Baaghi TV

Category: شوبز

  • پاکستانی تخلیق کاروں کے لئے پہلا ڈیجیٹل پلیٹ فارم متعارف

    پاکستانی تخلیق کاروں کے لئے پہلا ڈیجیٹل پلیٹ فارم متعارف

    پاکستان میں نوجوانوں کے لیے اپنا مواد تخلیق کرنے اور ان کی صلاحتوں کو ابھارنے کے لیے پاکستان کا پہلا ڈیجیٹل پلیٹ فارم رنسٹرا متعارف کرایا گیا ہے-

    باغی ٹی وی : تفصیلات کے مطابق پاکستانی تخلیق کاروں کیلیے رنسٹرا پہلا ڈیجیٹل پلیٹ فارم بن کر سامنے آگیا ہے جو ابھرتے ہوئے تخلیق کاروں اور فلم سازوں کو پاکستانیوں اوردوسرے ممالک میں مقیم ہم وطنوں کیلیے مواقع اوررسائی فراہم کرتا ہے بین الاقوامی فلمی میلوں کو صرف رنسٹرا پر سیکھا جا سکتا ہے۔

    جدید ترین ٹیکنالوجی کا یہ پلیٹ فارم جس میں رومانس، کامیڈی، سنسنی خیزی، میوزک، کوکنگ اور مشہور شخصیات کے ٹاک شوز شامل ہیں جس کیلئے ملک کے نامور افراد نے تحریر اور ہدایت کاری کی ہے۔ ان میں حسینہ معین، مہرین جبار، شاہ یاسر، عمران محبوب، ارم بنتے شاہد، فرحین چودھری، سہیل جاوید، سعدیہ جبار اور بہت سی دوسری شخصیات اور نیا ٹیلنٹ شامل ہیں۔

    رنسٹرا ٹیکنالوجیز کے چیئرمین اور شریک بانی ڈاکٹر عادل اختر نے اس کی لانچ کے موقع پر خطاب کرتے ہوئے کہا یہ پاکستان کے لیے ایک سنگ میل ہے کیونکہ رنسٹرا ابھرتے ہوئے تکنیکی دور میں لوگوں کی حقیقی تخلیقی صلاحیت کوروشناس کرائے گا۔

    بھارتی فوج کے گولوں سے بننے والے مورچنگ کی موسیقی وادی نیلم کی ثقافت کا حصہ

    انہوں نے کہا کہ فنکار اور تخلیقی ذہن پاکستان کے ثقافتی سفیر ہیں ہمارا کثیر جہتی ٹیکنالوجی پلیٹ فارم موجودہ اور آنے والے ہنر کو کثیر جہتی شکلوں میں مواقع فراہم کرے گا۔رنسٹرا کی آن ڈیمانڈ پریمیم مواد کی خصوصیت ملک میں ابھرتے اور قائم کردہ مواد تخلیق کاروں کو کاروبار کے مواقع فراہم کرے گی۔

    اس موقع پر رنسٹرا ٹیکنالوجیز کے چیف ایگزیکٹو آفیسر، عامر جہانگیر نے کہا ہے کہ رنسٹرا پاکستان میں میڈیا انڈسٹری کے لیے سنگ میل ثابت ہوگا رنسٹرا صنعت کے لئے ایک محور ثابت ہوگا جہاں مواد تخلیق کرنے والے اپنے کام کی نمائش اور پیسے کمانا شروع کردیں گے اس سے ملک میں ذرائع ابلاغ کے افراد کی ایک نئی نسل پیدا ہوگی جو ملک میں بیانیہ اور کہانی سنانے کی تکنیک کو تبدیل کرسکتی ہے۔

