بالی وڈ متنازع ’کوئن‘ کنگنا رناوت نے ریاست بہار میں ایک نوجوان لڑکی کو زندہ جلائے جانے کے واقعے پر افسوس کا اظہار کرتے ہوئے اس کے اہل خانہ کے لیے انصاف کا مطالبہ کردیا۔

باغی ٹی وی : بھارتی میڈیا کی رپورٹ کے مطابق ریاست بہار میں لڑکی کو زندہ جلائے جانے کا ایک واقعہ پیش آیا تھا جھلسنے والی لڑکی کا جسم تقریباً 75 فیصد سے زائد جل چکا تھا اور وہ زخموں کی تاب نہ لاتے ہوئے چل بسی تھی۔

تمام معاملات میں اپنی رائے کا بے باکی سے اظہار کرنے والی اداکارہ کنگنا نے اس معاملے میں بھی لوگوں کو آڑے ہاتھوں لیا اور خواتین کے تحفظ سمیت مرنے والی لڑکی کے اہل خانہ کے لیے انصاف کا مطالبہ کیا۔

اپنے پیغام میں کنگنا رناؤت کا کہنا تھا کہ ہماری بیٹیاں محفوظ نہیں ہیں آئے دن ان کے خلاف مزید بڑے اور سنگین نوعیت کے واقعات پیش آتے ہیں۔

انہوں نے کہا کہ لبرلز اپنے سیکیولر لینس سے متاثرین اور مجرمان کو نہ دکھیں اور نہ ہی ان میں تقسیم کریں آئیں مل کر ناانصافی کے خلاف جنگ کریں۔

کنگنا رناوت نے مداحوں کو انہیں ان فالو اور بلاک کرنے کا مشورہ کیوں دیا؟

کنگنا نے امریکہ کے منتخب صدر جوبائیڈن کو ’گجنی‘ کا عامر خان کا قرار دیا

ٹی وی اداکار محمد احمد کا کہنا ہے کہ ڈرامہ انڈسٹری صرف تین افراد کے سینگوں پر کھڑی ہو ئی ہے-

باغی ٹی وی : مقبول ڈراموں میں میرے پاس تم ہو، سنو چندا، عینی کی آئے گی بارات، عہد وفا، رسوائی اور یہ دل میرا، جلن اور ثبات میں والد کر کردار ادا کرنے والے اداکار محمد احمد خان نے بی بی سی کی اردو ویب سائٹ کو دیئے گئے انٹرویو میں ایک سوال کے جواب میں کہا کہ اگر انہیں انڈسٹری کو بدلنے کا ایک موقع دیا جائے تو وہ انڈسٹری میں کام کرنے والے افراد کی صرف سوچ بدلیں گے۔

انہوں نے بتایا کہ پاکستانی ڈراما انڈسٹری، جن تین افراد کے سینگوں پر کھڑی ہے وہ اپنی سینگ ایک ہی جمائے کھڑے ہوئے ہیں انہوں نے اپنے سینگ یا سوچ صرف ریپ، طلاق اور ناجائز تعلقات جیسے موضوع پر روک رکھی ہے۔

فلم انڈسٹری میں مردوں کو بطور ہیروپیش کیا جاتا ہے جبکہ خواتین کو سازشی چڑیلیں…

محمد احمد کا کہنا تھا کہ انہیں اپنا مستقبل بھی عزیز ہے اس لیے وہ ان تین افراد کے نام نہیں بتائیں گے لیکن انہوں نے واضح کیا کہ ڈرامہ انڈسٹری مذکورہ تین افراد کے سینگوں پر کھڑی ہے۔

محمد احمد نے مزید بتایا کہ انہیں ہر ڈرامے میں مجبور والد کا کردار دیا جاتا ہے اور انہیں تقریبا ہر ڈرامے میں مرنا بھی ہوتا ہے۔

