Category: کھیل

ایچ بی ایل پاکستان سپر لیگ 9 کے تیرہویں میچ میں پشاور زلمی نے اسلام آباد یونائیٹڈ کو جیت کے لیے 202 رن کا ہدف دے دیا۔پشاور زلمی نے پہلےکھیلتے ہوئے مقررہ 20 اوور میں 5 وکٹ کے نقصان پر 201 رن بنائے۔زلمی کے کپتان بابراعظم 111رن بناکر ناقابل شکست رہے، بابراعظم کی 63 گیندوں پر مشتمل اننگ میں 2 چھکے اور 14چوکے شامل تھے۔ان کے علاوہ صائم ایوب نے 38 اور پال والٹر نے19 رن بنائے، آصف علی 17 رن بنا کر ناٹ آؤٹ رہے۔اسلام آباد یونائیٹڈ کی جانب سے شاداب خان نے 2، آغاسلمان اور نسیم شاہ نے ایک ایک وکٹ حاصل کی۔

جواب میں اسلام آباد یونائیٹڈ کی ٹیم مقررہ 20 اوورز میں 9 وکٹوں کے نقصان پر 193 رنز بنا سکی ۔اسلام آٓباد یونائیٹڈ کی طرف سے اعظم خان نے 75 ، کولن منرو نے 71 رنز کی اننگز کھیلیں ۔پشاور زلمی کی جانب سے عارف یعقوب نے شاندار گیند بازی کرتے ہوئے 5 وکٹیں حاصل کیں۔عارف یعقوب نے ایک اوور میں 4کھلاڑیوں کو پویلین کی راہ دکھائی،صائم ایوب ، لیوک ووڈ، نوین الحق اور سلمان ارشاد کے حصے میں ایک ایک وکٹ آئی ۔

پاکستان سپر لیگ (پی ایس ایل) 9 کے 13ویں میچ میں اسلام آباد یونائیٹڈ نے پشاور زلمی کے خلاف ٹاس جیت کر پہلے فیلڈنگ کا فیصلہ کیا۔ ایونٹ میں پشاور زلمی نے اب تک 4 میچ کھیلے جس میں اسے دو میں کامیابی ملی جبکہ دو میں شکست کا منہ دیکھنا پڑا۔ پشاور زلمی نے ملتان سلطانز اور لاہور قلندرز کو زیر کیا جبکہ کوئٹہ گلیڈی ایٹرز اور کراچی کنگز سے شکست ہوئی۔اسلام آباد یونائیٹڈ کی ٹیم نے ایک میچ جیتا ہے جبکہ اسے دو میں شکست کا سامنا کرنا پڑا۔یونائیٹڈ نے لاہور قلندرز کو ہرایا جبکہ ملتان سلطانز اور کوئٹہ گلیڈی ایٹرز کے خلاف اسے شکست ہوئی۔

ملتان سلطانز نے مقررہ 20 اوورز میں 3 وکٹوں کے نقصان پر 180 رنز بنائے، اوپنر عثمان خان 14 رنز بناکر آؤٹ ہوئے جبکہ کپتان محمد رضوان نے 2 چھکوں اور 4 چوکوں کی مدد سے 52 رنز کی اننگز کھیلی۔رضا ہینڈرکس اور طیب طاہر نے تیسری وکٹ کی شراکت میں 77 رنز کی پارٹنرشپ قائم کی تاہم ہینڈرکس 72 رنز بناکر آؤٹ ہوئے جبکہ طاہر نے 35 رنز بنائے جبکہ افتخار احمد صفر پر پویلین لوٹے۔کوئٹہ گلیڈی ایٹرز کی جانب سے محمد عامر نے 2 جبکہ ابرار احمد اور عقیل حسین نے ایک ایک وکٹ حاصل کی۔دونوں ٹیموں کے درمیان میچ ملتان میں کھیلا جا رہا ہے، ٹورنامنٹ میں اب تک ملتان سلطانز نے 4 میچ کھیل کر 3 جیتے ہیں جبکہ کوئٹہ گلیڈی ایٹرز نے اپنے تینوں میچ جیتے ہیں۔ لاہور کے قذافی اسٹیڈیم میں کھیلے جارہے ایچ بی ایل پی ایس ایل کے 11 ویں میچ میں کوئٹہ گلیڈی ایٹرز نے ملتان سلطانز کے خلاف ٹاس جیت کر پہلے بولنگ کا فیصلہ کیا۔

پاکستان سپر لیگ سیزن 9 کے 11ویں میچ میں ملتان سلطانز کی کوئٹہ گلیڈی ایٹرز کیخلاف بیٹنگ جاری ہے۔ملتان کرکٹ سٹیڈیم میں کھیلے جا رہے میچ میں کوئٹہ گلیڈی ایٹرز نے ملتان سلطانز کیخلاف ٹاس جیت کر فیلڈنگ کا فیصلہ کیا۔ملتان سطانز کو محمد رضوان لیڈ کر رہے ہیں جبکہ کوئٹہ گلیڈی ایٹرز کی کمان ریلی روسو کے ہاتھوں میں ہے۔ملتان سطانز اب تک ایونٹ میں اپنے چار میچز کھیل چکی ہے جس میں تین میں فاتح رہی اور ایک میں اسے شکست کا سامنا رہا جبکہ کوئٹہ گلیڈی ایٹرز اب تک تین میچز کھیل کر ناقابل شکست رہی ہے۔