    زلفی بخاری سال 2020 کے ‘100 پاکستانی پرکشش افراد‘ کی فہرست میں شامل

    رنسٹرا کی چیف تخلیقی آفیسر مصباح اسحاق خالد نے اس موقع پر کہا مجھے یقین ہے کہ پاکستان میں تخلیقی لوگ پسماندہ ہیں کیونکہ وہ ملک میں متحرک صنعت کے حصے کے طور پر تسلیم نہیں کیے گئے ہیں رنسٹرا سے تخلیقی افراد، خاص طور پر ہمارے نوجوانوں کو، نیا مواد، نئی کہانیاں اور نئے آئیڈیاز تلاش کرنے کے مواقع حاصل ہوں گے رنسٹرا ہمارے نوجوان فلم بینوں اور کہانی سنانے والوں کے لیے ایک پلیٹ فارم ہے جہاں وہ اپنی کہانی بیان کر سکیں۔

    خیال رہے کہ رنسٹرا صارفین تک اسٹریمنگ کا مواد لانے کے لیے متعدد ٹیکنالوجی شراکت داروں کا استعمال کرتا ہے، جس میں گوگل کلاؤڈز، ایمیزون اے ڈبلیو ایس، مائیکروسافٹ 365، اکامائی اور ویریزون میڈیا شامل ہیں۔

    اسٹاروار فرنچائز کا اسٹار وارز کے مشہور ولن کردار بوبا فیٹ پر بھی الگ سیریز بنانے…

  • نور جہان کی 20 ویں برسی پر بشری انصاری کا عظیم گلوکارہ کومنفرد انداز میں خراج عقیدت

    نور جہان کی 20 ویں برسی پر بشری انصاری کا عظیم گلوکارہ کومنفرد انداز میں خراج عقیدت

     

    ملکہ ترنم نور جہان کی آج 20 ویں برسی منائی جا رہی ہے

    پاکستان شوبز انڈسٹری کی لیجنڈری اور سینئیر اداکارہ بشریٰ انصاری کا کہنا ہے کہ وہ ملکہ ترنم میڈم نورجہاں کی 20 ویں برسی پر عظیم گلوکارہ کی ساڑھی پہن کر بہت خوش قسمت اور جذباتی محسوس کررہی ہیں۔

    باغی ٹی وی : بشریٰ انصاری نے سماجی رابطے کی ویب سائٹ انسٹاگرام پر ملکہ ترنم میڈم نورجہاں کی ساڑھی زیب تن کئے ایک تصویر شیئر کی جس کے پس منظر میں میڈم کو بھی وہی ساڑھی زیب تن کیے دیکھا جاسکتا ہے۔

    سینئر اداکارہ نے اپنے انسٹاگرام اکاؤنٹ پر تصویر شئیر کرتے ہوئے بتایا کہ انہیں یہ ساڑھی نورجہاں کی بیٹیوں نے بطور تحفہ دی ہے انہوں نے یہ بہترین تحفہ دینے پر ان کا شکریہ بھی ادا کیا۔

    نورجہاں کی 20ویں برسی پر بشریٰ انصاری نے انہیں خراج عقیدت پیش کرتے ہوئے کہا کہ میں بہت خوش قسمت محسوس کررہی ہوں کہ مجھے میڈم نورجہاں کی بیٹی نے اپنی والدہ کی ساڑھی بطور تحفہ دی۔

    انہوں نے کہا کہ میں اس ساڑھی کو زیب تن کرنے کے بعد بہت جذباتی ہوگئی ہوں-

    بشریٰ انصاری نے یہ اپنے پیغام کے آخر میں یہ بھی کہا کہ نورجہاں کی 20 ویں برسی پر میں انہیں خراج عقیدت اپنے یوٹیوب چینل پر منفرد انداز میں پیش کروں گی۔

    علاوہ ازیں بشری انصاری نے یوٹیوب پر ملکہ ترنم نورجہان کو ان کی برسی پر خراج تحسین پیش کرتے ہوئے ایک ویڈیو شئیر کی جس میں ان کو نورجہان کی قبر پر حاضری دیتے اور فاتحہ خوانی کرتے دیکھا جا سکتا ہے ساتھ ہی انہوں نے ویڈیو میں نور جہان کی ساڑھی پہن رکھی ہے جس جے بارے میں انہوں نے بتایا کہ ان کی بہت عرصے سے خواہش تھی کہ وہ نورجہان کی ساڑھی پہنیں جس کے لئے انہوں نے عظیم گلوکارہ کی بیٹیوں سے درخواست کی اور انہوں نے انہیں اپنی والدہ کی ساڑھی گفٹ کی-