انہوں نے بتایا کہ اب وہ ڈرامہ سازوں سے کام کرنے سے پہلے ہی دریافت کرتے ہیں کہ انہیں کون سی قسط میں مرنا ہے؟

محمد احمد نے انکشاف کیا کہ جلد ہی ان کا ایک ڈرامہ اولاد نشر ہوگا جس میں ان کی موت نہیں ہوگی تاہم مذکورہ ڈرامے کے بعد ایک اور ڈرامہ چلے گا، جس میں ایک بار پھر ان کی موت دکھائی جائے گی۔

پاکستانی ڈراموں میں ان کہانیوں کو ہی دکھایا جاتا ہے جو معاشرے میں موجود ہوتی ہیں…

ڈراموں میں اپنی موت کو دکھائے جانے پر محمد احمد نے مزید بتایا کہ چوںکہ ڈراموں میں ہیروئن کو کمزور اور مظلوم دکھایا جاتا ہے، اس لیے اسے کمزور کرنے کے لیے اس کے سہارے چھین لیے جاتے ہیں، جس وجہ سے ڈراموں میں ان کی موت ہوجاتی ہے تو اکثر ایسے ڈرامیں اور فلمیں ہمیشہ یاد رہتی ہیں کیوںکہ دُکھی اختتام زیادہ یاد رہ جاتا ہے۔

محمد احمد نے کہا کہ ہر سیریل اور ہر اشتہار میں وہی داڑھی وہی گنجا سر، کوئی تبدیلی تو نہیں لا سکا لیکن اب میں کچھ مختلف کردار کرنا چاہتا ہوں جسے دیکھ کر لوگ ہنسیں اور خوش ہوں، میرے لیے خوش آئند بات یہ ہے کہ مجھے اس طرح کے کردار کے لیے ایک دو پیشکش بھی ہوئی ہیں۔

انہوں نے کہ انہیں زیادہ توجہ فلم ‘کیک’ سے ملی جس کے بعد وہ متعدد ڈراموں میں ہیروئنز کے والد بننے لگے اور اب لوگ انہیں ایک والد کا کردار ادا کرنے والے اداکار کے طور پر جاننے لگے ہیں، جنہیں تقریبا ہر ڈرامے میں مرنا ہوتا ہے۔

انہوں نے کہا کہ ماضی میں ڈپریشن کا شکار ہونے کا انکشاف بھی کیا اور بتایا کہ ماضی میں انہیں ڈرامے لکھنے میں مشکل پیش آئی اور انہیں لوگوں کو یقین دلانا پڑا کہ وہ اب بھی لکھ سکتے ہیں۔

محمد احمد نے بتایا کہ انہوں نے حال ہی میں فلم ساز مہرین جبار کے لیے ایک اسکرپٹ لکھا ہے تاہم انہیں احساس ہے کہ مہرین جبار کے منصوبوں کو سرمایہ کار مشکل سے ہی ملتے ہیں۔

مدیحہ امام نے خواتین پر شادی کے لیے دباؤ کو پاکستانی سماج کی حقیقت قرار دیا

ساتھ ہی انہوں نے بتایا کہ انہوں نے ڈرامہ ساز ندیم بیگ کے لیے بھی ایک اسکرپٹ لکھا ہے۔

ایک اور سوال کے جواب میں محمد احمد نے بتایا کہ وہ بیٹیوں کے والد ہیں اس لیے ان کی اداکاری میں بھی اچھے والد کی جھلک نظر آتی ہے۔

خیال رہے کہ محمد احمد نے بطور لکھاری کیریئر کا آغاز کیا تھا تاہم انہوں نے ڈرامے اور فلمیں لکھنے سمیت اداکاری بھی کہ ہے اور ساتھ ہی وہ شاعری بھی لکھتے رہے ہیں۔

محمد احمد نے نصف درجن فلموں میں بھی کام کیا ہے، جن میں رامچند پاکستانی، تیرے بن لادن، لالا بیگم، مہرالنسا وی لب یو، پنجاب نہیں جاؤنگی، کیک اور لال کبوتر بھی شامل ہیں۔

