بھارتی ونگ کمانڈر پائلٹ ابھینندن کے بعد ترکی کے عالمی شہرت یافتہ شیف براق اوزڈیمیر بھی پاکستانی چائے کے دیوانے ہو گئے-

باغی ٹی وی : عالمی شہرت یافتہ ترک شیف براق اوزڈیمیر اس وقت پاکستان کے دورے پر ہیں اور پاکستانی کھانوں اور تفریحی مقامات سے لطف اندوز ہو ر ہے ہیں جن کی تصاویر بھی سوشل میڈیا پر گردش کر ہی ہیں-
https://twitter.com/HniaziISF/status/1323249979578896384?s=20
حال ہی میں سماجی رابطے کی ویب سائٹ ٹویٹر پر مشہور سماجی کارکن اور وکیل ، حسن نیازی نے اپنے ٹویٹ میں براق کی ایک ویڈیو شئیر کی جس میں براق کے ہاتھ میں چائے کا کپ ہے اور وہ یہ کہتے ہوئے چائے پیتے ہیں کہ پاکستان کی چائے بہت ہی اعلیٰ ہے-

ویڈیو شئیر کرتے ہوئے حسن نیازی نے لکھا کہ براق کا کہا گیا یہ جملہ ہر پاکستانی کے لئے ایک تحفہ ہے-

واضح رہے کہ 27 فروری 2019 کو پاکستان کی حدود کی خلاف ورزی کرتے ہوئے بھارتی طیارے کو پاکستانی ائیر فورس نے گرایا تھا جس میں دو پائلٹ سوار ایک پائلٹ مارا گیا تھا جبکہ ایک پائلٹ ابھینندن کو گرفتار کر لیا گیا تھا گرفتار پائلٹ کو چائے پیش کی گئی تو اس سے چائے کے بارے میں پوچھا تو اس نے کہا پاکستان کی چائے بہت عمدہ ہے جس کے بعد ابھینندن کے اس فقرے کو پاکستانیوں نے خوب اچھالا اور ابھینندن کو ٹرول کیا-

واضح رہے کہ اس سے قبل وزیر اعظم عمران خان کی معاون خصوصی برائے سماجی تحفظ اور احساس پروگرام کی چیئرپرسن ڈاکٹر ثانیہ نشتر کے ہمراہ اسلام آباد میں قائم پناہ گاہ کا دورہ کیا سماجی رابطے کی ویب سائٹ ٹویٹر پر پی ٹی آئی کی ڈیجیٹیل میڈیا کی ٹیم اور عمران خان کے فوکل پرسن ڈاکٹر ارسلان خالد نے اپنی ٹویٹ میں ترک شیف اور سوشل میڈیا اسٹار براق اوزڈیمیر کی ایک ویڈیو شئیر کی جس میں وہ اسلام آباد میں ایک پناہ گاہ میں ہیں اور لوگوں میں کھانا تقسیم کر رہے ہیں-

ویڈیو شئیر کرتے ہوئے ڈاکٹر ارسلان خالد نے بتایا کہ عالمی شہرت یافتی تُرک شیف براق نے شام کو پنا گاہ میں کچن سٹاف کے ساتھ کھانا بنانے میں مدد کی اور پھر لوگوں میں کھانا تقسیم کیا اور وہیں پناہ گاہ میں لوگوں کے ساتھ بیٹھ کر کھانا کھایا-

ڈاکٹر ارسلان خالد نے اپنی ٹوئٹ میں اس عظیم مقصد کی حمایت کرنے پر براق کا شکریہ ادا کیا تھا-

اس سے قبل میڈیا سے گفتگو کرتے ہوئے براک کا کہنا تھا کہ میں پاکستان آیا ہوں کشمیری کھانے کھاؤں گا اور کشمیری کھانے بنانا بھی شروع کروں گا اسلام آباد میں مشہور ترک شیف براک اوزدمیر نے پریس کانفرس کرتے ہوئے کہا کہ پاکستان آکر خوشی ہوئی ہے، پاکستان اور ترکی کے تعلقات ہمیشہ بہترین رہے ہیں۔

انہوں نے کہا کہ میں زلزلے پر پاکستانیوں کے پیغامات کا شکریہ ادا کرتا ہوں، ترکی میں زلزلے کے باعث جلدی واپس چلا جاؤں گا۔

ترک شیف براق اوزڈیمیر پاکستان پہنچ گئے کہا مجھے پاکستان بہت پسند ہے پاکستان میں کشمیری کھانے کھاؤں گا

