اینٹیگوا: آئی سی سی ٹی 20 ورلڈ کپ سپر ایٹ مرحلے کے میچ میں بھارت کی بنگلادیش کیخلاف بیٹنگ جاری ہے۔
باغی ٹی وی : سر ویوین رچرڈز اسٹیڈیم انٹیگوا میں کھیلے جارہے میچ میں بنگلادیش نے بھارت کیخلاف ٹاس جیت کر فیلڈنگ کرنے کا فیصلہ کیا تھا،
بھارت کی جانب سے اننگز کا آغاز روہت شرما اور ویرات کوہلی نے کیا تاہم پہلی وکٹ 39 کے مجموعی اسکور پر گری اور کپتان روہت 23 رنز بنا آؤٹ ہوئے اس کے بعد ویرات کوہلی 37 اور سوریا کمار یادیو 6 رنز بناکر پویلین لوٹ گئے ،ہاردک پانڈیا نے 27 گیندوں پر 50 رنز کی ناقابل شکست اننگز کھیلی،رشبھ پنت نے 36 اور شیوم ڈوبے نے 34 رنز بناکر نمایاں رہے،مقررہ 20 اوورز میں 5 وکٹوں کے نقصان پر 196 رنز بنائے –
بنگلادیش کی جانب سے تنظیم حسن اور رشاد نے دو، دو کھلاڑیوں کو آؤٹ کیا۔
بھارت کے 197 رنز کے تعاقب میں بنگلادیش کی ٹیم 20 اوورز میں 8 وکٹوں کے نقصان پر 146 رنز بناسکی بنگلادیش کی یہ سپر ایٹ مرحلے میں مسلسل دوسری شکست ہے، بنگلادیشی ٹیم کے بیٹرز اچھا نہ کھیل سکے اور وقفے وقفے سے وکٹیں گرتی رہیں، بنگلا دیش کی طرف سے نجم الحسین شانتو 40، تنزید حسن 29، رشاد حسنین 24 رنز کے ساتھ نمایاں رہے،لٹن داس 13، محمود اللہ 13، شکیب الحسن 11، توحید ہردوئے 4 اور جاکر علی 1 رن بناکر آؤٹ ہوئے، مہدی حسن 5 اور تنظیم حسن ثاقب 1 رن بناکر ناٹ آؤٹ رہے۔
بھارت کی جانب سے کلدیب یادیو نے 3، ارشدیپ سنگھ اور بمرا نے 2، 2 کھلاڑیوں کو آؤٹ کیا جبکہ ہاردک پانڈیا بہترین کارکردگی پرپلیئر آف دی میچ قرار پائے۔
سپر ایٹ راؤنڈ میں بھارت نے اپنے گزشتہ میچ میں افغانستان کو 47 رنز سے شکست دی تھی جبکہ بنگلادیش کو آسٹریلیا کے ہاتھوں ڈک ورتھ لوئس میتھڈ کے تحت 28 رنز سے شکست کا سامنا کرنا پڑا تھا۔
اسکواڈ:
بنگلہ دیش: تنزید حسن، لٹن داس، نجم الحسین شانتو، توحید ہردوئے، شکیب الحسن، محمود اللہ، جیکر علی، رشاد حسین، مہدی حسن، تنظیم حسن ثاقب، مستفیض الرحمان
پاکستان کے کئی کھلاڑیوں نے کینیڈا گلوبل ٹی ٹوئنٹی لیگ کے ساتھ معاہدہ کر لیا ہے
پاکستانی کھلاڑیوں شاہین آفریدی، محمد رضوان، محمد عامر اور بابراعظم نے اس ضمن میں معاہدہ کیا ہے،بابر اعظم کو گلوبل ٹی 20 لیگ کی ٹیم وینکور نائٹس نے سیزن 4 کے لئے 90 ہزار ڈالر ( 2 کروڑ 50 لاکھ پاکستانی روپے ) میں سائن اپ کر لیا ہے،قومی فاسٹ باولر محمد عامر کو وینکوور نائٹس نے اپنا حصہ بنا لیا، قومی آل راونڈر افتخار احمد کو بنگلہ ٹائیگرز نے سائن کرلیا،فاسٹ بولر شاہین آفریدی گلوبل ٹی ٹوئنٹی لیگ میں ٹورنٹو نیشنلز کی نمائندگی کریں گے۔