پاکستان شوبز انڈسٹری کی نامور اداکارہ و ماڈل عائشہ عمر نے اپنے ایک انٹرویو میں انکشاف کیا کہ والدہ نے ہمارے تعلیمی اخراجات پورے کرنے کے لیے ٹیوشنز پڑھائیں ٹیچنگ کی اور یہاں تک کہ اسکول وین بھی چلائی اور پیسے جوڑ جوڑ کر ہمارے تعلیمی اخراجات پورے کیے۔

باغی ٹی وی : اداکارہ عائشہ عمر نے ایک انٹرویو میں اپنی زندگی کے بارے میں کھُل کر با ت کی اور بچپن کے مشکل ترین دنوں سے متعلق بتایا کہ جب میری عمر ڈیڑھ سال تھی تو والد کا انتقال ہوگیا تھا، جس کے بعد والدہ نے مجھے اور بھائی کو اکیلے پالا تھا-

اداکارہ نے بتایا کہ ہم نے بہت مشکل سال دیکھےہیں، جس وقت ابو کا انتقال ہوا اُس وقت امی جوان تھیں مگر انہوں نے ہماری خاطر بہت بڑی قربانی دی اور شادی نہیں کی اور والد کے انتقال کے فوراً بعد امی کراچی سے لاہور منتقل ہوگئیں تاکہ وہ ابو کی موت کے غم سے باہر آ سکیں-

عائشہ عمر نے بتایا کہ ہم دونوں بہن بھائیوں نے تعلیم بھی لاہور میں حاصل کیامی کا شروع سے صرف اسی ایک بات پر فوکس تھا کہ ہمیں اچھی تعلیم ملے امی نے ہمیں جس سکول میں داخلہ دلوایا وہاں کی فیس اور دیگر اخراجات بہت زیادہ تھے جو ہم برداشت نہیں کرسکتے تھے –
اداکارہ نے مزید بتایا کہ ہامرے تعلیمی اخراجات پورے کرنے کے لئے امی نے ٹیوشنز پڑھائیں ٹیچنگ کی اور یہاں تک کہ اسکول وین بھی چلائی پھر پیسے جوڑ جوڑ کر ہمارے تعلیمی اخراجات پورے کیے۔

انہوں نے بتایا کہ امی نے لاہور میں 12 سال اسکول وین چلائی تھی تب کہیں جا کر ہم دونوں بہن بھائیوں نے اچھی تعلیم حاصل کی۔

عائشہ عمر نے بتایا کہ امی ایک اسکول میں پڑھاتی تھیں اس کے علاوہ اور کچھ کرنے کے لیے اُن کے پاس وقت نہیں تھا اس لیے انہوں نے اُسی اسکول کے بچوں کو پک اینڈ ڈراپ کرنا شروع کردیا اور ایسےانہوں نے ہمارے تعلیمی اخراجات اور گھر کے خرچے پورے کیے۔

شادی سے متعلق پوچھے جانے والے ایک سوال کے جواب میں عائشہ عمر نے بتایا کہ اُن کی زندگی میں کوئی تھا جسے وہ پسند کرتی تھیں مگر اُس وقت والدہ اور بھائی کی ذمہ داری تھی تو اس لیے نہیں سوچا مگر اب فیملی شروع کرنے کے حوالے سے سوچ رہی ہیں۔

پاکستانی معروف پاپ گلوکار عالمگیر نے کڈنی ٹرانسپلانٹ کی کامیاب سرجری کروالی-

باغی ٹی وی :گلوکار عالمگیر کے فیس بک فین پیج پر گزشتہ روز ان کی اسپتال کے بستر پر لیٹے ہوئے ایک تصویر شیئر کی گئی جس میں وہ پُرامید اور مسکراتے ہوئے نظر آرہے ہیں۔

تصویر کے ساتھ پوسٹ میں عالمگیر کا پیغام بھی درج تھا جس میں انہوں نے اپنے کامیاب کڈنی ٹرانسپلانٹ کی خبردینے کے ساتھ انہوں نے مداحوں کی دعاؤں اور بھرپور حمایت کا شکریہ بھی ادا کیا۔