ترک شیف براق اوزڈیمیر کی مداحوں کو عید میلاد النبیﷺ کی مبارکباد

شنیرا اکرم نے ترک شیف براق اوزڈیمیر کو اپنے گھرمدعو کر لیا

میں بہت جلد پاکستان آ رہا ہوں ۔ مشہور ترک شیف اور سوشل میڈیا سٹار براق اوزڈیمیر کا اردو میں ویڈیو پیغام

تُرک شیف براق اوزڈیمیر نے ننھی مداح کی خواہش پوری کر دی

ترک شیف براق اوزڈیمیر کا پاکستان سے اظہار محبت

عالمی شہرت یافتہ ترک شیف براق اوزڈیمیر کا پاکستان آنے کا اعلان

میری خواہش اور دعا ہے کہ میں جلد کشمیر آؤں ترک شیف براق اوزڈیمیر

عمران عباس کو بھی ترک شیف براق اوزڈیمیر کی پاکستان آمد کا بے چینی سے انتظار

بالی وڈ اداکار راج کمار راؤ کا کہنا ہے کہ کنگ خان شاہ رخ خان کے گھر کے باہر گھنٹوں کھڑے رہ کر اُ ن سے ملنے کا انتظار کرتے تھے یہ اُن کے لیے اعزاز کی بات ہے۔

باغی ٹی وی : بالی وڈ کنگ شاہ رخ خان کی 55ویں سالگرہ کے موقع پر راج کمار راؤ نے سماجی رابطے کی ویب سائٹ ٹوئٹر پر اداکار کے ہمراہ ماضی کی بھارتی ایوارڈ شو کی ایک یادگار بوم رینگ ویڈیو شیئر کی ہے-

راج کمار راؤ کی جانب سے شیئر کی جانے والی بوم رینگ ویڈیو میں وہ بالی وڈ کنگ شاہ رخ خان کے ساتھ ڈانس کرتے نظر آرہے ہیں۔

Happy birthday @iamsrk sir. From dancing on ur songs in all my school functions to standing outside ur house for hours & to sharing stage wid u & having such wonderful conversations wid u. It’s always such an honour. I love u a lot & will alwys pray for ur good health & happiness pic.twitter.com/U1V4BTNnXh

— Rajkummar Rao (@RajkummarRao) November 2, 2020

بالی وڈ اداکار راج کمار راؤ نے اپنے ٹوئٹر پیغام میں شاہ رخ خان کو 55ویں سالگرہ کی مبارکباد دی اور لکھا کہ اسکول فنکشنز میں آپ کے گانوں پر ڈانس کرنا، آپ سے ملاقات کرنے کے لیے گھنٹوں آپ کے گھر کے باہر کھڑے ہوکر انتظار کرنا اور ایوارڈ شو میں اسٹیج پر آپ سے گفتگو کرتے ہوئے ڈانس کرنا میرے لیے ایک بہت بڑا اعزاز ہے۔

راج کمار راؤ نے لکھا کہ میں آپ سے بہت محبت کرتا ہوں میں ہمیشہ آپ کی خوشی، کامیابی اور تندرستی کےلیے دُعا کرتا ہوں۔

واضح رہے کہ کروڑوں دلوں پر راج کرنے والے سپراسٹار شاہ رخ خان نے1980میں ٹی وی انڈسٹری سے آغاز کیا اور 1992میں فلم ’دیوانہ‘ میں پہلی بار کام کیا جس کے بعد انہوں نے ایک نہیں کئی نہیں بلکہ سیکڑوں سپرہٹ فلمیں کر کے بالی وڈ سمیت دنیا بھر میں اپنی ایک الگ پہچان بنائی۔

پاکستان میں ٹوئٹر پر HappyBirthdaySRK ٹاپ ٹرینڈ بن گئی۔ پاکستان سمیت دنیا بھر میں کنگ خان کو ان کے مداح سوشل میڈیا کے ذریعے سالگرہ کی مبارک باد دے رہے ہیں۔

واضح رہے کہ دنیا بھر میں موجود شاہ رخ خان کے مداحوں کے لیے ان کا جنم دن کافی اہمیت رکھتا ہے اور اس موقع پر ممبئی میں واقع ان کے گھر ‘منت’ کے باہر مداح جمع ہوتے ہیں اور ان کی ایک جھلک کا انتظار کرتے ہیں لیکن کورونا وائرس کی وجہ سے اس بار شاہ رخ کے ایک فین کلب نے ان کی ورچوئل برتھ ڈے پارٹی کی میزبانی کی منصوبہ بندی کی ہے۔

