کاموں میں بھی بڑھ چڑھ کر حصہ لیتے ہیں گلوکار سرکاری اسکولوں میں بہتر نظام تعلیم اور تعلیم کے فروغ کے لیے اپنی خدمات سرانجام دیتے نظر آتے ہیں-

گوگل و وکی پیڈیا نے ترکی کے شہرہ آفاق ڈرامہ سیریل ‘ارطغرل غازی’ میں ‘حلیمہ سلطان’ کا کردار ادا کرنے والی اداکارہ اسرا بلجیک کو پاکستانی اداکار یاسر حسین کی والدہ بنا دیا۔

باغی ٹی وی کی رپورٹ کے مطابق انٹرنیٹ سرچ انجن کے الگورتھم کی غلطی یا خرابی کے باعث اسرا بلجیک کو یاسر حسین کی والدہ کے طور پر پیش کیا جا رہا ہے۔

یہ غلطی ممکنہ طور پر گوگل کے الگورتھم کی وجہ سے ہو رہی ہے جو کہ یاسر حسین کے نام سرچ کرنے پر سرچ پیج کھلنے پر وکی پیڈیا کے سیکشن میں اسرا بلجیک کو ان کے والدین کے طور پر پیش کر رہا ہے۔

تاہم اگر وکی پیڈیا کا پیج کھولا جائے تو اس میں اسرا بلجیک کا کوئی ذکر نہیں اور اسی طرح اگر گوگل پر یاسر حسین کے والد کا نام تلاش کیا جائے تو بھی الگورتھم میں کوئی خرابی نہیں دکھائی دے رہی۔

تاہم سرچ کے مین پیج پر یاسر حسین کے تعارفی سیکشن میں اسرا بلجیک کو ان کے والدین کے طور پر پیش کیا گیا ہےاسی سرچ پیج پر اقرا عزیز کو ان کی اہلیہ کے طور پر پیش کیا گیا ہے۔

انٹرنیٹ سرچ انجن کے ٹولز پر نظر رکھنے والے ماہرین کے مطابق ممکنہ طور پر یہ غلطی اس لیے ہو رہی ہے کیوںکہ یاسر حسین حالیہ چند ماہ میں ترک ڈرامے کے کرداروں پر تنقید کرتے دکھائی دیتے ہیں۔

ماہرین کے مطابق یاسر حسین کی جانب سے ایسرا بلجیک کو پاکستانی برانڈز کے سفیر مقرر کیے جانے پر تنقید کیے جانے کی وجہ سے الگورتھم ترک اداکارہ کو ان کی والدہ کے طور پر پیش کر رہا ہے۔

دلچپ بات یہ ہے کہ وکی پیڈیا و گوگل سرچ انجن یاسر حسین کی عمر 36 سال جب کہ ایسرا بلجیک کی عمر 28 سال بتا رہے ہیں یعنی انٹرنیٹ نے کم عمر خاتون کو خود سے 8 سال زائد عمر مرد کی والدہ بنا ڈالا۔

واضح رہے کہ اس سے قبل رواں برس اکتوبر میں سرچ انجن گوگل نے بھارتی اداکارہ انوشکا شرما کو افغان کرکٹر راشد خان کی اہلیہ کے طور پر پیش کیا تھا۔ انٹرنیٹ سرچ انجن کے الگورتھم میں خرابی کے باعث گوگل نے بھارتی کرکٹر ویرات کوہلی کی بیوی انوشکا شرما کو افغان کرکٹر راشد خان کی اہلیہ کے طور پر پیش کیا تھا۔

بھارتی میڈیا رپورٹس میں گوگل کی اتنی بنیادی غلطی کی وجہ راشد خان کی 2018 میں ہونے والی ایک بات چیت قرار دیا جارہا تھا راشد خان نے اپنے مداحوں سے انسٹاگرام پر لائیو چیٹ کے دوران شائقین کرکٹ اور پرستاروں کے سوالوں کا جواب دیتے ہوئے بتایا تھا کہ بالی ووڈ میں ان کی پسندیدہ اداکارائیں پریتی زنٹا اور انوشکا شرما ہیں۔

گوگل نے انوشکا شرما کو افغان کرکٹر راشد خان کی اہلیہ بنا دیا

بھارتی اداکار جن کا تعلق پاکستان سے ہے