Category: کھیل

لاہور: پاکستان کرکٹ بورڈ (پی سی بی) نے جیسن گلیسپی کا استعفیٰ قبول کر کے عاقب جاوید کو ریڈ بال کا عبوری ہیڈ کوچ مقرر کردیا۔

باغی ٹی وی: اس سے قبل جیسن گلیسپی نے پی سی بی کی جانب سے اسسٹنٹ کوچ ٹِم نیلسن کے معاہدے کی توسیع نہ کرنے پر عہدہ چھوڑنے کا فیصلہ کیا تھاٹِم نیلسن کے معاہدے کی میعاد گزشتہ ماہ دورہ آسٹریلیا کے بعد پوری ہوگئی تھی ان کو رواں برس اگست میں ہائی پرفارمنس ریڈ بال کوچ تعینات کیا گیا تھا۔

اسسٹنٹ کوچ نے بتایا کہ پی سی بی نے انہیں مطلع کیا ہے کہ ادارے کو اب ان کی خدمات کی مزید ضرورت نہیں ہے جیسن گلیسپی نے بورڈ کو بتایا کہ ان کا جنوبی افریقا نہ جانے کا فیصلہ ذاتی وجوہات کی بنا پر ہے ان کو کل یعنی بروز جمعہ پری ٹیسٹ کیمپ کے لیے جنوبی افریقا پہنچنا تھا ٹِم نیسلن کے متعلق فیصلہ کرتے وقت بورڈ نے ان سے مشورہ نہیں کیا جس سے ان کے بورڈ پر عدم اعتماد میں مزید اضافہ ہوا۔

واضح رہے جیسن گلیسپی انتظامیہ میں ہونے والی حالیہ تبدیلیوں سے مطمئن نہیں تھے اکتوبر میں انہیں ٹیسٹ ٹیم کے سلیکشن پینل سے ہٹا کر ان کا کردار ’میچ-ڈے اسٹریٹجسٹ‘ تک محدود کر دیا گیا تھا۔

جنوبی افریقا نے پاکستان کے خلاف تین میچز پر مشتمل ون ڈے سیریز کے لیے 15 رکنی اسکواڈ کا اعلان کر دیا ہے۔

باغی ٹی وی: کرکٹ ویب سائٹ کے مطابق جنوبی افریقا ٹیم کی قیادت ٹیمبا بووما کریں گے، میزبان ٹیم نے ون ڈے سیریز کے لیے اپنے سب سے مضبوط اسکواڈ کا انتخاب کیا ہے کاگیسو ربادا، ہینرک کلاسن، ڈیوڈ ملر، کیشو مہاراج اور تبریز شمسی کی ون ڈے اسکواڈ میں واپسی ہوئی ہے جبکہ 18 سالہ فاسٹ باؤلر کفوینا مافاکا کو بھی اسکواڈ کا حصہ بنایا گیا ہے جو ون ڈے میں اپنا ڈیبیو کریں گے پاکستان اور جنوبی افریقا کے درمیان سیریز کا پہلا میچ 17 دسمبر کو کھیلا جائے گا جبکہ آخری ون ڈے 22 دسمبر کو ہوگا۔

اسکواڈ :
ٹیمبا باوما (کپتان)، اوٹنیل بارٹمین، ٹونی ڈی زورزی، مارکو جانسن، ہینرک کلاسن (وکٹ کیپر)، کیشو مہاراج، کوینا مافاکا، ایڈن مارکرم، ڈیوڈ ملر، اینڈائل، کاگیسو ربادا، ٹریسٹان اسٹبس، ریان رکیلٹن، تبریز شمسی اور ریسی وین دیر ڈیسن۔

دوسری جانب پاکستان اور جنوبی افریقہ کے درمیان ٹیسٹ سیریز کے لیے قومی ٹیم کل جونسبرگ کے لیے روانہ ہو گی لاہور اور کراچی کے قومی کھلاڑی بذریعہ دبئی فلائٹ سے جوہانسبرگ جائیں گے قومی ٹیم کے کپتان شان مسعود، محمد عباس، عامر جمال اور نائب کپتان سعود شکیل ٹیسٹ اسکواڈ کا حصہ ہوں گے۔

خرم شہزاد، میر حمزہ، نعمان علی اور حسیب اللہ بھی ٹیسٹ سیریز کے لیے جنوبی افریقہ روانہ ہوں گےہیڈ کوچ قومی ٹیسٹ ٹیم جیسن گلیسپی بھی کل بروز جمعہ جنوبی افریقہ جائیں گے،ٹیسٹ سیریز سے قبل جنوبی افریقہ میں قومی کھلاڑی پریکٹس سیشن میں حصہ لیں گے، پاکستان اور جنوبی افریقہ کے درمیان پہلا ٹیسٹ 26 دسمبر سے سینچورین میں ہو گا، سیریز کا دوسرا اور آخری ٹیسٹ میچ 3 جنوری سے کیپ ٹاؤن میں کھیلا جائے گا۔

علاوہ ازیں پاکستان کرکٹ بورڈ (پی سی بی) کی جانب سے معاہدے میں توسیع نہ کرنے کے باعث ہائی پرفارمنس ریڈ بال کوچ ٹم نیلسن کا پاکستانی ٹیم کے ساتھ سفر ختم ہو گیاٹم نیلسن کو ریڈ بال ہیڈ کوچ جیسن گلیسپی اپنے ساتھ لائے تھے جنوبی افریقہ کے خلاف ٹیسٹ سیریز کے لیے ان کے معاہدے میں توسیع نہیں کی گئی۔