ڈرامہ سیریل سراب میں ذہنی مریضہ کا کردار نبھانا چیلنج تھا سونیا حسین

پاکستان شوبز انڈسٹری کی معروف اداکارہ حمیمہ ملک نے اپنی اور والدہ کی سالگرہ کا دن ایک ہونے پر سوشل میڈیا پر اپنی والدہ سے خوبصورت انداز میں محبت کا اظہار کیا ہے۔

باغی ٹی وی : اداکارہ حمیمہ ملک آج اپنی 33 ویں سالگرہ منا رہی ہیں، حمیمہ ملک نے اپنی سالگرہ کے موقع پر اپنے سوشل میڈیا اکاؤنٹ انسٹا گرام پر ایک پوسٹ شیئر کی ہے جس میں انہوں نے اپنےمداحوں کو بتایا ہے کہ اُن کی اور والدہ کی پیدائش کی تاریخ ایک ہی ہے وہ اور اُن کی ولدہ ایک ہی دن اپنی سالگرہ مناتی ہیں ۔

حمیمہ ملک نے انسٹاگرام پر اپنی والدہ کی تصویر شیئر کرتے ہوئے اپنی والدہ سے خوبصورت انداز میں محبت کا اظہار کیا ہے۔

حمیمہ ملک نے اپنی والدہ کا شکریہ ادا کرتے ہوئے پوسٹ کے کیپشن میں لکھا کہ تم ہو تو زندگی ہے، تم ہو تو ہر خوشی ہے، تم ہو تو میں ہوں۔

اپنی پوسٹ میں حمیمہ نے اللہ تعالیٰ کا شکر ادا کرتے ہوئے لکھا ہے کہ اس خوبصورت احساسات کا شکریہ ، وہ اپنی والدہ کے ساتھ سالگرہ کا دن منانے میں بہت خوشی محسوس کررہی ہیں اور وہ بہت خوش نصیب ہیں۔

حمیمہ نے اپنی پوسٹ کے آخر میں اپنی والدہ کو سالگرہ کی مبارکباد دیتے ہوئے لکھا ہے کہ سالگرہ مبارک امی جی۔

حمیمہ ملک کی اس پوسٹ پر اُن کے مداحوں کی جانب سے حمیمہ ملک سمیت اُن کی والدہ کو بھی سالگرہ کی مبارکباد دی جا رہی ہے۔

سکینہ سموں نے سالگرہ کی مبارکبا دیتے ہوئے لکھا کہ ان پر اللہ کی بے شمار رحمتیں ہوں-

اداکارہ وینا ملک کے سابق شوہر اسد خٹک کا کا کہنا ہے کہ امریکی بچوں کو دبئی سے اغوا کرنا اور اپنے پاس رکھنا پاکستان کو بدنام کرنے کی سازش کے سوا کچھ نہیں ہے۔

باغی ٹی وی : وینا ملک کے سابق شوہر اسد خٹک کا اپنی سابقہ اہلیہ وینا ملک کے خلاف ایک اور بیان سامنے آگیا اسد خٹک نے اپنے حالیہ ٹوئٹر پیغام میں اپنے بچوں کے دستاویزات شیئر کرتے ہوئے لکھا کہ محترم ڈی جی صاحب(پاسپورٹ) 27 اکتوبر سے کی جانے والی ایک خط (درخواست) کا جواب اب تک نہیں ملا۔
https://twitter.com/asadbashirr/status/1328891927719239681?s=20
اسد خٹک نے لکھا کہ میرے امریکی شہری بچوں کاغیرقانونی طورپرپاکستانی پاسپورٹ کا اجرءاور دبئ سے غیرقانونی طریقےسےاغوا ریاست پاکستان کوبدنام کرنے کی شازش کے سوا اور کچھ نہیں۔