    واضح رہے کہ میڈم نور جہان نے اپنے فنی کیریئر کا آغاز 1935 میں ’پنڈ دی کڑی‘ سے کیا ۔ قیام پاکستان کے بعدوہ اپنے شوہر شوکت حسین رضوی کے ہمراہ ممبئی سے کراچی شفٹ ہو گئیں۔ملکہ ترنم نورجہاں نے مجموعی طور پر 10ہزار سے زائد غزلیں و گیت گائے جن میں ان کا سب سے پہلا گانا ’’مجھ سے پہلی سی محبت میرے محبوب نہ مانگ‘‘ بے پنا ہ ہٹ ہوا جس نے ملکہ ترنم کو کامیابیوں کے نئے سفر پر گامزن کر دیا۔

    ملکہ ترنم نور جہاں کی فنی خدمات کے اعتراف میں حکومت پاکستان نے انہیں تمغہ امتیاز اور پرائیڈ آف پرفارمنس کے اعزازات سے بھی نوازا۔ برصغیر کی یہ عظیم گلوکارہ 23 دسمبر 2000 کو انتقال کر گئیں تھیں انھیں کراچی میں سپرد خاک کیا گیا۔

    ملکہ ترنم نور جہان کی آج 20 ویں برسی منائی جا رہی ہے

  • ملکہ ترنم نور جہان کی آج 20 ویں برسی منائی جا رہی ہے

    ملکہ ترنم نور جہان کی آج 20 ویں برسی منائی جا رہی ہے

    فلم انڈسٹری کی عالمی شہرت یافتہ اور فخر پاکستان گلوکارہ ملکہ ترنم نور جہاں کی آج 20ویں برسی منائی جارہی ہے۔

    باغی ٹی وی : ملکہ ترنم نور جہاں 21ستمبر 1926 کو قصور میں پیدا ہوئیں۔ ان کا اصل نام اللہ وسائی جب کہ نور جہاں ان کا فلمی نام تھا۔ انہوں نے اپنے فنی کیریئر کا آغاز 1935 میں ’پنڈ دی کڑی‘ سے کیا قیام پاکستان کے بعدوہ اپنے شوہر شوکت حسین رضوی کے ہمراہ ممبئی سے کراچی شفٹ ہو گئیں۔

    نورجہان کو پاکستان کی پہلی ہدایتکارہ ہونے کا بھی اعزا حاصل ہے-انہیں ان کی گائیکی میں مہارت اور خوبصورت دلکش آواز کی بدلوت میڈم اور ملکہ ترنم کے اعزاز سے بھی نوازا گیا ان کا کیریئر چھ دہائیوں سے زیادہ (1930 – 1990 کی دہائی) پر محیط تھا گلوکارہ خاص طور پر پورے جنوبی ایشیاء میں ہر وقت کی سب سے بڑی اور بااثر گلوکارہ کی حیثیت سے مشہور تھیں-

    1965 کی جنگ میں انہوں نے ’میرے ڈھول سپاہیا‘ ، ’اے وطن کے سجیلے جوانوں‘ ، ’ایہہ پتر ہٹاں تے نیئی وکدے‘، ’او ماہی چھیل چھبیلا‘، ’یہ ہواؤں کے مسافر‘ ، ’رنگ لائے گا شہیدوں کا لہو‘، ’میرا سوہنا شہر قصورنیں‘ سمیت بے شمار ملی نغمے گا کر قوم اور فوج کے جوش و ولولہ میں اضافہ کیا۔