ٹائمز آف انڈیا کی رپورٹ کے مطابق شاہ رخ خان کے فین کلب کے ایک رکن نے کہا ہے کہ مداح اپنے گھروں پر کیک کاٹیں گے اور لائیو اسٹریمنگ کے ذریعے وہ تقریبات کا حصہ بن سکتے ہیں۔

رپورٹ میں مزید کہا گیا کہ رات گئے ہونے والی تقریب کے بعد پیر (2 نومبر) کو صبح 11 بجے ورچوئل برتھڈے پارٹی ہوگی جس میں سیلفی بوتھس، گیمز، ایس آر کے کوئزز، مداحوں کے درمیان لائیو بات چیت اور چند پرفارمنسز شامل ہوں گی۔

اس کے علاوہ اس موقع پر کچھ خیراتی سرگرمیاں جیسا کہ 5555 ماسکس اور سینیٹائزرز کے ساتھ 5555 کووڈ کٹس، ضرورت مندوں میں 5555 کھانوں کی تقسیم، یتیم خانوں اور اولڈ ایج ہوم جانے کی ارادہ بھی کیا گیا ہےدنیا بھر سے 5 ہزار مداح شاہ رخ خان کی سالگرہ کی ورچوئل تقریبات میں شرکت کریں گے۔

عام طور پر مداح یکم نومبر کو ان کی فلم دل والے دلہنیا دیکھنے کے لیے ہر سال یکم نومبر کو مراٹھا مندر بھی جاتے ہیں لیکن کورونا کی وجہ سے بھارت میں سنیما بند ہیں اور اسی روز اس فلم کی آن لائن اسکریننگ کی پلاننگ بھی کی گئی ۔

شاہ رخ‌ خان 55 سال کے ہوگئے HappyBirthdaySRK پاکستان ٹویٹر پر ٹاپ ٹرینڈ پر

پاکستان فلم و ڈرامہ انڈسٹری کے کامیڈین اداکار احمد علی بٹ نے اپنی پہلی بھارتی پنجابی فلم ’پھٹے دیندے چک پنجابی‘ کی شوٹنگ کا آغاز کر دیا ہے-

باغی ٹی وی :اداکار احمد علی بٹ نے اپنی پہلی غیر ملکی پنجابی فلم کی شوٹنگ کے آغاز کے موقع پر برطانیہ سے ساتھی اداکاروں کے ساتھ سماجی رابطے کی ویب سائٹ انسٹاگرام پر تصاویر شیئر کرتے ہوئے بالی وڈ میں اپنے ڈیبیو کے بارے میں مداحوں کو آگاہ کیا۔

اداکار نے اپنےانسٹاگرام پیغام میں بتایا کہ انہیں پہلی بین الاقوامی فلم میں کاسٹ کرلیا گیا ہے فلم کی کامیابی کیلئے آپ سب کی دعائیں درکار ہیں فلم کی دیگر کاسٹ میں معروف بھارتی اداکار گپی گریوال ،نیرو باجوہ بھی شامل ہیں۔

بھارتی پنجابی فلم پھٹے دیندے چک پنجابی کی عکسبندی لندن میں کی جائے گی فلم عید الاضحی 2021 میں نمائش کے لیے پیش کی جائے گی۔

یہ برطانوی اور بھارتی پروڈکشن ہاؤسز کی مشترکہ فلم ہے اور مذکورہ فلم پاکستانی اداکار کی پہلی غیر ملکی فلم ہے اور امید کی جارہی ہے کہ فلم پاکستان میں بھی ریلیز کی جا سکتی ہے-

فلم کے حوالے سے احمد علی بٹ کا کہنا تھا کہ انہیں برطانوی پنجابی فلم میں کام کرنے پر خوشی ہے کیوںکہ فلم میں پاکستانی پنجابی کو اچھے کردار میں دکھایا جائے گا۔

انہوں نے فلم کی کہانی کے حوالے سے کچھ نہیں بتایا اور نہ ہی یہ واضح کیا کہ وہ فلم میں کیسا کردار ادا کرتے دکھائی دیں گے۔

احمد علی بٹ کی اس پوسٹ پر جہاں مداح مبارکباد دیتے ہوئے خوشی کاظہار کر رہے ہیں وہیں ساتھی اداکار بھی مبارکباد کے پیغامات بھیج رہے ہیں جن میں غناء علی ، مایا علی ، جرنلست ہارون راشد ، عاصم رضا شامل ہیں-