Baaghi TV

Category: کھیل

  • چیمپئنز ٹرافی: زخم سہہ لیں گے لیکن اس بار توہین برداشت نہیں کریں گے،محسن نقوی

    چیمپئنز ٹرافی: زخم سہہ لیں گے لیکن اس بار توہین برداشت نہیں کریں گے،محسن نقوی

    لاہور: چئیرمین پی سی بی محسن نقوی نے چیمپئنز ٹرافی سے متعلق آئی سی سی کو واضح پیغام بھیج دیا۔

    باغی ٹی وی : ذرائع کے مطابق چئیرمین پی سی بی نے پاکستانی موقف آئی سی سی آفیشلز کے سامنے رکھ دیا،چیئرمین پی سی بی محسن نقوی نے چیمپئنز ٹرافی کے حوالے سے اہم اجلاس سے قبل آئی سی سی کے عہدیداروں سے بات چیت کی اور اپنے انہیں واضح کردیا۔

    آئی سی سی کے عہدیداروں کو چئیرمین پی سی بی نے پاکستان کے واضح مؤقف سے آگاہ کر دیا اور دوٹوک پیغام دیا کہ پاکستان اپنے مؤقف پر واضح انداز میں کھڑا ہے،انہوں نے واضح پیغام دیا ہے کہ ہم زخم سہہ لیں گے لیکن اس بار توہین برداشت نہیں کریں گے۔

    دوسری جانب انٹرنیشنل کرکٹ کونسل نے پاکستان میں ہونے والی آئی سی سی چیمپئنز ٹرافی 2025 کے مستقبل پر غور کے لیے 29 نومبر کو بورڈ میٹنگ بلالی ہے، آئی سی سی کے ترجمان نے تصدیق کی ہے کہ یہ میٹنگ آن لائن منعقد ہوگی اور تمام بورڈ ممبران کو ایجنڈا بھیج دیا گیا ہے۔

    ذرائع کے مطابق میٹنگ کے دوران چیمپئنز ٹرافی کے شیڈولنگ اور مستقبل پر غور کیا جائے گا، اجلاس میں چیمپئنز ٹرافی پر مختلف آپشنز پر تبادلہ خیال کیا جائے گاان آپشنز میں چیمپئنز ٹرافی کا ہائبرڈ ماڈل، پاکستان سے مکمل منتقلی، یا ٹورنامنٹ کا التوا شامل ہیں،بورڈ کی ترجیح چیمپئنز ٹرافی کے لیے ہائبرڈ ماڈل کو اپنانا ہے، تاہم پاکستان کرکٹ بورڈ پہلے ہی اس ماڈل کی مخالفت کرچکا ہے بورڈ اراکین کی رائے اور تجاویز کو مدنظر رکھتے ہوئے چیمپئنز ٹرافی کے پر آئی سی سی کوئی حتمی فیصلہ کرے گا۔

  • تیسرا ون ڈے:زمبابوے کو شکست،پاکستان نےسیریز 1-2 سےجیت لی

    تیسرا ون ڈے:زمبابوے کو شکست،پاکستان نےسیریز 1-2 سےجیت لی

    بلا وائیو: تیسرے اور آخری ون ڈے میچ میں پاکستان نے زمبابوے کو 99 رنز سے شکست دے کر سیریز 1-2 سےجیت لی۔

    باغی ٹی وی: بلاوائیو میں کھیلے گئے میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا، قومی ٹیم نے مقررہ 50 اوورز میں6 وکٹوں کے نقصان پر 303 رنز اسکور کیےاور میزبان ٹیم کو 304 رنز کا ہدف دیا-

    پاکستان کی جانب سے کامران غلام نے 99 گیندوں پر سنچری اسکور کی، وہ 103 رنز بناکر نمایاں رہے،صائم ایوب نے 31، عبداللہ شفیق نے 50، محمد رضوان نے 37، سلمان علی آغا 30 اور عرفان خان 3 رنز بناکر پویلین لوٹے،طیب طاہر اور عامر جمال بالترتیب 29 اور 5 رنز بناکر ناٹ آؤٹ رہے۔