معاہدے کے تحت بولر محمد عامر، وکٹ کیپر بیٹسمین محمد رضوان اور کپتان بابراعظم وینکوورنائٹس کی طرف سے کھیلیں گے۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ بابراعظم کے حوالہ سے ویڈیو میں میں نے جو بات کی اور لوگ جو سمجھ رہے ہیں اس میں آسمان زمین کا فرق ہے
نجی ٹی وی چینل کے پروگرام میں بات کرتے ہوئے مبشر لقمان کا کہنا تھا کہ میری ویڈیو جس کو ہر آدمی کوٹ کر رہا ہے، میں جاہل لوگوں کی باتوں کا جواب نہیں دینا چاہتا،انہوں نے میری ویڈیو نہیں دیکھی، میں نے یہ بات کی کہ بابراعظم کو بھائی نے گاڑی گفٹ کی اور اس کی فیملی نے ویڈیو بھی اپلوڈ کی، اب مجھے بابر اعظم کے بھائی کا ذریعہ آمدن نہیں پتہ چل رہا، مجھے وہ بتا دیں تا کہ میں چپ ہو جاؤں، اگر بابراعظم کے بھائی کی اتنی آمدن ہے کہ وہ آٹھ کروڑ یا چار پانچ کروڑ کی گاڑی گفٹ کر سکتا ہے اور وہ ڈیکلیئرڈ ہے تو پھر میرا اور آپکا بات کرنا نہیں بنتا لیکن اگربابر نے ہی اسکو پیسے دیئے،اور بھائی نے گفٹ کا نام دے دیا، بابر کے ٹیکس ریٹرن میں بھی نہیں اور بھائی کے بھی،میری کہی ہوئی بات کیا ہے، لوگوں کی سمجھی ہوئی بات کیا ہے،دونوں میں آسمان زمین کا فرق ہے، میں نے پہلے ہی کہہ دیا تھا اور کہا تھا کہ انکو مار پڑے گی اور یہ یہ ہو گا،یہ سپر ایٹ میں نہیں جائیں گے
محسن نقوی کرکٹ کو نہیں سمجھتے اس لیے انہیں عہدہ نہیں رکھنا چاہیے،مبشر لقمان
مبشر لقمان کا مزید کہنا تھا کہ چیئرمین پی سی بی محسن نقوی کرکٹ کو نہیں سمجھتے اس لیے انہیں یہ عہدہ نہیں رکھنا چاہیے،کرکٹرز نے امریکہ میں ایک ایک تصویر کے کئی ڈالرز لیے ہیں تو کیا وہ ظاہر بھی کریں گے، کل سلمان بٹ نے جی این این پرمیرے متعلق بات کی ،سلمان بٹ میں ہمت ہوتی ،واقعی وہ کسی کا نمک حلال ہوتا یا نمک حلالی کی ہوتی،توبتاتا لوگوں کو،میرے آگے قرآن اٹھا کر اس نے کہاتھا کہ اس نے سپاٹ فکسنگ نہیں کی ہے.اور کل وہ ڈیفنڈ کر رہا ہے اسکو، چور کیا کرے گا، دوسری کی چوری نہیں ڈیفنڈ نہیں کرے گا،محسن نقوی کو کرکٹ کا نہیں پتہ،جو کرکٹ کو سمجھتا ہو،ظہیر عباس،ماجد خان، صادق محمد کی طرز کی لوگ جو کرکٹ اور منیجمنٹ کو سمجھتے ہوں ایسے لوگ چیئرمین پی سی بی ہونے چاہئے، محسن نقوی وزیر داخلہ بھی ہیں، چار پانچ انکے چینل ہیں اور بھی انکے بزنس ہیں تو ایسے میں سارے کام مشکل ہوتے ہیں.