    ملکہ ترنم نورجہاں نے مجموعی طور پر 10ہزار سے زائد غزلیں و گیت گائے جن میں ان کا سب سے پہلا گانا ’مجھ سے پہلی سی محبت میرے محبوب نہ مانگ‘ بے پنا ہ ہٹ ہوا جس نے ملکہ ترنم کو کامیابیوں کے نئے سفر پر گامزن کر دیا۔

    ملکہ ترنم نے 40 سے زائد فلموں میں کامیاب اداکاری و گلوکاری کے جو ہر دکھائے جن میں ’ایماندار‘، ’پیام حق‘، ’سجنی‘،’یملا جٹ‘ ،’’ چوہدری‘ ، ’چاندنی‘ ، ’دھیرج‘ ، ’فریاد‘، ’خاندان‘، ’نادان‘ ، ’لال حویلی‘ ،’ دوست‘ ، ’زینت‘ ، ’گاؤں کی گوری‘، ’بھائی جان‘، ’انمول گھڑی‘ ، ’دل‘، ’ہمجولی‘ ، ’صوفیہ‘ ، ’جادوگر‘ ، ’مرزاصاحباں‘ ،’ انار کلی‘ ،’لخت جگر‘ ، ’پاٹے خان‘، ’چھومنتر‘، ’نیند‘ اور ’کوئل‘ سمیت دیگر شامل ہیں۔

    ملکہ ترنم نور جہاں کی فنی خدمات کے اعتراف میں حکومت پاکستان نے انہیں تمغہ امتیاز اور پرائیڈ آف پرفارمنس کے اعزازات سے بھی نوازا۔ برصغیر کی یہ عظیم گلوکارہ 23 دسمبر 2000 کو انتقال کر گئیں انہیں کراچی میں سپرد خاک کیا گیا۔

  • بین الاقوامی شہرت یافتہ مزاح نگار انورمقصود شدید علیل ہو گئے

    بین الاقوامی شہرت یافتہ مزاح نگار انورمقصود شدید علیل ہو گئے

    پاکستان کے عالمی شہرت یافتہ معروف مزاح نگار،ڈرامہ نگار اور شاعر انور مقصود شدید علیل ہوگئے ہیں مداحوں سے صحتیابی کے لئے دعاؤں کی اپیل کی ہے-

    باغی ٹی وی :آرٹس کونسل آف پاکستان کراچی کے صدر محمد احمد شاہ نے انور مقصود کے چاہنے والوں سے اپیل کی ہے کہ ملک کے معروف دانشور انور مقصود کی صحت یابی کے لئے دعا کی جائے۔

    اپنے ایک بیان میں محمد احمد شاہ نے کہا کہ بین الاقوامی شہرت یافتہ پاکستان کے لیجنڈ مزاح نگار و دانش ور انور مقصود شدید علیل ہیں، تمام اہل وطن ان کی صحت یابی کے لیے دعا کریں۔

    اُن لمحوں کو ہمیشہ زندہ رکھیں جنہیں آپ الفاظ میں بیان نہیں کرسکتے نعمان اعجاز

    انہوں نے مزید کہا کہ انور مقصود ملک کا قیمتی سرمایہ ہیں آرٹس کونسل آف پاکستان کراچی کے ممبران ان کے لیے خصوصی دعاوں کا اہتمام کریں۔

    متھن چکرورتی کی شوٹنگ کے دوران اچانک طبیعت بگڑ گئی

  • بشری جی انڈسٹری میں آپ کا ہونا ہمارے لئے فخر کی بات ہے اقرا عزیز

    بشری جی انڈسٹری میں آپ کا ہونا ہمارے لئے فخر کی بات ہے اقرا عزیز

    پاکستان کی سینئر اور لیجنڈری اداکارہ بشریٰ انصاری نے پاکستان شوبز انڈسٹری کی مقبول ترین جوڑی اقرا عزیز اور یاسر حسین نے دعوت کی-

    باغی ٹی وی :بشریٰ انصاری نے اقرا عزیز اور یاسر حسین کو اپنے گھر مدعو کیا جس پر اقرا عزیز نے اُن کا شکریہ ادا کردیا۔