    304 رنز کے ہدف کے جواب میں زمبابوے کی ٹیم 204 رنز بنا کر آؤٹ ہوگئی، میزبان ٹیم کے کریگ ایروین 51 اور برین بیننٹ 37 رنز بناکر نمایاں رہے، تاڈیواناشے اور سین ولیمز نے 24 ، 24 رنز بنائےپاکستان کی جانب سے سلمان آغا اور ابرار احمد نے 2 ،2 کھلاڑیوں کو آؤٹ کیا، حارث رؤف اور عامر جمال نے بھی 2 ،2 وکٹیں حاصل کیں، فیصل اکرام اور کامران غلام نے ایک ایک وکٹ لی۔

  • چیمپئنز ٹرافی ،پاکستان نے اپنا مؤقف آئی سی سی کو بتا دیا

    چیمپئنز ٹرافی ،پاکستان نے اپنا مؤقف آئی سی سی کو بتا دیا

    پاکستان کرکٹ بورڈ (پی سی بی) نے چیمپئنز ٹرافی کے پاکستان میں انعقاد کے حوالے سے اپنا موقف انٹرنیشنل کرکٹ کونسل (آئی سی سی) کے سامنے واضح کر دیا ہے۔ ذرائع کے مطابق پی سی بی نے آئی سی سی سے اس معاملے پر براہ راست رابطہ کیا ہے اور چیمپئنز ٹرافی کے انعقاد کے حوالے سے اپنی درخواست پیش کی ہے۔

    پی سی بی نے آئی سی سی کو اپنے موقف سے آگاہ کرتے ہوئے کہا ہے کہ چیمپئنز ٹرافی کو پاکستان میں منعقد کرنے کا فیصلہ کر لیا گیا ہے اور اس کے لئے کوئی متبادل تجویز یا نیوٹرل وینیو کی بات تسلیم نہیں کی جائے گی۔ پاکستان کرکٹ بورڈ نے یہ بھی مطالبہ کیا ہے کہ چیمپئنز ٹرافی کے انعقاد کے لئے ایک قابل قبول فارمولا آئی سی سی کی میٹنگ سے پہلے فراہم کیا جائے۔ذرائع کے مطابق پاکستان نے آئی سی سی کو واضح طور پر بتایا کہ اگر بھارت کے ساتھ نیوٹرل وینیو پر میچ کھیلنے کا کوئی فارمولا تیار کیا گیا تو پاکستان کبھی بھی بھارت جا کر کرکٹ نہیں کھیلے گا۔ پی سی بی نے اس بات کا بھی اعادہ کیا کہ بھارتی ہٹ دھرمی کی وجہ سے چیمپئنز ٹرافی کے انعقاد میں تاخیر ہو رہی ہے اور آئی سی سی کے اس معاملے پر واضح موقف کی ضرورت ہے۔

    اس صورتحال کی وجہ سے آئی سی سی چیمپئنز ٹرافی کے نئے شیڈول کا اعلان نہیں کر پا رہا، جس کے باعث براڈکاسٹرز کو بھی شدید پریشانی کا سامنا ہے۔ ان کا کہنا ہے کہ اس تاخیر کے نتیجے میں انہیں کروڑوں ڈالرز کے نقصان کا خدشہ ہے، کیونکہ اس ایونٹ کے بریکنگ نیوز اور نشرنگ کے انتظامات پہلے ہی ہو چکے ہیں۔