آئی سی سی مینز ٹی ٹوئنٹی ورلڈکپ کے سپر 8 مرحلے میں جنوبی افریقا نے دلچسپ مقابلے کے بعد دفاعی چیمپئن انگلینڈ کو 7 رنز سے ہرا دیا۔جنوبی افریقا کے 164 رنز کے ہدف کے تعاقب میں انگلینڈ کی ٹیم 6 وکٹوں پر 156 رنز بناسکی۔سینٹ لوشیا میں کھیلے گئے میچ میں انگلش کپتان جوز بٹلر نے ٹاس جیت کر جنوبی افریقا کو پہلے بیٹنگ کی دعوت دی۔ انگلینڈ اور جنوبی افریقا سپر 8 مرحلے میں اپنا دوسرا میچ کھیل رہے تھے، دونوں ٹیموں کو اپنے پہلے میچ میں کامیابی ملی تھی۔جنوبی افریقا نے مقررہ 20 اوورز میں6 وکٹوں کے نقصان پر 163 رنز بنائے، کوئنٹن ڈی کوک 38 گیندوں پر 65 رنز بناکر نمایاں رہے۔اس کے علاوہ ریزا ہینڈرکس 19، کلاسن 9، ایڈن مارکرم 1 رن بناکر آؤٹ ہوئے جبکہ ڈیوڈ ملر نے 43 رنز کی اننگز کھیلی۔اسٹبز 12 اور مہاراج 5 رنز بناکر ناٹ آؤٹ رہے۔انگلینڈ کی جانب سے جوفرا آرچر نے 3 وکٹیں حاصل کیں جبکہ معین علی اور عادل رشید نے ایک ایک کھلاڑی کو آؤٹ کیا۔
جنوبی افریقا کے 164 رنز کے ہدف کے تعاقب میں انگلینڈ ہیری بروک اور لیونگسٹن کی شاندار بیٹنگ کے باوجود 7 رنز سے میچ ہار گیا۔انگلش ٹیم ہدف کے تعاقب میں مقررہ 20 اوورز میں 6 وکٹوں کے نقصان پر 156 رنز بناسکی۔ ہیری بروک 53 اور لیام لیونگسٹن 33 رنز بناکر نمایاں رہے۔اس کے علاوہ فل سالٹ 11، کپتان بٹلر 17، بیئر اسٹو 16، معین علی 9 رنز بناکر آؤٹ ہوئے۔جنوبی افریقا کی جانب سے رباڈا اور مہاراج نے 2،2 وکٹیں حاصل کیں جبکہ بارٹمین اور نوکیا نے ایک ایک کھلاڑی کو آؤٹ کیا۔جنوبی افریقا ایونٹ میں اب تک ناقابل شسکت ہے، انگلینڈ کے خلاف کامیابی کے بعد جنوبی افریقا سپر 8 مرحلے میں گروپ 2 میں 4 پوائنٹس کے ساتھ پہلے نمبر پرموجود ہے۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پاکستان کا ورلڈ کپ سے آوٹ ہونا کرکٹ کے لیے المیہ ہےیہ میں نہیں دنیا کے بڑے بڑے کرکٹر ز اور اسپورٹس تجزیہ کار کہہ رہے ہیں ۔ پر ایک چیز پر یہ سب بھی متفق ہیں کہ پاکستان کے باہر ہونے پر دکھ ہوا لیکن پاکستان کا کرکٹ سسٹم اس کا ذمے دار ہے ۔ جہاں ہر بجن سنگھ گیری کرسٹن کو مشورہ دے رہے ہیں کہ پاکستانی ٹیم کے ساتھ وقت ضائع نہ کریں ہندوستان واپس آجائیں۔ تو سہواگ کا ماننا ہے کہ ٹی ٹوئنٹی کے لیے میری ٹیم میں بابر اعظم کی جگہ نہیں۔ مائیکل وان ، ناصر حسین ، وریندر سہواگ ، سری کانت سب پاکستان کرکٹ کو لے کر پریشان بھی ہیں اور مشورہ دیتے ہوئے بھی دیکھائی دیتے ہیں کہ اگر کل صبح آپکو بابر اعظم ، شاہین شاہ آفریدی ، محمد رضوان ، شاداب خان کی انڈیا ، آسٹریلیا ، انگلینڈ کی ٹی ٹوئنٹی ٹیم کی سلیکشن کرنی ہو تو ان کی جگہ ہی نہیں بنتی ۔ کیونکہ ٹی ٹوئنٹی میں جو اسٹرائیک ریٹ درکار ہے یہ اس پر کھیلتے نہیں ہیں ۔ پھر چاہے بابر اعظم نے ٹی ٹوئنٹی میں ویرات کوہلی سے زیادہ رنز کیوں نہ بنا رکھے ہوں اس سے فرق نہیں پڑتا ۔
