رومانین بینڈ ایکسینٹ کے موسیقار ایڈریئن سینا نے اپنے پیغام میں سابق ڈی جی آئی ایس پی آر آصف غفور کو لیفٹیننٹ جنرل کے عہدے پر ترقی کی مبارکباد دی ہے۔

باغی ٹی وی : سماجی رابطے کی ویب سائٹ ٹوئٹر پر اپنے ٹوئٹ میں رومانین بینڈ ایکسینٹ کے موسیقار ایڈریئن سینا نے سابق ڈی جی آئی ایس پی آر آصف غفور کو لیفٹیننٹ جنرل کے عہدے پر ترقی کی مبارکباد دی-

Congratulations to you my friend for being promoted to the rank of Lieutenant General @peaceforchange I can't wait to have the Fantastic cup of tea again. #AsifGhafoor #ISPR #Akcent pic.twitter.com/gQWMPk0Ca7

— Akcent (@akcentofficial) November 25, 2020

موسیقار نے آصف غفور کے ساتھ ایک بار پھر چائے پینے کی خواہش کا اظہار کرتے ہوئے لکھا کہ ایک بار پھر آپ کے ساتھ زبردست چائے پینے کے لیے بیتاب ہوں۔

واضح رہے کہ گزشتہ روز پاک فوج کے 6 میجر جنرلز کو لیفٹیننٹ جنرل کے عہدوں پر ترقی دی گئی تھی جن میں سابق ڈی جی آئی ایس پی آر آصف غفور بھی شامل ہیں لیفٹیننٹ جنرل آصف غفور کو انسپکٹرجنرل کمیونیکیشن اینڈ انفارمیشن ٹیکنالوجی مقرر کیا گیا ہے۔

خیال رہے کہ گزشتہ سال رومانیہ کے میوزک بینڈ ایکسینٹ سے تعلق رکھنے والے موسیقار ایڈریئن سینا نے اس وقت کے ترجمان پاک فوج میجر جنرل آصف غفور کے ساتھ چائے پینے کی خواہش کا اظہار کیا تھا جس کے جواب میں ڈی جی آئی ایس پی آر نے انہیں چائے کے لیے مدعو کیا ملاقات کے بعد ایڈریئن سینا نے خوشی کا اظہار کرتے ہوئے کہا تھا کہ انہیں رومیانیہ سے پاکستان آنے اور میجر جنرل آصف غفور کے ساتھ ملاقات کرنے کا موقع ملا۔

Met @officialDGISPR Pakistani tea is Fantastic ☕ pic.twitter.com/S07q6idnxz

— Akcent (@akcentofficial) November 25, 2019

یاد رہے کہ روما نیہ کے مشہور بینڈ اکسینٹ کو 24 نومبر 2019 کو لاہور میں پرفارم کرنا تھا اور ان کی پرفارمنس کا انعقاد کشمیر سے اظہار یکجہتی کے لیے کیا گیاتھا تاہم سوشل میڈیا پر ان کے کنسرٹ پر شدید تنازع کھڑا ہوگیا تھا جس کے باعث کنسرٹ منسوخ کردیا گیاتھا۔

حال ہی میں پاکستانی اداکارہ و میزبان وینا ملک نے کسی ثبوت کے بغیر میڈیا پر بدنام کرنے کے الزام پر سابق شوہر اسد خٹک کو 50 کروڑ روپے ہرجانے کا نوٹس بھیجا تھا-

باغی ٹی وی : اداکارہ وینا ملک کے سابق شوہر اسد خٹک نے اپنی وینا ملک کو بچوں کو دبئی سے پاکستان اسمگل کرنے اور بدنام کرنے کے الزامات کے تحت 50 کروڑ روپے ہرجانے کا نوٹس بھجوایا تھا جس کے بعد وینا ملک نے بھی کسی ثبوت کے بغیر میڈیا پر بدنام کرنے کے الزام پر سابق شوہر اسد خٹک کو 50 کروڑ روپے ہرجانے کا نوٹس بھیجا تھا-

وینا ملک کو سابق شوہر اسد خٹک کی جانب سے 50 کروڑ ہرجانے کا نوٹس

اداکارہ وینا ملک نے اپنے وکیل تنویر کھوکھر ایڈووکیٹ کے وساطت سے اسد خٹک کو نوٹس ارسال کیا نوٹس میں کہا گیا تھا کہ اسد بشیر میڈیا پر غلط بیانی کرکے کسی ثبوت اور قانونی جواز کے بغیر وینا ملک کو بدنام کررہے ہیں۔