    خیال رہے کہ بھارت چیمپئنز ٹرافی کے لیے پاکستان آنے سے انکار کر چکا ہے، جس کے بعد پی سی بی نے چیمپئنز ٹرافی کے کسی اور جگہ منتقلی یا ہائبرڈ ماڈل کے فارمولے کو مکمل طور پر مسترد کر دیا ہے۔ اس پس منظر میں اب یہ معاملہ آئی سی سی کے پاس ہے اور پاکستان کرکٹ بورڈ آئی سی سی کے جواب کا انتظار کر رہا ہے۔پاکستان کرکٹ بورڈ کے اس موقف کے بعد یہ واضح ہو گیا ہے کہ پاکستان چیمپئنز ٹرافی کے پاکستان میں انعقاد کے لیے پرعزم ہے، اور بھارت کے ساتھ میچز کے معاملے میں نیوٹرل وینیو کی بات کو مکمل طور پر مسترد کر رہا ہے۔اب دیکھنا یہ ہے کہ آئی سی سی اس معاملے پر کب تک کوئی فیصلہ کرتی ہے اور چیمپئنز ٹرافی کے انعقاد کا مستقبل کیا ہو گا۔

  • تیسرا ون ڈے، پاکستان کا زمبابوے کو 304 رنز کا ہدف

    تیسرا ون ڈے، پاکستان کا زمبابوے کو 304 رنز کا ہدف

    پاکستان اور زمبابوے کے درمیان کھیلے جانے والے تیسرے اور آخری ایک روزہ میچ میں پاکستان نے زمبابوے کو جیت کے لیے 304 رنز کا ہدف دے دیا۔ اس میچ میں پاکستان نے ٹاس جیت کر بیٹنگ کا فیصلہ کیا اور مقررہ 50 اوورز میں چھ وکٹوں کے نقصان پر 303 رنز اسکور کیے۔

    پاکستان کی اننگز کا آغاز مضبوط تھا اور کامران غلام نے شاندار بیٹنگ کا مظاہرہ کیا۔ کامران غلام نے 99 گیندوں پر ایک شاندار سنچری اسکور کی اور 103 رنز کے ساتھ ٹیم کے سب سے بڑے اسکورر بنے۔ ان کی اننگز میں 9 چوکے اور 2 چھکے شامل تھے۔ کامران کی یہ سنچری پاکستانی ٹیم کے لیے حوصلے کا باعث بنی اور انہوں نے ٹیم کو مضبوط پوزیشن میں پہنچایا۔اس کے علاوہ، عبداللہ شفیق نے 50 رنز کی ایک اہم اننگز کھیلی اور صائم ایوب نے 31 رنز بنائے۔ محمد رضوان نے 37 رنز بنائے اور سلمان علی آغا نے 30 رنز کی مدد سے پاکستان کے اسکور کو بڑھایا۔پاکستان کے دیگر کھلاڑیوں میں عرفان خان صرف 3 رنز بنا کر آؤٹ ہوئے، جب کہ طیب طاہر اور عامر جمال بالترتیب 29 اور 5 رنز بنا کر ناٹ آؤٹ رہے۔

    پاکستان نے آخری اوورز میں اپنی رفتار تیز کی، جس کی بدولت 300 رنز کا ہندسہ عبور کیا۔ اس کے باوجود، زمبابوے کے لیے 304 رنز کا ہدف آسان نہیں ہوگا، اور انہیں اس میچ میں کامیابی کے لیے شاندار بیٹنگ کی ضرورت ہوگی۔

    واضح رہے کہ تین میچز کی سیریز کا اس وقت ایک ایک سے برابر ہے، اور آج کا میچ فیصلہ کن ہے۔ پاکستان کی ٹیم نے اس میچ میں اچھا مجموعہ اسکور کیا ہے، اور اب زمبابوے کو یہ ہدف حاصل کرنے کے لیے بہترین کھیل پیش کرنا ہوگا۔