گزشتہ روز حارث رؤف کراچی کنگز کے خلاف میچ میں فیلڈنگ کے دوران کیچ پکڑتے ہوئے کندھے کی انجری کا شکار ہوئے تھے۔ٹیم کے ترجمان کا بتانا ہے کہ حارث رؤف کا کندھا ڈس لوکیٹ ہو گیا ہے، انہیں مکمل فٹ ہونے میں 4 سے 6 ہفتے لگ سکتے ہیں۔ٹیم ڈائریکٹر ثمین رانا کا کہنا ہے کہ حارث رؤف ہمارے بولنگ اٹیک کا اہم رکن تھے، ان کی کمی محسوس کی جائے گی۔ثمین رانا نے کہا ہے کہ پاکستان کا اثاثہ ہونے کہ وجہ سے کوئی خطرہ مول نہیں لینا چاہتے۔یاد رہے کہ گزشتہ روز کراچی کنگز نے دلچسپ مقابلے کے بعد میچ 2 وکٹ سے جیت لیا تھا۔لاہور قلندرز کا 176 رنز کا ہدف کراچی کنگز نے آخری گیند پر حاصل کیا تھا۔ پاکستان اور لاہور قلندرز کے پریمیئر فاسٹ باؤلر حارث رؤف گزشتہ رات کراچی کنگز کے خلاف ایک تنگ شکست کے دوران کندھے کی ہڈی میں تکلیف کے باعث پاکستان سپر لیگ کے بقیہ میچز کے لیے دستیاب نہیں ہوں گے۔وہ 20ویں اوور میں حسن علی کو آؤٹ کرنے کے لیے ایک شاندار کیچ مکمل کرتے ہوئے اپنے کندھے پر عجیب انداز میں گر گئے۔ چوٹ لگنے کے باوجود، وہ بازو باندھ کر چلا گیا اور اسکین کرایا گیا۔ رؤف نے ایک غیر معمولی کارکردگی کا مظاہرہ کرتے ہوئے گزشتہ رات انتہائی کفایت شعاری سے چار اوورز کرائے، ایک وکٹ کے ساتھ 22 رنز دیے، اور آخری اوور میں کھیل کو آگے بڑھانے میں اہم کردار ادا کیا۔
میڈیکل پینل نے مشاورت کے بعد یہ نتیجہ اخذ کیا کہ انہیں صحت یاب ہونے کے لیے چار سے چھ ہفتے درکار ہیں، جس کی وجہ سے وہ پی ایس ایل سیزن سے باہر ہونے پر مجبور ہیں۔ ٹیم ڈائریکٹر سمین رانا نے کہا، “حارث ٹیم کے باؤلنگ اٹیک کے لیے ایک اہم اثاثہ رہے ہیں، اور ان کی کمی محسوس کی جائے گی۔ یہ کوئی بڑی چوٹ یا کوئی ہڈی ٹوٹی ہوئی نہیں ہے، لیکن اسے پاکستان کے لیے ایک قیمتی اثاثہ سمجھتے ہوئے، ہم اس کے قومی امکانات کو خطرے میں نہیں ڈالنا چاہتے تھے۔ لاہور قلندرز پی ایس ایل کے بقیہ میچوں میں مضبوط پرفارمنس دینے پر پرعزم اور مرکوز ہیں۔

لاہور قلندرز کے کپتان شاہین آفریدی نے اظہار خیال کرتے ہوئے کہا کہ بحیثیت ٹیم ہم حارث رؤف کی انجری پر بہت افسردہ ہیں۔ اسے گم ہوتے دیکھنا تکلیف دہ تھا کیونکہ وہ ہمارے لیے طاقت کا ستون ہے، اور اس کی کمی محسوس کی جائے گی۔ مشکلات کا سامنا کرتے ہوئے، ہم متحد ہیں، اور مجھے پورا یقین ہے کہ ٹیم اس موقع پر اٹھے گی۔”یہ واقعی فرنچائز کے لیے ایک دھچکا ہے، لیکن وہ پاکستان کے اہم باؤلر بھی ہیں، اور بہت ساری کرکٹ کے ساتھ، ایک عملی نقطہ نظر یہ تھا کہ اسے صحت یاب ہونے کے لیے زیادہ سے زیادہ وقت دیا جائے۔ اس کی جلد صحت یابی کی خواہش کرتے ہوئے، اور ہم پہلے سے زیادہ مضبوط میدان میں ان کی واپسی کا بے صبری سے انتظار کر رہے ہیں۔ اس مشکل وقت میں ہمارے خیالات اور حمایت اس کے ساتھ ہیں۔

آئی سی سی کے مطابق سری لنکن کپتان ہسارنگا آئی سی سی کوڈ آف کنڈکٹ کی شق 2.13 کی خلاف ورزی کے مرتکب قرار پائے ہیں۔ جس کے باعث اس پر 2 انٹرنیشنل میچوں کی پابندی اور میچ فیس کا 50 فیصد جرمانہ عائد کیا گیا۔سری لنکا اور افغانستان کے درمیان ٹی ٹوئنٹی سیریز کے دوران آئی سی سی کے کوڈ آف کنڈکٹ کی خلاف ورزی پر سری لنکن کپتان وانندو ہسارانگا اور افغانستان کے کھلاڑی رحمان اللہ گرباز پر جرمانہ اور پابندی کر دی گئی۔افغانستان کیخلاف ٹی ٹوئنٹی میچ کے بعد وانندو ہسارنگا نے امپائر کے فیصلے پر تنقید کی تھی۔علاوہ ازیں انٹرنیشنل کرکٹ کونسل نے افغان کھلاڑی رحمان اللہ گرباز کو بھی آ ئی سی سی کوڈ آف کنڈکٹ کے لیول ون کی خلاف ورزی کا مرتکب قرار پانے پر میچ فیس کا 15 فیصد جرمانہ کر دیا ہے۔آئی سی سی کے مطابق سری لنکا کے خلاف ٹی ٹوئنٹی میچ میں رحمان اللہ گرباز کو امپائر کا فیصلہ نہ ماننے پر جرمانہ کیا گیا ہے۔