نوٹس میں کہا گیا تھا کہ بچوں امل اور ابرام کی حقیقی والدہ کے خلاف اسمگلنگ اور اغوا جیسے الفاظ کا استعمال غیر قانونی اور بلاجواز ہے۔

وینا ملک نے بھی سابق شوہر اسد خٹک کو 50 کروڑ روپے ہرجانے کا نوٹس بھجوا دیا

وینا ملک نے اپنے سابق شوہر اسد خٹک کے خلاف ایف آئی اے میں درخواست جمع کروا دی

نوٹس میں کہا گیا تھا کہ اسد بشیر نے بچوں کی دیکھ بھال کے لیے ایک بے بی سٹر (ورکر) رکھا تھا جسے مشتبہ غیر مرد کے طور پر پیش کیا گیا اور ایسا کرکے انہوں نے قانونی طور پر وینا ملک کی کردار کشی کی اور انہیں بدنام کرنے کے جرم کا ارتکاب کیا۔

اسد خٹک نے وینا ملک پر نیا الزام عائد کر دیا

اداکارہ کی جانب سے بھیجے گئے نوٹس کے مطابق اسد بشیر خٹک نے میڈیا پر کہا تھاکہ بچوں کو دبئی سے پاکستان اسمگل کیا گیا تھا لیکن حقائق یہ ہیں کہ وینا ملک اپنے بچوں کے ساتھ دبئی سے پاکستان قانونی طریقے سے واپس آئی تھیں۔

اس میں مزید کہا گیا کہ اسد خٹک دبئی کی مقامی عدالت کا مکمل حکم نامہ سوشل میڈیا پر شیئر کریں۔

نوٹس میں کہا گیا تھا کہ اسد خٹک کے بے بنیاد الزامات سے وینا ملک کی شہرت متاثر ہوئی اور وہ 90 روز میں میڈیا اور سوشل میڈیا پر آکر معافی مانگیں وینا ملک سے معافی نہ مانگنے کی صورت میں اسد خٹک کے خلاف ہتک عزت کا دعویٰ دائر کیا جائے گا۔

امریکی بچوں کا دبئی سے اغوا پاکستان کو بدنام کرنے کی سازش کے سوا کچھ نہیں اسد خٹک

تاہم اب وینا ملک سے متعلق اُن کے سابق شوہر اسد خٹک کا کہنا ہے کہ وینا ملک کی جانب سے بھیجا گیا نوٹس ابھی تک نہیں ملا ہے- وینا اور اُن کا پورا خاندان جھوٹ بولتا رہا ہے-

اسد خٹک کی جانب سے دیئے گئے نئے بیان میں کہا گیا ہے کہ بچوں کا نام دبئی ای سی ایل میں شامل ہے امریکن نیشنل بچوں کے پاکستانی پاسپورٹ کے بغیر پاکستان منتقل کر دیا گیا۔

اسد خٹک کا کہنا ہے کہ دبئی کورٹ سے وینا ملک کی جلد گرفتاری کے وارنٹ بھی جاری ہوجائیں گے۔

وینا ملک کی سابق شوہر اسد خٹک کو گالیاں اور دھمکیاں دینے کی آڈیو وائرل

گزشتہ دو روز سے خبریں گردش میں ہیں کہ شوبز کی مقبول جوڑی اداکارہ عروہ حسین اور ان کے شوہر گلوکار و اداکار فرحان سعید نے راہیں جدا کرلیں ہیں-

باغی ٹی وی : پاکستان میڈیا میں وائرل ہونے والی رپورٹس میں دعویٰ کیا گیا تھا کہ دونوں نے ذاتی اختلافات کے باعث شادی کے محض چارسال بعد ہی علیحدگی اختیار کرلی ہے اور جلد ہی دونوں کے درمیان طلاق ہونے والی ہے۔

سوشل میڈیا پوسٹس میں تویہاں تک دعویٰ کیا گیا کہ دونوں کی طلاق کا معاملہ لاہور کی مقامی عدالت میں بھی چل رہا ہے۔