    قبل ازیں پاکستان نے زمبابوے کے خلاف تیسرے ایک روزہ میچ میں ٹاس جیت کر بیٹنگ کا فیصلہ کیا،تیسرے اور آخری ایک روزہ میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا ہے۔ اس میچ میں میزبان ٹیم زمبابوے پہلے بولنگ کرے گی۔ٹاس کے بعد قومی ٹیم کے کپتان نے میڈیا سے بات کرتے ہوئے کہا کہ "ہم ینگ ٹیلنٹ کو موقع دے رہے ہیں تاکہ چیمپئنز ٹرافی کی تیاری میں مدد مل سکے۔ ٹیم میں کوئی تبدیلی نہیں کی گئی ہے۔”دوسری جانب زمبابوے کے کپتان نے کہا کہ "اگر ہم ٹاس جیتتے تو پہلے بولنگ کرتے، تاہم ہم سیریز جیتنے کی پوری کوشش کریں گے۔”

    یہ تین میچز کی سیریز اس وقت 1-1 سے برابر ہے، اور اس میچ کا نتیجہ سیریز کے فاتح کا فیصلہ کرے گا۔

    پاکستانی ٹیم میں صائم ایوب، عبداللّٰہ شفیق، کامران غلام، محمد رضوان، سلمان آغا، طیب طاہر، عرفان نیازی، عامر جمال، حارث روف، فیصل اکرم اور ابرار احمد شامل ہیں۔

  • چیمپئنز ٹرافی کے حوالے سے قوم کو مایوس نہیں کریں گے،محسن نقوی

    چیمپئنز ٹرافی کے حوالے سے قوم کو مایوس نہیں کریں گے،محسن نقوی

    قذافی سٹیڈیم اپ گریڈیشن پراجیکٹ کا مجموعی طور پر 70 فیصد کام مکمل ہو گیا

    انکلوژرز کے سٹیپ کی تعمیر تیز،مین بلڈنگ کے فلورز مکمل، پویلین و باکسز کا کام آخری مرحلے میں داخل ہو گیا،چئیرمین پاکستان کرکٹ بورڈ محسن نقوی نے رات گئے قذافی سٹیڈیم کا تفصیلی دورہ کیا،چئیرمین پی سی بی محسن نقوی نے نئے تعمیر کردہ سٹیپ کا معائنہ کیا،چئیرمین پی سی بی محسن نقوی نے آخری سٹیپ پر کھڑے ہو کر سٹیڈیم کے ویو کا مشاہدہ کیا،چئیرمین پی سی بی محسن نقوی نےکام کی رفتار پر اطمینان کا اظہار کیا،چئیرمین پی سی بی محسن نقوی نے پراجیکٹ پر پیش رفت کا جائزہ لیا،چئیرمین پی سی بی محسن نقوی نے مین بلڈنگ اور انکلوژرز میں جاری تعمیراتی کاموں کا معائنہ کیا

    اس موقع پر چیئرمین پی سی بی محسن نقوی کا کہنا تھا کہ منصوبے پر تیزی سے پیش رفت ہو رہی ہے۔ تعمیراتی کاموں میں اعلی معیار کو یقینی بنایا جا رہا ہے۔ چیمپئنز ٹرافی ٹورنامنٹ سے قبل دسمبر کے آخری ہفتے تعمیر مکمل ہو جائے گی۔ محسن نقوی کا مزید کہنا تھا کہ یہ نہیں ہوسکتا کہ پاکستانی ٹیم بھارت جاکر کھیلے اور بھارتی ٹیم پاکستان نہ آئے، ہائبرڈ ماڈل پر فیصلہ ووٹس پر ہونے کی صورت میں حکومت سے مشورہ کرکے آئی سی سی کو آگاہ کریں گے، آئی سی سی سے مشاورت جاری ہے، اچھا نتیجہ سامنے آئے گا، چیمپئنز ٹرافی 2025 پاکستان میں ہی ہوگی، آئی سی سی سے مسلسل رابطے میں ہیں، آئی سی سی بورڈز میٹنگ میں پاکستان کے حق میں فیصلہ نہ ہونے کی صورت میں حکومت سے گائیڈ لائن لے کر پاکستان کے بہترین مفاد میں فیصلہ کریں گے، چیمپئنز ٹرافی کے حوالے سے قوم کو مایوس نہیں کریں گے، وعدہ ہے کہ جو ہوگا وہ پاکستان کی بہتری کے لیے ہوگا،ہآئی سی سی چیمپئنز ٹرافی میں پاکستان کی بہترین ٹیم لے کر میدان میں اتریں گے، کرکٹ کی ترقی کے لیے کام کررہے ہیں، چیمپئنزٹرافی کے لیے تیاریاں مکمل ہیں، پاکستان کرکٹ کے لیے اچھا وقت آرہا ہے۔