مبشر لقمان آفیشیل یوٹیوب چینل پر ایک وی لاگ میں سینئر صحافی مبشر لقمان کا کہنا تھا کہ سوال یہ ہے کہ آج تک میچ کتنے جتوائے ۔ کتنی ٹرافیاں وہ گھر لے کر آئے ۔ کیونکہ یہ پاکستان کی اجتماعی کامیابی کو ترجیح دینے کے بجائے ذاتی سنگ میل کو ترجیح دیتے رہے ہین ۔ اصل میں تو پاکستان کرکٹ ٹیم کا لیول اور کیلیبر اب ایسوسی ایٹ ٹیمز والا بھی نہیں رہا۔پرتنخواہیں اور مراعات ہم ان کو انڈیا ، انگلینڈ اور آسٹریلیا والی دے رہے ہیں بلکہ کچھ پلیئر ز کو تو کرکٹ بورڈ نے باقاعدہ داماد بنا یا ہوا ہے ۔اگر جلد کوئی بہتری نہ لائی گئی تو مجھے لگتا ہے کہ کچھ ہی سالوں میں پاکستانی کرکٹ فینز اس بات کی خوشی منایا کریں گے کہ پاکستان ٹیم نے ورلڈ کپ کے کوالیفائینگ راؤنڈ میں کامیابی حاصل کر لی ہے۔ صورتحال یہ ہے کہ آئر لینڈ،زمبابوے،کینیڈا،امریکہ،یوگنڈا،افغانستان پاکستان سے بہتر ہو گئی ہیں ۔پاکستان کو اب کرکٹ ایسی ٹیموں کے خلاف ہی کھیلنی چاہئیے۔حارث رؤف کو دیکھ لیں۔کھیلا بھی نہیں جاتا ہے،ٹیم کو میچز بھی ہروانے ہیں،اور اوپر سے فینز سے بھاگ بھاگ کے لڑ بھی رہا ہے۔کسی نے جو بھی کہا ہو کیا انٹرنیشنل کرکٹر ایسا کرتے ہیں۔ میں نے تو آج تک نہیں دیکھا ۔ اس حوالے سے احمد شہزاد نے بالکل ٹھیک کہا ہے کہ پاکستانی ٹیم کے کھلاڑیوں نے فاسٹ بولر حارث رؤف سے ہمدردی کے لیے سوشل میڈیا پر جو پوسٹیں لگائیں وہ انہیں ٹی ٹوئنٹی ورلڈکپ میں خراب کارکردگی پر قوم سے معافی مانگنے کے لیے بھی لگانی چاہیے تھیں۔
مبشر لقمان کا مزید کہنا تھا کہ اس وقت جو سب سے بڑا سوال ہے وہ یہ کہ اگر بابر اعظم کپتان نہیں رہتے تو کیا ان کی ٹی ٹوئنٹی اور ون ڈے میں جگہ بنتی ہے ۔ اب اس حوالے سے متضاد قسم کی خبریں گردش میں ہیں ۔ ایک تو کہا جا رہا ہے کہ کپتان بابر برقرار رہیں گے باقی ٹیم سے سات سے آٹھ لوگوں کی چھٹی کر دی جائے گی ۔ اور بابر اعظم ڈومیسٹک کھیلنا شروع کر دیں گے جہاں وہ نئے ٹیلنٹ کو پنپین گے اور ٹیم میں نئے لوگون کو شامل کریں گے ۔ مجھے اس کہانی پر کوئی اتنا زیادہ بھروسہ نہیں ہے ۔ کیونکہ اگر ٹیلنٹ ہنٹ بابر نے ہی کرنا ہے تو پھر سلیکٹرز کی کیا ضرور ت ہے ۔ اور بابر اتنا ہی قابل ہوتا تو کم ازکم ابرار احمد کو ضرور موقع دیتا ۔ مگر ٹیم میں ہوتے ہوئے بھی مسٹری اسپنر بابر الیون میں اس لئے نہیں کھیلا کہ وہ بابر اعظم کی پرانی فرنچائز کے شہر کا ہے، کیسی شرمناک حقیقت ہے ، شان مسعود اور سعود شکیل شجرِ ممنوعہ اور چار اوپنرز ٹیم کے ساتھ گئے مڈل آرڈر خالی، سونے سوہگہ یہ کہ چار اوپنرز کے ہوتے ہوئے بھی دو مڈل آرڈر بیٹسمین بابر اور رضوان اوپننگ کر رہے تھے، اوپنرز مڈل آرڈر میں تھے، کوئی تیاری نہیں، کوچ نے ٹورنامنٹ میں ہی ٹیم کو پہلی مرتبہ جوائن کیا، ورلڈ کپ سے پہلے کوئی کنڈیشننگ میچ نہیں، اسی لیے میں کہتا ہوں کہ یہ کھیلنےضرور گئے تھے لیکن کرکٹ میچ نہیں۔