خیال رہے کہ عالمگیر میں 2004 میں گردوں کی بیماری کی تشخیص ہوئی تھی اور ان کے گردے تقریبا ناکارہ ہوگئے تھے جس کے باعث وہ کئی سال سے ڈائلاسز کے سہارے چل رہے تھے ڈاکٹرز نے انہیں ایک دہائی قبل ہی گردوں کے ٹرانسپلانٹ کا مشورہ دیا تھا مگر انہیں ان کے گروپ کے گردے نہیں مل رہے تھے۔

60 سالہ عالمگیر بیماری کے باعث ڈیڑھ دہائی قبل ہی امریکی ریاست جارجیا کے شہر ایٹلانٹا میں اہل خانہ کے پاس چلے گئے تھے اور ان کے ڈائلاسز سمیت دیگر علاج وہیں پر ہو رہا تھا۔

واضح رہے کہ عالمگیر نے پاکستان کی سب سے زیادہ سنیما گھروں میں نمائش ہونے والی ندیم اور شبنم کی سپر ہٹ فلم ’آئینہ‘ کے لیے گیت گائے تھے اور پاکستان میں پاپ گلوکاری کے بانی ہیں-

یاد رہے کہ رواں برس عالمگیر کے انتقال کی افواہ بھی سوشل میڈیا پر زیرگردش رہی تھی تاہم بشریٰ انصاری نے ایک ویڈیو شیئر کی تھی جس میں عالمگیر نے بات کرتے ہوئے خود ان افواہوں کو غلط قرارد یا تھا۔

گلوکار عالمگیر نے اپنی موت کی افواہوں کی ترید کر دی

پاکستان شوبز انڈسٹری کی معروف اداکارہ مدیحہ امام نے خواتین پر شادی کے لیے دباؤ کو پاکستانی سماج کی حقیقت قرار دیتے ہوئے کہا کہ پاکستانی معاشرے میں خواتین پر شادی کے لیے دباؤ رہتا ہے لڑکی کی عمر 29 سال تک ہوجاتی ہے تو ان کی جانب سے شادی نہ کیے جانے پر لوگ تعجب کا اظہار کرتے ہیں –

باغی ٹی وی : مدیحہ امام نے برطانوی نشریاتی ادارے بی بی سی کے ایشین نیٹ ورک سے فیس بک پر بات کرتے ہوئے پاکستانی معاشرے میں خواتین کی شادیوں اور ان کی ذاتی زندگی کو کنٹرول کرنے کے رجحانات پر بات کی۔

مدیحہ امام کا کہنا تھا کہ پاکستانی معاشرے میں لڑکی کی عمر 29 سال تک ہوجاتی ہے تو ان کی جانب سے شادی نہ کیے جانے پر لوگ تعجب کا اظہار کرتے ہیں اور اس سے قبل بار بار اس سے شادی سے متعلق پوچھا جاتا ہے۔

اداکارہ کا کہنا تھا کہ لڑکیوں سے شادی سے متعلق بار بار سوال کرنے کا تعلق امیر یا غریب طبقے سے نہیں اور نہ ہی اس کا تعلق تعلیم اور جہالت سے ہے بلکہ یہ معاملہ ہمارے سماج کا حصہ بن چکا ہے اور یہ ہمارے دادا اور دادی کے زمانے سے چلا آ رہا ہے پاکستانی معاشرے میں لڑکیوں کے جوان ہونے کے بعد ہی ان سے شادی سے متعلق سوال کیا جاتا ہے اور بعض مرتبہ تو لڑکیوں کو یہ بھی کہہ دیا جاتا ہے کہ ان کی عمر 29 سال ہوگئی اور انہوں نے تاحال شادی کیوں نہیں کی؟

اداکارہ نے خواتین پر شادی کے لیے دباؤ کو پاکستانی سماج کی حقیقت قرار دیا اور کہا کہ ہم اس سوچ اور رویے کو تبدیل کرنے کی ضرورت ہی محسوس نہیں کرتے، کیوں کہ ہمارے بڑوں کو لگتا ہے کہ یہی طریقہ درست ہے۔