    چئیرمین پی سی بی محسن نقوی نے منصوبے کی بروقت تکمیل کے لیے متعلقہ حکام کو ہدایات دیں،ایف ڈبلیو او کے پراجیکٹ ڈائریکٹر نے منصوبے پر ہونے والی پیش رفت کے بارے میں بریفنگ دی، ڈائریکٹرز انفراسٹرکچر۔ ڈومیسٹک کرکٹ۔ نیسپاک۔ ایف ڈبلیو او کے حکام بھی اس موقع پر موجود تھے

  • چیئمپنز ٹرافی: ہائبرڈ ماڈل کے تحت کرانے کا پلان سامنے آگیا

    چیئمپنز ٹرافی: ہائبرڈ ماڈل کے تحت کرانے کا پلان سامنے آگیا

    آئی سی سی چیمپئنز ٹرافی 2025 ہائبرڈ ماڈل کے تحت کروانے کی صورت میں ٹورنامنٹ کے 10 میچز اور ایک سیمی فائنل پاکستان میں جب کہ بھارت کے میچز اور ایک سیمی فائنل متحدہ عرب امارات میں کرانے کا پلان ہے۔

    میڈیا رپورٹس کے مطابق انٹرنیشنل کرکٹ کونسل کا اجلاس 29 نومبر کو طلب کیا گیا ہے، پاکستان کرکٹ بورڈ (پی سی بی) نے آئی سی سی اجلاس کے لیے تیاری شروع کردی ہے۔ آئی سی سی کی جانب سے پی سی بی کو اگر ہائبرڈ ماڈل کے لیے مجبور کیا گیا تو بورڈ حکومت سے اجازت طلب کرے گا تاہم ابھی تک پاکستان کرکٹ بورڈ کا ہائبرڈ ماڈل قبول کرنے کا کوئی ارادہ نہیں ہے۔ بھارتی کرکٹ بورڈ ( بی سی سی آئی) جے شاہ کی آئی سی سی میں انٹری سے قبل تنازع کا حل چاہتا ہے جس کے لیے آئی سی سی نے چیمپئنز ٹرافی کے حوالے سے بورڈ میٹنگ 29 نومبر کو طلب کر رکھی ہے۔ آئی سی سی اور بی سی سی آئی نے چیمپئنز ٹرافی 2025 ہائبرڈ ماڈل کروانے کی صورت میں پی سی بی کو مالی فائدہ پہنچانے کا بھی پلان تیار کرلیا ہے۔ آئی سی سی نے ہائبرڈ ماڈل کے لیے پلان بھی تیار کیا ہوا ہے جس کے تحت ٹورنامنٹ کے 10 میچز اور ایک سیمی فائنل پاکستان میں کرانے کا پلان ہے جب کہ بھارت کے میچز اور ایک سیمی فائنل یو اے ای میں ہوگا۔آئی سی سی کے پلان کے مطابق اگر بھارت فائنل میں نہیں پہنچا تو فائنل پاکستان میں ہوگا تاہم بھارت کے فائنل میں پہنچنے کی صورت میں ٹورنامنٹ کا فائنل متحدہ عرب امارات میں ہوگا۔ہائبرڈ ماڈل ہونے کی صورت میں تمام اضافی اخراجات آئی سی سی اور بی سی سی آئی اٹھائے گا۔یاد رہے کہ آئی سی سی ون ڈے ورلڈکپ 1996 اور 2008 کے ایشیا کپ کے بعد پاکستان کو ایک عرصے بعد پہلی بار چیمپئنز ٹرافی کی میزبانی ملی ہے، جس کے تمام میچز اگلے سال 19 فروری سے 19 مارچ تک پاکستان کے تین بڑے شہروں کراچی، لاہور اور راولپنڈی میں کھیلے جائیں گے۔بھارت نے ایشیا کپ 2008 کے بعد سے پاکستان میں کوئی میچ نہیں کھیلا، جبکہ 13-2012 میں پاکستان کے دورہ بھارت کے بعد سے دونوں ممالک کے درمیان کوئی دو طرفہ سیریز بھی نہیں کھیلی گئی ہے۔گزشتہ سال بھی ایشیا کپ کی میزبانی پاکستان کو ملی تھی لیکن بھارت نے پاکستان آنے سے صاف انکار کردیا تھا جس کے بعد ہائبرڈ ماڈل کے تحت بھارت کے تمام میچز سری لنکا میں شیڈول کیے گئے تھے، جہاں کولمبو میں کھیلے گئے فائنل میں بھارت نے آسانی سے سری لنکا کو شکست دے کر ٹائٹل اپنے نام کرلیا تھا۔پاکستان اس چیمپئنز ٹرافی میں دفاعی چیمپئن کے طور پر شریک ہوگا، آخری بار چیمپئنز ٹرافی 2017 میں ہوئی تھی جو پاکستان نے سرفراز احمد کی قیادت میں جیتی تھی۔