شوبز جوڑی کے درمیان علیحدگی اور طلاق کی خبریں وائرل ہونے پر ان کے مداح بھی کافی پریشان اور مایوس دکھائے دیے تھے اور کئی مداحوں نے ایسی خبروں کو انتہائی افسوس ناک قرار دیا تھا۔

تاہم اب اداکارہ عروہ حسین کےو الد نے بیٹی کی علیحدگی اور طلاق پر خاموشی توڑتے ہوئے دعویٰ کیا ہے کہ تمام خبریں بے بنیاد ہیں۔

میڈیا رپورٹس کے مطابق عروہ حسین کے والد مخدوم چوہدری نے بیٹی کی علیحدگی اور طلاق کی خبروں کو جھوٹا قرار دیتے ہوئے دعویٰ کیا کہ ان کی بیٹی اور داماد خوشی کی زندگی گزار رہے ہیں۔

مخدوم چوہدری نے بیٹی کی طلاق کا معاملہ عدالت میں چلنے کی خبروں کو بھی جھوٹا قرار دیا اور کہا کہ ایسا کوئی کیس زیر سماعت نہیں۔

اداکارہ کے والد نے بتایا کہ آئندہ ماہ عروہ حسین اور فرحان سعید کی شادی کی چوتھی سالگرہ منائی جائے گی اور اس حوالے سے انہوں نے تیاریاں بھی کر رکھی ہیں۔

اداکارہ کے والد نے سوشل میڈیا پر پھیلائی گئی معلومات کو جھوٹا اور من گھڑت بھی قرار دیا گیا اور کہا کہ فرحان سعید اور عروہ حسین کی علیحدگی کی غلط افواہیں نہ پھیلائی جائیں-

اگرچہ عروہ اور فرحان کی علیحدگی کی خبروں کو ان کے والد نے جھوٹا قرار دیا ہے تاہم ایسی خبروں پر تاحال دونوں ستاروں نے کوئی وضاحتی بیان نہیں دیا اور نہ ہی اس حوالے سے اداکارہ کی بہن ماورا حسین نے کوئی بیان دیا ہے۔

خیال رہے کہ عروہ حسین اور فرحان سعید نے 22 نومبر 2016 کو اپنی منگنی کا باقاعدہ اعلان کیا تھا جس کے ایک ماہ بعد دونوں ستارے 16 دسمبر 2016 کو رشتہ ازدواج میں منسلک ہوگئے تھے۔

فرحان سعید اور عروہ حسین نے شادی کےچار سال بعد راستے جدا کر لئے

معروف ڈرامہ نویس، مزاح نگاراور میزبان انور مقصود کا یاسر حسین کے ساتھ معین اختر کا شو ’لوز ٹاک‘ جیسا پروگرام کرنے پرجس پر سوشل میڈیا صارفین نے شدید تنقید کی ہے-

باغی ٹی وی : اپنی خداداد صلاحیتوں سے فلموں و ڈراموں میں کاص مقام بنانے والے معین خان کا کوئی ثانی نہیں۔انہوں نے طنز ومزاح سے بھرپور جملوں سے تہذیب کا ایک نیا پہلو متعارف کروایا-

معین اختر نے متعدد ڈراموں کے ساتھ کئی فلموں میں بھی اداکاری کے جوہر دکھائے یہاں تک کہ انہوں نےایک نجی چینل کے لیے ’لوز ٹاک‘ کے نام‘ سےچارسو اقساط پر مشتمل شوز بھی کئے جوکہ اُن کے کیریئر کا منفرد ریکارڈ بھی ہے۔

’لوز ٹاک‘ شو میں انور مقصود میزبان اور معین اختر مہمان کے فرائض انجام دیتے تھے اور ہر نئی آنے والی قسط میں مختلف کرداروں کے روپ دھار کر انٹرویو دیتے تھے اور سیاست ہو یا معاشرے کی تلخیاں وہ کسی بھی موضوع کو اس طرح بیان کرتے کہ دیکھنے والے ہنسی سے لوٹ پوٹ ہو جاتے تھے۔

