Category: کھیل

پاکستان سپر لیگ (پی ایس ایل) کے سیزن نو میں کوئٹہ گلیڈی ایٹرز کی نمائندگی کرنے والے سابق پاکستانی فاسٹ بولر محمد عامر نے لاہور میں اسلام آباد یونائیٹڈ کے خلاف سنچری کے دوران پشاور زلمی کے کپتان بابر اعظم کی شاٹ ڈویلپمنٹ کو سراہا۔بابر نے صرف 63 گیندوں پر 111 رنز کی شاندار اننگز کھیلی، جس کی نشاندہی جارحانہ اسٹروک پلے سے ہوتی ہے، کیونکہ اس نے 176.19 کا شاندار ریٹ برقرار رکھتے ہوئے 14 چوکے اور دو چھکے لگائے۔ محمد عامر نے کہا کہ بابراعظم سے میرا اچھا تعلق ہے ، ان سے میری کوئی دشمنی نہیں ہے ، ہم دونوں نے ایک ساتھ کرکٹ کھیلی ہے ،انہوں نے اننگ کے آخر میں جو شارٹس کھیلی وہ بہت ہی شاندار تھیں ، انہوں نے جس طرح آخر دو اوورز کھیلے انہیں ایسے ہی کھیلنا چاہیے ،میڈیا سے گفتگو کرتے ہوئے محمد عامر کا کہناتھا کہ پاکستان کی مینجمنٹ لانگ ٹرم پلاننگ نہیں کرتے، اپنی اپنی سیریز کا سوچتے ہیں، روٹیشن پالیسی بالکل ہونی چاہیے، بیٹرز اور بولرز کا ورک لوڈ مینج کرنا چاہیے۔ان کا کہنا تھا کہ اکثر دیکھا ہوگا ورلڈ کپ سے قبل کھلاڑی ان فٹ ہوجاتے ہیں کیونکہ کوچز لانگ ٹرم پلاننگ نہیں کرتے، فاسٹ بولر کا کیرئیر چھوٹا ہوتا ہے، کرکٹ کے بڑے اس کے کیرئیر کو مینج کریں، پی سی بی کو چار روزہ ریڈ بال کرکٹ پر انویسٹ کرنا ہوگا۔محمد عامر نے کہا کہ ریڈ بال کرکٹ میں نوجوانوں کو اچھے کانٹریکٹ دینے چاہئیں، نوجوان بولرز ریڈ بال کرکٹ کی طرف نہیں آرہا، جب اس پر ورک لوڈ آتا ہے تو وہ انجری کا شکار ہوجاتا ہے، سرفراز احمد ٹیم میں ہیں، رائیلی روسووو ان سے مشورے لیتے ہیں۔

ملتان اور لاہور میں پی ایس ایل کے میچز ہونے کے بعد اب ٹورنامنٹ کے میچز کراچی میں شروع ہوگئے ہیں۔ پی ایس ایل 9 کا کراچی میں آج پہلا میچ کھیلا جارہا ہے۔
کراچی کے نیشنل بینک اسٹیڈیم میں اسلام آباد یونائیٹڈ نے کراچی کنگز کے خلاف میچ میں ٹاس جیت کر فیلڈنگ کا فیصلہ کیا ہے۔ اس میچ کو دیکھنے اسٹیڈیم میں شائقین کی عدم دلچسپی نظر آئی، اسٹینڈ خالی دکھائی دیے ہیں۔اسلام آباد اور کراچی کے درمیان میچ کے لیے ہونے والے ٹاس کے وقت بھی تماشائی کم ہونے کی وجہ سے ایک تالی تک نہیں بجی۔ذرائع کے مطابق 32 ہزار گنجائش والے نیشنل اسٹیڈیم میں تاحال ایک سے ڈیرھ ہزار شائقین موجود ہیں۔واضح رہے کہ لاہور اور ملتان میں ہونے والے میچز میں شائقین بڑی تعداد میں اسٹیڈیم میں میچ دیکھنے آئے تھے۔