    فضل الرحمان کی اسلام آباد میں پرتشدد واقعات کی مذمت

    ایف آئی اے چھاپہ، مینیجر سمیت 2 ملزمان گرفتار

    جلا ہوا پی ٹی آئی کا کنٹینر لوگ دیکھنے پہنچ گئے

    3 دن میں اسلام آباد آنے والے 3 منٹ میں بھاگ گئے، ناصر حسین شاہ

  • اسلام آباد میں احتجاج: سری لنکا اے کے پاکستان میں باقی 2 ون ڈے میچز ملتوی

    اسلام آباد میں احتجاج: سری لنکا اے کے پاکستان میں باقی 2 ون ڈے میچز ملتوی

    لاہور: پاکستان کرکٹ بورڈ (پی سی بی) نے وفاقی دار الحکومت اسلام آباد میں احتجاج کے باعث سری لنکا اے ٹیم کے پاکستان میں باقی 2 ون ڈے میچز ملتوی کردیئے ہیں-

    باغی ٹی وی : پاکستان کرکٹ بورڈ کے مطابق وفاقی دارالحکومت میں سیاسی سرگرمیوں کے باعث پاکستان شاہینز اور سری لنکا اے سیریز کے50 اوور کے آخری 2 میچز ملتوی کر دیئے گئے ہیں ، آخری 2 میچ بدھ اور جمعے کو راولپنڈی کرکٹ اسٹیڈیم میں شیڈول تھے، دونو ں بورڈز سیریز کو مکمل کرنے کے لیے نئی تاریخوں کو حتمی شکل دینے کے لیے تعاون کریں گے۔

    واضح رہے کہ گزشتہ روز کھیلے جانے والا پہلا میچ ابتدائی طور پر راولپنڈی میں شیڈول تھا جو احتجاج کے باعث اسلام آباد کلب میں کھیلا گیا، جس میں پاکستان شاہینز کی جیت ہوئی،شاہینز نے پیر کو دو چار روزہ میچوں میں 1-0 اور ابتدائی 50 اوور کا میچ 108 رنز سے جیت کر سیریز میں برتری حاصل کی۔