    اقرا عزیز نے سماجی رابطے کی ویب سائٹ انسٹاگرام پر اپنے تصدیق شدہ اکاؤنٹ پر ایک سیلفی شیئر کی جس میں اقرا عزیز کے ہمراہ بشریٰ انصاری اور یاسر حسین دکھائی دے رہے ہیں۔

    میں اتنی خوبصورت نہیں جتنی کیمرے میں نظر آتی ہوں اقراعزیز

    اقرا عزیز نے بشریٰ انصاری کا شکریہ ادا کرتے ہوئے لکھا کہ لذیذ کھانوں اور مزیدار باتوں کیلئے شکریہ بشریٰ انصاری جی۔

    انہوں نے بشرٰی انصاری کو مخاطب کرتے ہوئے کہا کہ اس انڈسٹری میں آپ کا ہونا ہمارے لیے قابلِ فخر بات ہے۔

    خیال رہے کہ اقرا عزیز کو لکس ایوارڈ میں رانجھا رانجھا کر دی میں بہترین اداکارہ کا ایوارڈ دیا گیا جس پر ان کے شوہر یاسر حسین نے منفرد انداز میں تعریف کی تھی اور مبارکباد کا پیغام دیا تھا-

    لکس اسٹائل ایوارڈ: خلیل الرحمن قمر کا تحریر کردہ ڈرامہ میرے پاس تم ہو بہترین ڈرامہ قرار

    یاسر حسین نے کہا تھا کہ آپ بہترین اداکارہ کے ساتھ ساتھ ایک اچھی دوست اور بیوی بھی ہیں، مجھے آپ پر فخر ہے کسی بھی سطح پر ہیٹ ٹرک کرنا، زبردست کامیابی ہے ’بیگم اقرا عزیز‘ آپ کو 2 سال میں 3 بہترین اداکارہ کے ایوارڈز لینے پر مبارکباد، ایسی ہیٹ ٹرک تو لیجنڈری کرکٹر وسیم اکرم نے بھی نہیں کی۔

    واضح رہے اداکارہ کو 2019 میں ڈرامہ سیریل ’سنو چندا‘ کے لیے بیسٹ ویورز چوائس اور کریٹکس چوائس میں بہترین اداکارہ کا ایوارڈ دیا گیا جب کہ اقرا کو رواں سال ڈرامہ سیریل ’رانجھا رانجھا کردی‘ کیلیے کریٹکس چوائس میں بہترین اداکارہ کا ایوارڈ سے نوازا گیا۔

    مسلسل 3 ایوارڈ :بیگم اقرا عزیز ایسی ہیٹ ٹرک تو لیجنڈری کرکٹر وسیم اکرم نے بھی نہیں کی یاسر حسین

  • عالیہ بھٹ اور رنبیر کپور کب شادی کریں گے؟

    عالیہ بھٹ اور رنبیر کپور کب شادی کریں گے؟

    بالی وڈ اداکارہ عالیہ بھٹ اور اور اداکار رنبیر کپور کی دوستی اور کئی تقریبات میں ایک ساتھ موجودگی کے بعد سے ہی دونوں کی شادی کی افواہیں بھی چل رہی ہیں تاہم دونوں کی جانب سے اس حوالے سے کوئی بیان سامنے نہیں آیا-

    باغی ٹی وی : بھارتی میڈیا رپورٹس کے مطابق بالی وڈ کی یہ جوڑی 2021 میں شادی کرنے والی ہے۔ عالیہ بھٹ اور رنبیر کپور اپنی دوستی کو 2020 میں ہی شادی میں بدلنا چاہتے تھے تاہم کورونا وائرس اور رنبیر کے والد رشی کپور کے انتقال کے باعث انہوں نے اپنا پروگرام ملتوی کردیا۔