سیاست کھیلنے گئے تھے ۔ شریکوں اور رقیبوں سے اپنے پرانے اسکور برابر کرنے گئے ۔ کیونکہ بابر اعظم کا گروپ اور سوشل میڈیا بہت پاور فل ہے، پہلے اس نے اپنے فرسٹ کزنز عمراکمل، کامران اکمل اور عدنان اکمل کو باہر کرایا اور اب پورے پٹھان گروپ کے خلاف کمپین چل رہی ہےاور سارا ملبہ ان پر ڈالنے اور بابر اینڈ کو۔ کو "کلین چٹ” دینے کا کام ہو رہا ہے، گھوم پھر کر ہونا یہی ہے کہ یہی نا اہل ٹیم پر مسلط رہیں گے، گزشتہ سال انڈیا میں شرمناک شکست کے بعد بھی ٹیم میں دکھاوے کیلئے وقتی تبدیلیاں ہوئی تھیں لیکن اس ورلڈ کپ میں پھر وہی ٹیم، وہی ناکام کپتان، وہی ڈرپوک ٹک ٹک اوپنرز بابر اور رضوان، اور اس سے برا رزلٹ۔ پھر بابر اعظم کا بحیثیتِ کپتان پی ایس ایل میں بھی ریکارڈ دیکھ لیں، کراچی کا بھٹہ بٹھا کر اب زلمی پر طبع آزمائی کر رہا ہے۔تو جناب اگر پچھلی بار کی طرح صرف خانہ پوری کرکے بابر کو ہی کپتان رکھا گیا۔ تو اس ملک میں کرکٹ کا اللہ حافظ سمجھیں ۔ بلکہ ۔ انا لله و انا الیه راجعون ۔ پڑھ لینا ۔
معروف ٹینس اسٹار ثانیہ مرزا جَلد ہی دوسری شادی کرنے والی ہیں-
باغی ٹی وی : ثانیہ اور شعیب کے درمیان فروری میں ہونے والی طلاق کے 4 ماہ کے بعد اب متعدد بھارتی میڈیا ویب سائٹ کی جانب سے دعویٰ کیا جا رہا ہے کہ ثانیہ جَلد ہی بھارتی بولر، محمد شامی سے شادی کرنے والی ہیں،بھارتی ویب سائٹ ’مسالہ‘ ’ٹائمز ناؤ‘ اور ’زوم‘ کے مطابق ثانیہ مرزا اور محمد شامی 20 اگست کو شادی کرنے والے ہیں۔
بھارتی میڈیا کے مطابق ثانیہ اور محمد شامی کی شادی کی افواہیں دو دن سے سوشل میڈیا پر زیرِ گردش ہیں مگر تاحال ان دونوں معروف شخصیات کی جانب سے ان خبروں کی کوئی تصدیق یا تردید نہیں کی گئی ہے۔
واضح رہے کہ ثانیہ مرزا اور شعیب ملک کے درمیان رواں برس جنوری میں طلاق کی تصدیق اس وقت ہوئی تھی جب کہ کرکٹر نے اداکارہ ثنا جاوید سے دوسری شادی کا اعلان کیا تھا ثانیہ مرزا کے والد اور بہن نے بتایا تھا کہ ٹینس اسٹار نے شعیب ملک سے خلع لی تھی۔
ثانیہ مرزا اور شعیب ملک نے اپریل 2010 میں شادی کی تھی، شادی کے 8 سال بعد 30 اکتوبر 2018 کو ان کے ہاں پہلے بیٹےاذہان کی پیدائش ہوئی۔
یاد رہے کہ حال ہی میں ایک شو میں سینیئر اداکار نبیل ظفر کی جانب سے بھارتی ٹینس اسٹار اور پاکستانی کرکٹر شعیب ملک کی سابق اہلیہ ثانیہ مرزا کو دوسری شادی کا مشورہ دیا گیا تھا نبیل ظفر کا کہنا تھا کہ اگر کسی بھی خاتون کے ساتھ ایسا کوئی واقعہ ہوجائے، یعنی طلاق ہوجائے تو انہیں سنت نبوی ﷺ پر عمل کرتے ہوئے خدا کی پسندیدہ چیز نکاح کرلینا چاہیے۔