وینا ملک کے سابق شوہر نے ڈی جی پاسپورٹ سے درخواست کی کہ اس سازش کو جلد از جلد بے نقاب کریں۔

اس سے قبل گزشتہ روز اسد خٹک نے وینا ملک پر الزام عائد کیا تھا کہ وینا ملک نے ان کا انسٹاگرام اکاؤنٹ ہیک کیا ہے اسد خٹک نے ٹوئٹر پر اپنے پیغام میں کہا کہ میری سابقہ اہلیہ زاہدہ بی بی المعروف وینا ملک نے میرا انسٹاگرام اکاؤنٹ ہیک کرنے کی کوشش کی ہے۔

اسد خٹک نے وینا ملک پر نیا الزام عائد کر دیا

اسد خٹک نے لکھا تھا کہ ہاں میں آپ کو ایک بات بتا دوں زاہدہ بی بی کہ آپ کو ایک ایک چیز کا حساب دینا ہوگا۔لیکن سچ سب کے سامنے لاؤں گا کیونکہ میں حق پر ہوں، اللہ آپ کو ہدایت دے، آمین۔

خیال رہے کہ گزشتہ دنوں اسد خٹک نے سوشل میڈیا سائٹ ٹوئٹر پر وینا ملک پران کے بچے غیرقانونی طریقے سے پاکستان سمگل کرنے کا الزام لگاتے ہوئے کہا کہ بچوں کی خاطر ہر چیز برداشت کی لیکن اب وقت آگیا ہے اس شرمناک عورت کی اصلیت سب کے سامنے لائی جائے۔ بہت سوچا لیکن اب صبر کا پیمانہ لبریز ہوچکا میری خاموشی کو بزدلی سمجھا گیا مجھے امید ہے کہ ایک باپ کو انصاف ملے گا کیونکہ اللہ کے ہاں دیر ہے اندھیر نہیں جس اذیت سے میں گزر رہا ہوں کسی کو جواب دینا ہوگا میں نے وینا ملک کو 50 کروڑ ہرجانے کا نوٹس بھیج دیا ہے۔

اسد نے کہا تھا کہ میرے دونوں بچے امریکن شہری ہیں۔ وینا ملک نے نہ صرف مجھے دھوکہ دیا بلکہ دبئی حکومت کو بھی چکمہ دے کر بچوں کو پاکستان لے آئی، اب ان سب باتوں کا جواب کورٹ میں دینا ہوگا۔ دو امریکی شہری کس طرح دبئی سے پاکستان اسمگل ہو گئے، پاکستانی حکومت کہاں ہے؟

جس پر سابق اداکارہ و میزبان وینا ملک کہا کہ قانون اور شریعت کی رو سے25 ستمبر 2019 سے بچوں کی سرپرستی میرے پاس ہے۔

واضح رہے کہ وینا ملک نے 25 دسمبر 2013 کو اسد خٹک سے دبئی میں شادی کی تھی۔ ان کے دو بچے ہیں۔

وینا ملک کو سابق شوہر اسد خٹک کی جانب سے 50 کروڑ ہرجانے کا نوٹس

پاکستان شوبز انڈسٹری کی نامور اداکارہ بشریٰ انصاری کا کہنا ہے کہ روایات بدلتی ہیں بہت سارے رشتے بھی بدل جاتے ہیں سو ہم یہ کیسے کہہ سکتے ہیں کہ پہلے اور اب کے اداکاروں میں یہ فرق ہے۔

باغی ٹی وی : حال ہی میں اپنے سوشل میڈیا ویب سائٹ انسٹاگرام پر شیئر کی گئی ایک ویڈیو میں انہوں نے آج کے اور ماضی کے اداکاروں سے متعلق اپنے خیالات کا اظہار کیا ہے۔

بشریٰ انصاری نے کہا کہ مجھ سے پوچھا گیا ہے کہ پہلے کے اداکاروں اور آج کل کے اداکاروں میں کیا فرق ہے-