اس مقبول ترین شو کو معین اختر کی وفات کے بعد بند کردیا گیا تھا تاہم اب اسی طرز پر ایک شو انور مقصود کی میزبانی میں نشر کیا جا رہا ہے جس میں معین اختر کی جگہ اداکارہ یاسر حسین مہمان کا کردار ادا کررہے ہیں جس پر سوشل میڈیا صارفین نے شدید تنقید کی ہے-
https://twitter.com/fzk_94/status/1330977061029228546
فرحان نامی صارف نے لکھا کہ 2020 بہت سب کے لئے بُرا سال رہا ہے اور ستم ظریفی یہ ہے کہ انور مقصود صاحب مقبول ترین شو’ لوز ٹاک‘ جیسا شو شروع کر رہے ہیں جس میں معین اختر کی جگہ یاسر حسین نظر آئیں گے جوکہ لیجنڈ اداکار کی بے عزتی ہے۔ ان کی جگہ کوئی نہیں لے سکتا یہان تک کہ یاسر حسین بھی-

صارفین نے لکھا کہ اس شو میں معین اختر کی جگہ یاسر حسین کی بجائے عمر شریف اور شکیل آفریدی اچھا انتخاب ہو سکتے تھے کیوں کہ یہ دونوں اداکار بھی لیجنڈ ہیں۔

جہاں صارفین نے تنقید کا نشانہ بنایا وہیں کچھ لوگوں کی جانب سے یاسر حسین کی اداکاری کو سراہا بھی گیا-

حسن ادریس نامی صارف نے لکھا کہ پہلے کافی غصہ آیا کہ کوئی معین اختر کی جگہ کیسے لے سکتا ہے پھر میں نے اسے اسے الگ نظر سے دیکھا بس ایک رینڈم ویڈیو کے طور پر جس میں یاسر حسین اور عظیم انور مقصود ہیں یقین کریں مزا آیا-

فخرالدین داؤد نامی صارف نے کہا کہ یاسر حسین نے معین اختر صاحب کی یاد تازہ کر دی-

https://www.youtube.com/watch?v=X-jrKqiD9fE&feature=youtu.be

یاسر حیسن کا اہلیہ اقرا عزیز کی سالگرہ پر محبت بھرا پیغام

پاکستان شوبز انڈسٹری کی معروف اداکارہ میرا شہری بابر علی نقوی کے ہمراہ سپریم کورٹ پہنچ گئیں۔

باغی ٹی وی :تفصیلات کے مطابق لالی وڈ اداکارہ میرا جو حال ہی میں پنجاب پولیس کی خوش اخلاقی کے باعث خوشی سے نہال ہو گئیں تھیں شہری بابر علی نقوی کے ہمراہ سپریم کورٹ پہنچ گئیں۔

بابرعلی نقوی نےمیڈیا کو بتایا کہ ہمارے کچھ مقدمات ہیں جن کے سلسلے میں سپریم کورٹ آئے ہیں۔

ان کا کہنا تھا کہ میری بہن اور بھائیوں نے میری جائیداد پر قبضہ کررکھا ہے، اس سلسلے میں درخواست دینے آیا ہوں۔

اس موقع پر میرا نے فلم انڈسٹری سے متعلق سوالات کا جواب دینے سے انکار کردیا اور کہا کہ فی الحال سپریم کورٹ آئی ہوں، اس لیے اس بارے میں بات نہیں کروں گی۔

خیال رہے کہ گزشتہ روز پنجاب پولیس کی جانب سے سماجی رابطے کی سائٹ ٹوئٹر پر ایک ویڈیو شئیر کی گئی تھی جس میں اداکارہ میرا پنجاب پولیس کی خوش اخلاقی کی تعریف کر رہی ہیں-

اداکارہ میرا پنجاب پولیس کی خوش اخلاقی سے متاثر

ویڈیو میں اداکارہ میرا کا کہنا تھا کہ کام کے سلسلے میں تھانہ ڈیفنس آئی جہاں دو پولیس افسران نے بہت اچھے طریقے سے برتاؤ کیا، میری درخواست وصول کی-

میرا نے کہا کہ یہاں آکر مجھے ایسا لگا کہ پنجاب پولیس واقعی بدل رہی ہے دونوں افسران نے میری بات کو انتہائی دلچسپی اور اچھے انداز میں سنا جس پر میں پولیس افسران کی نہایت مشکور اور شکر گزار ہوں۔