مدیحہ امام نے ایک سوال کے جواب میں کہا کہ پاکستانی معاشرے میں ایسے لڑکے بھی موجود ہیں جو خود سے زیادہ کمائی کرنے والی لڑکی سے شادی نہیں کرتے اور وہ سوچتے ہیں کہ لڑکی ان سے زیادہ پیسے کما رہی ہے، اس لیے وہ ان کے لیے نہیں-

مدیحہ امام نے کہا کہ معاشرے میں پائی جانے والی ایسی روایات کو ڈراموں اور فلموں کے ذریعے بدلنے کی ضرورت ہے اور اس ضمن میں کچھ کام ہوا ہے اور اس کے بہتر نتائج بھی ملے ہیں۔

اداکارہ کے مطابق مہرین جبار نے ’ایک جھوٹی سی لو اسٹوری‘ میں بھی لڑکیوں کی شادی سے متعلق معاشرے میں پائی جانے والی سوچ کو تبدیل کرنے کی کوشش کی۔

خیال رہے کہ ’ایک جھوٹی سی لو اسٹوری‘ کو گزشتہ ماہ 30 اکتوبر کو ویب اسٹریمنگ ویب سائٹ ’زی فائیو‘ پر ریلیز کیا گیا تھا۔

ویب سیریز کی کہانی عمارہ احمد نے لکھی ہے جب کہ اس میں مدیحہ امام اور بلال عباس خان نے مرکزی کردار دا کیا تھا۔

ویب سیریز کی کہانی متوسط گھرانے کے افراد کے گرد گھومتی ہے جو سماجی دباؤ کے تحت سوشل میڈیا کا استعمال کرکے سچا پیار تلاش کرنے سمیت خود سے امیر لوگوں کو ڈھونڈنے کی کوشش کرتے ہیں۔

ویب سیریز میں پاکستانی معاشرے میں شادی، محبت، متوسط اور امیر طبقوں میں پائی جانے والی تفریق اور چھوٹے گھرانوں کی لڑکیوں اور لڑکوں کی جانب سے خود سے بڑے اور دولت مند گھرانوں کے جنس مخالف کے افراد سے محبت کرنے کے معاملے کو انتہائی احسن انداز میں دکھایا گیا ہے۔

بلال عباس خان بھارتی ہدایت کار کے ساتھ کام کرنے کے خواہشمند

پاکستان ڈرامہ انڈسٹری کی معروف اداکارہ، کمپئیر اور کئی کتابوں کی مصنفہ ڈاکٹر ہما میر نے اپنی سالگرہ کے موقع پر خود کو بطور گلوکارہ متعارف کرادیا۔

باغی ٹی وی :تفصیلات کے مطابق اداکارہ و مصنفہ ڈاکٹر ہما میر نے اپنی سالگرہ کے موقع پر گلوکاری کے میدان میں قدم رکھ دیا اور فلم ارمان کا سدا بہار گیت اکیلے نہ جانا کو گا کر سب کو حیران کر دیا ہما میر کے گائے گئے گانے کو سب نے بے حد پسند کیا –

انہوں نے گلوکاری سہکھنے کے لئے موسیقی کے نامور استاد محمود علی خان کی شاگردگی اختیار کی ہے-

اس موقع پر آرٹس کونسل کے سربراہ احمد شاہ، جنرل سیکریٹری پروفیسر اعجاز فاروقی اور گورننگ باڈی کے دیگر اراکین بھی موجود تھے۔

ڈاکٹر ہما میر نے تالیوں کی گونج میں سالگرہ کا کیک بھی کاٹا اس موقع پر ڈاکٹر ہما میر کا کہنا تھا کہ میں نے فنون کی مختلف اصناف میں اپنی صلاحیتوں کا اظہار کیا۔

اداکاری اور کمپیئرنگ کے بعد بطور لکھاری تین چار کتابیں شائع کیں اور اب گائیکی کے میدان میں قدم رکھ دیا ہے امید ہے مداح میری گائیکی کو بھی پسند کریں گے۔