انہوں نے کہا کہ فرق تو زمانے میں ہر چیز کا ہوتا ہے ہم یہ نہیں کہہ سکتے کہ اس زمانے کے ڈیزائنر اچھے نہیں ہیں اور پرانے ڈیزائنرز اچھے تھے ہر وقت کے اپنے تقاضے ہوتے ہیں رویے اور ماحول ماحول بدل جاتے ہیں اور معاشی صورتحال بدلنے سے بھی بہت کچھ تبدیل ہوجاتا ہےجو کہ اب ہم دیکھ رہے ہیں۔

انہوں نے کہا کہ روایات بدلتی ہیں بہت سارے رشتے بھی بدل جاتے ہیں سو ہم یہ کیسے کہہ سکتے ہیں کہ پہلے اور اب کے اداکاروں میں یہ فرق ہے آپ کسی بھی شعبے سے تعلق رکھتے ہوں آپ کا ایسا پیشہ ورانہ رویہ اور کمٹمنٹ ضروری ہوتی ہے جس سے آپ کام نکھر کر سامنے آئے۔

ان کا مزید کہنا تھا کہ ویسے تو ہم سب کا زمانہ ساتھ چل رہا ہے لیکن یہ ضرور ہے کہ ہمارے وقت میں ہمیں نظم وضبط کی بہت عادت تھی اور ہم وقت کے بہت پابند تھے۔

خیال رہے کہ بشریٰ انصاری نے 50کی دہائی میں اپنے کیرئیر کا آغاز کیا تھا جس کے بعد انہوں نے مشہور کامیڈی ڈرامہ ’ففٹی ففٹی‘ میں بھی اداکاری کی تھی۔

ان کے مشہور ڈراموں میں آنگن ٹیڑھا، سیٹرڈے نائٹ لائیو، کچھ دل نے کہا، امراؤ جان ادا، مہرالنسا شامل ہیں۔

معروف ٹی وی اداکار شفیع محمد شاہ کو مداحوں سے بچھڑے 13 برس بیت گئے۔

باغی ٹی وی : 1949 میں سندھ کے شہر کنڈیارو میں پیدا ہونے والے شفیع محمد شاہ نے بین الاقوامی تعلقات میں ایم اے کے علاوہ قانون کی تعلیم بھی حاصل کی تھی اور 60 کی دہائی میں اپنے فنی سفر کا آغاز حیدر آباد ریڈیو سے کیا۔

اپنے وقت میں پی ٹی وی کے معروف پروڈیوسر اور ہدایت کار شہزاد خلیل نے ’اڑتا آسمان‘ نامی ڈرامے کے ذریعے شفیع محمد شاہ کو چھوٹی اسکرین پر متعارف کرایا۔

تاہم ’اڑتا آسمان‘ ان کی پہلی ہٹ سیریل تھی جس کے بعد انہوں نے پیچھے مڑ کر نہیں دیکھا اور اپنی جاندار اداکاری کے ذریعے ٹی وی کے سپر اسٹار کا درجہ حاصل کرلیا۔

30 برس کے فنی سفر کے دوران شفیع محمد شاہ نے 100 سے زائد اردو اور سندھی ڈراموں میں اپنی اداکاری کے جوہر دکھائے۔

ان کے مقبول ڈراموں میں ’آنچ‘، ’چاند گرہن‘،’زینت‘، ’دائرے‘، ’دیواریں‘، ’جنگل‘، ’ماروی‘،’تپش‘ اور’ لیلیٰ مجنوں‘ شامل ہیں۔

فنی خدمات کے اعتراف کے طور پر حکومت پاکستان کی جانب سے انہیں تمغۂ حسن کارکردگی کے اعزاز سے نوازاگیا۔ 2006 میں انہیں جگر کا عارضہ لاحق ہوا جس کی وجہ سے اداکار 2007 میں اپنے خالق حقیقی سے جا ملے-