کراچی کنگز کی جانب سے دیا گیا 166 رنز کا ہدف اسلام آباد یونائیٹڈ کی ٹیم نے 3 وکٹوں کے نقصان پر 19ویں اوور میں حاصل کرلیا۔اسلام آباد یونائیٹڈ کی جانب سے کولن منرو نے 82 رنز کی اننگز کھیل کر میچ کراچی کنگز سے دور کردیا۔ انہوں نے ایلکس ہیلز کے ساتھ پہلی وکٹ پر 108 رنز کی پارٹنرشپ بنائی۔ ہیلز 47 رنز بنا کر آؤٹ ہوئے تھے۔ عماد وسیم بغیر کوئی رن بنائے پویلین لوٹ گئے تاہم آغا سلمان نے 25 اور شاداب خان نے 10 رنز بنا کر پویلین اپنی ٹیم کو 7 وکٹوں سے جیت دلوائی۔ کراچی کنگز کی جانب سے حسن علی، تبریز شمسی اور محمد نواز نے ایک ایک وکٹ لی۔
کراچی کنگز نے اسلام آباد یونائیٹڈ کو جیت کیلئے 166رنز کا ہدف دے دیا۔ کراچی کنگز نے مقررہ 20 اوورز میں 5 وکٹوں کے نقصان پر 165 رنز بنائے، کیرون پولارڈ 28 گیندوں پر 48 اور عرفان خان نیازی 22 گیندوں پر 27 رنز بناکر ناقابل شکست رہے۔اس کے علاوہ شان مسعود 27 اور لیوس ڈوپلوئے 24 رنز بنا کر آؤٹ ہوئے، ٹم سیفرٹ 8، شعیب ملک اور محمد نواز 6 ،6 رنز بنا سکے۔اسلام آباد کی جانب سے عماد وسیم، نسیم شاہ، آغاسلمان اور حنین شاہ نے ایک ایک وکٹ حاصل کی۔

ایچ بی ایل پاکستان سپر لیگ( پی ایس ایل) سیزن 9 میں اسلام آباد یونائیٹڈ نے کراچی کنگز کے خلاف ٹاس جیت کر فیلڈنگ کا فیصلہ کیا ہے۔کراچی میں کھیلے جارہے میچ میں اسلام آباد یونائیٹڈ کے کپتان شاداب خان نے ٹاس جیت کر کراچی کنگز کو پہلے بیٹنگ کی دعوت دے دی۔اسلام آباد یونائیٹڈ کی ٹیم میں دو تبدیلیاں ہیں، ایلکس ہیلز اور رومان رئیس کی ٹیم میں واپسی ہوئی ہے۔دوسری جانب کراچی کنگز کی ٹیم میں تین تبدیلیاں کی گئی ہیں، جیمز وینس، محمد اخلاق اور ڈینئل سمسز کی جگہ ٹم سیفرڈ ،ڈو پلوئے اور عامر خان کو شامل کیا گیا ہے۔

کراچی کنگز کے جیمز وینس اور ڈینئل سمسز پیٹ خراب ہونے کی وجہ سے پلینگ الیون کا حصہ نہیں۔ ٹاس کے موقع پر اسلام آباد یونائیٹڈٖ کے کپتان شاداب خان کا کہنا تھا کہ کراچی میں گیند بازوں کے لئے تھوڑا سا مارجن ہوتا ہے، کراچی کنگز کو کم سےکم سکور میں محدود کریں گے اور ہدف کو عبور کریں گے، ہمارا بولنگ اٹیک اچھا ہے اور لڑکے اچھی فارم میں ہیں، نسیم شاہ سمیت تمام بولرز اچھی گیند بازی کا مظاہرہ کریں گے، دوسری جانب کراچی کنگز کے کپتان شان مسعود کا کہنا تھا کہ ہم بھی اگر ٹاس جیتتے تو بولنگ ہی کرتے لیکن ایک پروفیشنل کھلاڑی ہونے کے ناطے ہم کو ہر طرح کی سیچوایشن کے لئے تیار رہنا ہوتا ہے، ٹاس سے کوئی فرق نہیں پڑتا، ہوم کراؤڈ کے سامنے اچھا پرفارم کریں گے اور میچ میں کامیابی حاصل کریں گے۔

لاہور قلندر کے خلاف جیت کے بعد پریس کانفرنس کرتے ہوئے ملتان سلطان کے آل راونڈر اسامہ میر نے کہا کہ محمد رضوان کو کریڈٹ جاتا ہے انہوں نے سب کی سوچ چیمپئن رکھی ہے اور سب یہاں چیمپئن بننے کے لئے آئے ہیں، انہوں نے ٹیم کو اکٹھا رکھا ہوا ہے ہر کپتان کوشش کرتا ہے لیکن محمد رضوان ہمیشہ لیڈ فرام دی فرنٹ کرتے ہیں۔ اس نے کہا کہ میں کچھ تبدیلیاں کرنا چاہ رہا تھا اس لیے کارکردگی میں تسلسل نہیں آرہا تھا۔انہوں نے کہا کہ فیصل اکرم میں بہت مہارت ہے وہ مثبت انداز میں چیزوں کو لیتا ہے ڈبیو غیر معمولی رہا ہے وہ جلد پاکستان کے لیے کھیلتا ہوا دکھائی دے گا۔اسامہ میر کا مزید کہنا تھا کہ والدہ کی خواہش تھی وہ مجھے گراؤنڈ میں سجدہ کرتے ہو ئے دیکھیں تو آج جب وہ پہلی مرتبہ گراؤنڈ میں آئیں تو ان کے سامنے مجھے گراؤنڈ میں سجدہ کرنے کا موقع ملا۔انہوں نے کہا کہ لاہور میں ہمیں بھی کراوڈ کی سپورٹ ملی، شروع میں نروس تھا لیکن امی کی طرف دیکھا تو حوصلہ ملا وہ پہلی مرتبہ میچ دیکھنے آئیں اور میں نے چھ وکٹیں لیں۔