    کورونا ایس اوپیز کی خلاف ورزی: کرکٹر سریش رائینا سمیت معروف شخصیات گرفتار

    رپورٹس کے مطابق حالیہ انٹرویو میں شادی کی خبروں پر عالیہ بھٹ کا کہنا تھا کہ سب لوگ یہ کیوں پوچھتے ہیں کہ میں کب شادی کروں گی؟ آپ کو پتہ ہے میں ابھی صرف 25 سال کی ہوں اور میرے خیال میں اس وقت شادی کرنا بہت جلدی ہوگی۔

    یاد رہے کہ اس سے قبل ایک انٹرویو میں عالیہ بھٹ نے کہا تھا کہ میری شادی پر تبصرہ کرنے والوں کو تھوڑا انتظار کرنا چاہیے انہیں انتظار کے بعد اچھی خوشی دیکھنے کو ملے گی اور وہ مایوس نہیں ہوں گے۔

    سنی لیون رات گئے رکشے میں کیا کررہی تھیں: ویڈیوآگئی

  • سنی لیون رات گئے رکشے میں کیا کررہی تھیں: ویڈیوآگئی

    سنی لیون رات گئے رکشے میں کیا کررہی تھیں: ویڈیوآگئی

    نئی دہلی :سنی لیون رات گئے رکشے میں کیا کررہی تھیں: ویڈیوآگئی ،اطلاعات کے مطابق بالی وڈ کی اداکارہ سنی لیون بھارت کے شہر ممبئی میں راتوں کو آٹو رکشہ میں گھومنے لگیں۔

     

     

    گزشتہ دنوں اداکارہ سنی لیون نے ممبئی کو رات میں سفر کیلئے اپنی لگژری گاڑی کے بجائے آٹو رکشہ کا انتخاب کیا اور شوہر کے ہمراہ آٹو رکشہ میں سفر کیا۔

    https://www.youtube.com/watch?v=8IgpXH4bJ-c

     

    اس دوران سنی لیون نے گلابی (پنک) رنگ کا ماسک بھی پہن رکھا تھا اور ٹراؤزر کے ساتھ ساتھ سر پر دوپٹہ بھی لے رکھا تھا۔

     

     

     

    سنی لیون کی رکشے میں سفر کرنے کے مناظر بھی صحافیوں نے کیمرے کی آنکھ میں بند کرلیے اور یہ ویڈیو سوشل میڈیا پر تیزی سے وائرل ہوگئی۔ اداکارہ نے آٹو رکشہ میں سواری کو ’بہترین سواری‘ بھی قرار دیا۔

     

     

     

  • کورونا ایس اوپیز کی خلاف ورزی: کرکٹر سریش رائینا سمیت معروف شخصیات گرفتار

    کورونا ایس اوپیز کی خلاف ورزی: کرکٹر سریش رائینا سمیت معروف شخصیات گرفتار

    ممبئی پولیس نے کورونا وائرس کی ایس او پیز کی خلاف ورزی کرنے پر بھارتی گلوکار گرو رندھاوا اور کرکٹر سریش رائینا کو گرفتار کرلیا-

    باغی ٹی وی :انڈیا ٹو ڈے کی رپورٹ کے مطابق ممبئی پولیس نے کورونا وائرس کی ایس او پیز کی خلاف ورزی کرنے پر بھارتی گلوکار گرو رندھاوا اور کرکٹر سریش رائینا کو گرفتار کرلیا تاہم انہیں بعد میں ضمانت پر رہا کر دیا گیا۔

    رپورٹس کے مطابق زید خان کی بہن اور ہریتھک روشن کی سابقہ اہلیہ سوزین خان کو بھی نوٹسز جاری کئے گئےتاہم انہیں گرفتار نہیں کیا گیا۔

    ممبئی پولیس کے سینیئر انسپکٹر ساہر پولیس اسٹیشن ایس مانے نے کہا کہ ایک کلب پر رات کو ڈھائی بجے چھاپہ مارا گیا چھاپے کے دوران یہ بات سامنے آئی ہے کہ کلب کو چلانے والے اور اس میں آئے مہمانوں نے کورونا ایس او پیز کی خلاف ورزی کی۔