  • دوسرا ون ڈے:صائم ایوب کی شاندار سنچری،زمبابوے کو 10 وکٹوں سے شکست

    دوسرا ون ڈے:صائم ایوب کی شاندار سنچری،زمبابوے کو 10 وکٹوں سے شکست

    بلاوائیو: پاکستانی اوپنر صائم ایوب کی شاندار سنچری،زمبابوے کو دوسرے ون ڈے میں 10 وکٹوں سے شکست دے کر سیریز ایک ایک سے برابر کر دی۔

    باغی ٹی و ی: پاکستان اور زمبابوے کے درمیان 3 ون ڈے میچز کی سیریز کا آج دوسرا میچ بلاوائیو میں کھیلا گیا جہاں میزبان ٹیم نے پاکستان کے خلاف ٹاس جیت کر بیٹنگ کا فیصلہ کیا،میزبان ٹیم 32.3 اوورز میں 145 رنز بناکر پویلین لوٹ گئی، زمبابوے نے پاکستان کو جیت کے لیے 146 رنز کا ہدف دیا۔

    پاکستان کی جانب سے ڈیبیو کرنے والے ابرار احمد نے 4، سلمان علی آغا نے 3 اور صائم ایوب اور فیصل اکرم نے ایک ایک کھلاڑی کو آؤٹ کیا،جواب میں 146 رنز کا ہدف پاکستان نے بغیر وکٹ گنوائے 19ویں اوور میں با آسانی حاصل کرلیا، صائم ایوب نےون ڈے کیریئر کی پہلی سنچری اسکور کرتے ہوئے 113 رنز بنائے جبکہ عبداللہ شفیق 32 رنز بناکر ناقابل شکست رہے۔

    واضح رہے کہ بارش سے متاثرہ پہلےمیچ میں زمبابوے نے ڈک ورتھ لوئیس میتھڈ کے تحت 80 رنز سے کامیابی حاصل کی تھی، بلاوائیو میں کھیلے گئے میچ میں پاکستان کی جانب سے 2 کھلاڑی ابرار احمد اور طیب طاہر پہلی مرتبہ پاکستان کی جانب سے ون ڈے انٹرنیشنل کھیل رہے تھے۔

  • زمبابوے کی پاکستان کو 80 رنز سےشکست

    زمبابوے کی پاکستان کو 80 رنز سےشکست

    بلاوائیو میں کھیلی جارہی سیریز کے پہلے ون ڈے میچ میں 206 رنز ہدف کے تعاقب میں زمبابوے کے خلاف پاکستان کے 6 کھلاڑی پویلین لوٹ گئے، بارش کے باعث میچ روک دیا گیا، تاہم، ڈک ورتھ لوئس کے تحت پاکستان کو 80 رنز سے شکست ہوئی۔

    رپورٹ کے مطابق بارش سے قبل پاکستان نے 21 اوورز میں 6 وکٹوں کے نقصان پر 60 رنز بنائے، محمد رضوان اور عامر جمال کریز پر موجود تھے۔پاکستان نے ہدف کے تعاقب میں بیٹنگ شروع کی تو اوپنر عبداللہ شفیق 11 کے مجموعی اسکور پر وکٹ گنوا بیٹھے جبکہ صائم ایوب 17 کے اسکور پر آؤٹ ہوگئے۔ عبداللہ شفیق نے ایک رن اور صائم ایوب نے 11 رنز بنائے۔اس سے قبل میچ میں سیریز کے پہلے ون ڈے میچ میں زمبابوے کے اوپنرز نے جارحانہ کھیل پیش کرنے کی کوشش کی تاہم 40 کے مجموعی اسکور پر جویلورڈ گمبی 15 کے انفرادی اسکور پر عبداللہ شفیق کے ہاتھوں رن آؤٹ ہوگئے جبکہ ڈیون مائرز 8 رنز کے مہمان ثابت ہوئے۔کپتان کریگ ایروائن 6 اور تادیوانشے مارومانی 29، شان ولیمز 23، برائن بینیٹ 20، برینڈن ماوتا ایک جبکہ بلیسنگ مزربانی صفر پر پویلین لوٹ گئے۔ آٹھویں وکٹ کی شراکت میں سکندر رضا اور رچرڈ نگروا نے 62 رنز کی پارٹنرشپ قائم کی تاہم رضا 39 رنز بناکر فیصل اکرم کا شکار بنے۔رچرڈ نگروا نے ٹیم کیلئے 48 رنز کی مزاحمتی اننگز کھیلی جس میں 5 چوکے اور ایک چھکا شامل تھا۔پاکستان کی جانب سے سلمان آغا اور فیصل اکرم نے 3، 3 جبکہ حارث رؤف، عامر جمال اور محمد حسنین نے ایک ایک وکٹ حاصل کی۔قبل ازیں قومی ٹیم کے کپتان محمد رضوان نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش کریں میزبان ٹیم کو کم ازکم اسکور پر آؤٹ کریں اور دورے کا فاتحانہ آغاز کریں۔اس موقع پر زمبابوین ٹیم کے کپتان کریگ ایروائن نے کہا کہ ہوم گرؤنڈ پر پاکستان کیخلاف جیت کیلئے پُرعزم ہیں۔