ورلڈ بلائنڈ کرکٹ کونسل کا دبئی میں منعقدہ اجلاس کی صدارت کونسل کے صدر سید سلطان شاہ نے کی۔ جس میں تمام آٹھ رکن ممالک کے نمائندوں نے شرکت کی۔
اجلاس میں ٹی ٹونٹی بلائنڈ ورلڈ کپ کی میزبانی پاکستان کو سونپی گئی۔ ٹی ٹونٹی بلائنڈ ورلڈ کپ 20 نومبر سے تین دسمبر تک کھیلا جائیگا۔ اس موقع پر اگلے سال ٹی ٹونٹی میگا ایونٹ کی میزبانی بھارت کو سونپی گئی۔نیوزی لینڈ، جنوبی افریقا، ویسٹ انڈیز،بھارت، سری لنکا، نیپال اور بنگلا دیش نے ورلڈ کپ میں شرکت کی تصدیق کر دی۔آسٹریلیا بلائنڈ کرکٹ ٹیم کی ایونٹ میں شرکت کی تصدیق کا انتظار ہے۔دوسری جانب بھارت کو پہلے ٹی ٹوئنٹی ویمنز بلائنڈ ورلڈ کپ کی میزبانی مل گئی۔یہ ایونٹ دسمبر 2025 میں تجویز کیا گیا ہے۔اجلاس میں قوانین میں ترامیم کی بھی منظوری دی گئی۔اجلاس میں بلائنڈ کرکٹ کے بعض قوانین میں تبدیلی کی منظوری بھی دی گئی

ایچ بی ایل پاکستان سپر لیگ کے 14ویں میچ میں ملتان سلطانز نے عثمان خان اور افتخار احمد کی شاندار بیٹنگ کی بدولت لاہور قلندرز کو جیت کیلئے 215 رنز کا ہدف دے دیا۔لاہور میں کھیلے جارہے میچ میں ملتان سلطانز کے کپتان محمد رضوان نے قلندرز کے خلاف ٹاس جیتا او رپہلے بیٹنگ کا فیصلہ کیا۔ملتان سلطانز نے شاندار بیٹنگ کرتے ہوئے مقررہ 20 اوورز میں 4 وکٹوں پر 214 رنز اسکور کیے، عثمان خان نے 55 گیندوں پر 96 رنز کی دھوں دار اننگز کھیلی جبکہ افتخار احمد 18 گیندوں پر 40 رنز بناکر ناقابل شکست رہے۔اس کے علاوہ ریزا ہینڈرکس نے بھی 30 رنز بنائے۔ جواب میں ملتان سلطانز نے دفاعی چیمپئن لاہور قلندرز کو 60 رنز کے بھاری مارجن سے شکست دے کر ایونٹ میں پانچویں کامیابی حاصل کرلی۔ملتان سلطانز کے 215 رنز کے ہدف کے تعاقب میں لاہور قلندرز کی ٹیم 17 اوور میں 154 رنز پرآؤٹ ہوگئی۔اسامہ میر نے 40 رنز دے کر 6 کھلاڑیوں کو آؤٹ کیا۔
ایچ بی ایل پاکستان سپر لیگ کے 14ویں میچ میں ملتان سلطانز نے لاہور قلندرز کے خلاف ٹاس جیت کر بیٹنگ کا فیصلہ کیا ہے۔لاہور میں کھیلے جارہے میچ میں ملتان سلطانز کے کپتان محمد رضوان نے قلندرز کے خلاف ٹاس جیتا او رپہلے بیٹنگ کا فیصلہ کیا ہے۔
واضح رہے کہ پی ایس ایل 9 میں لاہور قلندرز اب تک ایک بھی میچ جیتنے میں کامیاب نہیں ہوئی، قلندرز نے 5 میچز کھیلے اور اسے پانچوں میں شکست ہوئی۔