    پولیس افسر کا کہنا تھا کہ انہوں نے چہرے پر ماسک نہیں لگائے تھے جبکہ سماجی فاصلے کو بھی برقرار نہیں رکھا جبکہ اس سلسلے میں 7 اسٹاف ممبران سمیت 34 افراد کو گرفتار کیا گیا ہے۔

    نہیا ککڑ کو گانے کی تشہیر کرنے کا منفرد انداز مہنگا پڑ گیا

    انہوں نے بتایا کہ جن افراد کو گرفتار کیا گیا ان میں کرکٹر سریش رائینا اور گلوکار گرو رندھاوا بھی شامل ہیں۔

    ان کا کہنا تھا کہ اس دوران کچھ خواتین سیلیبریٹیز بھی شامل تھیں تاہم انھیں گرفتار نہیں کیا گیا اور نوٹس دے کر جانے کی اجازت دے دی گئی۔

    بھارتی میڈیا رپورٹس کے مطابق نئے سال سے قبل ، مہاراشٹرا حکومت نے احتیاطی اقدام کے طور پر ریاست اور خاص طور پر ممبئی میں 22 دسمبر سے 5 جنوری تک عوامی سرگرمیوں پر کئی پابندیاں عائد کردی ہیں۔

    بھارتی اداکارہ راکول پریت سنگھ بھی کورونا وائرس میں مبتلا

    بھارتی عوام نےآسٹریلیا سے شرمناک شکست کا ذمہ دار ویرات کی اہلیہ انوشکا کو قرار دیا

  • اسٹاروار فرنچائز کا اسٹار وارز کے مشہور ولن کردار بوبا فیٹ پر بھی الگ سیریز بنانے کا اعلان

    اسٹاروار فرنچائز کا اسٹار وارز کے مشہور ولن کردار بوبا فیٹ پر بھی الگ سیریز بنانے کا اعلان

    اسٹار وار فرنچائز نے اعلان کیا ہے کہ شہرہ آفاق سائنس فکشن فلم سیریز ’اسٹار وارز‘ کے مشہور ولن کردار بوبا فیٹ پر بھی الگ سیریز بنائی جائے گی-

    باغی ٹی وی :ہالی وڈ کے زیادہ تر سائنس فکشن و فنٹیسی فلموں کے کرداروں پر متعدد فلمیں، ویب سیریز، ڈرامے اور ویڈیو گیمز بنائی جاتی ہیں، ساتھ ہی ان پر الگ کتابیں بھی لکھی جاتی ہیں۔

    ہیری پوٹر اور گیم آف تھرونز سمیت اسٹار وارز فلم سیریز کے کرداروں پر بھی تاحال فلمیں اور ٹی وی سیریز بنائے جانے کا سلسلہ جاری ہے۔

    اسٹار وارز فرنچائز نے 2019 میں معروف کردار یوڈا پر خصوصی سیریز ’دی مینڈالورین‘ بنائی تھی جس میں 1973 میں ریلیز کی گئی پہلی فلم کے کردار کے چھوٹے بچے یعنی بے بی یوڈا کو دکھایا گیا تھا۔

    ڈی مینڈالورین میں بے بی یوڈا کی واپسی پر دنیا بھر میں سائنس فکشن فلموں و سیریز کے شائقین بہت خوش ہوئے تھے اور اب اسٹار وارز فرنچائز نے اعلان کیا کہ فلم کے ایک اور کردار ’بوبا فیٹ‘ پر بھی سیریز بنائی جائے گی۔

    خبر رساں ادارے رائٹرز کے مطابق اسٹار وارز سیریز کی پہلی فلموں میں دکھائے جانے والے روبوٹک ولن کردار ’بوبا فیٹ‘ کے تخلیق کار جون فیوریو نے تصدیق کی کہ اسی کردار پر اب سیریز بنائی جائیں گی اور اس سیریز کو ڈزنی پلس پر ریلیز کیا جائے گا۔