ثابت کیا جائے کہ میں نے کہیں کرپشن کی ہےاگر میری کرپشن ثابت ہوگئی تو میں سرعام…

مانسہرہ :ایبٹ آباد مانسہرہ اور اپر ہزارہ ڈویژن میں میدانی علاقوں میں بارش اور بالائی علاقوں میں برفباری کا سلسلہ تیسرے روز بھی وقفے وقفے سے جاری ہے-

باغی ٹی وی : ایوبیہ نتھیاگلی اور ملحقہ علاقوں میں اب تک بارہ سے چودہ انچ تک برف ہو چکی جبکہ مانسہرہ کے بالائی علاقوں اور سیاحتی مقامات شوگراں کاغان اورناراں میں شدید برفباری سے سردی کی لہر میں اضافہ ہو گیا ہے اور کئ رابطہ سڑکیں بھی بند ہو گئی ہیں-

ایبٹ آباد مانسہرہ اور اپر ہزارہ ڈویژن میں بالائی علاقوں میں برفباری کا سلسلہ تیسرے روز بھی جاری ایوبیہ نتھیا گلی اور ملحقہ علاقوں میں اب تک تیرہ سے چودہ انچ برف ہو چکی pic.twitter.com/4w8hJzItoL

— Ayesha (@Ayesha701900053) November 25, 2020

شوگراں میں اب تک 16 انچ اورکاعان میں 6 انچ سے زائد برف ہو چکی ہے شوگراں میں موجود سیاح برفباری سے خوب لطف اندوز ہو رہے ہیں .

ایبٹ آباد مانسہرہ اور اپر ہزارہ ڈویژن میں میدانی علاقوں میں بارش بارش اور بالائی علاقوں میں برفباری کا سلسہ تیسرے روز بھی جاری pic.twitter.com/WTzNpSujht

— Ayesha (@Ayesha701900053) November 25, 2020

اپر ہزارہ کے اضلاع کے میدانی علاقوں میں بارش اور بالائی علاقوں میں برفباری کا سلسلہ جاری ہے. ان اضلاع کے پہاڑوں نے برف کی سفید چادر اوڑھ لی .. بارش اور برفباری سے بالائی علاقوں میں رابطہ سڑکیں بند ہوگئی جبکہ بجلی کی فراہمی بھی معطل ہے

پاکستان شوبز انڈسٹری کی معروف اداکارہ کبریٰ خان باصلاحیت گلوکار و اداکار گوہر ممتاز کے ساتھ فلم ‘ابھی’ میں نظر آئیں گی۔

باغی ٹی وی :اداکارہ کبرٰی خان اور گوہر ممتاز فلم ‘ابھی’ میں ایک ساتھ نظر آئیں گے دونوں اداکاروں نے اپنے انسٹاگرام اکاؤنٹس پر فلم کے سیٹ پر لی گئی تصاویر شئیر کیں-

‘ابھی’ نامی رومانوی تھرلر فلم کی شوٹنگ کشمیر کے خوبصورت مقامات پر جاری ہے اور اس کی کہانی قوم پرستی کے گرد گھومتی ہے۔

فلم ‘ابھی’ کی ہدایات اسد ملک دے رہے ہیں اور یہ فلم برطانیہ کی ایک بین الاقوامی ڈینئل جونز پروڈکشن کے بینر تلے بنائی جارہی ہے جو پاکستان میں اپنے پہلے وینچر کے لیے تیار ہے فلم کی کہانی گوہر ممتاز نے شعیب ربانی کے ساتھ خود لکھی ہے۔

فلم کی کاسٹ میں اداکار سلیم شیخ، عثمان پیرزادہ، محمود اسلم، احتشام الدین، یاسرہ رضوی، حنا بیات اور آصف رضا میر شامل ہیں۔

‘ابھی’ فلم کے ٹائٹل ٹریک میں عالمی شہرت یافتہ قوال استاد راحت علی فتح خان اور گلوکارہ آئمہ بیگ اپنی آواز کا جادو جگائیں گے-

واضح رہے کہ کبریٰ خان اس سے قبل 2013 میں وہ فلم ‘نامعلوم افراد’ اور 2018 میں وہ ‘پرواز ہے جنوں’ اور ‘جوانی پھر نہیں آنی 2’ میں جلوہ گر ہوئی تھیں جبکہ دوسری جانب اداکار و گلوکار گوہر ممتاز نے 2016 میں فلم ‘لاہور سے آگے’ سے بڑی اسکرین پر ڈیبیو کیا تھا-