Category: کھیل

ممبئی: انڈین پریمیئر لیگ( آئی پی ایل) میں ویرات کوہلی کو امپائر سے بحث کرنے پر جرمانہ عائد کردیاگیا-

باغی ٹی وی : میچ ریفری کے مطابق روائل چیلنجرز بنگلورو کے بیٹر ویرات کوہلی پر اتوار کو کولکتہ نائٹ رائیڈرز کے خلاف آئی پی ایل میچ کے دوران امپائر سے بحث کرنے کے بعد ضابطہ اخلاق کی خلاف ورزی پر میچ فیس کا 50 فیصد جرمانہ عائد کیا گیا ہے، کوہلی آئی پی ایل کے ضابطہ اخلاق کے آرٹیکل 2.8 کے تحت لیول 1کی خلاف ورزی کے مرتکب پائے گئے کوہلی نے اپنی غلطی تسلیم کرتے ہوئے میچ ریفری کا فیصلہ قبول کرلیا۔

بھارتی میڈیا کے مطابق یہ تنازع کولکتہ نائٹ رائیڈرز کے خلاف بنگلور کی اننگز کے تیسرے اوور کے دوران ہوا جب کوہلی ہرشیت رانا کی فل ٹاس گیند پر کیچ آؤٹ ہوئے کوہلی کا خیال تھا کہ یہ گیند ان کی کمر سے اوپر ہونے کی وجہ سے نوبال ہے اس لیے انہوں نے نوبال کے لیے ری ویو لیا تاہم تھرڈ امپائر کی جانب سے انہیں آؤٹ قرار دیا گیا کیوں کہ وہ گیند کھیلتے وقت کریز سے باہر موجود تھے اس لیے یہ قانون کے مطابق نوبال قرار نہیں دی جاسکتی، امپائر کے فیصلے پر کوہلی سیخ پا ہوگئے اور ان کی گراؤنڈ پر موجود امپائرز سے بحث ہوئی اور پھر وہ ناخوش ہوتے ہوئے پویلین لوٹ گئے۔

واضح رہے کہ کولکتہ نائٹ رائیڈرز نے روائل چیلنجرز کو سنسنی خیز مقابلے کے بعد ایک رن سے شکست دی تھی-

یو اے ای: دبئی میں ہونے والے کراٹے کامبیٹ مقابلوں میں پاکستان نے بھارت کو 1-2 سے شکست دے دی۔

کراٹے کامبیٹ 45 میں پاک بھارت مقابلے کیلئے پہلی فائٹ پاکستان کے رضوان علی اور انڈیا کے پوون گپتا کے درمیان ہوئی جس میں پاکستانی فائٹر نے حریف کو ابتدا ہی میں شکست دیدی، دوسری فائٹ کیلئے ہمانشو کوشک سے مقابلہ کیلئے علومی کریم کی جگہ فیضان خان ایرینا میں آئے، علومی کریم ویٹ برابر نہ ہونے کی وجہ سے فائٹ میں شرکت سے محروم رہے۔

فیضان بھارتی حریف کو زیر کرنے میں ناکام رہے یوں مقابلہ ایک ایک سے برابر ہوگیافیصلہ کن معرکے کیلئے پاکستان کے کپتان شاہ زیب رند اور انڈیا کے رانا سنگھ میدان ایرینا میں اترے،شاہ زیب نے فائٹ کے آغاز میں ہی رانا سنگھ پر پے درپے وار کیے جس پر رانا سنگھ ایک کونے میں دبک گئے اور کافی دیر اٹھ نہ سکے یوں انڈین فائٹر شاہ زیب کے خلاف ٹیکنیکل ناک آؤٹ قرار پائے او رپاکستان نے معرکہ 1-2 سے جیت لیا، فائٹ کے بعد شاہ زیب رند نے امن کا پیغام دیتے ہوئے پاکستان اور بھارت کا جھنڈا اٹھایا اور کہا کہ وہ امن کا پیغام دینا چاہتے ہیں۔

20 اپریل تاریخ کے آئینے میں

تحریک انصاف کی بدقسمتی ہے ہر پروپیگنڈا خود ہی ایکسپوز ہوجاتا ہے،عظمیٰ بخاری

ضمنی انتخابات : سول آرمڈ فورسز اور پاک فوج کے دستے تعینات کرنے کی منظوری

سڈنی: سابق آسٹریلوی ٹیسٹ کرکٹر مائیکل سلیٹر سن شائن کوسٹ کی عدالت میں ضمانت مسترد ہونے کے بعد عدالت میں گر پڑے-

باغی ٹی وی : آسٹریلوی میڈیا کے مطابق سابق آسٹریلوی کرکٹر کو ضمانت کے لیے مقامی عدالت میں پیش کیا گیا تھا،مائیکل سلیٹر گرفتاری کے بعد کوئینز لینڈ کے ایک ساحلی شہر میں پولیس کی نگرانی میں تھے، ان کو باقاعدہ گرفتار کر کے ضمانت کے لیے عدالت میں پیش کیا گیا،سلیٹر کو کوئنز لینڈ کے سنشائن کوسٹ پر 5 دسمبر 2023 سے اس سال 12 اپریل کے درمیان مختلف تاریخوں پر ہونے والے مبینہ جرائم سے متعلق 19 الزامات کا سامنا ہے-

آسٹریلوی میڈیا کے مطابق 54 سالہ مائیکل سلیٹر پر عائد الزامات کا سی سی ٹی وی کیمروں میں ثبوت موجود ہے۔ تاہم ضمانت نہ ملنے کا فیصلہ سننے کے بعد جب اہلکار انہیں سیل میں لے جانے لگے تو وہ گر پڑے،مائیکل سلیٹر کے وکیل نے اپنے موکل کے سڈنی کے ری ہیب سینٹر میں رہنے کی استدعا کی۔

‏عالمی ادارہ صحت کا پاکستان پر سفری پابندیوں کا فیصلہ برقرار

مائیکل سلیٹر کے وکیل کے مطابق سابق آسٹریلوی کرکٹر نے تمام الزامات سے انکار کیا ہے ،دوسری جانب پولیس نے مائیکل سلیٹر کی ضمانت کی مخالفت کی، پولیس نے عدالت میں تمام الزامات کی فہرست ثبوتوں کے ساتھ پیش کی۔

واضح رہے کہ 54 سالہ مائیکل سلیٹر نے آسٹریلیا کی نمائندگی کرتے ہوئے 74 ٹیسٹ میچوں میں 5 ہزار 312 رنز بنائے جبکہ انہوں نے 42 ون ڈے میچز میں 987 رنز بھی اسکور کیے،مائیکل سلیٹر ریٹائرمنٹ کے بعد کمنٹری کے شعبے سے منسلک ہو گئے تھے۔

متحدہ عرب امارات میں ہونے والی بارش کلاؤڈ سیڈنگ کا نتیجہ تھی؟