کرکٹ ویب سائٹ سے گفتگو کے دوران ٹم نیلسن کا کہنا تھا کہ توسیع ملنے کا انتظار کر رہا تھا۔ اور ہم اچھے انداز سے آگے بڑھ رہے تھے جنوبی افریقہ اور ویسٹ انڈیز کے خلاف سیریز کے لیے بھی تیار تھے لیکن پی سی بی نے بتایا ہے کہ آپ کی مزید خدمات درکار نہیں ہیں، ٹم نیلسن کی اگست میں ٹیسٹ ٹیم کے ساتھ تقرری ہوئی تھی-

سعودی عرب کو 2034 میں فٹ بال ورلڈ کپ کی میزبانی ملنے کے بعد سعودی ولی عہد شہزادہ محمد بن سلمان نے اس اہم موقع پر اپنے خیالات کا اظہار کیا ہے۔ انہوں نے کہا کہ "ہم خواب نہیں دیکھ رہے، ہم ایک حقیقت کے بارے میں سوچ رہے ہیں جو سچ ہو گی۔” ان کے اس بیان سے سعودی عرب کی عزم و ارادے کی عکاسی ہوتی ہے کہ ملک نہ صرف عالمی سطح پر فٹ بال کے کھیل کو فروغ دے گا، بلکہ اس کے ذریعے محبت، امن اور رواداری کے پیغامات کو بھی دنیا بھر میں پھیلائے گا۔

شہزادہ محمد بن سلمان نے مزید کہا کہ سعودی عرب کا مقصد عالمی سطح پر فٹ بال کی مقبولیت کو بڑھانا ہے، اور اس کے ذریعے نوجوانوں میں کھیلوں کی روح کو بیدار کرنا ہے۔ ان کا کہنا تھا کہ "ہمیں یقین ہے کہ فٹ بال ورلڈ کپ 2034 سعودی عرب کے لیے ایک سنگ میل ثابت ہو گا، جو نہ صرف ہمارے ملک کی ترقی کی علامت ہو گا بلکہ عالمی سطح پر امن، رواداری اور باہمی تعاون کو فروغ دینے کا بھی ایک وسیلہ بنے گا۔”

سعودی ولی عہد نے عالمی فٹ بال کمیونٹی سے بھی تعلقات کے حوالے سے بات کی اور کہا کہ سعودی عرب دنیا کے تمام فٹ بال کے شائقین کو اپنے ملک میں خوش آمدید کہے گا۔ ان کا کہنا تھا کہ "ہماری کوشش ہو گی کہ ہم عالمی فٹ بال کی دنیا کو ایک نیا تجربہ فراہم کریں، جہاں محبت، احترام اور ثقافت کی قدر کی جائے۔” سعودی عرب کی میزبانی کی تیاریوں کے حوالے سے شہزادہ محمد بن سلمان نے مزید کہا کہ ملک میں جدید اسٹیڈیمز، بہترین انفراسٹرکچر اور عالمی معیار کی سہولتیں فراہم کی جائیں گی۔

سعودی عرب کو 2034ء کے فٹ بال ورلڈ کپ کی میزبانی فیفا کی کونسل کے اجلاس میں دی گئی۔ اس فیصلے کے بعد سعودی عرب قطر کے بعد فٹ بال ورلڈ کپ کی میزبانی کرنے والا دوسرا مسلمان ملک بن گیا ہے۔ سعودی عرب کی اس میزبانی کو عالمی سطح پر ایک اہم قدم کے طور پر دیکھا جا رہا ہے کیونکہ یہ عرب اور اسلامی دنیا کے لیے ایک تاریخی موقع ہے۔

سعودی عرب کی فٹ بال ورلڈ کپ 2034ء کی میزبانی نے عالمی سطح پر اس کی اہمیت اور اثر و رسوخ میں مزید اضافہ کر دیا ہے۔ سعودی ولی عہد محمد بن سلمان کی قیادت میں ملک نے اپنے آپ کو عالمی کھیلوں کے نقشے پر ایک اہم کھلاڑی کے طور پر قائم کیا ہے۔ اس فیصلے کے بعد سعودی عرب میں کھیلوں کے شعبے میں مزید سرمایہ کاری اور ترقی کی توقع کی جا رہی ہے۔

سعودی ولی عہد نے اس بات پر بھی زور دیا کہ سعودی عرب کھیلوں کے شعبے میں اپنی حکمت عملی کو آگے بڑھانے کے لیے پرعزم ہے۔ سعودی عرب کے ویژن 2030 کے تحت کھیلوں، تفریح، اور ثقافت کے شعبوں میں سرمایہ کاری کی جا رہی ہے تاکہ نہ صرف عالمی سطح پر سعودی عرب کی ساکھ مضبوط ہو بلکہ ملک میں نوجوانوں کو ایک نیا رخ دینے کے لیے بھی اقدامات کیے جا سکیں۔

ہوٹل میں غیر اخلاقی سرگرمیاں،خواتین سمیت 9 ملزمان گرفتار

نواز ، زرداری،گیلانی کیخلاف توشہ خانہ ریفرنس سپیشل جج سنٹرل کو بھیج دیا گیا

غیر متعلقہ شخص کو ڈسپلن کے نیچے لانا آرٹیکل 8 کی خلاف ورزی نہیں؟جسٹس مندوخیل