اداکار نے مزید کہا کہ ایسا نہیں ہے کہ ایک شخص کے چلے جانے سے دنیا ختم ہوجاتی ہے ویسے تو ہر انسان اپنے لیے خود ہی کافی ہے لیکن قدرت کا نظام یہی ہے کہ انسانوں کو خاندان بنانے کے لیے ایک دوسرے سے منسلک ہوجانا چاہیے، طلاق کےبعد دوبارہ بھی نکاح کیا جانا چاہیے، کیوں کہ دنیا ایک شخص پر ختم نہ ہوتی اور قدرت کا بھی یہی قانون ہے کہ خاندان بڑھانا چاہیے۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ عید سے دو دن قبل میں نے ایک چینل جوائن کیا ٹیلن نیوز، وہاں میں دفتر گیا ہوا تھا باہر نکل رہا تھا تو کچھ خواجہ سرا ملے اور انہوں نےکہا کہ مبشر صاحب ہم استقبال کی تیاری کر رہے ہیں، بتائیں کب آنا ہے، جس پرمیں نے پوچھا کہ کس کا استقبال، تو انہوں نے کہا بابر اعظم کا استقبال،اور پاکستانی ٹیم کا استقبال،ہم نے جس طرح کا استقبال کرنا وہ پھر دنیا دیکھے گی،مجھے ایک بار شیخ رشید احمد نے کہا تھا کہ ،ایک شی میل کو ان سے شکایت تھی میں نے اسکا انٹرویو کیاتھا،جس پر شیخ رشید احمد نے بڑا گلہ کیا ،اور کہا کہ خواجہ سرا بڑے خطرناک ہوتے ہیں یہ گالیاں عورتوں والی نکالتے ہیں لیکن ہاتھ انکے مردوں والے ہوتے ہیں، اب مجھے شیخ رشید کی بات سمجھ آئی کہ وہ خواجہ سرا کس طرح کا بابراعظم کا استقبال کرنا چاہتے ہیں،انکو بھی پتہ چل گیا ہے کہ پاکستانی ٹیم کیسی ہے
مبشر لقمان آفیشیل یوٹیوب چینل پر وی لاگ میں مبشر لقمان کا کہنا تھا کہ پاکستان کی ٹیم کے کچھ لوگ پاکستان پہنچ گئے،جو رہ گئے وہ کچھ دن تک آئیں گے، وہ الگ الگ آ رہے تا کہ عوام سے چھپا جا سکے، اب مختلف انکشافات ہو رہے ہیں،چڑیل بھی آج کل بڑی ایکٹو ہے، اس نے بتایاکہ بابر اعظم اور بکیوں کا تعلق ہے ، میں نے پوچھا کیا تعلق ہے؟ تو کہا گیا کہ وہاب ریاض کاباپ کون ہے؟ عمر اکمل کا سسر کون ہے؟ وسیم اکرم کا بھائی کون ہے، کیا ان سب کو جانتے نہیں،انضمام کس کے لئے کام کرتا ہے،سایا کارپوریشن نے کیسے بلیک میل کیا سب کو، چھمک چھلو جو نئی وارداتی ہے اس بارے اظہر محمود ہی بتا سکتا ہے کہ وہ کہاں سے ملی تھی، مشتاق صاحب کی فگر ہیں، میں نے کہا مشی، وہ تو بڑے اچھے آدمی ہیں، داڑھی رکھی ہوئی میری ملاقات ہوئی تو انہوں نے کہا کہ پہلے نماز پڑھوں گا پھر کافی پیوں گا، چڑیل نے کہا میرا منہ نہ کھلوائیں ان کے کرتوت کچھ اور ہیں،یہ سایا کارپوریشن کا مین ریکروٹر تھا جو اچھا کھیلتا وہ سایا والوں کے ساتھ سائن کروا لیتا، آئی پی ایل ہو ،پی ایس ایل ہو یا کہیں بھی کوئی کرکٹ ہو،سٹہ ہو گا، آئی سی سی میں بھی سٹہ ہوتا ہے، جب لوگ سوچتے ہیں کہ میری تو ایک سال یا کچھ عرصہ کرکٹ رہ گئی تو وہ ایسی ٹیم سے ہار جاتی جو نکمی ترین ہوتی، اب کوئی سوچ سکتا تھا کہ پاکستان افغانستان سے ہار جائے گا؟