نیشنل بینک کرکٹ ایرینا کراچی کے اوول گراؤنڈ پر کراچی کنگز کی پریکٹس کے موقع پر میڈیا سے گفتگو کرتے ہوئے شان مسعود کا کہنا تھا کہ ذاتی کارکردگی سے مطمئن نہیں، اچھا موقع ملتے ہی ٹیم کی کارکردگی بھی اچھی ہو جائے گی۔ جمعرات کو اسلام آباد یونائیٹڈ کے خلاف میچ میں اچھی کارکردگی متوقع ہے۔انہوں نے کہا کہ کراچی کنگز کو کیرون پولارڈ جیسی بہترین انفرادی اننگز کی ضرورت ہے، کراچی میں ہونے والے میچز میں حریف ٹیموں کے خلاف میٹنگ میں لائحہ عمل تیار کریں گے۔شان مسعود کا کہنا تھا کہ پی ایس ایل کے گزشتہ تین میچز میں کراچی کنگز کی جانب سے تین میچز میں کوئی بڑی اور قابل ذکر کارکردگی سامنے نہیں آسکی، کسی بھی ایک میچ میں ٹیم کی جانب سے ایک یا دو انفرادی اچھی پرفارمنس سے اچھے اثرات مرتب ہوتے ہیں۔کراچی کنگز کے کپتان کا کہنا تھا کہ اوپنرز کے جلد آؤٹ ہونے سے ٹیم کی کارکردگی پر فرق پڑتا ہے۔ کراچی کی پچ کا کوئی اندازہ نہیں، اچھی ٹیم وہ ہوتی ہے جو اپنی غلطیوں سے سیکھتی ہے۔شان مسعود نے کہا کہ ہماری ٹیم میں سب نے کچھ نہ کچھ پرفارم کیا ہے، مجھے اچھا آغاز نہیں مل رہا ہے، اسی وجہ سے بیٹنگ میں آگے نہیں بڑھ پارہا۔

صدر مملکت عارف علوی کا کہنا تھاکہ قومی بلائینڈ کرکٹ ٹیم نے بین الاقوامی سطح پر پاکستان کا نامِ روشن کیا ہے،قومی ٹیم نے ٹورنامنٹس میں شرکت کر کے بینائی سے محروم کرکٹرز کی حوصلہ افزائی کی، بلائینڈ کرکٹ ٹیم نے دنیا کو خصوصی افراد کی شاندار صلاحیتوں سے متعارف کروایا۔حالیہ برسوں میں پاکستان میں بلائنڈ کرکٹ نے خصوصی توجہ اور پہچان حاصل کی۔عارف علوی کا کہنا تھاکہ پاکستان بلائنڈ کرکٹ بورڈ کا ملک میں کرکٹ کے مقابلوں کے فروغ اور انعقاد کے لئے سرگرم ہوناخوش آئند ہے،بلائنڈٹیم کی بھرپور حوصلہ افزائی کی ضرورت ہے، بلائنڈ کرکٹرز کی جدوجہد اور کامیابیوں کو اجاگر کرنے کے لئے کرکٹرز کی متاثر کن کارکردگی کو سراہا جانا چاہئے۔ پاکستان بلائینڈ کرکٹ ٹیم کی مینجمنٹ نے صدر مملکت کو ٹیم کی حالیہ کارکردگی کے بارے میں بریف کیا۔حوصلہ افزائی کرنے پر صدر مملکت اور خاتون اول کا شکریہ ادا کیا۔

لاہور قلندرز کے ڈائریکٹر کرکٹ عاقب جاوید کا کہنا ہے کہ حارث رﺅف لاہور کی ٹیم کا پلر ہے اور پاکستانی ٹیم کو بھی نقصان ہے لاہور کی تاریخ میں سب کچھ ممکن ہے، اگر پانچ ہار سکتے ہیں تو یہ ٹیم پانچ میچ جیت بھی سکتی ہے،پرامید ہوں کہ آئندہ میچوں میں اچھا پرفارم کریں گے۔میڈیا سے گفتگو کرتے ہوئے عاقب جاوید نے کہاکہ جب پچز بیٹنگ فرنڈلی ہوں تو ہر ٹیم کے پاس موقع ہوتا ہے، پہلے اور دوسری اننگز میں کہیں کسی ٹیم کو ایڈوانٹیج نظر نہیں آرہا۔ان کاکہناتھا کہ ،جب کوئی ایک پلیئر بھی موجود نہ ہوں تو کمبینیشن خراب ہوجاتا ہے۔لاہور قلندرز کے ڈائریکٹر عاقب جاوید نے کہاکہ لاہور کی تاریخ میں سب کچھ ممکن ہے، اگر پانچ ہار سکتے ہیں تو یہ ٹیم پانچ میچ جیت بھی سکتی ہے،ان کاکہناتھا کہ راشد خان کو کوئی پلیئر ریپلیس نہیں کرسکتا، اس جیسے پلیئر کو ہر ٹیم مس کرے۔عاقب جاوید نے کہاکہ ماضی سے بہت کچھ سیکھنے کا موقع ملتا ہے، چاہے وہ اچھا ہو یا برا ہو، پرامید ہوں کہ آئندہ میچوں میں اچھا پرفارم کریں گے۔