    زمبابوے کا اسکواڈ
    کپتان کریگ ایروائن، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز

    پاکستان کا اسکواڈ
    کپتان محمد رضوان، صائم ایوب، عبداللہ شفیق، کامران غلام، حسیب اللہ خان، سلمان علی آغا، محمد عرفان خان، عامر جمال، حارث رؤف، محمد حسنین، اور فیصل اکرم

  • ویرات کوہلی نے اہم سنگ میل عبور کر لیا

    ویرات کوہلی نے اہم سنگ میل عبور کر لیا

    پرتھ:ویرات کوہلی نے پروفیشنل کرکٹ میں سنچریوں کی سنچری مکمل کر لی۔

    باغی ٹی وی: آسٹریلیا اور بھارت کے درمیان پہلا ٹیسٹ میچ پرتھ میں کھیلا جارہا ہے جس میں بھارت کے اسٹار بیٹر ویرات کوہلی نے اہم سنگ میل عبور کر لیا،پروفیشنل کرکٹ میں سنچریوں کی سنچری مکمل کر لی، ویرات کوہلی نے یہ سنگ میل اتوار کو پرتھ ٹیسٹ کی تیسری اننگز میں عبور کیا، وہ 100 سنچریاں بنانے والے دنیا کے 37 ویں پلیئر ہیں۔

    ویرات کوہلی نے تیز ترین 27 ہزار انٹرنیشنل رنز بنانے کا ریکارڈ قائم کردیا،بھارت کے بیٹرز میں 100 سنچریاں بنانے والے اس وقت ویرات کوہلی واحد متحرک کرکٹر ہیں،آخری مرتبہ 100 سنچریوں کا سنگ میل سری لنکا کے کمار سنگاکارا نے 2020 میں عبور کیا تھا، انگلینڈ کے جیک ہوبز 199 سنچریوں کے ساتھ اس فہرست میں ٹاپ پر ہیں۔

    علاوہ ازیں ویرات کوہلی ایک ایسا منفرد ریکارڈ ہے جو شاید کوئی نہ توڑ سکے، انہوں نے کرکٹ کی تاریخ کا یہ جو نا قابل یقین ریکارڈ بنایا ہے وہ اپنے بلے سے نہیں بلکہ بولنگ سے بنایا ہے،ویرات کوہلی دنیائے کرکٹ کے وہ واحد کھلاڑی ہیں جنہیں بغیر کوئی گیند کرائے وکٹ حاصل کرنے کا اعزاز حاصل ہے،سال 2011 میں انگلینڈ کے خلاف میچ میں ویرات کوہلی نے کوئی آفیشل گیند پھینکے بغیر انگلش بیٹر کیون پیٹرسن کی وکٹ حاصل کر لی تھی۔