بکیز نے اسکا ریٹ لگایاہوا ہے ،یعنی افغانستان پر بیٹ کی تو آپ کروڑ پتی، ابھی ہمیں کیا پتہ کون کون بک میں ہے، کوئی سوچ سکتا ہے کہ نیدرلینڈ،آئرلینڈ سے پاکستان ہار سکتا ہے، یہ ورلڈ چیمپیئن ٹیم ہے، کوئی سوچ سکتا ہے کہ امریکا سے میچ ہار جائیں گے جو اپنا پہلا میچ کھیلے،
مبشر لقمان کا مزید کہنا تھا کہ ابھی تھوڑا دن پہلے بابر اعظم کی نئی ای ٹرون گاڑی آ گئی،بابر اعظم نے کہا بھائی نے گفٹ کی، کل سے میں لگا ہوا تھا کہ اسکا بھائی کرتا کیا ہے کہ سات آٹھ کروڑ کی گاڑی گفٹ کر رہا ہے، پتہ چلا کہ ٹھینگا کرتا ہے، چڑیل نے کہا کہ میچ ہاریں گے تو گاڑی تو آئے گی ہی سہی، ڈی ایچ اے میں گھر ، آسٹریلیا میں پلاٹ نہیں آئیں گے تو کس کے آئیں گے، یہ سب کے بارے میں ہے، پاکستانی ٹیم میں کون کون بکی ہے، سب کو پتہ ہے، بورڈ کو بلیک میل کیا گیا،
مبشر لقمان کا مزید کہنا تھا کہ شاہین آفریدی کو بابر نے ہٹوایا، شاہین اکیلا تھوڑا ہے اسکے پیچھے شاہد آفریدی ہے، شاہین آفریدی کی انجری کے بعد واپسی ہوئی تو وہ صحیح پرفارم نہیں کر رہا تھا ، انہوں نے فوری کہا کہ محمد عامر کو لے آؤ، یہ وہی شاہین آفریدی ہے جو کہتا تھاکہ مر جاؤں گا محمد عامر کے ساتھ نہیں کھیلوں گا، لیکن اسے لایا گیا، محسن نقوی کو کہا گیا،محمد عامر کو واپس لائے اور پہلا اوور دیا، تا کہ شاہین آفریدی کو گالیاں نہ پڑیں کوئی اسکو برا بھلا نہ کہے، حارث رؤف کو دیکھ لیں،
نیوزی لینڈ کرکٹ ٹیم کے کپتان کین ولیمسن نے وائٹ بال کی کپتانی سے دسبترداری کا اعلان کرتے ہوئے نیوزی لینڈ کرکٹ کا سینٹرل کنٹریکٹ لینے سے بھی انکار کر دیا۔
باغی ٹی وی : غیر ملکی میڈیا کے مطابق کین ولیمسن نیوزی لینڈ کی وائٹ بال ٹیم کی قیادت سے بھی دستبردار ہو گئےسینٹرل کنٹریکٹ لینے سے انکار کے بعد ولیمسن مکمل سیزن کیلئے دستیابی سے آزاد ہو گئے تاہم سینٹرل کنٹریکٹ نہ لینے کے باوجود ولیمسن نے نیوزی لینڈ کرکٹ کے لیے اپنی دستیابی کے عزم کا اظہار کیا ہے۔
کین ولیمسن جنوری میں نیوزی لینڈ کو سمر سیزن کے دوران دستیاب نہیں ہوں گے تاہم ولیمسن ٹیسٹ چیمپئن شپ کے 8 میچز اور پاکستان میں ہونے والی چیمپئنز ٹرافی کیلئے ٹیم کو دستیاب ہوں گے۔
واضح رہے کہ نیوزی لینڈ کے سپر 8 مرحلے میں نہ پہنچنے کے بعد کین ولیمسن نے وائٹ بال کی کپتانی سے دستبرداری کافیصلہ کیا، کیوی ٹیم امریکا اور ویسٹ انڈیز میں جاری ٹی 20 ورلڈکپ کے میگا ایونٹ سے باہر ہو چکی ہے۔
دبئی: انٹرنیشنل کرکٹ کونسل (آئی سی سی) نے بنگلا دیشی فاسٹ بولر تنظیم حسن ثاقب پر نیپال کے کپتان روہت پاوڈل کے ساتھ نامناسب رویہ اختیار کرنے پر جرمانہ عائد کردیا۔