    جون فیوریو کے مطابق ’بوبا فیٹ‘ کے کردار پر لکھی گئی کتاب سے سیریز کی کہانی لی جائے گی اور یہ سیریز اسٹار وارز کے دیگر کرداروں پر بنائی جانے والی سیریز کی طرح الگ ہوگی۔

    جون فیوریو نے تصدیق کی کہ ’بوبا فیٹ‘ پر بنائی جانے والی ویب سیریز کو دسمبر 2021 تک ریلیز کردیا جائے گا۔

    ابھی ’بوبا فیٹ‘ کے کردار پر بنائی جانے والی سیریز کے نام کا اعلان نہیں کیا گیا اور یہ بھی واضح نہیں ہے کہ اس کو کون سا اداکار ادا کرے گا۔

    تاہم خیال کیا جا رہا ہے کہ آئندہ چند ماہ میں ’بوبا فیٹ‘ کے کردار کرنے والے اداکار کے نام کا اعلان کیا جائے گا اور ساتھ ہی دیگر کاسٹ اور سیریز کا نام بھی بتا دیا جائے گا۔

    خیال رہے کہ ’اسٹار وارز‘ کی 1980 میں ریلیز ہونے والی فلم ’دی امپائر اسٹرائیکس بیک‘ اور 1983 میں ریلیز ہونے والی فلم ’رٹرن آف دی جوڈی‘ میں ’بوبا فیٹ‘ کا کردار ادا کرنے والے برطانوی اداکار جیرمی بلوک حال ہی میں چل بسے تھے۔
    https://www.youtube.com/watch?v=rXCbf9vdMxM&feature=youtu.be

  • بھارتی اداکارہ راکول پریت سنگھ بھی کورونا وائرس میں مبتلا

    بھارتی اداکارہ راکول پریت سنگھ بھی کورونا وائرس میں مبتلا

    بھارتی معروف اداکارہ راکول پریت سنگھ بھی کورونا وائرس کا شکار ہوگئی ہیں۔

    باغی ٹی وی :اس ضمن میں بھارتی اداکارہ نے سماجی رابطے کی ویب سائٹ انسٹاگرام پربتایا کہ میں سب کو بتانا چاہتی ہوں کہ میرا کورونا ٹیسٹ مثبت آیا ہے جس کے بعد خود کو قرنطینہ کرلیا ہے۔

    راکول پریت سنگھ نے کہا کہ میں بہتر محسوس کررہی ہوں تاہم آرام کی ضرورت ہے تاکہ واپس آسکوں جب کہ وہ تمام افراد جنہوں نے گزشتہ دنوں مجھ سے ملاقات کی برائے مہربانی اپنا کوویڈ ٹیسٹ کروالیں۔

    واضح رہے کہ کورونا وائرس کے تیزی سے پھیلاؤ کے باعث متعدد پاکستانی اور بھارتی اداکار وائرس کا شکار ہوچکے ہیں، پاکستان میں نیلم منیر ، ماہرہ خان، سینئیر اداکارہ سنگیتا ، بہروز سبز واری،مریم نفیس،عامر لیاقت حسین اور ان کی اہلیہ طوبی عامر ،اداکار امیر گیلانی ،گلوکارجواد احمد ،عثمان مختار ، فروا علی کاظمی ،ماڈل صحیفہ جبار ، روبینہ اشرف ، اداکار یاسر نواز اور ان کی اہلیہ ندا یاسر ،واسع چوہدری اور دیگر شامل ہیں-

    جب کہ بھارت میں اداکار ورون دھون، نیتو سنگھ، منیش پول اور ہریتھک روشن کی والدہ،امیتابھ بچن ،ایشوریہ بچن ،ابھیشیک بچن ، کریتی سینن،ملائکہ اروڑا ،ارجن کپور سمیت دیگر اداکار کورونا کا شکار ہوچکے ہیں۔

    اداکارہ نیلم منیر کورونا کو شکست دینے میں کامیاب

    کریتی سینن کورونا وائرس سے صحتیاب ہو گئیں