باغی ٹی وی : آئی سی سی کے مطابق ٹی 20 ورلڈ کپ کے میچ میں نیپال کی اننگز کے دوران بنگلادیشی فاسٹ بولر تنظیم حسن ثاقب تیسرے اوور کے اختتام پر گیند پھینکنے کے بعد جارحانہ انداز میں روہت پاوڈل کی طرف بڑھے اور ان سے نامناسب رویہ اختیار کیا۔
تنظیم حسن ثاقب کو آئی سی سی کوڈ آف کنڈکٹ کے لیول 1 کی خلاف ورزی کا مرتکب پایا گیا اور ان پر میچ فیس کا 15 فیصد جرمانہ عائد کیا گیا ہے جبکہ انہوں نے نے اپنا جرم بھی قبول کرلیا ہے،اس کے علاوہ تنظیم حسن ثاقب کے تادیبی ریکارڈ میں ایک ڈی میرٹ پوا ئنٹ کا اضافہ کیا گیا ہے جس کے لیے یہ 24 ماہ کی مدت میں ان کا پہلا جرم تھا۔
واضح رہے کہ سینٹ ونسنٹ میں اتوار کو گروپ ڈی کے میچ میں بنگلا دیش نے نیپال کیخلاف 21 رنز سے فتح کے ساتھ ٹی 20 ورلڈ کپ کے سپر ایٹ مرحلے کے لیے کوالیفائی کیا تھا اس میچ میں تنظیم حسن ثاقب کو شاندار بولنگ پر مین آف دی میچ قرار دیا گیا جنہوں نے چار اوورز میں صرف 7 رنز کے عوض 4 وکٹیں حاصل کیں جبکہ ان کے اس شاندار اسپیل میں دو میڈان اوورز بھی شامل تھے۔
نارتھ ساؤنڈ : انٹرنیشنل کرکٹ کونسل (آئی سی سی) ٹی ٹوئنٹی ورلڈکپ کے سپر 8 مرحلے کے پہلے میچ میں جنوبی افریقا نے امریکا کو جیت کیلئے 195رنز کا ہدف دے دیا۔
باغی ٹی وی : ویسٹ انڈیز میں اینٹیگا،نارتھ ساؤنڈ میں کھیلے جا رہے میچ میں امریکا نے ٹاس جیت کر جنوبی افریقا کو بیٹنگ کی دعوت دی،جنوبی افریقا کی ابتدا میں ہی 16 کے مجموعی اسکور پر پہلی وکٹ گری، اس کے بعد ڈی کک اور کپتان ایڈن مارکرم نے ذمہ دارانہ بیٹنگ کی اور 110 رنز کی پارٹنر شپ بنا کر بڑے ہدف کیلئے راہ ہموار کی۔
مقررہ 20 اوورز میں جنوبی افریقا نے 4 وکٹوں کی نقصان پر 194 رنز بنائے کوئنٹن ڈی کک 74 اور ایڈن مارکرم 46 رنزبنا کر نمایاں رہے جبکہ کلاسن 36رنزبناکرناقابل شکست رہے،امریکا کے سوربھ نٹراواکر اور ہرمیت سنگھ نے دو دو وکٹیں حاصل کیں۔
جنوبی افریقا کے 195 رنز کے ہدف میں امریکا کی جانب سے اننگز کا آغاز مستحکم رہا اور پہلی وکٹ 33 رنز پر ٹیلر کی گری اس کے بعد نتیش، جونس، کورے اینڈرسن اور شایان جہانگیر بالترتیب 8، صفر، 12 اور 3 رنز بنا کر پویلین لوٹ گئےاینڈریزگوس اور ہرمیت نے جارحانہ بیٹنگ کی اور چھٹی وکٹ کی شراکت میں 91 رنز بنا کر ٹیم کو میچ میں واپس لے آئے تاہم ہرمیت 38 رنز بناکر کیچ آؤٹ ہوگئے۔
اینڈریزگوس کی 80 رنز کی ناقابل شکست اننگز رائیگاں گئی اور امریکا کی ٹیم مقررہ 20 اوورز میں 6 وکٹوں کے نقصان پر 176 رنز بناسکی اور یوں اسے 18رنز سے شکست کا سامنا کرنا پڑا، جنوبی افریقا کے ربادا نے 3 کھلاڑیوں کو آؤٹ کیا جبکہ فاتح ٹیم کے کوئنٹن ڈی کک 74 رنزبناکرپلیئرآف دی میچ قرارپائے۔
